Tag: ଶ୍ରୀମନ୍ଦିର

ପୁରୀ, ବହୁ ପ୍ରତୀକ୍ଷାର ଶେଷରେ ଅନ୍ତ ଘଟୁଛି। ଆଜିଠାରୁ ଅର୍ଥାତ ସୋମବାର ସକାଳ ସାତଟାରୁ ରାଜ୍ୟର ସବୁ ଜଗନ୍ନାଥ ପ୍ରେମୀଙ୍କ ପାଇଁ ଖୋଲୁଛି ସିଂହଦ୍ବାର। ଭକ୍ତମାନେ କୋଭିଡ କଟକଣା ଭିତରେ ଶ୍ରୀଜଗନ୍ନାଥ ଦର୍ଶନ କରିବା ପାଇଁ ଅନୁମତି ଦିଆଯାଇଛି। ଏହି ଦର୍ଶନ ସକାଳା ସାତଟାରୁ ଆରମ୍ଭ ହୋଇ ସଂଧ୍ୟା ସାତଟା ପର୍ଯ୍ୟନ୍ତ ଚାଲିବ।

ଭକ୍ତଙ୍କ ସୁରକ୍ଷା ଦୃଷ୍ଟିରୁ ମନ୍ଦିର ପ୍ରଶାସନ ତରଫରୁ ନିଆଯାଇଛି ବ୍ୟାପକ ପଦକ୍ଷେପ। ମନ୍ଦିର ଚାରିପଟେ ଏବଂ ଭିତରେ ସାନିଟାଇଜ କରାଯାଇଛି। ଶନିବାର ରବିବାର ଦୁଇଦିନ ମନ୍ଦିର ବନ୍ଦ ଥିବାରୁ ସେଦିନ ଏହି ସାନିଟାଇଜ କାମ କରାଯାଇଛି। ସେହିପରି ଧାଡିରେ ଭକ୍ତମାନେ ଯିବା ପାଇଁ ବ୍ୟାରିକେ଼ଡ ବ୍ୟବସ୍ଥା କରାଯାଇଛି।

ଭକ୍ତମାନେ ମାସ୍କ ପିନ୍ଧିବା ବାଧ୍ୟତା ମୂଳକ କରାଯାଇଛି। ସେହିପରି ମନ୍ଦିର ନିକଟରେ ଏକ ହାଣ୍ଡ ସାନିଟାଇଜର ମେସିନ ରଖାଯାଇଛି। ଦୁଇପଟେ ଭକ୍ତମାନେ ଯିବା ବେଳେ ହାତକୁ ସାନିଟାଇଜ କରିବା ପାଇଁ ବ୍ୟବସ୍ଥା କରାଯାଇଛି।

ପୁରୀ, ଶେଷରେ ବହୁ ପ୍ରତୀକ୍ଷା ପରେ ଜଗାର ସିଂହଦ୍ବାର ସାଧାରଣ ଭକ୍ତଙ୍କ ପାଇଁ ଖୋଲିବ। ଆସନ୍ତା 16 ତାରିଖ ପରଠାରୁ ଏହି ଦର୍ଶନ ଆରମ୍ଭ ହେବ। ତେବେ ପ୍ରଥମ ପାଞ୍ଚଦିନ ପୁରୀ ସହରବାସୀଙ୍କ ଦର୍ଶନ ପାଇଁ ବ୍ୟବସ୍ଥା କରାଯାଇଛି। ସେଥିପାଇଁ ପ୍ରଶାସନ ତରଫରୁ ୱର୍ଡୱାରୀ ଦର୍ଶନ ବ୍ୟବସ୍ଥା କରାଯାଇଛି। ପ୍ରତ୍ୟେକ ଦିନ 6ଟି ଲେଖାଏଁ ୱାର୍ଡର ଲୋକଙ୍କୁ ଦର୍ଶନ କରିବାର ଅନୁମତି ଦିଆଯାଇଛି। ତେବେ କରୋନା କଟକଣା ପାଇଁ ଏହି ଦର୍ଶନ ବେଳେ କେତେକ ନିୟମ ଲାଗୁ କରାଯାଇଛି।

ପୁରୀବାସୀ ଅଗଷ୍ଟ 16 ତାରିଖରୁ 20 ତାରିଖ ପର୍ଯ୍ୟନ୍ତ ଦର୍ଶନ କରିବେ। ତେବେ ସେମାନଙ୍କୁ କୌଣସି କରୋନା ସାର୍ଟିଫିକେଟ ଦେଖାଇବାର ଆବଶ୍ୟକତା ନାହିଁ। ବର୍ତ୍ତମାନ ସୁଦ୍ଧା ପୁରା ପୁରୀ ସହରରେ ଟିକାକରଣ ହୋଇ ନ ଥିଲେ ମଧ୍ୟ ଜଗା ଦର୍ଶନ ପାଇଁ କୌଣସି ପ୍ରମାଣ ପତ୍ରର ଆବଶ୍ୟକତା ନାହିଁ। ତେବେ ପୁରୀ ବାସିନ୍ଦା ଭାବେ ଆଧାରକାର୍ଡ କିମ୍ବା ଅନ୍ୟ ପ୍ରମାଣ ପତ୍ର ଦେଖାଇବା ବାଧ୍ୟତାମୂଳକ କରାଯାଇଛି। ପୁରୀବାସୀ କିପରି ଭଲରେ ଜଗା ଦର୍ଶନ କରିବେ ସେ ନେଇ ପ୍ରଶାସନ ତରଫରୁ ବ୍ୟବସ୍ଥା କରାଯାଇଛି।

ଏହାପରେ 23 ତାରିଖରୁ ସର୍ବସାଧାରଣ ଦର୍ଶନ ଆରମ୍ଭ ହେବ। 20 ତାରିଖରେ ପୁରୀବାସୀଙ୍କ ଦର୍ଶନ ସରିବା ପରେ 21 ଓ 22 ତାରିଖ ଦୁଇଦିନ ସପ୍ତାହନ୍ତ ଲକଡାଉନ ଲାଗୁ ରହିଛି। ଫଳରେ ସେହି ଦୁଇଦିନ ଦର୍ଶନ ବନ୍ଦ କରାଯାଇଛି। ସେଥିପାଇଁ 23 ତାରିଖରୁ ଏହି ଦର୍ଶନ ଆରମ୍ଭ ହେବ। ସପ୍ତାହର 5ଦିନ ସକାଳ 7ଟାରୁ ସଂଧ୍ୟା 5ଟା ପର୍ଯ୍ୟନ୍ତ ଦର୍ଶନ ସୁବିଧା ମିଳିପାରିବ। ତେବେ ଏହି ସମୟରେ ନେଗେଟିଭ ସାର୍ଟିଫିକେଟ କିମ୍ବା ଦୁଇ ଡୋଜ ଟିକା ନେବାର ପ୍ରମାଣ ପତ୍ର ଭକ୍ତଙ୍କୁ ଦେବାକୁ ପଡିବ।

ପୂର୍ବପରି ଭକ୍ତମାନେ ମାସ୍କ, ସାନିଟାଇଜର ପ୍ରଭୃତି ବ୍ୟବହାର କରିବା ପାଇଁ ବାଧ୍ୟତାମୂଳକ କରାଯାଇଛି। ପ୍ରତ୍ୟେକ ଦ୍ବାରରେ ସାନିଟାଇଜର ରଖାଯିବ ବୋଲି ନିଷ୍ପତି କରାଯାଇଛି। ସେହିପରି ମନ୍ଦିର ଭିତରେ ଦୀପ ଲଗାଇବା ପାଇଁ ମନା କରାଯାଇଛି। ଭକ୍ତମାନେ ଆନନ୍ଦ ବଜାରରୁ ଅଭଡା କିଣିପାରିବେ ହେଲେ ସେଠାରେ ସେବନ କରିପାରିବେ ନାହିଁ। ଦର୍ଶନ ପାଇଁ ବରିଷ୍ଠ ନାଗରିକ ଏବଂ ଦିବ୍ୟାଙ୍ଗମାନଙ୍କ ନିମନ୍ତେ ସ୍ବତନ୍ତ୍ର ଧାଡି କରାଯିବ।

ତେବେ ଶ୍ରୀମନ୍ଦିର ପ୍ରତ୍ୟେକ ଶନିବାର ଓ ରବିବାର ସହିତ ବିଭିନ୍ନ ପର୍ବପର୍ବାଣୀରେ ବନ୍ଦ ରହିବ ବୋଲି ଘୋଷଣା କରାଯାଇଛି। କାରଣ ଏହିଦିନ ବହୁ ସଂଖ୍ୟାରେ ଭକ୍ତଙ୍କ ସମାଗମର ଆଶଙ୍କା ରହିଥିବାରୁ ପ୍ରଶାସନ ଏହି ନିଷ୍ପତି ଗ୍ରହଣ କରିଛି।

ପୁରୀ, ଆସନ୍ତା ରଥଯାତ୍ରା ବେଳେ ଶ୍ରୀମନ୍ଦିର ଗର୍ଭଗୃହ ଯାଞ୍ଚ ତଥା ମରାମତି ନେଇ ଆଜି ଶ୍ରୀମନ୍ଦିର ମୁଖ୍ୟ ପ୍ରଶାସକ କିଷନ କୁମାରଙ୍କ ଅଧ୍ୟକ୍ଷତାରେ ବୈଠକ ଅନୁଷ୍ଠିତ ହୋଇଯାଇଛି। ଏହି ବୈଠକରେ ଶ୍ରୀମନ୍ଦିର ଅଧିକାରୀ, ଭାରତୀୟ ପ୍ରତ୍ନତତ୍ବ ସର୍ବେକ୍ଷଣ ସଂସ୍ଥା ଏବଂ ପୂର୍ତ୍ତ ବିଭାଗର ଅଧିକାରୀମାନେ ଅନଲାଇନରେ ଯୋଗ ଦେଇଥିଲେ।

ସାଧାରଣତଃ ରଥଯାତ୍ରା ସମୟରେ ଶ୍ରୀଜୀୟୁ ରତ୍ନ ସିଂହାସନ ପରିତ୍ୟାଗ କରି ଗୁଣ୍ଡିଚା ମନ୍ଦିରକୁ ଆସିଥାନ୍ତି। ଏହି ସମୟରେ ମନ୍ଦିର ଖାଲି ରହୁଥିବାରୁ ପ୍ରତିବର୍ଷ ଏହାର ଗର୍ଭଗୃହ ଯାଞ୍ଚ ସହିତ ମରାମତି କରାଯାଇଥାଏ। ସେଥିପାଇଁ ଆସନ୍ତା ଜୁଲାଇରେ ରଥଯାତ୍ରା ପଡୁଥିବାରୁ ଏହି କାର୍ଯ୍ୟ କିପରି ହେବ ସେ ନେଇ ଆଲୋଚନା କରାଯାଇଥିଲା।

ତେବେ ଚଳିତ ବର୍ଷ ଗର୍ଭଗୃହ ସହିତ ମନ୍ଦିରର ପାର୍ଶ୍ବ ଦେବାଦେବୀଙ୍କ ମନ୍ଦିର ମଧ୍ୟ ଯାଞ୍ଚ କରାଯିବ ବୋଲି ନିଷ୍ପତି କରାଯାଇଛି। କାରଣ ଶ୍ରୀମନ୍ଦିରରେ ଠାକୁର ଥିବା ବେଳେ ଭକ୍ତଙ୍କ ଗହଳି ମଧ୍ୟରେ ପାର୍ଶ୍ବ ଦେବାଦେବୀ ମନ୍ଦିର ମଧ୍ୟ ଯାଞ୍ଚ କରିବା ସମ୍ଭବ ହୋଇ ନ ଥାଏ। ସେଥିପାଇଁ ଚଳିତ ବର୍ଷ ସେସବୁ ଉପରେ ଦୃଷ୍ଟି ଦେବାକୁ ନିଷ୍ପତି ହୋଇଛି।

ଏହି ପାର୍ଶ୍ବ ମନ୍ଦିର ଏବଂ ମନ୍ଦିରର ଅନ୍ୟ ଭାଗର ସଂରକ୍ଷଣ ନିମନ୍ତେ ଏକ ପାଞ୍ଚ ବର୍ଷିୟା ବିସ୍ତୁତ ରିପୋର୍ଟ ପ୍ରସ୍ତୁତ କରିବା ପାଇଁ ମଧ୍ୟ ନିଷ୍ପତି କରାଯାଇଛି। ଫଳରେ କେଉଁ ମନ୍ଦିର ଠାକୁର ଏବଂ ଭକ୍ତ ଥିଲେ ମଧ୍ୟ କାର୍ଯ୍ୟ କରି ହେବ ସେ ନେଇ ଯୋଜନା ପ୍ରସ୍ତୁତ କରାଯିବ।

ପୂର୍ବରୁ ତିନି ଠାକୁର ରଥକୁ ଆସିବା ପରେ କେବଳ ଗର୍ଭ ଗୃହ ଯାଞ୍ଚ ସହିତ ମରାମତି କରାଯାଉଥିଲା। ଠାକୁର ରତ୍ନ ସିଂହାସନକୁ ଆସିବା ପର୍ଯ୍ୟନ୍ତ ଏହି କାମ ଚାଲୁଥିଲା। ହେଲେ ଚଳିତ ବର୍ଷ ପ୍ରଥମ ଥର ପାଇଁ ପାଶ୍ବ ଦେବାଦେବୀ ତଥା ମନ୍ଦିରର ଅନ୍ୟଭାଗର ସଂରକ୍ଷଣ ପାଇଁ ମଧ୍ୟ ନିଷ୍ପତି କରାଯାଇଛି।