Categories
ଆଜିର ଖବର ରାଜ୍ୟ ଖବର ସ୍ବାସ୍ଥ୍ୟ

ବୟୋଜ୍ୟେଷ୍ଠ ରୋଗୀଙ୍କୁ ସୁସ୍ଥ କଲେ ସମ୍ମମ୍‌ର ଡାକ୍ତର

ଭୁବନେଶ୍ୱର: ଗୁରୁତର ଭାବେ ନିମୋନିଆ ରୋଗରେ ପୀଡ଼ିତ ଥିବା ଜଣେ ୭୯ ବର୍ଷୀୟ ବ୍ୟକ୍ତିଙ୍କୁ ଦୀର୍ଘ ୫୭ ଦିନ ଧରି ଚିକିତ୍ସା କରିବା ପରେ ତାଙ୍କୁ ସୁସ୍ଥ କରାଇବାରେ ସଫଳ ହୋଇଛନ୍ତି ସମ୍ ଅଲ୍ଟିମେଟ ମେଡିକେୟାରର ଡାକ୍ତର।

ନିକୁଞ୍ଜ କିଶୋର ଦାସ ନାମକ ଏହି ବ୍ୟକ୍ତି ଜଣକ ଗତ ସେପ୍ଟେମ୍ବର ୨୩ ତାରିଖ ଦିନ ଜ୍ୱର ଓ ନିଃଶ୍ୱାସ ନେବାରେ କଷ୍ଟ ଅନୁଭବ କରିବାରୁ ହସ୍ପିଟାଲ୍‌ରେ ଭର୍ତି ହୋଇଥିଲେ। ତାଙ୍କର ନିମୋନିଆର ସମସ୍ୟା ମଧ୍ୟ ରହିଥିଲା।

ହସ୍ପିଟାଲ୍‌ରେ ଭର୍ତ୍ତି ହେବା ପରେ ତାଙ୍କୁ ତୁରନ୍ତ ଆଇସିୟୁରେ ଭର୍ତ୍ତି କରାଯିବା ସହ ନନ୍ ଇନ୍‌ଭେସିଭ୍ ଭେଂଟିଲେସନ୍‌ରେ ରଖାଯାଇଥିଲା। ତାଙ୍କର ମଧୁମେହ, ରକ୍ତଚାପ, ହାଇପର ଥାଇରଏଡ, ଗୁରୁତର ବୃକକ୍ ସମସ୍ୟା ଏବଂ ହୃଦରୋଗ ଭଳି ଜଟିଳତା ସହ ତାଙ୍କର ପୂର୍ବରୁ ଆନ୍‌ଜିଓପ୍ଲାଷ୍ଟି ମଧ୍ୟ ହୋଇଥିବାର ଜଣାପଡ଼ିଥିଲା। ତେଣୁ ତାଙ୍କର ଚିକିତ୍ସା କରିବା ଡାକ୍ତରମାନଙ୍କ ନିମନ୍ତେ କଷ୍ଟକର ହୋଇପଡ଼ିଥିଲା।

କାର୍ଡିଓଲୋଜି, ନେଫ୍ରୋଲୋଜି, ପଲ୍‌ମୁନୋଲୋଜି ବିଭାଗ ବିଶେଷଜ୍ଞ, ପ୍ଲାଷ୍ଟିକ୍ ସର୍ଜନ୍ ଏବଂ ଇନ୍‌ଟେନ୍‌ସିଭିଷ୍ଟସ ମାନଙ୍କୁ ନେଇ ଏକ ଟିମ୍ ଗଠନ କରାଯାଇ ଏହି ରୋଗୀଙ୍କର ଚିକିତ୍ସା ଆରମ୍ଭ କରାଯାଇଥିଲ।

ଆଂଟିବାୟୋଟିକ୍ସ ପ୍ରଦାନ ଏବଂ ଅନ୍ୟାନ୍ୟ ଚିକିତ୍ସା ଦ୍ୱାରା ଧୀରେ ଧୀରେ ରୋଗୀ ଜଣଙ୍କର ସ୍ୱାସ୍ଥ୍ୟାବସ୍ଥାରେ ସୁଧାର ଆସିଥିଲା ଏବଂ ୨ ସପ୍ତାହ ମଧ୍ୟରେ ସେ ଆଇସିୟୁରୁ କ୍ୟାବିନ୍‌କୁ ସ୍ଥାନାନ୍ତର ହୋଇଥିଲେ ବୋଲି ହସ୍ପିଟାଲ୍‌ର କ୍ରିଟିକାଲ୍ କେୟାର ବିଭାଗର ସିନିୟର କନ୍‌ସଲ୍‌ଟାଂଟ ଡାକ୍ତର ଆନନ୍ଦ ମିଶ୍ର କହିଛନ୍ତି।

ତେବେ କ୍ୟାବିନ୍‌ରେ ଦୁଇ ଦିନ ରହିବା ପରେ ତାଙ୍କର ହୃଦ୍‌ସ୍ପନ୍ଦନରେ ଅନିୟମିତତା ଦେଖାଦେଇଥିଲା, ପରିସ୍ରାରେ ରକ୍ତ ପଡ଼ିଲା ଏବଂ ନିଃଶ୍ୱାସ ନେବାରେ କଷ୍ଟ ଅନୁଭୂତ ହେଲା ଯାହା ଫଳରେ ତାଙ୍କୁ ତୁରନ୍ତ ଆଇସିୟୁକୁ ସ୍ଥାନାନ୍ତର କରାଯାଇ ଭେଂଟିଲେଟରରେ ରଖାଗଲା। କିଡ୍‌ନୀ ଜନିତ ସମସ୍ୟା ଏବଂ ହେମୋଗ୍ଲୋବିନ୍‌ର ମାତ୍ରା ଶରୀରରେ କମ୍ ରହିଥିବା ଯୋଗୁଁ ତାଙ୍କର ଡାଏଲିସିସ୍ ଆରମ୍ଭ କରାଗଲା।

ଭେଂଟିଲେଟରରେ ରହିବା ଦ୍ୱାରା ତାଙ୍କୁ ମାତ୍ରାଧିକ ନିମୋନିଆ ଏବଂ ଆକ୍ୟୁଟ୍ ରେସ୍‌ପିରେଟୋରୀ ଡିଷ୍ଟ୍ରେସ୍ ସିଣ୍ଡ୍ରୋମ୍ ଭଳି ସମସ୍ୟା ସୃଷ୍ଟି ହେଲା। ତାଙ୍କ ଶରୀରରେ ଟ୍ରାକିଓଷ୍ଟୋମି ମଧ୍ୟ କରାଗଲା ବୋଲି ଡାକ୍ତର ମିଶ୍ର କହିଛନ୍ତି।

ଏଥି ସହିତ ରୋଗୀଙ୍କର ବେକ ପାଖରେ ଥିବା ଧମନୀରେ ଏକ ରକ୍ତ କ୍ଲଟ ମଧ୍ୟ ଦେଖାଦେବାରୁ ହୃଦ୍‌ସ୍ପନ୍ଦନକୁ ନିୟନ୍ତ୍ରଣ କରିବା ନିମନ୍ତେ ଉପଯୁକ୍ତ ଔଷଧ ପ୍ରଦାନ କରାଗଲା।
ଚିକିତ୍ସା ସମୟରେ ଅଚାନକ ଅନେକ ଗୁଡ଼ିଏ ସ୍ୱାସ୍ଥ୍ୟ ଜନିତ ସମସ୍ୟା ହଠାତ୍ ସୃଷ୍ଟି ହେବା ଯୋଗୁଁ ଡାକ୍ତରମାନଙ୍କୁ ଅଧିକ ସମସ୍ୟା ହେଲା ବୋଲି କହିବା ସହ ହୃଦ୍ ସମସ୍ୟା ଏବଂ କିଡ୍‌ନୀ ଜନିତ ଅନ୍ୟାନ୍ୟ ସମସ୍ୟା ଥିବା ଯୋଗୁଁ ରୋଗୀ ଜଣଙ୍କୁ ଭେଂଟିଲେଟରରୁ କାଢ଼ିବା ଖୁବ୍ କଷ୍ଟକର ଥିଲା। ତେବେ ଧୀରେ ଧୀରେ କିଛି ଦିନ ମଧ୍ୟରେ ତାଙ୍କୁ ଭେଂଟିଲେଟରରୁ କଢ଼ାଗଲା ଏବଂ ଟ୍ରାକିଓଷ୍ଟୋମି ବନ୍ଦ କରାଗଲା।

କିଛି ଦିନ ମଧ୍ୟରେ ରୋଗୀ ଜଣକୁ ଏକ ଲିଟର ଅକ୍ସିଜେନ୍ ସାହାଯ୍ୟରେ କ୍ୟାବିନ୍‌କୁ ସ୍ଥାନାନ୍ତର କରାଗଲା। ନିୟମିତ ଫିଜିଓଥେରାପି ଏବଂ ଉପଯୁକ୍ତ ଖାଦ୍ୟ ଦ୍ୱାରା ସେ ଧୀରେ ଧୀରେ ସୁସ୍ଥ ହେବାରେ ଲାଗିଲେ।

ରୋଗୀ ଜଣକ ପ୍ରାୟ ୫୭ ଦିନ ହସ୍ପିଟାଲ୍‌ରେ ରହିବା ପରେ ଶେଷରେ ଡିସ୍‌ଚାର୍ଜ ହୋଇଥିଲେ।

ଆଇସିୟୁ ଟିମ୍‌ର ୨୪ ଘଂଟିଆ ଚିକିତ୍ସା ଓ ସେବା ଶୁଶ୍ରୁଷା, ବିଭିନ୍ନ ଡାକ୍ତରୀ ଟିମ୍‌ର ଚିକିତ୍ସା ସହିତ ପରବାରବର୍ଗଙ୍କୁ ରୋଗୀ ସୁସ୍ଥ ହେବା ନେଇ ଉପଯୁକ୍ତ ଭାବେ ଅବଗତ କରିବା ଦ୍ୱାରା ଏହି ସଫଳତା ମିଳି ପାରିଲା ବୋଲି ଡାକ୍ତର ମିଶ୍ର କହିଛନ୍ତି।

Categories
ଆଜିର ଖବର ରାଜ୍ୟ ଖବର ସ୍ବାସ୍ଥ୍ୟ

ସମ୍ମମ୍‌ରେ ଓଡ଼ିଶାର ପ୍ରଥମ ଅର୍ନ୍ତରୋଗୀ ପୁର୍ନବାସ ୟୁନିଟ୍ ଉଦ୍‌ଘାଟିତ

ଭୁବନେଶ୍ୱର: ଗୁରୁବାର ବିଶ୍ୱ ଫିଜିଓଥେରାପି ଦିବସ ଅବସରରେ ସମ୍ ଅଲ୍ଟିମେଟ ମେଡିକେୟାରରେ ଓଡ଼ିଶାର ପ୍ରଥମ ଅର୍ନ୍ତରୋଗୀ ପୁର୍ନବାସ ୟୁନିଟ୍ ଉଦ୍‌ଘାଟିତ ହୋଇଯାଇଛି।
ଏହି ଅତ୍ୟାଧୁନିକ ଅର୍ନ୍ତରୋଗୀ ପୁର୍ନବାସ ୟୁନିଟ୍‌ରେ ନ୍ୟୁରୋଲଜିକାଲ୍ ଏବଂ ଅର୍ଥୋପେଡିକ୍ ବିଭାଗର ରୋଗୀମାନଙ୍କ ସମେତ ଅସ୍ତ୍ରୋପଚାରର ପରବର୍ତୀ ଉତମମାନର ଚିକିତ୍ସା ଓ ଯତ୍ନ ପ୍ରଦାନ କରାଯିବାର ବ୍ୟବସ୍ଥା ରହିଛି।

ଏହି ୟୁନିଟ୍‌କୁ ସମ୍ମମ୍‌ର ଚିଫ୍ ଏଗ୍‌ଜିକ୍ୟୁଟିଭ୍ ଅଫିସର ଡକ୍ଟର ଶ୍ୱେତପଦ୍ମା ଦାଶ ଉଦ୍‌ଘାଟିତ କରିଥିଲେ। ଏହି ଅବସରରେ ଅନ୍ୟମାନଙ୍କ ମଧ୍ୟରେ ହସ୍ପିଟାଲ୍‌ର ଚିଫ୍ ଅଫ୍ ମେଡିକାଲ୍ ସର୍ଭିସେସ୍ ବ୍ରିଗେଡିୟର (ଡାକ୍ତର) ବିରାଜ ମୋହନ ମିଶ୍ର, ଫିଜିଓଥେରାପି ବିଭାଗର ମୁଖ୍ୟ ଡାକ୍ତର ପି. ବାଲାକିଶୋର ଓ ତାଙ୍କ ଟିମ୍ ଏବଂ ଅନ୍ୟାନ୍ୟ ବିଭାଗର ମୁଖ୍ୟ ଓ ଅନ୍ୟ କର୍ମଚାରୀମାନେ ଉପସ୍ଥିତ ଥିଲେ।

ଗୁରୁତର ଶାରୀରିକ କ୍ଷତ, ଅସୁସ୍ଥତା ଥିବା ରୋଗୀଙ୍କୁ ଏହି ୟୁନିଟ୍‌ରେ ଚିକିତ୍ସା ପ୍ରଦାନ କରାଯିବା ସହ ଯେଉଁମାନଙ୍କୁ ଫିଜିଓଥେରାପି ଏବଂଶାରୀରିକ ସୁସ୍ଥତାର ଆବଶ୍ୟକତା ଥିବ ସେମାନଙ୍କୁ ମଧ୍ୟ ଏହି ୟୁନିଟରେ ଚିକିତ୍ସା ପ୍ରଦାନ କରାଯିବ।

Categories
ଅନ୍ତରାଷ୍ଟ୍ରୀୟ ଆଜିର ଖବର ରାଜ୍ୟ ଖବର ସ୍ବାସ୍ଥ୍ୟ

ସମ୍ ଅଲ୍ଟିମେଟ ମେଡିକେୟାରରେ ପୁଣି ଜଣେ ଇରାକୀ ନାଗରିକଙ୍କ ସଫଳ ଅସ୍ତ୍ରୋପଚାର

ଭୁବନେଶ୍ୱର: ଚିକିତ୍ସା ପର୍ଯ୍ୟଟନକୁ ନେଇ ଓଡ଼ିଶାରେ ନୂତନ ଦିଗ ଉନ୍ମୁକ୍ତ କରିବା ଧାରାରେ ସମ୍ ଅଲ୍ଟିମେଟ ମେଡିକେୟାରରେ ପୁଣି ଜଣେ ୬୫ ବର୍ଷ ବୟସ୍କ ଇରାକୀ ନାଗରିକଙ୍କ ସଫଳ ଚିକିତ୍ସା ସମ୍ପନ୍ନ ହୋଇଛି। ସଂପୃକ୍ତ ରୋଗୀ ଜଣକ ସେଂଟ୍ରାଲ୍ ସ୍କଲ ବେସ୍ ଓଷ୍ଟିଓମାଇଲିଟିଜ୍ ସମସ୍ୟାରେ ପୀଡ଼ିତ ଥିବା ବେଳେ ସମ୍ମମ୍‌ରେ ତାଙ୍କର ସଫଳ ଅସ୍ତ୍ରେପଚାର କରାଯାଇଛି।

ଇରାକୀ ନାଗରିକ ଅବ୍‌ଦୁଲ୍ ଖାଲେକ ଆବେଦ ଇମ୍ରାନ୍ ଅଲ୍ କନନ୍ ଏହି ଜଟିଳ ରୋଗରେ ପୀଡ଼ିତ ହେବା ପରେ ତାଙ୍କ ପରିବାରବର୍ଗ ବିବ୍ରତ ହୋଇପଡ଼ିଥିଲେ। କାରଣ ଇରାକରେ ଏହି ବ୍ୟାଧିର ଚିକିତ୍ସା ନିମନ୍ତେ କୌଣସି ସୁବିଧା ଉପଲବ୍ଧ ନ ଥିଲା। ଚିକିତ୍ସାରେ ବିଳମ୍ବ ହେବାରୁ ଧୀରେ ଧୀରେ ତାଙ୍କ ମୁହଁ ବଙ୍କା ହେବା ଆରମ୍ଭ କରିଥିଲା ଓ ମୁଣ୍ଡ ରେ ଯନ୍ତ୍ରଣା ମଧ୍ୟ ବୁଦ୍ଧି ହେବାରେ ଲାଗିଥିଲା। ତାଙ୍କର ଏଭଳି ଅବସ୍ଥା ଦେଖି ପରିବାରବର୍ଗ ଭୟଭୀତ ହୋଇଥିଲେ। ଏକ ପ୍ରତିଷ୍ଠିତ ହସ୍ପିଟାଲ୍‌ରେ ଅତ୍ୟାଧୁନିକ ସ୍କଲବେସ୍ ସର୍ଜରୀର ଆବଶ୍ୟକତା ଥିବାରୁ ଇମ୍ରାନଙ୍କୁ ଭାରତ ଆଣି ଚିକିତ୍ସା କରାଇବା ନିମନ୍ତେ ତାଙ୍କ ପୁଅ ସାଫା ଅବ୍‌ଦୁଲ୍ ଖାଲେକ ଆବେଦ୍ ନିଷ୍ପତି ନେଇଥିଲେ।

ଭାରତରେ ଏହି ବ୍ୟାଧିର ଚିକିତ୍ସା ନିମନ୍ତେ ଅନେକ ହସ୍ପିଟାଲ୍‌ରେ ସନ୍ଧାନ କରିବା ପରେ ଓଡ଼ିଶାର ରାଜଧାନୀ ଭୁବନେଶ୍ୱରରେ ଥିବା ପ୍ରତିଷ୍ଠିତ ହସ୍ପିଟାଲ୍ ସମ୍ ଅଲ୍ଟିମେଟ ମେଡିକେୟାରରେ ଚିକିତ୍ସା କରାଇବା ପାଇଁ ନିଷ୍ପତି ନେଇଥିଲେ ତାଙ୍କ ପୁଅ ସାଫା। ଗତ କିଛି ବର୍ଷ ହେବ ସମ୍ମମ୍ ର ଅତ୍ୟାଧୁନିକ ସ୍ୱାସ୍ଥ୍ୟସେବା, ଭିର୍ତିଭୂମି, ଗୁଣାତ୍ମକ ଯତ୍ନ ଏବଂ ଉତ୍କଷ୍ଟ ଧରଣ ଚିକିତ୍ସକଙ୍କ ଚିକିତ୍ସାକୁ ନେଇ ଅନେକ ବିଦେଶୀ ରୋଗୀ ଏହି ହସ୍ପିଟାଲ୍ କୁ ଚିକିତ୍ସା ପାଇଁ ଆସୁଥିବା ବେଳେ ଚିକିତ୍ସା ପର୍ଯ୍ୟଟନ କ୍ଷେତ୍ରରେ ସବୁଠାରୁ ପସନ୍ଦ ଯୋଗ୍ୟ ସ୍ୱାସ୍ଥ୍ୟସେବା ଅନୁଷ୍ଠାନ ପାଲଟିଛି ସମ୍ମମ୍।

ଭୁବନେଶ୍ୱରରେ ପହଂଚିବା ପରେ ଏହି କ୍ଷେତ୍ରରେ ବେଶ ଖ୍ୟାତି ଅର୍ଜନ କରିଥିବା ସମ୍ମମ୍‌ର ଇଏନ୍‌ଟି ଆଣ୍ଡ ସ୍କଲ ବେସ୍ ସର୍ଜରୀ ବିଭାଗର ସିନିୟର୍ କନ୍‌ସଲ୍‌ଟାଂଟ ତଥା ମୁଖ୍ୟ ଡାକ୍ତର ରାଧାମାଧବ ସାହୁଙ୍କ ଅଧିନରେ ଚିକିତ୍ସା ପାଇଁ ଭର୍ତି ହୋଇଥିଲେ ଇମ୍ରାନ୍। କିଛି ପରୀକ୍ଷା ନିରୀକ୍ଷା ପରେ ତୁରନ୍ତ ଅପରେସନ୍ ପ୍ରସ୍ତୁତି କରିଥିଲେ ଡାକ୍ତର ସାହୁ। ଗୋଟିଏ ଥରରେ ଉଭୟ ଲାଟେରାଲ୍ ଏବଂ ଆଂଟେରିୟର୍ ସ୍କଲ ବେସ୍ ସର୍ଜରୀ କରାଯାଇଥିଲା। ସର୍ଜରୀ ପରେ ବଙ୍କା ହୋଇଯାଇଥିବା ମୁହଁର ଅବସ୍ଥା ଧୀରେ ଧୀରେ ସୁସ୍ଥ ହେବାରେ ଲାଗିଛି ବୋଲି ଡାକ୍ତର ସାହୁ କହିଛନ୍ତି। ଇମ୍ରାନ୍ ଏବେ ସୁସ୍ଥ ଅଛନ୍ତି ଏବଂ ତାଙ୍କର ପରିବାରବର୍ଗଙ୍କର ଆତ୍ମବିଶ୍ୱାସ ବୃଦ୍ଧିପାଇଛି। ପୂର୍ବରୁ ମଧ୍ୟ ଅନେକ ଇରାକୀ ନାଗରିକ ସମ୍ମମ୍ ରେ ଚିକିତ୍ସିତ ହୋଇ ସୁସ୍ଥ ହୋଇ ଘରକୁ ଫେରିଛନ୍ତି ବୋଲି ଡାକ୍ତର ସାହୁ କହିଛନ୍ତି।

ଟ୍ରାନ୍ସଲେଟର ଓମାର୍ ଖାନ୍‌ଙ୍କ ମାଧ୍ୟମରେ ଇମ୍ରାନ୍ କହିଛନ୍ତି ଯେ ତାଙ୍କର ଚିକିତ୍ସା ନିମନ୍ତେ ଭାରତର ଅନ୍ୟ ହସ୍ପିଟାଲ୍‌ଗୁଡ଼ିକରେ ଯଦିଓ ସୁବିଧା ଉପଲବ୍ଧ ଥିଲା ତେବେ କେବଳ ସମ୍ମମ୍‌ରେ ହିଁ ତାଙ୍କ ଅସ୍ତ୍ରୋପଚାର ନିମନ୍ତେ ବିଶେଷଜ୍ଞ ସର୍ଜନ ମିଳିଥିଲେ। ତେଣୁ ଚିକିତ୍ସା ପାଇବା ପାଇଁ ସେ ଏଠାକୁ ଆସିଲେ। ଏହି ବିଶ୍ୱସ୍ତରୀୟ ସୁବିଧା ଉପଲବ୍ଧ ଥିବା ଏହି ହସ୍ପିଟାଲ୍‌ରେ ଚିକିତ୍ସାର ଖର୍ଚ୍ଚ ବେଶ ସୁଲଭ ହେବା ସହ ମେଡିକାଲ୍ ଟିମ୍ ମଧ୍ୟ ବେଶ ସହଯୋଗୀ ବୋଲି ସେ କହିଛନ୍ତି।

ରୋଗ ସମ୍ପର୍କରେ ଡାକ୍ତର ସାହୁ କହିଛନ୍ତି ଯେ ସେଂଟ୍ରାଲ୍ ସ୍କଲବେସ୍ ଓଷ୍ଟିଓମାଇଲିଟିଜ୍‌୍ ଏକ ବିରଳ ବ୍ୟାଧି ଓ ଏଥିରେ ଜୀବନ ପ୍ରତି ବିପଦ ଥାଏ। କାନ ଏବଂ ନାକରେ ଏହାର ସଂକ୍ରମଣ ହୋଇଥାଏ। ଅସ୍ଥିମଜ୍ଜାରେ ବ୍ୟାକ୍ଟେରିଆ ବା ଫଙ୍ଗସ୍ ଯୋଗୁଁ ଏହି ସଂକ୍ରମଣ ହୋଇଥାଏ। କମ୍ ରୋଗ ପ୍ରତିରୋଧକ ଶକ୍ତି ଥିବା ଏବଂ ବହୁଳ ମାତ୍ରାରେ ମଧୁମେହ ରୋଗରେ ପୀଡ଼ିତ ଥିବା ବ୍ୟକ୍ତିମାନେ ଏହି ସଂକ୍ରମଣର ଶିକାର ହୋଇଥାନ୍ତି ବୋଲି ଡାକ୍ତର ସାହୁ କହିଛନ୍ତି।

ସମ୍ମମ୍‌ର ଚିଫ୍ ଏଗ୍‌ଜିକ୍ୟୁଟିଭି ଅଫିସର ଡକ୍ଟର ଶ୍ୱେତପଦ୍ମା ଦାଶ କହିଛନ୍ତି ଯେ ସମ୍ମମ୍ ହେଉଛି ପୂର୍ବ ଭାରତର ଅତ୍ୟାଧୁନିକ କ୍ୱାର୍ଟରନାରୀ କେୟାର ହସ୍ପିଟାଲ୍ ଏବଂ ସ୍ୱାସ୍ଥ୍ୟ ସେବା କ୍ଷେତ୍ରରେ ଏହା ଏକ ନୂଆ ମାଇଲ ଖୁଂଟ ସୃଷ୍ଟି କରିଥିବା ବେଳେ ଆନ୍ତର୍ଜାତିକ ରୋଗୀମାନଙ୍କର ଚିକିତ୍ସା ନିମନ୍ତେ ସମ୍ମମ୍ ସବୁଠାରୁ ନିର୍ଭରଯୋଗ୍ୟ ମେଡିକାଲ୍ ଓ ୱେଲ୍‌ନେସ୍ ହବ୍ ପାଲଟିଛି।

ବିଦେଶୀରୋଗୀ ମାନଙ୍କ ର ଉତମ ଚିକିତ୍ସା ଏବଂ ପୂର୍ବାଂଚଳରେ ଚିକିତ୍ସାପର୍ଯ୍ୟଟନ କୁ ଆଗକୁ ନେବା ନିମନ୍ତେ ଆମେ ଖୁବ୍ ଶୀଘ୍ର ଏକ ଅତ୍ୟାଧୁନିକ ଚିକିତ୍ସା ଉପଲବ୍ଧ ଥିବା ଏକ ସ୍ୱତନ୍ତ୍ର ୟୁନିଟ୍ ପ୍ରସ୍ତୁତ କରିବୁ ବୋଲି ଡକ୍ଟର ଦାଶ କହିଛନ୍ତି।

ସୁଲଭ, ଅତ୍ୟାଧୁନିକ ଗୁଣାତ୍ମକ ସ୍ୱାସ୍ଥ୍ୟସେବା ଏବଂ ଖୁବ୍‌ଶୀଘ୍ର ରୋଗୀଟିଏ ସ୍ୱାସ୍ଥୃସେବା ପାଇପାରିବା ହିଁ ସୋଆର ପ୍ରତିଷ୍ଠାତା ସଭାପତି ପ୍ରଫେସର (ଡକ୍ଟର) ମନୋଜରଂଜନ ନାୟକଙ୍କର ମୂଳ ଲକ୍ଷ୍ୟ ଓ ଉଦ୍ଦେଶ୍ୟ। ପ୍ରଫେସର ନାୟକଙ୍କର ଏହି ଉଦ୍ଦେଶ୍ୟକୁ ପାଥେୟ କରି ଆମେ କାର୍ଯ୍ୟ କରୁଛୁ ବୋଲି ଡକ୍ଟର ଦାଶ କହିଛନ୍ତି।

Categories
ଆଜିର ଖବର ରାଜ୍ୟ ଖବର ସ୍ବାସ୍ଥ୍ୟ

ମାତ୍ର ୭୫୦ ଗ୍ରାମ୍ ଓଜନର ନବଜାତ ଶିଶୁ କନ୍ୟାକୁ ନୂଆ ଜୀବନ ଦେଲେ ସମ୍ମମ୍ ଡାକ୍ତର

ଭୁବନେଶ୍ୱର: ସମ୍ ଅଲ୍ଟିମେଟ ମେଡିକେୟାରର ଶିଶୁରୋଗ ବିଶେଷଜ୍ଞ ମାତ୍ର ୭୫୦ ଗ୍ରାମ୍ ଓଜନର ନବଜାତ ଶିଶୁକନ୍ୟାର ଜୀବନ ବଂଚାଇବାରେ ସଫଳ ହୋଇଛନ୍ତି।

ମାତ୍ର ୨୬ ସପ୍ତାହ ଗର୍ଭଧାରଣ ପରେ ଜଣେ ମହିଳାଙ୍କର ସିଜରିଆନ୍ ସେକ୍ସନ୍ ଦ୍ୱାରା ଏକ ଶିଶୁ କନ୍ୟା ସମ୍ମମ୍‌ରେ ଜନ୍ମଲାଭ କରିଥିବା ବେଳେ ଜନ୍ମ ପରେ ପରେ ହିଁ ଶିଶୁଟିର ନିଃଶ୍ୱାସ ନେବାରେ ସମସ୍ୟା ସୃଷ୍ଟି ହୋଇଥିଲା ଏବଂ ତାକୁ ଏନ୍‌ଆଇଭି ସପୋର୍ଟରେ ରଖାଯାଇଥିଲା ବୋଲି ସମ୍ମମ୍‌ର ଶିଶୁରୋଗ ବିଭାଗର ମୁଖ୍ୟ ଡାକ୍ତର ପ୍ରଦୀପ କୁମାର ଦେ ସୂଚନା ଦେଇଛନ୍ତି।

ମାତ୍ର ୨୬ ସପ୍ତାହ ଗର୍ଭଧାରଣରେ ଜନ୍ମ ନେଇଥିବା ୫୦ ପ୍ରତିଶତରୁ କମ୍ ଶିଶୁଙ୍କ ଜୀବନ ବଂଚାଇବା ସମ୍ଭବ ହୋଇଥିବା ବେଳେ ହସ୍ପିଟାଲ୍‌ର ଡାକ୍ତରୀ ଟିମ୍‌ର ନିରନ୍ତର ପ୍ରଚେଷ୍ଟା ଫଳରେ ଶିଶୁଟି ସୁସ୍ଥ ହୋଇପାରିଛି ବୋଲି ସେ କହିଛନ୍ତି।

ଗଞ୍ଜାମ ଜିଲ୍ଲା ଆସ୍କା ଅଂଚଳର ଏହି ଶିଶୁ କନ୍ୟାଟିର ମା’ ପ୍ରସବ ନିମନ୍ତେ ସମ୍ମମ୍‌ରେ ଭର୍ତ୍ତି ହେବା ସମୟରେ ତାଙ୍କର ମଧୁମେହ, ଉଚ୍ଚ ରକ୍ତଚାପ ଏବଂ ଥାଇରଏଡ ଭଳି ଅନେକ ସ୍ୱାସ୍ଥ୍ୟଗତ ସମସ୍ୟା ଥିଲା ଏବଂ ପୂର୍ବରୁ ମଧ୍ୟ ତାଙ୍କର ୩ ଥର ଗର୍ଭପାତ ହୋଇଥିଲା। ତେଣୁ ଉଭୟ ମା’ ଏବଂ ଶିଶୁଙ୍କ କ୍ଷେତ୍ରରେ ଏହା ଏକ ଜଟିଳ ପରିସ୍ଥିତି ଥିଲା ବୋଲି ଡେଲିଭରି କରାଇଥିବା ହସ୍ପିଟାଲ୍‌ର ସ୍ତ୍ରୀ ଓ ପ୍ରସୂତିରୋଗ ବିଭାଗର କନ୍‌ସଲ୍‌ଟାଂଟ ଗାଏନୋକୋଲୋଜିଷ୍ଟ ଡାକ୍ତର ଚିନ୍ମୟୀ କର କହିଛନ୍ତି।

ତେବେ ଶିଶୁଟି ଜନ୍ମ ହେବା ପରେ ତା’ର ନିରନ୍ତର ଯତ୍ନ ନିଆଯାଇଥିଲା। ଦୀର୍ଘ ୩୨ ଦିନ ପର୍ଯ୍ୟନ୍ତ ତାକୁ ଏନ୍‌ଆଇଭି ସପୋର୍ଟରେ ରଖାଯାଇଥିଲା। ଇନ୍‌ଟ୍ରାଭେନସ୍ ଫ୍ଲୁଇଡ୍ ଦ୍ୱାରା ତା’ର ଶରୀରକୁ ଖାଦ୍ୟ ଏବଂ ଔଷଧ ଯୋଗାଇ ଦିଆଯାଇଥିଲା। ଜନ୍ମ ହେବାର ୧୭ ଦିନ ପରେ ଇନ୍‌ଟ୍ରାଭେନସ୍ ଫ୍ଲୁଇଡ୍ ମାଧ୍ୟମରେ ଖାଦ୍ୟ ଏବଂ ଔଷଧ ବନ୍ଦ କରାଯାଇଥିବା ବେଳେ ନାକ ବାଟେ ଟ୍ୟୁବ୍ ମାଧ୍ୟମରେ ଖାଦ୍ୟ ଦେବା ଆରମ୍ଭ କରାଯାଇଥିଲା ବୋଲି ଡାକ୍ତର ଦେ କହିଛନ୍ତି।

ଶିଶୁଟି ଧିରେ ଧିରେ ସୁସ୍ଥ ହେବା ପରେ ତାକୁ ତାର ମା’ ନିକଟକୁ ନିଆଯାଇଥିଲା ଯାହାଦ୍ୱାରା କି ମା’ର ସ୍ପର୍ଶ ପାଇ ଶିଶୁଟି ଅଧିକ ସୁସ୍ଥ ହୋଇପାରିଥିଲା ବୋଲି ଡାକ୍ତର ଦେ କହିଛନ୍ତି। ଏହି ପଦ୍ଧତିକୁ କଙ୍ଗାରୁ ମଦର କେୟାର କରାଯାଏ।

ଦୀର୍ଘ ୨ ମାସ ପରେ ଶିଶୁଟି ନିଓ-ନାଟାଲ୍ ଇନ୍‌ଟେନ୍‌ସିଭ କେୟାର ୟୁନିଟ୍ (ଏନ୍‌ଆଇସିୟୁ)ରୁ ଡିସ୍‌ଚାର୍ଜ ହୋଇଥିବା ବେଳେ ତା’ର ବାପା-ମା ହସ୍ପିଟାଲ୍‌ର କର୍ତୃପକ୍ଷ ଏବଂ ଡାକ୍ତରୀ ଟିମ୍‌କୁ କୃତଜ୍ଞତା ଜଣାଇଛନ୍ତି।

ପ୍ରାରମ୍ଭରୁ ଡାକ୍ତର ଦେ ଏବଂ ନିଓନାଟୋଲୋଜି ବିଭାଗର ଭିଜିଟିଙ୍ଗ କନ୍‌ସଲ୍‌ଟାଂଟ ଡାକ୍ତର ଦେବାଶିଷ ନନ୍ଦ ଶିଶୁଟିର ସମସ୍ତ ଚିକିତ୍ସା ଓ ଯତ୍ନ ନେଇଥିବା ବେଳେ ହସ୍ପିଟାଲ୍‌ର ଷ୍ଟାଫ୍‌, ନର୍ସ ଓ କନ୍‌ସଲ୍‌ଟାଂଟମାନେ ସମସ୍ତ ସାହାଯ୍ୟ ଓ ସହଯୋଗ କରିଥିଲେ।

Categories
ଆଜିର ଖବର ରାଜ୍ୟ ଖବର ସ୍ବାସ୍ଥ୍ୟ

କୋଭିଡ ଯୁଦ୍ଧରେ ସମ୍ମମ୍‌ର ନିରନ୍ତର ସ୍ୱାସ୍ଥ୍ୟ ସେବାକୁ ମନ୍ତ୍ରୀଙ୍କ ପ୍ରଶଂସା

ଭୁବନେଶ୍ୱର: କୋଭିଡ୍ ମହାମାରୀ ସମୟରେ ସମ୍ ଅଲ୍ଟିମେଟ ମେଡିକେୟାର ଏବଂ ସମ୍  କୋଭିଡ ହସ୍ପିଟାଲ୍‌ର ସ୍ୱାସ୍ଥ୍ୟ ସେବା ଓ ଅବଦାନ ଅତୁଳନୀୟ। ଏହି ଦୁଇ ହସ୍ପିଟାଲ୍‌ର ନିରନ୍ତର ଏବଂ ଉତ୍କୃଷ୍ଟ ସ୍ୱାସ୍ଥ୍ୟ ସେବା ଯୋଗୁଁ ଅନେକ କୋଭିଡ ସଂକ୍ରମିତ ସୁସ୍ଥ ହେବା ସହ ନୂତନ ଜୀବନ ଲାଭ କରିଛନ୍ତି ବୋଲି କହିଛନ୍ତି ଓଡ଼ିଶା ସରକାରଙ୍କ ବିଜ୍ଞାନ ଓ ପ୍ରଯୁକ୍ତି ବିଦ୍ୟା, ସାଧାରଣ ଉଦ୍ୟୋଗ, ସାମାଜିକ ସୁରକ୍ଷା ଏବଂ ଭିନ୍ନକ୍ଷମ ସଶକ୍ତିକରଣ ମନ୍ତ୍ରୀ ଅଶୋକ ଚନ୍ଦ୍ର ପଣ୍ଡା।

ନ୍ୟାସ୍‌ନାଲ୍ ଇଂଟେନ୍‌ସିଭ୍ କେୟାର ସପ୍ତାହ ପାଳନ ଅବସରରେ ସମ୍ ଅଲ୍ଟିମେଟ ମେଡିକେୟାର ପକ୍ଷରୁ ଶନିବାର ଆୟୋଜିତ ସିଏମ୍‌ଇ, କ୍ରିଟିକାଲ୍ କେୟାର ଅପ୍‌ଡେଟ୍ ଆଣ୍ଡ ୱାର୍କସପ୍‌- ଏସ୍‌ଆଇସିଏସ୍ ୨୦୨୨, କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ଯୋଗ ଦେଇ ଏହା କହିଛନ୍ତି ଶ୍ରୀ ପଣ୍ଡା। ଉଭୟ ସମ୍ମମ୍ ଓ ସମ୍ କୋଭିଡ୍ ହସ୍ପିଟାଲ ସଫଳତାର ସହ କରୋନା ମହାମାରୀ ର ମୁକାବିଲା କରି ସଂକ୍ରମିତଙ୍କ ଜୀବନ ରକ୍ଷା କରିଛନ୍ତି ବୋଲି ଶ୍ରୀ ପଣ୍ଡା କହିଛନ୍ତି।

ଏହି ଅବସରରେ ସମ୍ମମ୍‌ର କ୍ରିଟିକାଲ୍ କେୟାର ବିଭାଗର ମୁଖ୍ୟ ଡାକ୍ତର ବାନାମ୍ବର ରାୟ ସ୍ୱାଗତ ଭାଷଣ ଦେବା ଅବସରରେ ବିଜ୍ଞାନ ଓ ପ୍ରଯୁକ୍ତି କ୍ଷେତ୍ରରେ ଶ୍ରୀ ପଣ୍ଡାଙ୍କର ଅବଦାନକୁ ପ୍ରଶଂସା କରିଥିଲେ। ଏଥି ସହିତ ମାତ୍ର ଦୁଇ ବର୍ଷ ସମୟସୀମା ମଧ୍ୟରେ ସମ୍ମମ୍‌କୁ ଏକ ଉଚ୍ଚ ସ୍ତରୀୟ ହସ୍ପିଟାଲ୍‌ରେ ପରିଣତ କରିବା ଏବଂ ରେକର୍ଡ ସଂଖ୍ୟକ ଏକ ବର୍ଷ ଏବଂ ଏକ ବର୍ଷ ୮ ମାସ ସମୟ ମଧ୍ୟରେ ଏନ୍‌ଏବିଏଚ୍ ଏବଂ ଏନ୍‌ଏବିଏଲ୍ ମାନ୍ୟତା ପାଇବା କ୍ଷେତ୍ରରେ ସିଇଓ ଡକ୍ଟର ଶ୍ୱେତପଦ୍ମା ଦାଶଙ୍କ ଅବଦାନକୁ ଉଚ୍ଚ ପ୍ରଶଂସା କରିଥିଲେ।

ସେହିପରି ସମ୍ମମ୍‌ ଇନ୍‌ଟେନ୍‌ସିଭ୍ କେୟାର୍ ସିମ୍‌ପୋଜିଅମ୍‌(ଏସ୍‌ଆଇସିଏସ୍‌- ୨୦୨୨) ଆୟୋଜନ କରିବା କ୍ଷେତ୍ରରେ ତାଙ୍କର ପ୍ରଚେଷ୍ଟାକୁ ନେଇ କୃତଜ୍ଞତା ଜଣାଇଥିଲେ। ନିଜ ଅଭିଭାଷଣରେ ସିଇଓ ଡକ୍ଟର ଦାଶ ମହାମାରୀ ସମୟରେ କ୍ରିଟିକାଲ୍ କେୟାର ଟିମ୍‌ର ନିରନ୍ତର ସ୍ୱାସ୍ଥ୍ୟ ସେବା ଓ କାର୍ଯ୍ୟକୁ ଉଚ୍ଚ ପ୍ରଶଂସା କରିବା ସହ ସମସ୍ତ ସଫଳତାର ଶ୍ରେୟ ସମ୍ମମ୍ ଟିମ୍‌କୁ ଦେଇଥିଲେ।

ଏହି କାର୍ଯ୍ୟକ୍ରମରେଆମେରିକାର ଫ୍ଲୋରିଡା ସ୍ଥିତ ମାୟୋ କ୍ଲିନିକର ସିନିଅର କନ୍‌ସଲଟାଂଟ ତଥା ଇକ୍‌ମୋ ୟୁନିଟ୍‌ର ମୁଖ୍ୟ ଡାକ୍ତର ପ୍ରମୋଦ କୁମାର ଗୁରୁ, ଦିଲ୍ଲୀ ସ୍ଥିତ ମ୍ୟାକ୍ସ ହସ୍ପିଟାଲ୍‌ର ଡାକ୍ତର ୱାଇ.ପି. ସିଂହ ଓ ରାଂଚି ସ୍ଥିତ ବେଦାନ୍ତ ହସ୍ପିଟାଲ୍‌ର ଡାକ୍ତର ତାପସ ସାହୁ ଉପସ୍ଥିତ ରହି ତଥ୍ୟ ଉପସ୍ଥାପନା କରିଥିଲେ।

ଅନ୍ୟମାନଙ୍କ ମଧ୍ୟରେ ସମ୍ମମ୍‌ର ଚିଫ୍ ଅଫ୍ ମେଡିକାଲ୍ ସର୍ଭିସେସ୍ ବ୍ରିଗେଡିୟର (ଡାକ୍ତର) ବିରାଜ ମୋହନ ମିଶ୍ର ଓ ଡେପୁଟି ମେଡିକାଲ ସୁପରିଟେଣ୍ଡେନ୍‌ଟ ଡାକ୍ତର ଆନନ୍ଦ ମିଶ୍ର ପ୍ରମୁଖ ଉପସ୍ଥିତ ଥିଲେ।

Categories
ଆଜିର ଖବର ରାଜ୍ୟ ଖବର

ନ୍ୟାସନାଲ ଇଂଟେନସିଭ କେୟାର ସପ୍ତାହ ପାଳନ ଅବସରରେ ସମ୍ମମ୍ ପକ୍ଷରୁ ମାରାଥନ୍ ଆୟୋଜିତ

ଭୁବନେଶ୍ୱର: ନ୍ୟାସ୍‌ନାଲ୍ ଇଂଟେନ୍‌ସିଭ୍ କେୟାର ସପ୍ତାହ ପାଳନ ଓ କ୍ରିଟିକାଲ୍ କେୟାର କ୍ଷେତ୍ରରେ ଅବିରତ କାର୍ଯ୍ୟ କରୁଥିବା ଡାକ୍ତରମାନଙ୍କର ସମ୍ପର୍କରେ ସଚେତନତା ସୃଷ୍ଟି କରିବା ଲକ୍ଷ୍ୟରେ ସମ୍ ଅଲ୍ଟିମେଟ ମେଡିକେୟାର (ସମ୍ମମ୍‌) ପକ୍ଷରୁ ଶୁକ୍ରବାର ଏକ ମାରାଥନ୍ ଆୟୋଜିତ ହୋଇଯାଇଛି। ଏହି ମାରାଥନ୍‌ରେ ଚିକିତ୍ସା କ୍ଷେତ୍ରରେ କାର୍ଯ୍ୟରତ ଡାକ୍ତର ଓ ଅନ୍ୟାନ୍ୟ ବ୍ୟକ୍ତି ବିଶେଷ ସାମିଲ ହୋଇଥିଲେ।

ଏହି କାର୍ଯ୍ୟକ୍ରମରେ ବରିଷ୍ଠ ଆଇପିଏସ ଅଫିସର ତଥା ଓଡ଼ିଶା ପୋଲିସର ଆଇ.ଜି (ଅପରେସନ୍ସ) ଶ୍ରୀ ଅମିତାଭ ଠାକୁର ମୁଖ୍ୟ ଅତିଥି ଭାବେ ଯୋଗ ଦେଇ ଡାକ୍ତରମାନଙ୍କୁ ସୁରକ୍ଷା ଦେବା ସହ ସମସ୍ତ ପ୍ରକାର ସାହାଯ୍ୟ ଓ ସହଯୋଗ କରିବାର ଆବଶ୍ୟକତା ରହିଛି ବୋଲି କହିଥିଲେ।

କୋଭିଡ ମହାମାରୀ ଆରମ୍ଭ ହେବା ପରେ ବିଗତ ଦୁଇ ବର୍ଷ ଧରି ଡାକ୍ତରମାନେ ଏବଂ ଚିକିତ୍ସା କ୍ଷେତ୍ରରେ କାର୍ଯ୍ୟ କରୁଥିବା ବ୍ୟକ୍ତି ବିଶେଷଙ୍କର ସମାଜ ପ୍ରତି ଅନେକ ଅବଦାନ ଓ ତ୍ୟାଗ ରହିଛି। ନିଜ ଜୀବନକୁ ବାଜି ଲଗାଇ ସେମାନେ ରୋଗୀ ସେବା କରିଛନ୍ତି। ତେଣୁ ସେମାନଙ୍କ ପ୍ରତି ଆମର ଉଦାରତା ଓ ମହାନତା ଦେଖାଇବା ଉଚିତ ବୋଲି ଶ୍ରୀ ଠାକୁର କହିଛନ୍ତି।

ସମ୍ ଅଲ୍ଟିମେଟ ମେଡିକେୟାର ଏବଂ ଇଣ୍ଡିଆନ୍ ସୋସାଇଟି ଅଫ୍ କ୍ରିଟିକାଲ୍ କେୟାର ମେଡିସିନ୍ (ଆଇଏସ୍‌ସିସିଏମ୍‌)ର ମିଳିତ ସହଯୋଗରେ ଆୟୋଜିତ ଏହି ମାରାଥନ୍‌ରେ ଫ୍ଲାଗଅଫ୍ କରିବା ଅବସରରେ ଏହା କହିଛନ୍ତି ଶ୍ରୀ ଠାକୁର। କାର୍ଯ୍ୟକ୍ରମରେ ସମ୍ମମ୍‌ର ସିଇଓ ଡକ୍ଟର ଶ୍ୱେତପଦ୍ମା ଦାଶ ଏବଂ ଆଇଏସ୍‌ସିସିଏମ୍‌ର ଭୁବନେଶ୍ୱର ଶାଖାର ସଦସ୍ୟମାନେ ଉପସ୍ଥିତ ଥିଲେ।

ଏହି ଅବସରରେ ସମ୍ମମ୍‌ର ସିଇଓ ଡକ୍ଟର ଶ୍ୱେତପଦ୍ମା ଦାଶ କହିଛନ୍ତି ଯେ କ୍ରିଟିକାଲ କେୟାର ମେଡିସିନ କ୍ଷେତ୍ରରେ ସଚେତନତା ସୃଷ୍ଟି କରିବା ଲକ୍ଷ୍ୟରେ ଏହି ମାରାଥନ ଆୟୋଜନ କରାଯାଇଛି। ନିଜ ସ୍ୱାସ୍ଥ୍ୟ ପାଇଁ, ନିଜ ଜୀବନ ପାଇଁ, ନିଜ ଭବିଷ୍ୟତ ପାଇଁ ଏବଂ ନିଜ ସମାଜ ପାଇଁ ଦୌଡିବା ଆବଶ୍ୟକ ବୋଲି ସେ କହିଛନ୍ତି।

ମାରାଥନର ଥିମ୍ ରହିଥିଲା “ସେଭ ଦ ସେଭିୟର୍ସ”। ସମ୍ମମ୍‌ର ଡେପୁଟି ମେଡିକାଲ ସୁପରିଟେଂଡେଂଟ ଡାକ୍ତର ଆନନ୍ଦ ମିଶ୍ରଙ୍କ ଅଧ୍ୟକ୍ଷତାରେ ଆୟୋଜିତ କାର୍ଯ୍ୟକ୍ରମରେ ଆଇଏସ୍‌ସିସିଏମର ନ୍ୟାସନାଲ ସେକ୍ରେଟାରୀ -ଇଲେକ୍ଟ ଡାକ୍ତର ୱାଇ.ପି. ସିଂହ, ଆମେରିକାର ଫ୍ଲୋରିଡା ସ୍ଥିତ ମାୟୋ କ୍ଲିନିକର ସିନିଅର କନସୁଲଟାଂଟ ତଥା ଇକମୋ ୟୁନିଟ୍‌ର ମୁଖ୍ୟ ଡାକ୍ତର ପ୍ରମୋଦ କୁମାର ଗୁରୁ, ଆଇଏସସିସିଏମ ଭୁବନେଶ୍ୱର ଶାଖାର ଚେୟାରମ୍ୟାନ ଡାକ୍ତର ପ୍ରଜ୍ଞାନ ରାଉତରାୟ ଓ ସମ୍ମମ୍‌ର କ୍ରିଟିକାଲ କେୟାର ମେଡିସିନ ବିଭାଗର ମୁଖ୍ୟ ଡାକ୍ତର ବାନାମ୍ବର ରାୟ ପ୍ରମୁଖ ବକ୍ତବ୍ୟ ରଖିଥିଲେ।

ସମ୍ମମ୍‌ର ଚିଫ ଅଫ ମେଡିକାଲ ସର୍ଭିସେସ୍ ବ୍ରିଗେଡିୟର (ଡାକ୍ତର) ବିରାଜ ମୋହନ ମିଶ୍ର ଧନ୍ୟବାଦ ଅର୍ପଣ କରିଥିଲେ। ହସ୍ପିଟାଲର ଡାକ୍ତର, ନର୍ସ ଓ ପାରାମେଡିକ୍ସ ଏବଂ ଅନ୍ୟାନ୍ୟ କର୍ମକର୍ତାମାନେ ପ୍ରାୟ ୫ କିଲୋମିଟର ପର୍ଯ୍ୟନ୍ତ ମାରାଥନରେ ଦୌଡିଥିଲେ।

Categories
ଆଜିର ଖବର ରାଜ୍ୟ ଖବର

ଆଇଆଇଏମ୍‌ଏମ୍ ଦ୍ୱାରା ସ୍ୱୀକୃତି ପାଇଲା ସମ୍ମମ୍ ବରିଷ୍ଠ ଅଧିକାରୀଙ୍କ ଉପସ୍ଥାପନା

ଭୁବନେଶ୍ୱର: ସମ୍ ଅଲ୍ଟିମେଟ ମେଡିକେୟାରର ମ୍ୟାଟେରିଆଲ୍‌ସ ମ୍ୟାନେଜମେଂଟ ବିଭାଗର ମୁଖ୍ୟ ଚଣ୍ଡି ଚରଣ ଭାରତୀଙ୍କ ଦ୍ୱାରା ‘ରୋଲ ଅଫ୍ ସପ୍ଲାଇ ଚେନ୍ ମ୍ୟାନେଜମେଂଟ ଫର୍ କ୍ୱାଲିଟି ପେସେଂଟ କେୟାର’ ଶୀର୍ଷକ ଉପସ୍ଥାପନା ଇଣ୍ଡିଆନ୍ ଇନ୍‌ଷ୍ଟିଚ୍ୟୁଟ୍ ଅଫ୍  ମ୍ୟାଟେରିଆଲ୍‌ସ ମ୍ୟାନେଜମେଂଟ (ଆଇଆଇଏମ୍‌ଏମ୍‌) ଦ୍ୱାରା ସ୍ୱୀକୃତି ପାଇଛି।

ଶ୍ରୀ ଭାରତୀ ଗତ ଫେବୃଆରୀ ୨୬ ତାରିଖରେ ଆଇଆଇଏମ୍‌ଏମ୍ କୋଲକାତା ଶାଖା ଏବଂ ବେକ୍‌ଟନ୍‌ ଡିକ୍‌ଇନ୍‌ସନ୍ ଇଣ୍ଡିଆ ପ୍ରାଇଭେଟ ଲିମିଟେଡ (ବିଡି)ର ମିଳିତ ସହଯୋଗରେ ଆୟୋଜିତ ଏକ ୱେବିନାରର ପାନେଲ୍ ଡିସ୍‌କସନ୍‌ରେ ବକ୍ତା ଏବଂ ସଦସ୍ୟ ଭାବେ ଯୋଗ ଦେଇ ନିଜର ବକ୍ତବ୍ୟ ଉପସ୍ଥାପନା କରିଥିଲେ।

ଭାରତର ୭ ଜଣଙ୍କୁ ଏହି ଉପସ୍ଥାପନା ପାଇଁ ଆଇଆଇଏମ୍‌ଏମ୍ ପକ୍ଷରୁ ସ୍ୱୀକୃତି ଦିଆଯାଇଥିବା ବେଳେ ଶ୍ରୀ ଭାରତୀ ସେମାନଙ୍କ ମଧ୍ୟରୁ ଅନ୍ୟତମ।

ଆଇଆଇଏମ୍‌ଏମ୍‌ର ମୁଖ୍ୟ କାର୍ଯ୍ୟାଳୟ ଅହମ୍ମଦାବାଦରେ ଥିବା ବେଳେ ଭାରତରେ ଡାକ୍ତରୀ ଶିଳ୍ପ କ୍ଷେତ୍ରରେ ସପ୍ଲାଇ ଚେନ୍ ମ୍ୟାନେଜମେଂଟ, ଇନ୍‌ଭେନ୍‌ଟ୍ରି ଆଣ୍ଡ ମ୍ୟାଟେରିଆଲ୍‌ସ ମ୍ୟାନେଜମେଂଟ ଭଳି ପ୍ରସଙ୍ଗକୁ ଆଗକୁ ଆଣିବା କ୍ଷେତ୍ରରେ ଏହି ଅନୁଷ୍ଠାନ ଅଗ୍ରଣୀ ଭୂମିକା ନେଇଛି ବୋଲି ଶ୍ରୀ ଭାରତୀ କହିଛନ୍ତି।

Categories
ଆଜିର ଖବର ରାଜ୍ୟ ଖବର ସ୍ବାସ୍ଥ୍ୟ

ସମ୍ ଅଲ୍ଟିମେଟ ମେଡିକେୟାରକୁ ସଫଳତା: ମିଳିଲା ଏଚ୍‌ଏସିସିପି ପ୍ରମାଣପତ୍ର

ଭୁବନେଶ୍ୱର: ୱାନ୍ ଷ୍ଟପ୍‌, ନେକ୍ସଟ ଜେନେରେସନ୍ ମଲ୍ଟି ସ୍ପେଶିଆଲିଟି କ୍ୱାଟରନାରୀ କେୟାର ଡାକ୍ତରଖାନା ସମ୍ ଅଲ୍ଟିମେଟ୍ ମେଡିକେୟାର ଚଳିତ ବର୍ଷ ଓଡ଼ିଶାର ପ୍ରଥମ ହସ୍ପିଟାଲ୍ ଭାବେ ହାଜାର୍ଡ ଆନାଲିସିସ୍ କ୍ରିଟିକାଲ୍ କଂଟ୍ରୋଲ୍ ପଏଂଟ (ଏଚ୍‌ଏସିସିପି)ର ପ୍ରମାଣପତ୍ର ମିଳିବାର ସଫଳତା ହାସଲ କରିଛି। ଏଚ୍‌ଏସିସିପି ହେଉଛି ଏକ ଖାଦ୍ୟ ସୁରକ୍ଷା ବ୍ୟବସ୍ଥା ଯାହାକି ରୋଗୀ, ସେମାନଙ୍କ ସମ୍ପର୍କୀୟ, ହସ୍ପିଟାଲ୍‌କୁ ଆସିଥିବା ବ୍ୟକ୍ତି ଏବଂ କର୍ମଚାରୀ ମାନଙ୍କୁ ସବୁ ସମୟରେ ସୁରକ୍ଷିତ ଖାଦ୍ୟ ପ୍ରଦାନ କରିବା ନିମନ୍ତେ ଉଦ୍ଦିଷ୍ଟ।

ଖାଦ୍ୟ ପଦାର୍ଥ ଉତ୍ପାଦନ, ପରିଚାଳନା, ବଂଟନ ଏବଂ ଖାଦ୍ୟ ଗ୍ରହଣ ଦିଗରେ ବିଭିନ୍ନ ବିଶ୍ଳେଷଣ ଏବଂ ଜୈବିକ, ରାସାୟନିକ ଏବଂ ଶାରୀରିକ ନିୟନ୍ତ୍ରଣ କ୍ଷେତ୍ରରେ ଖାଦ୍ୟ ସୁରକ୍ଷା ଦିଗରେ ଏହା କାର୍ଯ୍ୟ କରିଥାଏ।

ଏହି ପ୍ରମାଣପତ୍ର ହସ୍ପିଟାଲ୍‌ରେ ଉଚିତ ପ୍ରକ୍ରିୟାରେ ଖାଦ୍ୟ ସୁରକ୍ଷା ପରିଚାଳନା ଏବଂ ସୁରକ୍ଷିତ ଖାଦ୍ୟ ପ୍ରଦାନ କରାଯିବାର ସମସ୍ତ ବ୍ୟବସ୍ଥା ରହିଥିବା ଦର୍ଶାଇଥାଏ। ରୋଗୀମାନଙ୍କୁ ଉତ୍ତମମାନର ସ୍ୱାସ୍ଥ୍ୟ ସେବା ଓ ସୁରକ୍ଷା ପ୍ରଦାନ କରିବାରେ ପ୍ରତିଶ୍ରୁତିବଦ୍ଧ ନିଜର ଫୁଡ୍‌ ସର୍ଭିସ୍ ଡିଭିଜନ୍‌କୁ ଏଚ୍‌ଏସିସିପି ମାନ୍ୟତା ପାଇବା ନିମନ୍ତେ ସମସ୍ତ ଆବଶ୍ୟକତା ଉପସ୍ଥାପିତ କରିଥିଲା।

ଓଡ଼ିଶାର ପ୍ରଥମ ହସ୍ପିଟାଲ୍ ଭାବେ ମାତ୍ର ଦୁଇ ବର୍ଷ ମଧ୍ୟରେ ଚଳିତ ବର୍ଷର ୨୨୦୦୦ –୨୦୧୮ ଆଇଏସ୍‌ଓ ଏଚ୍‌ଏସିସିପି ପ୍ରମାଣପତ୍ର ପାଇପାରିଛି ସମ୍ମମ୍। ଏନ୍‌ଏବିଏଚ୍ ଏବଂ ଏନ୍‌ଏବିଏଲ୍ ମାନ୍ୟତା ପାଇବା ପରେ ଏଚ୍‌ଏସିସିପି ପ୍ରମାଣପତ୍ର ପାଇବାରେ ସଫଳତା ହାସଲ କରିଛି ସମ୍ମମ୍।

Categories
ଅନ୍ତରାଷ୍ଟ୍ରୀୟ ଆଜିର ଖବର ଜାତୀୟ ଖବର ରାଜ୍ୟ ଖବର

ସମ୍ ଅଲ୍ଟିମେଟ ମେଡିକେୟାରରେ ଇରାକୀ ନାଗରିକଙ୍କ ସଫଳ ଅସ୍ତ୍ରୋପଚାର

ଭୁବନେଶ୍ୱର: ସମ୍ ଅଲ୍ଟିମେଟ୍ ମେଡିକେୟାର (ସମ୍ମମ୍‌)ରେ ଏକ ବିରଳ ସ୍କଲବେସ୍ ବ୍ୟାଧିରେ ପୀଡ଼ିତ ଥିବା ଇରାକର ଜଣେ ନାଗରିକଙ୍କର ସଫଳତାର ସହ ଅସ୍ତ୍ରୋପଚାର କରାଯିବା ପରେ ସେ ସୁସ୍ଥତା ଲାଭ କରିଛନ୍ତି। ଉନ୍ନତମାନର ଚିକିତ୍ସା, ଅତ୍ୟାଧୁନିକ ମେଡିକାଲ୍  ଭିତିଭୂମୀ, ସୁବିଧା ସୁଯୋଗ ଓ ପାରଦର୍ଶିତା ଯୋଗୁଁ ଓଡ଼ିଶାରେ ସମ୍ମମ୍ ଚିକିତ୍ସା ପର୍ଯ୍ୟଟନର ନୂଆ ସମ୍ଭାବନା ସୃଷ୍ଟି କରିଛି।

ଇରାକ ବାସିନ୍ଦା ୭୭ ବର୍ଷୀୟ ହାସୁନ୍ ଓଏଦ୍ ଓଗ୍ଲା ଅଲ୍‌-ସାଦାୱି ସେଂଟ୍ରାଲ୍ ସ୍କଲ୍‌ବେସ୍  ଓଷ୍ଟିଓମାଇଲାଇଟିସ ବ୍ୟାଧିରେ ପୀଡ଼ିତ ଥିବା ବେଳେ ତାଙ୍କ ଦେଶରେ ଏହି ଚିକିତ୍ସାର ସୁବିଧା ନ ଥିବାରୁ ତାଙ୍କ ପରିବାର ଭାରତରେ ତାଙ୍କର ଚିକିତ୍ସା କରାଇବା ପାଇଁ ଚାହିଁଥିଲେ। ଭାରତରେ ସବୁଠାରୁ ଭଲ ଚିକିତ୍ସା ସୁବିଧା ପାଇବା ନିମନ୍ତେ ସେମାନେ ଶେଷରେ ସମ୍  ଅଲ୍ଟିମେଟ୍ ମେଡିକେୟାରରେ ଚିକିତ୍ସା କରାଇବାର ନିଷ୍ପତି ନେଇ ରୋଗୀଙ୍କୁ ଧରି ଭୁବନେଶ୍ୱର ଆସିବାର ନିଷ୍ପତି ନେଇଥିଲେ।

ସମ୍ମମ୍‌ର ଇଏନ୍‌ଟି ଆଣ୍ଡ ସ୍କଲବେସ୍ ସର୍ଜରୀ ବିଭାଗର ସିନିୟର୍ କନ୍‌ସଲ୍‌ଟାଂଟ ତଥା ମୁଖ୍ୟ ଡାକ୍ତର ରାଧାମାଧବ ସାହୁଙ୍କ ସହ ଅଲ୍‌-ସାଦାୱିଙ୍କର ବ୍ୟାଧି ସମ୍ପର୍କରେ ଆଲୋଚନା କରିବା ପରେ ତାଙ୍କ ପରିବାର ରୋଗୀଙ୍କ ସହ ଭୁବନେଶ୍ୱରରେ ପହଂଚିଥିଲେ ବୋଲି ଡାକ୍ତର ସାହୁ ସୂଚନା ଦେଇଛନ୍ତି।

ଭୁବନେଶ୍ୱରରେ ପହଂଚିବା ପରେ ହସ୍ପିଟାଲ୍‌ର ଟିମ୍ ତାଙ୍କୁ ସ୍ୱାଗତ କରି ଆଣିବା ସହ ସମ୍ମମ୍‌ରେ ଭର୍ତି କରାଇଥିଲେ। କିଛି ପରୀକ୍ଷା କରାଯିବା ପରେ ଇରାକ୍‌ରେ କରାଯାଇଥିବା ଚିକିତ୍ସା ସହ ଅଲ୍‌-ସାଦାୱିଙ୍କର ବ୍ୟାଧିର ସାମଞ୍ଜସ୍ୟ ଥିବା ଜଣାପଡ଼ିଥିଲା। ସମସ୍ତ ପରୀକ୍ଷା
ନିରୀକ୍ଷା ପରେ ଅପରେସନ୍ ପାଇଁ ନିଷ୍ପତି ନିଆଯାଇଥିଲା ବୋଲି ଡାକ୍ତର ସାହୁ କହିଛନ୍ତି। ଯଦିଓ ହାସୁନ୍‌ଙ୍କର ଏହି ସର୍ଜରୀ ଖୁବ୍ ଜଟିଳ ଥିଲା ତେବେ ସଫଳତାର ସହ ଏହାକୁ ସମ୍ପନ୍ନ କରାଯାଇଥିଲା।

ଏହି ସର୍ଜରୀରେ ନ୍ୟୁରୋଆନେସ୍‌ଥେସିଷ୍ଟ ଡାକ୍ତର ପ୍ରଶାନ୍ତ ବେହେରାଙ୍କର ପ୍ରମୁଖ ଭୂମିକା ରହିଥିଲା। ସେହିପରି କ୍ରିଟିକାଲ୍ କେୟାର ମେଡିସିନ୍‌ ବିଭାଗର ସିନିୟର କନ୍‌ସଲ୍‌ଟାଂଟ ଡାକ୍ତର ଅଭିଜିତ ରାହା ଅସ୍ତ୍ରୋପଚାର ସମୟରେ ସମସ୍ତ ସହଯୋଗ କରିବା ସହ ଆଇସିୟୁରେ ରୋଗୀ ସୁସ୍ଥ ହେବା ପର୍ଯ୍ୟନ୍ତ ସମସ୍ତ ତତ୍ୱାବଧାନ କରିଥିଲେ। ୮ ଦିନ ପରେ ତାଙ୍କୁ ହସ୍ପିଟାଲ୍‌ରୁ ଡିସ୍‌ଚାର୍ଜ କରାଯାଇଥିଲା।

ଆଜି ଏକ ସାମ୍ବାଦିକ ସମ୍ମିଳନୀରେ ଏହି ରୋଗୀଙ୍କ ସମ୍ପର୍କରେ ସୂଚନା ଦେଇ ଡାକ୍ତର ସାହୁ କହିଛନ୍ତି ଯେ ସେଂଟ୍ରାଲ୍ ସ୍କଲ୍‌ବେସ୍‌ ଓଷ୍ଟିଓମାଇଲାଇଟିସ୍ ଏକ ଅସାଧାରଣ ବ୍ୟାଧି ଯାହାକି ସାଧାରଣତଃ କାନ ସଂକ୍ରମଣରୁ ଆରମ୍ଭ ହୋଇ କାନ ସହିତ ସଂପୃକ୍ତ ହାଡକୁ ସଂକ୍ରମିତ କରି ପରବର୍ତୀ ସମୟରେ ଅସ୍ଥିମଜ୍ଜାକୁ ବ୍ୟାପି ଥାଏ। ଏହା ଧୀରେ ଧୀରେ ସ୍ପେନଏଡ ବୋନ୍‌, ଖପୁରୀର ପଛପଟ ହାଡ ଏବଂ କ୍ଲିଭସ୍‌ରେ ସଂକ୍ରମଣ କରିଥାଏ। ଏହା ମୁଖ୍ୟତଃ ବ୍ୟାକ୍ଟେରିଆ କିମ୍ବା ଫଙ୍ଗସ୍ ଦ୍ୱାରା ଅତ୍ୟଧିକ ମଧୁମେହ ଥିବା ବ୍ୟକ୍ତି ଏବଂ କୋଭିଡରୁ ସୁସ୍ଥ ହୋଇଥିବା ବ୍ୟକ୍ତିଙ୍କ ନିକଟରେ ଦେଖାଦେଇଥାଏ।

ଏହି ଅବସ୍ଥା ଶୀଘ୍ର ଜଣାପଡିଲେ ଚିକିତ୍ସା କରାଯାଇପାରେ। ଚିକିତ୍ସା ନ କଲେ ଏହା ଜଟିଳ ଅବସ୍ଥା ସୃଷ୍ଟି କରିବା ସହ ମୃତ୍ୟୁ ମଧ୍ୟ ଘଟାଇପାରେ ବୋଲି ଡାକ୍ତର ସାହୁ କହିଛନ୍ତି। ଏହି ଇରାକୀ ରୋଗୀ ଜଣକ ପ୍ରଥମେ କରୋନା ସଂକ୍ରମିତ ହେବା ପରେ ସେଥିରୁ ସୁସ୍ଥ ହୋଇଥିଲେ ମାତ୍ର ପରବର୍ତୀ ସମୟରେ କାନରେ ସଂକ୍ରମଣ ହୋଇ ତାଙ୍କ ଅବସ୍ଥା ଏପରି ହୋଇଥିଲା ବୋଲି ଡାକ୍ତର ସାହୁ କହିଛନ୍ତି।

ଜଣେ ଅନୁବାଦକଙ୍କ ମାଧ୍ୟମରେ ଅଲ୍‌-ସାଦାୱିଙ୍କ ପୁଅ ସଲ୍‌ମାନ୍ ହାସୁନ୍ ଓୱେଦ୍ କହିଛନ୍ତି ଯେ ତାଙ୍କ ପିତା ସମ୍ମମ୍‌ରେ ଖୁବ୍ ଉତ୍ତମ ଚିକିତ୍ସା ପାଇପାରିଛନ୍ତି। ଡାକ୍ତର ଏବଂ ଡାକ୍ତରଖାନାର କର୍ମଚାରୀମାନେ ଉଚ୍ଚକୋଟୀର ଚିକିତ୍ସା ଏବଂ ସେବା ପ୍ରଦାନ କରିଛନ୍ତି। ମାନବୀୟ ସ୍ପର୍ଶ ସହ ନୈତିକତାର ସହ ଚିକିତ୍ସା ପାଇଥିବା ଆମେ ଅନୁଭବ କଲୁ ବୋଲି ଓୱେଦ କହିଛନ୍ତି।

ଏହି ସାମ୍ବାଦିକ ସମ୍ମିଳନୀରେ ଉପସ୍ଥିତ ଥିବା ସମ୍ମମ୍‌ର ଚିଫ୍ ଏକ୍‌ଜିକ୍ୟୁଟିଭ୍ ଅଫିସର ଡାକ୍ତର ଶ୍ୱେତପଦ୍ମା ଦାଶ କହିଛନ୍ତି ଯେ ପୂର୍ବରୁ ଉତ୍ତମ ଚିକିତ୍ସା ନିମନ୍ତେ ଓଡ଼ିଶାର ଲୋକମାନେ ରାଜ୍ୟ ବାହାରକୁ ଯାଉଥିଲେ।

ତଥ୍ୟ ଅନୁଯାୟୀ ୨୦୧୯ରେ ୬.୯ ଲକ୍ଷ ବିଦେଶୀ ରୋଗୀ ଚିକିତ୍ସା ନିମନ୍ତେ ଭାରତକୁ ଆସିଥିବା ବେଳେ ସେମାନେ ପ୍ରାୟତଃ ମୁମ୍ବାଇ, ଦିଲ୍ଲୀ ଏବଂ ବେଙ୍ଗାଲୁରକୁ ଚୟନ କରିଥିଲେ।
ତାଙ୍କ ମଧ୍ୟରୁ କେହି ବି ଓଡ଼ିଶାକୁ ଆସି ନଥିଲେ। ଆମେ ଅନୁମାନ କରୁଛୁ ଯେ ଅନ୍ୟ ଦେଶରୁ ପ୍ରଥମ ଥର ପାଇଁ ଜଣେ ରୋଗୀ ଉନ୍ନତମାନର ଚିକିତ୍ସା ନିମନ୍ତେ ଓଡ଼ିଶାକୁ ଆସିଛନ୍ତି। ମେଡିକାଲ୍ ଭିସା ନେଇ ଚିକିତ୍ସା ନିମନ୍ତେ ସମ୍ ଅଲ୍ଟିମେଟ୍ ମେଡିକେୟାରକୁ ବିଦେଶରୁ ରୋଗୀ ଆସିବା ଖୁବ୍ ବଡ଼ କଥା ବୋଲି ସେ କହିଛନ୍ତି।

ଭୁବନେଶ୍ୱରରେ ବିଶ୍ୱସ୍ତରୀୟ ସ୍ୱାସ୍ଥ୍ୟସେବା ପ୍ରଦାନ ସୋଆର ପ୍ରତିଷ୍ଠାତା ସଭାପତି ପ୍ରଫେସର (ଡଃ) ମନୋଜରଞ୍ଜନ ନାୟକଙ୍କର ଏକ ସ୍ୱପ୍ନ ଥିଲା। ଏହା ଏବେ ପୂରଣ ହେବାକୁ ଯାଉଛି। ପ୍ରଫେସର ନାୟକଙ୍କର ଏହି ସ୍ୱପ୍ନକୁ ସାକାର କରିବାରେ ସମ୍ମମ୍‌ର ସଂପୂର୍ଣ୍ଣ ଟିମ୍‌ ଅପ୍ରାଣ ଉଦ୍ୟମ କରିଛନ୍ତି।

ଡାକ୍ତର ସାହୁ ଏହି ସର୍ଜରୀକୁ ସଫଳତା ଓ ଦୃଢ଼ତାର ସହ ସଂପନ୍ନ କରିଛନ୍ତି ବୋଲି ସେ କହିଛନ୍ତି। ଏହା ଦ୍ୱାରା ଆମର କ୍ଷମତା ଓ ପାରଦର୍ଶିତା ସ୍ପଷ୍ଟ ପରିଲକ୍ଷିତ ହୋଇଛି ବୋଲି ଡଃ ଦାଶ କହିଛନ୍ତି। ଓଡ଼ିଶା, ଭୁବନେଶ୍ୱରରେ ସମ୍ ଅଲ୍ଟିମେଟ୍ ମେଡିକେୟାର ଚିକିତ୍ସା ପର୍ଯ୍ୟଟନର ନୂଆ ଦିଗ ଉନ୍ମୁକ୍ତ କରି ସଫଳତାର ଅନେକ ସିଢ଼ି ଚଢ଼ିବାର ଚେଷ୍ଟା ଜାରି ରଖିଥିବା ସିଇଓ ଡଃ ଦାଶ କହିଛନ୍ତି।

ଆର୍ନ୍ତଜାତିକ ରୋଗୀମାନଙ୍କ ନିମନ୍ତେ ସମ୍ମମ୍ ଖୁବ୍ ଶୀଘ୍ର ଏକ ସ୍ୱତନ୍ତ୍ର ୱିଙ୍ଗ ଆରମ୍ଭ କରିବାକୁ ଯାଉଛି। ଏହା ଦ୍ୱାରା ଚିକିତ୍ସା ପର୍ଯ୍ୟଟନର ସୁବିଧା ଉପଲବ୍ଧ ହୋଇପାରିବ। ଆମେ ଉତମ ଧରଣର ସ୍ୱାସ୍ଥ୍ୟସେବା ପ୍ରଦାନ କରୁଛୁ ଏବଂ ଯାହା ସମ୍ଭବ ନୁହେଁ ତାହା ମଧ୍ୟ ସମ୍ଭବ କରିବାକୁ ନିରନ୍ତର ଚେଷ୍ଟା ଜାରି ରଖିଛୁ ବୋଲି ଡାକ୍ତର ଦାଶ କହିଛନ୍ତି। “ଏହି ଆର୍ନ୍ତଜାତିକ ରୋଗୀଙ୍କର ସଫଳ ଚିକିତ୍ସା ଏକ ନୂଆ ଦିଗ ଉନ୍ମୁକ୍ତ କରିଛି ଏବଂ ମୁଁ ଆଶାବାଦୀ ଯେ ଆମର ଅତ୍ୟାଧୁନିକ ଚିକିତ୍ସା ପଦ୍ଧତି, ୩୦ଟି ମେଡିକାଲ୍ ସ୍ପେଶିଆଲିଟିରେ ପାରଦର୍ଶିତା, ଅତ୍ୟାଧୁନିକ ମେଡିକାଲ୍ ଟେକ୍ନୋଲୋଜି ସହିତ ଆରାମଦାୟକ ପରିବେଶକୁ ଆଧାର କରିଆମେ ଉତମଧରଣର ଚିକିତ୍ସା ପ୍ରଦାନ କରିବା ସହ ଭୁବନେଶ୍ୱରକୁ ଏକ ଚିକିତ୍ସା ପର୍ଯ୍ୟଟନ କ୍ଷେତ୍ରରେ ପରିଣତ କରିପାରିବୁ ବୋଲି ସେ କହିଛନ୍ତି।

ଓଡ଼ିଶାରେ ଚିକିତ୍ସାର ଆଉ ଏକ ଦିଗ ହେଉଛି କମ୍ ମୂଲ୍ୟ, ଅତ୍ୟାଧୁନିକ ଚିକିତ୍ସା ପଦ୍ଧତି ଓ ଆର୍ନ୍ତଜାତିକ ସ୍ତରର ସୁବିଧା। ତେଣୁ ଚିକିତ୍ସା ପର୍ଯ୍ୟଟନ ଦ୍ୱାରା କେବଳ ରାଜ୍ୟର ସ୍ୱାସ୍ଥ୍ୟସେବା କ୍ଷେତ୍ରର ଉନ୍ନତି ହେବ ନାହିଁ ବରଂ ଓଡ଼ିଶାର ସଂସ୍କୃତି ଏବ ପର୍ଯ୍ୟଟନ ମଧ୍ୟ ଅନ୍ୟ ଦେଶରେ ପହଂଚିପାରିବ ବୋଲି ଡାକ୍ତର ସାହୁ କହିଥିଲେ।

ସମ୍ମମ୍‌ରେ ରୋଗୀଙ୍କ ଚିକିତ୍ସା ନିମନ୍ତେ ସମସ୍ତ ପ୍ରକାର ବ୍ୟବସ୍ଥା ରହିଛି। ଭୁବନେଶ୍ୱର ଖୁବ୍ ଶୀଘ୍ର ଚିକିତ୍ସା ପର୍ଯ୍ୟଟନ କ୍ଷେତ୍ରରେ ଆଗାମୀ ଦିନରେ ନିଜ ସ୍ଥାନ ହାସଲ କରିବ ବୋଲି ସମ୍ମମ୍‌ର ଚିଫ୍ ଅଫ୍ ମେଡିକାଲ୍ ସର୍ଭିସେସ୍ ବ୍ରିଗେଡିୟର୍ ଡଃ ବିରାଜ ମୋହନ ମିଶ୍ର
କହିଥିଲେ।

Categories
ଆଜିର ଖବର ରାଜ୍ୟ ଖବର ସ୍ବାସ୍ଥ୍ୟ

ନବଜାତ ଶିଶୁକୁ କୋଭିଡରୁ ସୁସ୍ଥ କଲେ ସମ୍ ଅଲ୍ଟିମେଟ ମେଡିକେୟାରର ଡାକ୍ତର

ଭୁବନେଶ୍ୱର: କୋଭିଡ୍ ପଜିଟିଭ୍ ମା’ଙ୍କ ଠାରୁ ଜନ୍ମ ଗ୍ରହଣ କରିବା ପରେ କରୋନା ସଂକ୍ରମିତ ହୋଇଥିବା ମାତ୍ର ୧ ସପ୍ତାହର ନବଜାତ ଶିଶୁକୁ ସୁସ୍ଥ କଲେ ସମ୍ ଅଲ୍ଟିମେଟ୍ ମେଡିକେୟାରର ଡାକ୍ତର। ଏକ ଘରୋଇ ଡାକ୍ତରଖାନାରେ ଜନ୍ମନେଇଥିବା ଶିଶୁଟି ମାଙ୍କ ଠାରୁ କୋଭିଡ ସଂକ୍ରମିତ ହୋଇ ଗୁରୁତର ଅବସ୍ଥାରେ ସମ୍ ଅଲ୍ଟିମେଟ୍ ମେଡିକେୟାରରେ ଭର୍ତ୍ତି ହୋଇଥିଲା।

ଡାକ୍ତରମାନେ ତାର ଜୀବନ ରକ୍ଷା କରିବା ପାଇଁ ଆପ୍ରାଣ ଉଦ୍ୟମ କରିବା ସହ ଉତ୍ତମ ଚିକିତ୍ସା ପ୍ରଦାନ କରି ଶିଶୁଟିକୁ ସୁସ୍ଥ କରିପାରିଛନ୍ତି। ୩୩ ସପ୍ତାହ ଗର୍ଭବତୀ ଥିବା କୋଭିଡ୍ ପଜିଟିଭ ଚିହ୍ନଟ ହୋଇଥିବା ମା ଠାରୁ ଶିଶୁଟି ଜନ୍ମ ଗ୍ରହଣ କରିଥିଲା। ଶିଶୁଟି ଜନ୍ମହେବାପରେ କାନ୍ଦିଥିଲା ଏବଂ ତାକୁ ମା ନିକଟକୁ ଅଣାଯାଇଥିଲା। ତେବେ ଏହାର ଦ୍ୱିତୀୟ ଦିନରେ ମା’ଙ୍କର ଅବସ୍ଥା ଗୁରୁତର ହୋଇପଡ଼ିଥିଲା, ସେପଟେ ଶିଶୁଟି ମଧ୍ୟ ଅସୁସ୍ଥ ହେବା ସହ ତାକୁ ନିଶ୍ୱାସ ନେବାରେ ସମସ୍ୟା ସୃଷ୍ଟି ହୋଇଥିଲା ଏବଂ ତାକୁ ତୁରନ୍ତ ଏନଆଇସିୟୁରେ ଭର୍ତ୍ତି କରାଯାଇଥିଲା ।

ମା’ କୁ ତୁରନ୍ତ ସମ୍ ଅଲ୍ଟିମେଟ୍ ମେଡିକେୟାରରେ ଭର୍ତ୍ତି କରାଯାଇ ଭେଂଟିଲେଟରରେ ରଖାଯାଇଥିଲା। ଶିଶୁଟିର ଅବସ୍ଥା ମଧ୍ୟ ଗୁରୁତର ହୋଇପଡ଼ିବାରୁ ତାକୁ ମଧ୍ୟ ସମ୍ ଅଲ୍ଟିମେଟ୍ ଅଣାଯାଇଥିଲା। ହସ୍ପିଟାଲର ପେଡିୟାଟ୍ରିକ ଓ ନିଓନଟୋଲୋଜି ବିଭାଗର ଆସୋସିଏଟ କନସଲଟାଂଟ ଡ. ବିଚିତ୍ରାନନ୍ଦ ରାଉତ ଏବଂ ତାଙ୍କ ଟିମ୍ ଶିଶୁଟିର ଚିକିତ୍ସା ଆରମ୍ଭ କରିବା ସହ ପରୀକ୍ଷା ନିରୀକ୍ଷା କରିଥିଲେ।

ତେବେ କୋଭିଡ ସଂକ୍ରମଣ ହେବାପରେ ଶିଶୁମାନଙ୍କ କ୍ଷେତ୍ରରେ ନିଓନାଟାଲ ମଲ୍ଟିସିଷ୍ଟମ ଇନଫ୍ଲାମାଟୋରୀ ସିଣ୍ଡ୍ରୋମ ଭଳି ବିରଳ ଅବସ୍ଥା ଏହି ଶିଶୁଠାରେ ଦେଖାଦେଇଥିବା ଜଣାପଡ଼ିଥିଲା। ପ୍ରାୟତଃ ନବଜାତ କୋଭିଡ ସଂକ୍ରମିତ ଶିଶୁମାନଙ୍କ କ୍ଷେତ୍ରରେ କୌଣସି ଲକ୍ଷଣ ଦେଖାଯାଇନଥାଏ ଅଥବା ସାମାନ୍ୟ ଲକ୍ଷଣ ସୃଷ୍ଟି ହୋଇଥାଏ।

ତେବେ ଅତ୍ୟଧିକ ଲକ୍ଷଣ ଅଥବା ନିଓନାଟାଲ ଏମଆଇଏସସି ଦେଖାଯିବା ଖୁବ୍ ବିରଳ
ବୋଲି ଡାକ୍ତର ରାଉତ କହିଛନ୍ତି । ଶିଶୁଟି ଉତମ ଚିକିତ୍ସା ପାଇବା ପରେ ମାତ୍ର ଦୁଇ ଦିନ ମଧ୍ୟରେ ହସ୍ପିଟାଲରୁ ଡିସଚାର୍ଜ ହେବାରେ ସକ୍ଷମ ହୋଇଛି। ଚିକିତ୍ସା କରିବାର ଦ୍ୱିତୀୟ ଦିନରେ ହିଁ ଶିଶୁଟି ଖାଦ୍ୟ ଖାଇପାରିଥିଲାବୋଲି ଡାକ୍ତର ରାଉତ କହିଛନ୍ତି।

ସୂଚନାଯୋଗ୍ୟ ଯେ ଶିଶୁଟିର ମା’ଙ୍କର ସ୍ୱାସ୍ଥ୍ୟାବସ୍ଥାରେ ମଧ୍ୟ ସୁଧାର ଆସୁଛି ଏବଂ ବର୍ତ୍ତମାନ ତାଙ୍କୁ ଭେଂଟିଲେଟରରୁ ବାହାରକୁ ଅଣାଯାଇଥିବା ଜଣାପଡ଼ିଛି।

Categories
ଆଜିର ଖବର ରାଜ୍ୟ ଖବର ସ୍ବାସ୍ଥ୍ୟ

ସମ୍ ଅଲ୍ଟିମେଟ ମେଡିକେୟାର ପକ୍ଷରୁ ବିଶ୍ୱ କର୍କଟ ଦିବସ ପାଳିତ

ଭୁବନେଶ୍ୱର: ଦୃଢ଼ ଇଚ୍ଛାଶକ୍ତି ବଳରେ ଜୀବନ ସଂଗ୍ରାମରେ ବାଜିମାତ ହୋଇପାରିବ। ଏହିଭଳି ଆହ୍ୱାନ ନେଇ ସମ୍ ଅଲ୍ଟିମେଟ୍ ମେଡିକେୟାରରେ ଆୟୋଜିତ ହୋଇଯାଇଛି ବିଶ୍ୱ କର୍କଟ ଦିବସ। ଫେବୃଆରୀ ୪ ତାରିଖକୁ ବିଶ୍ୱ କର୍କଟ ଦିବସ ରୂପେ ପାଳନ କରାଯାଉଥିବା ବେଳେ ଅବସରରେ ହସପିଟାଲ୍ ପକ୍ଷରୁ ଏକ ସଚେତନତା କାର୍ଯ୍ୟକ୍ରମ ଆୟୋଜିତ ହୋଇଯାଇଅଛି।

ହସପିଟାଲ୍ ପକ୍ଷରୁ ଆୟୋଜିତ ଏହି ସ୍ୱତନ୍ତ୍ର କାର୍ଯ୍ୟକ୍ରମରେ ଚିଫ ଅଫ ମେଡିକାଲ ସର୍ଭିସେସ୍ ବ୍ରିଗେଡିୟର (ଡ.) ବିରାଜ ମୋହନ ମିଶ୍ର ମୁଖ୍ୟ ଅତିଥି ଭାବେ ଯୋଗଦେଇ ଭାରତରେ ପ୍ରତ୍ୟେକ ବର୍ଷ ୧୦ ଲକ୍ଷ ନୂଆ କ୍ୟାନସର ରୋଗୀ ବଢ଼ୁଛନ୍ତି। ବର୍ତ୍ତମାନ ୨୫ ରୁ ୩୦ ଲକ୍ଷ ଲୋକ ଏହି ଦୁଃସାଧ୍ୟ ରୋଗରେ ପୀଡିତ ଅଛନ୍ତି ବୋଲି କହି ସେ ଉଦ୍‌ବେଗ ପ୍ରକାଶ କରିଥିଲେ। ବିଶ୍ୱବ୍ୟାପି ଏହି ସଂଖ୍ୟା ଢ଼େର ଅଧିକ ଥିବାବେଳେ ଏଥିପାଇଁ ସଚେତନତା ଖୁବ୍ ଜରୁରୀ ବୋଲି ସେ ମତବ୍ୟକ୍ତ କରିଥିଲେ।

ପୂର୍ବ ଭାରତର ଏକମାତ୍ର ହସପିଟାଲ୍ ଭାବେ ସମ୍ ଅଲ୍ଟିମେଟ୍ ମେଡିକେୟାରରେ କ୍ୟାନସର ଚିକିତ୍ସା ନିମନ୍ତେ ସମସ୍ତ ଅତ୍ୟାଧୁନିକ ଏବଂ ଉତ୍ତମ ଧରଣର ଚିକିତ୍ସା ପଦ୍ଧତି ଓ ସରଞ୍ଜାମ ରହିଥିବା ବେଳେ ବିଶେଷଜ୍ଞ ଡାକ୍ତର ରୋଗୀ ସେବା ପ୍ରଦାନ କରିଆସୁଛନ୍ତି। ତେଣୁ କ୍ୟାନସରରେ ପୀଡିତ ହେଲେ ବିନା ଦ୍ୱିଧାରେ ସମ୍ ଅଲ୍ଟିମେଟ୍ ଆସି ଚିକିତ୍ସା ଗ୍ରହଣ କରିବାକୁ ବ୍ରିଗେଡିୟର (ଡ.) ମିଶ୍ର ରୋଗୀ ମାନଙ୍କୁ ଆହ୍ୱାନ ଦେଇଥିଲେ।

ଏହି ଅବସରରେ ଅଙ୍କୋ ସାଇନସେସ୍ ବିଭାଗର ରେଡିଏସନ୍ ଅଙ୍କୋଲୋଜିଷ୍ଟ ଡାକ୍ତର ଚିର ରଞ୍ଜନ ଖାଡଙ୍ଗା, ମେଡିକାଲ ଅଙ୍କୋଲୋଜିଷ୍ଟ ଡାକ୍ତର ପ୍ରିୟା ପ୍ରିୟଦର୍ଶିନୀ ନାୟକ, ସର୍ଜିକାଲ୍ ଅଙ୍କୋଲୋଜିଷ୍ଟ ଡାକ୍ତର ଜିଜ୍ଞାସୁ ମହାନ୍ତି, କନ୍‌ସଲ୍‌ଟାଂଟ- ନ୍ୟୁକ୍ଲିୟର୍ ମେଡିସିନ୍ ଡାକ୍ତର ସୁଦତ ରାୟ, ଡେପୁଟି ମେଡିକାଲ ସୁପରିଟେଣ୍ଡେଂଟ ଡ. ଆନନ୍ଦ ମିଶ୍ର ଏବଂ ସମ୍ ହସପିଟାଲର ଅଙ୍କୋଲୋଜିଷ୍ଟ ଡ. ଲଲାଟେନ୍ଦୁ ମହାରଣା ପ୍ରମୁଖ ଉପସ୍ଥିତ ରହି କ୍ୟାନସର ରୋଗ ଓ ଏହାର
ନିରାକରଣ ନେଇ ମତବ୍ୟକ୍ତ କରିଥିଲେ।

ଏହି ଦିବସ ପାଳନ ଅବସରରେ କ୍ୟାନସର ରୋଗରୁ ସୁସ୍ଥ ହୋଇଥିବା କେତେକ ଯୋଦ୍ଧାଙ୍କୁ ସମ୍ବର୍ଦ୍ଧିତ କରିଥିଲେ ଡାକ୍ତର ମିଶ୍ର। ସମ୍ବର୍ଦ୍ଧନା ଗ୍ରହଣ କରିବା ସମୟରେ ଭାବବିହ୍ୱଳ ହୋଇ ସମ୍ପୃକ୍ତ କ୍ୟାନସର ଯୋଦ୍ଧା ମାନେ ସମ୍‌ ଅଲ୍ଟିମେଟ୍ ଏବଂ ଏହାର ଡାକ୍ତର ମାନଙ୍କୁ ଅନେକ ପ୍ରଶଂସା କରିବା ସହ ସେମାନଙ୍କ ଜୀବନ ବଂଚାଇ ଥିବାରୁ ଧନ୍ୟବାଦ ଅର୍ପଣ କରିଥିଲେ।

ଅନ୍ୟମାନଙ୍କ ମଧ୍ୟରେ ହସପିଟାଲର ବରିଷ୍ଠ ଡାକ୍ତର ଓ କର୍ମକର୍ତାମାନେ ଉପସ୍ଥିତ ଥିଲେ।

Categories
ଆଜିର ଖବର ରାଜ୍ୟ ଖବର ସ୍ବାସ୍ଥ୍ୟ

ସମ୍ ଅଲ୍ଟିମେଟ ମେଡିକେୟାରରେ ଯୋଗ ଦେଲେ ବିଶିଷ୍ଟ ଶିଶୁ ରୋଗ ବିଶେଷଜ୍ଞ ଡଃ ପ୍ରଦୀପ କୁମାର ଦେ

ଭୁବନେଶ୍ୱର: ବିଶିଷ୍ଟ ଶିଶୁରୋଗ ବିଶେଷଜ୍ଞ ଡଃ ପ୍ରଦୀପ କୁମାର ଦେ ସମ୍ ଅଲ୍ଟିମେଟ୍ ମେଡିକେୟାର (ସମ୍‌)ର ଶିଶୁ ରୋଗ ବିଭାଗରେ ସିନିୟର କନ୍‌ସଲ୍‌ଟାଂଟ ଭାବେ ଯୋଗ ଦେଇଛନ୍ତି।

ଭିଏସ୍‌ଏସ୍ ମେଡିକାଲ କଲେଜ ବୁର୍ଲାର ଛାତ୍ର ଡଃ ଦେ ବନାରସ ହିନ୍ଦୁ ୟୁନିଭର୍ସିଟି, ବାରଣାସୀରୁ ଶିଶୁ ରୋଗ ଉପରେ ପୋଷ୍ଟ ଗ୍ରାଜୁଏଟ୍ କରିଛନ୍ତି। ଏଥିସହିତ ସେ ନୂଆଦିଲ୍ଲୀ ସ୍ଥିତ ଏଏମ୍‌ସ୍ ଏବଂ ଲେଡି ହାର୍ଡିଙ୍ଗ୍ ମେଡିକାଲ୍ କଲେଜରେ ସିନିୟର ରେସିଡେନ୍‌ଟ ଭାବେ କାର୍ଯ୍ୟ କରିଛନ୍ତି। ଜଣେ ବରିଷ୍ଠ ଶିଶୁ ରୋଗ ବିଶେଷଜ୍ଞ ଭାବେ ତାଙ୍କର ସୁଖ୍ୟାତି ରହିଛି।

ଡଃ ଦେ ପେଡିଆଟ୍ରିକ୍ ଇଂଟେନ୍‌ସିଭ୍ କେୟାର, ପେଡିଆଟ୍ରିକ୍ ହେମାଟୋଲୋଜି, ପେଡିଆଟ୍ରିକ୍ ନେଫ୍ରୋଲୋଜି, ଆଡୋଲେସେଂଟ ହେଲ୍‌ଥ କେୟାର, ନିଓନାଟୋଲୋଜି ଏବଂ ସଂକ୍ରମିତ ରୋଗଗୁଡ଼ିକର ଚିକିତ୍ସା କରିବା ଦିଗରେ ସଫଳତା ହାସଲ କରିଛନ୍ତି। ଦୀର୍ଘ ୨୦ ବର୍ଷର ଅଭିଜ୍ଞତା ଥିବା ଡଃ ଦେ ଅନେକ ଖ୍ୟାତନାମା କର୍ପୋରେଟ୍ ହସ୍ପିଟାଲ୍‌ଗୁଡ଼ିକରେ ମଧ୍ୟ କାର୍ଯ୍ୟ କରିଛନ୍ତି।

ଡଃ ଦେ ସମ୍ ଅଲ୍ଟିମେଟ୍ ମେଡିକେୟାରର ଆଶୁରୋଗ ବିଭାଗ (ଓପିଡି) ରେ ରୋଗୀମାନଙ୍କର ଚିକିତ୍ସା କରିବେ। ତାଙ୍କ ସହ ୬୩୭୨୯୦୦୦୧୦ ଫୋନ୍ ନମ୍ବରରେ ଯୋଗାଯୋଗ କରାଯାଇପାରିବ।

Categories
ଆଜିର ଖବର ରାଜ୍ୟ ଖବର ସ୍ବାସ୍ଥ୍ୟ

ସମ୍ ଅଲ୍ଟିମେଟ ମେଡିକେୟାରରେ ସଫଳତାର ସହ ହେଲା ଦୁଇ କିଡ୍‌ନୀ ପ୍ରତ୍ୟାରୋପଣ

ଭୁବନେଶ୍ୱର: କରୋନା ମହାମାରୀ ସମୟରେ ରୋଗୀଙ୍କୁ ଉତ୍କୃଷ୍ଟ ସେବା ଯୋଗାଇ ଆସୁଛି ସମ୍ ଅଲ୍ଟିମେଟ୍ ମେଡିକେୟାର। ଏହି ଜଟିଳ ପରିସ୍ଥିତରେ ନିକଟରେ ସମ୍‌ରେ ଦୁଇଟି କିଡ୍‌ନୀ ପ୍ରତ୍ୟାରୋପଣ ସଫଳତାର ସହ କରାଯାଇଛି।

ଉଭୟ ରୋଗୀ ଜଟିଳ କିଡ୍‌ନୀ ରୋଗର ପଂଚମ ସ୍ତରରେ ଥିବାରୁ ସେମାନଙ୍କର ସପ୍ତାହକୁ ୩ ଥର ହେମୋଡାଏଲେସିସ୍ କରାଯାଉଥିଲା। ସମସ୍ତ କୋଭିଡ-୧୯ ସଂକ୍ରାନ୍ତିୟ ସତର୍କତା ମୂଳକ ପଦକ୍ଷେପ ଗ୍ରହଣ କରାଯାଇ ଏହି ଲାଇଭ୍ ଡୋନୋର ପ୍ରତ୍ୟାରୋପଣ କରାଯାଇଛି।
ଉଭୟ ଡୋନର ଏବଂ ରୋଗୀ ପ୍ରତ୍ୟାରୋପଣ ହେବାର ୧୦ ଦିନ ମଧ୍ୟରେ ହସ୍ପିଟାଲ୍‌ରୁ ଡିସ୍‌ଚାର୍ଜ ହୋଇଥିବା ବେଳେ ସର୍ଜରୀ ପରେ ସେମାନେ ସୁସ୍ଥ ହେବାରେ ଲାଗିଛନ୍ତି।

ସିନିୟର ୟୁରୋଲୋଜିଷ୍ଟ ଓ କିଡ୍‌ନୀ ପ୍ରତ୍ୟାରୋପଣ ସର୍ଜନ୍ ଡଃ ବିଶ୍ୱଜିତ୍ ନନ୍ଦ, ନେଫ୍ରୋଲୋଜିଷ୍ଟ ଡଃ ତାପସ କୁମାର ବେହେରା, ଡଃ ବିଶ୍ୱରଞ୍ଜନ ମହାନ୍ତି, ଆନେସ୍ଥେସିଓଲୋଜିଷ୍ଟ ଡଃ ସୁରୁପା ଦେବୀପ୍ରଦା ଏବଂ ଡଃ ଦୀପଙ୍କର ପଢ଼ିହାରୀ ଏହି ଦୁଇଟି କିଡ୍‌ନୀ ପ୍ରତ୍ୟାରୋପଣ ଟିମ୍‌ରେ ସାମିଲ୍ ଥିଲେ ଏବଂ ସଫଳତାର ସହ କିଡ୍‌ନୀ ପ୍ରତ୍ୟାରୋପଣ କରିଥିଲେ। ଏହି ଟିମ୍‌କୁ ନର୍ସିଂ ଏବଂ କିଡ୍‌ନୀ ପ୍ରତ୍ୟାରୋପଣ ସଂଯୋଜକ ସମସ୍ତ ସହଯୋଗ କରିଥିଲେ।

ସମ୍ ହେଉଛି ଓଡ଼ିଶାର ପ୍ରଥମ ହସ୍ପିଟାଲ୍ ଯାହାକି ପ୍ରତ୍ୟାରୋପଣ ସର୍ଜରୀ ନିମନ୍ତେ ସ୍ୱତନ୍ତ୍ର ମୋଡୁଲାର୍ ଅପରେସନ୍ ଥିଏଟର୍ ପ୍ରସ୍ତୃତ କରିଛନ୍ତି। ଆନ୍ତର୍ଜାତୀକ ନିୟମ ଏବଂ ସୁଲଭ ମୂଲ୍ୟରେ ପ୍ରତ୍ୟାରୋପଣ କାର୍ଯ୍ୟ ଏବଂ ଉନ୍ନତ ଧରଣର ରୋଗୀ ସେବା ଯୋଗାଇଦେବା ସମ୍‌ ର ଲକ୍ଷ୍ୟ।

ସମ୍‌ରେ ପ୍ରତ୍ୟାରୋପଣ ଅପରେସନ୍ ଥିଏଟର୍ ଏବଂ ଆଇସିୟୁ ପରସ୍ପରର ଅତି ନିକଟରେ ରହିଛି ଯାହା ଦ୍ୱାରା କି ପ୍ରତ୍ୟାରୋପଣ ୟୁନିଟ୍‌କୁ ଏକ ସମ୍ପୂର୍ଣ୍ଣ ଓ ସ୍ୱତନ୍ତ୍ର ଜୋନ୍‌ରେ ପରିଣତ କରାଯାଇପାରିଛି।