Tag: ଅଶ୍ବନୀ ବୈଷ୍ଣବ

ନୂଆଦିଲ୍ଲୀ, ବହୁଦିନ ଧରି କେନ୍ଦ୍ର ମନ୍ତ୍ରୀ ମଣ୍ଡଳରେ ଅଦଳବଦଳ ତଥା ସଂପ୍ରସାରଣ ହେବ ବୋଲି ଚର୍ଚ୍ଚା ଜାରି ରହିଛି। ବର୍ତ୍ତମାନ ଏହାର ବାସ୍ତବ ରୂପ ନେବା ପାଇଁ କାଉଣ୍ଟ ଡାଉନ ଆରମ୍ଭ ହୋଇଯାଇଛି। ବିଶେଷ ସୁତ୍ର ଅନୁସାରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏହି ସପ୍ତାହରେ କ୍ୟାବିନେଟ୍ ସଂପ୍ରସାରଣ ସହ ଅଦଳ ବଦଳ କରିବେ। ରିପୋର୍ଟ ଅନୁଯାୟୀ, 7 କିମ୍ବା 8 ଜୁଲାଇରେ ଏହି ସଂପ୍ରସାର ହେବ ବୋଲି ଅନୁମାନ କରାଯାଇଛି।

ବିଜେପି ସଭାପତି ଜେପି ନାଡା, ଗୃହମନ୍ତ୍ରୀ ଅମିତ ଶାହା ଏବଂ ଅନ୍ୟାନ୍ୟ ବରିଷ୍ଠ ନେତାଙ୍କ ସହ ଏକ ବୈଠକରେ ପ୍ରଧାନମନ୍ତ୍ରୀ ମୋଦୀ ଏହା ଉପରେ ଆଲୋଚନା କରିଛନ୍ତି। ଅନେକ ନୂଆ ଚେହେରା ଏହି ସଂପ୍ରସାରଣରେ ସ୍ଥାନ ପାଇବେ। ଏମାନଙ୍କ ମଧ୍ୟରେ ଜ୍ୟୋତିରାଦିତ୍ୟ ସିନ୍ଧିଆଙ୍କର ନାମ ପ୍ରାୟ ସ୍ଥିର ହୋଇଛି ବୋଲି ବିଶ୍ୱାସ କରାଯାଏ। ଏହା ବ୍ୟତୀତ ଆସାମର ପୂର୍ବତନ ମୁଖ୍ୟମନ୍ତ୍ରୀ ସରବାନନ୍ଦ ସୋନୋୱାଲଙ୍କୁ ମଧ୍ୟ ମନ୍ତ୍ରୀ ପଦ ଦିଆଯିବ।

ଅନେକ ମନ୍ତ୍ରୀଙ୍କ ବିଭାଗ ମଧ୍ୟ ପରିବର୍ତ୍ତନ କରାଯିବ ବୋଲି ଜଣାପଡିଛି। ଖବର ଅନୁଯାୟୀ, ମୋଦୀ କ୍ୟାବିନେଟର ସମ୍ପ୍ରସାରଣରେ ଏନଡିଏର ସହଯୋଗୀ ଜନତା ଦଳ ୟୁନାଇଟେଡ ଏବଂ ଲୋକ ଜନଶକ୍ତି ପାର୍ଟିର ପାରାସ ଦଳର ନେତାମାନଙ୍କୁ ମଧ୍ୟ ସ୍ଥାନ ଦିଆଯିବ। ଦୁଇ ବର୍ଷରୁ ଅଧିକ ସମୟ ପରେ ମୋଦୀଙ୍କ କ୍ୟାବିନେଟ-୨ ଗଠନ ହେବାକୁ ଯାଉଛି।

ବିଜେପିର ସୂତ୍ରରୁ ପ୍ରକାଶ ଯେ ଏହି ନୂଆ ମନ୍ତ୍ରୀ ମଣ୍ଡଳରେ ଏପରି ଲୋକଙ୍କୁ ସ୍ଥାନ ଦେବାକୁ ଚେଷ୍ଟା କରାଯାଉଛି ଯେଉଁମାନେ ଦଳକୁ ଦୃଢ ସମର୍ଥନ କରୁଛନ୍ତି। କାରଣ ବର୍ତ୍ତମାନ ମୁଦ୍ରାସ୍ଫୀତି, କରୋନା, ରାମ ମନ୍ଦିର ଭଳି ସମସ୍ୟା ରହିଛି, ଯାହା ଉପରେ ଦଳର ପକ୍ଷ ଦୁର୍ବଳ ଥିବା ଜଣାପଡିଛି।

କେଉଁମାନେ ମନ୍ତ୍ରୀ ମଣ୍ଡଳରେ ସ୍ଥାନ ପାଇବେ

ଖବର ଅନୁଯାୟୀ, ମୋଦୀ କ୍ୟାବିନେଟ 19-20 ଜଣ ନୂଆ ଚେହେରା ମନ୍ତ୍ରୀ ହେବାର ସମ୍ଭାବନା ସୃଷ୍ଟି ହୋଇଛି। ମୋଦୀ ମନ୍ତ୍ରିମଣ୍ଡଳର ସମ୍ପ୍ରସାରଣରେ କଂଗ୍ରେସ ଛାଡି ବିଜେପିରେ ଯୋଗ ଦେଇଥିବା ଜ୍ୟୋତିରାଦିତ୍ୟ ସିନ୍ଧିଆ, ଆସାମର ପୂର୍ବତନ ମୁଖ୍ୟମନ୍ତ୍ରୀ ସରବନନ୍ଦ ସୋନୋୱାଲ, ବିହାରର ପୂର୍ବତନ ଡେପୁଟି ସିଏମ, ବରୁଣ ଗାନ୍ଧୀ, ସନ୍ତୋଷ କୁଶୱା, ଜାମିଆଙ୍ଗ ସେରିଙ୍ଗ ନାମଗିଆଲ, ଲକେଟ ଚାଟାର୍ଜୀ ପାଇପାରିବେ। ଏକ ସ୍ଥାନ ଏହା ବ୍ୟତୀତ ଏଲଜେପି ନେତା ପଶୁପତି ପରାସଙ୍କ ନାମ ମଧ୍ୟ ଆଲୋଚନା ଚାଲିଛି। ତାଙ୍କୁ କ୍ୟାବିନେଟରେ ମଧ୍ୟ ଏକ ପଦ ଦିଆଯାଇପାରେ।

ନୂତନ ମନ୍ତ୍ରୀ ମଣ୍ଡଳରେ ଓଡିଶାର ଚେହେରା କଣ ହବ

ମୋଦୀଙ୍କ ନୂଆ ମନ୍ତ୍ରୀ ମଣ୍ଡଳରେ କିଏ ସ୍ଥାନ ପାଇବ କିଏ ରହିବ ସେ ନେଇ ଚାଲିଛି ବିଶେଷ ଚର୍ଚ୍ଚା। ସେହି ଅନୁସାରେ କହିବାକୁ ଗଲେ ଧର୍ମେନ୍ଦ୍ର ପ୍ରଧାନଙ୍କର ପୂର୍ବପରି ପେଟ୍ରୋଲିୟମ ବିଭାଗ ରହିବ। ହେଲେ ଇସ୍ପାତ ବିଭାଗଟି ତାଙ୍କ ହାତରୁ ଖସିପାରେ। ଏପରି ଦିଲ୍ଲୀରେ ମଧ୍ୟ ଚର୍ଚ୍ଚା ଚାଲିଛି ଯେ ଧର୍ମେନ୍ଦ୍ରଙ୍କ ପୁରା ବିଭାଗ ବଦଳି ଯିବ, ତାଙ୍କୁ ନୂଆ ବିଭାଗର ଦାୟିତ୍ବ ପ୍ରଦାନ କରାଯିବ। ସେହିପରି ଓଡିଶାର ଅନ୍ୟତମ ମନ୍ତ୍ରୀ ପ୍ରତାପ ଷଡଙ୍ଗୀ ମନ୍ତ୍ରୀ ପଦ ଚାଲିଯାଇପାରେ ବୋଲି ଆଲୋଚନା ଚାଲିଛି। କାରଣ ତାଙ୍କର ବିଭାଗରେ ସେ ସନ୍ତୋଷଜନକ କାର୍ଯ୍ୟ କରିପାରି ନାହାଁନ୍ତି।

ତେବେ ଏହି ମନ୍ତ୍ରୀମଣ୍ଡଳରେ ଓଡିଶାରୁ ଯିଏ ସ୍ଥାନ ପାଇବେ ସେ ହେଉଛନ୍ତି ରାଜ୍ୟ ସଭା ସାଂସଦ ଅଶ୍ବନୀ ବୈଷ୍ଣବ। ତାଙ୍କର ଦିଲ୍ଲୀ ଦରବାରରେ ବେଶ ଦବଦବା ରହିଥିବାରୁ ତାଙ୍କୁ କ୍ୟାବିନେଟ ପ୍ୟାହା ଦିଆଯିବ। ଭୁବନେଶ୍ବର ସାଂସଦ ଅପରାଜିତା ଷଡଙ୍ଗୀଙ୍କ ନାମ ପ୍ରଥମେ ଚର୍ଚ୍ଚାରେ ଥିଲା। ହେଲେ ପରବର୍ତ୍ତି ସମୟରେ ତାଙ୍କ ନାମ ଆଉ ଆଲୋଚନା କରାଯାଉ ନାହିଁ। ଫଳରେ ସେ ମନ୍ତ୍ରୀ ହେବା ସମ୍ଭାବନା ନାହିଁ ବୋଲି ଜଣାପଡିଛି।

ଭୁବନେଶ୍ବର, ଓଡିଶାରୁ ରାଜ୍ୟସଭାକୁ ନିର୍ବାଚିତ ହୋଇ ଯାଇଥିବା ବିଜେପି ସାଂସଦ ଅଶ୍ବନୀ ବୈଷ୍ଣବ ବର୍ତ୍ତମାନ ଜାତୀୟ ଗଣମାଧ୍ୟମର ଚର୍ଚ୍ଚାରେ ଅଛନ୍ତି। ଏହାର କାରଣ ହେଲା ମୋଦି ମନ୍ତ୍ରୀମଣ୍ଡଳରେ ଯେଉଁ ଅଦଳବଦଳ ହେଉଛି ସେଥିରେ ବୈଷ୍ଣବ ମନ୍ତ୍ରୀ ହେବେ। ଏହାକୁ ନେଇ ଜାତୀୟ ସ୍ତରର ପ୍ରାୟ ପ୍ରମୁଖ ଗଣମାଧ୍ୟମ ରିପୋର୍ଟ କରିଛନ୍ତି।

ବିଭିନ୍ନ ଗଣମାଧ୍ୟମରେ ବର୍ତ୍ତମାନ ମୋଦି କେଉଁମାନଙ୍କୁ ମନ୍ତ୍ରୀ କରୁଛନ୍ତି ସେମାନଙ୍କୁ ନେଇ କଳ୍ପନାଜଳ୍ପନା ପ୍ରକାଶ ପାଇବାରେ ଲାଗିଛି। କେତେକ ଗଣମାଧ୍ୟମ 7 ଜଣ, କେଉଁଥିରେ 12 ଜଣ ଏବଂ କେତେକ ଗଣମାଧ୍ୟମ 15 ଜଣଙ୍କ ତାଲିକା ପ୍ରକାଶ କରିଛନ୍ତି। ଆଶ୍ଚର୍ଯ୍ୟର କଥା ଅର୍ଦ୍ଧାଧିକ ଗଣମାଧ୍ୟମରେ ଓଡିଶା ସାଂସଦ ଅଶ୍ବନୀ ବୈଷ୍ଣବଙ୍କ ନାମ ରହିଛି। ସେ କେନ୍ଦ୍ରମନ୍ତ୍ରୀ ମଣ୍ଡଳରେ ସାମିଲ ହେଉଛନ୍ତି ବୋଲି ଏସବୁ ଗଣମାଧ୍ୟମ ଉଲ୍ଲେଖ କରାଯାଇଛି।

କଣ ପାଇଁ ଅଶ୍ବନୀ ବୈଷ୍ଣବଙ୍କ ନାମରେ ଚର୍ଚ୍ଚା ହେଉଛି

ଅଶ୍ବନୀ ବୈଷ୍ଣବ 2019 ମସିହାରେ ବିଜେଡି ସମର୍ଥନରେ ବିଜେପି ପ୍ରାର୍ଥୀ ଭାବେ ରାଜ୍ୟସଭାକୁ ନିର୍ବାଚିତ ହୋଇ ଯାଇଛନ୍ତି। ଏହାପରେ ଅଶ୍ବନୀ ବୈଷ୍ଣବ ଉଭୟ ବିଜେପି ଓ ବିଜେଡିର ଗୁଡ ବୁକରେ ଅଛନ୍ତି। ସେ ବିଜେଡି ସମର୍ଥନରେ ରାଜ୍ୟସଭାକୁ ଯାଇଥିବାରୁ କେବେ ବି ନବୀନଙ୍କ କିମ୍ବା ରାଜ୍ୟ ସରକାରଙ୍କ ବିରୋଧରେ କିଛି କହି ନାହାଁନ୍ତି।

ବର୍ତ୍ତମାନେ ଓଡିଶାରେ ବିଜେପିକୁ ଶକ୍ତିଶାଳୀ କରିବାରେ ଅଶ୍ବନୀଙ୍କୁ ବ୍ୟବହାର କରିବା ପାଇଁ କୁଆଡେ କେନ୍ଦ୍ରୀୟ ଦଳ ନିଷ୍ପତି କରିଛନ୍ତି। କାରଣ ପୂର୍ବରୁ ଧର୍ମେନ୍ଦ୍ର ପ୍ରଧାନ ଏବଂ ପ୍ରତାପ ଷଡଙ୍ଗୀଙ୍କୁ ମନ୍ତ୍ରୀ କରାଯାଇଥିଲେ ମଧ୍ୟ ରାଜ୍ୟ ବିଜେପିର କିଛି ଲାଭ ହେଲା ନାହିଁ। ଓଡିଶାର ଜନସାଧାରଣ ଜଣେ ଶାନ୍ତଶିଷ୍ଠ ନେନୃତ୍ୟ ଚାହୁଁଛନ୍ତି ବୋଲି କେନ୍ଦ୍ରୀୟ ନେତା ଜାଣିବା ପରେ ସେମାନେ ଅଶ୍ବନୀଙ୍କୁ ମାଧ୍ୟମ କରିବେ ବୋଲି ସମ୍ଭାବନା ସୃଷ୍ଟି ହୋଇଛି।

ଅନ୍ୟପକ୍ଷରେ ଅଶ୍ବନୀ ବୈଷ୍ଣବ ଯେତେବେଳେ ଅଟଳବିହାରୀ ବାଜପେୟୀଙ୍କ ପ୍ରାଭେଟ ସେକ୍ରେଟାରୀ ଥିଲେ ସେତେବେଳେ ତାଙ୍କର ମୋଦିଙ୍କ ସହିତ ଘନିଷ୍ଠ ସଂପର୍କ ରହିଛି। ମୋଦି ମୁଖ୍ୟମନ୍ତ୍ରୀ ଥିବା ବେଳେ ଅଶ୍ବନୀଙ୍କ ମାଧ୍ୟମରେ ସେ ବାଜପେୟୀଙ୍କଠାରୁ ଉଭୟ ସରକାରୀ ଓ ରାଜନୈତିକ ସହଯୋଗ ହାସଲ କରିଥିଲେ। ସେଥିପାଇଁ ସେ ମୋଦିଙ୍କ ଗୁଡବୁକରେ ରହିଛନ୍ତି।

ଅନ୍ୟପକ୍ଷରେ ଅଶ୍ବିନୀଙ୍କ ପାଇଁ ଧର୍ମେନ୍ଦ୍ର ପ୍ରଧାନଙ୍କ ବଡ ସମର୍ଥନ ରହିଛି। କାରଣ ହେଲା ସେ ଚାହୁଁନାହାଁନ୍ତି ଓଡିଶାରୁ ବୈଜୟନ୍ତ ପଣ୍ଡା କିମ୍ବା ଅପରାଜିତା ଷଡଙ୍ଗୀ ମନ୍ତ୍ରୀ ହୁଅନ୍ତୁ। ଅଶ୍ବନୀ ବୈଷ୍ଣବ ହେଲେ ତାଙ୍କ ପାଇଁ କୌଣସି ବିପଦ ହେବା ନାହିଁ। ସେଥିପାଇଁ ଅଶ୍ବନୀଙ୍କୁ ମନ୍ତ୍ରୀ କରିବା ସପକ୍ଷରେ ଧର୍ମେନ୍ଦ୍ର ଅଛନ୍ତି।

ଏସବୁ କାରଣରୁ ଜାତୀୟ ରାଜନୀତିରେ ଅଶ୍ବନୀଙ୍କ ନାମ ବେଶ୍ ଚର୍ଚ୍ଚାରେ ରହିଛି। ଏପରିକି ସେ ମନ୍ତ୍ରୀ ହେବାର ନିଶ୍ଚିତ ସମ୍ଭାବନା ସୃଷ୍ଟି କରିଛି।

ନୂଆଦିଲ୍ଲୀ, କେନ୍ଦ୍ର ମନ୍ତ୍ରମଣ୍ଡଳ ଅଦଳବଦଳ ପକ୍ରିୟା ବର୍ତ୍ତମାନ ଶେଷ ପର୍ଯ୍ୟାୟରେ ପହଁଚିଛି। ଯାହା ଜଣପଡିଛି ଆସନ୍ତା 21 ତାରିଖରେ ନୂଆ ମନ୍ତ୍ରୀ ମଣ୍ଡଳ ଶପଥ ଗ୍ରହଣ କରିବେ। ସେଥିପାଇଁ ପ୍ରସ୍ତୁତି ଆରମ୍ଭ ହୋଇଲାଣି। ଅନ୍ୟପଟେ ଯେଉଁମାନେ ମନ୍ତ୍ରୀମଣ୍ଡଳରେ ସ୍ଥାନ ପାଇବେ ସେମାନଙ୍କୁ ଦିଲ୍ଲୀ ଡକରା ହେଲାଣି।

ଆଜି ଆସାମର ପୂର୍ବତ୍ତନ ମୁଖ୍ୟମନ୍ତ୍ରୀ ସର୍ବାନନ୍ଦ ସୋନୱାଲା ନୂଆଦିଲ୍ଲୀରେ ପହଁଚିଛନ୍ତି। ତେବେ ଏଥର ନୂଆ ମନ୍ତ୍ରୀମଣ୍ଡଳର ରୂପରେଖ କଣ ହେବ ସେ ନେଇ ଜଣାପଡି ନାହିଁ। କେତେଜଣ ଏଥିରେ ସାମିଲ ହେବେ ସେ ନେଇ ମଧ୍ୟ କୌଣସି ସୂଚନା ମିଳି ନାହିଁ। ହେଲେ ଏଥର ନୂଆ ମନ୍ତ୍ରୀ ମଣ୍ଡଳରେ ଯୁବ ଗୋଷ୍ଠୀଙ୍କୁ ଗୁରୁତ୍ବ ଦିଆଯିବ ବୋଲି ଜଣାପଡିଛି।

ତେବେ ନୂଆ ମନ୍ତ୍ରୀ ମଣ୍ଡଳରେ ଯେଉଁମାନେ ସାମିଲ ହେବାର ସମ୍ଭାବନା ରହିଛି ସେମାନଙ୍କୁ ନେଇ ଦିଲ୍ଲୀ ରାଜନୈତିକ ମହଲରେ ବେଶ ଚର୍ଚ୍ଚା ଆରମ୍ଭ ହୋଇଯାଇଛି। ଦିଲ୍ଲୀ ସୂଚନା ଅନୁସାରେ ବର୍ତ୍ତମାନ ନୂଆମନ୍ତ୍ରୀ ହେବାରେ ସାତ ଜଣଙ୍କ ନାମ ନିଶ୍ଚିତ ହୋଇଛି। ସେମାନଙ୍କ ମଧ୍ୟରୁ ଯେଉଁମାନେ ଦିଲ୍ଲୀରେ ନାହାଁନ୍ତି, ସେମାନଙ୍କୁ ଡକାରା ଚାଲିଛି ବୋଲି ଜଣାପଡିଛି। ତେବେ ନୂଆ ମନ୍ତ୍ରୀ ମଣ୍ଡଳରେ ସାମିଲ ହେବାରେ ଯେଉଁମାନଙ୍କ ନାମ ଚର୍ଚ୍ଚାରେ ଚାଲିଛି ସେମାନେ ହେଲେ..

1- ଜ୍ୟୋତିରାଦିତ୍ୟ ସିନ୍ଧିଆ- ମଧ୍ୟ ପ୍ରଦେଶର ଟାଣୁଆ କଂଗ୍ରେସ ନେତା ଦଳ ଛାଡି ବିଜେପିରେ ଯୋଗ ଦେଇଛନ୍ତି। ସେ ହେଉଛନ୍ତି ପୂର୍ବତନ କେନ୍ଦ୍ରମନ୍ତ୍ରୀ ତଥା 4 ଥର ଲୋକସଭା ସଦସ୍ୟ ରହିଆସିଛନ୍ତି।

2-ସର୍ବାନନ୍ଦ ସୋନୱାଲା- ଆସାମର ପୂର୍ବତନ ମୁଖ୍ୟମନ୍ତ୍ରୀ ହେଉଛନ୍ତି ସର୍ବାନନ୍ଦ ସୋନୱାଲା । ନିକଟରେ ଆସାମ ବିଧାନସଭା ନିର୍ବାଚନ ପରେ ସେଠାରେ ହିମନ୍ତ ଶର୍ମାଙ୍କୁ ମୁଖ୍ୟମନ୍ତ୍ରୀ କରାଯାଇଛି। ହେଲେ ତାପୂର୍ବରୁ ସର୍ବାନନ୍ଦ ମୁଖ୍ୟମନ୍ତ୍ରୀ ଥିଲେ। ହିମନ୍ତଙ୍କୁ ମୁଖ୍ୟମନ୍ତ୍ରୀ କରିବା ପୂର୍ବରୁ ସର୍ବାନନ୍ଦଙ୍କୁ କେନ୍ଦ୍ର ମନ୍ତ୍ରୀ ମଣ୍ଡଳରେ ସ୍ଥାନିତ କରାଯିବ ବୋଲି କୁଆଡେ ପ୍ରତିଶୃତି ଦିଆଯାଇଥିଲା।

3-ଦୀନେଶ ତ୍ରିବେଦୀ- ପୂର୍ବତନ ତ୍ରୁଣମୂଳ କଂଗ୍ରେସ ନେତା ତଥା ପୂର୍ବତନ କେନ୍ଦ୍ରମନ୍ତ୍ରୀ ହେଉଛନ୍ତି ଦୀନେଶ। ସେ ଟିଏମସି ଛାଡି ବିଜେପିରେ ଯୋଗଦେଇଛନ୍ତି। ଗତ ଫେବୃୟାରୀରେ ଦୀନେଶ ଟିଏମସି ଏବଂ ରାଜ୍ୟସଭାରୁ ଇସ୍ତଫା ଦେଇ ବିଜେପିରେ ଯୋଗଦେଇଛନ୍ତି।

4-ଭୂପେନ୍ଦର ଯାଦବ- ରାଜସ୍ଥାନରୁ ବିଜେପିର ରାଜ୍ୟସଭା ସଦସ୍ୟ ଅଛନ୍ତି ଭୁପେନ୍ଦର ଯାଦବ। ରାଜସ୍ଥାନରେ ବିଜେପି ମଧ୍ୟରେ ଚାଲିଥିବା ଛକାପଞ୍ଚା ମଧ୍ୟରେ ଭୂପେନ୍ଦର ସମତୁଳ ରଖିପାରିବେ ବୋଲି ଆଶା।

5-ଅଶ୍ବନୀ ବୈଷ୍ଣବ- ଓଡିଶା କ୍ୟାଡରର ଆଇଏଏସ ଅଫିସର ହେଉଛନ୍ତି ଅଶ୍ବନୀ ବୈଷ୍ଣବ। ନିକଟରେ ସେ ବିଜେପି ପ୍ରାର୍ଥୀଭାବେ ଓଡିଶାରୁ ରାଜ୍ୟସଭାକୁ ନିର୍ବାଚତି ହୋଇ ଯାଇଛନ୍ତି। ତାଙ୍କର ପ୍ରାର୍ଥିତ୍ବକୁ ବିଜେଡି ମଧ୍ୟ ସମର୍ଥନ କରିଥିଲା। ମନ୍ତ୍ରୀ ମଣ୍ଡଳ ଅଦଳବଦଳ ଚର୍ଚ୍ଚା ହେବା ଦିନଠାରୁ ତାଙ୍କର ନାମ ଚର୍ଚ୍ଚାରେ ରହିଛି।

6-ବରୁଣ ଗାନ୍ଧୀ- ମେନକା ତଥା ସ୍ବର୍ଗତ ସଂଜୟ ଗାନ୍ଧୀଙ୍କୁ ପୁତ୍ର ହେଉଛନ୍ତି ବରୁଣ ଗାନ୍ଧୀ। ସେ ବର୍ତ୍ତମାନ ଲୋକସଭା ସଦସ୍ୟ ରହିଛନ୍ତି। ଜଣେ ଯୁବ ଦକ୍ଷ ନେତା ଭାବେ ତାଙ୍କର ଦକ୍ଷତା ରହିଛି।

7-ଜମ୍ୟାଙ୍ଗ ତେସରିଂ ନମଗ୍ୟାଲ- ଲଦାଖରୁ ବିଜେପି ସାଂସଦ ଅଛନ୍ତି ଜମ୍ୟାଙ୍କ ତେସରିଂ ନମଗ୍ୟାଲ। ସେ ବର୍ତ୍ତମାନ ସ୍ଥାନୀୟ ଅଞ୍ଚଳର ବିଜେପି ମୁଖ୍ୟ ଭାବେ କାର୍ଯ୍ୟ କରୁଛନ୍ତି।