ନୂଆଦିଲ୍ଲୀ: କେନ୍ଦ୍ର ସରକାର ଆଉ ଚାଷୀଙ୍କ ମଧ୍ୟରେ ଚାଲିଥିବା ଅଷ୍ଟମ ପର୍ଯ୍ୟାୟ ଆଲୋଚନା ସମାପ୍ତ ହୋଇଛି। ଏହି ଆଲୋଚନାରେ ମଧ୍ୟ କୌଣସି ସମାଧାନର ରାସ୍ତା ବାହାରି ପାରିନାହିଁ। ତେବେ ଆସନ୍ତା ୮ ତାରିଖ ଅପରାହ୍ନ ୨ ଟାରେ ପୁନର୍ବାର ଆଲୋଚନା କରାଯିବ ବୋଲି ସୂଚନା ରହିଛି। ଦେଶର ସବୁ କୃଷକଙ୍କୁ ନଜରରେ ରଖି ନିଷ୍ପତ୍ତି ନିଆଯିବ ବୋଲି କେନ୍ଦ୍ର କୃଷି ମନ୍ତ୍ରୀ ନରେନ୍ଦ୍ର ସିଂ ତୋମର କହିଛନ୍ତି। ସରକାର କୃଷକଙ୍କ ଆଲୋଚନାରେ ସମାଧାନର ରାସ୍ତା ବାହାରିବ ବୋଲି କୃଷି ମନ୍ତ୍ରୀ କହିଛନ୍ତି। ହେଲେ ଏମ୍ଏସ୍ପି ବିଷୟରେ ସରକାର ମାନିବା ପାଇଁ ପ୍ରସ୍ତୁତ ବୋଲି କେନ୍ଦ୍ର କୃଷିମନ୍ତ୍ରୀ ନରେନ୍ଦ୍ର ସିଂ ତୋମାର ସୂଚନା ଦେଇଛନ୍ତି।
ତେବେ କୃଷକ ନେତା ରାକେଶ ଟିକୈତ ଆଇନକୁ ସଂପୂର୍ଣ୍ଣ ରଦ୍ଦ କରିବା ପାଇଁ ଅଡି ବସିଛନ୍ତି। ନୂଆ ଆଇନକୁ ସଂପୂର୍ଣ୍ଣ ରଦ୍ଦ ବିନା ଏହାର କୌଣସି ସମାଧାନ ନାହିଁ ବୋଲି ସେ କହିଛନ୍ତି।