The Samikhsya Odia
ଭୁବନେଶ୍ବର: ବେଶ କିଛିଦିନ ଧରି ରାଜ୍ୟର ରାତିର ତାପମାତ୍ର ହ୍ରାସ ପାଇବାରେ ଲାଗିଛି। ଭୁବନେଶ୍ବର ଆଞ୍ଚଳିକ ପାଣିପାଗ ବିଭାଗ ଅନୁସାରେ ରାଜ୍ୟର ଜି.ଉଦୟଗିର ଏବଂ ଶିମିଳିଗୁଡା ରେ ୧୦ ଡ଼ିଗ୍ରୀ ତଳେ ପାରଦ ରହିଛି। ଜି.ଉଦୟଗିରି ରେ ସର୍ବନିମ୍ନ ରାତ୍ରି ତାପମାତ୍ରା ୭.୨ଡ଼ିଗ୍ରୀ ରହିଥିଲା।
ସେହିପରି ୨୦ ସ୍ଥାନର ପାରଦ ୧୫ ଡ଼ିଗ୍ରୀ ତଳେ ରହିଥିବାର ଜଣାପଡିଛି। ଆଗାମୀ ୩ ରୁ ୪ ଦିନ ରାତ୍ରି ତାପମାତ୍ରା ରେ ବିଶେଷ ପରିବର୍ତ୍ତନ ନାହିଁ ହେଲେ ଥଣ୍ଟା ଅନୁଭୂତ ହେବ। ଉତ୍ତର ପଶ୍ଚିମ ତଥା ଉତ୍ତର ଦିଗରୁ କ୍ରମାଗତ ଭାବେ ଥଣ୍ଡା ବାୟୁ ପ୍ରବେଶ ଯୋଗୁଁ ଏପରି ହେଉଛି ବୋଲି କୁହାଯାଇଛି।
ଭୁବନେଶ୍ବର: ଶୀତକୁ ନେଇ ପାଣିପାଗ ବିଭାଗ ତରଫରୁ ଆସିଛି ଏକ ନୂଆ ସୂଚନା। ତାହା ହେଲା ଯେ, ଏଣିକି ରାଜ୍ୟର ପାରଦ ହ୍ରାସ ପାଇବ। ଭୁବନେଶ୍ବର ପାଣିପାଗ ବିଭାଗ କହିଛି ଯେ, ଆଗାମୀ ୧୨ ତାରିଖ ପରେ ରାଜ୍ୟରେ ଶୀତର ପ୍ରକୋପ ବଢିବ।
ଆଗାମୀ ୩ ଦିନ ଯାଏଁ ରାତ୍ରି ତାପମାତ୍ରା ରେ ବିଶେଷ ପରିବର୍ତ୍ତନ ର ସମ୍ଭାବନା ନାହିଁ। ହେଲେ ଏହାର ୨ ଦିନ ମଧ୍ୟରେ ରାତ୍ରି ତାପମାତ୍ରା ୨ ରୁ ୩ ଡ଼ିଗ୍ରୀ ଯାଏଁ ତଳକୁ ଖସିବାର ସମ୍ଭାବନା ରହିଛି ବୋଲି ପାଣିପାଗ ବିଭାଗ କହିଛି।
ଭୁବନେଶ୍ବର: ଓଡିଶାରେ ବର୍ତ୍ତମାନ ଶୀତର ପ୍ରକୋପ ଆରମ୍ଭ ହୋଇଗଲାଣି।ଗତ କିଛି ମାସ ଧରି ରାଜ୍ୟରେ ବର୍ଷା ଆଉ ବାତ୍ୟା ପରେ ଏବେ ଶାନ୍ତ ପଡିବାକୁ ଯାଉଛି ପରିବେଶ। ସେଥିପାଇଁ ରାଜ୍ୟର ରାତିର ତାପମାତ୍ରା ଏବେ ହ୍ରାସ ପାଇବାରେ ଲାଗିଛି।
ଭୁବନେଶ୍ବର ଆଞ୍ଚଳିକ ପାଣିପାଗ ବିଭାଗ ଅନୁସାରେ ଗତକାଲି ୨୩ସହରର ରାତ୍ରି ତାପମାତ୍ରା ୨୦ଡ଼ିଗ୍ରୀ ତଳେ ରେକର୍ଡ କରାଯାଇଛି। ସେଗୁଡିକ ମଧ୍ୟରେ କନ୍ଧମାଳ ଜିଲ୍ଲାର ଜି.ଉଦୟଗିରି ରେ ୧୨.୪ ଡ଼ିଗ୍ରୀ ଏବଂ ସିମିଲିଗୁଡା କୋରାପୁଟ ଠାରେ ୧୨.୯ ଡ଼ିଗ୍ରୀ ତାପମାତ୍ରା ରେକର୍ଡ କରାଯାଇଛି।
ସେହିପରି ଦାରିଙ୍ଗବାଡି ୧୩.୫ ଡ଼ିଗ୍ରୀ, କୋରାପୁଟ ୧୪.୫ ଡ଼ିଗ୍ରୀ, ଛତ୍ରପୁର, ସୋନପୁର, ବୌଦ୍ଧ, ଫୁଲବାଣୀ ଠାରେ ରାତ୍ରି ତାପମାତ୍ରା ୧୫ଡ଼ିଗ୍ରୀ ରେକର୍ଡ କରାଯାଇଛି।
ଭୁବନେଶ୍ବର: ଆଜି ସଂଧ୍ୟାରୁ ରାଜ୍ୟରେ ଶୀତର ପ୍ରକୋପ ବୃଦ୍ଧି ପାଇବାର ସମ୍ଭାବନା ସୃଷ୍ଟି ହୋଇଛି। ପାଣିପାଗ ବିଜ୍ଞାନୀଙ୍କ ଏହି ଅନୁମାନ କରିଛନ୍ତି। ସେମାନଙ୍କ ଅନୁସାରେ ବର୍ତ୍ତମାନ ରାଜ୍ୟରେ ଉତ୍ତର ଦିଗରୁ ଥଣ୍ଡା ତଥା ଶୁଷ୍କ ଜଳବାୟୁ ଲଗାତର ପ୍ରବେଶ କରିବାରେ ଲାଗିଛି। ଏହା ଧିରେଧିରେ ଶକ୍ତିଶାଳୀ ହେଉଥିବାରୁ ଆଜି ସଂଧ୍ୟାରୁ ଶୀତ ବଢିବାର ସମ୍ଭାବନା ରହିଛି ବୋଲି ଅନୁମାନ କରାଯାଉଛି।
ରାଜ୍ୟରେ ଗତକାଲିଠାରୁ ଶୀତର ପ୍ରକୋପ ଅଧିକ ଅନୁଭୂତ ହେବାରେ ଲାଗିଛି। ଗତକାଲି ରାଜ୍ୟର 22ଟି ସ୍ଥାନର ତାପମାତ୍ରା 15 ଡିଗ୍ରୀ ତଳେ ରହିଥିଲା। ଓଡିଶାର ସବୁଠାରୁ ଥଣ୍ଡାସ୍ଥାନ ଦାରିଙ୍ଗିବାଡିର ତାପମାତ୍ରା 7 ଡିଗ୍ରୀ ଭିତରେ ରହୁଛି। ପାଣିପାଗ ବିଭାଗ ଅନୁସାରେ ଗତକାଲି ରାଜ୍ୟର ତାପମାତ୍ର 1.5 ଡିଗ୍ରୀରୁ 3 ଡିଗ୍ରୀକୁ ହ୍ରାସ ପାଇଛି। ଶୀତ ସହିତ କେତେକ ସ୍ଥାନରେ ହାଲକା କୁହୁଡି ମଧ୍ୟ ଅନୁଭୂତ ହେବ ବୋଲି ଅନୁମାନ କରାଯାଇଛି।
ଭୁବନେଶ୍ବର, ଆସନ୍ତା ଡିସେମ୍ବର 30 ତାରିଖରୁ ଜାନୁୟାରୀ 2 ତାରିଖ ପର୍ଯ୍ୟନ୍ତ ପ୍ରବଳ ଶୀତ ହେବ। ପାଞ୍ଚୋଟି ଜିଲ୍ଲାରେ ପ୍ରବଳରୁ ଅତିପ୍ରବଳ ଶୀତ ହେବ ବୋଲି ପାଣିପାଗ ବିଭାଗ କହିଛି। ସେହି ଜିଲ୍ଲାଗୁଡିକ ହେଲା ଝାରସୁଗୁଡା, ଅନୁଗୁଳ, ସୁନ୍ଦରଗଡ, ଦେଓଗଡ, ବୌଦ୍ଧ ଏବଂ କନ୍ଧମାଳ। ଏଗୁଡିକୁ ୟେଲୋ ୱାର୍ଣ୍ଣି ଜାରୀ କରାଯାଇଛି। ପାଞ୍ଚୋଟି ଜିଲ୍ଲାରେ ପ୍ରବଳ ଶୀତର ସମ୍ଭାବନାକୁ ଦୃଷ୍ଟିରେ ରଖି ଏହି ଜିଲ୍ଲାର ଜିଲ୍ଲାପାଳମାନେ ଏସଆରସି ସତର୍କ ରହିବା ନିର୍ଦ୍ଦେଶ ଦେଇଛନ୍ତି। କାରଣ ଏପରି ଶୀତରେ ବିଭିନ୍ନ ରୋଗ ସହିତ ପଶୁପକ୍ଷୀମାନେ ବିପଦରେ ପଡିପାରନ୍ତି ବୋଲି ସତର୍କ କରାଯାଇଛି।
ଭୁବନେଶ୍ବରେ, ଗତ କିଛି ଦିନ ଧରି ସାରା ଓଡିଶାରେ ଶୀତ ଅନୁଭୂତ ହେବାରେ ଲାଗିଛି। ଏହି ଶୀତ ଆଉ ଗୋଟିଏ ଦିନ ହେବ ବୋଲି ପାଣିପାଗ ବିଭାଗ ତରଫରୁ କୁହାଯାଇଛି। ଏହାପରେ ପାଗରେ ସାମାନ୍ୟ ପରିବର୍ତ୍ତନ ହେବ। ତେବେ ଗତକାଲିର ତାପମାତ୍ରା ଏନୁସାରେ ସୋନପୁରରେ ସର୍ବାଧିକ ଶୀତ ଅନୁଭୂତ ହୋଇଛି। ପାଣିପାଗର ରେକର୍ଟ ଅନୁସାରେ ସୋନପୁରରେ ତାପମାତ୍ରା ଥିଲା 9.6 ଡିଗ୍ରୀ। ସେହିପରି ଫୁଲବାଣୀ ଓ ଦାରିଙ୍ଗୀବାଡିରେ 10.5, ଅନୁଗୁଳରେ 11, କୋରାପୁଟରେ 11.6, ଭବାନୀପାଟଣାରେ 12.2 ତାପମାତ୍ରା ରହିଛି। ଭୁବନେଶ୍ବର, ପୁରୀ, ବାଲେଶ୍ବରର ତାପମାତ୍ରା 18.00 ଡିଗ୍ରୀ ଥିଲା।