Categories
Municipal Election ବିଶେଷ ଖବର ରାଜ୍ୟ ଖବର

ବିଜେପି କର୍ମିଙ୍କ ପ୍ରଶ୍ନ: ଆମ ନିର୍ବାଚନ ବେଳକୁ ଦେଖାଦେଲ ନାହିଁ, ତମ ନିର୍ବାଚନ ବେଳକୁ ଆମେ ଦେଖିବୁ

ପ୍ରକାଶ ଭୋଳ

ସରିଲା ପଞ୍ଚାୟତ ଆଉ ପୌର ନିର୍ବାଚନ। କିଏ ଜିତିଲା କିଏ ହାରିଲା ତାହା ଭିନ୍ନ କଥା। ହେଲେ ସାରା ଓଡିଶା ରାଜନୀତିରେ ଗୋଟିଏ ବଡ ପ୍ରଶ୍ନ ଉଠିଛି। ତାହା ହେଲା ବିଜେପି ନେତାଙ୍କ ଛତ୍ରଭଂଗ। ଏତେ ବଡ ନିର୍ବାଚନ ଶେଷ ହେଲା। ବିଜେପି ମଙ୍ଗୁଆଳମାନେ ବିଭିନ୍ନ କେନ୍ଦ୍ରୀୟ କାମ ଆଳରେ ନିର୍ବାଚନ ମଇଦାନରୁ ନିଜକୁ ଦୂରେଇ ରଖିଲେ।

ଧର୍ମେନ୍ଦ୍ରଙ୍କ ଶିବିର କହିଲା ଯେ ବାବୁ ଉତ୍ତର ପ୍ରଦେଶ ନିର୍ବାଚନ ଦାୟିତ୍ବରେ ଅଛନ୍ତି। ମୋଦୀ ଗୁରୁ ଦାୟିତ୍ବ ଦେଇଥିବାରୁ ସେ ଆସିପାରିବେ ନାହିଁ। ହେଲେ ପୌର ନିର୍ବାଚନ ବେଳକୁ ୟୁପି ନିର୍ବାଚନ ଶେଷ ହୋଇଯାଇଥିଲା। ବାବୁ କାହିଁକି ଆସିପାରିଲେ ନାହିଁ ? ଧର୍ମେନ୍ଦ୍ରଙ୍କ ପାଇଁ ଓଡିଶା ରାଜନୀତି ବଡ ନା ୟୁପି ରାଜନୀତି ବଡ ତାହାର ଉତ୍ତର ସେ ନିଜେ ମଧ୍ୟ ଜାଣିପାରୁ ନାହାଁନ୍ତି।

ସେହିପରି ଅପରାଜିତା ଷଡଙ୍ଗୀ କଥା ବିଚାରକୁ ନିଆଯାଉ। ଭୁବନେଶ୍ବର ମେୟର କରି ଜଣକୁ ଛିଡା କଲେ। ହଲେ ତାଙ୍କୁ ତାଙ୍କ ନିଜ ଦଳର ନେତା ସମର୍ଥନ କରିଲେ ନାହିଁ। ଏପରିକି ଖୋଦ ଅପରାଜିତା ମଧ୍ୟ ପ୍ରଚାର ନ କରି ଅଧାରୁ ମଇଦାନ ଛାଡି ଫେରାର। ଏପରି ପରିସ୍ଥିତିରେ ସୁନୀତ ମୁଣ୍ଡଙ୍କ ମୁଣ୍ଡ ମଧ୍ୟ କାମ କଲା ନାହିଁ।

ସେହିପରି ଅନ୍ୟତମ ମନ୍ତ୍ରୀ ବିଶେଶ୍ବର ଟୁଡୁ, ପୂର୍ବତନ ମନ୍ତ୍ରୀ ପ୍ରତାପ ଷଡଙ୍ଗୀ ଏପରିକି ମନ୍ତ୍ରୀ ଅଶ୍ବନୀ ବୈଷ୍ଣବଙ୍କୁ ମଧ୍ୟ ନିର୍ବାଚନରେ ଦେଖିବାକୁ ମିଲିଲା ନାହିଁ। ଏପରି କ୍ଷେତ୍ରରେ ରାଜ୍ୟ ବିଜେପି ମଧ୍ୟରେ କଣ କିଛି ଗୋଟେ ଘଟିଛି ବୋଲି ସାଧାରଣରେ ଆଲୋଚନା ହେଉଛି।

ସାଧାରଣତଃ ଯେଉଁମାନେ ରାଜନୀତି କରନ୍ତି ସେମାନଙ୍କର ପରୀକ୍ଷା ସମୟ ହେଉଛି ନିର୍ବାଚନ। ରାଜ୍ୟ ବିଜେପି ପୂର୍ବରୁ ବହୁ ପାଠ ପଢିଲେ, ଆଉ ପଢାଇଲେ ମଧ୍ୟ। ହେଲେ ଠିକ ପରୀକ୍ଷା ବେଳକୁ ମଇଦାନରୁ ଫେରାର। ଏହା ଦ୍ବାରା ବିଜେପି ନେତୃତ୍ବ ତଥା ସେମାନଙ୍କ ରାଜନୀତି ପ୍ରତି ସାଧାରଣରେ ସନ୍ଦେହ ସୃଷ୍ଟି ହୋଇଛି।

ବିଜେପି ମଙ୍ଗୁଆଳଙ୍କ ଏପରି ଛତ୍ରଭଂଗ ସାଧାରଣ ଲୋକଙ୍କୁ କାହିଁକି ଖୋଦ ବିଜେପି କର୍ମିମାନେ ମଧ୍ୟ ସନ୍ଦେହ କରୁଛନ୍ତି। ଅସନ୍ତୋଷ ମଧ୍ୟ ହେଉଛନ୍ତି। କାରଣ ପଞ୍ଚାୟତ ଆଉ ପୌର ନିର୍ବାଚନ ହେଉଛି ତୃଣମୂଳରେ ଥିବା କର୍ମିଙ୍କ ନିର୍ବାଚନ। ଏହି ନିର୍ବାଚନରେ ଦଳକୁ ମଜବୁତ କରିବା ପାଇଁ ଗାଁ ସ୍ତରରେ ସଂଗଠନ କରାଯାଇଥାଏ।

ନେତାମାନଙ୍କର ଯେପରି ବିଧାୟକ କିମ୍ବା ସାଂସଦ ହେବାକୁ ଆଗ୍ରହ ଥାଏ, ସେହିପରି ଗ୍ରାମାଞ୍ଚଳର କର୍ମିମାନେ ମଧ୍ୟ ସରପଞ୍ଚ, କାଉନସିଲର, ୱାର୍ଡ ମେମ୍ବର ହେବାକୁ ଚାହିଁଥାନ୍ତି। ହେଲେ ସେମାନଙ୍କ ନିର୍ବାଚନ ବେଳକୁ ମଙ୍ଗୁଆଳ ନେତାଙ୍କ ଦେଖା ମିଳିଲା ନାହିଁ। ସେମାନଙ୍କ ପରୀକ୍ଷା ବେଳେ ନା ଧର୍ମେନ୍ଦ୍ର, ନା ଅଶ୍ବନୀ ବୈଷ୍ଣବ, ନା ବିଶେଶ୍ବର ଟୁଡୁ ନା ଅନ୍ୟ ମଙ୍ଗୁଆଳମାନେ ମଙ୍ଗ ଧରିବା ପାଇଁ ଆଗେଇ ଆସିଲେ।

ପ୍ରଚାର ନ କଲ ନାହିଁ, ହେଲେ ସେମାନଙ୍କୁ ଅନ୍ତତଃ ପକ୍ଷେ ପୋଷ୍ଟର ବ୍ୟାନର ଦେବା କିମ୍ବା କିଛି ଆର୍ଥିକ ସହାୟତା ଦେବା କଥା, ତାହା ମଧ୍ୟ କଲେ ନାହିଁ। ଏପରିକି ନିର୍ବାଚନ ସମୟରେ କିଏ କାହାକୁ ଟିକେଟ ଦେବ ତାହା ମଧ୍ୟ କର୍ମିମାନେ ଜାଣିପାରିଲେ ନାହିଁ। ଯାହାକୁ ନେଇ ତଳସ୍ତରର କର୍ମି ମହଲରେ ବେଶ୍ ଅସନ୍ତୋଷ ବୃଦ୍ଧି ପାଇବାରେ ଲାଗିଛି।

ଯେଉଁମାନେ ମାତ୍ର ଶହେରୁ ତିନିଶହ ଭୋଟରେ ହାରିଛନ୍ତି, ସେମାନଙ୍କ କ୍ଷେତ୍ରରେ ଏହି ଅସନ୍ତୋଷ ଆହୁରି ତୀବ୍ରତର ହୋଇଛି । ସେମାନଙ୍କୁ ଯଦି ଟିକିଏ ସହାୟତା ରାଜ୍ୟ ନେତୃତ୍ବ ପ୍ରଦାନ କରିଥାଆନ୍ତେ, ତେବେ ହୁଏତ ସେମାନେ ଜିତି ପାରିଥାଆନ୍ତେ। ଫଳରେ ସେମାନେ ବର୍ତ୍ତମାନ ରାଗ ତମତମ ହୋଇ ରହିଛନ୍ତି। ଏହିପରି ବହୁ କର୍ମି ଭିତରେ ଭିତରେ ନିଷ୍ପତି କରିଛନ୍ତି ଯଦି ଆମ ନିର୍ବାଚନ ବେଳକୁ ତମେ ସାଥ୍ ଦେଲ ନାହିଁ, ତେବେ ତମ ନିର୍ବାଚନ ବେଳକୁ ଆମେ ଦେଖିବୁ।

Categories
ବିଶେଷ ଖବର ରାଜ୍ୟ ଖବର

ମୁଖ୍ୟମନ୍ତ୍ରୀଙ୍କ ଐତିହାସିକ ବିଜୟ ନେଇ ଅଭିନନ୍ଦନ କଲେ ଆଇଏଏସ, ଆଇପିଏସ ସହ ବିଭିନ୍ନ ସରକାରୀ ସଂଗଠନ

ଭୁବନେଶ୍ୱର: ବରିଷ୍ଠ ଆଇଏଏସ୍, ଆଇପିଏସ୍ ଅଧିକାରୀ ଏବଂ ବିଭିନ୍ନ ସେବା ସଙ୍ଗଠନର ସଦସ୍ୟ ଆଜି ମୁଖ୍ୟମନ୍ତ୍ରୀ ଶ୍ରୀ ନବୀନ ପଟ୍ଟନାୟକଙ୍କୁ ଭେଟି ଅଭିନନ୍ଦନ ଜଣାଇଛନ୍ତି। ନିକଟରେ ଅନୁଷ୍ଠିତ ପଞ୍ଚାୟତ ଏବଂ ପୌର ନିର୍ବାଚନରେ ମୁଖ୍ୟମନ୍ତ୍ରୀଙ୍କ ​​ଚମତ୍କାର ସଫଳତା ପାଇଁ ତାଙ୍କୁ ଏହି ଅଭିନନ୍ଦନ ଜଣାଇଛନ୍ତି।

 ଅନୁରୂପ ଭାବେ ଅଧିକାରୀମାନଙ୍କୁ ଧନ୍ୟବାଦ ଜଣାଇ ମୁଖ୍ୟମନ୍ତ୍ରୀ ରାଜ୍ୟର ବିକାଶ ତଥା ପ୍ରଗତି ପାଇଁ ଅଧିକ ପ୍ରତିବଦ୍ଧତା ସହ କାର୍ଯ୍ୟ କରିବାକୁ ସେମାନଙ୍କୁ କହିଥିଲେ। ମୁଖ୍ୟ ଶାସନ ସଚିବ ଶ୍ରୀ ସୁରେଶ ମହାପାତ୍ର, ଉନ୍ନୟନ କମିଶନର ଶ୍ରୀ ପି.କେ ଜେନା ଏବଂ ଅନ୍ୟାନ୍ୟ ବରିଷ୍ଠ ଅଧିକାରୀମାନେ ମୁଖ୍ୟମନ୍ତ୍ରୀଙ୍କୁ ଭେଟିଥିଲେ।

ସେହିପରି ପୋଲିସର ଡିଜି ଶ୍ରୀ ସୁନୀଲ କୁମାର ବନସଲ, ଏଡିଜି ଶ୍ରୀ ଲଲିତ ଦାସ, ଏଡିଜି ଶ୍ରୀ ଆର.କେ ଶର୍ମା, ପୋଲିସ କମିଶନର ଶ୍ରୀ ସୌମେନ୍ଦ୍ର ପ୍ରିୟଦର୍ଶୀ ମଧ୍ୟ ସାକ୍ଷାତ କରିଛନ୍ତି।

ବିଭିନ୍ନ ସଙ୍ଗଠନ ମଧ୍ୟରେ ଓଏଏସ ଆସୋସିଏସନ୍, ଓଡିଶା ଫାଇନାନ୍ସ ସେବା, ଓଡିଶା ପୋଲିସ୍ ସର୍ଭିସେସ୍ ଆସୋସିଏସନ୍, ଓଡିଶା ସଚିବାଳୟ ସେବା, ରାଜସ୍ୱ ସେବା, କନଷ୍ଟେବଳ ଏବଂ ହାବିଲଦାର ଆସୋସିଏସନ୍, ବିଭାଗୀୟ ମୁଖ୍ୟ, ମେଡିକାଲ୍ ସର୍ଭିସେସ୍ ଆସୋସିଏସନ୍, ଅମାଲା ସଙ୍ଘର ସଦସ୍ୟ ଥିଲେ।

ସେହିପରି ପ୍ରାଣୀ ଚିକିତ୍ସା ସେବା, ପଞ୍ଚାୟତ କାର୍ଯ୍ୟନିର୍ବାହୀ ଅଧିକାରୀ ସଂଘ , ଗ୍ରାମ ରୋଜଗର ସେବକ ସଂଘ, ଡ୍ରାଇଭର ଆସୋସିଏସନ ଏବଂ ଚୁକ୍ତିଭିତ୍ତିକ କର୍ମଚାରୀ ସଂଘର ସଦସ୍ୟ ମଧ୍ୟ ସାକ୍ଷାତ କରିଥିଲେ।

ଏହି ବୈଠକରେ ସିଏମ୍ (5 ଟି) ଙ୍କ ବ୍ୟକ୍ତିଗତ ସଚିବ ଶ୍ରୀ ଭି କେ ପାଣ୍ଡିଆନ୍  ମଧ୍ୟ ଉପସ୍ଥିତ ଥିଲେ।

Categories
ଆଜିର ଖବର ରାଜ୍ୟ ଖବର

ଭୁବନେଶ୍ବର ମହାନଗରରେ କଂଗ୍ରେସକୁ ମିଳିଲା ଶୂନ ଶୂନ କରର୍ପୋରେଟର ଆସନ

ଭୁବନେଶ୍ବର: ଆଜି ପୌର ନିର୍ବାଚନ ଫଳାଫଳ ଘୋଷଣା କରାଯାଇଛି। ଏଥିରେ ତିନି ମହାନଗରର ମେୟର ପଦବୀ ବିଜେଡି ଅକ୍ତିୟାର କରିଛି। ତେବେ ବିଏମସିର 67 ୱାର୍ଡରୁ ବିଜେଡି ଅର୍ଦ୍ଧାଧିକ ଆସନ ଦଖଲ କରିଛି। ତେବେ ଏ ନେଇ ବିଧିବଧ ଭାବେ ରାଜ୍ୟ ନିର୍ବାଚନ କମିସନରଙ୍କ ତରଫରୁ ପ୍ରକାଶିତ ଦଳିୟ ଭିତ୍ତିରେ ଆସନ ସଂଖ୍ୟା ହେଲା

ଭୁବନେଶ୍ବର ମ୍ୟୁନିସପାଲ କରର୍ପୋରେସନର ଘୋଷିତ ଆସନ ସଂଖ୍ୟା ୬୭
ବିଜେଡି- ୪୮
ବିଜେପି- ୧୦
କଂଗ୍ରେସ-୦୦
ସ୍ବାଧୀନ- ୦୯

Categories
ଆଜିର ଖବର ରାଜ୍ୟ ଖବର

ଜାଣନ୍ତୁ କେଉଁ ଦଳକୁ କେତୋଟି ମିଳିଲା କାଉନସିଲର ପଦ, ରାଜ୍ୟ ନିର୍ବାଚନ କମିଶନର କଲେ ଘୋଷଣା

ଭୁବନେଶ୍ବର: ପୌର ନିର୍ବାଚନର ଭୋଟ ଗଣତି ଶେଷ ହୋଇଛି। ଏ ନେଇ ରାଜ୍ୟ ନିର୍ବାଚନ କମିଶନରଙ୍କ ତରଫରୁ ଫଳାଫଳ ମଧ୍ୟ ଘୋଷଣା କରାଯାଇଛି। ସେହି ଅନୁସାରେ କେଉଁ ଦଳ କେତୋଟି କାଉନସିଲର ପଦ ହାତେଇଲେ ତାହାର ଫଳାଫଳ ମଧ୍ୟ ପ୍ରକାଶ ପାଇଛି। ସେହି ଅନୁସାରେ

ମୋଟ ୧୭୧୬ଟି କାଉନସିଲର ପଦବୀ ଘୋଷିତ

ବିଜେଡି- ୧୧୭୫

ବିଜେପି- ୨୮୮

କଂଗ୍ରେସ- ୧୩୪

ସ୍ବାଧୀନ- ୧୧୭

ବିଏସପି-୦୧

ସିପିଆଇ-୦୧

Categories
Municipal Election ଆଜିର ଖବର ରାଜ୍ୟ ଖବର

ଘୋଷଣା ହେଲା ପୌର ନିର୍ବାଚନରେ କେଉଁ ଦଳକୁ କେତୋଟି ମିଳିଲା ଅଧ୍ୟକ୍ଷ ପଦ

ଭୁବନେଶ୍ବର: ପୌର ନିର୍ବାଚନର ଭୋଟ ଗଣତି ଶେଷ ହୋଇଛି। ଏ ନେଇ ରାଜ୍ୟ ନିର୍ବାଚନ କମିଶନରଙ୍କ ତରଫରୁ ଫଳାଫଳ ମଧ୍ୟ ଘୋଷଣା କରାଯାଇଛି। ସେହି ଅନୁସାରେ କେଉଁ ଦଳ କେତୋଟି ପୌର ଅଧ୍ୟକ୍ଷ ହାତେଇଲେ ତାହାର ଫଳାଫଳ ଦିଆଯାଇଛି। ସେହି ଅନୁସାରେ

ମୋଟ ୧୦୫ ପୌର ଅଧ୍ୟକ୍ଷ ପଦବୀ ଘୋଷିତ

ବିଜେଡି- ୭୩

ବିଜେପି- ୧୬

କଂଗ୍ରେସ- ୦୭

ସ୍ବାଧୀନ- ୦୯

Categories
Municipal Election ବିଶେଷ ଖବର ରାଜ୍ୟ ଖବର

ପ୍ରକାଶ ପାଇଲା ନିର୍ଦ୍ବନ୍ଦରେ ନିର୍ବାଚିତ ବିଜେତାଙ୍କ ନାମ, ଜାଣନ୍ତୁ ଆପଣଙ୍କ ଅଞ୍ଚଳରେ କିଏ ସେ ?

ଭୁବନେଶ୍ବର: ପ୍ରକାଶ ପାଇଲା ପୌର ନିର୍ବାଚନରେ ନିର୍ଦ୍ବନ୍ଦରେ ନିର୍ବାଚିତ ହୋଇଥିବା ପ୍ରାର୍ଥୀଙ୍କ ନାମ ଏବଂ ସେମାନଙ୍କ ଦଳର ନାମ। ଏହା ରାଜ୍ୟ ନିର୍ବାଚନ କମିଶନରଙ୍କ ଅଫିସରୁ ପ୍ରକାଶିତ ହୋଇଛି। ସେହି ଅନୁସାରେ ବର୍ତ୍ତମାନ ରାଜ୍ୟର ବିଭିନ୍ନ ଏନଏସି, ମ୍ୟୁନିସିପାଲ ଏବଂ ମ୍ୟୁନିସପାଲ କରର୍ପୋରେସନର କେତେକ ଆସନରେ ପ୍ରାର୍ଥୀମାନଙ୍କୁ ବିଜେତା ଘୋଷଣା କରାଯାଇଛି। ସେହି ଅନୁସାରେ ଯେଉଁମାନେ ବିଜେତା ହୋଇଛନ୍ତି ସେମାନେ ହେଲେ

ଅଧିକ ଖବର ପଢିବା ପାଇଁ ଏହିଠାରେ କ୍ଲିକ କରନ୍ତୁ ସମୀକ୍ଷା.ଭାରତ

ରାଜ୍ୟ ନିର୍ବାଚନ କମିଶନରଙ୍କଠାରୁ ମିଳିଥିବା ସୂଚନା ଅନୁସାରେ ବର୍ତ୍ତମାନ ବିଜେଡିକୁ ମିଳିଛି ୬୯ଟି ଆସନ। ସେହିପରି ବିଜେପି-୦୧, କଂଗ୍ରେସ-୦୧ ଏବଂ ସ୍ବାଧୀନ ପ୍ରାର୍ଥୀ ୦୨ ଜଣ ବିଜୟ ଲାଭ କରିଛନ୍ତି।

Categories
Municipal Election ଆଜିର ଖବର ରାଜ୍ୟ ଖବର

ଆସନ୍ତାକାଲି ପୌର ଭୋଟ ଗଣତି, ହେଲେ ଏବେଠୁ ବିଜେଡିକୁ ମିଳିସାରିଲାଣି ୬୯ଟି ଆସନ, କେମିତି?

ଭୁବନେଶ୍ବର: ଆସନ୍ତାକାଲି ସକାଳୁ ହେବ ପୌର ନିର୍ବାଚନର ଭୋଟ ଗଣତି। ହେଲେ ଆପଣ ଜାଣିଲେ ଆଶ୍ଚର୍ଯ୍ୟ ହେବେ ଏବେଠାରୁ ବିଜେଡି ଖାତାକୁ ଆସିସାରିଲାଣି ସର୍ବାଧିକ ଆସନ। ରାଜ୍ୟ ନିର୍ବାଚନ ଆୟୋଗଙ୍କ ସୂଚନା ଅନୁସାରେ ବର୍ତ୍ତମାନ ବିଜେଡିକୁ ମିଳିଛି ୬୯ଟି ଆସନ। ଜାଣନ୍ତୁ ଅନ୍ୟ ଦଳର ଆସନ ସଂଖ୍ୟା କେତେ

ବିଜେଡି- ୬୯

ବିଜେପି-୦୧

କଂଗ୍ରେସ-୦୧

ସ୍ବାଧୀନ-୦୨

ତେବେ ଆପଣ ଆଶ୍ଚର୍ଯ୍ୟ ହେଉଥିବେ ଏହା କିପରି ହେଲା। ଏହା ହେଲା ବର୍ତ୍ତମାନ ବିଭିନ୍ନ ସ୍ଥାନରେ ଏହି ପ୍ରାର୍ଥୀମାନେ ନିଃଦ୍ବନ୍ଦରେ ନିର୍ବାଚିତ ହୋଇଛନ୍ତି। ମୁଖ୍ୟତଃ ଏହି ଆସନଗୁଡିକ ସଂରକ୍ଷିତ ଥିବାରୁ ଦଳମାନଙ୍କୁ ସେହିପରି ପ୍ରାର୍ଥୀମିଳିବା ସମ୍ଭବ ହୋଇ ନ ଥିଲା। ଫଳରେ ଏମାନଙ୍କ ବିରୋଧରେ ବିଭିନ୍ନ ଦଳ ପ୍ରାର୍ଥୀ ଛିଡା କରିପାରି ନ ଥିଲେ। ଏହାପରେ ରାଜ୍ୟ ନିର୍ବାଚନ କମିଶନର ଏହି ପ୍ରାର୍ଥୀମାନଙ୍କୁ ବିଜେତା ଭାବେ ଘୋଷଣା କରିଛନ୍ତି।

Categories
Municipal Election ବିଶେଷ ଖବର ରାଜ୍ୟ ଖବର

ସରିଲା ପୌର ଭୋଟ ଗ୍ରହଣ, ଷ୍ଟ୍ରଙ୍ଗ ରୁମରେ କିପରି ରହିଛି ଇଭିଏମ ତାହା ଜାଣିବା ନିହାତି ଦରକାର

ଭୁବନେଶ୍ୱର: ରାଜ୍ୟର ପୌରସଂସ୍ଥାଗୁଡ଼ିକରେ ହେବାକୁ ଥିବା ସାଧାରଣ ନିର୍ବାଚନ ପରିପ୍ରେକ୍ଷୀରେ ଭୋଟଗ୍ରହଣ ପରେ ଇଭିଏମ୍‌ଗୁଡ଼ିକୁ ସୁରକ୍ଷିତ ଭାବେ ରଖିବା ନିମନ୍ତେ ଗାଇଡ ଲାଇନ ଜାରୀ କରିଛନ୍ତି। ମୁଖ୍ୟତଃ ଷ୍ଟ୍ରଙ୍ଗରୁମ୍‌ ସ୍ଥାପନ, ନିର୍ବାଚନ ସମୟରେ ଓ ଭୋଟଗ୍ରହଣ ପରେ ଗଣତି ପାଇଁ ନିର୍ବାଚନ ସାମଗ୍ରୀ ରଖିବା ପାଇଁ ଷ୍ଟ୍ରଙ୍ଗରୁମ୍‌ ଖୋଲିବା ଓ ବନ୍ଦ କରିବା ପାଇଁ ରାଜ୍ୟ ନିର୍ବାଚନ କମିଶନ ଏହି ଏସ୍‌ଓପି ଜାରୀ କରିଛନ୍ତି। ଏହାକୁ ସମସ୍ତ ନିର୍ବାଚନ ଅଧିକାରୀ ସଠିକ ଭାବେ ପାଳନ କରିବାକୁ ରାଜ୍ୟ ନିର୍ବାଚନ କମିଶନ ନିର୍ଦ୍ଦେଶ ଦେଇଛନ୍ତି ।

ରାଜ୍ୟ ନିର୍ବାଚନ କମିଶନଙ୍କ ନିର୍ଦ୍ଦେଶାବଳୀ ଅନୁସାରେ ପ୍ରତ୍ୟେକ ପୌର ପରିଷଦ ତିନି ପ୍ରକାରର ଷ୍ଟ୍ରଙ୍ଗରୁମ୍‌ ସ୍ଥାପନ କରିବେ। କାଉନ୍‌ସିଲର ବା କର୍ପୋରେଟର ପଦବୀ ନିମନ୍ତେ ନିର୍ବାଚନରେ ବ୍ୟବହୃତ ହୋଇଥିବା ଇଭିଏମ୍‌ ରଖିବା ପାଇଁ ଗୋଟିଏ ଷ୍ଟ୍ରଙ୍ଗରୁମ୍‌, ଅଧ୍ୟକ୍ଷ ବା ମେୟର ପଦବୀ ନିମନ୍ତେ ନିର୍ବାଚନରେ ବ୍ୟବହୃତ ହୋଇଥିବା ଇଭିଏମ୍‌ ରଖିବା ପାଇଁ ଗୋଟିଏ ଏବଂ ସଂରକ୍ଷିତ ଇଭିଏମ୍‌ ରଖିବା ନିମନ୍ତେ ଅନ୍ୟ ଗୋଟିଏ, ଏହିପରି ତିନିଗୋଟି ଷ୍ଟ୍ରଙ୍ଗରୁମ୍‌ ସ୍ଥାପନ କରାଯିବ।

ଯଦି ଗୋଟିଏ ପ୍ରକାରର ଷ୍ଟ୍ରଙ୍ଗରୁମ୍‌ରେ ସମସ୍ତ ଇଭିଏମ୍‌କୁ ରଖିବା ପାଇଁ ସ୍ଥାନ ଅଭାବ ଦେଖା ଯାଏ, ତାହେଲେ ପାଖରେ ଥିବା ଅନ୍ୟ ଏକ ଷ୍ଟ୍ରଙ୍ଗରୁମ୍‌ରେ ଇଭିଏମ୍‌ଗୁଡ଼ିକୁ ରଖାଯିବ ଓ ସେହି ଷ୍ଟ୍ରଙ୍ଗରୁମ୍‌ର ପ୍ରବେଶ ଦ୍ୱାରରେ ସଠିକ ଭାବେ ଚିହ୍ନଟ କରାଯିବ। ପ୍ରତ୍ୟେକ ଷ୍ଟ୍ରଙ୍ଗରୁମ୍‌କୁ ଯିବା ଆସିବା ପାଇଁ ଗୋଟିଏ ମାତ୍ର ଦ୍ୱାର ବା ପ୍ରବେଶ ପଥ ରହିବ। ଯଦି ଷ୍ଟ୍ରଙ୍ଗରୁମ୍‌ରେ ପୂର୍ବରୁ ଝରକା କିମ୍ବା ଅନ୍ୟ ଏକ ଦ୍ୱାର ଥାଏ, ତାହାହେଲେ ସେଗୁଡ଼ିକୁ ଇଟା ଦ୍ୱାରା ସଠିକ୍‌ ଭାବେ ସିଲ୍‌ କରି ଦିଆଯିବ। ଷ୍ଟ୍ରଙ୍ଗରୁମ୍‌ ଭିତରେ ବିଦ୍ୟୁତ ସଂଯୋଗ ବିଚ୍ଛିନ୍ନ କରାଯାଇ ଷ୍ଟ୍ରଙ୍ଗରୁମ୍‌ ବାହାରେ ମେନ୍‌ସୁଇଚ୍‌ ଲଗାଯିବ।

ଷ୍ଟ୍ରଙ୍ଗରୁମ୍‌ ଭିତର ସଂପୂର୍ଣ୍ଣ ଭାବେ ଶୁଖିଲା ହୋଇଥିବା ସହ ଅନିଷ୍ଟକାରୀ କୀଟ ପତଙ୍ଗ କିମ୍ବା ମୂଷା ପ୍ରଭୃତି ଜୀବ ଷ୍ଟ୍ରଙ୍ଗରୁମ୍‌ ଭିତରେ ରହୁ ନ ଥିବେ । ସନ୍ତସନ୍ତିଆ ବା ଜଳ ଜମୁଥିବା ସ୍ଥାନ ବା ଦୁର୍ବଳ କାନ୍ଥ ଥିବା ଘର, ଘରେ ପାଣି ଗଳୁ ନ ଥିବା ଓ ଭଙ୍ଗା ଝରକା ଇତ୍ୟାଦିରୁ ଷ୍ଟ୍ରଙ୍ଗରୁମ୍‌ ସଂପୂର୍ଣ୍ଣ ଭାବେ ମୁକ୍ତ ହୋଇଥିବା ଆବଶ୍ୟକ। ଷ୍ଟ୍ରଙ୍ଗରୁମ୍‌ ଭିତରକୁ ପବନ ଚଳାଚଳ ନିମନ୍ତେ ଦରକାର ହେଲେ ଏକଜିଟ ଫ୍ୟାନ ଷ୍ଟ୍ରଙ୍ଗରୁମ୍‌ର ସାମ୍‌ନା ପଟ ଉପରକୁ ଲାଗଯାଇ ପାରେ। ନିର୍ବାଚନ କମିଶନଙ୍କ ଦ୍ୱାରା ନିର୍ଦ୍ଧାରିତ ନିର୍ବାଚନ ସାମଗ୍ରୀ ଓ ଦସ୍ତାବିଜ୍‌ ମତଦାନ ସଂଗୃହୀତ ହୋଇଥିବା ଇଭିଏମ୍‌ ସହ ଷ୍ଟ୍ରଙ୍ଗରୁମ୍‌ରେ ରହିବ।

ଷ୍ଟ୍ରଙ୍ଗରୁମ୍‌ରେ ଇଭିଏମ୍‌ଗୁଡ଼ିକୁ ଗଚ୍ଛିତ କରି ରଖିବା ପୂର୍ବରୁ ନିର୍ବାଚନ ଅଧିକାରୀମାନେ ଷ୍ଟ୍ରଙ୍ଗରୁମ୍‌ ନିର୍ମାଣ କରିଥିବା କର୍ତ୍ତୃପକ୍ଷଙ୍କଠାରୁ ଷ୍ଟ୍ରଙ୍ଗରୁମ୍‌ର ସ୍ଥାୟିତ୍ୱ ଓ ଗୁଣବତ୍ତା ସଂପର୍କିତ ଏକ ପ୍ରମାଣ ପତ୍ର ଆଣି ନିଜ ପାଖରେ ରଖିବେ। ଷ୍ଟ୍ରଙ୍ଗରୁମ୍‌ଗୁଡ଼ିକର ସୁରକ୍ଷା ଓ ନିରା ପତ୍ତା ନିମନ୍ତେ ଡବଲ ଲକ୍‌ ବ୍ୟବସ୍ଥା କରାଯାଇ ଦୁଇଟି ଚାବିକୁ ଅଲଗା ଅଲଗା ଦୁଇଜଣ ଅଧିକାରୀଙ୍କ ଦାୟିତ୍ୱରେ ରଖାଯିବ। ଗୋଟିଏ ଚାବି ନିର୍ବାଚନ ଅଧିକାରୀ ଏବଂ ଅନ୍ୟଟି ଜିଲ୍ଲା କୋଷାଗାର ଅଧିକାରୀ କିମ୍ବା ଉପକୋଷାଗାର ଅଧିକାରୀ କିମ୍ବା ଜିଲ୍ଲାପାଳ ତଥା ଜିଲ୍ଲା ମାଜିଷ୍ଟ୍ରେଟ୍‌ଙ୍କ ଦ୍ୱାରା ପ୍ରାଧିକୃତ ଅଧିକାରୀଙ୍କ ନିକଟରେ ରଖାଯିବ।

ଷ୍ଟ୍ରଙ୍ଗରୁମ୍‌ଗୁଡ଼ିକୁ ସଶସ୍ତ୍ର ପୋଲିସ ଫୋର୍ସ ଦ୍ୱାରା ୨୪ ଘଣ୍ଟିଆ ସୁରକ୍ଷା ଦିଆଯିବ। ଇଭିଏମ୍‌ କମିଶନିଂ ଦିନଠାରୁ ଭୋଟଗଣତି ପର୍ଯ୍ୟନ୍ତ ଷ୍ଟ୍ରଙ୍ଗରୁମ୍‌ଗୁଡ଼ିକରେ ସିସିଟିଭି ସହ ଡିଜିଟାଳ୍‌ ଭିଡ଼ିଓ ରେକର୍ଡର ଲାଗଯିବ। ଷ୍ଟ୍ରଙ୍ଗରୁମ୍‌ ଭିତରକୁ ପ୍ରତି ପ୍ରବେଶ ବା ପ୍ରସ୍ଥାନ ନିମନ୍ତେ ଏକ ଲଗ୍‌ବୁକ୍‌ରେ ଉଲ୍ଲେଖ କରାଯିବ ଓ ଷ୍ଟ୍ରଙ୍ଗରୁମ୍‌କୁ ବନ୍ଦ ଓ ଖୋଲିବାବେଳର ଭିଡ଼ିଓ ରେକର୍ଡିଂ କରାଯିବ। ଷ୍ଟ୍ରଙ୍ଗରୁମ୍‌ର ଉଭୟ ଭିତର ଓ ବାହାର ପାଶ୍ୱର୍ରେ ଅଗ୍ନିନିର୍ବାପକ ଯନ୍ତ୍ର ରହିବାର ବ୍ୟବସ୍ଥା କରାଯିବ।

ଷ୍ଟ୍ରଙ୍ଗରୁମ୍‌ ଖୋଲିବା ଓ ବନ୍ଦ କରିବା ପାଇଁ ନିର୍ବାଚନ କମିଶନଙ୍କ ତରଫରୁ କେତେଗୋଟି ନିୟମ କରାଯାଇଛି। ତାହାହେଲା, ଇଭିଏମ୍‌ ଥିବା ଷ୍ଟ୍ରଙ୍ଗରୁମ୍‌କୁ ଖୋଲିବା ବା ବନ୍ଦ କରିବାର ୨୪ ଘଣ୍ଟା ପୂର୍ବରୁ ସମସ୍ତ ପ୍ରାର୍ଥୀଙ୍କୁ ଲିଖିତ ଭାବେ ଷ୍ଟ୍ରଙ୍ଗରୁମ୍‌ ଖୋଲିବା ବା ବନ୍ଦ କରିବା ସମୟ ଓ ତାରିଖ ସଂପର୍କରେ ଜଣାଇ ଦିଆଯିବ। ପ୍ରାର୍ଥୀ କିମ୍ବା ତାଙ୍କର ପ୍ରାଧିକୃତ ପ୍ରତିନିଧିଙ୍କୁ ଷ୍ଟ୍ରଙ୍ଗରୁମ୍‌ ଖୋଲିବା ବା ବନ୍ଦ କରିବା ସମୟରେ ଉପସ୍ଥିତ ରହିବା ପାଇଁ ଅନୁମତି ଦେବା ସହ ଏହାର ସଂପୂର୍ଣ୍ଣ ଭିଡ଼ିଓଗ୍ରାଫି କରାଯିବ ବୋଲି ନିର୍ବାଚନ କମିଶନ ନିର୍ଦ୍ଦେଶ ଦେଇଛନ୍ତି।

ଇଭିଏମ୍‌ଗୁଡ଼ିକୁ କମିଶନିଂ କରିବା ପୂର୍ବରୁ ଲିଖିତ ଭାବେ କମିଶନିଂର ସ୍ଥାନ, ସମୟ ଓ ତାରିଖ ସଂପର୍କରେ ସମସ୍ତ ପ୍ରାର୍ଥୀଙ୍କୁ ଜଣାଇ ଦିଆଯିବ। ଯାହାଫଳରେ ନିର୍ବାଚନରେ ପ୍ରତିଦ୍ୱନ୍ଦିତା କରୁଥିବା ପ୍ରାର୍ଥୀ କିମ୍ବା ତାଙ୍କର ପ୍ରାଧିକୃତ ପ୍ରତିନିଧିମାନେ ଇଭିଏମ୍‌ କମିଶନିଂ ସମୟରେ ଉପସ୍ଥିତ ରହିବେ। ଇଭିଏମ୍‌ଗୁଡ଼ିକର କମିଶନିଂ ପରେ ପ୍ରାର୍ଥୀ କିମ୍ବା ସେମାନଙ୍କ ପ୍ରତିନିଧିଙ୍କ ଉପସ୍ଥିତିରେ ବାଲାଟ୍‌ ୟୁନିଟ୍‌ ଓ କଣ୍ଟ୍ରୋଲ ୟୁନିଟ୍‌କୁ ସଂଯୋଗ କରି ନିର୍ଦ୍ଧାରିତ ବୁଥ୍‌ ପାଇଁ ଷ୍ଟ୍ରଙ୍ଗରୁମ୍‌ରେ ପ୍ରସ୍ତୁତ କରି ରଖାଯିବାକୁ ନିର୍ଦ୍ଦେଶ ଦିଆଯାଇଛି।

ଇଭିଏମ୍‌ଗୁଡ଼ିକୁ ଦୁଇଟି ଅଲଗା ଅଲଗା ଷ୍ଟ୍ରଙ୍ଗରୁମ୍‌ରେ ରଖାଯିବ। ବିଜ୍ଞାପିତ ଅଞ୍ଚଳ ପରିଷଦ ବା ମୁନିସିପାଲିଟିର କାଉନ୍‌ସିଲର ଓ ଅଧ୍ୟକ୍ଷ ନିର୍ବାଚନ ନିମନ୍ତେ ଗୋଟିଏ ଷ୍ଟ୍ରଙ୍ଗରୁମ୍‌ ଏବଂ ମହାନଗର ନିଗମର କର୍ପୋରେଟର ଓ ମେୟର ନିର୍ବାଚନ ନିମନ୍ତେ ଅନ୍ୟ ଗୋଟିଏ ଷ୍ଟ୍ରଙ୍ଗରୁମ୍‌ରେ ଇଭିଏମ୍‌ଗୁଡ଼ିକୁ ରଖାଯିବ।

କେଉଁ ଷ୍ଟ୍ରଙ୍ଗରୁମ୍‌ରେ କେଉଁ ପ୍ରାର୍ଥୀମାନଙ୍କ ପାଇଁ ଇଭିଏମ୍‌ ରହିଛି, ଷ୍ଟ୍ରଙ୍ଗରୁମ୍‌ ବାହାରେ ସଠିକ୍‌ ଭାବେ ଚିହ୍ନିତ କରାଯିବ। ଅନ୍ୟ ଏକ ଷ୍ଟ୍ରଙ୍ଗରୁମ୍‌ରେ ଅବ୍ୟବହୃତ ଓ ଖରା ପ ହୋଇଥିବା ଇଭିଏମ୍‌ଗୁଡ଼ିକୁ ଅନ୍ୟ ଗୋଟିଏ ସଂରକ୍ଷିତ ଷ୍ଟ୍ରଙ୍ଗରୁମ୍‌ରେ ରଖାଯିବାକୁ ନିର୍ଦ୍ଦେଶ ଦିଆଯାଇଛି। ସଂରକ୍ଷିତ ଷ୍ଟ୍ରଙ୍ଗରୁମ୍‌ ବାହାରେ ସଠିକ୍‌ ଭାବେ ଚିହ୍ନିତ କରାଯିବ। ଭୋଟଗ୍ରହଣ ପରେ ଇଭିଏମ୍‌ (ବାଲାଟ୍‌ ୟୁନିଟ୍‌ ଓ କଣ୍ଟ୍ରୋଲ ୟୁନିଟ୍‌)ଗୁଡ଼ିକୁ କଡ଼ା ସୁରକ୍ଷା ମଧ୍ୟରେ ଅଣାଯାଇ ଷ୍ଟ୍ରଙ୍ଗରୁମ୍‌ ଭିତରେ କ୍ରମିକ ସଂଖ୍ୟାନୁସାରେ ନିର୍ଦ୍ଦିଷ୍ଟ ବୁଥ୍‌ ନିମନ୍ତେ ଚିହ୍ନଟ ହୋଇଥିବା ବର୍ଗାକାର ମଧ୍ୟରେ ରଖାଯିବ।

ମତଦାନ ସରିବା ପରେ କାଉନ୍‌ସିଲର ବା କର୍ପୋରେଟର ପ୍ରାର୍ଥୀମାନଙ୍କ ନିର୍ବାଚନରେ ବ୍ୟବହୃତ ହୋଇଥିବା ଇଭିଏମ୍‌ଗୁଡ଼ିକୁ ନିର୍ଦ୍ଧାରିତ ଷ୍ଟ୍ରଙ୍ଗରୁମ୍‌ରେ ରଖାଯିବ ଓ ଅଧ୍ୟକ୍ଷ ବା ମେୟର ପ୍ରାର୍ଥୀମାନଙ୍କ ପାଇଁ ନିର୍ବାଚନରେ ବ୍ୟବହୃତ ହୋଇଥିବା ଇଭିଏମ୍‌ଗୁଡ଼ିକୁ ପୂର୍ବରୁ ନିରୁପିତ ହୋଇଥିବା ଷ୍ଟ୍ରଙ୍ଗରୁମ୍‌ରେ ରଖାଯିବ।

ନିର୍ବାଚନରେ ବ୍ୟବହୃତ ହୋଇନଥିବା ଇଭିଏମ୍‌, ଯେଉଁଗୁଡ଼ିକ ସେକଫର ଅଧିକାରୀଙ୍କ ପାଖରେ ଥିବ, ନିର୍ବାଚନ ପରେ ସେସବୁ ଇଭିଏମ୍‌କୁ ‘ସଂରକ୍ଷିତ ଇଭିଏମ୍‌ ଷ୍ଟ୍ରଙ୍ଗରୁମ୍‌’ରେ ରଖାଯିବ। ଭୋଟଗ୍ରହଣ ପରେ ଇଭିଏମ୍‌ଗୁଡ଼ିକୁ ଷ୍ଟ୍ରଙ୍ଗରୁମ୍‌ରେ ରଖିବାର ୨୪ ଘଣ୍ଟା ପୂର୍ବରୁ ଷ୍ଟ୍ରଙ୍ଗରୁମ୍‌ ନିମନ୍ତେ ହୋଇଥିବା ସୁରକ୍ଷା ବ୍ୟବସ୍ଥାର ନିରୀକ୍ଷଣ ପାଇଁ ପ୍ରାର୍ଥୀ କିମ୍ବା ସେମାନଙ୍କ ପ୍ରତିନିଧିମାନଙ୍କୁ ଆଗୁଆ ଜଣାଇ ଦିଆଯିବ ଓ ସେମାନଙ୍କୁ ଷ୍ଟ୍ରଙ୍ଗରୁମ୍‌ ବାହାରେ ବ୍ୟବସ୍ଥା ହୋଇଥିବା ନିର୍ଦ୍ଦିଷ୍ଟ ସ୍ଥାନରେ ରହିବାକୁ ଅନୁମତି ଦିଆଯବ।

ଯଦି ଷ୍ଟ୍ରଙ୍ଗରୁମ୍‌ର ପ୍ରବେଶ ପଥ ଦୃଶ୍ୟମାନ ହେଉନଥିବ, ତାହାହେଲେ ସିସିଟିଭିର ବ୍ୟବସ୍ଥା କରାଯିବ। ଭୋଟଗଣତି ଶେଷ ହେବା ପରେ କଣ୍ଟ୍ରୋଲ ୟୁନିଟ୍‌କୁ ସିଲ୍‌ କରି କୋଷାଗାର ବା ଉପକୋଷାଗାରରେ ଥିବା ଷ୍ଟ୍ରଙ୍ଗରୁମ୍‌ରେ ରଖାଯିବ। କଣ୍ଟ୍ରୋଲ ୟୁନିଟ୍‌ଗୁଡ଼ିକୁ ନିର୍ବାଚନ ପିଟିସନ୍‌ ସମୟ ଅର୍ଥାତ୍‌ ଭୋଟଗଣତି ଓ ଫଳାଫଳ ଘୋଷଣାର ୪୫ ଦିନ ପର୍ଯ୍ୟନ୍ତ ଷ୍ଟ୍ରଙ୍ଗରୁମ୍‌ରେ ସୁରକ୍ଷିତ ଭାବରେ ରଖିବା ନିମନ୍ତେ ନିର୍ବାଚନ କମିଶନ ସମସ୍ତ ଜିଲ୍ଲା ପାଳଙ୍କୁ ନର୍ଦ୍ଦେଶ ଦେଇଛନ୍ତି।

Categories
Municipal Election ଆଜିର ଖବର ରାଜ୍ୟ ଖବର

ଭୁବନେଶ୍ବରରେ ଭୋଟ ଦେଲେ ଓଟିଡିସି ଅଧ୍ୟକ୍ଷା, ମେୟର ପ୍ରାର୍ଥୀ ଦୈଡରେ ଥିଲେ

ଭୁବନେଶ୍ବର: ଆଜି ପୌର ନିର୍ବାଚନରେ ନିଜର ମତାଧିକାର ସାବ୍ୟସ୍ତ କରିଛନ୍ତି ଓଟିଡିସି ଅଧ୍ୟକ୍ଷା ଶ୍ରୀମୟୀ ମିଶ୍ର। ସେ ନୟାପଲ୍ଲୀସ୍ଥିତ କସ୍ତୁରିବା ଶିକ୍ଷାଶ୍ରମ ଶିଶୁ ବିଦ୍ୟାମନ୍ଦିରରେ ହୋଇଥିବା ବୁଥରେ ଭୋଟ ଦେଇଛନ୍ତି। ସେ ଭୋଟ ଦେଇ ଆସିବା ପରେ ସମସ୍ତଙ୍କୁ ଏହି ମହାନ ପର୍ବରେ ସାମିଲ ହେବା ପାଇଁ ଅନୁରୋଧ କରିଥିଲେ। ଶ୍ରୀମୟୀ ଭୁବନେଶ୍ବର ମେୟର ପ୍ରାର୍ଥୀ ଦୈଡରେ ଥିଲେ। ତାଙ୍କ ନାମ ବେଶ ଚର୍ଚ୍ଚାରେ ଥିଲା।

Categories
ଆଜିର ଖବର ରାଜ୍ୟ ଖବର

ପୌର ଭୋଟ ଗ୍ରହଣ, ମତାଧିକାର ସାବସ୍ତ କଲେ ଭୁବନେଶ୍ବର ମେୟର ପ୍ରାର୍ଥୀ ସୁଲୋଚନା ଦାସ

ଭୁବନେଶ୍ବର: ଆଜି ଓଡିଶାର ପୌର ନିର୍ବାଚନ। ରାଜ୍ୟର ବିଭିନ୍ନ ପୌରଞ୍ଚାଳରେ ଚାଲିଛି ଭୋଟ ଗ୍ରହଣ। ଏହି ଭୋଟ ଗ୍ରହଣ ସହରାଞ୍ଚଳରେ ହେଉଥିବାରୁ ବିଭିନ୍ନ ହେଭି ୱେଟମାନେ ସେମାନେଙ୍କ ମତାଧିକାର ସାବସ୍ତ କରୁଛନ୍ତି। ସେହିପରି ଭୁବନେଶ୍ବରର ମେୟର ପ୍ରାର୍ଥୀ ସୁଲୋଚନା ଦାସ ତାଙ୍କର ମତାଧିକାର ସାବସ୍ତ କରିଛନ୍ତି।

ଆଜି ସକାଳୁ ସୁଲୋଚନା ତାଙ୍କର ସ୍ବାମୀ ପ୍ରଫୁଲ ଦାସଙ୍କ ସହିତ ଭୋଟ ଗ୍ରହଣ କେନ୍ଦ୍ରକୁ ଆସିଥିଲେ। ସେଠାରେ ସେ ଧାଡି ଛିଡା ହୋଇଥିବାର ପରିଲକ୍ଷିତ ହୋଇଥିଲା। ସେ ଭୋଟ ଦେଇ ଆସିବା ପରେ ସମସ୍ତଙ୍କୁ ଭୋଟ ଗ୍ରହଣ ଉତ୍ସବରେ ଯୋଗଦେବାକୁ ଅପିଲ କରିଥିଲେ।

Categories
ଆଜିର ଖବର ରାଜ୍ୟ ଖବର

ପୌର ନିର୍ବାଚନ ଭୋଟ ଗ୍ରହଣ ପାଇଁ ଜାରୀ ହେଲା ସମୟ, ଜାଣନ୍ତୁ କେତେବେଳେ

ଭୁବନେଶ୍ବର: ଆଉ ଦୁଇଦିନ ପରେ ହେବ ପୌର ନିର୍ବାଚନର ଭୋଟ ଗ୍ରହଣ। ସେଥିପାଇଁ ସୁରକ୍ଷା ବ୍ୟବସ୍ଥା କଡାକଡି କରାଯାଇଛି। ଏଥିରେ ତିନୋଟି ମୁନିସପାଲ କରର୍ପୋରେସନ, ୪୭ଟି ମୁନିସପାଲଟି, ୫୯ଟି ଏନଏସିରେ ନିର୍ବାଚନ ହେବ।

ଶାନ୍ତି ଶୃଙ୍ଖଳାର ସହ ନିର୍ବାଚନ ପରିଚାଳନା କରିବା ପାଇଁ ମୋଟ ୧୯୫ ପ୍ଲୁାଟୁନ ଫୋର୍ସ ମୁତୟନ ହେବେ। ସେଥିପାଇଁ ନିର୍ବାଚନ କମିଶନର ଏବଂ ପୋଲିସ ତରଫରୁ ବନ୍ଦୋବସ୍ତ କରାଯାଇଛି। ତେବେ ରାଜ୍ୟ ନିର୍ବାଚନ କମିଶନରଙ୍କ ସୂଚନା ଅନୁସାରେ ଏହି ଭୋଟ ଗ୍ରହଣ ଆସନ୍ତା ୨୪ ତାରିଖ ସକାଳ ୮ଟାରୁ ଆରମ୍ଭ ହୋଇ ସଂଧ୍ୟା ୫ଟା ପର‌୍ୟ୍ୟନ୍ତ ଚାଲିବ।

Categories
Municipal Election ବିଶେଷ ଖବର ରାଜ୍ୟ ଖବର

ଆଉ ଦୁଇଦିନ ପରେ ପୌର ନିର୍ବାଚନ, ସୁରକ୍ଷା ହେଲା କଡାକଡି, ୧୯୫ ପ୍ଲାଟୁନ ଫୋର୍ସ ମୁତୟନ

ଭୁବନେଶ୍ବର: ଆଉ ମାତ୍ର ଦୁଇଦିନ ପରେ ହେବ ପୌର ନିର୍ବାଚନ। ସେଥିପାଇଁ ପୋଲିସ ପ୍ରଶାସନ ତରଫରୁ ସୁରକ୍ଷା ବ୍ୟବସ୍ଥା କଡାକଡି କରାଯାଇଛି। ଏହି ନିର୍ବାଚନରେ ତିନୋଟି ମୁନିସପାଲ କରର୍ପୋରେସନ, ୪୭ଟି ମୁନିସପାଲଟି, ୫୯ଟି ଏଏଲଏସିରେ ନିର୍ବାଚନ ହେବ। ଶାନ୍ତି ଶୃଙ୍ଖଳାର ସହ ନିର୍ବାଚନ ପରିଚାଳନା କରିବା ପାଇଁ ମୋଟ ୧୯୫ ପ୍ଲୁାଟୁନ ଫୋର୍ସ ମୁତୟନ ହେବେ। ସେଥିପାଇଁ ନିର୍ବାଚନ କମିଶନର ଏବଂ ପୋଲିସ ତରଫରୁ ବନ୍ଦୋବସ୍ତ କରାଯାଇଛି।

ଏଥିରେ କେବଳ ଭୁବନେଶ୍ବରରେ ୩୦ ପ୍ଲାଟୁନ ଫୋର୍ସ ମୁତୟନ ହେବେ। ସେହିପରି ବ୍ରହ୍ମପୁରରେ ୧୦ ଏବଂ କଟକରେ ୨୦ ପ୍ଲାଟୁନ ଫୋର୍ସ ମୁତୟନ କରାଯିବ। ଏଥିସହିତ ୩୦୦ଟି ମୋବାଇଲ ପାର୍ଟି ରହିବେ। ସେମାନଙ୍କ ମଧ୍ୟରୁ ତିନୋଟି ମୁନିସପାଲ କରର୍ପୋରେସନରେ ୧୦୯ଟି ମୋବାଇଲ ପାର୍ଟି ନିୟୋଜିତ ହେବେ।

ପ୍ରତ୍ୟେକ ବୁଥରେ ଜଣେଜଣେ କନେଷ୍ଠବଳ କିମ୍ବା ହାବିଲଦାର ନିୟୋଜିତ ହେବେ। ହେଲେ ଯେଉଁ ବୁଥଗୁଡିକ ଉତ୍ତେଜନା ପ୍ରବଣ ହୋଇଥିବା ସେଠାରେ ଏହି ପୋଲିସ ସହିତ ଜଣେ ସଶସ୍ତ୍ର ପୋଲିସ ମୁତୟନ କରାଯିବ। ଏତଦବ୍ୟତିତ ପ୍ରତି କ୍ଲଷ୍ଟରରେ ଜଣେ ସଶସ୍ତ୍ର ଫୋର୍ସ ସହିତ ୪ ଜଣ ପୋଲିସ ମୁତୟନ ହେବେ।

ସେହିପରି ପ୍ରତି ପୌର ପୋଲିସ ଷ୍ଟେସନରେ ଏକ କିମ୍ବା ଦୁଇ ଷ୍ଟ୍ରାଇକିଙ୍ଗ ଫୋର୍ସ ସଜାଗ ରହିବେ। ପ୍ରତି ଜିଲ୍ଲା ସଦର ମହକୁମାରେ ଦୁଇର ତିନି ପ୍ଲାଟୁନ ଫୋର୍ସ ଜରୁରୀକାଳିନ ପାଇଁ ରିଜର୍ଭରେ ରଖାଯିବ। ସେହିପରି ପ୍ରତି ପୌରାଞ୍ଚଳର ପାଞ୍ଚୋଟି ସ୍ଥାନରେ ବର୍ଡର ସିଲିଂ ପଏଣ୍ଟ ରଖାଯିବ। ସେଥିରେ ଜଣ ଇନସ୍ପେକ୍ଟର, ତିନିଜଣ ଅଫିର ଏବଂ ଚାରିଜଣ ପୋଲିସ ଅଧିକାରୀ ୨୪ ଘଣ୍ଟିଆ କାର୍ଯ୍ୟରେ ନିୟୋଜିତ ହେବେ।

Categories
Municipal Election ଆଜିର ଖବର ରାଜ୍ୟ ଖବର

ପୌର ନିର୍ବାଚନରେ ଶହେ ଜଣ ପ୍ରାର୍ଥୀଙ୍କର ନାମାଙ୍କନ ପତ୍ର ହେଲା ନାକଚ

ଭୁବନେଶ୍ବର: ଓଡିଶା ପୌର ନିର୍ବାଚନ ପାଇଁ ହୋଇଥିବା ନାମାଙ୍କନ ପତ୍ର ଯାଞ୍ଚ ପକ୍ରିୟା ଶେଷ ହୋଇଛି। ଏଥିରେ ମୋଟ ଶହେ ଜଣ ପ୍ରାର୍ଥୀଙ୍କର ନାମାଙ୍କନ ପତ୍ର ନାକଚ ହୋଇଛି। ବିଭିନ୍ନ କାରଣରୁ ଏହି ନାମାଙ୍କନ ପତ୍ରକୁ ନିର୍ବାଚନ କମିଶନର ନାକଚ କରିଛନ୍ତି। ସେମାନଙ୍କ ମଧ୍ୟରେ 22 ଜଣ ମେୟର ଏବଂ ଅଧ୍ୟକ୍ଷ ପ୍ରାର୍ଥୀ ରହିଛନ୍ତି। ସେହିପରି 78 ଜଣ କରପୋରେଟର ଓ କାଉନସିଲର ପ୍ରାର୍ଥୀଙ୍କ ନାମାଙ୍କନ ନାକଚ ହୋଇଛି।

ରାଜ୍ୟ ନିର୍ବାଚନ କମିଶନର କାର୍ଯ୍ୟାଳୟର ସୂଚନା ଅନୁସାରେ ବର୍ତ୍ତମାନ ମେୟର ଏବଂ ଅଧ୍ୟକ୍ଷ ପାଇଁ 671 ଜଣଙ୍କ ପ୍ରାର୍ଥୀପତ୍ର କାୟମ ରହିଛି। ସେହିପରି ମୋଟ 6381 ଜଣ କରର୍ପୋରେଟର ଏବଂ କାଉନସିଲର ପ୍ରାର୍ଥୀପତ୍ର କାୟମ ରହିଛି।

Categories
Municipal Election ବିଶେଷ ଖବର ରାଜ୍ୟ ଖବର

ଗୋଟିଏ ଦିନ ପରେ ଶେଷ ହେବ ପୌର ନିର୍ବାଚନର ପ୍ରାର୍ଥୀପତ୍ର ଦାଖଲ, ଏବେ ମୋଟ୍ କେତେ ଜଣ

ଭୁବନେଶ୍ବର: ଆସନ୍ତା ସୋମବାର ଦିନ ଶେଷ ହେବ ପୌର ନିର୍ବାଚନର ପ୍ରାର୍ଥୀ ପତ୍ର ଦାଖଲ ପକ୍ରିୟା। ନିର୍ବାଚନ କମିଶନର କାର୍ଯ୍ୟାଳୟ ସୂଚନା ଅନୁସାରେ ରାଜ୍ୟରେ ବର୍ତ୍ତମାନ ସୁଦ୍ଧା ୧୮୯ ଜଣ ମେୟର ବା ଅଧ୍ୟକ୍ଷ ପଦବୀ ପାଇଁ ପ୍ରାର୍ଥୀ ପତ୍ର ଦାଖଲ କରିଛନ୍ତି। ସେହିପରି ବିଭିନ୍ନ ଏନଏସି ବା ମୁନିସପାଲଟିର କର୍ପୋରେଟର ଏବଂ କାଉନସିଲର ପାଇଁ ୧୯୧୮ ଜଣ ପ୍ରାର୍ଥୀ ପତ୍ର ଦାଖଲ କରିଛନ୍ତି।

ଏହି ନାମାଙ୍କନ ଦାଖଲ ପକ୍ରିୟା ୨ ମାର୍ଚ୍ଚରୁ ଆରମ୍ଭ ହୋଇଥିଲା। ଏ ନେଇ ଗତ ୨୮ ଫେବୃୟାରୀରେ ବିଜ୍ଞପ୍ତି ପ୍ରକାଶ ପାଇଥିଲା। ତେବେ ସେହି ବିଜ୍ଞପ୍ତି ଅନୁସାରେ ଯେଉଁ ଯେଉଁ ତାରିଖରେ ନିର୍ବାଚନ ପକ୍ରିୟାର ବିଭିନ୍ନ କାର୍ଯ୍ୟ ହେବ ତାହା ହେଲା..

ନାମାଙ୍କନ ପତ୍ର ଦାଖଲ : ୨ ମାର୍ଚ୍ଚରୁ ୭ ମାର୍ଚ୍ଚ ୨୦୨୨

ପ୍ରାର୍ଥୀପତ୍ର ଯାଞ୍ଚ : ୯ ମାର୍ଚ୍ଚ ୨୦୨୨

୧୪ ମାର୍ଚ୍ଚ ପର୍ଯ୍ୟନ୍ତ : ପ୍ରାର୍ଥୀପତ୍ର ପ୍ରତ୍ୟାହାର

ଭୋଟଦାନ : ୨୪ ମାର୍ଚ୍ଚ ୨୦୨୨

ଫଳାଫଳ : ୨୬ ମାର୍ଚ୍ଚ ୨୦୨୨

ଉପାଧ୍ୟକ୍ଷ ନିର୍ବାଚନ : ୭ ଏପ୍ରିଲ ୨୦୨୨

ଡେପୁଟି ମେୟର ନିର୍ବାଚନ : ୮ ଏପ୍ରିଲ ୨୦୨୨

ଏଥର ୧୦୬ ଟି ପୌର ପରିଷଦ ଏବଂ ୩ ଟି ମହାନଗର ନିଗମରେ ନିର୍ବାଚନ ହେବ। ମାର୍ଚ୍ଚ ୨୪ ତାରିଖରେ ପୌର ନିର୍ବାଚନ ପାଇଁ ଭୋଟ ଗ୍ରହଣ ହେବ। ଏ ନେଇ ନିର୍ବାଚନ କମିଶନର ନିର୍ବାଚନ ତାରିଖ ଘୋଷଣା କରିସାରିଛନ୍ତି। ଏହି ନିର୍ବାଚନରେ ୪୪ ଲକ୍ଷ ଭୋଟର ମତଦାନ କରିବେ।

Categories
Municipal Election ବିଶେଷ ଖବର ରାଜ୍ୟ ଖବର

ଧିରେ ଧିରେ ଭୁବନେଶ୍ବର ମହାନଗର ନିର୍ବାଚନ ପାଇଁ ବଢୁଛି ପ୍ରାର୍ଥୀ ପତ୍ର ଦାଖଲ

ଭୁବନେଶ୍ବର: ଭୁବନେଶ୍ୱର ମହାନଗର ନିଗମ ସାଧାରଣ ନିର୍ବାଚନ-୨୦୨୨ ପାଇଁ ବିଭିନ୍ନ ଓ୍ୱାର୍ଡର କର୍ପୋରେଟର ପଦବୀ ପାଇଁ  ଆଜି  ଆଉ ୯୦ଜଣ ପ୍ରାର୍ଥୀ ମନୋନୟନ ପତ୍ର ଭୁବନେଶ୍ୱର ଅତିରିକ୍ତ ଜିଲ୍ଲାପାଳ ତଥା ନିର୍ବାଚନ ଅଧିକାରୀଙ୍କ କାଯ୍ୟାଳୟରେ ଦାଖଲ କରିଛନ୍ତି। ଗତକାଲି ସୁଦ୍ଧା ୪୦ ଜଣ ପ୍ରାର୍ଥୀ ବିଭିନ୍ନ ଓ୍ୱାର୍ଡ ପାଇଁ ପ୍ରାର୍ଥୀପତ୍ର ଦାଖଲ କରିଥିବା ବେଳେ ଆଜି ସୁଦ୍ଧା ମୋଟ ୧୩୦ଜଣ ପ୍ରାର୍ଥୀ  କର୍ପୋରେଟର ପାଇଁ ସେମାନଙ୍କର ନାମାଙ୍କନ ପତ୍ର ଦାଖଲ କରିଛନ୍ତି।

ଆଜି ମେୟର ପଦବୀ ପାଇଁ ୪ ଜଣ ପ୍ରାର୍ଥୀପତ୍ର ଦାଖଲ କରିଛନ୍ତି। ଗତକାଲି ଜଣେ ପ୍ରାର୍ଥୀ ମେୟର ପଦବୀ ପାଇଁ ମନୋନୟନ ପତ୍ର ଦାଖଲ କରିଥିଲେ। ଏଣୁ ମେୟର ପଦବୀ ପାଇଁ ପ୍ରାର୍ଥୀପତ୍ର  ଦାଖଲ ସଂଖ୍ୟା ଆଜି ସୁଦ୍ଧା ୫ରେ ପହଁଚିଛି । ଆଜି ମେୟର ପଦବୀ ପାଇଁ  ଆଉ ୭ଟି  ଫର୍ମ ବିକ୍ରି ହୋଇଥିବା ବେଳେ ଆଜି ସୁଦ୍ଧା ଏଥିପାଇଁ ମୋଟ ୩୦ ଟି ଫର୍ମ ବିକ୍ରି ହୋଇଛି

ଗତକାଲି ସୁଦ୍ଧା  ବିଭିନ୍ନ ଓ୍ୱାର୍ଡର  କର୍ପୋରେଟର ପଦବୀ ପାଇଁ ୭୧୩ଟି ଫର୍ମ ବିକ୍ରି ହୋଇଥିବା ବେଳେ ଆଜି ଆଉ ୭୯ଟି ଫର୍ମ  ପ୍ରାର୍ଥୀମାନେ ନେଇଛନ୍ତି। ଆଜି ସୁଦ୍ଧା ମୋଟ ୭୯୨ଟି ଫର୍ମ କର୍ପୋରେଟର ପଦବୀ ପାଇଁ ଆଶାୟୀ ପ୍ରାର୍ଥୀମାନେ ନେଇଛନ୍ତି। ମେୟର ତଥା କର୍ପୋରେଟର ପାଇଁ ଆସନ୍ତାକାଲି ୭ ତାରିଖ ଶେଷ ଦିନ ହୋଇଥିବା ବେଳେ ଆଜି ମନୋନୟନ ପତ୍ର ଦାଖଲ ୫ମ ଦିନରେ କେନ୍ଦ୍ରରେ ଗହଳି ପରିଲକ୍ଷିତ ହୋଇଥିଲା।

ତେବେ ଅତିରିକ୍ତ ଜିଲ୍ଲାପାଳ ତଥା ନିର୍ବାଚନ ଅଧିକାରୀ ଶ୍ରୀ ପ୍ରଫୁଲ୍ଲ  କୁମାର ସ୍ୱାଇଁ ପ୍ରତ୍ୟକ୍ଷ କାର୍ଯ୍ୟକୁ ତଦାରଖ କରିଥିଲେ। ଏଥିସହିତ କମିଶନରେଟ୍ ପୁଲିସ୍ ତରଫରୁ ବ୍ୟାପକ ସୁରକ୍ଷା ବ୍ୟବସ୍ଥା ତଥା ଟ୍ରାଫିକ୍ ବ୍ୟବସ୍ଥାକୁ ନିୟନ୍ତ୍ରିତ ପାଇଁ ଫୋର୍ସ ମୁତୟନ କରାଯାଇଥିଲା।

Categories
Municipal Election ଆଜିର ଖବର ରାଜ୍ୟ ଖବର

ସବିତା ସୁଆର ହେଲେ ବିଜେପିର ବ୍ରହ୍ମପୁର ମେୟର ପ୍ରାର୍ଥୀ

ଭୁବନେଶ୍ୱର: ଭାରତୀୟ ଜନତା ପାର୍ଟି ତରଫରୁ ଆଜି ବ୍ରହ୍ମପୁର ମହାନଗର ନିଗମ (ବିଏମସି) ମେୟର ପ୍ରାର୍ଥୀ ଭାବେ ଡ. ସବିତା ସୁଆରଙ୍କ ନାମ ଘୋଷଣା କରାଯାଇଛି। ରାଜ୍ୟ ସଭାପତି ସମୀର ମହାନ୍ତିଙ୍କ ଅନୁମୋଦନ କ୍ରମେ ଏହା କରାଯାଇଛି ବୋଲି ରାଜ୍ୟ ଉପସଭାପତି ଶ୍ରୀ ଭୃଗୁ ବକ୍ସିପାତ୍ର ସୂଚନା ଦେଇଛନ୍ତି।

ଆସନ୍ତା ମାର୍ଚ୍ଚ ୨୪ ତାରିଖରେ ବ୍ରହ୍ମପୁର ମହାନଗର ନିଗମ ପାଇଁ ନିର୍ବାଚନ ଅନୁଷ୍ଠିତ ହେବ। ପ୍ରଥମ ଥର ପାଇଁ ଭୋଟରମାନେ ପ୍ରତ୍ୟକ୍ଷ ଭାବେ ମେୟରଙ୍କୁ ନିର୍ବାଚିତ କରିବେ। ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦିଙ୍କ ନେତୃତ୍ୱ ଓ କାର୍ଯ୍ୟଶୈଳୀ ତାଙ୍କୁ ବେଶ୍ ପ୍ରଭାବିତ କରିଛି। ରାଜ୍ୟ ସଭାପତି ସମୀର ମହାନ୍ତି ତାଙ୍କ ପ୍ରତି ଆସ୍ଥା ପ୍ରକଟ କରି ବ୍ରହ୍ମପୁର ମହାନଗର ନିଗମର ମେୟର ପ୍ରାର୍ଥୀ ଭାବେ ଚୟନ କରିଥିବାରୁ ଡ.ସବିତା ସୁଆର ଦଳକୁ କୃତଜ୍ଞତା ଜ୍ଞାପନ କରିଛନ୍ତି।

Categories
PanchayatElection ବିଶେଷ ଖବର ରାଜ୍ୟ ଖବର

ପୌର ନିର୍ବାଚନ: ଜାଣନ୍ତୁ ମେୟର ଆଉ କାଉନସିଲର ପାଇଁ କେତେ ଜଣ ପ୍ରାର୍ଥିପତ୍ର କଲେ ଦାଖଲ

ଭୁବନେଶ୍ବର: ପଞ୍ଚାୟତ ନିର୍ବାଚନ ପରେ ବର୍ତ୍ତମାନ ଆରମ୍ଭ ହୋଇଯାଇଛି ପୌର ନିର୍ବାଚନ ଗରମ। ଏଥର ୧୦୬ ଟି ପୌର ପରିଷଦ ଏବଂ ୩ ଟି ମହାନଗର ନିଗମରେ ନିର୍ବାଚନ ହେବ। ମାର୍ଚ୍ଚ ୨୪ ତାରିଖରେ ପୌର ନିର୍ବାଚନ ପାଇଁ ଭୋଟ ଗ୍ରହଣ ହେବ।ଏ ନେଇ ନିର୍ବାଚନ କମିଶନର ନିର୍ବାଚନ ତାରିଖ ଘୋଷଣା କରିସାରିଛନ୍ତି। ଏହି ନିର୍ବାଚନରେ ୪୪ ଲକ୍ଷ ଭୋଟର ମତଦାନ କରିବେ।

ଗତ ୨୮ ଫେବୃୟାରୀ ବିଜ୍ଞପ୍ତି ପ୍ରକାଶ ପାଇ ସାରିଛି। ସେହି ଅନୁସାରେ ଯେଉଁ ଯେଉଁ ତାରିଖରେ ନିର୍ବାଚନ ପକ୍ରିୟାର ବିଭିନ୍ନ କାର୍ଯ୍ୟ ହେବ ତାହା ହେଲା..

ନାମାଙ୍କନ ପତ୍ର ଦାଖଲ : ୨ ମାର୍ଚ୍ଚରୁ ୭ ମାର୍ଚ୍ଚ ୨୦୨୨

ପ୍ରାର୍ଥୀପତ୍ର ଯାଞ୍ଚ : ୯ ମାର୍ଚ୍ଚ ୨୦୨୨

୧୪ ମାର୍ଚ୍ଚ ପର୍ଯ୍ୟନ୍ତ : ପ୍ରାର୍ଥୀପତ୍ର ପ୍ରତ୍ୟାହାର

ଭୋଟଦାନ : ୨୪ ମାର୍ଚ୍ଚ ୨୦୨୨

ଫଳାଫଳ : ୨୬ ମାର୍ଚ୍ଚ ୨୦୨୨

ଉପାଧ୍ୟକ୍ଷ ନିର୍ବାଚନ : ୭ ଏପ୍ରିଲ ୨୦୨୨

ଡେପୁଟି ମେୟର ନିର୍ବାଚନ : ୮ ଏପ୍ରିଲ ୨୦୨୨

ତେବେ ନିର୍ବାଚନ କମିଶନର କାର୍ଯ୍ୟାଳୟ ସୂଚନା ଅନୁସାରେ ରାଜ୍ୟରେ ବର୍ତ୍ତମାନ ସୁଦ୍ଧା ୨୮ ବିଭିନ୍ନ ମହାନଗର ତଥା ଏନଏସି ମେୟର ଏବଂ ଅଧ୍ୟକ୍ଷ ପଦବୀ ପାଇଁ ପ୍ରାର୍ଥୀ ପତ୍ର ଦାଖଲ କରିଛନ୍ତି। ସେହିପରି କରର୍ପୋରେଟର ଏବଂ କାଉନସିଲର ପାଇଁ ୧୪୫ ଜଣ ପ୍ରାର୍ଥୀ ପତ୍ର ଦାଖଲ କରିଛନ୍ତି।

Categories
PanchayatElection ବିଶେଷ ଖବର ରାଜ୍ୟ ଖବର

UrbanElection: ପ୍ରକାଶ ପାଇଲା ପୌର ନିର୍ବାଚନ ବିଜ୍ଞପ୍ତି, ମାର୍ଚ୍ଚ ୨ ତାରିଖରୁ ନାମାଙ୍କନ ପତ୍ର ଦାଖଲ

ଭୁବନେଶ୍ବର: ଆଜି ବିଧିବଧ ଭାବେ ପ୍ରକାଶ ପାଇଛି ପୌର ନିର୍ବାଚନ ପାଇଁ ବିଜ୍ଞପ୍ତି। ଏହି ବିଜ୍ଞପ୍ତି ରାଜ୍ୟ ନିର୍ବାଚନ କମିଶନର ପ୍ରକାଶ କରିଛନ୍ତି। ରାଜ୍ୟ ସମସ୍ତ ଜିଲ୍ଲାପାଳ ଅପିସ ଏବଂ ତହସିଲ ଅପିସରେ ଏହି ବିଜ୍ଞପ୍ତି ମଧ୍ୟ ପ୍ରକାଶ ପାଇଛି।

ଏହି ବିଜ୍ଞପ୍ତି ଅନୁସାରେ ଯେଉଁ ଯେଉଁ ତାରିଖରେ ନିର୍ବାଚନ ପକ୍ରିୟାର ବିଭିନ୍ନ କାର୍ଯ୍ୟ ହେବ ତାହା ହେଲା..

ନାମାଙ୍କନ ପତ୍ର ଦାଖଲ : ୨ ମାର୍ଚ୍ଚରୁ ୭ ମାର୍ଚ୍ଚ ୨୦୨୨

ପ୍ରାର୍ଥୀପତ୍ର ଯାଞ୍ଚ : ୯ ମାର୍ଚ୍ଚ ୨୦୨୨

୧୪ ମାର୍ଚ୍ଚ ପର୍ଯ୍ୟନ୍ତ : ପ୍ରାର୍ଥୀପତ୍ର ପ୍ରତ୍ୟାହାର

ଭୋଟଦାନ : ୨୪ ମାର୍ଚ୍ଚ ୨୦୨୨

ଫଳାଫଳ : ୨୬ ମାର୍ଚ୍ଚ ୨୦୨୨

ଉପାଧ୍ୟକ୍ଷ ନିର୍ବାଚନ : ୭ ଏପ୍ରିଲ ୨୦୨୨

ଡେପୁଟି ମେୟର ନିର୍ବାଚନ : ୮ ଏପ୍ରିଲ ୨୦୨୨

ଏଥର ୧୦୬ ଟି ପୌର ପରିଷଦ ଏବଂ ୩ ଟି ମହାନଗର ନିଗମରେ ନିର୍ବାଚନ ହେବ। ଏ ନେଇ ନିର୍ବାଚନ କମିଶନର ନିର୍ବାଚନ ତାରିଖ ଘୋଷଣା କରିଛନ୍ତି। ଏହି ନିର୍ବାଚନରେ ୪୪ ଲକ୍ଷ ଭୋଟର ମତଦାନ କରିବେ।

ମାର୍ଚ୍ଚ ୨୪ ତାରିଖରେ ପୌର ନିର୍ବାଚନ ପାଇଁ ଭୋଟ ଗ୍ରହଣ ହେବ। ଏହି ନିର୍ବାଚନ ପାଇଁ ଆଦର୍ଶ ଆଚରଣ ବିଧି ଲାଗୁ ହୋଇ ସାରିଛି। ଏହି ନିର୍ବାଚନରେ ପୁରୀ ମ୍ୟୁନିସିପାଲିଟିରେ ଏଥର ଭୋଟ ଗ୍ରହଣ ହେବ ନାହିଁ।

Categories
ଆଜିର ଖବର ରାଜ୍ୟ ଖବର

ପାଖେଇଲା ବିଏମସି ନିର୍ବାଚନ, ବିଜେପି ଛାଡି ବିଜେଡିରେ ଯୋଗଦେଲେ ଶତାଧିକ କର୍ମି

ଭୁବନେଶ୍ବର:  ଶନିବାର ଭୁବନେଶ୍ୱର ମଧ୍ୟ ବିଧାୟକଙ୍କ ସରକାରୀ ବାସଭବନରେ ବିଧାୟକ ଅନନ୍ତ ନାରାୟଣ ଜେନାଙ୍କ ଉପସ୍ଥିତିରେ ଏକ ମିଶ୍ରଣ ପର୍ବ ଅନୁଷ୍ଠିତ ହୋଇଯାଇଛି।ମୁଖ୍ୟମନ୍ତ୍ରୀଙ୍କ ସ୍ୱଚ୍ଛ ଶାସନ, ନିର୍ମଳ ଭାବମୂର୍ତ୍ତି, ବିକାଶ ଧାରା ଏବଂ ବିଧାୟକ ଶ୍ରୀଯୁକ୍ତ ଅନନ୍ତ ନାରାୟଣ ଜେନାଙ୍କ ଆଦର୍ଶ ଓ କାର୍ଯ୍ୟ ଶୈଳୀରେ ଅନୁପ୍ରାଣିତ ହୋଇ ବନଦୁର୍ଗା ମଣ୍ଡଳ ସଭାପତି ଫିରୋଜ ଖାନଙ୍କ ନେତୃତ୍ୱ ରେ ୱାର୍ଡ 40 ଓ 41 ଅନ୍ତର୍ଗତ ୟୁନିଟ 1,2,3 ଏବଂ ବାପୁଜୀ ନଗର ଅଞ୍ଚଳ ର 300 ରୁ ଉର୍ଦ୍ଧ ବିଜେପି କର୍ମୀ ଓ ସଭ୍ୟ ବିଜେପି ଦଳ ଛାଡି ଆନୁଷ୍ଠାନିକ ଭାବେ ବିଜେଡି ରେ ଯୋଗ ଦେଇଛନ୍ତି।

ବନଦୁର୍ଗା ମଣ୍ଡଳ ଯୁବମୋର୍ଚ୍ଚା ସଭାପତି ଆକାଶ ପଟ୍ଟନାୟକ, ବନଦୁର୍ଗା ମହିଳା ମୋର୍ଚ୍ଚା ସଭାନେତ୍ରୀ ସୁଭଦ୍ରା ନାୟକ, ବି.ଜେ.ବି ସ୍ୱୟଂଶାସିତ ମହାବିଦ୍ୟାଳୟର ପୂର୍ବତନ ଛାତ୍ର ସଂସଦ ସାଧାରଣ ସମ୍ପାଦକ ନୀଳକଣ୍ଠ ରେଡ୍ଡୀ, ବରିଷ୍ଠ ବିଜେପି କର୍ମୀ ସହଦେଵ ନାୟକ, ଆସିୟା ବେଗମ,ବିଶ୍ୱରଂଜନ ସିଙ୍ଗ, ପ୍ରଶାନ୍ତ ମହାରଣା, ସୁକାନ୍ତ ଓଝା, ଦୀପକ ସାହୁ, ସୁରେଶ ବାରିକ, କେ ଶ୍ରୀନିବାସ ରାଓ ପ୍ରମୁଖ ଆନୁଷ୍ଠାନିକ ଭାବେ ବିଜେଡି ରେ ସାମିଲ ହୋଇ ନେତ୍ରୁ ବୃନ୍ଦଙ୍କ ସହଯୋଗ ଓ ନିର୍ଦ୍ଦେଶରେ ବିନା ଦ୍ବିଧାରେ ଦଳ ସହ ମନ ପ୍ରାଣ ଢାଳି କାର୍ଯ୍ୟ କରିବେ ବୋଲି ବ୍ୟକ୍ତ କରିଥିଲେ।

Categories
PanchayatElection ବିଶେଷ ଖବର ରାଜ୍ୟ ଖବର

ପୌର ନିର୍ବାଚନ ନେଇ ଆସିଲା ଏକ ବଡ ଖବର, ଜାଣନ୍ତୁ ଆପଣଙ୍କ ଜିଲ୍ଲାରେ କଣ ହୋଇଛି

ଭୁବନେଶ୍ୱର: ଆସନ୍ତା ପୌର ନିର୍ବାଚନ ପାଇଁ ୱାର୍ଡ ଓ ବୁଥ୍‌ ତାଲିକା ପ୍ରକାଶ ପାଇଛି ଓ ଏହାକୁ ରାଜ୍ୟ ନିର୍ବାଚନ କମିଶନ ଅନୁମୋଦନ କରିଛନ୍ତି । ସମୁଦାୟ ମୁନିସିପାଲିଟି ଓ ବିଜ୍ଞାପିତ ଅଞ୍ଚଳ ପରିଷଦ ସଂଖ୍ୟା ୪୮+ ୫୯ ଣ= ୧୦୭, ସମୁଦାୟ ମହାନଗର ନିଗମ-୩, ମୁନିିିସିପାଲିଟି ଓ ବିଜ୍ଞାପିତ ଅଞ୍ଚଳ ପରିଷଦର ସମୁଦାୟ ୱାର୍ଡ ସଂଖ୍ୟା-୧୭୬୩।

ମୁନିସିପାଲିଟି ଓ ବିଜ୍ଞାପିତ ଅଞ୍ଚଳ ପରିଷଦର ସମୁଦାୟ ବୁଥ୍‌ ସଂଖ୍ୟା-୩୧୭୭, ମହାନଗର ନିଗମର ସମୁଦାୟ ୱାର୍ଡ ସଂଖ୍ୟା-୧୬୮, ମହାନଗର ନିଗମର ସମୁଦାୟ ବୁଥ୍‌ ସଂଖ୍ୟା-୧୪୦୭, ୧୦୭ଟି ପୌର ସଂଖ୍ୟା ଓ ୩ଟି ମହାନଗର ନିଗମର ସମୁଦାୟ ୱାର୍ଡ ସଂଖ୍ୟା ୧୯୩୧ ଓ ବୁଥ୍‌ ସଂଖ୍ୟା ହେଉଛି ୪୫୮୪ ।

ଏହାର ଜିଲ୍ଲାୱାରୀ ବୁଥ୍‌ ଓ ୱାର୍ଡ ସଂଖ୍ୟା ହେଉଛି:

ଅନୁଗୋଳ

ଅନୁଗୋଳ ଜିଲ୍ଲାର ଅନୁଗୋଳ ମୁନିସିପାଲିଟିରେ ୨୩ଟି ୱାର୍ଡ ଓ ୪୦ଟି ବୁଥ୍‌, ଆଠମଲ୍ଲିକ ବିଜ୍ଞାପିତ ଅଞ୍ଚଳ ପରିଷଦର ୧୧ଟି ୱାର୍ଡ ଓ ୧୨ଟି ବୁଥ୍‌, ତାଳଚେର ମୁନିସିପାଲିଟିର ୨୧ଟି ୱାର୍ଡ ଓ ୩୨ଟି ବୁଥ୍‌ ରହିଛି ।

ବଲାଙ୍ଗୀର

ବଲାଙ୍ଗୀର ଜିଲ୍ଲାର ପାଟଣଶଗଡ଼ ବିଜ୍ଞାପିତ ଅଞ୍ଚଳ ପରିଷଦର ୧୫ଟି ୱାର୍ଡ ଓ ୨୨ଟି ବୁଥ୍‌, କଣ୍ଟାବାrି ବିଜ୍ଞାପିତ ଅଞ୍ଚଳ ପରିଷଦର ୧୬ଟି ୱାର୍ଡ ଓ ୨୫ଟି ବୁଥ୍‌, ତୁମୁରା ବିଜ୍ଞାପିତ ଅଞ୍ଚଳ ପରିଷଦର ୧୧ଟି ୱାର୍ଡ ଓ ୧୧ଟି ବୁଥ୍‌, ବଲାଙ୍ଗୀର ମୁନିସିପାଲିଟିର ୨୧ଟି ୱାର୍ଡ ଓ ୮୪ଟି ବୁଥ୍‌, ଟିଟିଲାଗଡ଼ ମୁନିସିପାଲିଟିର ୧୫ଟି ୱାର୍ଡ ଓ ୨୮ଟି ବୁଥ୍‌ ରହିଛି ।

ବାଲେଶ୍ବର

ବାଲେଶ୍ୱର ଜିଲ୍ଲାରେ ବାଲେଶ୍ୱର ମୁନିସିପାଲିଟିର ୩୧ଟି ୱାର୍ଡ ଓ ୯୮ଟି ବୁଥ୍‌, ଜଳେଶ୍ୱର ମୁନିସିପାଲିଟିର ୧୭ଟି ୱାର୍ଡ ଓ ୨୪ଟି ବୁଥ୍‌, ସୋର ମୁନିସିପାଲିଟିର ୧୯ଟି ୱାର୍ଡ ଓ ୩୮ଟି ବୁଥ୍‌, ନୀଳଗିରି ବିଜ୍ଞାପିତ ଅଞ୍ଚଳ ପରିଷଦର ୧୩ଟି ୱାର୍ଡ ଓ ୧୫ଟି ବୁଥ୍‌, ରେମୁଣା ବିଜ୍ଞାପିତ ଅଞ୍ଚଳ ପରିଷଦର ୧୩ଟି ୱାର୍ଡ ଓ ୩୬ଟି ବୁଥ୍‌ ରହିଛି ।

ବରଗଡ

ବରଗଡ଼ ଜିଲ୍ଲାର ବରଗଡ଼ ମୁନିସିପାଲିଟିର ୧୯ଟି ୱାର୍ଡ ଓ ୭୪ଟି ବୁଥ୍‌, ବରପାଲ୍ଲୀ ବିଜ୍ଞାପିତ ଅଞ୍ଚଳ ପରିଷଦର ୧୧ଟି ୱାର୍ଡ ଓ ୧୯ଟି ବୁଥ୍‌, ପଦ୍ମପୁର ଏନ୍‌.ଏ.ସିର ୧୧ଟି ୱାର୍ଡ ଓ ୧୭ଟି ବୁଥ୍‌, ବିଜେପୁର ଏନ୍‌.ଏ.ସିର ୧୧ଟି ୱାର୍ଡ ଓ ୧୧ଟି ବୁଥ୍‌ ରହିଛି ।

ଭଦ୍ରକ

ଭଦ୍ରକ ଜିଲ୍ଲାର ବାସୁଦେବପୁର ମୁନିସିପାଲିଟିର ୨୩ଟି ୱାର୍ଡ ଓ ୩୬ଟି ବୁଥ୍‌, ଭଦ୍ରକ ମୁନିସିପାଲିଟିର ୩୦ଟି ୱାର୍ଡ ଓ ୮୩ଟି ବୁଥ୍‌, ଚାନ୍ଦବାଲି ଏନ୍‌.ଏ.ସିର ୧୫ଟି ୱାର୍ଡ ଓ ୨୫ଟି ବୁଥ୍‌, ଧାମନଗର ଏନ୍‌.ଏ.ସିର ୧୧ଟି ୱାର୍ଡ ଓ୨୦ଟି ବୁଥ୍‌ ରହିଛି ।

ବୌଦ୍ଧ

ବୌଦ୍ଧ ଜିଲ୍ଲାର ବୌଦ୍ଧ ଏନ୍‌.ଏ.ସିର ୧୭ଟି ୱାର୍ଡ ଓ ୧୭ଟି ବୁଥ୍‌ ରହିଛି ।

କଟକ

କଟକ ଜିଲ୍ଲାର ଆଠଗଡ଼ ଏନ୍‌.ଏ.ସିର ୧୮ଟି ୱାର୍ଡ ଓ ୧୮ଟିି ବୁଥ୍‌, ବାଙ୍କି ଏନ୍‌.ଏ.ସିରର ୧୭ଟି ୱାର୍ଡ ଓ ୧୮ଟି ବୁଥ୍‌, ଚୌଦ୍ୱାର ମୁନିସିପାଲିଟିର ୧୯ଟି ୱାର୍ଡ ଓ ୩୮ଟି ବୁଥ୍‌ ରହିଛି ।

ଦେବଗଡ

ସେହିପରି ଦେବଗଡ଼ ଜିଲ୍ଲାର ଦେବଗଡ଼ ମୁନିସିପାଲିଟିର ୧୧ଟି ୱାର୍ଡ ଓ ୨୧ଟି ବୁଥ୍‌ ରହିଛି।

ଢେଙ୍କାନାଳ

ଢେଙ୍କାନାଳ ଜିଲ୍ଲାର ଢେଙ୍କାନାଳ ମୁନିସିପାଲିଟିର ୨୩ଟି ୱାର୍ଡ ଓ ୫୨ଟି ବୁଥ୍‌, ଭୂବନ ଏନ୍‌.ଏ.ସିର ୧୫ଟି ୱାର୍ଡ ଓ ୧୮ଟି ବୁଥ୍‌, କାମାକ୍ଷାନଗର ଏନ୍‌.ଏ.ସିର ୧୫ଟି ୱାର୍ଡ ଓ ୧୬ଟି ବୁଥ୍‌ ରହିଛି ।

ଗଜପତି

ସେହିପରି ଗଜପତି ଜିଲ୍ଲାର କାଶିନଗର ଏନ୍‌.ଏ.ସିର ୧୩ଟି ୱାର୍ଡ ଓ ୧୩ଟି ବୁଥ୍‌, ପାରଳାଖେମୁଣ୍ଡି ମୁନିସିପାଲିଟିର ୧୬ଟି ୱାର୍ଡ, ୩୮ଟି ବୁଥ୍‌ ରହିଛି ।

ଗଞ୍ଜାମ

ଗଞ୍ଜାମ ଜିଲ୍ଲାର ଆସ୍କା ଏନ୍‌.ଏ.ସିର ୧୮ଟି ୱାର୍ଡ, ୨୧ଟି ବୁଥ୍‌, ବେଲଗୁଣ୍ଠା ଏନ୍‌.ଏ.ସିର ୧୩ଟି ୱାର୍ଡ, ୧୪ଟି ବୁଥ୍‌, ଭଞ୍ଜନଗର ଏନ୍‌.ଏ.ସିର ୧୫ଟି ୱାର୍ଡ, ୨୧ଟି ବୁଥ୍‌, ବୁଗୁଡ଼ା ଏନ୍‌.ଏ.ସିର ୧୩ଟି ୱାର୍ଡ, ୧୭ଟି ବୁଥ୍‌, ଛତ୍ରପୁର ଏନ୍‌.ଏ.ସିର ୧୪ଟି ୱାର୍ଡ, ୨୨ଟି ବୁଥ୍‌, ଚିକିଟି ଏନ୍‌.ଏ.ସିର ୧୨ଟି ୱାର୍ଡ, ୧୩ଟି ବୁଥ୍‌, ଦିଗପହଣ୍ଡି ଏନ୍‌.ଏ.ସିର ୧୧ଟି ୱାର୍ଡ, ୧୪ଟି ବୁଥ୍‌, ଗଞ୍ଜାମ ଏନ୍‌.ଏ.ସିର ୧୨ଟି ୱାର୍ଡ, ୧୨ଟି ବୁଥ୍‌, ଗୋପାଳପୁର ଏନ୍‌.ଏ.ସିର ୧୧ଟି ୱାର୍ଡ, ୧୧ଟି ବୁଥ୍‌, ହିଞ୍ଜିଳିକାଟ ମୁନିସିପାଲିଟିର ୨୧ଟି ୱାର୍ଡ, ୨୩ଟି ବୁଥ୍‌, କବିସୂର୍ଯ୍ୟନଗର ଏନ୍‌.ଏ.ସିର ୧୮ଟି ୱାର୍ଡ, ୧୯ଟି ବୁଥ୍‌, ଖଲିକୋଟ ଏନ୍‌.ଏ.ସିର ୧୨ଟି ୱାର୍ଡ, ୧୩ଟି ବୁଥ୍‌, କୋଦଳା ଏନ୍‌.ଏ.ସିର ୧୩ଟି ୱାର୍ଡ, ୧୫ଟି ବୁଥ୍‌, ପୋଲସରା ଏନ୍‌.ଏ.ସିର ୧୯ଟି ୱାର୍ଡ, ୨୧ଟି ବୁଥ୍‌, ପୁରୁଷୋତ୍ତମପୁର ଏନ୍‌.ଏ.ସିର ୧୪ଟି ୱାର୍ଡ, ୧୫ଟି ବୁଥ୍‌, ରମ୍ଭା ଏନ୍‌.ଏ.ସିର ୧୩ଟି ୱାର୍ଡ, ୧୩ଟି ବୁଥ୍‌ ଓ ସରଡ଼ା ଏନ୍‌.ଏ.ସିର ୧୧ଟି ୱାର୍ଡ, ୧୩ଟି ବୁଥ୍‌
ରହିଛି ।

ଜଗତସିଂହପୁର

ଜଗତସିଂହପୁର ଜିଲ୍ଲାର ଜଗତସିଂହପୁର ମୁନିସିପାଲିଟିର ୨୧ଟି ୱାର୍ଡ, ୩୩ଟି ବୁଥ୍‌, ପାରାଦୀପ ମୁନିସିପାଲିଟିର ୧୯ଟି ୱାର୍ଡ, ୪୬ଟି ବୁଥ୍‌ ରହିଛି ।

ଯାଜପୁର

ସେହିପରି ଯାଜପୁର ଜିଲ୍ଲାର ବ୍ୟାସନଗର ମୁନିସିପାଲିଟିର ୨୬ଟି ୱାର୍ଡ, ୪୪ଟି ବୁଥ୍‌, ଯାଜପୁର ମୁନିସିପାଲିଟିର ୧୮ଟି ୱାର୍ଡ, ୩୬ଟି ବୁଥ୍‌ ରହିଛି ।

ଝାରସୁଗୁଡା

ଝାରସୁଗୁଡ଼ା ଜିଲ୍ଲାର ବ୍ରଜରାଜନଗର ମୁନିସିପାଲିଟିର ୨୩ଟି ୱାର୍ଡ, ୬୮ଟି ବୁଥ୍‌, ଝାରସୁଗୁଡ଼ା ମୁନିିସିପାଲିଟିର ୨୪ଟି ୱାର୍ଡ, ୮୪ଟି ବୁଥ୍‌, ବେଲପାହାଡ଼ ମୁନିସିପାଲିଟିର ୧୯ଟି ୱାର୍ଡ, ୩୫ଟି ବୁଥ୍‌ ରହିଛି ।

କଳାହାଣ୍ଡି

ସେହିପରି କଳାହାଣ୍ଡି ଜିଲ୍ଲାର ଭବାନୀପାଟଣା ମୁନିସିପାଲିଟିର ୨୦ଟି ୱାର୍ଡ, ୫୮ଟି ବୁଥ୍‌, ଧର୍ମଗଡ଼ ଏନ୍‌.ଏ.ସିର ୧୪ଟି ୱାର୍ଡ, ୧୪ଟି ବୁଥ୍‌, କେସିଙ୍ଗା ଏନ୍‌.ଏ.ସିର ୧୨ଟି ୱାର୍ଡ, ୧୭ଟି ବୁଥ୍‌, ଜୁନାଗଡ଼ ଏନ୍‌.ଏ.ସିର ୧୨ଟି ୱାର୍ଡ, ୧୮ଟି ବୁଥ୍‌ ରହିଛି ।

କନ୍ଧମାଳ

କନ୍ଧମାଳ ଜିଲ୍ଲାରେ ଜି. ଉଦୟଗିରି ଏନ୍‌.ଏ.ସିର ୧୩ଟି ୱାର୍ଡ, ୧୩ଟି ବୁଥ୍‌, ବାଲିଗୁଡ଼ା ଏନ୍‌.ଏ.ସିର ୧୩ଟି ୱାର୍ଡ, ୧୭ଟି ବୁଥ୍‌, ଫୁଲବାଣୀ ମୁନିସିପାଲିଟିର ୧୩ଟି ୱାର୍ଡ, ୨୭ଟି ବୁଥ୍‌ ରହିଛି ।

କେନ୍ଦ୍ରାପଡା

ସେହିପରି କେନ୍ଦ୍ରାପଡ଼ା ଜିଲ୍ଲାର ପଟାମୁଣ୍ଡାଇ ମୁନିସିପାଲିଟିର ୨୦ଟି ୱାର୍ଡ, ୩୪ଟି ବୁଥ୍‌, କେନ୍ଦ୍ରାପଡ଼ା ଜିଲ୍ଲାର କେନ୍ଦ୍ରାପଡ଼ା ମୁନିିସିପାଲିଟିର ୨୧ଟି ୱାର୍ଡ ଓ ୪୧ଟି ବୁଥ୍‌ ରହିଛି ।

କେଉଁଝର

କେଉଁଝର ଜିଲ୍ଲାର ଆନନ୍ଦପୁର ମୁନିସିପାଲିଟିର ୧୬ଟି ୱାର୍ଡ, ୩୩ଟି ବୁଥ୍‌, ବଡ଼ବିଲ୍‌ ମୁନିସିପାଲିଟିର ୧୫ଟି ୱାର୍ଡ, ୫୭ଟି ବୁଥ୍‌, ଯୋଡ଼ା ମୁନିସିପାଲିଟିର ୧୪ଟି ୱାର୍ଡ, ୩୨ଟି ବୁଥ୍‌, ଚମ୍ପୁଆ ଏନ୍‌.ଏ.ସିର ୧୩ଟି ୱାର୍ଡ, ୧୬ଟି ବୁଥ୍‌ ଓ କେଉଁଝର ମୁନିସିପାଲିଟିରେ ୨୧ଟି ୱାର୍ଡ ଏବଂ ୫୦ଟି ବୁଥ୍‌ ରହିଛି ।

ଖୋର୍ଦ୍ଧା

ଖୋର୍ଦ୍ଧା ଜିଲ୍ଲାର ଜଟଣୀ ମୁନିସିପାଲିଟିର ୨୩ଟି ୱାର୍ଡ, ୫୪ଟି ବୁଥ୍‌, ବାଲୁଗାଁ ଏନ୍‌.ଏ.ସିର ୧୧ଟି ୱାର୍ଡ, ୧୬ଟି ବୁଥ୍‌, ବାଣପୁର ଏନ୍‌.ଏ.ସିର ୧୫ଟି ୱାର୍ଡ, ୧୭ଟି ବୁଥ୍‌ ରହିଛି ।

କୋରାପୁଟ

କୋରାପୁଟ ଜିଲ୍ଲାର କୋଟପାଡ଼ ଏନ୍‌.ଏ.ସିର ୧୩ଟି ୱାର୍ଡ, ୧୭ଟି ବୁଥ୍‌, ସୁନାବେଡ଼ା ମୁନିସିପାଲିଟିର ୨୫ଟି ୱାର୍ଡ, ୪୫ଟି ବୁଥ୍‌, ଜୟପୁର ମୁନିସିପାଲିଟିର ୨୧ଟି ୱାର୍ଡ, ୩୮ଟି ବୁଥ୍‌ ରହିଛି ।

ମାଲକାନଗିରି

ମାଲକାନଗିରି ଜିଲ୍ଲାର ମାଲକାନଗିରି ମୁନିସିପାଲିଟିର ୧୯ଟି ୱାର୍ଡ, ୩୦ଟି ବୁଥ୍‌ ଓ ବାଲିମେଳା ଏନ୍‌.ଏ.ସିର ୧୨ଟି ୱାର୍ଡ, ୧୨ଟି ବୁଥ୍‌ ରହିଛି ।

ମୟୁରଭଂଜ

ମୟୂରଭଞ୍ଜ ଜିଲ୍ଲାର ରାଇରଙ୍ଗପୁର ମୁନିିସିପାଲିଟିର ୧୫ଟି ୱାର୍ଡ, ୨୨ଟି ବୁଥ୍‌, ଉଦଳା ଏନ୍‌.ଏ.ସିର ୧୨ଟି ୱାର୍ଡ, ୧୨ଟି ବୁଥ୍‌, ବାରିପଦା ମୁନିସିପାଲିଟିର ୨୮ଟି ୱାର୍ଡ, ୮୨ଟି ବୁଥ୍‌ ଓ କରଞ୍ଜିଆ ଏନ୍‌.ଏ.ସିର ୧୫ଟି ୱାର୍ଡ, ୨୦ଟି ବୁଥ୍‌ ରହିଛି ।

ନୟାଗଡ

ସେହିପରି ନୟାଗଡ଼ ଜିଲ୍ଲାର ଖଣ୍ଡପଡ଼ା ଏନ୍‌.ଏ.ସିର ୧୩ଟି ୱାର୍ଡ, ୧୩ଟି ବୁଥ୍‌, ନୟାଗଡ଼ ମୁନିସିପାଲିଟିର ୧୬ଟି ୱାର୍ଡ, ୨୫ଟି ବୁଥ୍‌, ରଣପୁର ଏନ୍‌.ଏ.ସିର ୧୫ଟି ୱାର୍ଡ, ୧୬ଟି ବୁଥ୍‌ ଓ ଦଶପଲ୍ଲା ଏନ୍‌.ଏ.ସିର ୧୬ଟି ୱାର୍ଡ ଏବଂ ୧୬ଟି ବୁଥ୍‌ ରହିଛି ।

ନବରଂଗପୁର

ନବରଙ୍ଗପୁର ଜିଲ୍ଲାର ନବରଙ୍ଗପୁର ମୁନିସିପାଲିଟିର ୧୭ଟି ୱାର୍ଡ, ୨୯ଟି ବୁଥ୍‌ ଓ ଉମରକୋଟ ମୁନିସିପାଲିଟିର ୧୪ଟି ୱାର୍ଡ ଓ ୨୭ଟି ବୁଥ୍‌ ରହିଛି ।

ନୂଆପଡା

ନୂଆପଡ଼ା ଜିଲ୍ଲାର ନୂଆପଡ଼ା ଏନ୍‌.ଏ.ସିର ୧୪ଟି ୱାର୍ଡ, ୧୪ଟି ବୁଥ୍‌, ଖରିଆର ରୋଡ଼୍‌ ଏନ୍‌.ଏ.ସିର ୧୯ଟି ୱାର୍ଡ, ୧୯ଟି ବୁଥ୍‌ ଓ ଖରିଆର ଏନ୍‌.ଏ.ସିର ୧୩ଟି ୱାର୍ଡ ୧୪ଟି ବୁଥ୍‌ ରହିଛି ।

ପୁରୀ

ପୁରୀ ଜିଲ୍ଲାର କୋଣାର୍କ ଏନ୍‌.ଏ.ସିର ୧୩ଟି ୱାର୍ଡ, ୧୫ଟି ବୁଥ୍‌ ଏବଂ ପୁରୀ ମୁନିସିପାଲିଟିର ୩୨ଟି ୱାର୍ଡ, ୧୩୫ଟି ବୁଥ୍‌ ରହିଛି ।

ରାୟଗଡ଼ା

ରାୟଗଡ଼ା ଜିଲ୍ଲାର ଗୁଡ଼ାରୀ ଏନ୍‌.ଏ.ସିର ୧୧ଟି ୱାର୍ଡ, ୧୧ଟି ବୁଥ୍‌, ରାୟଗଡ଼ା ମୁନିସିପାଲିଟିର ୨୪ଟି ୱାର୍ଡ ଓ ୫୯ଟି ବୁଥ୍‌ ରହିଛି ।

ସମ୍ବଲପୁର

ସମ୍ବଲପୁର ଜିଲ୍ଲାର କୁଚିଣ୍ଡା ଏନ୍‌.ଏ.ସିର ୧୧ଟି ୱାର୍ଡ, ୧୩ଟି ବୁଥ୍‌ ଓ ରେଢ଼ାଖୋଲ ଏନ୍‌.ଏ.ସିର ୧୩ଟି ୱାର୍ଡ, ୧୭ଟି ବୁଥ୍‌ ରହିଛି ।

ସୁବର୍ଣ୍ଣପୁର

ସୁବର୍ଣ୍ଣପୁର ଜିଲ୍ଲାର ସୋନପୁର ମୁନିସିପାଲିଟିର ୧୫ଟି ୱାର୍ଡ, ୨୧ଟି ବୁଥ୍‌, ତରଭା ଏନ୍‌.ଏ.ସିର ୧୨ଟି ୱାର୍ଡ, ୧୨ଟି ବୁଥ୍‌ ଓ ବିନିକା ଏନ୍‌.ଏ.ସିର ୧୨ଟି ୱାର୍ଡ, ୧୫ଟି ବୁଥ୍‌ ରହିଛି ।

ସୁନ୍ଦରଗଡ

ସେହିପରି ସୁନ୍ଦରଗଡ଼ ଜିଲ୍ଲାର ବୀରମିତ୍ରପୁର ମୁନିସିପାଲିଟିର ୧୧ଟି ୱାର୍ଡ, ୨୮ଟି ବୁଥ୍‌, ରାଜଗାଙ୍ଗପୁର ମୁନିସିପାଲିଟିର ୨୦ଟି ୱାର୍ଡ, ୪୯ଟି ବୁଥ୍‌ ଓ ସୁନ୍ଦରଗଡ଼ ମୁନିସିପାଲିଟିର ୧୯ଟି ୱାର୍ଡ, ୩୮ଟି ବୁଥ୍‌ ରହିଛି ।

୧୦୭ଟି ପୌରସଂସ୍ଥାରେ ମୋଟରେ ୧୭୬୩ଟି ୱାର୍ଡ, ୩୧୭୭ଟି ବୁଥ୍‌ ରହିଛି ।

ମହାନଗର ନିଗମ

ସେହପରି ତିନିଗୋଟି ମହାନଗର ନିଗମର ସମୁଦାୟ ୧୬୮ଟି ୱାର୍ଡ ଓ ୧୪୦୭ଟି ବୁଥ୍‌ ଅଛି । କଟକ ମହାନଗର ନିଗମର ୫୯ଟି ୱାର୍ଡ, ୪୫୨ଟି ବୁଥ୍‌, ବ୍ରହ୍ମପୁର ମହାନଗର ନିଗମର ୪୨ଟି ୱାର୍ଡ, ୨୫୦ଟି ବୁଥ୍‌ ଓ ଭୁବନେଶ୍ୱର ମହାନଗର ନିଗମର ୬୭ଟି ୱାର୍ଡ, ୭୦୫ଟି ବୁଥ୍‌ରେ ପୌର ନିର୍ବାଚନ ହେବ ବୋଲି ରାଜ୍ୟ ନିର୍ବାଚନ କମିଶନ ନିର୍ଦ୍ଦେଶନାମା ଜାରି କରିଛନ୍ତି ।