ଭୁବନେଶ୍ବର, ଆଜିଠାରୁ ତିନିଦିନ ଧରି ଭୁବନେଶ୍ବରର ମୁକ୍ତେଶ୍ବର ମନ୍ଦିର ପ୍ରାଙ୍ଗଣରେ ଆରମ୍ଭ ହେବ ମୁକ୍ତେଶ୍ବର ନୃତ୍ୟ ଉତ୍ସବ। ଏହି ଉତ୍ସବରେ ଓଡିଶୀ ସଂଗୀତ ଏବଂ ଓଡିଶୀ ନୃତ୍ୟ ପରିବେଷଣ କରାଯିବ। ଓଡିଶୀ ନୃତ୍ୟ ପର୍ଯ୍ୟାୟରେ ଏକକ, ଦ୍ବୈତ ଏବଂ ବୃନ୍ଦ ଓଡିଶୀ ରହିଛି। ପ୍ରତିବର୍ଷ ଓଡିଶା ପର୍ଯ୍ୟଟନ ବିଭାଗ ତରଫରୁ ଏହି ଉତ୍ସବ ଆୟୋଜିତ ହୋଇ ଆସୁଛି।
ଏହି ଉତ୍ସବରେ ମୀରା ଦାସ, ରିବିଦତା ବରୁଆ, ପ୍ରୀତିଶା ମହାପାତ୍ର, ରମେଶ ଜେନା, ଶତାଦ୍ଦୀ ମଲ୍ଲିକ, ସୋନାଲୀ ମହାପାତ୍ର, ଶ୍ରୀପୁନ୍ୟ ମହାନ୍ତି ଏବଂ ଜୋତ୍ସାରାଣୀ ସାହୁ ପ୍ରମୁଖ ନୃତ୍ୟ ପରିବେଷଣ କରିବେ। ଆସନ୍ତାକାଲି କୋଲକାତାର ପ୍ରଖ୍ୟାତ ନୃତ୍ୟଶିଳ୍ପୀ ଡୋନା ଗାଙ୍ଗୁଲି ଏବଂ ତାଙ୍କର ସାଥୀମାନେ ବୃନ୍ଦ ଓଡିଶୀ ନୃତ୍ୟ ପରିବେଷଣ କରିବେ।