ନୂଆଦିଲ୍ଲୀ, ଧୀରେ ଧୀରେ କରୋନା ଭାଇରସ ଟୀକାର ପାଖାପାଖି ହେଲାଣି ଗବେଷକ ସଂସ୍ଥା। ବର୍ତ୍ତମାନ ଭାରତରେ ଏହି ଟୀକା ଦେବା ପାଇଁ ଆମେରିକୀୟ ଔଷଧ କଂପାନୀ ‘ଫାଇଜର’ ଆବେଦନ କରିଛି। ଡ୍ରଗ୍ସ୍ କଣ୍ଟ୍ରୋଲର୍ ଜେନେରାଲ୍ ଅଫ୍ ଇଣ୍ଡିଆ’ଙ୍କ ନିକଟରେ କଂପାନୀ ଆବେଦନ କରିଛି। କଂପାନୀ କହିଛି ଯେ. ଭାରତରେ ଏହି ଟୀକା ଜରୁରୀକାଳିନ ଭିତ୍ତିରେ ପ୍ରଦାନ କରିବା ପାଇଁ ଅନୁମତି ଦିଆଯାଉ। ଗତ 4 ତାରିଖରେ କଂପାନୀ ଏହି ଆବେଦନ କରିଛି। ଡିସିଜିଆଇ କୁ ଏପରି ଆବେଦନ ପ୍ରଥମ ବୋଲି ଜଣାପଡିଛି।
କଂପାନୀ ଏକ ଚିଠିରେ ଦର୍ଶାଇଛି ଯେ, ଇଂଲଣ୍ଡ୍ ଏବଂ ବାହାରିନ୍ରେ ଏହି ଟିକା ବ୍ୟବହାର ପାଇଁ ଅନୁମତି ମିଳିସାରିଛି। ତେଣୁ ଭାରତ ସରକାର ମଧ୍ୟ ଏ ଦିଗରେ ପଦକ୍ଷେପ ନେବା ଦରକାର। ଏଥିସହ ୨୦୧୯ ‘ନିଉ ଡ୍ରଗ୍ ଆଣ୍ଡ୍ କ୍ଲିନିକାଲ୍ ଟ୍ରାଏଲ୍ସ୍ ରୁଲ୍ସ୍’ରେ ଥିବା ସ୍ୱତନ୍ତ୍ର ବ୍ୟବସ୍ଥା ଅନୁଯାୟୀ ଭାରତବାସୀଙ୍କ ଉପରେ ଏହି ଟିକାର କ୍ଲିନିକାଲ ପରୀକ୍ଷଣ ଛାଡ଼ କରିବାକୁ ମଧ୍ୟ ଫାଇଜର୍ ଅନୁମତି ଲୋଡ଼ିଛି।