Tag: କୁଜଙ୍ଗ ଥାନା

କୁଜଙ୍ଗ: ଜଗତସିଂହପୁର ଜିଲ୍ଲା କୁଜଙ୍ଗ ଥାନା ମଙ୍ଗରାଜପୁର ପଂଚାୟତ ଅଧୀନ ସନ୍ତରା(କୃଷ୍ଣଚନ୍ଦ୍ରପୁର)ସ୍ଥିତ ଶିରିଡ଼ି ସାଇ ମନ୍ଦିରରୁ ଲକ୍ଷାଧିକ ଟଙ୍କା ସୁନା, ରୂପା ଅଳଙ୍କାର ଲୁଟ୍‌ପାଟ୍ ଘଟଣାର ପର୍ଦ୍ଦାଫାଶ୍ କରିଛି କୁଜଙ୍ଗ ପୋଲିସ୍। ମାଷ୍ଟର ମାଇଣ୍ଡ୍ ସମେତ ଗ୍ୟାଙ୍ଗ୍‌ର ୩ ଜଣ ସଦସ୍ୟଙ୍କୁ ଗିରଫ କରିଛି। ସେମାନେ ହେଲେ କୁଜଙ୍ଗ ଥାନା କୋଚିଳାବେଦୀ ଗ୍ରାମର ଦେବେନ୍ଦ୍ର ପଣ୍ଡା, ଏରସମା ଥାନା ପଂଚପଲ୍ଲୀ ଗ୍ରାମର ତୁଷାର କାଣ୍ଡି ଓ ନେତାଜୀ ସାହୁ। ଅନ୍ୟ ଜଣେ ଅଭିଯୁକ୍ତ ଏହି ଘଟଣାରେ ସଂପୃକ୍ତି ଥିବାବେଳେ ପୋଲିସ୍ ତାକୁ ଖୋଜୁଥିବା କହିଛି। ଏମାନଙ୍କ ନାମରେ ଜିଲ୍ଲା ଓ ରାଜ୍ୟ ବାହାରେ ବିଭିନ୍ନ ଥାନାରେ ଅପରାଧିକ ମାମଲା ରହିଛି।

ଅଭିଯୁକ୍ତଙ୍କ ନିକଟରୁ ୨ଟି ମୋବାଇଲ୍ ଫୋନ୍‌, ନଗଦ ୨୫ ହଜାର ଟଙ୍କା ଜବତ କରାଯାଇଥିବା ଥାନାଅଧିକାରୀ ରଶ୍ମୀରଂଜନ ଦାଶ ସୂଚନା ଦେଇଛନ୍ତି। ଆଜି ଅଭିଯୁକ୍ତମାନଙ୍କୁ ଡାକ୍ତରୀ ପରୀକ୍ଷା ନିରୀକ୍ଷା ପରେ କୋର୍ଟ ଚାଲାଣ କରାଯାଇଥିଲା। ମାତ୍ର ସେଠାରେ ଜାମିନ୍ ନାମଞ୍ଜୁର ହେବାରୁ ବିଚାର ବିଭାଗୀୟ ହାଜତକୁ ପଠାଇଦିଆଯାଇଥିବା ଜଣାପଡିଛି। ସୂଚନା ଅନୁସାରେ ଗତ ବର୍ଷ ଅଗଷ୍ଟ ୨୩ ତାରିଖରେ ମନ୍ଦିରରୁ ପୂଜକ ବହୁ ମୂଲ୍ୟର ସୁନା ଅଳଙ୍କାର ଲୁଟ୍‌ପାଟ୍ କରି ଫେରାର ହୋଇଥିଲା। ପୋଲିସ୍ ତତ୍‌କ୍ଷଣାତ୍ ପୂଜକ ଲୁଟ୍‌ପାଟ୍ କରିଥିବା ନେଇ ସୂଚନା ପାଇବା ପରେ ରାହାମା ଅଂଚଳରୁ ଗିରଫ କରି ତା ନିକଟରୁ ସମସ୍ତ ସୁନା ଅଳଙ୍କାର ଜବତ କରିଥିଲା।

ଏହି ଘଟଣାରେ ପୂଜକ ଦେବେନ୍ଦ୍ର ପଣ୍ଡା ଜେଲ୍ ଯାଇଥିଲା। ପୋଲିସ୍ ସମ୍ମୁଖରେ ମନ୍ଦିର ପୂଜକ ଦେବେନ୍ଦ୍ର ନିଜର ପଇତା ଛୁଇଁ ଶପଥ କରିଥିଲା ଜେଲ୍‌ରୁ ଫେରି ପୁନର୍ବାର ମନ୍ଦିରରୁ ଲୁଟ୍ କରିବ । ଦେବେନ୍ଦ୍ର ଜେଲ୍‌ରେ ରହି ଅନ୍ୟ ଅଭିଯୂକ୍ତ ତୁଷାର କାଣ୍ଡି ଓ ଅନ୍ୟଜଣେ ସହଯୋଗୀଙ୍କ ସହ ମନ୍ଦିର ଲୁଟ୍ ପାଇଁ ଯୋଜନା ପ୍ରସ୍ତୁତ୍ କରିଥିଲା। ପରେ ଏମାନଙ୍କର ଜାମିନ୍ ହୋଇଥିଲା। ଏହି ତିନିଜଣ ଅଭିଯୁକ୍ତମାନେ ଏକତ୍ରିତ ହୋଇ ଏକ ଗ୍ୟାଙ୍ଗ୍ କରିଥିଲେ।

ଏମାନେ ବିଶେଷ କରି ମଠ, ମନ୍ଦିରକୁ ଟାର୍ଗେଟ୍ କରିଥାନ୍ତି। ଏହି ମର୍ମରେ ଶିରିଡ଼ି ସାଇ ମନ୍ଦିରରେ ଫେବୃୟାରୀ ମାସ ୩ ତାରିଖ ବିଳମ୍ବିତ ରାତିରେ ଲୁଟ୍‌ପାଟ୍ କରିଥିଲେ। ଏ ନେଇ ମନ୍ଦିରର ଟ୍ରଷ୍ଟ ପକ୍ଷରୁ କୁଜଙ୍ଗ ଥାନାରେ ଲିଖିତ ଅଭିଯୋଗ କରାଯାଇଥିଲା। ପୋଲିସ୍ ଅଭିଯୋଗ ଆଧାରରେ କେସ୍ ନଂ ୫୪/୨୪ ରେ ମାମଲା ରୁଜ୍ଜୁ କରି ଘଟଣାର ଛାନ୍‌ଭିନ୍ ଆରମ୍ଭ କରିଥିଲା।

ଅଭିଯୁକ୍ତମାନେ ଲୁଟ୍‌ପାଟ୍ କରି ରାଜ୍ୟ ବାହାରକୁ ଫେରାର ହୋଇଯାଇଥିଲେ। ଅଭିଯୁକ୍ତଙ୍କ ସଂପର୍କରେ ପୋଲିସ୍ ଟେକ୍‌ନିକାଲ ସର୍ଭିଲାନ୍‌ସ ଯୋଗେ ଜାଣିବାକୁ ପାଇଥିଲା। ପରେ ଏହି ଲୁଟ୍ ସାମଗ୍ରୀ କ୍ରୟ କରିଥିବା ବ୍ୟକ୍ତି ନେତାଜୀ ସାହୁକୁ ପୋଲିସ୍ ଉଠାଇ ଆଣି ପଚାର ଉଚରା କରିବା ପରେ ସେ ସବୁ ମାନିଯାଇଥିଲା। ଗତକାଲି ରାତିରେ ମୁଖ୍ୟ ଅଭିଯୁକ୍ତ ପୂଜକ ଦେବେନ୍ଦ୍ର ପଣ୍ଡା ଓ ତୁଷାର କାଣ୍ଡିକୁ ଗିରଫ କରି ତାଙ୍କ ନିକଟରୁ ନଗଦ ୨୫ ହଜାର ଟଙ୍କା ଓ ୨ଟି ମୋବାଇଲ୍ ଜବତ କରିଥିଲା।

ଏହି ଗ୍ୟାଙ୍ଗ୍‌ର ଅନ୍ୟ ଜଣେ ସଦସ୍ୟ ଫେରାର ହୋଇଥିବା ଜଣାପଡିଛି। ଅନ୍ୟ ପକ୍ଷରେ ଲୁଟ୍ ହୋଇଥିବା ବହୁ ମୂଲ୍ୟର ସୁନା ଅଳଙ୍କାରକୁ ରାଜ୍ୟ ବାହାରେ ବିକ୍ରୟ କରିଥିବା ପୋଲିସ୍‌କୁ ଅଭିଯୁକ୍ତ ମନ୍ଦିର ପୂଜକ ସୂଚନା ଦେଇଥିଲା। ପୋଲିସ୍ ସୂଚନା ଆଧାରରେ ଘଟଣାର ତଦନ୍ତ କରୁଥିବା ଥାନା ଅଧିକାରୀ ଶ୍ରୀଯୁକ୍ତ ଦାଶ କହିଛନ୍ତି।

କୁଜଙ୍ଗ: ରାତିଅଧରେ ଘରେ ପଶି ମହିଳା ଓ ଝିଅ ମାନଙ୍କୁ ବଳପୂର୍ବକଭାବେ ଅସଦାଚରଣ କରିବା ଘଟଣାର ଜଣାଶୁଣା ଅସାମାଜିକ ଯୁବକ ଗିରଫ ହୋଇ ଜେଲ ଯାଇଥିବା ସୂଚନା ମିଳିଛି। ପ୍ରକାଶ ଯେ, କୁଜଙ୍ଗ ଥାନା ଅନ୍ତର୍ଗତ ଷଣ୍ଢପୁର ଗ୍ରାମର ଜଣାଶୁଣା ଅସାମାଜିକ ଯୁବକ ଅଜୟ ପରିଡା ଓରଫ କାହ୍ନୁ ଗତ ୨୩ ତାରିଖ ରାତି ୨ଟାରେ ସେହି ଗ୍ରାମର ପବିତ୍ର ପରିଡାଙ୍କ ଘରେ ପଶିଯାଇ ତାଙ୍କ ବୋହୁ, ଝିଅ ଓ ଭାଣିଜିକୁ ବଳ ପୂର୍ବକଭାବେ ଅସଦାଚରଣ କରିଥିଲେ। ବୋହି ଚିତ୍କାର କରିବାରୁ ଘର ବାରଣ୍ଡାରେ ଶୋଇଥିବା ତାଙ୍କ ଶ୍ୱଶୁର ପବିତ୍ର କାହ୍ନୁକୁ ଧରିବାକୁ ଉଦ୍ୟମ କରିଥିଲେ। ମାତ୍ର ଅଭିଯୁକ୍ତ ଜଣକ ପବିତ୍ରକୁ ଧକ୍‌କା ମାରି ଘଟଣା ସ୍ଥଳରୁ ଚମ୍ପଟ ମାରିଥିଲେ।

ଏନେଇ ପବିତ୍ର କୁଜଙ୍ଗ ଥାନାରେ ଅଭିଯୋଗ କରିବାପରେ କୁଜଙ୍ଗ ପୋଲିସ ୪୬୪/୨୩ ରେ ମାମଲା ରୁଜୁକରି ତଦନ୍ତ ଯାରି ରଖିଥିଲେ। ଘଟଣା ପରଠାରୁ ଅଭିଯୁକ୍ତ ରାହାମା ଅଂଚଳରେ ଲୁଚିକରି ରହିଥିବାର ମୋବାଇଲ ଟ୍ରାକ କରି କୁଜଙ୍ଗ ପୋଲିସ ଶୁକ୍ରବାର ଦିନ ଗିରଫ କରିଥିଲେ। ଶନିବାରଦିନ ତାକୁ କୋର୍ଟ ଚାଲଣ କରାଯାଇଛି। ଜାମିନି ନାମାଞ୍ଜୁର ହେବାରୁ ସମାଗଳସ୍ଥିତ ବିଚାର ବିଭାଗିୟ ହଜାତକୁ ପଠାଇ ଦିଆଯାଇଥିବାର ଜଣାପଡିଛି।

ଏଠାରେ ସୂଚନା ଯୋଗ୍ୟକି କାହ୍ନୁ ମହିଳା ଓ ଝିଅ ମାନଙ୍କ ପ୍ରତି ପୂର୍ବରୁ ବହୁବାର ଏହିଭଳି ହିନ ବ୍ୟବହାର କରିଥିବାର ଜଣାପଡିଛି। ଯାହାକି ତାର ବାପା ଗ୍ରାମ ବାସିଙ୍କୁ ଭୁଲଭାଲ ମାଗି ଘଟଣାକୁ ସମାଧାନ କରେ। ସୂଚାନ ଯୋଗ୍ୟ ନିକଟରେ କାହ୍ନୁଙ୍କ ଭାଇ ସଂଜୟ ପରିଡା ଲିଫ୍ଟ ଦେବା ବାହାନାର ଜୈନିକା ମହିଳାଙ୍କୁ ଦୁଷ୍କର୍ମ କରିଥିଲା ଏହି ଘଟଣାରେସେ ଗିରଫ ହୋଇ ସେ ଏବେ ଜେଲ୍‌ରେ ବିଚରାଧିନ ବନ୍ଦିଭାବେ ଅଟକ ଥିବା ରଶ୍ମି ରଂଜନ ଦାଶ କହିଛନ୍ତି।

କୁଜଙ୍ଗ: କୁଜଙ୍ଗ ଥାନା ଅଧୀନ ବାଲିତୁଠ ବଜାରରେ ବୁଧବାର ଦିନ ୩ ଜଣ ବ୍ୟକ୍ତି ଫାରସା ବୁଲାଇ ଆତଙ୍କ ସୃଷ୍ଟି କରିବା ସହିତ ସେହି ଗ୍ରାମର ପ୍ରକାଶ ମଲ୍ଲିକକୁ ହତ୍ୟା କରିବାକୁ ଉଦ୍ୟମ କରିଥିଲେ। ଏନେଇ ପ୍ରକାଶ ଥାନାରେ ଲିଖିତ ଅଭିଯୋଗ ଆଧାରରେ କୁଜଙ୍ଗ ଥାନା ପୋଲିସ ୨ ଜଣଙ୍କୁ ଗିରଫ କରିଛି। ଅନ୍ୟ ଜଣେ ଘଟଣା ସ୍ଥଳରୁ ଫେରାର ହୋଇଯାଇଥିବା ଜଣାପଡିଛି। ଗିରଫ ହୋଇଥିବା ଅଭିଯୁକ୍ତ ହେଲେ ବାଲିତୁଠ ପଞ୍ଚାୟତ ବଡ଼ବୁଦା ଗ୍ରାମ ସନ୍ତୋଷ ସେଠୀ, ନିଶାକର ମହାପାତ୍ର।ଫେରାର ହୋଇଯାଇଥିବା ବ୍ୟକ୍ତି ଜଣଙ୍କ ହେଲେ ସୁଶିଲ ବେହେରା। ଏମାନଙ୍କ ଠାରୁ ଏକ ମଟରସାଇକେଲ ଓ ଫାରସା ପୋଲିସ ଜବତ୍ କରିଥିବା ଥାନା ଅଧିକାରୀ ରଶ୍ମି ରଞ୍ଜନ ଦାଶ କହିଛନ୍ତି।

ଘଟଣାରୁ ପ୍ରକାଶ, ଏହି ଥାନା ଅଧୀନ ବଡବୁଦା ଗ୍ରାମର ସନ୍ତୋଷ ସେଠୀ ଓ ସୁଶୀଲ ବେହେରାଙ୍କୁ   ସେହି ଗ୍ରାମର ନିଶାକର ମହାପାତ୍ର ମଦ୍ୟ ପାନ କରାଇ ତା ଓଡି-୨୧ ଏନ୍ -୩୫୦୩ ନମ୍ବର ମଟରସାଇକେଲ ରେ ବସାଇ ସେମାନଙ୍କୁ ବୁଲାଇବା ସାଙ୍ଗକୁ ସନ୍ତୋଷ ଏକ ଫାରସା ଧରି ଆଖିବୁଜା ବୁଲାଇ ବାଲିତୁଠ ଅଞ୍ଚଳରେ ଆତଙ୍କ ଖେଳାଇଥିଲା। ବଜାରର ଏକ ସ୍ଥାନରେ ବାଲିସାହି ଗ୍ରାମର ପ୍ରକାଶ ମଲ୍ଲିକ, ନୃସିଂହ ଦାସ ଓ ଅନ୍ୟ ଜଣେ ଯୁବକ କାମକରିବାକୁ ଯିବା ପାଇଁ ବାର୍ତ୍ତାଳାପ ହେଉଥିବା ବେଳେ ସେମାନଙ୍କ ନିକଟରେ ୩ ଜଣ ମାରଣାସ୍ତ୍ର ଧରି ପହଞ୍ଚି କିଛି ଅର୍ଥ ଜୁଲମ କରିଥିଲେ।

ପ୍ରକାଶ କିଛି ବୁଝିବା ପୂର୍ବରୁ ସନ୍ତୋଷ ଧରିଥିବା ମାରଣାସ୍ତ୍ର ରେ ହାଣିବାକୁ ଉଦ୍ୟମ କରିବା   ସମୟରେ ସେ ପଛକୁ ଘୁଞ୍ଚି ଯାଇଥିଲେ। ଫଳରେ ସେ ଅଳ୍ପକେ ରକ୍ଷା ପାଇ ଯାଇଥିଲେ। ବଜାରରେ ଶହ ଶହ ଲୋକ ଥିଲେବି କେହି ଅଟକାଇବାକୁ ସାହାସ କରି ନ ପାରି ପଛ ଘୁଂଚା ଦେଉଥିଲେ। ମାତ୍ର ପ୍ରକାଶ, ନୃସିଂହ ସାହାସ ଯୁଟାଇ ପୋଲିସ କୁ ଖବର ଦେଇଥିଲେ।

ଖବର ପାଇ ଥାନାଧିକାରୀ ରଶ୍ମି ରଂଜନ ଦାଶ ସଦଳବଳେ ଘଟଣାସ୍ଥଳରେ ପହଞ୍ଚି ଦେଖିଲେ ଯେ ସନ୍ତୋଷ ସେଠୀ ଫାରସା ଧରି ବୁଲାଇବା ସହ ଆତଙ୍କ ଖେଳାଇ ଚାଲିଛି ।କୌଶଳ କ୍ରମେ ପୋଲିସ ପଛରୁ ଯାଇ ତା ଗୋଡକୁ ମାଡ଼ି ବସି ବାରୁ ସନ୍ତୋଷ ସେଠୀ ତଳେ ପଡି ଯାଇଥିଲା। ଯାହାଫଳରେ ପୋଲିସ ସନ୍ତୋଷ ଓ ନିଶାକର କୁ କାବୁ କରିବାରେ ସକ୍ଷମ ହୋଇଥିଲେ।

ତେତେ ଘଟଣା ସ୍ଥଳରୁ ସୁଶୀଲ ଫେରାର ହୋଇଯାଇଥିଲା। ପୋଲିସ କେଶ୍ ନମ୍ବର ୪୩୭/୨୩ ରେ ମାମଲା ରୁଜୁ କରି ୨ ଜଣଙ୍କୁ ଗିରଫ କରିଥିବା ପୋଲିସ କହିଛି।ପୂର୍ବରୁ ବହୁ ଅପରାଧିକ କେଶ୍ ସନ୍ତୋଷ ନାମରେ ଥିବାର ଜଣାପଡିଛି। ଅନ୍ୟ ପକ୍ଷରେ ତିନିମାସ ପୂର୍ବେ ପୋଲିସ ପହଞ୍ଚାଇବାରେ ସାମାନ୍ୟ ବିଳମ୍ବ ହେବାରୁ କୁଜଙ୍ଗ ଏକ୍ସପ୍ରେସ କଲୋନୀରେ ଦୁଇ ଜଣ ମହିଳା ହତ୍ୟାକାଣ୍ଡର ଶିକାର ହୋଇଥିଲେ।ତେଣୁ ଖବର ପାଇବା ମାତ୍ରେ ତତକ୍ଷଣାତ୍ ବାଲିତୁଠ ଠାରେ ପୋଲିସ ପହଞ୍ଚି ଯିବାରୁ ଅଘଟଣ ରୁ ବହୁ ଲୋକ ବର୍ତ୍ତି ଯାଇଥିଲେ ବୋଲି ସ୍ଥାନୀୟ ଅଞ୍ଚଳ ବାସି କହିଛନ୍ତି।

କୁଜଙ୍ଗ: ଜଗତସିଂହପୁର ଜିଲ୍ଲା କୁଜଙ୍ଗ ଥାନା ଅଂଚଳର ଜନୈକ ବ୍ୟକ୍ତିଙ୍କୁ ଏଟିଏମ୍ ଆଗରୁ ଇମା ଗ୍ୟାଙ୍ଗର ସଦସ୍ୟ ମାରଣାସ୍ତ୍ର ଦେଖାଇ ମାଡ ମାରିବା ସହିତ ୩୦ ହଜାର ଟଙ୍କା ଲୁଟ୍ କରିଥିଲେ। ଏହି ଘଟଣାରେ କୁଜଙ୍ଗ ପୋଲିସ୍ ମୁଖ୍ୟ ଅଭିଯୁକ୍ତ ମହମ୍ମଦ ଇମ୍ରାନ୍ ଓରଫ୍ ଇମାକୁ ଗିରଫ କରିବା ସହିତ ତାର ଆଉ ଦୁଇ ସହଯୋଗୀଙ୍କୁ ଗିରଫ କରିଥିଲା। ଅନ୍ୟ ସହଯୋଗୀମାନେ ସେହିଦିନଠାରୁ ଫେରାର ଥିଲେ।

ଗତକାଲି ବିଶେଷ ସୂତ୍ରରୁ ଖବର ପାଇ ଥାନା ଅଧିକାରୀ ରଶ୍ମୀରଂଜନ ଦାଶଙ୍କ ତତ୍ୱାବଧାନରେ ଏକ ଟିମ୍ ଜିଲ୍ଲା ବାହାରୁ ଅନ୍ୟ ଜଣେ ଅଭିଯୁକ୍ତଙ୍କୁ ଗିରଫ କରିଛି। ସେ ହେଲେ ପଙ୍କପାଳ ଅଂଚରଳର ରାକେଶ ସେନାପତି।

ପ୍ରକାଶ ଯେ, କୁଜଙ୍ଗ ଅଂଚଳର ଜନୈକ ବ୍ୟକ୍ତି ଏଟିଏମ୍‌ରୁ ୩୦ ହଜାର ଟଙ୍କା ଉଠାଣ କରି ବାହାରକୁ ଆସୁଥିବା ବେଳେ ଇମା ଓ ତାର ସହଯୋଗି ବିଜୟ, ସ୍ମୃତିରଞ୍ଜନ, ରାକେଶ ତାଙ୍କୁ ମାରଣାସ୍ତ୍ର ଦେଖାଇ ମାଡମାରି ଟଙ୍କା ଲୁଟ୍ କରି ନେଇଯାଇଥିଲେ। ପରେ ଜନୈକ ବ୍ୟକ୍ତି କୁଜଙ୍ଗ ଥାନାରେ ଲିଖିତ ଅଭିଯୋଗ ପରେ ପୋଲିସ୍ କେସ୍ ନଂ ୩୬୦/୨୩ ମୋକଦ୍ଦମା କରିଥିଲା। ତତ୍‌କ୍ଷଣାତ୍ ପୋଲିସ୍ ମୁଖ୍ୟ ଅଭିଯୁକ୍ତ ଇମାକୁ ଗିରଫ କରିଥିବା ବେଳେ ସହଯୋଗୀମାନେ ଫେରାର ହୋଇଯାଇଥିଲେ।

କୁଜଙ୍ଗ: ଜଗତସିଂହପୁର ଜିଲ୍ଲା କୁଜଙ୍ଗ ଥାନା ଅଗପାଳ ପଂଚାୟତ ପାଇକସ୍ତା ଗ୍ରାମରେ ଦୁଇ ଗୋଷ୍ଠି ମଧ୍ୟରେ ରକ୍ତାକ୍ତ ସଂଘର୍ଷକୁ ନେଇ ପୋଲିସ୍ ଦୁଇଟି ମାମଲା ୪୨୩/୨୩, ୪୨୪/୨୩ ରୁଜ୍ଜୁ କରିଥିବା ବେଳେ ଦୁଇପକ୍ଷରୁ ୫ ଜଣଙ୍କୁ ଗିରଫ କରିଛି କୁଜଙ୍ଗ ଥାନା ପୋଲିସ୍। ସେମାନେ ହେଲେ ଗୋଟିଏ ପକ୍ଷରୁ ପାଇକସ୍ତା ଗ୍ରାମର ସ୍ୱାଧୀନ ଖୁଂଟିଆ(୨୮) ହୋଇଥିବା ବେଳେ ଅନ୍ୟ ପକ୍ଷରୁ ପଙ୍କପାଳ ଢିହସାହି ଗ୍ରାମର ପରମବ୍ରହ୍ମ ରାଉତ, ଆଲୋକ ଓଝା, ଅମ୍ବିକା ବିଶ୍ୱାଳ, ସଂଗ୍ରାମ ଲେଙ୍କା। ତାହାସହିତ ଏହି ଗୋଷ୍ଠୀ ସଂଘର୍ଷ ଘଟଣାରେ ବ୍ୟବହୃତ ହୋଇଥିବା ମହିନ୍ଦ୍ରା ଥର କାର(ଓଡି-୦୨ବିକେ୯୧୯୯)ଗାଡ଼ିଟିକୁ ପୋଲିସ୍ ଜବତ କରିଛି। ଆଜି ପାଂଚ ଜଣ ଅଭିଯୁକ୍ତଙ୍କୁ କୁଜଙ୍ଗ କୋର୍ଟରେ ପୋଲିସ୍ ହାଜର କରାଇଥିଲା। ସେଠାରେ ସେମାନଙ୍କର ଜାମିନ୍ ନାମଞ୍ଜୁର ହେବାରୁ ସେମାନଙ୍କୁ ବିଚାରବିଭାଗୀୟ ହାଜତକୁ ପଠାଇଦିଆଯାଇଥିବା ଥାନାଅଧିକାରୀ ରଶ୍ମୀରଞ୍ଜନ ଦାଶ ଗଣମାଧ୍ୟମକୁ ସୂଚନା ପ୍ରଦାନ କରିଛନ୍ତି।

ପ୍ରକାଶ ଯେ, ଗତକାଲି ଅପରାହ୍ନରେ ସ୍ୱାଧୀନ ତାର ନିଜ ଗ୍ରାମସ୍ଥିତ ରାସ୍ତାରେ ଠିଆ ହୋଇଥିଲା। ସେହି ସମୟରେ ପୂର୍ବ ଶତୃତାକୁ କେନ୍ଦ୍ରକରି ପରମ୍‌ବ୍ରହ୍ମ ଓ ତାର ୩ ସହଯୋଗୀ ଏକ କାର ଯୋଗେ ସ୍ୱାଧୀନ ନିକଟରେ ପହଁଚିଥିଲେ। ସେମାନଙ୍କ ମଧ୍ୟରେ କିଛି କଥାକୁ ନେଇ ବଚସା ହୋଇଥିଲା। ପରମବ୍ରହ୍ମ ଉତ୍‌କ୍ଷିପ୍ତ ହୋଇ ପ୍ରଥମେ ସ୍ୱାଧୀନକୁ ଆକ୍ରମଣ କରିଥିଲା। ଏହି ଘଟଣାରେ ଦୁଇପକ୍ଷରୁ ଦୁଇଜଣ ରକ୍ତାକ୍ତ ହୋଇଥିଲେ। ସ୍ୱାଧୀନର ହାତ ପାପୁଲି ସମେତ ଦେହର ବିଭିନ୍ନ ଯାଗାରେ କ୍ଷତ ହୋଇଥିବାବେଳେ ପରମବ୍ରହ୍ମର ବେକରେ କ୍ଷତ ହୋଇଛି। ପରେ କୁଜଙ୍ଗ ମେଡ଼ିକାଲରେ ପହଁଚି ପ୍ରାଥମିକ ଚିକିତ୍ସା କରାଇଥିଲେ । ଆଜି ଏହି ଘଟଣାରେ ଦୁଇପକ୍ଷରୁ ୫ ଜଣଙ୍କୁ ଜେଲ୍ ଯିବାକୁ ପଡିଛି।

କୁଜଙ୍ଗ: କୁଜଙ୍ଗ ଥାନା ବଡ଼ବାଲିକଣି ଗ୍ରାମର ଜନୈକା ଯୁବତୀକୁ କେହି ଦୁର୍ବୃତ୍ତ ଅପହରଣ କରିନେଇଥିବା ଥାନାରେ ନିଖୋଜ ଯୁବତୀର ପିତା ଅଭିଯୋଗ କରିଥିଲେ। ଅଭିଯୋଗ ଆଧାରରେ ପୋଲିସ କେସ୍ ନଂ ୬୫/୨୩ ରେ ମାମଲା ରୁଜ୍ଜୁ କରି ଘଟଣାର ଛାନ୍‌ବିନ୍ ଜାରି ରଖିଥିଲା। ଗତକାଲି ନିଖୋଜ ଥିବା ଯୁବତୀକୁ ପୋଲିସ୍ ଜିଲ୍ଲା ବାହାରୁ ଉଦ୍ଧାର କରିଥିବାବେଳେ ତା ସାଂଗରେ ତାଙ୍କର ପୁରୁଷ ବନ୍ଧୁଙ୍କୁ ଉଠାଇ ଆଣିଥିଲା।

ଘଟଣା ସଂପର୍କରେ ଥାନା ଅଧିକାରୀ ରଶ୍ମୀରଞ୍ଜନ ଦାଶ ଯୁବତୀକୁ ପଚରାପଚରି ପରେ ଯୁବତୀ ଜଣଙ୍କ ବୟାନରେ ତାକୁ କେହି ଅପହରଣ କରିନାହାନ୍ତି ବୋଲି କହିବା ସହିତ ସେ ତାର ସ୍ୱ-ଇଚ୍ଛାରେ ପୁରୁଷ ବନ୍ଧୁଙ୍କ ସହିତ ଯାଇଥିଲେ ଓ ତାଙ୍କୁ ସେ ବିବାହ କରିବାକୁ ଇଚ୍ଛା ପ୍ରକାଶ କରିଛନ୍ତି ବୋଲି କହିଥିଲେ। ମାତ୍ର ଯୁବତୀର ବାପା ଓ ମା ବଳପୂର୍ବକ ଭାବେ ଥାନା ପରିସରରେ ଯୁବତୀକୁ ଘରକୁ ନେଇଯିବାକୁ ଚେଷ୍ଟା କରୁଥିଲେ। ଯୁବତୀ ତାର ସ୍ୱଇଚ୍ଛାରେ ବିବାହ କରିପାରିବ ବୋଲି ଥାନା ଅଧିକାରୀ କହିବା ପରେ ପରିବେଶ ଶାନ୍ତ ପଡିଥିଲା।

ଅନ୍ୟ ପକ୍ଷରେ ଯୁବତୀ ପାଲଟା ଅଭିଯୋଗ କରିଛନ୍ତି ଯେ ମୋ ଜୀବନ ପ୍ରତି ବିପଦ ରହିଛି। ମୋତେ ମୋ ବାପା ମା ମାରିଦେବେ ବୋଲି ଧମକ ଦେଇଛନ୍ତି ତେଣୁ ଆମକୁ ସୁରକ୍ଷା ପ୍ରଦାନ କରିବାକୁ ଥାନା ଅଧିକାରୀଙ୍କ ନିକଟରେ ନିବେଦନ କରିଥିଲେ।

କୁଜଙ୍ଗ: ଆଜି କୁଜଙ୍ଗ ଥାନା ଅଂଚଳ ବାଲିତୁଠ ଓ ହଂସୁରା ପଂଚାୟତରେ ପୃଥକ ପୃଥକ ମାମଲାରେ ୪ ଜଣ ଗିରଫ ହୋଇଥିବା ଜଣାପଡ଼ିଛି। ଏହି ଦୁଇଟି ଘଟଣାରେ ବିଭିନ୍ନ ଦଫାରେ ଦୁଇଟି ମାମଲା ରୁଜୁ କରାଯାଇଥିବା କୁଜଙ୍ଗ ଥାନା ଅଧିକାରୀ ରଶ୍ମୀରଞ୍ଜନ ଦାଶ ପ୍ରକାଶ କରିଛନ୍ତି।

ଘଟଣାରୁ ପ୍ରକାଶଯେ, କୁଜଙ୍ଗ ଥାନା ବାଲିତୁଠ ପଂଚାୟତର ଗଣ୍ଡମୁଣ୍ଡ ଗ୍ରାମର ଜନୈକ ଯୁବତୀଙ୍କୁ କୁଜଙ୍ଗ ଥାନା ଗୋପିଆକୁଦ ପଂଚାୟତର ବାଲିସାହୀ ଗ୍ରାମର ବାବୁ ମାଝୀ ଏକ ତରଫା ଭାବେ ପ୍ରେମ ନିବେଦନ କରିଆସୁଥିଲେ। ଯୁବତୀ ଜଣକ ତାଙ୍କର ଏହି ଜୁଲମକୁ ବରଦାସ୍ତ କରିଆସୁଥିଲେ। ତେବେ ଅତ୍ୟନ୍ତ ଗରୀବ ଓ ଅସହାୟ ପରିବାରର ହୋଇଥିବାରୁ ତାଙ୍କ ବିରୋଧରେ କୌଣସି ପଦକ୍ଷେପ ଗ୍ରହଣ କରିବାକୁ ସହାସ ଜୁଟାଇ ପାରୁନଥିଲେ। ମାତ୍ର ଗତକାଲି ପୂର୍ବାହ୍ନ ୧୧ଟା ସମୟରେ ଅଭିଯୁକ୍ତ ବାବୁ ତାଙ୍କର ଭାଇ ବିକ୍ରମ ମାଝୀ ଓ ଭିଣୋଇ ଶିଶିର ବେହେରାଙ୍କ ସହିତ ତାଙ୍କ ଘରକୁ ଯାଇ ତାଙ୍କୁ ବଳପୂର୍ବକ ଉଠାଇ ଆଣିବାକୁ ଉଦ୍ୟମ କରିଥିଲେ। ଏହି ଘଟଣା ଯୁବତୀ ଜଣକ ସାହାସ ଜୁଟାଇ କୁଜଙ୍ଗ ଥାନାକୁ ଫୋନକରିଥିଲେ।

ତୁରନ୍ତ କୁଜଙ୍ଗ ପୁଲିସ ଥାନା ଅଧିକାରୀ ଶ୍ରୀଯୁକ୍ତ ଦାଶଙ୍କ ନିର୍ଦ୍ଦେଶକ୍ରମେ ଘଟଣା ସ୍ଥଳରେ ପୁଲିସ ପହଂଚି ଅଭିଯୁକ୍ତ ମାନଙ୍କୁ ଥାନାକୁ ଉଠାଇ ଆଣିଥିଲେ। ପରେ ଯୁବତୀଙ୍କ ଅଭିଯୋଗକ୍ରମେ ୩୮୯/୨୩ ସଙ୍ଖ୍ୟାରେ ମାମଲା ରୁଜୁ କରାଯାଇଥିଲା।

ଅଭିଯୁକ୍ତ ମାନଙ୍କୁ କୁଜଙ୍ଗ ବିଚାର ବିଭାଗୀୟ ଅଦାଲତକୁ ଆଜି ପଠାଯାଇଥିଲା। ମାତ୍ର ସେଠାରେ ସେମାନଙ୍କର ଜାମିନୀ ଆବେଦନ ଖାରଜ ହୋଇଯିବାରୁ ସମସ୍ତଙ୍କୁ ବିଚାର ବିଭାଗୀୟ ଜେଲ ହାଜାତକୁ ପଠାଇ ଦିଆଯାଇଛି।

ଅନୁରୂପଭାବେ ହଂସୁରା ପଂଚାୟତର ସମିତି ସଭ୍ୟ ନୀରଞ୍ଜନ ଦାସଙ୍କୁ ସେହି ସାମପୁର ଗ୍ରାମର ସୁଧୀର ମଲ୍ଲିକ ଭୟଭୀତ କରାଇବା ସହିତ ଚାନ୍ଦା ମାଗିଥିବା ନେଇ ଥାନାରେ ଅଭିଯୋଗ ହୋଇଥିଲା। ଅଭିଯୋଗ ଆଧାରରେ ୩୮୮/୨୩ ସଂଖ୍ୟାରେ ମାମଲା ରୁଜୁ କରାଯାଇଛି। ଏହି ଘଟଣାରେ ସୁଧୀର ମଲ୍ଲିକଙ୍କ ପତ୍ନୀ ଏକ ପାଲଟା ଅଭିଯୋଗ ମଧ୍ୟ କରିଥିବା ଜଣାପଡ଼ିଛି। ତେବେ ଏହି ଘଟଣାରେ ଅଭିଯୁକ୍ତ ଗିରଫ ହୋଇଥିବା ଜଣାପଡ଼ିଛି।

କୁଜଙ୍ଗ: ଜଗତସିଂହପୁର ଜିଲ୍ଲା କୁଜଙ୍ଗ ଥାନା ଅଂଚଳର ଜନୈକା ନବମ ଶ୍ରେଣୀ ଛାତ୍ରୀକୁ ଏସିଡ ପକାଇ ମାରିଦେବା ଧମକ ହୋଇଛି। ଏହି ଘଟଣାରେ ମଙ୍ଗରାଜପୁର ଗ୍ରାମର ଜନୈକ ଯୁବକ ଗିରଫ ହୋଇଛି। ସେହିଭଳି ଅନ୍ୟ ଏକ ଘଟଣାରେ ଜନୈକା ନାବାଳିକାକୁ ଅପହରଣ ଅଭିଯୋଗରେ ଆଉ ଜଣେ ଯୁବକକୁ କୁଜଙ୍ଗ ପୋଲିସ ଗିରଫ କରିଥିବାର ଜଣାପଡିଛି।

ଘଟଣାରୁ ପ୍ରକାଶ ଯେ, କୁଜଙ୍ଗ ଥାନା ଅଂଚଳର ଜନୈକା ଛାତ୍ରୀକୁ ବଳପୂର୍ବକଭାବେ ବାହାହେବାପାଇଁ କହିବା, ମୋବାଇଲକୁ ଅଶ୍ଳୀଳ ବାର୍ତ୍ତା ପଠାଇବା ଓ ଶେଷରେ ଏସିଡ ପକାଇ ମାରିଦେବା ପାଇଁ ଧମକ ଦେଇଚାଲିଥିଲା। ଏହି ପ୍ରରିପ୍ରେକ୍ଷୀରେ ନାବାଳିକାଜଣଙ୍କ କୁଜଙ୍ଗ ଥାନାରେ ଲିଖିତ ଅଭିଯୋଗ କରିବା ପରେ ପୋଲିସ ତତ୍ପର ହୋଇ ମଙ୍ଗରାଜପୁର ଗ୍ରାମର ଅଭିଯୁକ୍ତ ବାଦଲ ସାମଲ (୩୬)କୁ ଗିରଫ କରିଥିଲା।

ଅଭିଯୋଗକୁ ଭିତ୍ତିକରି ପୋଲିସ କେସ ନଂ୨୧୨/୨୩ରେ ମୋକଦ୍ଦମା ରୁଜୁ କରିଥିଲା। ବାଦଲ ଫେରାର ଥିବା ସମୟରେ କୁଜଙ୍ଗ ପୋଲସି ପାରାଦ୍ୱିପରୁ ଗିରଫ କରିବାରେ ସକ୍ଷମ ହୋଇଥିଲା।

ଅନୁରୁପଭାବେ ଏହି ଥାନା ଅଂଚଳର ଜଣେ ଚାନ୍ଦପୁର ଅଂଚଳର ଯୁବକ କୁଜଙ୍ଗ ଅଂଚଳର ଜନୈକା ୧୪ ବର୍ଷିୟା ନାବାଳିକା ପାଠ ପଢିବାକୁ ଯାଇଥିବା ବେଳେ ତାକୁ ଅପହରଣ କରିନେଇଥିଲା। ନାବାଳିକାଙ୍କ ବାପାଙ୍କ ଅଭିଯୋଗ ଅନୁସାରେ ପୋଲିସ କେସ ନଂ.୩୬୩/୨୩ରେ ମୋକଦ୍ଦମା ରୁଜୁ କରିଥିଲା। ଅପହରଣର ୪୮ଘଂଟା ମଧ୍ୟରେ ପୋଲିସ ଅପହରଣକାରୀ ଯୁବକ ଓ ଅପହୃତା ନାବାଳିକାକୁ ଉଦ୍ଧାର କରିଥିଲା। ନାବାଳିକାକୁ ତାର ପରିବାର ବର୍ଗଙ୍କୁ ହସ୍ତାନ୍ତର କରାଯାଇଥିଲା ବେଳେ ଅପହରଣକାରୀକୁ ଗିରଫ କରିଥିଲା।

ଏହି ଘଟଣାରେ ଉଭୟ ଯୁବକଙ୍କୁ କୋର୍ଟଚାଲଣ କରାଗଲାପରେ ସେମାନଙ୍କ ଜାମିନ ନାମାଞ୍ଜୁର ହୋଇଯିବାରୁ ବିଚାର ବିଭାଗୀୟ ହାଜତକୁ ପଠାଇ ଦିଆ ଯାଇଥିବାର ଥାନା ଅଧିକାରୀ ରଶ୍ମିରଂଜନ ଦାଶଙ୍କ ଠାରୁ ପ୍ରକାଶ।