Categories
ଆଜିର ଖବର ଜାତୀୟ ଖବର

ବଜେଟ୍ ୨୦୨୩-୨୪ ରେ କୃଷକମାନଙ୍କ ପାଇଁ କ’ଣ ରହିଛି ବିଶେଷ, ଏଠାରେ ଜାଣନ୍ତୁ ସବିଶେଷ ବିବରଣୀ

ନୂଆଦିଲ୍ଲୀ: କେନ୍ଦ୍ର ଅର୍ଥମନ୍ତ୍ରୀ ନିର୍ମଳା ସୀତାରମଣ ସାଧାରଣ ବଜେଟ୍ -୨୦୨୩ ଉପସ୍ଥାପନ କରୁଛନ୍ତି। ଅର୍ଥମନ୍ତ୍ରୀ ୨୦୨୩ ବର୍ଷର ବଜେଟରେ କୃଷକଙ୍କ ବିଶେଷ ଯତ୍ନ ନେଇଛନ୍ତି ଏବଂ ଚାଷୀଙ୍କ ଆୟ ବୃଦ୍ଧି ପାଇଁ ଅନେକ ପଦକ୍ଷେପ ନେଇଛନ୍ତି। କିଷାନ ସମୃଦ୍ଧି ଯୋଜନା ପରେ ଚଳିତ ବର୍ଷ ସରକାର ଅନ୍ୟାନ୍ୟ ଯୋଜନା ଆରମ୍ଭ କରିବାକୁ ଘୋଷଣା କରିଛନ୍ତି। ପଶୁପାଳକ ଏବଂ ମତ୍ସ୍ୟ ଚାଷୀଙ୍କ ପାଇଁ ସରକାର ମଧ୍ୟ ଅନେକ ପଦକ୍ଷେପ ନେଇଛନ୍ତି।

ସାଧାରଣ ବଜେଟର ଅଭିଭାଷଣରେ ଅର୍ଥମନ୍ତ୍ରୀ ଘୋଷଣା କରିଛନ୍ତି ଯେ, ସହଯୋଗ ମାଧ୍ୟମରେ କୃଷକମାନଙ୍କ ପାଇଁ ସମୃଦ୍ଧ କାର୍ଯ୍ୟକ୍ରମ ଚାଲିବ। ଏହା ମାଧ୍ୟମରେ ୬୩୦୦୦ ଏଗ୍ରି ସୋସାଇଟି କମ୍ପ୍ୟୁଟରୀକରଣ ହେବ। ଏହା କୃଷକମାନଙ୍କୁ ସମୃଦ୍ଧ କରିବାରେ ସାହାଯ୍ୟ କରିବ। ଏହା ସହିତ ପଶୁପାଳନ, ମତ୍ସ୍ୟଚାଷ ଏବଂ ବହୁମୁଖୀ କର୍ପୋରେଟ୍ ସୋସାଇଟି କ୍ଷେତ୍ରରେ ଋଣ ପ୍ରଦାନର ଗତି ବୃଦ୍ଧି କରାଯିବ ବୋଲି ଘୋଷଣା କରାଯାଇଛି।

ଏହା ସହିତ ଅର୍ଥମନ୍ତ୍ରୀ ମଧ୍ୟ ପ୍ରଧାନମନ୍ତ୍ରୀ ମତ୍ସ୍ୟ ପାଳନ ଯୋଜନା ଆରମ୍ଭ କରିବାକୁ ନିଷ୍ପତ୍ତି ନେଇଛନ୍ତି। ଏଥି ସହିତ ଡିଜିଟାଲ ଟେକ୍ନୋଲୋଜି ମାଧ୍ୟମରେ କୃଷିକୁ ପ୍ରୋତ୍ସାହିତ କରିବାକୁ ସରକାର ନିଷ୍ପତ୍ତି ନେଇଛନ୍ତି।

Categories
ବିଶେଷ ଖବର ରାଜ୍ୟ ଖବର

ଚାଷୀଙ୍କ ଉତ୍ପାଦନ ଖର୍ଚ୍ଚ ହ୍ରାସ ପାଇଁ ବ୍ୟବହାର ହେବ ଉନ୍ନତ ଜ୍ଞାନ କୌଶଳ

ଭୁବନେଶ୍ୱର: ଚାଷୀମାନଙ୍କର ଆୟବୃଦ୍ଧି ଓ ଆର୍ଥିକ ବିକାଶ ଦିଗରେ ମତ୍ସ୍ୟ ଓ ପ୍ରାଣୀସଂପଦର ମହତ୍ତ୍ୱପୂର୍ଣ୍ଣ ଭୂମିକା ରହିଥିବା ପରିପ୍ରେକ୍ଷୀରେ ରାଜ୍ୟ ସରକାରଙ୍କ ଦ୍ୱାରା ପ୍ରଣିତ ସମସ୍ତ ଯୋଜନାର ସଫଳ ରୂପାୟନ ଦିଗରେ ବିଭାଗୀୟ ଅଧିକାରୀମାନେ ଅଧିକ ତତ୍ପରତା ପ୍ରକାଶ କରିବାକୁ କୃଷି ଓ କୃଷକ ସଶକ୍ତିକରଣ, ମତ୍ସ୍ୟ ଓ ପ୍ରାଣୀସଂପଦ ବିକାଶ ମନ୍ତ୍ରୀ ଶ୍ରୀ ରଣେନ୍ଦ୍ର ପ୍ରତାପ ସ୍ୱାଇଁ ନିର୍ଦ୍ଦେଶ ଦେଇଛନ୍ତି ।

ଆଜି କୃଷି ଭବନଠାରେ ଆୟୋଜିତ ବୈଠକରେ ମନ୍ତ୍ରୀ ଶ୍ରୀ ସ୍ୱାଇଁ ମତ୍ସ୍ୟ ଓ ପ୍ରାଣୀସଂପଦ ବିକାଶ ବିଭାଗ ଦ୍ୱାରା କାର୍ଯ୍ୟକାରୀ ହେଉଥିବା ବିଭିନ୍ନ ଯୋଜନାର ଅଗ୍ରଗତି ସଂପର୍କରେ ବିଶଦ ଭାବେ ସମୀକ୍ଷା କରି କହଲେ ଯେ ରାଜ୍ୟ ସରକାର ଚାଷୀମାନଙ୍କ ଆୟ ବୃଦ୍ଧିର ଲକ୍ଷ୍ୟ ରଖିଥିବାବେଳେ ଯୋଜନାଗୁଡ଼ିକ ଧାର୍ଯ୍ୟ ସମୟରେ ଠିକ୍‌ ଭାବରେ କାର୍ଯ୍ୟକାରୀ ହୋଇପାରିଲେ ଉତ୍ପାଦନ ବଢ଼ିବା ସହିତ ଚାଷୀମାନଙ୍କର ରୋଜଗାର ବୃଦ୍ଧି ପାଇବ ।

ଉନ୍ନତ ଜ୍ଞାନକୌଶଳ ଓ ପ୍ରଯୁକ୍ତି ବିଦ୍ୟାର ପ୍ରୟୋଗ ଦ୍ୱାରା ଉତ୍ପାଦିତ ଦ୍ରବ୍ୟର ମୂଲ୍ୟ ହ୍ରାସ ପାଇବ ବୋଲି ମନ୍ତ୍ରୀ ଶ୍ରୀ ସ୍ୱାଇଁ କହିବା ସହିତ ଜିଲ୍ଲା ନୋଡାଲ ଅଧିକାରୀ ଏବଂ ସ୍କିମ୍‌ ଅଧିକାରୀମାନେ ନିୟମିତ କ୍ଷେତ୍ର ପରିଦର୍ଶନ କରି ଯୋଜନାର ସଫଳ ରୂପାୟନ ଦିଗରେ ତଦାରଖ କରିବା ଉପରେ ଗୁରୁତ୍ୱ ଦେଇଥିଲେ ।

ବାୟୋଫ୍ଲକ୍‌ ଏବଂ ରାସ ପଦ୍ଧତି ଆଦି ନୂତନ ପଦ୍ଧତିରେ ମାଛଚାଷ ଦ୍ୱାରା ବହୁଳ ସଫଳତା ମିଳୁଥିବା ଦୃଷ୍ଟିରୁ କ୍ଷେତ୍ର ଅଧିକାରୀଙ୍କୁ ଏ ସଂପର୍କରେ ପ୍ରଶିକ୍ଷଣ ଦେବାର ଆବଶ୍ୟକତା ରହିଛି ବୋଲି ସେ ପରାମର୍ଶ ଦେଇଥିଲେ। ଯୋଜନାର କାର୍ଯ୍ୟକାରିତାରେ ସ୍ୱଚ୍ଛତା ବଜାୟ ରଖିବା ସହ କାର୍ଯ୍ୟକ୍ରମଗୁଡ଼ିକୁ ତ୍ୱରାନ୍ୱିତ କରିବା ନିମନ୍ତେ ଗୋ-ସୁଗମ ପୋର୍ଟାଲର ପ୍ରଚଳନ କରାଯାଇଥିବାବେଳେ ଏହାକୁ ତ୍ରୁଟିଶୂନ୍ୟ କରିବା ପାଇଁ ମନ୍ତ୍ରୀ ନିର୍ଦ୍ଦେଶ ଦେଇଥିଲେ।

ବୈଠକର ସୂଚନା ଅନୁଯାୟୀ ରାଜ୍ୟରେ ୨୦୨୨-୨୩ ବର୍ଷରେ ଅଦ୍ୟାବଧି ୩୦୩୫ଟି ବାୟୋଫ୍ଲକ୍‌ ଟ୍ୟାଙ୍କ ପ୍ରତିଷ୍ଠା କରାଯାଇଛି । ସେହିପରି ୪୨୮୩ଟି ମହିଳା ସ୍ୱୟଂ ସହାୟିକା ଗୋଷ୍ଠୀଙ୍କ ଦ୍ୱାରା ୩୯୫୦ ହେକଫର ଗ୍ରାମ ପଞ୍ଚାୟତ ପୋଖରୀ ରେ ମାଛ ଚାଷ କରାଯାଇଛି । ଏଥି ସହି ଫ୍ଲାଗ୍‌ସିପ୍‌ ଯୋଜନାଗୁଡ଼ିକୁ ଅଧିକ ଫଳପ୍ରଦ ଭାବରେ କାର୍ଯ୍ୟକାରୀ କରିବା ପାଇଁ ମାର୍ଗଦର୍ଶିକାରେ ଆବଶ୍ୟକ ସଂଶୋଧନ କରାଯାଇଛି। ଏତଦ୍‌ବ୍ୟତୀତ ବୈଠକରେ ମତ୍ସ୍ୟ ପୋଖରୀ ଯୋଜନା, ଫାର୍ମପଣ୍ଡରେ ମାଛଚାଷ କରୁଥିବା ଚାଷୀଙ୍କୁ ଇନ୍‌ପୁଟ୍‌ ସହାୟତା ଏବଂ ସାମୁଦି୍ରକ ମତ୍ସ୍ୟ ଉତ୍ପାଦନ ଆଦି ବିଷୟରେ ସମୀକ୍ଷା ହୋଇଥିଲା ।

ଏଥି ସହିତ ବୈଠକରେ ପ୍ରାଣୀସଂପଦ ବିକାଶ ନିର୍ଦ୍ଦେଶାଳୟ ଦ୍ୱାରା କାର୍ଯ୍ୟକାରୀ ହେଉଥିବା ଯୋଜନାଗୁଡ଼ିକର ଅଗ୍ରଗତି ସଂପର୍କରେ ସମୀକ୍ଷା ହୋଇଥିଲା । ଘର ଅଗଣା କୁକୁଡ଼ା ପାଳନ ମାଧ୍ୟମରେ ରାଜ୍ୟର ରକ୍ତହୀନତା ଓ ଅପପୁଷ୍ଟି ପ୍ରଭାବିତ ପରିବାର ବର୍ଗଙ୍କୁ ପୁଷ୍ଟିକର ଖାଦ୍ୟ ଯୋଗାଇ ଦିଆଯିବ ବୋଲି ମନ୍ତ୍ରୀ ଶ୍ରୀ ସ୍ୱାଇଁ କହିଛନ୍ତି।

ବଜେଟ ଅର୍ଥକୁ ନିର୍ଦ୍ଧାରିତ ସମୟ ମଧ୍ୟରେ ବ୍ୟୟ କରିବା ପାଇଁ ମନ୍ତ୍ରୀ ଶ୍ରୀ ସ୍ୱାଇଁ ଅଧିକାରୀମାନଙ୍କୁ ନିର୍ଦ୍ଦେଶ ଦେଇଥିଲେ। ଏଥି ସହିତ ବୈଠକରେ ଡିପ୍‌ ଲିଟର ପଦ୍ଧତିରେ ୫୦୦ ବ୍ରଏଲର କୁକୁଡ଼ା ପାଳନ, ମହିଳା ସ୍ୱୟଂ ସହାୟକ ଗୋଷ୍ଠୀଙ୍କ ମାଧ୍ୟମରେ ୧୦୦୦ ବ୍ରଏଲର କୁକୁଡ଼ା ପାଳନ, ମହିଳା ସ୍ୱୟଂ ସହାୟକ ଗୋଷ୍ଠୀ ମାଧ୍ୟମରେ ଛେଳି ପାଳନ ଆଦି ଯୋଜନାର ଅଗ୍ରଗତି ସଂପର୍କରେ ସମୀକ୍ଷା କରାଯାଇଥିଲା।

ବୈଠକରେ ମତ୍ସ୍ୟ ଓ ପ୍ରାଣୀସଂପଦ ବିକାଶ ବିଭାଗର ପ୍ରମୁଖ ଶାସନ ସଚିବ ଶ୍ରୀ ସୁରେଶ କୁମାର ବଶିଷ୍ଠ, ପ୍ରାଣୀପାଳନ ଓ ପ୍ରାଣୀ ଚିକିତ୍ସା ନିର୍ଦ୍ଦେଶାଳୟର ନିର୍ଦ୍ଦେଶକ ଡ. ୟେଦୁଲ୍ଳା ବିଜୟ, ମତ୍ସ୍ୟ ନିର୍ଦ୍ଦେଶକ ଶ୍ରୀ ସ୍ମୃତିରଞ୍ଜନ ପ୍ରଧାନଙ୍କ ସମେତ ବିଭାଗୀୟ ବରିଷ୍ଠ ଅଧିକାରୀ, ସମସ୍ତ ଜିଲ୍ଲାର ସିଡ଼ିଭିଓ, ଜିଲ୍ଲା ମତ୍ସ୍ୟ ଅଧିକାରୀମାନେ ଯୋଗଦେଇଥିଲେ।

Categories
ଜାତୀୟ ଖବର ବିଶେଷ ଖବର ରାଜ୍ୟ ଖବର

ଆଜି ଚାଷୀଙ୍କ ଆକାଉଣ୍ଟକୁ ପ୍ରଧାନମନ୍ତ୍ରୀ ପଠାଇଲେ ମୋଟ ୧୬,୦୦୦ କୋଟି ଟଙ୍କା, ଚେକ୍ କରନ୍ତୁ

ନୂଆଦିଲ୍ଲୀ: ଆଜି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ପିଏମ କିସାମ ସମ୍ମାନ ନିଧି ଯୋଜନା ଅଧୀନରେ କୃଷକମାନଙ୍କୁ ୧୬,୦୦୦ କୋଟି ଟଙ୍କା ପ୍ରଦାନ କରିଛନ୍ତି। ଡାଇରେକ୍ଟ ବେନିଫିଟ ଟ୍ରାନ୍ସଫର ମାଧ୍ୟମରେ କୃଷକମାନଙ୍କୁ ଦ୍ୱାଦଶ କିସ୍ତି ରାଶି ୧୬ ହଜାର କୋଟି ଟଙ୍କା ପ୍ରଦାନ କରିଛନ୍ତି।

ଆଜି ନୂଆଦିଲ୍ଲୀରେ ପ୍ରଧାନମନ୍ତ୍ରୀ କିସାନ ସମ୍ମାନ ସମ୍ମିଳନୀ ୨୦୨୨ ର ଉଦଘାଟନ କରି ଶ୍ରୀ ମୋଦୀ କହିଛନ୍ତି, PM-Kisan କୃଷକମାନଙ୍କ ପାଇଁ ଏକ ପରିବର୍ତ୍ତନଶୀଳ ପଦକ୍ଷେପ। ସେ କହିଛନ୍ତି, ଆଜିର କାଯ୍ୟକ୍ରମ କୃଷକ, କୃଷି-ଷ୍ଟାର୍ଟଅପ୍ ଏବଂ ହିତାଧିକାରୀଙ୍କୁ ଏହି ପ୍ଲାଟଫର୍ମ ଏକାଠି କରିଛି। ସେ କହିଛନ୍ତି ଯେ ଦେଶରେ କୃଷି-ଷ୍ଟାର୍ଟଅପ୍ ଚାଷୀଙ୍କୁ ଅମଳ ବୃଦ୍ଧି, ମୃତ୍ତିକାର ଉର୍ବରତାରେ ଉନ୍ନତି ଆଣିବାରେ ସାହାଯ୍ୟ କରୁଛି ଏବଂ କୃଷି ଫଳାଫଳରେ ଉନ୍ନତି ଆଣିବା ପାଇଁ ସହଜ ପ୍ରଯୁକ୍ତି ବିଦ୍ୟା ସୃଷ୍ଟି କରୁଛି।

ଚବିଶ ଘଣ୍ଟିଆ ଟେକ୍ନୋଲୋଜି ଭିତ୍ତିକ ଆଧୁନିକ କୃଷି କୈଶଳ ଅବଲମ୍ବନ କରିବାର ଆବଶ୍ୟକତା ବୋଲି ଶ୍ରୀ ମୋଦୀ କହିଛନ୍ତି। ସେ କହିଛନ୍ତି, ୨୨ କୋଟିରୁ ଅଧିକ ମୃତ୍ତିକା ସ୍ୱାସ୍ଥ୍ୟ କାର୍ଡ ଦିଆଯାଇଛି ଯାହାଦ୍ୱାରା କୃଷକମାନେ ସେମାନଙ୍କର ଜମି ଏବଂ ଫସଲ ବିଷୟରେ ପ୍ରସ୍ତୁତ ସୂଚନା ପାଇପାରିବେ। ପ୍ରଧାନମନ୍ତ୍ରୀ କହିଛନ୍ତି, ଆଜି ଭାରତ ୟୁରିଆ ଉତ୍ପାଦନରେ ଅତ୍ମନିର୍ଭର ଦିଗରେ କାଯ୍ୟ କରୁଛି ଏବଂ ତରଳ ନାନୋ-ୟୁରିଆ ଆଡକୁ ଗତି କରୁଛି।

କୃଷି କ୍ଷେତ୍ର ପାଇଁ ଏହା ଏକ ପ୍ରମୁଖ ମାଇଲଖୁଣ୍ଟ ହେବ ବୋଲି ସେ କହିଛନ୍ତି। ଶ୍ରୀ ମୋଦୀ କହିଛନ୍ତି, ଚାଷ ଉଦ୍ଦେଶ୍ୟରେ ନାନୋ ୟୁରିଆ ଏକ ବ୍ୟୟବହୁଳ ମାଧ୍ୟମ ଭାବରେ ଉଭାହେବ। ସେ କହିଛନ୍ତି, ଆଜିଠାରୁ ନାନୋ ୟୁରିଆ ଏକକ ବ୍ରାଣ୍ଡ ନାମରେ ଭାରତ ବହୁଳ ଭାବରେ ବିକ୍ରି ହେବ।

ପ୍ରଧାନମନ୍ତ୍ରୀ କହିଛନ୍ତି, ‘ପର ଡ୍ରପ୍ ମୋର୍ କ୍ରପ୍’ ଯୋଜନା ଅଧୀନରେ ଡ୍ରପ୍ ଜଳସେଚନ ଏବଂ ସ୍ପ୍ରିଙ୍କଲର ବ୍ୟବହାର ଉପରେ ସରକାର ଗୁରୁତ୍ୱ ଦେଉଛନ୍ତି। ଏହି ପଦକ୍ଷେପ ଜଳ ସଂରକ୍ଷଣ ତଥା ମୃତ୍ତିକାର ସ୍ୱାସ୍ଥ୍ୟ ବଜାୟ ରଖିବାରେ ସହାୟକ ହେବ ବୋଲି ସେ କହିଛନ୍ତି। ଶ୍ରୀ ମୋଦୀ କହିଛନ୍ତି, ବୈଶୟିକ ଚାଳିତ ପଦକ୍ଷେପ ବ୍ୟବହାର କରି ସରକାର ଚାଷ ଏବଂ ବଜାର ସ୍ଥାନ ମଧ୍ୟରେ ଦୂରତାକୁ ହ୍ରାସ କରିଛନ୍ତି।

କିସାନ ରେଳ ଏବଂ କୃଷ୍ଣ ଉଦାନ ମାଧ୍ୟମରେ କୃଷକମାନେ କେବଳ ମେଟ୍ରୋ ସହିତ ନୁହେଁ ବରଂ ଆନ୍ତର୍ଜାତୀୟ ବଜାର ସହିତ ମଧ୍ୟ ସଂଯୁକ୍ତ ହୋଇ କୃଷି ରପ୍ତାନିରେ ବୃଦ୍ଧି ଘଟାଉଛନ୍ତି। ବୈଦେଶିକ ଆମଦାନୀ ଉପରେ ନିର୍ଭରଶୀଳତା ହ୍ରାସ କରିବାର ଆବଶ୍ୟକତା ଉପରେ ପ୍ରଧାନମନ୍ତ୍ରୀ ମୋଦୀ ଗୁରୁତ୍ୱାରୋପ କରିଛନ୍ତି ଏବଂ ଏହି କାରଣରୁ ଜୈବିକ ଇନ୍ଧନ ଇଥାନଲକୁ ଗୁରୁତ୍ବ ଦିଆଯାଉଛି।

ସେ କହିଛନ୍ତି, କୃଷକମାନଙ୍କ ଦ୍ୱାରା ଇଥାନଲ ଉତ୍ପାଦନ ସ୍ଥାୟୀ ଅଟୋମୋବାଇଲ ଇନ୍ଧନର ବିକାଶରେ ସହାୟକ ହେବ। ଶ୍ରୀ ମୋଦୀ କହିଛନ୍ତି ଯେ କୃଷି କ୍ଷେତ୍ରରେ ସର୍ବୋତ୍ତମ ଜ୍ଞାନକୈଶଳ ଏବଂ ନୂତନତ୍ୱ ଯୋଗାଇବା ପାଇଁ ସରକାର ଉତ୍ସର୍ଗୀକୃତ। ଏହି ଅବସରରେ ପ୍ରଧାନମନ୍ତ୍ରୀ ରାସାୟନିକ ଓ ସାର ମନ୍ତ୍ରଣାଳୟର ଛଅ ଶହ ପ୍ରଧାନ ମନ୍ତ୍ର କିସାନ ସମୃଦ୍ଧି କେନ୍ଦ୍ରର ଉଦଘାଟନ କରିଛନ୍ତି। ଏହା ଅଧୀନରେ ଦେଶର ସାର ଖୁଚୁରା ଦୋକାନଗୁଡିକ ପର୍ଯ୍ୟାୟକ୍ରମେ ପ୍ରଧାନ ମନ୍ତ୍ର କିସାନ ସମୃଦ୍ଧି କେନ୍ଦ୍ରରେ ପରିଣତ ହେବ।

ଏହି ଅବସରରେ କୃଷି ଓ କୃଷକ କଲ୍ୟାଣ ମନ୍ତ୍ରୀ ନରେନ୍ଦ୍ର ସିଂ ଟୋମର କହିଛନ୍ତି ଯେ କୃଷକଙ୍କ ଆୟ ବୃଦ୍ଧି ପାଇଁ ସରକାର ଅନେକ ପଦକ୍ଷେପ ନେଇଛନ୍ତି। ସେ କହିଛନ୍ତି ଯେ ଦୁଇ ହଜାରରୁ ଅଧିକ ଏଗ୍ରି ଷ୍ଟାର୍ଟଅପ୍ କାର୍ଯ୍ୟ କରୁଛି ଏବଂ କୃଷକମାନଙ୍କୁ କୃଷି କ୍ଷେତ୍ରରେ କ୍ଷତି ହ୍ରାସ କରିବାରେ ସାହାଯ୍ୟ କରୁଛି।

ରାସାୟନିକ ଏବଂ ସାର ମନ୍ତ୍ରୀ ଡକ୍ଟର ମାନସୁଖ ମାଣ୍ଡଭିଆ କହିଛନ୍ତି ଯେ ନରେନ୍ଦ୍ର ମୋଦୀ ସରକାରଙ୍କ ଅଧୀନରେ ଦେଶରେ କୃଷି ଅନୁସନ୍ଧାନ ବୃଦ୍ଧି ପାଇଛି। ସେ କହିଛନ୍ତି ବର୍ତ୍ତମାନ ନାନୋ ୟୁରିଆର ବ୍ୟବସାୟିକ ଉତ୍ପାଦନ ଆରମ୍ଭ କରିବାରେ ଭାରତ ବିଶ୍ୱର ପ୍ରଥମ ଦେଶ ହୋଇପାରିଛି। ଡକ୍ଟର ମାଣ୍ଡଭିଆ କହିଛନ୍ତି ଯେ କୃଷକମାନଙ୍କୁ ସରକାର ଏକ ଉତ୍ତମ ବଜାର ଯୋଗାଉଛନ୍ତି ଯାହା ଦ୍ବାରା ସେମାନେ ସେମାନଙ୍କ ଉତ୍ପାଦ ପାଇଁ ଏକ ଉତ୍ତମ ଏବଂ ଉଚିତ ମୂଲ୍ୟ ପାଇପାରିବେ।

ଏହି କାର୍ଯ୍ୟକ୍ରମରେ ପ୍ରଧାନମନ୍ତ୍ରୀ ଆଗ୍ରି ଷ୍ଟାର୍ଟଅପ୍ କନକ୍ଲେଭ ଏବଂ ପ୍ରଦର୍ଶନୀକୁ ଉଦ୍ଘାଟନ କରିଥିଲେ। ପ୍ରାୟ ୩୦୦ ଷ୍ଟାର୍ଟଅପ୍ ସେମାନଙ୍କର ଅଭିନବ ପ୍ରଦର୍ଶନ କରୁଛନ୍ତି। ଏଗୁଡ଼ିକ ସଠିକ୍ କୃଷି, ଅମଳ ପରବର୍ତ୍ତୀ ଏବଂ ମୂଲ୍ୟ ଯୋଗ ସମାଧାନ, ସହଯୋଗୀ କୃଷି, ବର୍ଜ୍ୟବସ୍ତୁ ପରିଚାଳନା, କ୍ଷୁଦ୍ର ଚାଷୀଙ୍କ ପାଇଁ ଯାନ୍ତ୍ରିକରଣ, ଯୋଗାଣ ଶୃଙ୍ଖଳା ପରିଚାଳନା ଏବଂ ଆର୍ଗି-ଲଜିଷ୍ଟିକ୍ ସହିତ ଜଡିତ।

ଏହି ପ୍ଲାଟଫର୍ମ ଷ୍ଟାର୍ଟଅପ୍ ମାନଙ୍କୁ କୃଷକ, କୃଷକ ଉତ୍ପାଦକ ସଂଗଠନ, କୃଷି ବିଶେଷଜ୍ଞ ଏବଂ କର୍ପୋରେଟମାନଙ୍କ ସହିତ ଯୋଗାଯୋଗ କରିବାରେ ସହଜ କରିବ। ଶ୍ରୀ ମୋଦୀ ସାର – ଇଣ୍ଡିଆନ୍ ଏଜ୍ ଉପରେ ଏକ ଇ-ପତ୍ରିକା ମଧ୍ୟ ଲଞ୍ଚ କରିଛନ୍ତି। ଏହା ଘରୋଇ ଏବଂ ଆନ୍ତର୍ଜାତୀୟ ସାର ପରିସ୍ଥିତି ବିଷୟରେ ସୂଚନା ପ୍ରଦାନ କରିବ।

Categories
ଆଜିର ଖବର ଜାତୀୟ ଖବର

କୃଷକମାନଙ୍କୁ ଦିୱାଲୀ ଉପହାର, ଆଜି କିଷାନ ସମ୍ମାନ ନିଧିର ଦ୍ୱାଦଶ କିସ୍ତି ଜାରି କରିବେ ପିଏମ ମୋଦୀ

ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଆଜି ରାଜଧାନୀ ଦିଲ୍ଲୀର ଭାରତୀୟ କୃଷି ଅନୁସନ୍ଧାନ ପ୍ରତିଷ୍ଠାନରେ ‘ପ୍ରଧାନମନ୍ତ୍ରୀ କିଷାନ ସମ୍ମାନ ସମ୍ମିଳନୀ ୨୦୨୨’ ଉଦ୍ଘାଟନ କରିବେ। ଏହି କାର୍ଯ୍ୟକ୍ରମରେ ପ୍ରଧାନମନ୍ତ୍ରୀ ମୋଦୀ କିଷାନ୍ ସମ୍ମାନ ନିଧି ର ଅଧୀନରେ ଦ୍ୱାଦଶ କିସ୍ତି ରାଶି ୧୬ ହଜାର କୋଟି ଟଙ୍କା ପ୍ରତ୍ୟକ୍ଷ ଲାଭ ହସ୍ତାନ୍ତର ମାଧ୍ୟମରେ ଜାରି କରିବେ। ଏହି କାର୍ଯ୍ୟକ୍ରମକୁ ଦେଖିବା ପାଇଁ ୧୩ ହଜାର ୫୦୦ରୁ ଅଧିକ କୃଷକ ଏବଂ ଦେଶର ପ୍ରାୟ ୧୫୦୦ କୃଷି ଷ୍ଟାର୍ଟଅପ୍ ଏକତ୍ରିତ ହେବେ। କାର୍ଯ୍ୟକ୍ରମ ଅନୁଯାୟୀ, ସକାଳ ପ୍ରାୟ ୧୧.୩୦ ସମୟରେ କୃଷକଙ୍କ ଆକାଉଣ୍ଟକୁ ଟଙ୍କା ହସ୍ତାନ୍ତର କରାଯିବ।

ଏହି ଯୋଜନା ଅଧୀନରେ ଯୋଗ୍ୟ କୃଷକ ପରିବାରକୁ ପ୍ରତିବର୍ଷ ୨ ହଜାର ଟଙ୍କା ତିନିଟି କିସ୍ତିରେ ୬ ହଜାର ଟଙ୍କା ସାହାଯ୍ୟ ପ୍ରଦାନ କରାଯାଇଥାଏ। PM-KISAN ଅଧୀନରେ ଯୋଗ୍ୟ କୃଷକ ପରିବାର ଏପର୍ଯ୍ୟନ୍ତ ୨ ଲକ୍ଷ କୋଟି ଟଙ୍କାରୁ ଅଧିକ ଲାଭ ପାଇଛନ୍ତି।

Categories
ଆଜିର ଖବର

କୃଷକମାନେ ଏକତ୍ରିତ ଭାବେ ଉତ୍ପାଦିତ ଫସଲକୁ ବଜାରକୁ ଆଣିଲେ ହିଁ କୃଷି କ୍ଷେତ୍ରରେ ଉନ୍ନତି ଘଟିବ: ଡବ୍ଲୁଓଡିସି ଅଧ୍ୟକ୍ଷ

ଭୁବନେଶ୍ୱର: ଆମ ଦେଶରେ କୃଷକମାନେ ବଜାରକୁ ଦୃଷ୍ଟିରେ ରଖି ଫସଲ ଉତ୍ପାଦନ କରିବା ଉଚିତ୍। ସେମାନେ ନିଜର ପଡୋଶୀ ସହର, ରାଜ୍ୟ ଓ ବିଦେଶକୁ ନଜରରେ ରଖି ଫସଲ ଉତ୍ପାଦନ କଲେ ହିଁ କୃଷି କ୍ଷେତ୍ରରେ ଉନ୍ନତି ଘଟିବ ବୋଲି କହିଛନ୍ତି ପଶ୍ଚିମ ଓଡ଼ିଶା ବିକାଶ ପରିଷଦର ଅଧ୍ୟକ୍ଷ ତଥା ମୁଖ୍ୟମନ୍ତ୍ରୀଙ୍କର ପ୍ରମୁଖ ପରାମର୍ଶଦାତା ଅସିତ ତ୍ରିପାଠୀ।

ଓଡିଶାରେ କୃଷି ଭିତିକ ଉଦ୍ୟୋଗର ସାମଗ୍ରିକ ବିକାଶ ଲକ୍ଷ୍ୟ ନେଇ ଶିକ୍ଷା ଓ ଅନୁସନ୍ଧାନ (ସୋଆ) ପରିଚାଳିତ ଇନ୍‌ଷ୍ଟିଚ୍ୟୁଟ୍ ଅଫ୍‌ ଏଗ୍ରିକଲ୍‌ଚରାଲ ସାଇନ୍‌ସେସ୍ (ଆଇଏଏସ୍‌) ପକ୍ଷରୁ ଆୟୋଜିତ “ସୋଆ ଏଗ୍ରି କନ୍‌ଫ୍‌ଲୁଏନ୍ସ ୨୦୨୨”ର ଉଦ୍‌ଯାପନୀ କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ଯୋଗ ଦେଇ ପୂର୍ବତନ ମୁଖ୍ୟ ଶାସନ ସଚିବ ଶ୍ରୀ ତ୍ରିପାଠୀ କହିଛନ୍ତି ଯେ, କୃଷକମାନେ ଯେଉଁ ଫସଲ ଉତ୍ପାଦନ କରୁଛନ୍ତି ତାହା ବଜାରରେ ତାହା ଏକତ୍ରିତ ଭାବେ ବଜାରକୁ ଆଣିଲେ ହିଁ ସେମାନଙ୍କର ଭଲ ରୋଜଗାର ହୋଇପାରିବ ଏବଂ ଆମ ଦେଶର କୃଷି କ୍ଷେତ୍ର ମଧ୍ୟ ଉନ୍ନତ ହେବ। ଏ ଦିଗରେ କୃଷି ଉଦ୍ୟୋଗୀ ମାନେ ମଧ୍ୟ ସାମିଲ ହେବା ଉଚିତ୍ ବୋଲି ସେ କହିଛନ୍ତି।

ସେହିପରି ଶିକ୍ଷିତ ଛାତ୍ରଛାତ୍ରୀମାନେ ସରକାରୀ କିମ୍ବା ବେସରକାରୀ ଚାକିରୀ ପ୍ରତି ଅଧିକ ଆକୃଷ୍ଟ ନ ହୋଇ କୃଷି କ୍ଷେତ୍ରରେ ମନୋନିବେଶ କରି ନିଜର କୃଷି ଷ୍ଟାର୍ଟଅଫ୍ କରିବା ନେଇ ଗୁରୁତ୍ୱାରୋପ କରିଛନ୍ତି ଶ୍ରୀ ତ୍ରିପାଠୀ।

ଏହି ଉଦ୍‌ଯାପନୀ କାର୍ଯ୍ୟକ୍ରମରେ ସୋଆର ଉପକୁଳପତି ତଥା ରେଜିଷ୍ଟ୍ରାର ପ୍ରଫେସର ବିଭୁତି ଭୂଷଣ ପ୍ରଧାନ କହିଥିଲେ ଯେ ଗବେଷକ ଏବଂ କୃଷି ବିଜ୍ଞାନୀମାନେ କୃଷି କ୍ଷେତ୍ରକୁ ଅଧିକ ଗୁରୁତ୍ୱ ଦେବା ସହ ନୂତନ ଜ୍ଞାନକୌଶଳ ପ୍ରୟୋଗ କରି ଚାଷ କାର୍ଯ୍ୟ କଲେ କୃଷି କ୍ଷେତ୍ରରେ ଅଗ୍ରଗତି ହୋଇପାରିବ।

ସୋଆରେ ଆରମ୍ଭ ହୋଇଥିବା ଏହି ଏଗ୍ରି କନ୍‌ଫ୍ଲୁଏନ୍ସ ଆଗାମୀ ବର୍ଷରେ କିଭଳି ଅଧିକ ଗୁରୁତ୍ୱ ବହନ କରିବ ସେ ନେଇ ଆଶା ବ୍ୟକ୍ତ କରିଥିଲେ ଛାତ୍ରମଙ୍ଗଳ ଡିନ୍ ପ୍ରଫେସର ଜ୍ୟୋତି ରଞ୍ଜନ ଦାସ।

ଏହି କାର୍ଯ୍ୟକ୍ରମରେ ଇନ୍‌ଷ୍ଟିଚ୍ୟୁଟ୍ ଅଫ୍ ଏଗ୍ରିକଲ୍‌ଚରାଲ୍ ସାଇନ୍‌ସେସ୍‌ର ଡିନ୍ ପ୍ରଫେସର ବିଜୟ କୁମାର ସାହୁ ସ୍ୱାଗତ ଭାଷଣ ପ୍ରଦାନ କରିଥିବା ବେଳେ ଉପକୁଳପତି ପ୍ରଫେସର ପି.କେ. ନନ୍ଦ ବକ୍ତବ୍ୟ ରଖିଥିଲେ। ସେହିପରି କୋକନ୍‌ଭେନର୍ ପ୍ରଫେସର ସରୋଜ କୁମାର ମହାନ୍ତି ଧନ୍ୟବାଦ ଅର୍ପଣ କରିଥିଲେ।

ଏହି ସମାବେଶର ଅନ୍ୟତମ ଆକର୍ଷଣ ଥିଲା କୃଷି ପ୍ରଦର୍ଶନୀ। ପ୍ରଦର୍ଶନୀରେ ୩୦ରୁ ଊର୍ଦ୍ଧ୍ୱ ବିଭିନ୍ନ କୃଷି ଭିତିକ ଅନୁଷ୍ଠାନ ଓ ଜାତୀୟ ସ୍ତରର ଗବେଷଣା ପ୍ରତିଷ୍ଠାନ ମାନେ ଯୋଗ ଦେଇ ସେମାନଙ୍କର ଆଧୁନିକ ଜ୍ଞାନକୌଶଳକୁ ପ୍ରଦର୍ଶିତ କରିଥିଲେ। ଏହି ପ୍ରଦର୍ଶନୀକୁ ମୁଖ୍ୟ ଅତିଥି ଶ୍ରୀ ତ୍ରିପାଠୀ ବୁଲି ଦେଖିବା ସହ ଛାତ୍ରଛାତ୍ରୀ, କୃଷକ ଏବଂ କୃଷି ଉଦ୍ୟୋଗୀମାନଙ୍କ କାର୍ଯ୍ୟକୁ ପ୍ରଶଂସା କରିଥିଲେ।

ଏହି ଅବସରରେ ବିଭିନ୍ନ ପ୍ରତିଯୋଗିତାରେ ଭାଗ ନେଇଥିବା ବିଭିନ୍ନ ବିଶ୍ୱବିଦ୍ୟାଳୟର କୃତି ଛାତ୍ରଛାତ୍ରୀମାନଙ୍କୁ ମୁଖ୍ୟ ଅତିଥି ଶ୍ରୀ ତ୍ରିପାଠୀ ପୁରସ୍କୃତ କରିଥିଲେ। ଏହି ତିନି ଦିନ ବ୍ୟାପୀ ଆୟୋଜିତ ହୋଇଥିବା ସମାବେଶରେ ରାଜ୍ୟ ତଥା ଦେଶର ଶତାଧିକ ଅଗ୍ରଣୀ କୃଷକଙ୍କ ସମେତ ଜାତୀୟ ସ୍ତରରେ ସୁଖ୍ୟାତି ପାଇଥିବା ବିଶିଷ୍ଟ ବୈଜ୍ଞାନିକ, ପ୍ରଶାସକ ତଥା ସଫଳ କୃଷି ଉଦ୍ୟୋଗୀମାନେ ଯୋଗ ଦେଇଥିଲେ।

ଅନ୍ୟମାନଙ୍କ ମଧ୍ୟରେ ଆଇଏଏସ୍‌ର ଆଡିସ୍‌ନାଲ୍ ଡିନ୍ ପ୍ରଫେସର ସନ୍ତୋଷ କୁମାର ରାଉତ, ଲାଇଭଲିହୁଡ୍ ଅଲ୍ଟରନେଟିଭ୍ ମିଶନ୍‌ର ପରିଚାଳନା ନିର୍ଦ୍ଦେଶକ ସମ୍ବିତ ତ୍ରିପାଠୀ ଏବଂ
ଆଏଏସ୍‌ର ଓଏସ୍‌ଡି ତଥା ସୋଆର ଆଡିସ୍‌ନାଲ୍ ଡିନ୍ (ରିସର୍ଚ୍ଚ) ପ୍ରଫେସର ପ୍ରିୟବ୍ରତ ପଟ୍ଟନାୟକ ପ୍ରମୁଖ ଉପସ୍ଥିତ ଥିଲେ।

Categories
ବିଶେଷ ଖବର

କୃଷକମାନଙ୍କ ପାଇଁ ଖୁସି ଖବର!, ମିଳିବ ପିଏମ କିଷାନର ଏକାଦଶ କିସ୍ତି, ଜାଣନ୍ତୁ କେଉଁମାନେ ହେବେ ଉପକୃତ

ନୂଆଦିଲ୍ଲୀ: ପ୍ରଧାନମନ୍ତ୍ରୀ କିଷାନ ସମ୍ମାନ ନିଧି ଯୋଜନା ଅଧୀନରେ ଦେଶର କୋଟି କୋଟି ଚାଷୀଙ୍କୁ ନୂତନ ବର୍ଷରେ କେନ୍ଦ୍ର ସରକାର ଉପହାର ଦେଇଥିଲେ। ଜାନୁଆରୀ 1 ତାରିଖରେ କେନ୍ଦ୍ର ସରକାର ପିଏମ କିଷାନର ଦଶମ କିସ୍ତି କୃଷକଙ୍କ ଆକାଉଣ୍ଟରେ ଜମା କରିଥିଲେ। ଯଦି ପିଏମ କିଷାନର ଟଙ୍କା ଆପଣଙ୍କ ଆକାଉଣ୍ଟରେ ଏପର୍ଯ୍ୟନ୍ତ ପହଞ୍ଚି ନାହିଁ, ତେବେ ତୁରନ୍ତ ଆପଣଙ୍କର ବିବରଣୀ ଯାଞ୍ଚ କରିବା ଉଚିତ୍। ନଚେତ୍ ଆପଣ ଏକାଦଶ କିସ୍ତି ପାଇଁ ଟଙ୍କା ମଧ୍ୟ ପାଇବେ ନାହିଁ। ପିଏମ କିସାନ ଯୋଜନାର ଏକାଦଶ କିସ୍ତି ବିଷୟରେ କେନ୍ଦ୍ର ସରକାର ବଡ଼ ସୂଚନା ଦେଇଛନ୍ତି-

କେନ୍ଦ୍ର ସରକାରଙ୍କ ଦ୍ୱାରା ପରିଚାଳିତ ଏହି ଯୋଜନା ଅଧୀନରେ କୃଷକମାନେ ବାର୍ଷିକ 6000 ଟଙ୍କା ପାଆନ୍ତି। ଯାହାକି କିସ୍ତିରେ ଦିଆଯାଏ। ଏଥିରେ 2000-2000 ଟଙ୍କାର 3 କିସ୍ତିର ଅର୍ଥ ସିଧାସଳଖ ଚାଷୀଙ୍କ ଆକାଉଣ୍ଟରେ ଜମା ହୋଇଥାଏ।

ଗଣମାଧ୍ୟମ ରିପୋର୍ଟ ଅନୁଯାୟୀ, ପିଏମ କିଷାନ ଯୋଜନାର ଏକାଦଶ କିସ୍ତିର ଟଙ୍କା ଏପ୍ରିଲ ମାସରେ ଜମା ହେବ। ଜାନୁୟାରୀ 1 ତାରିଖ 2022 ରେ ଦଶମ କିସ୍ତି ଟଙ୍କା 10.09 କୋଟି ହିତାଧିକାରୀଙ୍କ ଆକାଉଣ୍ଟକୁ ସରକାର ପଠାଇଥିଲେ। ସରକାର 20,900 କୋଟି ଟଙ୍କା ଟ୍ରାନ୍ସଫର କରିଥିଲେ।

ଏହିପରି ସ୍ଥିତି ଯାଞ୍ଚ କରନ୍ତୁ:

– ସର୍ବପ୍ରଥମେ ଆପଣଙ୍କୁ pmkisan.gov.in ୱେବସାଇଟ୍ କୁ ଯିବାକୁ ପଡିବ।

– ଏହି ୱେବସାଇଟ୍ ର ଡାହାଣ ପାର୍ଶ୍ୱରେ ଥିବା ଫାର୍ମର୍ସ କର୍ନରରେ କ୍ଲିକ୍ କରନ୍ତୁ।

– ବର୍ତ୍ତମାନ ଆପଣଙ୍କୁ ହିତାଧିକାରୀ ସ୍ଥିତି ଉପରେ କ୍ଲିକ୍ କରିବାକୁ ପଡିବ।

– ଆପଙ୍କର ସ୍ଥିତି ଯାଞ୍ଚ କରିବାକୁ, ଆପଣଙ୍କୁ ଆଧାର ନମ୍ବର, ମୋବାଇଲ୍ ନମ୍ବର ପରି ସମସ୍ତ ବିବରଣୀ ପୂରଣ କରିବାକୁ ପଡିବ।

– ପ୍ରକ୍ରିୟା ସମାପ୍ତ ହେବା ପରେ, ଆପଣ ତାଲିକାରେ ଆପଣଙ୍କର ନାମ ଯାଞ୍ଚ କରିପାରିବେ।

ଯଦି ଟଙ୍କା ନ ମିଳେ ତେବେ ଏହି ନମ୍ବରରେ ଅଭିଯୋଗ କରନ୍ତୁ:

– ପିଏମ କିଷାନ ଟୋଲ ଫ୍ରି ନମ୍ବର: 18001155266

– ପିଏମ କିଷାନ ହେଲ୍ପଲାଇନ ନମ୍ବର: 155261

– ପିଏମ କିଷାନ ଲ୍ୟାଣ୍ଡ ଲାଇନ ନମ୍ବର: 011-23381092, 23382401

– ପିଏମ କିଷାନର ନୂତନ ହେଲ୍ପଲାଇନ: 011-24300606

– ପିଏମ କିଷାନ ର ଆଉ ଏକ ହେଲ୍ପଲାଇନ: 0120-6025109

– ଇ-ମେଲ୍ ID: [email protected]

Categories
ଜାତୀୟ ଖବର ବିଶେଷ ଖବର ବ୍ୟବସାୟ

ବଜେଟରେ କୃଷକ, ଯୁବକ ଏବଂ ମଧ୍ୟବିତ୍ତଙ୍କୁ ଏକ ବଡ ଉପହାର, ଜାଣନ୍ତୁ କାହାକୁ କ’ଣ ମିଳିଲା?

ନୂଆଦିଲ୍ଲୀ: ଅର୍ଥମନ୍ତ୍ରୀ ନିର୍ମଳା ସୀତାରମଣ ଆଜି ଦେଶର ବଜେଟ୍ ଉପସ୍ଥାପନ କରିଛନ୍ତି। ଏହି ବଜେଟରେ ଅନେକ ବିଶେଷ ଘୋଷଣା କରାଯାଇଛି, କିନ୍ତୁ ସାଧାରଣ ଜନତା କ’ଣ ବିଶେଷ ପାଇଛନ୍ତି? କୃଷକ, ମଧ୍ୟବିତ୍ତ, ଗରିବ ଏବଂ ସରକାରୀ କର୍ମଚାରୀଙ୍କ ପାଇଁ ସରକାର ଅନେକ ବିଶେଷ ଘୋଷଣା କରିଛନ୍ତି। ଚଳିତ ବର୍ଷର ବଜେଟରେ ସରକାର କୃଷି, ଯୁବକ ଏବଂ ପ୍ରଧାନମନ୍ତ୍ରୀ ଆବସ ଯୋଜନା ସହ ଜଡିତ ଅନେକ ବଡ ନିଷ୍ପତ୍ତି ନେଇଛନ୍ତି। ସାଧାରଣ ଜନତାଙ୍କ ପାଇଁ କ’ଣ ବିଶେଷ ମିଳିଛି ଆସନ୍ତୁ ଜାଣିବା….

କୃଷକମାନଙ୍କ ପାଇଁ କ’ଣ ବିଶେଷ ରହିଛି?:

ଏହି ବଜେଟରେ ସରକାର ଚାଷୀଙ୍କ ପାଇଁ ଅନେକ ବିଶେଷ ଘୋଷଣା କରିଛନ୍ତି। ଅର୍ଥମନ୍ତ୍ରୀ ସୀତାରମଣ କହିଛନ୍ତି ଯେ, ୨୦୨୩ ବର୍ଷକୁ ବଡ ଶସ୍ୟ ବର୍ଷ ଭାବରେ ଘୋଷଣା କରାଯାଇଥିଲା। ରବି ୨୦୨୧-୨୨ ରେ ୧୬୩ ଲକ୍ଷ ଚାଷୀଙ୍କ ଠାରୁ ୧୨୦୮ ମେଟ୍ରିକ୍ ଟନ୍ ଗହମ ଏବଂ ଧାନ କ୍ରୟ କରାଯିବ। ଚାଷୀଙ୍କୁ ଡିଜିଟାଲ ଏବଂ ହାଇ-ଟେକ୍ ସେବା ଯୋଗାଇବା ପାଇଁ ପିପିପି ମଡେଲରେ ଏହି ଯୋଜନା ଆରମ୍ଭ ହେବ। ଏହି ବଜେଟରେ ଏମଏସପି ମାଧ୍ୟମରେ ଚାଷୀଙ୍କୁ ୨.୩ ଲକ୍ଷ କୋଟି ଟଙ୍କା ଦେବାକୁ ଲକ୍ଷ୍ୟ ଧାର୍ଯ୍ୟ କରାଯାଇଛି। ଏହା ବ୍ୟତୀତ କୃଷକମାନଙ୍କୁ ଡିଜିଟାଲ ସେବା ଦିଆଯିବ ଏବଂ ଭାରତରେ ଦାରିଦ୍ର୍ୟ ଦୂରୀକରଣ ଲକ୍ଷ୍ୟରେ ଜୋରଦାର କାର୍ଯ୍ୟ କରାଯିବ।

୬୦ ଲକ୍ଷ ଯୁବକଙ୍କୁ ଚାକିରି:

ଏହି ବଜେଟରେ ଦେଶର ଯୁବକମାନଙ୍କ ପାଇଁ ଅର୍ଥମନ୍ତ୍ରୀ ଅନେକ ବିଶେଷ ଘୋଷଣା କରିଛନ୍ତି। ଗତିଶକ୍ତି ଯୋଜନା ଅଧୀନରେ ୬୦ ଲକ୍ଷରୁ ଅଧିକ ନିଯୁକ୍ତି ସୁଯୋଗ ସୃଷ୍ଟି ହେବ ବୋଲି ସୀତାରାମଣ କହିଛନ୍ତି, ଯାହା ଦେଶର ଯୁବକମାନଙ୍କୁ ସିଧାସଳଖ ଉପକୃତ ମିଳିବ।

ଘର କ୍ରେତାମାନଙ୍କୁ ଲାଭ:

ପ୍ରଧାନମନ୍ତ୍ରୀ ଆବାସ ଯୋଜନା ସମ୍ପର୍କରେ ମଧ୍ୟ କେନ୍ଦ୍ର ସରକାର ଏକ ବଡ଼ ଘୋଷଣା କରିଛନ୍ତି। ପ୍ରଧାନମନ୍ତ୍ରୀ ଆବାସ ପ୍ରକଳ୍ପ ପାଇଁ ୪୮ ହଜାର କୋଟି ଟଙ୍କା ଆବଣ୍ଟନ କରାଯାଇଛି ବୋଲି ସୀତାରମଣ କହିଛନ୍ତି। ପ୍ରଧାନମନ୍ତ୍ରୀ ଆବାସ ଯୋଜନା ଅଧୀନରେ ୮୦ ଲକ୍ଷ ଘରର ନିର୍ମାଣ କାର୍ଯ୍ୟ ଶେଷ ହେବ। ସରକାର ୨୦୨୨-୨୩ ମସିହାରେ ଗ୍ରାମାଞ୍ଚଳ ଏବଂ ସାହାରାଞ୍ଚଳରେ ପ୍ରଧାନମନ୍ତ୍ରୀ ଆବାସ ଯୋଜନାକୁ ବିସ୍ତାର କରିବେ। ଗ୍ରାମାଞ୍ଚଳ ଏବଂ ସହରାଞ୍ଚଳର ୬୦ ହଜାର ଘର ପ୍ରଧାନମନ୍ତ୍ରୀ ଆବାସ ଯୋଜନାର ହିତାଧିକାରୀ ଭାବରେ ଚିହ୍ନଟ ହେବ। ୨୦୨୨-୨୩ ମସିହାରେ ପ୍ରଧାନମନ୍ତ୍ରୀ ଆବାସ ଯୋଜନାର ହିତାଧିକାରୀଙ୍କ ପାଇଁ ୮୦ ଲକ୍ଷ ଘର ନିର୍ମାଣ କାର୍ଯ୍ୟ ଶେଷ ହେବ। ଏହା ବ୍ୟତୀତ ୩.୨୨ କୋଟି ଘର ୨୦୨୨-୨୩ ମସିହାରେ “ହର ଘର ନଲ ସେ ଜଲ” ଯୋଜନା ସହିତ ସଂଯୁକ୍ତ ହେବ। ଏଥିପାଇଁ ୬୦ ହଜାର କୋଟି ଟଙ୍କା ପ୍ରଦାନ କରାଯାଇଛି।

ସରକାରୀ କର୍ମଚାରୀମାନଙ୍କ ପାଇଁ ବଡ଼ ଆଶ୍ଵସ୍ତି:

ଏହି ବଜେଟରେ ସରକାରୀ କର୍ମଚାରୀଙ୍କୁ କେନ୍ଦ୍ର ସରକାର ବଡ଼ ଆଶ୍ଵସ୍ତି ଦେଇଛନ୍ତି। ଅର୍ଥମନ୍ତ୍ରୀ କହିଛନ୍ତି ଯେ, ଏନପିଏସରେ କେନ୍ଦ୍ର ଏବଂ ରାଜ୍ୟର ଅବଦାନ ବର୍ତ୍ତମାନ ୧୦ ପ୍ରତିଶତ ପରିବର୍ତ୍ତେ ୧୪ ପ୍ରତିଶତ ହେବ। PFRDA ଅଧିନିୟମ ୨୦୧୩ ଅନୁଯାୟୀ ପ୍ରତିଷ୍ଠିତ ପେନ୍ସନ୍ ପାଣ୍ଠି ନିୟାମକ ଏବଂ ବିକାଶ ପ୍ରାଧିକରଣ (PFRDA) ଦ୍ୱାରା NPS ପରିଚାଳିତ ଏବଂ ନିୟନ୍ତ୍ରିତ କରାଯାଉଛି। NPS Tier-I ପ୍ରତି ନିଯୁକ୍ତିଦାତାର ଅବଦାନ ଆୟକର ଅଧିନିୟମର ୮୦ ସିସିଡି (୨) ଅନୁଯାୟୀ ଟିକସ ରିହାତି ପାଇଁ ଯୋଗ୍ୟ ଅଟେ। ଏହି ଟିକସ ସୁବିଧା ଧାରା ୮୦ ସି ଅନୁଯାୟୀ ଧାର୍ଯ୍ୟ ସୀମାଠାରୁ ଅଧିକ।

କ୍ରିପ୍ଟୋକରେନ୍ସିରୁ ଆୟ ଉପରେ ଟିକସ:

କ୍ରିପ୍ଟୋକରେନ୍ସି କାରବାର କରୁଥିବା ଲୋକଙ୍କ ପାଇଁ ଖରାପ ଖବର। ବଜେଟ୍ ସମୟରେ ଅର୍ଥମନ୍ତ୍ରୀ ଭର୍ଚୁଆଲ୍ ଆସେଟ୍ ଉପରେ ଟିକସ ଯୋଜନା ଘୋଷଣା କରିଛନ୍ତି। ଭର୍ଚୁଆଲ୍ ମୁଦ୍ରା ଠାରୁ ଆୟ ଉପରେ ସରକାର ଟିକସ ଘୋଷଣା କରିଛନ୍ତି। ସେ କହିଛନ୍ତି ଯେ, କୌଣସି ପ୍ରକାରର ଭର୍ଚୁଆଲ ମୁଦ୍ରା ଠାରୁ ଆୟ ଉପରେ ୩୦ ପ୍ରତିଶତ ଟିକସ ଆଦାୟ କରାଯିବ। ଏହା ବ୍ୟତୀତ, କାରବାର ଉପରେ TDS ମଧ୍ୟ ୧ ପ୍ରତିଶତ ହାରରେ କଟାଯିବ।

ଟ୍ୟାକ୍ସରେ କେତେ ଆଶ୍ଵସ୍ତି?:

ଯଦି ଆମେ ଆୟକର ବିଷୟରେ ଆଲୋଚନା କରୁ, ତେବେ ଟିକସ ସାମ୍ନାରେ ସାଧାରଣ ଜନତାଙ୍କୁ ସରକାର କୌଣସି ଆଶ୍ଵସ୍ତି ଦେଇନାହାଁନ୍ତି। ଏଥର ଆୟକରରେ କୌଣସି ପରିବର୍ତ୍ତନ ହୋଇନାହିଁ। ଏହା ବ୍ୟତୀତ, ମାନକ ରିହାତିର ସୀମା ମଧ୍ୟରେ କୌଣସି ପରିବର୍ତ୍ତନ କରାଯାଇ ନାହିଁ। ଅବଶ୍ୟ, ଟିକସଦାତାଙ୍କ ପାଇଁ ଏକ ବଡ ଆଶ୍ଵସ୍ତି ଭାବରେ ୨ ବର୍ଷ ମଧ୍ୟରେ ସେମାନଙ୍କର ରିଟର୍ଣ୍ଣ ଅପଡେଟ୍ କରିବାକୁ ଅନୁମତି ଦିଆଯାଇଛି।

Categories
Budget2022 ବିଶେଷ ଖବର

ଜାନୁଆରୀ ୩୧ରୁ ବଜେଟ୍ ଅଧିବେଶନ, କୃଷକମାନଙ୍କ ସମ୍ବନ୍ଧରେ ହୋଇପାରେ ଗୁରୁତ୍ୱପୂର୍ଣ୍ଣ ଘୋଷଣା

ନୂଆଦିଲ୍ଲୀ: ଜାନୁଆରୀ ୩୧ ତାରିଖରେ ରାଷ୍ଟ୍ରପତି ରାମ ନାଥ କୋବିନ୍ଦଙ୍କ ଅଭିଭାଷଣରୁ ବଜେଟ୍ ଅଧିବେଶନ ଆରମ୍ଭ ହେବ। ରାଷ୍ଟ୍ରପତି ସେଣ୍ଟ୍ରାଲ ହଲରେ ଉଭୟ ଗୃହର ମିଳିତ ଅଧିବେଶନକୁ ସମ୍ବୋଧିତ କରିବେ। ରାଷ୍ଟ୍ରପତିଙ୍କ ଅଭିଭାଷଣ ସାଧାରଣତଃ ସରକାରଙ୍କ ସଫଳତା ଏବଂ ଭବିଷ୍ୟତ ଯୋଜନାଗୁଡ଼ିକର ବିବରଣୀ ପ୍ରଦାନ କରିଥାଏ। ଏଭଳି ପରିସ୍ଥିତିରେ, ଚଳିତ ବର୍ଷର ଅଭିଭାଷଣରେ ମୋଦୀ ସରକାର ଏହାର ଭବିଷ୍ୟତ ଯୋଜନା ଏବଂ ସଫଳତାର ବ୍ଲୁ ପ୍ରିଣ୍ଟ ପ୍ରଦର୍ଶନ କରିବେ। କୁହାଯାଉଛି ଯେ, ଏହି ବଜେଟରେ ସରକାର ଚାଷୀଙ୍କ ପାଇଁ ବଡ଼ ଘୋଷଣା କରିପାରନ୍ତି।

ରାଷ୍ଟ୍ରପତିଙ୍କ ଅଭିଭାଷଣ ଜାନୁୟାରୀ ୩୧ ତାରିଖରେ ଶେଷ ହେବା ପରେ ଚଳିତ ବର୍ଷର ଅର୍ଥନୈତିକ ସର୍ଭେ ସଂସଦର ଉଭୟ ଗୃହରେ ସରକାର ଉପସ୍ଥାପନ କରିବେ। କରୋନା ମହାମାରୀ ସତ୍ତ୍ୱେ ଗତ ବର୍ଷ ଦେଶର ଅର୍ଥନୀତିରେ ଉନ୍ନତିର ସଙ୍କେତ ମିଳିଥିଲା। ଅର୍ଥନୈତିକ ସର୍ବେକ୍ଷଣରେ ଅର୍ଥନୀତି ଏବଂ ଏହାର ମୁକାବିଲା ପାଇଁ ସରକାରଙ୍କ ପ୍ରସ୍ତୁତିକୁ ନେଇ ସୃଷ୍ଟି ହେଉଥିବା ଆହ୍ଵାନର ଏକ ବିବରଣୀ ଉପସ୍ଥାପନ କରାଯିବ।

ବଜେଟ୍ ଅଧିବେଶନର ସବୁଠାରୁ ଗୁରୁତ୍ୱପୂର୍ଣ୍ଣ ଦିଗ ହେଉଛି ଫେବୃଆରୀ ୧ ତାରିଖରେ ଉପସ୍ଥାପିତ ହେବାକୁ ଥିବା ସାଧାରଣ ବଜେଟ୍। ଅର୍ଥମନ୍ତ୍ରୀ ନିର୍ମଳା ସୀତାରମଣ ଫେବୃଆରୀ ୧ ତାରିଖରେ ଲୋକସଭାରେ ସାଧାରଣ ବଜେଟର ଉପସ୍ଥାପନା ସମ୍ବନ୍ଧୀୟ ଭାଷଣ ଆରମ୍ଭ କରିବେ। ଅର୍ଥନୈତିକ ସର୍ବେକ୍ଷଣରେ ବଜେଟର ଦିଗ କିପରି ଦେଖାଯିବ ତାହାର ଏକ ହଲମାର୍କ। ପାଞ୍ଚଟି ରାଜ୍ୟରେ ଚାଲିଥିବା ନିର୍ବାଚନ ମାହୋଲ ମଧ୍ୟରେ ବଜେଟରେ କିଛି ବଡ ଘୋଷଣା ହେବାର ସମ୍ଭାବନା ରହିଛି। ବଜେଟରେ, ଯେଉଁଠାରେ ସାଧାରଣ ବେତନ ପ୍ରାପ୍ତ ବ୍ୟକ୍ତିମାନେ ଟିକସ ଛାଡ ପାଇଁ ଆଶା କରୁଛନ୍ତି, କରୋନା ମହାମାରୀ ଦ୍ୱାରା ଅସୁବିଧାରେ ପଡିଥିବା ବ୍ୟବସାୟ ଶ୍ରେଣୀ ମଧ୍ୟ ଆରାମ ପାଇବାକୁ ଆଶା କରୁଛନ୍ତି। କୃଷକମାନଙ୍କ ସମ୍ବନ୍ଧରେ ବଜେଟରେ କିଛି ଗୁରୁତ୍ୱପୂର୍ଣ୍ଣ ଘୋଷଣା କରାଯାଇପାରେ ବୋଲି ଏକ ସମ୍ଭାବନା ଅଛି।

କାର୍ଯ୍ୟସୂଚୀ ଅନୁଯାୟୀ, ଦୁଇଟି ଭାଗରେ ଅନୁଷ୍ଠିତ ହେବାକୁ ଥିବା ବଜେଟ୍ ଅଧିବେଶନର ପ୍ରଥମ ଭାଗ ଫେବୃଆରୀ ୧୧ ତାରିଖ ପର୍ଯ୍ୟନ୍ତ ଜାରି ରହିବ। ସାଧାରଣ ବଜେଟ୍ ବ୍ୟତୀତ, ଏହି ଅଂଶର ଅନ୍ୟ ଏକ ଗୁରୁତ୍ୱପୂର୍ଣ୍ଣ ଅଂଶ ହେଉଛି ରାଷ୍ଟ୍ରପତିଙ୍କ ଅଭିଭାଷଣ ଉପରେ ଧନ୍ୟବାଦ ପ୍ରସ୍ତାବ ଉପରେ ଆଲୋଚନା। ଏଥର ଲୋକସଭାରେ ପ୍ରସ୍ତାବ ଉପରେ ବିତର୍କ ପାଇଁ ଏଥର ଚାରି ଦିନର ସମୟ ବଣ୍ଟନ କରାଯାଇଛି, ଯାହା ଫେବୃଆରୀ ୨ତାରିଖରୁ ଆରମ୍ଭ ହେବ। ବିତର୍କ ଶେଷରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଫେବୃଆରୀ ୭ ତାରିଖରେ ଉତ୍ତର ରଖିବେ, ଯାହା ଉପରେ ସମସ୍ତ ଆଖି ରହିବ। ଉତ୍ତରପ୍ରଦେଶ ସମେତ ପାଞ୍ଚଟି ରାଜ୍ୟରେ ହୋଇଥିବା ନିର୍ବାଚନକୁ ଦୃଷ୍ଟିରେ ରଖି ଧନ୍ୟବାଦ ପ୍ରସ୍ତାବ ଉପରେ ତୀବ୍ର ବିତର୍କ ହେବାକୁ ଯାଉଛି।

ବିରୋଧୀଙ୍କ ମତରେ କଂଗ୍ରେସ ଦଳ କୃଷକ, ଏୟାର ଇଣ୍ଡିଆର ବିକ୍ରୟ, ଚୀନ୍‌ର ଭାରତୀୟ ଅଞ୍ଚଳରେ ଅନୁପ୍ରବେଶ ଏବଂ କୋଭିଡ ଦ୍ୱାରା କ୍ଷତିଗ୍ରସ୍ତଙ୍କୁ କ୍ଷତିପୂରଣ ଭଳି ପ୍ରସଙ୍ଗ ଉଠାଇବାକୁ ନିଷ୍ପତ୍ତି ନେଇଛି। ଏହା ସହିତ, ବିହାରରେ ରେଳ ନିଯୁକ୍ତିକୁ ନେଇ ଏକ ଅଡୁଆ ସୃଷ୍ଟି ହୋଇଛି ଏବଂ ପେଗାସସ୍ ଗୁପ୍ତଚର ମାମଲା ସହ ଜଡିତ ନୂତନ ପ୍ରକାଶନକୁ ନେଇ ଅଧିବେଶନରେ ପ୍ରବଳ ଅସନ୍ତୋଷର ସମ୍ଭାବନା ରହିଛି।

Categories
ଜାତୀୟ ଖବର ବିଶେଷ ଖବର

କୃଷକମାନଙ୍କୁ ୩ ଲକ୍ଷ ପର୍ଯ୍ୟନ୍ତ ଋଣ ଦେଉଛନ୍ତି ସରକାର, କିଷାନ କ୍ରେଡିଟ କାର୍ଡ ଦ୍ଵାରା ପାଆନ୍ତୁ ଏହାର ଲାଭ

ନୂଆଦିଲ୍ଲୀ: ଚାଷୀଙ୍କ ଆର୍ଥିକ ସ୍ଥିତିକୁ ବଦଳାଇବା ପାଇଁ ସରକାର ଅତି ଶସ୍ତା ହାରରେ ଋଣ ପ୍ରଦାନ କରନ୍ତି। ରାଜ୍ୟ ସରକାର ମଧ୍ୟ ଏହି ଯୋଜନା କାର୍ଯ୍ୟକାରୀ କରୁଛନ୍ତି। ଏଥିରେ କିଷାନ କ୍ରେଡିଟ କାର୍ଡ ସାହାଯ୍ୟରେ କୃଷକମାନେ ବହୁତ କମ୍ ଦଲିଲ ସହିତ ସେମାନଙ୍କର ଆବଶ୍ୟକତା ଅନୁଯାୟୀ ଋଣ ପାଇପାରିବେ। ତେବେ ଆସନ୍ତୁ ଏହାର ସମସ୍ତ ବିବରଣୀ ଜାଣିବା…

କିଷାନ୍ କ୍ରେଡିଟ୍ କାର୍ଡ କିପରି ତିଆରି ହେବ?:

କିଷାନ କ୍ରେଡିଟ କାର୍ଡ ପାଇବା ପାଇଁ ପ୍ରଥମେ ଗୁଗୁଲରେ ସର୍ଚ୍ଚ କରି କିଷାନ ସ୍କିମର ୱେବସାଇଟ୍ ଖୋଲିବାକୁ ପଡିବ। ଏହା ପରେ, ୱେବସାଇଟ୍ କୁ ଯାଇ କିଷାନ୍ କ୍ରେଡିଟ୍ କାର୍ଡର ଫର୍ମ ଡାଉନଲୋଡ୍ କରନ୍ତୁ। ଏଠାରେ ଆପଣ ବ୍ୟାଙ୍କରେ ଦାଖଲ ହେବାକୁ ଥିବା ସମସ୍ତ ଡକ୍ୟୁମେଣ୍ଟ୍ ବିଷୟରେ ସୂଚନା ପାଇବେ। ବ୍ୟାଙ୍କରେ ଜମା କରିବା ପାଇଁ କୃଷକମାନଙ୍କଠାରୁ କେବଳ ତିନୋଟି ଦଲିଲ ନିଆଯାଉଛି।

ଋଣ ପାଇଁ ଏହି ଦଲିଲଗୁଡ଼ିକ ଆବଶ୍ୟକ:

ଏଥିପାଇଁ ଚାଷୀଙ୍କୁ ଆଧାର କାର୍ଡ, ପାନ୍ କାର୍ଡ ଏବଂ ଏକ ଫଟୋ ଦରକାର ହେବ। ଏଥି ସହିତ, ଯିଏ କିଷାନ କ୍ରେଡିଟ କାର୍ଡ ପାଇବାକୁ ଚାହୁଁଛନ୍ତି, ଏହି ଡକ୍ୟୁମେଣ୍ଟ ସହିତ ବ୍ୟାଙ୍କରେ ଏକ ଆଫିଡେଭିଟ ଦାଖଲ କରିବା ବାଧ୍ୟତାମୂଳକ, ଯେଉଁଥିରେ କୁହାଯାଇଛି ଯେ ଆପଣ ଅନ୍ୟ କୌଣସି ବ୍ୟାଙ୍କରୁ ଋଣ ନେଇ ନାହାଁନ୍ତି। କିଷାନ୍ କ୍ରେଡିଟ୍ କାର୍ଡ ପାଞ୍ଚ ବର୍ଷ ପାଇଁ ବୈଧ ଅଟେ। ଏହି କାର୍ଡ ମାଧ୍ୟମରେ କୃଷକମାନେ ଚାରି ପ୍ରତିଶତ ସୁଧ ସହିତ ତିନି ଲକ୍ଷ ଟଙ୍କା ପର୍ଯ୍ୟନ୍ତ ଋଣ ପାଇପାରିବେ।

କେଉଁଠାରେ କିଷାନ୍ କ୍ରେଡିଟ୍ କାର୍ଡ ତିଆରି କରିପାରିବି?:

କିଷାନ୍ କ୍ରେଡିଟ୍ କାର୍ଡ ତିଆରି କରିବାକୁ ଆପଣଙ୍କର ଅନେକ ବିକଳ୍ପ ଅଛି। ଆପଣ କିମ୍ବା ସମବାୟ ବ୍ୟାଙ୍କ କିଷାନ କ୍ରେଡିଟ୍ କାର୍ଡ ତିଆରି କରି ପାରିବ, ନ୍ୟାସନାଲ ପେମେଣ୍ଟ କର୍ପୋରେସନ୍ ଅଫ୍ ଇଣ୍ଡିଆ, ଷ୍ଟେଟ୍ ବ୍ୟାଙ୍କ ଅଫ୍ ଇଣ୍ଡିଆ, ବ୍ୟାଙ୍କ ଅଫ୍ ଇଣ୍ଡିଆ, ଆଞ୍ଚଳିକ ଗ୍ରାମୀଣ ବ୍ୟାଙ୍କ ଏବଂ ଇଣ୍ଡଷ୍ଟ୍ରିଆଲ୍ ଡେଭଲପମେଣ୍ଟ ବ୍ୟାଙ୍କ ଅଫ୍ ଇଣ୍ଡିଆରୁ ଆବେଦନ କରିପାରିବ। ଏଥିପାଇଁ ପ୍ରଥମେ ଗୁଗୁଲରେ ସର୍ଚ୍ଚ କରି ପିଏମ କିଷାନର ଅଫିସିଆଲ୍ ୱେବସାଇଟ୍ pmkisan.gov.in ରେ କ୍ଲିକ୍ କରି ଏହାକୁ ଖୋଲନ୍ତୁ। ଏଠାରେ ଫାର୍ମର ଟ୍ୟାବରେ ଡାହାଣ ପାର୍ଶ୍ୱରେ କିଷାନ କ୍ରେଡିଟ୍ ଫର୍ମ ଡାଉନଲୋଡ୍ ଅପ୍ସନ୍ ଉପରେ କ୍ଲିକ୍ କରନ୍ତୁ। ଫର୍ମ ଡାଉନଲୋଡ୍ କରନ୍ତୁ, ଏହାକୁ ପୁରଣ କରନ୍ତୁ ଏବଂ ନିକଟସ୍ଥ ବ୍ୟାଙ୍କରେ ଦାଖଲ କରନ୍ତୁ।

ଏହିପରି ଆବେଦନ କରିବେ:

– ସର୍ବପ୍ରଥମେ https://www.sbiyono.sbi/index.html ୱେବସାଇଟ୍ ପରିଦର୍ଶନ କରି ଲଗ୍ ଇନ୍ କରନ୍ତୁ।

– ବର୍ତ୍ତମାନ ୟୋନୋ କୃଷିର ବିକଳ୍ପ ଚୟନ କରନ୍ତୁ।

– ଏହା ପରେ ‘ଆକାଉଣ୍ଟ୍’ ଅପ୍ସନ୍ ସିଲେକ୍ଟ କରନ୍ତୁ।

– ଏହା କରିବା ପରେ, ଏଠାରେ KCC ସମୀକ୍ଷା ବିଭାଗକୁ ଯାଆନ୍ତୁ।

– ବର୍ତ୍ତମାନ ଆପ୍ଲିକେସନ୍ ଉପରେ କ୍ଲିକ୍ କରି ସମ୍ମୁଖ ୱିଣ୍ଡୋ ଖୋଲିବ। ଏଥିରେ ପଚରାଯାଇଥିବା ବିବରଣୀ ପ୍ରବେଶ କରନ୍ତୁ ଏବଂ ଏହାକୁ ଦାଖଲ କରନ୍ତୁ।

ଏହା ହେଉଛି କିଷାନ୍ କ୍ରେଡିଟ୍ କାର୍ଡର ଲାଭ:

– କିଷାନ କ୍ରେଡିଟ୍ କାର୍ଡ ସହିତ କୃଷକମାନେ ଶୀଘ୍ର ଋଣ ପାଆନ୍ତି।

– ଚାଷୀଙ୍କୁ ବହୁତ କମ୍ ଡକ୍ୟୁମେଣ୍ଟ୍ ଦେବାକୁ ପଡିବ।

– ଋଣ ପରିଶୋଧ କରିବାକୁ ଅଧିକ ସମୟ ପାଇବେ।

– ତିନି ବର୍ଷ ପର୍ଯ୍ୟନ୍ତ ଅବଧି ପାଇଁ ଋଣ ଉପଲବ୍ଧ।

– ଯଦି ଫସଲ ନଷ୍ଟ ହୋଇଯାଏ, ତେବେ ଋଣ ପରିଶୋଧ ସମୟସୀମା ବୃଦ୍ଧି କରାଯାଇପାରେ।

– ଏଥିରେ କୃଷକମାନଙ୍କୁ କମ୍ ଅର୍ଥ ଦେବାକୁ ପଡିବ।

– କୃଷକମାନେ ମଧ୍ୟ ବୀମାର ଲାଭ ପାଆନ୍ତି।

– କୃଷିଜାତ ଦ୍ରବ୍ୟ ପାଇଁ ଋଣ ମଧ୍ୟ ଉପଲବ୍ଧ।

– ସାର, ମଞ୍ଜି ଇତ୍ୟାଦି କ୍ରୟରେ ରିହାତି ଉପଲବ୍ଧ।

– ଏହା ମାଧ୍ୟମରେ ଆପଣ ଦେଶର ଯେକୌଣସି ବ୍ୟାଙ୍କ ଶାଖାରୁ ଟଙ୍କା ଉଠାଇ ପାରିବେ।

Categories
ଆଜିର ଖବର ଜାତୀୟ ଖବର

ସଂଯୁକ୍ତ କିଷାନ୍ ମୋର୍ଚ୍ଚାର ନିଷ୍ପତ୍ତି: ସୋମବାର ଦିନ କୃଷକମାନେ କରିବେ ନାହିଁ ‘ସଂସଦ ମାର୍ଚ୍ଚ’

ନୂଆଦିଲ୍ଲୀ: ନଭେମ୍ବର ୨୯ ତାରିଖରେ ହେବାକୁ ଥିବା ‘ସଂସଦ ମାର୍ଚ୍ଚ’କୁ କୃଷକମାନେ ସ୍ଥଗିତ ରଖିଛନ୍ତି। ଶନିବାର ଅନୁଷ୍ଠିତ ସଂଯୁକ୍ତ କିଷାନ ମୋର୍ଚ୍ଚାର ବୈଠକରେ ଏହି ନିଷ୍ପତ୍ତି ନିଆଯାଇଛି। କୃଷକ ନେତା ଦର୍ଶନ ପାଲ ଏକ ସାମ୍ବାଦିକ ସମ୍ମିଳନୀ କରିବାବେଳେ କହିଛନ୍ତି ଯେ, ଆମେ ଆସନ୍ତା ଡିସେମ୍ବର ୪ ତାରିଖରେ ପରବର୍ତ୍ତୀ ବୈଠକ କରିବୁ। ନଭେମ୍ବର ୨୯ ତାରିଖରେ ସଂସଦରେ ଏହି ଆଇନଗୁଡିକ ରଦ୍ଦ କରାଯିବ ବୋଲି ସରକାର ଆମକୁ ପ୍ରତିଶୃତି ଦେଇଛନ୍ତି। ଆମେ ପ୍ରଧାନମନ୍ତ୍ରୀଙ୍କୁ ଏକ ଚିଠି ଲେଖିଥିଲୁ ଯେଉଁଥିରେ ଆମେ ଅନେକ ଦାବି କରିଥିଲୁ। ଚାଷୀଙ୍କ ବିରୋଧରେ ପଞ୍ଜୀକୃତ ମାମଲା ବନ୍ଦ କରାଯାଉ ବୋଲି ଆମେ ଦାବି କରିଥିଲୁ। ଏମଏସପି ନିଶ୍ଚିତ ହେବା ଉଚିତ୍ ବୋଲି ଦାବି କରାଯାଇଛି। ଏହି ଆନ୍ଦୋଳନରେ ସହିଦ ହୋଇଥିବା କୃଷକମାନଙ୍କୁ କ୍ଷତିପୂରଣ ଦିଆଯିବା ଉଚିତ୍। ନଡା ଏବଂ ବିଦ୍ୟୁତ୍ ବିଲ୍ ମଧ୍ୟ ବାତିଲ୍ କରାଯିବା ଉଚିତ୍।

ଏଥିସହିତ ସେ କହିଛନ୍ତି ଯେ, ଡିସେମ୍ବର ୪ ତାରିଖ ପର୍ଯ୍ୟନ୍ତ ଆମେ ପ୍ରଧାନମନ୍ତ୍ରୀଙ୍କ ଚିଠିକୁ ଅପେକ୍ଷା କରିବୁ। ଏହା ପରେ ଆମେ ପରବର୍ତ୍ତୀ କାର୍ଯ୍ୟ ଘୋଷଣା କରିବୁ।

ଏଥି ସହିତ ସରକାରଙ୍କ ଠାରୁ କୃଷି ଆଇନ ପ୍ରତ୍ୟାହାର ପାଇଁ ସୋମବାର ସଂସଦରେ ଏକ ବିଲ୍ ଆଗତ କରାଯିବ। ଏଥିସହିତ କେନ୍ଦ୍ର ସରକାର ଚାଷୀଙ୍କ ଆଉ ଏକ ଦାବି ଗ୍ରହଣ କରିଛନ୍ତି। କେନ୍ଦ୍ର କୃଷି ମନ୍ତ୍ରୀ ନରେନ୍ଦ୍ର ସିଂ ତୋମାର କହିଛନ୍ତି ଯେ, ଚାଷୀଙ୍କ ଦ୍ୱାରା ନଡା ଜାଳିବା ଅପରାଧ ହେବ ନାହିଁ। କୃଷି ମନ୍ତ୍ରୀ ତୋମାର ମଧ୍ୟ କୃଷକମାନଙ୍କୁ ନିବେଦନ କରିଛନ୍ତି ଯେ, ବର୍ତ୍ତମାନ ସେମାନଙ୍କର ସମସ୍ତ ଦାବି ଗ୍ରହଣ କରାଯାଇଛି, ତେଣୁ ସେମାନେ ଆନ୍ଦୋଳନ ବନ୍ଦ କରି ଘରକୁ ଫେରିବା ଉଚିତ।

Categories
ଜାତୀୟ ଖବର ବିଶେଷ ଖବର

କୃଷି ଆଇନ ପ୍ରତ୍ୟାହାର ଉଦବୋଧନ ସମୟରେ ଆହୁରି ଅନେକ କଥା କହିଲେ ପ୍ରଧାନମନ୍ତ୍ରୀ, ଜାଣନ୍ତୁ କଣ

ନୂଆଦିଲ୍ଲୀ: ପ୍ରଧାନମନ୍ତ୍ରୀ ଆଜି ଭିଡିଓ କନଫରେନ୍ସିଂ ଜରିଆରେ ଦେଶବାସୀଙ୍କୁ ଉଦବୋଧନ ଦେଇଛନ୍ତି। ଉଦବୋଧନ ଆରମ୍ଭରେ ପ୍ରଧାନମନ୍ତ୍ରୀ ସମସ୍ତ ଦେଶବାସୀଙ୍କୁ ଗୁରୁ ନାନକ ଦେବଙ୍କ ଜୟନ୍ତୀ ଉପଲକ୍ଷେ ଶୁଭକାମନା ଜଣାଇଛନ୍ତି। ଦେଢ଼ ବର୍ଷର ବ୍ୟବଧାନ ପରେ କରତାରପୁର ସାହିବ କରିଡର ପୁଣିଥରେ ଖୋଲିଥିବାରୁ ସେ ଖୁସି ବ୍ୟକ୍ତ କରିଥିଲେ।

ଏହି ଅବସରରେ ପ୍ରଧାନମନ୍ତ୍ରୀ କହିଥିଲେ, “ପାଞ୍ଚ ଦଶନ୍ଧିର ସାର୍ବଜନୀନ ଜୀବନରେ ମୁଁ ଚାଷୀମାନେ ସମ୍ମୁଖିନ ହେଉଥିବା ସମସ୍ୟାଗୁଡ଼ିକୁ ଅତି ନିକଟରୁ ଦେଖିଛି। ଏହି କାରଣରୁ ୨୦୧୪ରେ ମୋତେ ଯେତେବେଳେ ଦେଶରେ ପ୍ରଧାନସେବକ ଭାବେ ଦେଶସେବା କରିବାର ସୁଯୋଗ ମିଳିଲା, ଆମେ କୃଷି ବିକାଶ ଏବଂ କୃଷକଙ୍କ କଲ୍ୟାଣ ପ୍ରତି ସର୍ବୋଚ୍ଚ ପ୍ରାଥମିକତା ଦେଇଥିଲୁ। ପ୍ରଧାନମନ୍ତ୍ରୀ କହିଥିଲେ, ଦେଶର କ୍ଷୁଦ୍ର ଚାଷୀଙ୍କ ସମସ୍ୟା ଦୂର କରିବା ଲାଗି, ଆମେ ବିହନ, ବୀମା, ବଜାର ଓ ସଞ୍ଚୟ, ଏସବୁ ଉପରେ ଚତୁର୍ଦ୍ଦିଗରୁ ପ୍ରୟାସ କଲୁ। ସରକାର ଉନ୍ନତ କିସମର ବିହନ ସହିତ ଚାଷୀମାନଙ୍କୁ ନିମ୍ବ ମିଶ୍ରିତ ୟୁରିୟା, ମୃତ୍ତିକା ସ୍ୱାସ୍ଥ୍ୟ କାର୍ଡ, କ୍ଷୁଦ୍ର ଜଳସେଚନ ଭଳି ସୁବିଧା ସହ ଯୋଡ଼ିଲେ।

ଚାଷୀମାନେ ସେମାନଙ୍କ କଠିନ ପରିଶ୍ରମ ବଳରେ ଉତ୍ପାଦନ କରିଥିବା ଫସଲର ଯେପରି ଉଚିତ୍ ମୂଲ୍ୟ ପାଇପାରିବେ ତାହା ସୁନିଶ୍ଚିତ କରିବା ଲାଗି ଗ୍ରହଣ କରାଯାଇଥିବା ଅନେକଗୁଡ଼ିଏ ଯୋଜନା ବିଷୟରେ ପ୍ରଧାନମନ୍ତ୍ରୀ ଆଲୋକପାତ କରିଥିଲେ। ଦେଶ ନିଜର ଗ୍ରାମୀଣ ବଜାର ଭିତ୍ତିଭୂମିକୁ ସୁଦୃଢ଼ କରିଥିବା ସେ କହିଥିଲେ। “ଆମେ କେବଳ ଏମଏସପି ବୃଦ୍ଧି କରିନାହୁଁ, ବରଂ ରେକର୍ଡ ସଂଖ୍ୟକ ସରକାରୀ କ୍ରୟ କେନ୍ଦ୍ର ନିର୍ମାଣ କରିଛୁ। ଆମ ସରକାରଙ୍କ ପକ୍ଷରୁ କରାଯାଇଥିବା ଫସଲ କ୍ରୟ ପ୍ରକ୍ରିୟା ବିଗତ କିଛି ଦଶନ୍ଧିର ସମସ୍ତ ରେକର୍ଡ ଭାଙ୍ଗିଛି,” ସେ କହିଥିଲେ।

ପ୍ରଧାନମନ୍ତ୍ରୀ କହିଥିଲେ, କୃଷକମାନଙ୍କ ସ୍ଥିତିରେ ସୁଧାର ଆଣିବା ଲାଗି ଏହି ମହାଅଭିଯାନରେ ଦେଶରେ ତିନୋଟି କୃଷି ଆଇନ ଅଣାଯାଇଥିଲା। ଲକ୍ଷ୍ୟ ଥିଲା ଯେ ଦେଶର କୃଷକମାନଙ୍କୁ, ବିଶେଷ କରି କ୍ଷୁଦ୍ର ଚାଷୀମାନଙ୍କୁ, ଆହୁରି ଶକ୍ତି ମିଳୁ, ସେମାନଙ୍କୁ ନିଜ ଫସଲର ଉଚିତ୍ ମୂଲ୍ୟ ଏବଂ ଫସଲ ବିକ୍ରି କରିବା ଲାଗି ଅଧିକରୁ ଅଧିକ ବିକଳ୍ପ ମିଳିପାରୁ।

ମୋଦୀ କହିଥିଲେ, ଦୀର୍ଘ ବର୍ଷ ଧରି ଦେଶର ଚାଷୀ, ଦେଶର କୃଷି ବିଶେଷଜ୍ଞ, ଦେଶର ଚାଷୀ ସଂଗଠନ ଲଗାତାର ଏହି ଦାବି କରି ଆସୁଥିଲେ। ପୂର୍ବରୁ ଅନ୍ୟ ସରକାରମାନେ ଏ ସମ୍ପର୍କରେ ମାନସମନ୍ଥନ କରିଥିଲେ। ଏଥର ମଧ୍ୟ ସଂସଦରେ ଆଲୋଚନା ହେଲା, ମାନସମନ୍ଥନ ହେଲା ଏବଂ ଏହି ଆଇନ ଆସିଲା। ଦେଶର କୋଣ ଅନୁକୋଣରେ କୋଟି କୋଟି ଚାଷୀ, ଅନେକ ଚାଷୀ ସଂଗଠନ, ଏହାକୁ ସ୍ୱାଗତ କଲେ, ସମର୍ଥନ କରିଥିଲେ। ଆଇନକୁ ସମର୍ଥନ କରିଥିବା ସଂଗଠନ, ଚାଷୀ ଏବଂ ବ୍ୟକ୍ତିବିଶେଷଙ୍କ ପ୍ରତି ପ୍ରଧାନମନ୍ତ୍ରୀ ଏହି ଅବସରରେ କୃତଜ୍ଞତା ବ୍ୟକ୍ତ କରିଥିଲେ।

ପ୍ରଧାନମନ୍ତ୍ରୀ କହିଥିଲେ ଯେ ଚାଷୀଙ୍କ କଲ୍ୟାଣ, ବିଶେଷ କରି କ୍ଷୁଦ୍ର ଚାଷୀଙ୍କ ଲାଭ, କୃଷି କ୍ଷେତ୍ରର ହିତ, ‘ଗାଁ-ଗରିବ’ଙ୍କ ଉଜ୍ଜ୍ବଳ ଭବିଷ୍ୟତ ଲକ୍ଷ୍ୟ ନେଇ, ସମ୍ପୂର୍ଣ୍ଣ ସଚ୍ଚୋଟ, ସ୍ପଷ୍ଟ ଉଦ୍ଦେଶ୍ୟରେ ଏବଂ ଚାଷୀମାନଙ୍କ ପ୍ରତି ସମର୍ପିତ ଏହି ତିନୋଟି କୃଷି ଆଇନ ସରକାର ଆଣିଥିଲେ। ସେ ଆହୁରି କହିଥିଲେ ଯେ, କିନ୍ତୁ ଏତେ ପବିତ୍ର କଥା, ସମ୍ପୂର୍ଣ୍ଣ ଭାବେ ଶୁଦ୍ଧ, ଚାଷୀଙ୍କ ହିତର କଥାକୁ, ଆମେ ଅନେକ ପ୍ରୟାସ ସତ୍ତ୍ୱେ କିଛି କୃଷକମାନଙ୍କୁ ବୁଝାଇ ପାରିଲୁ ନାହିଁ। କୃଷି ଅର୍ଥନୀତଜ୍ଞ, ବୈଜ୍ଞାନିକ, ପ୍ରଗତିଶୀଳ ଚାଷୀମାନେ ମଧ୍ୟ ସେମାନଙ୍କୁ କୃଷି ଆଇନର ଗୁରୁତ୍ୱ ବୁଝାଇବା ଲାଗି ଭରପୂର ପ୍ରୟାସ ମଧ୍ୟ କରିଥିଲେ।

ପ୍ରଧାନମନ୍ତ୍ରୀ କହିଥିଲେ, “ଆଜି ମୁଁ ଆପଣମାନଙ୍କୁ, ସାରା ଦେଶକୁ, ଏକଥା କହିବାକୁ ଆସିଛି ଯେ ଆମେ ତିନୋଟି କୃଷି ଆଇନ ପ୍ରତ୍ୟାହାର କରିବାକୁ ନିଷ୍ପତ୍ତି ନେଇଛୁ। ଚଳିତ ମାସ ଶେଷ ଭାଗରେ ଆରମ୍ଭ ହେବାକୁ ଯାଉଥିବା ସଂସଦ ଅଧିବେଶନରେ, ଆମେ ଏହି ତିନୋଟି ଚାଷୀ ଆଇନକୁ ଉଚ୍ଛେଦ କରିବା ଲାଗି ସାମ୍ବିଧାନିକ ପ୍ରକ୍ରିୟାକୁ ସମ୍ପୂର୍ଣ୍ଣ କରିଦେବୁ।

ପବିତ୍ର ଗୁରୁପରବର ଭାବନା ନେଇ ପ୍ରଧାନମନ୍ତ୍ରୀ କହିଥିଲେ ଯେ ଆଜି ଆମେ ପରସ୍ପରକୁ ଦୋଷ ଦେବାରେ ଲିପ୍ତ ନରହି ଚାଷୀଙ୍କ କଲ୍ୟାଣ ପାଇଁ ନିଜକୁ ସମର୍ପି ଦେବା ଉଚିତ୍। କୃଷି କ୍ଷେତ୍ରରେ ପାଇଁ ପ୍ରଧାନମନ୍ତ୍ରୀ କେତେକ ଗୁରୁତ୍ୱପୂର୍ଣ୍ଣ ଘୋଷଣା କରିଥିଲେ। ଶୂନ୍ୟ ବଜେଟ୍ ଆଧାରିତ କୃଷି, ଦେଶର ପରିବର୍ତ୍ତିତ ଆବଶ୍ୟକତା ଅନୁଯାୟୀ ଫସଲର ପଦ୍ଧତିକୁ ବଦଳାଇବା, ଏମଏସପି ବ୍ୟବସ୍ଥାକୁ ଅଧିକ ପ୍ରଭାବୀ ଓ ପାରଦର୍ଶୀ କରିବା ଲାଗି ଏକ କମିଟି ଗଠନ କରିବା ନିମନ୍ତେ ସେ ଘୋଷଣା କରିଥିଲେ। ଏହି କମିଟିରେ କେନ୍ଦ୍ର ସରକାର, ରାଜ୍ୟ ସରକାରଙ୍କ ପ୍ରତିନିଧି, ଚାଷୀ, କୃଷି ବୈଜ୍ଞାନିକ ଏବଂ କୃଷି ଅର୍ଥନୀତିଜ୍ଞ ମାନେ ସାମିଲ ରହିବେ।

Categories
ଆଜିର ଖବର ଜାତୀୟ ଖବର ରାଜ୍ୟ ଖବର

ଦେଶର ସାଢେ ୯ କୋଟି ଚାଷୀଙ୍କୁ ମିଳିଲା ପିଏମ କିଷାନ ସହାୟତା

ନୂଆଦିଲ୍ଲୀ: ଅକ୍ଷୟ ତୃତୀୟା ଅବସରରେ ଆଜି ଦେଶର ସାଢେ ୯ କୋଟି ଚାଷୀଙ୍କୁ ପିଏମ କିଷାନ ସହାୟତା ରାଶି ମିଳିଛି। ମୋଟ ୧୯ ହଜାର କୋଟି ଟଙ୍କା କୃଷକଙ୍କ ଖାତାରେ ଜମା ହୋଇଛି। ଏହା ପିଏମ କିଷାନ ସହାୟତାର ଅଷ୍ଟମ କିସ୍ତି ଥିଲା।

ଏହି ଅବସରରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ କୃଷକମାନଙ୍କୁ ସମ୍ବୋଧନ କରିଛନ୍ତି। ଏହାସହ ଦେଶର ଜୈବିକ ପଦ୍ଧତିରେ ଫସଲ କରୁଥିବା କେତେଜଣ କୃଷକଙ୍କ ସାଥିରେ ପ୍ରଧାନମନ୍ତ୍ରୀ ସିଧାସଳଖ ଆଲୋଚନା କରି ସେମାନଙ୍କୁ ଉତ୍ସାହିତ କରିଛନ୍ତି।

Categories
ଆଜିର ଖବର ଜାତୀୟ ଖବର

ପଶ୍ଚିମବଙ୍ଗ ପାଇଁ ସଂକଳ୍ପ ପତ୍ର ଜାରି କଲା ବିଜେପି: ପ୍ରତ୍ୟେକ ବର୍ଷ କୃଷକଙ୍କୁ ମିଳିବ ୧୦ ହଜାର ଟଙ୍କା

କଲିକତା: ପଶ୍ଚିମବଙ୍ଗ ପାଇଁ ଆଜି ଭାରତୀୟ ଜନତା ପାର୍ଟି ନିଜର ସଂକଳ୍ପ ପତ୍ର ଜାରି କରିଛି। ସଂକଳ୍ପ ପତ୍ର ଜାରି କରିବା ସମୟରେ କେନ୍ଦ୍ର ଗୃହମନ୍ତ୍ରୀ ଅମିତ ଶାହ ସୁନାର ବଙ୍ଗଳା ଗଢିବା ଲକ୍ଷ୍ୟ ବୋଲି କହିଛନ୍ତି।

ଜାଣନ୍ତୁ ବିଜେପିର ସଙ୍କଳ୍ପ ପତ୍ର ବିଷୟରେ:

୧- ମହିଳାଙ୍କ ପାଇଁ ସରକାରୀ ଚାକିରୀରେ ୩୩ ପ୍ରତିଶତ ସଂରକ୍ଷଣ ରଖାଯିବ।

୨- ରାଜ୍ୟବାସୀ ପ୍ରଧାନମନ୍ତ୍ରୀ କିଷାନ ସମ୍ମାନ ନିଧି ଯୋଜନାର ଲାଭ ଉଠାଇପାରିବେ। ମମତା ବାନାର୍ଜୀ ସମୟରେ ବକେୟା ୩ ବର୍ଷର ୭୫ ଲକ୍ଷ କୃଷକଙ୍କୁ ୧୮ ହଜାର ଟଙ୍କା ସିଧା ଆକାଉଣ୍ଟରେ ଜମା ହେବ। ପ୍ରତ୍ୟେକ ବର୍ଷ କୃଷକଙ୍କ ପାଇଁ ୧୦ ହଜାର ଟଙ୍କା। ଯେଉଁଥିରେ କେନ୍ଦ୍ର ସରକାରର ୬ ହଜାର ସହିତ ରାଜ୍ୟ ସରକାର ପକ୍ଷରୁ ୪ ହଜାର ପ୍ରତ୍ୟେକ ବର୍ଷ ସିଧା କୃଷକଙ୍କ ଆକାଉଣ୍ଟରେ ଜମା ହେବ। ମତ୍ସ୍ୟ ପାଳକଙ୍କୁ ପ୍ରତ୍ୟେକ ବର୍ଷ ୬ ହଜାର ଟଙ୍କା ମିଳିବ।

୩- ମୁଖ୍ୟମନ୍ତ୍ରୀ ଶରଣାର୍ଥୀ ଯୋଜନାରେ ପ୍ରତ୍ୟେକ ଶରଣାର୍ଥୀଙ୍କୁ ପାଞ୍ଚ ବର୍ଷ ପାଇଁ ୧୦ ହଜାର ଟଙ୍କା ଲେଖାଏଁ ମିଳିବ।

୪- ପ୍ରଥମ କ୍ୟାବିନେଟ ବୈଠକରେ ଆୟୁଷ୍ମାନ ଯୋଜନା ଲାଗୁ କରି ୫ ଲକ୍ଷ ଟଙ୍କା ପର୍ଯ୍ୟନ୍ତ ସ୍ୱାସ୍ଥ୍ୟ ବୀମା ମିଳିବ।

୫- ରାଜ୍ୟରେ ନୂଆ ତିନୋଟି ଏମ୍ସ ସ୍ଥାପନା ହେବ।