ଭୁବନେଶ୍ବର : କରୋନା ପାଇଁ ମନ୍ଦିର ତଥା ସମସ୍ତ ଧର୍ମାନୁଷ୍ଠାନ ବନ୍ଦ ରହିଥିବାବେଳେ ପୂଜା ପାର୍ବଣରେ ମଧ୍ୟ କଟକଣା ଲଗାଯାଇଛି । ଚଳିତ ଥର କାଉଡି ଯାତ୍ରାକୁ ସ୍ଥଗିତ ରଖାଯାଇଥିବାବେଳେ ଗଣେଶ ପୂଜା ଉପରେ ମଧ୍ୟ କରୋନାର ମାଡ ଦେଖାଯାଇଛି ।
କରୋନା ପାଇଁ ଏ ବର୍ଷ କଟକ- ଭୁବନେଶ୍ବରରେ ଗଣେଶ ପୂଜା ମନା। ଟୁଇନ୍ସିଟିରେ କୌଣସି ମଣ୍ଡପରେ ଗଣେଶ ପୂଜା ହୋଇପାରିବ ନାହିଁ ବୋଲି ନିର୍ଦ୍ଦେଶ ରହିଛି । ଟୁଇନ୍ ସିଟିରେ ଗଣେଶ ପୂଜା ବନ୍ଦ ନେଇ କମିଶନରେଟ୍ ପୋଲିସ୍ ପକ୍ଷରୁ ଟୁଇଟ୍ ଯୋଗେ ସୂଚନା ଦିଆଯାଇଛି । ଧର୍ମୀୟ ସମାବେଶକୁ ମନା ଥବାରୁ ମଣ୍ଡପରେ ଗଣେଶ ପୂଜା ହୋଇପାରିବ ନାହିଁ ସୂଚନା ଦିଆଯାଇଛି । ମଣ୍ଡପରେ ଗୋଷ୍ଠୀଗତ ଭାବେ କୌଣସି ଗଣେଶ ପୂଜା ହୋଇପାରିବ ନାହିଁ ବୋଲି ନିର୍ଦ୍ଦେଶ ରହିଛି ।