ଭୁବନେଶ୍ବର: ଆଜି ଅଳ୍ପକେ ଏକ ବଡ ଦୁର୍ଘଟଣାରୁ ଅନେକ ବଞ୍ଚିଯାଇଛନ୍ତି। ଆଜି ଭୁବନେଶ୍ବରର ହଂସପାଳଠାରେ ଠିଆ ହୋଇଥିବା ଏକ କୋରିୟର ଗାଡିରେ ହଠାତ ନିଆଁ ଲାଗିଯାଇଥିଲା। ନିଆଁର ପ୍ରଭାବ ଏପରି ରହିଲା ଯେ, ଚାହୁଁଚାହୁଁ ଗାଡିଟି ସଂପୂର୍ଣ୍ଣ ପୋଡିଗଲା। ଭାଗ୍ୟବସତଃ ସେହି ଗାଡିରେ କେହି ନ ଥିଲେ।
ତେବେ ନିକଟସ୍ଥ ପାହାଳ ଏବଂ ଭୁବନେଶ୍ବର ଅଗ୍ନିଶମ ବିଭାଗ ଆସି ଏହି ଗାଡିଟିରୁ ନିଆଁ ଲିଭାଇଥିଲେ। ତେବେ ଏହି ଗାଡିରେ ନିଆଁ ଲାଗିବା ପରେ ସାରା ଅଞ୍ଚଳ ପୁରା ଧୂଆଁମୟ ହୋଇଯାଇଥିଲା। ଏପରିକି ପାଖରେ ଥିବା ତିନୋଟି ମୋଟରସାଇକେଲ ଏହି ନିଆଁ ଯୋଗୁଁ ଆଂଶିକ ପୋଡିଯାଇଥିବାର ଜଣାପଡିଛି।