ଚେନ୍ନାଇ: ଭାରତ ଏବଂ ଇଂଲଣ୍ଡ ମଧ୍ୟରେ ଖେଳାଯାଉଥିବା ଦ୍ଵିତୀୟ ଟେଷ୍ଟର ଆଜି ତୃତୀୟ ଦିନ ଖେଳ ସମାପ୍ତ ହୋଇଛି। ଭାରତ ଦ୍ଵିତୀୟ ଇନିଂସରେ ଇଂଲଣ୍ଡକୁ ୪୮୨ ରନ ଟାର୍ଗେଟ ଦେଇଛି। ଜବାବରେ ତୃତୀୟ ଦିନ ଖେଳ ଶେଷ ସୁଦ୍ଧା ଇଂଲଣ୍ଡ ୫୩ ରନରେ ୩ ଟି ୱିକେଟ ହରାଇଛି। ଏହି ମ୍ୟାଚ ଜିତିବା ଲାଗି କୋହଲୀ ବାହିନୀକୁ ଆଉ ଇଂଲଣ୍ଡର ୭ ଟି ୱିକେଟ ଆବଶ୍ୟକ କରୁଛି।
ଆଜିର ଦିନଟି ସ୍ଥାନୀୟ ଖେଳାଳି ରବିଚନ୍ଦ୍ରନ ଅଶ୍ଵିନୀଙ୍କ ନାମରେ ରହିଛି। ସେ ନିଜ ଟେଷ୍ଟ କ୍ୟାରିୟରର ପଞ୍ଚମ ଶତକ ହାସଲ କରିଛନ୍ତି। ଅଶ୍ଵିନୀ ଆଜି ଚମତ୍କାର ୧୦୬ ରନ ସଂଗ୍ରହ କରିଥିଲେ। ଏହା ସହିତ ଅଧିନାୟକ ବିରାଟ କୋହଲୀ ମଧ୍ୟ ୬୨ ରନର ପାଳି ଖେଳିଥିଲେ।