Categories
ଆଞ୍ଚଳିକ

ବାଣପୁର ଓ ଚିଲିକାର ସମସ୍ତ ଜଗନ୍ନାଥ ମନ୍ଦିରର ପ୍ରତିନିଧିଙ୍କୁ ନେଇ ଗଠିତ ହେଲା ଶ୍ରୀଜଗନ୍ନାଥ ମନ୍ଦିର ସମନ୍ବୟ ପରିଷଦ

ବାଣପୁର (ସୀତାରାମ ଅଗ୍ରୱାଲ): ପ୍ରଥମ ଥର ପାଇଁ ଖୋର୍ଦ୍ଧା ଜିଲ୍ଲା ବାଣପୁର ମଣ୍ଡଳ ଓ ଚ଼ିଲିକା ମଣ୍ଡଳରେ ଥିବା ସମସ୍ତ ଜଗନ୍ନାଥ ମନ୍ଦିରର ପରିଚାଳନା କମିଟିର ପ୍ରମୁଖ ମାନଙ୍କୁ ନେଇ “ଶ୍ରୀଜଗନ୍ନାଥ ମନ୍ଦିର ସମନ୍ବୟ ପରିଷଦ” ଗଠିତ ହୋଇଯାଇଛି। ଆଞ୍ଚଳିକ ସ୍ତରରେ ଥିବା ଶ୍ରୀଜଗନ୍ନାଥ ମନ୍ଦିରଗୁଡ଼ିକର ସୁରକ୍ଷା ସହିତ ଜଗନ୍ନାଥ ଧର୍ମ,ଐତିହ୍ୟ, ସଂସ୍କୃତି, ଚ଼େତନାର ପ୍ରଚାର ପ୍ରସାରର ଲକ୍ଷ୍ୟ ରଖି କାଙ୍କଣ ଶିଖରୀ ଲୀଳାକ୍ଷେତ୍ର ଟ୍ରଷ୍ଟର ମୁଖ୍ୟ ଡ଼ା ସୁଶାନ୍ତ କୁମାର ସାହୁଙ୍କ ଆବାହକତ୍ଵରେ ଏବଂ ଭାଟପଡ଼ାଗଡ଼ ଦଳବେହେରା ମାନବେନ୍ଦ୍ର ମହାରଥାଙ୍କ ସଭାପତିତ୍ବରେ ଗଡ଼ଠାକୁରଦଧିବାମନଜୀଉଙ୍କ ମନ୍ଦିର ନିକଟରେ ଏକ ଆଧ୍ୟାତ୍ମିକ ସମ୍ମିଳନୀ ଅନୁଷ୍ଠିତ ହୋଇଥିଲା।

ଶ୍ରୀଶ୍ରୀଦକ୍ଷେଶ୍ଵର ଭଗବତୀ ଦେବୋତ୍ତର କାର୍ଯ୍ୟାଳୟର କାର୍ଯ୍ୟନିର୍ବାହୀ ଅଧିକାରୀ ବାଳମୁକୁନ୍ଦ ଦାସଙ୍କ ପରିଚାଳନାରେ ଆୟୋଜିତ ଏହି ସମ୍ମିଳନୀରେ ଉଭୟ ମଣ୍ଡଳରେ ଥିବା ଜଗନ୍ନାଥ ମନ୍ଦିର ପରିଚାଳନା କମିଟିର ପ୍ରମୁଖମାନେ ଯୋଗ ଦେଇ ନିଜ ନିଜ ଅଞ୍ଚଳରେ ଥିବା ମନ୍ଦିରର ବିଭିନ୍ନ ସମସ୍ୟାଗୁଡ଼ିକ ଉପସ୍ଥାପନ କରିଥିଲେ ଏବଂ ଏଗୁଡ଼ିକର ସ୍ଥାୟୀ ସମାଧାନ ନହୋଇପାରିଲେ ଧୀରେ ଧୀରେ ମନ୍ଦିର ସହିତ ଶ୍ରୀଜଗନ୍ନାଥ ଧର୍ମ, ସଂସ୍କୃତି ,ଐତିହ୍ୟ ଲୋପ ପାଇଯିବ ବୋଲି ମତ ରଖିଥିଲେ।

ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଶ୍ରୀଜଗନ୍ନାଥ ସଂସ୍କୃତି, ଐତିହ୍ୟର ସୁରକ୍ଷା ଓ ପ୍ରଚାର ପ୍ରସାର ନିମନ୍ତେ ବର୍ତ୍ତମାନଯୁଗାନ୍ତକାରୀ ପଦକ୍ଷେପମାନ ଗ୍ରହଣ କରିଥିବାବେଳେ ଏବଂ ପ୍ରତି ପଞ୍ଚାୟତରେ ଥିବା ଶ୍ରୀଜଗନ୍ନାଥ ମନ୍ଦିରର ଉନ୍ନତିକରଣ ନିମନ୍ତେ ଆର୍ଥିକ ଅନୁଦାନ ଯୋଗାଇ ଦେଉଥିବା ବେଳେ ମନ୍ଦିରର ନୀତିକାନ୍ତି, ପୂଜାବିଧିବିଧାନ, ଭୋଗଲାଗି ଓ ପବପର୍ବାଣୀ ପରିଚାଳନା ନିମନ୍ତେ ଆବଶ୍ୟକ ପଡ଼ୁଥିବା ଅର୍ଥର ଅଭାବ ଦେଖାଦେଉଥିବାରୁ ବହୁ ସମସ୍ୟାର ସମ୍ମୁଖୀନ ହେବାକୁ ପଡୁଛି।

ମନ୍ଦିର ନାମରେ ଥିବା ଜମି ଜୁମା ଗୁଡ଼ିକରୁ ଆଦାୟ ଫସଲ ଧୀରେ ଧୀରେ ବନ୍ଦ ହେବାକୁ ଯାଉଥିବାରୁ ଜୀଉମାନଙ୍କ ପାଖରେ ପ୍ରତ୍ୟହ ଭଲରେ ଟିକେ ଭୋଗଲାଗି ହୋଇପାରୁ ନାହିଁ। କେତେକ ମନ୍ଦିର ସୁରକ୍ଷା ଅଭାବରୁ ଜରାଜୀର୍ଣ୍ଣ ଅବସ୍ଥାକୁ ଆସିଗଲାଣି। ସରକାରଙ୍କ ସାହାଯ୍ୟ ସମୁଦ୍ରକୁ ଶଙ୍ଖେପରି ଅନୁଭବ ହେଉଛି। ମନ୍ଦିରମାନଙ୍କରେ କାର୍ଯ୍ୟରତ ପୂଜାରୀମାନଙ୍କ ନିମନ୍ତେ ମାସିକ ଦରମା ର ସ୍ଥାୟୀବ୍ୟବସ୍ଥା ନ ହୋଇପାରୁଥିବାରୁ ପୂଜାରୀଟିଏ ମିଳିବା କଷ୍ଟକର ହୋଇପଡ଼ୁଛି ଫଳରେ ମନ୍ଦିରମାନଙ୍କରେ ତାଲା ଝୁଲିବା ଅବସ୍ଥା ଦେଖାଯାଉଛି। ଏ ଭଳି ସମସ୍ୟାଗୁଡ଼ିକର ସ୍ଥାୟୀ ପ୍ରତିକାର ନକଲେ ଧୀରେ ଧୀରେ ଏହି ମହାନ ସଂସ୍କୃତି ଲୋପପାଇଯିବ ବୋଲି ମତପ୍ରକାଶ କରି ଆଜିର ଏହି ନବଗଠିତ ସମନ୍ବୟ ପରିଷଦ ମାଧ୍ୟମରେ ସରକାରଙ୍କ ଦୃଷ୍ଟି ଆକର୍ଷଣ କରି ସମସ୍ୟାର ସମାଧାନ କରାଯାଇପାରିବ ବୋଲି ସମ୍ମିଳନୀରେ ସର୍ବସମ୍ମତ ମତ ପ୍ରକାଶ ପାଇଥିଲା।

ନବଗଠିତ ଏହି ପରିଷଦରେ ସଭାପତି ଡ଼ା ସୁଶାନ୍ତ କୁମାର ସାହୁ, ଉପସଭାପତି ଦାଶରଥିସାହୁ ଏବଂ ପ୍ରଫୁଲ୍ଲ କୁମାର ସାହୁ, ସାଧାରଣ ସଂପାଦକ ବାଳମୁକୁନ୍ଦ ଦାସ, ଯୁଗ୍ମ ସଂପାଦକ ପ୍ରଦୋଷ କୁମାର ଦାସ, ବୃନ୍ଦାବନ ମହାରଣା, ବଳଭଦ୍ର ବିଶୋଇ, ଅସୀତ ବରଣ ବଳିୟାର ସି, କୋଷାଧକ୍ଷ ସତ୍ୟେନ୍ଦ୍ର କୁମାର ସ୍ୱାଇଁ, ସହ କୋଷାଧ୍ୟକ୍ଷ ବିଭୁଧେନ୍ଧୁ କେଶରୀ ଭୋଳ, କାର୍ଯ୍ୟକାରୀ କମିଟିର ସଭ୍ୟ ନିରଞ୍ଜନ ମହାରଣା, ଶାରଳା ଦାସ, ଲକ୍ଷ୍ମୀଧର ବେହେରା, ମଦନ ମୋହନ ମହାନ୍ତି, ରୂପକକୁମାର ମହାନ୍ତି, ସଦେଇ ବାରିକୀ ଓ ସୁଧୀର ପଣ୍ଡା ଏବଂ ଉପଦେଷ୍ଠାମଣଳୀ ସଭ୍ୟ ଭାବରେ ମାନବେନ୍ଦ୍ର ମହାରଥା, ନୃସିଂହ ପ୍ରସାଦ ମିଶ୍ର, ବାବାପଦ୍ମପାଦ ଦାସ, ହାଡ଼ିବନ୍ଧୁ ପଟ୍ଟନାୟକ, ଗୌରୀ ଶଂକର ରଥ ଶର୍ମା, ସୁରେନ୍ଦ୍ରନାଥ ଜଗଦ୍ଦେବ ଓ ମଧୁସୂଦନ ସେନାପତି ମନୋନୀତ ହୋଇଥିଲେ।

ସ୍ଥାନୀୟ ଦାସକାଠିଆ କଳାକାରଙ୍କ ଦ୍ୱାରା ଲୋକସଂଗୀତ ଉପସ୍ଥାପନ କରାଯାଇଥିଲା। ପରିଶେଷରେ ପ୍ରଦୋଷକୁମାର ଦାସ ଧନ୍ୟବାଦାର୍ପଣ କରିଥିଲେ।

Categories
ଆଜିର ଖବର ରାଜ୍ୟ ଖବର

ବିଦାୟ ନେଲା ୨୦୨୩, ଆନନ୍ଦ, ଉତ୍ସାହ ଓ ଉଲ୍ଲାସର ସହ ଆରମ୍ଭ ହେଲା ନୂଆବର୍ଷ

ରଣପୁର: ସବୁଆଡେ ଆଜି ପୁରୁଣା ବର୍ଷ ୨୦୨୩ କୁ ବିଦାୟ ଦେଇ ନୂତନ ବର୍ଷ ୨୦୨୪ କୁ ସ୍ୱାଗତ କରାଯାଇଛି। ଏହି ଅବସରରେ ଲୋକମାନେ ପରିବାର, ବନ୍ଧୁବର୍ଗଙ୍କୁ ନୂତନ ବର୍ଷର ଶୁଭେଚ୍ଛା ଓ ଅଭିନନ୍ଦନ ଜଣାଇବା ସହ ବିଭିନ୍ନ ସ୍ଥାନ ବୁଲି ଭୋଜି ଭାତରେ ମଜି ଥିଲେ।

ଓଡିଶାରେ ଦ୍ଵିତୀୟ ଶ୍ରୀ କ୍ଷେତ୍ର ଭାବେ ପରିଚିତ ରଣପୁର ଜଗନ୍ନାଥ ମନ୍ଦିରରେ ମଧ୍ୟ ଆଜି ହଜାର ହଜାର ଭକ୍ତଙ୍କ ସମାଗମ ଦେଖିବାକୁ ମିଳିଥିଲା। ନୂତନ ବର୍ଷରେ ଭକ୍ତମାନେ ଜଗତର ନାଥ ଜଗନ୍ନାଥଙ୍କୁ ଦର୍ଶନ କରି ନୂତନ ବର୍ଷଟି ଭଲରେ ବିତିବା ପାଇଁ ପ୍ରଭୁଙ୍କୁ ନିବେଦନ କରିଥିଲେ। ଏହି ସମୟରେ ରଣପୁର ବଜାରରେ ସାମୟିକ ଭାବେ ଟ୍ରାଫିକ ସମସ୍ୟା ଦେଖା ଦେଇଥିଲା।

ଅନ୍ୟ ପଟେ ବେଶ ଜଣାଶୁଣା ସୁନାଖଳା ନିକଟସ୍ଥ କୋଟଗଡ଼ ପାର୍କର ସୌନ୍ଦର୍ଯ୍ୟକୁ ଉପଭୋଗ କରିବା ପାଇଁ ଆଜି ଲକ୍ଷାଧିକ ଲୋକଙ୍କ ଭିଡ଼ ଲାଗିଥିବା ଦେଖିବାକୁ ମିଳି ଥିଲା।  ଏଥିପାଇଁ ପ୍ରାୟ ୪ ଘଣ୍ଟା ଧରି କୋଟଗଡ଼ ପାର୍କ ଠାରୁ ସୁନାଖଳା ପର୍ଯ୍ୟନ୍ତ ଏବଂ ସୁନାଖଳା ଠାରୁ ଖୋର୍ଦ୍ଧା-ନୟାଗଡ଼ ରାସ୍ତାରେ ଯାନବାହାନଗୁଡିକ ଅଟକି ରହିଥିଲା। ଏଥିପାଇଁ ଘଣ୍ଟା ଘଣ୍ଟା ଧରି ଟ୍ରାଫିକ ସମସ୍ୟା ଦେଖା ଦେଇଥିଲା, ଯାହା ଫଳରେ ଯାତ୍ରୀମାନେ ଯିବା ଆସିବାରେ ବହୁ ସମସ୍ୟାର ସମ୍ମୁଖୀନ ହୋଇଥିଲେ।

ଶେଷରେ ସୁନାଖଳା ଫାଣ୍ଡି ଅଧିକାରୀ ପ୍ରୀତି ପ୍ରକାଶ ମହାନ୍ତି ପାର୍କରେ ପହଞ୍ଚି ଲୋକମାନଙ୍କ ପ୍ରବେଶକୁ ବନ୍ଦ କରି ପାର୍କର ଗେଟ ବନ୍ଦ କରିଥିଲେ। ଏହା ସ୍ୱତେ ଟ୍ରାଫିକ ସମସ୍ୟା ନ କମିବାରୁ ରଣପୁର ଥାନାର ସହାୟତା ନେଇଥିଲେ। ଫଳରେ ରଣପୁର ପୋଲିସ ଓ ସୁନାଖଳା ଫାଣ୍ଡି ପୋଲିସ ମିଳିତ ଭାବେ ପାର୍କ ନିକଟକୁ ଯାଇ ଟ୍ରାଫିକ ସମସ୍ୟାକୁ ଧୀରେ ଧୀରେ ଆୟତ୍ତଧୀନ କରିବା ପାଇଁ ଚେଷ୍ଟା କରିଥିଲେ। ପ୍ରଶାସନ ଏଥି ପ୍ରତି ଦୃଷ୍ଟି ଦେଇ ଏହାର ସ୍ଥାୟୀ ସମସ୍ୟା କରିବା ପାଇଁ ଗାଡିଚାଳକ, ପର୍ଯ୍ୟଟକ ଓ ବୁଦ୍ଧିଜୀବୀମାନେ ଦାବି କରିଛନ୍ତି।

Categories
ଆଞ୍ଚଳିକ

ବ୍ରହ୍ମପୁର ଲାୟନ୍ସ କ୍ଲବ ତରଫରୁ ନାରାୟଣ ସେବା କାର୍ଯକ୍ରମ ଅନୁଷ୍ଠିତ

ବ୍ରହ୍ମପୁର (କୈଳାଶ ଚନ୍ଦ୍ର ଚୌଧୁରୀ): ବ୍ରହ୍ମପୁର ଲାୟନ୍ସ କ୍ଲବ ତରଫରୁ ବିଜିପୁର କାଳୀ ମନ୍ଦିର ଓ ଗୋଷାଣୀ ନୁଆ ଗାଁ ଜଗନ୍ନାଥ ମନ୍ଦିରରେ ନାରାୟଣ ସେବା କାର୍ଯକ୍ରମ ଅନୁଷ୍ଠିତ ହୋଇଛି। ଏହି କାର୍ଯ୍ୟକ୍ରମ ରେ କିଛି ବେରୋଜଗାରୀ ବୟୋଜ୍ୟେଷ୍ଠ ବ୍ୟକ୍ତି ବିଶେଷଙ୍କୁ କ୍ଲବ ପକ୍ଷରୁ ଖାଦ୍ୟ ଓ ଫଳସହ ଟାୱାଲ୍ ଇତ୍ୟାଦି ବଣ୍ଟନ କରାଯାଇଛି।

ଉକ୍ତ କାର୍ଯ୍ୟକ୍ରମରେ ଲାୟନ୍ସ ପି ଧର୍ମା ରାଓ ଙ୍କ ସଂଯୋଜନାରେ ଅନୁଷ୍ଠିତ ଏହି କାର୍ଯ୍ୟକ୍ରମରେ କ୍ଲବ ଡେପୁଟି ଗଭର୍ଣ୍ଣର ସରସ୍ବତୀ ପାତ୍ର, କୁମଦିନୀ ଚୌଧୁରୀ, ସୁନୀତା ସାହୁ, ନମିତା ପାଢ଼ୀ, ସବିତା ସାହୁ ଓ ଗୀତାରାଣି ସାହୁ ପ୍ରମୁଖ ଯୋଗ ଦେଇ କାର୍ଯ୍ୟକ୍ରମ ପରିଚାଳନା କରିଥିଲେ।

Categories
ଆଞ୍ଚଳିକ

ମନ୍ଦିର ପାଇଁ ଉଦ୍ଧିଷ୍ଟ ଜମିରେ ବ୍ୟାପକ ବୃକ୍ଷ ରୋପଣ

କୁଜଙ୍ଗ: କୁଜଙ୍ଗ ବ୍ଲକ ତାଳଦଣ୍ଡା ସ୍ଥିତ ବ୍ରହ୍ମ ଜଗନ୍ନାଥ ମିଶନ ପକ୍ଷରୁ ଏହି ଅଞ୍ଚଳରେ ନିର୍ମାଣ ହେବାକୁ ଥିବା ଭବ୍ୟ ଜଗନ୍ନାଥ ମନ୍ଦିରର ପରିସରରେ ବ୍ୟାପକ ଫଳ ବୃକ୍ଷ ରୋପଣ କରାଯାଇଛି। ଏହି କାର‌୍ୟ୍ୟକ୍ରମକୁ ତିର୍ତ୍ତୋଲ ଅରିଲୋରୁ ସାଧୁ ନରହରି ଦାସ ଓ କୁଜଙ୍ଗ ବ୍ଲକର ପୂର୍ବତନ ବ୍ଲକ ଅଧ୍ୟକ୍ଷ ନରେନ୍ଦ୍ର କୁମାର ପରିଡାଙ୍କ କର କମଳରେ ଶୁଭାରମ୍ଭ କରାଯାଇଛି।

ଏହି ବୃକ୍ଷ ରୋପଣରେ ଉନ୍ନତ କିଷମ ଆମ୍ବ ସହ ପଣସ, ସପେଟା, ବିଭିନ୍ନ କୋଳି ଗଛ, ଔଷଧିୟ ବୃକ୍ଷ ଓ ବଉଳ ଗଛ ରୋପଣ କରାଯାଇଥିଲା। ମିଶନ ପକ୍ଷରୁ ସମାଜସେବୀ ସୁଦର୍ଶନ ଦାସ ଅତିଥି ତଥା ସହଯୋଗ କରିଥିବା ଅଞ୍ଚଳର ଯୁବକ ଓ ମୁରବୀ ମାନଙ୍କୁ କୃତଜ୍ଞତା ଜଣାଇଥିବା ବେଳେ ବର୍ଷା ପରେ ଏହି ପରିସରେ ହେବାକୁ ଥିବା ଭବ୍ୟ ମନ୍ଦିର ନିର୍ମାଣ ସହ ସାଧୁ ସନ୍ଥଙ୍କ ନିବାସ ସ୍ଥଳି ଓ ବୃଦ୍ଧା ଶ୍ରମକୁ ଅଖି ଆଗରେ ରଖି ବ୍ୟାପକ କାର‌୍ୟ୍ୟକ୍ରମ କରାଯାଉଛି ବୋଲି ସୂଚନା ମିଳିଛି।

Categories
ଆଜିର ଖବର ରାଜ୍ୟ ଖବର

୫ଟି ସଚିବଙ୍କ ଗସ୍ତ ନେଇ ରଣପୁର ଚଳଚଂଚଳ: ବବି, ଅରୁଣଙ୍କ ଜଗନ୍ନାଥ ମନ୍ଦିର ପରିଦର୍ଶନ

ରଣପୁର: ରାଜ୍ୟ ସରକାରଙ୍କ ୫ ଟି ସଚିବ ଭି.କାର୍ତ୍ତିକେନ ପାଣ୍ଡିଆନ ଗୁରୁବାର ରଣପୁର ଆସିବାର କାର୍ଯ୍ୟକ୍ରମ ରହିଛି। ସକାଳ ୯ ଟା ବେଳେ ଜେଲ ପଡିଆ ଠାରେ ହେଲିକ୍ୟାପଟର ରୁ ଅବତରଣ କରିବା ପାଇଁ ହେଲିପ୍ୟାଡର ନିର୍ମାଣ ସରିଛି। ସେଥିପାଇଁ ଆଜି ରଣପୁର ଚଳଚଂଚଳ ହୋଇଥିବା ବେଳେ ବହୁ ଗୁରୁତ୍ୱପୂର୍ଣ୍ଣ ଲୋକ ଆଜି ରଣପୁର ଆସି ପରିଦର୍ଶନ କରିଥିବାଦେଖିବାକୁ ମିଳିଛି।

ଆସନ୍ତାକାଲି ସକାଳେ ୫ଟି ସଚିବ ଶ୍ରୀ ପାଣ୍ଡିଆନ ରଣପୁର ରେ ଆସିମପହଚିଂବେ। ପରେ ସେ ମଣିନାଗ ପୀଠ ଯାଇ ମା କୁ ଦର୍ଶନ କରିବା ସହ ତଳ  ମଣିନାଗ ଓ ଉପର ମଣିନାଗ ର କିଭଳି ଉନ୍ନତି ହୋଇ ପାରିବ ସେ ଉପରେ ସମିକ୍ଷା କରିବେ। ପରେ ରଣପୁର ଜଗନ୍ନାଥ ମନ୍ଦିର ଆସି  ଶ୍ରୀଜିୟୁ ଙ୍କୁ ଦର୍ଶନ କରିବେ। ଓଡିଶାର ଅନେକ ଜଗନ୍ନାଥ ମନ୍ଦିରକୁ ରାଜ୍ୟ ସରକାର ଉନ୍ନତି କରଣ ପାଇଁ ଅର୍ଥ ଯୋଗାଇ ଦେଇଥିବା ବେଳେ ଓଡିଶାର ଦ୍ୱିତୀୟ ଶ୍ରୀ କ୍ଷେତ୍ର ଭାବେ ପରିଚିତ ରଣପୁର ଜଗନ୍ନାଥ ମନ୍ଦିର କୁ ଅଣଦେଖା କରାଯାଉଥିବା ଅଭିଯୋଗ ହୋଇଥିଲା।

୫ ଟି ସଚିବ ଦର୍ଶନ କୁ ଆସିବା ପରେ ଜଗନ୍ନାଥ ମନ୍ଦିର ର ଉନ୍ନତି ହୋଇ ପାରିବ ବୋଲି ମତ ପ୍ରକାଶ ପାଇଛି। ନୂତନ ଭାବେ ନିର୍ମାଣ ହୋଇଥିବା ମେଡିକାଲ ଉଦଘାଟନ ହେବାର କାର୍ଯ୍ୟକ୍ରମ ରହିଛି। ପରେ ୫ ଟି ସଚିବ ରଣପୁର ମିନିଷ୍ଟାଡିୟମ ରେ ମିଶନଶକ୍ତି ମହିଳା ମାନଙ୍କୁ ଉଦ୍ଦବୋଧନ ଦେବେ। ୫ ଟି ଗ୍ରସ୍ତ ପୂର୍ବରୁ ଆଜି ରଣପୁର ଚଲଚଂଚଲ ହୋଇଯାଇଛି।

ସକାଳେ  ବିଜେଡି ସାଙ୍ଗଠନିକ ସଂପାଦକ ପ୍ରଣବ ପ୍ରକାଶ ଦାସ (ବବି), ନୟାଗଡ ବିଧାୟକ ଅରୁଣ ସାହୁ, ରଣପୁର ବିଧାୟକ ସତ୍ୟନାରାୟଣ ପ୍ରଧାନ, ନୟାଗଡ ଜିଲ୍ଲାପରିଷଦ ଅଧକ୍ଷ ଦେବାଶିଷ୍ ପଟନାୟକ, ଏନଏସି ଅଧକ୍ଷା ରଙ୍ଗିନ ମହାନ୍ତି ପ୍ରମୁଖ ବିଭିନ୍ନ ମିନିଷ୍ଟାଡିୟମ ଯାଇ ତଦାରଖ କରିଥିଲେ। ସେହି ପରି ସନ୍ଧ୍ୟାରେ ନୟାଗଡ ଏସପି ରାହୁଲ ଜୈନ ରଣପୁର ଆସି ଜଗନ୍ନାଥ ଦର୍ଶନ କରିବା ସହ ବିଭିନ୍ନ ଅଚଂଳ ପରିଦର୍ଶନ କରିଥିବା ଜଣାଯାଇଛି।

ଅପରପକ୍ଷରେ ମୁଖ୍ୟ ମନ୍ତ୍ରୀ ଙ୍କର ବ୍ୟକ୍ତିଗତ ସଚିବ ତଥା ୫ ଟି ସଚିବ ଙ୍କର ରଣପୁର ଗ୍ରସ୍ତ କାର୍ଯ୍ୟକ୍ରମ ପରିପେକ୍ଷେ କଂଗ୍ରେସ ଏକ ୭ ଦଫା ଦାବି ପତ୍ର ରାଷ୍ଟିୟ ମଜଦୁର କଂଗ୍ରେସର ରାଷ୍ଟିୟ ସମ୍ପାଦକ  ସତ୍ୟବ୍ରତ ନାୟକ ଏକ ପ୍ରେସ ବ୍ରର୍ତା ଜଣାଯାଛନ୍ତି। ସେତାଙ୍କ ୭ ଦଫା ଦାବି ପତ୍ର ରେ ଚାନ୍ଦପୁର ଠାରେ ଥିବା ବସନ୍ତ ମଞ୍ଜରୀ ସ୍ୱାସ୍ଥ୍ୟା ନିବାସକୁ ସୁପର ସ୍ପୋଲିଷ୍ଟ  ହସ୍ପିଟାଲ, ଭେଟବର ଜଳସେଚନ ପ୍ରକଳ୍ପ ପୂନ୍ନ ଉଧାର,କୃଷିଜାତ ସାମଗ୍ରିର ରକ୍ଷାଣବେକ୍ଷାଣ ପାଇଁ ଶୀତଳ ଭଣ୍ଡାର, ବାଂଛା ବନ୍ଧର ପୂର୍ଣ୍ଣ ଉଧାର, ଜଗନ୍ନାଥ ଓ ମଣିନାଗ ମନ୍ଦିର ଉନ୍ନତି ପାଇଁ ଅର୍ଥ ଅନୁଦାନ ଓ ରଣପୁର ଏକ ସବଡିଭେଜନର ମାନ୍ୟତା ଦେବାପାଇଁ  କଂଗ୍ରେସ ଦାବି କରିଛି।

କଂଗ୍ରେସ ତରଫରୁ  ୫ଟି ସଚିବ ଙ୍କ ଗ୍ରସ୍ତ ତାର ଅଭିମୁଖ୍ୟ ସ୍ପଷ୍ଟ କରିଥିବା ବେଳେ ବିଜେପି ର ପ୍ରତିକ୍ରିୟା ଜଣାପଡିନାହିଁ। ରାତି ପାହିଲେ ୫ ଟି ସଚିବ ରଣପୁର ଗ୍ରସ୍ତ କରିବେ। ବିଜେଡିର ହେବି ୱଟ ନେତା ମାନେ ରଣପୁର ଗ୍ରସ୍ତ କରି ସାରିଲେଣି କିନ୍ତୁ ଗଣମାଧ୍ୟମ ପାଖରେ ୫ ଟି ଗ୍ରସ୍ତ ନେଇ କୈାଣସି ସୂଚନା ପାଇନଥିବାରୁ ସାମ୍ବାଦିକ ମହଲରେ ଅସନ୍ତୋଷ ପ୍ରକାଶ ପାଇଛି।

Categories
ଆଜିର ଖବର ଜାତୀୟ ଖବର ଧର୍ମ

ଏମିତି ଏକ ଜଗନ୍ନାଥ ମନ୍ଦିର ଅଛି, ଯେଉଁଠାରେ ବର୍ଷା ହେବାର ମିଳିଥାଏ ପୂର୍ବାନୁମାନ

ନୂଆଦିଲ୍ଲୀ: ଭାରତରେ ଏପରି ଅନେକ ମନ୍ଦିର ଅଛି, ଯାହାର ଅନେକ ରହସ୍ୟ ରହିଛି। ଏପରି ଏକ ରହସ୍ୟମୟ ମନ୍ଦିର ଉତ୍ତରପ୍ରଦେଶର କାନପୁରରେ ଅବସ୍ଥିତ ବେହେଟା ଗ୍ରାମରେ ଅଛି। ଭଗବାନ ଜଗନ୍ନାଥଙ୍କ ଏହି ମନ୍ଦିର ଚମତ୍କାରିତା ପ୍ରକୃତି ପାଇଁ ପ୍ରସିଦ୍ଧ। ଏହି ମନ୍ଦିର ବର୍ଷାର ପୂର୍ବାନୁମାନ କରେ। କାନପୁରର ଭିତରଗାଓଁ ବ୍ଲକଠାରୁ ତିନି କିଲୋମିଟର ଦୂରରେ ଅବସ୍ଥିତ ଏହି ମନ୍ଦିର ଭଗବାନ ଜଗନ୍ନାଥଙ୍କ ମନ୍ଦିର ମଧ୍ୟରୁ ଅନ୍ୟତମ। ଲୋକଙ୍କ ବିଶ୍ଵାସ ଏହି ମନ୍ଦିର ସହିତ ଏପରି ଭାବରେ ଜଡିତ ଯେ ଲୋକମାନେ ଦୂରଦୂରାନ୍ତରୁ ଦର୍ଶନ ପାଇବାକୁ ଆସନ୍ତି।

ଏଠାରେ ସ୍ଥାନୀୟ ଲୋକ କୁହନ୍ତି ଯେ, ବର୍ଷା ହେବାର ଛଅ-ସାତ ଦିନ ପୂର୍ବରୁ ମଧ୍ୟ ମନ୍ଦିର ଛାତରୁ ପାଣି ବୁନ୍ଦା ଆରମ୍ଭ ହୋଇଯାଏ। ଏହି ବୁନ୍ଦା ଆକାର ଅନୁଯାୟୀ ବର୍ଷା ପାଣି ମଧ୍ୟ ପଡିଥାଏ। ମନ୍ଦିର ବିଷୟରେ ସବୁଠାରୁ ଅନନ୍ୟ କଥା ହେଉଛି ବର୍ଷା ଆରମ୍ଭ ହେବା ମାତ୍ରେ ମନ୍ଦିରର ଛାତ ଭିତରୁ ସମ୍ପୂର୍ଣ୍ଣ ଶୁଖିଯାଏ।

ମନ୍ଦିର ବିଷୟରେ ଅନେକ ରହସ୍ୟମୟ ଜିନିଷ ଅଛି। ଆଜି ପର୍ଯ୍ୟନ୍ତ କେହି ଏହି ମନ୍ଦିର ବିଷୟରେ ଜାଣିପାରି ନାହାଁନ୍ତି, ଏହି ମନ୍ଦିରଟି କେତେ ପୁରୁଣା ଏବଂ ଏହାର ଛାତରୁ ପାଣି କିପରି ଖସିଥାଏ ଏବଂ କେବେ ବନ୍ଦ ହୋଇଯାଏ। କୁହାଯାଏ ଯେ ପ୍ରତ୍ନତତ୍ତ୍ୱ ବିଭାଗର ଲୋକ ଏବଂ ବୈଜ୍ଞାନିକମାନେ ଏଠାକୁ ଅନେକ ଥର ଆସିଥିଲେ, କିନ୍ତୁ ଏହି ରହସ୍ୟ ଜାଣିବାରେ ବିଫଳ ହୋଇଥିଲେ।

ଏହି ମନ୍ଦିରରେ ପ୍ରଭୁ ଜଗନ୍ନାଥଙ୍କର ଏକ ପ୍ରତିମା ଅଛି। ଏଥିରେ ଭଗବାନ ବିଷ୍ଣୁଙ୍କର ୨୪ ଅବତାର ଦେଖିବାକୁ ମିଳେ। ଏହି ୨୪ ଅବତାରରେ କଳି ଯୁଗରେ ଅବତାରିତ ପ୍ରଭୁ କଲ୍କିଙ୍କ ପ୍ରତିମା ମଧ୍ୟ ପ୍ରତିଷ୍ଠିତ ହୋଇଛି।

ମନ୍ଦିରର ଗମ୍ବୁଜ ଉପରେ ଏକ ବୃତ୍ତ ଅଛି, ଯେଉଁ କାରଣରୁ ଆଜି ପର୍ଯ୍ୟନ୍ତ ଏଠାରେ ବଜ୍ରପାତ ହୋଇନାହିଁ।

ଏହି ମନ୍ଦିରର ଗଠନ ଏକ ବୌଦ୍ଧ ମଠ ପରି, ଯାହାର କାନ୍ଥ ୧୪ ଫୁଟ ମୋଟା। ଏଥିରୁ ଅନୁମାନ କରାଯାଏ ଯେ ସମ୍ରାଟ ଅଶୋକାଙ୍କ ସମୟରେ ଏହି ମନ୍ଦିର ନିର୍ମାଣ କରାଯାଇଥିଲା। ମନ୍ଦିର ବାହାରେ ଏକ ମୟୂର ଚିହ୍ନ ଏବଂ ଚକ୍ର ଚିହ୍ନ ଅଛି, ଯେଉଁଠାରୁ ଅନୁମାନ କରାଯାଏ ଯେ ଏହା ଚକ୍ରବର୍ତ୍ତୀ ସମ୍ରାଟ ହର୍ଷବର୍ଦ୍ଧନଙ୍କ ଶାସନ କାଳରେ ତିଆରି ହୋଇଥଲା।

Categories
ଆଜିର ଖବର ରାଜ୍ୟ ଖବର ସଂସ୍କୃତି

ଦ୍ୱିତୀୟ ଶ୍ରୀକ୍ଷେତ୍ର ରଣପୁର ରଥଯାତ୍ରା ପ୍ରସ୍ତୁତି ବୈଠକ ଅନୁଷ୍ଠିତ

ରଣପୁର: ଦ୍ୱିତୀୟ ଶ୍ରୀକ୍ଷେତ୍ର ଭାବେ ପରିଚିତ ନୟାଗଡ ଜିଲ୍ଲା ରଣପୁର ଜଗନ୍ନାଥ ମନ୍ଦିରରେ ଆସନ୍ତା ଜୁନ୍ ମାସ ଆଷାଢ ଶୁକ୍ଳ ପକ୍ଷ ଦ୍ୱିତୀୟା ତିଥି ମଙ୍ଗଳବାରରେ ଅନୁଷ୍ଠିତ ହେବ ଠାକୁରମାନଙ୍କ ଘୋଷଯାତ୍ରା। ସେଥିପାଇଁ ଅକ୍ଷି ତୃତୀୟା ଠାରୁ ରଥ ଖଳାରେ ରଥ ନିର୍ମାଣ କାର୍ଯ୍ୟ ଅନୁକୂଳ କରାଯାଇଛି। ଏହି ଯାତ୍ରାକୁ କିଭଳି ଭାବେ ସରସ ସୁନ୍ଦର ସହିତ ଆଇନ ଶୃଙ୍ଖଳା ଓ ବିଭିନ୍ନ ଏଜେଣ୍ଡାକୁ ନେଇ ସୋମବାର ଦିନ ରଣପୁର ବ୍ଲକ ପରିସରରେ ଥିବା ପଚାୟତ ସମିତିର ବୈଠକ ଘରେ ଏକ ବୈଠକ ଅନୁଷ୍ଠିତ ହୋଇଯାଇଛି।

ଏହି ବୈଠକ ରଣପୁର ତହସିଲଦାର ତଥା ଦେବୋତ୍ତର ବିଭାଗର କାର୍ଯ୍ୟ ନିର୍ବାହୀ ଅଧିକାରୀ ଇପ୍ସିତ କୁମାର ସାହୁଙ୍କ ସଭାପତିତ୍ୱରେ ଏହି ବୈଠକ ଅନୁଷ୍ଠିତ ହୋଇଯାଇଛି। ଏହି ବୈଠକରେ ରଣପୁର ବିଧାୟକ ସତ୍ୟ ନାରାୟଣ ପ୍ରଧାନ, ବ୍ଲକ ଅଧ୍ୟକ୍ଷା ନିର୍ମଳା ବେହେରା, ରଣପୁର ସାଂସଦ ପ୍ରତିନିଧି ସ୍ୱରାଜ ମହାନ୍ତି, ଅତିରିକ୍ତ ତହସିଲଦାର ଅବିନାଶ କୁମାର ମାହର, ରେଞ୍ଜର ଦେବାଶିଷ ଭୋଇ, ସବ୍‌-ଇନସପପେକ୍‌ଟର ସଞ୍ଜୟ କୁମାର ପରିଡା, ରଣପୁର ଗୋଷ୍ଠୀ ସ୍ୱସ୍ଥ୍ୟ ଅଧିକାରୀ ବୈଦ୍ୟନାଥ ଭୋଇ ପ୍ରମୂଖ ମଂଚାସୀନ ଥିଲେ।

ଦେବୋତ୍ତର ମ୍ୟାନେଜର ରମେଶ ଚନ୍ଦ୍ର ପ୍ରଧାନ ବିଭିନ୍ନ ଏଜେଣ୍ଡା ଉପସ୍ଥାପନା କରିଥିଲେ। ରଥ କାଠ ସଂଗ୍ରହ, ରଥ ପ୍ରତିଷ୍ଠା, ରଥଯାତ୍ରା ସମୟରେ ଆଇନ ଶୃଙ୍ଖଳା ଓ ଟ୍ରାଫିକ ବ୍ୟବସ୍ଥା ସମାଧାନ, ପରିମଳ ବ୍ୟବସ୍ଥା ସହ ପାନୀୟ ଜଳ ବ୍ୟବସ୍ଥା, ରଥଯାତ୍ରା ସମୟରେ ମେଡିକାଲ ସେବା କ୍ୟାମ୍ପ, ଶ୍ରୀ ମନ୍ଦିର ଓ ପାଶ୍ୱର୍ ଦେବାଦେବୀଙ୍କ ମନ୍ଦିର ରଙ୍ଗ ଦେବା, ଦମକଳ ବାହିନୀ ସଜାଗ ରହିବା, ବିଜୁଳି ବ୍ୟବସ୍ଥା, ବାଇପାସ୍ ରାସ୍ତା ମରାମତି, ନୀତି ନିର୍ଘଂଟ କମିଟି, ରଥ ପରିଚାଳନା କମିଟି, ଶୃଙ୍ଖଳା କମିଟି, ପ୍ରଚାର ପ୍ରସାର କମିଟି, ଧାରା ବିବରଣୀ କମିଟି, ୧୪୪ ଧାରା ବ୍ୟବସ୍ଥା, ରାଜା ସାହେବଙ୍କ ଛେରା ପହଁରା, ଖାଦ୍ୟ କମିଟି ଆଦି ଏଜେଣ୍ଡା ବିଷୟରେ ଆଲୋଚନା କରାଯାଇଥିଲା।

ଏହି ବୈଠକରେ ଅବସରପ୍ରାପ୍ତ ଖାଉଟି ଫୋରମ ଅଧିକାରୀ ନାରାୟଣ ମହାପାତ୍ର, ଚୈତନ୍ୟ ମଠ ର ମହନ୍ତ ପର୍ଶୁରାମ ଦାଶ ମହାରାଜ ନଗର ସଭାପତି ଲିଙ୍ଗରାଜ ନାୟକ, ବିରଂଚି ନାରାୟଣ ତ୍ରିପାଠି, ସତ୍ୟ ନାରାୟଣ ମହାପାତ୍ର, ସୁଶାନ୍ତ ମିଶ୍ର, ସୁରେଶ ମିଶ୍ରଙ୍କ ସମେତ ସମସ୍ତ ପୂଜା ପଣ୍ଡା, ସେବାୟତ, ବିଭିନ୍ନ ସରକାରୀ ଅଧିକାରୀ, ସାମ୍ବାଦିକ, ରଥ କାରିଗର, ଯୁବପିଢି ଉପସ୍ଥିତ ରହି ନିଜ ମତାମତ ଉପସ୍ଥାପନା କରିଥିଲେ।

Categories
ଅନ୍ତରାଷ୍ଟ୍ରୀୟ ଆଜିର ଖବର ଜାତୀୟ ଖବର ଧର୍ମ ବ୍ୟବସାୟ

ଲଣ୍ଡନରେ ନିର୍ମିତ ହେବ ପ୍ରଥମ ଜଗନ୍ନାଥ ମନ୍ଦିର: ୨୫୦ କୋଟିରୁ ଉର୍ଦ୍ଧ୍ଵ ଟଙ୍କା ଦେବେ ଏହି ଓଡ଼ିଶା ବ୍ୟବସାୟୀ

ଲଣ୍ଡନ: ବ୍ରିଟେନରେ କାର୍ଯ୍ୟ କରୁଥିବା ଏକ ଦାନକାରୀ ସଂସ୍ଥା ଲଣ୍ଡନରେ ପ୍ରଭୁ ଜଗନ୍ନାଥଙ୍କ ପ୍ରଥମ ମନ୍ଦିର ନିର୍ମାଣ କରିବାକୁ ଯୋଜନା କରୁଛି। ତାଙ୍କ ଯୋଜନାକୁ ସମର୍ଥନ କରି ଓଡିଶାର ଜଣେ ଉଦ୍ୟୋଗୀ ୨୫ ନିୟୁତ ପାଉଣ୍ଡ (ପ୍ରାୟ ୨୫୪ କୋଟି ୪୦ ଲକ୍ଷ ୩୨ ହଜାର ୫୦୦ ଟଙ୍କା) ଦେବାକୁ ପ୍ରତିଶ୍ରୁତି ଦେଇଛନ୍ତି ଏବଂ ଆସନ୍ତା ବର୍ଷ ଶେଷ ସୁଦ୍ଧା ମନ୍ଦିର ନିର୍ମାଣର ପ୍ରଥମ ପର୍ଯ୍ୟାୟ କାର୍ଯ୍ୟ କରାଯିବ ବୋଲି ଆଶା ପ୍ରକଟ କରିଛନ୍ତି। ଇଂଲଣ୍ଡର ଚାରିଟି କମିଶନଙ୍କ ନିକଟରେ ପଞ୍ଜୀକୃତ ଶ୍ରୀ ଜଗନ୍ନାଥ ସୋସାଇଟି (SJS) କହିଛି ଯେ, ରବିବାର ଦିନ ଲଣ୍ଡନରେ ଆୟୋଜିତ ହୋଇଥିବା ପ୍ରଥମ ଶ୍ରୀ ଜଗନ୍ନାଥ ସମ୍ମିଳନୀରେ ବିଶ୍ୱ ଭାରତୀୟ ନିବେଶକ ବିଶ୍ୱନାଥ ପଟ୍ଟନାୟକ ଏହି ପ୍ରତିଶ୍ରୁତି ଦେଇଛନ୍ତି।

ଫିନନେଷ୍ଟ ଗ୍ରୁପର ପ୍ରତିଷ୍ଠାତା ଶ୍ରୀ ପଟ୍ଟନାୟକ ଏବଂ କମ୍ପାନୀର ପରିଚାଳନା ନିର୍ଦ୍ଦେଶକ ଅର୍ଜୁନ କର ଏହି ପ୍ରକଳ୍ପର ମୁଖ୍ୟ ଦାତାମାନଙ୍କ ମଧ୍ୟରେ ଅଛନ୍ତି।

ଏହି ଅବସରରେ CAR ଘୋଷଣା କରିଛି ଯେ, ବିଶ୍ୱନାଥ ପଟ୍ଟନାୟକ ଲଣ୍ଡନରେ ପ୍ରଭୁ ଜଗନ୍ନାଥଙ୍କ ଉଦ୍ଦେଶ୍ୟରେ ଉତ୍ସର୍ଗୀକୃତ ଏକ ବିଶାଳ ମନ୍ଦିର ନିର୍ମାଣ ପାଇଁ ୨୫ ମିଲିୟନ୍ ପାଉଣ୍ଡ ପ୍ରତିଶ୍ରୁତି ଦେଇଛନ୍ତି, ଯାହା ସେ ପରିଚାଳନା କରୁଥିବା ଫିନନେଷ୍ଟ କମ୍ପାନୀ ଦ୍ଵାରା ଆର୍ଥିକ ଅନୁଦାନ ପ୍ରାପ୍ତ ହେବ।

କାର୍ ପ୍ରକାଶ କରିଛନ୍ତି ଯେ, ଏହି ମନ୍ଦିର ନିର୍ମାଣ ଲାଗି ୧୫ ଏକର ଜମି କିଣିବା ପାଇଁ ୭ ମିଲିୟନ୍ ପାଉଣ୍ଡ ପ୍ରତିଶ୍ରୁତି ପାଇଛି, ଯାହା ଶ୍ରୀ ଜଗନ୍ନାଥ ମନ୍ଦିର ଲଣ୍ଡନ ନାମରେ ପରିଚିତ ହେବ।

Categories
ଆଜିର ଖବର ଧର୍ମ ରାଜ୍ୟ ଖବର ସଂସ୍କୃତି

ରଣପୁର ରଥଯାତ୍ରା ପାଇଁ ଆସିଲା କାଠ

ରଣପୁର: ଓଡିଶାର ଦ୍ୱିତୀୟ ଶ୍ରୀକ୍ଷେତ୍ର ଭାବେ ପରିଚିତ ନୟାଗଡ ଜିଲ୍ଲା ରଣପୁର ଜଗନ୍ନାଥ ମନ୍ଦିରର ୨୦୨୩ ରଥଯାତ୍ରା ପାଇଁ ରଥଖଳାରେ ଗତକକାଲି ଠାରୁ ରଥ ନିର୍ମାଣ ପାଇଁ କାଠ ଆସି ପହଂଚି ସାରିଛି। ଆଗାମୀ ୨୩ ତାରିଖରେ ଅକ୍ଷୟ ତୃତୀୟାରେ ରଥ କାଠ ଅନୂକୂଳ କରାଯିବ। ଏହା ସହ ଜଗନ୍ନାଥଙ୍କର ଚଳନ୍ତି ପ୍ରତିମା ମଦନ ମୋହନଙ୍କ ସହ ପଞ୍ଚୁ ମହାଦେବ ବଧି ପୋଖରୀରେ ଚନ୍ଦନ ଯାତ୍ରା କରିବେ। ଅକ୍ଷୟ ତୃତୀୟା ଠାରୁ ତିନି ରଥ ପାଇଁ ତିନୋଟି କାଠ ଅନୁକୂଳ କରାଯିବ।

Categories
ଆଜିର ଖବର ଜାତୀୟ ଖବର ଧର୍ମ

ଏମିତି ଏକ ଜଗନ୍ନାଥ ମନ୍ଦିର ଅଛି, ଯେଉଁଠାରେ ବର୍ଷା ହେବାର ମିଳିଥାଏ ପୂର୍ବାନୁମାନ

ନୂଆଦିଲ୍ଲୀ: ଭାରତରେ ଏପରି ଅନେକ ମନ୍ଦିର ଅଛି, ଯାହାର ଅନେକ ରହସ୍ୟ ରହିଛି। ଏପରି ଏକ ରହସ୍ୟମୟ ମନ୍ଦିର ଉତ୍ତରପ୍ରଦେଶର କାନପୁରରେ ଅବସ୍ଥିତ ବେହେଟା ଗ୍ରାମରେ ଅଛି। ଭଗବାନ ଜଗନ୍ନାଥଙ୍କ ଏହି ମନ୍ଦିର ଚମତ୍କାରିତା ପ୍ରକୃତି ପାଇଁ ପ୍ରସିଦ୍ଧ। ଏହି ମନ୍ଦିର ବର୍ଷାର ପୂର୍ବାନୁମାନ କରେ। କାନପୁରର ଭିତରଗାଓଁ ବ୍ଲକଠାରୁ ତିନି କିଲୋମିଟର ଦୂରରେ ଅବସ୍ଥିତ ଏହି ମନ୍ଦିର ଭଗବାନ ଜଗନ୍ନାଥଙ୍କ ମନ୍ଦିର ମଧ୍ୟରୁ ଅନ୍ୟତମ। ଲୋକଙ୍କ ବିଶ୍ଵାସ ଏହି ମନ୍ଦିର ସହିତ ଏପରି ଭାବରେ ଜଡିତ ଯେ ଲୋକମାନେ ଦୂରଦୂରାନ୍ତରୁ ଦର୍ଶନ ପାଇବାକୁ ଆସନ୍ତି।

ଏଠାରେ ସ୍ଥାନୀୟ ଲୋକ କୁହନ୍ତି ଯେ, ବର୍ଷା ହେବାର ଛଅ-ସାତ ଦିନ ପୂର୍ବରୁ ମଧ୍ୟ ମନ୍ଦିର ଛାତରୁ ପାଣି ବୁନ୍ଦା ଆରମ୍ଭ ହୋଇଯାଏ। ଏହି ବୁନ୍ଦା ଆକାର ଅନୁଯାୟୀ ବର୍ଷା ପାଣି ମଧ୍ୟ ପଡିଥାଏ। ମନ୍ଦିର ବିଷୟରେ ସବୁଠାରୁ ଅନନ୍ୟ କଥା ହେଉଛି ବର୍ଷା ଆରମ୍ଭ ହେବା ମାତ୍ରେ ମନ୍ଦିରର ଛାତ ଭିତରୁ ସମ୍ପୂର୍ଣ୍ଣ ଶୁଖିଯାଏ।

ମନ୍ଦିର ବିଷୟରେ ଅନେକ ରହସ୍ୟମୟ ଜିନିଷ ଅଛି। ଆଜି ପର୍ଯ୍ୟନ୍ତ କେହି ଏହି ମନ୍ଦିର ବିଷୟରେ ଜାଣିପାରି ନାହାଁନ୍ତି, ଏହି ମନ୍ଦିରଟି କେତେ ପୁରୁଣା ଏବଂ ଏହାର ଛାତରୁ ପାଣି କିପରି ଖସିଥାଏ ଏବଂ କେବେ ବନ୍ଦ ହୋଇଯାଏ। କୁହାଯାଏ ଯେ ପ୍ରତ୍ନତତ୍ତ୍ୱ ବିଭାଗର ଲୋକ ଏବଂ ବୈଜ୍ଞାନିକମାନେ ଏଠାକୁ ଅନେକ ଥର ଆସିଥିଲେ, କିନ୍ତୁ ଏହି ରହସ୍ୟ ଜାଣିବାରେ ବିଫଳ ହୋଇଥିଲେ।

ଏହି ମନ୍ଦିରରେ ପ୍ରଭୁ ଜଗନ୍ନାଥଙ୍କର ଏକ ପ୍ରତିମା ଅଛି। ଏଥିରେ ଭଗବାନ ବିଷ୍ଣୁଙ୍କର ୨୪ ଅବତାର ଦେଖିବାକୁ ମିଳେ। ଏହି ୨୪ ଅବତାରରେ କଳି ଯୁଗରେ ଅବତାରିତ ପ୍ରଭୁ କଲ୍କିଙ୍କ ପ୍ରତିମା ମଧ୍ୟ ପ୍ରତିଷ୍ଠିତ ହୋଇଛି।

ମନ୍ଦିରର ଗମ୍ବୁଜ ଉପରେ ଏକ ବୃତ୍ତ ଅଛି, ଯେଉଁ କାରଣରୁ ଆଜି ପର୍ଯ୍ୟନ୍ତ ଏଠାରେ ବଜ୍ରପାତ ହୋଇନାହିଁ।

ଏହି ମନ୍ଦିରର ଗଠନ ଏକ ବୌଦ୍ଧ ମଠ ପରି, ଯାହାର କାନ୍ଥ ୧୪ ଫୁଟ ମୋଟା। ଏଥିରୁ ଅନୁମାନ କରାଯାଏ ଯେ ସମ୍ରାଟ ଅଶୋକାଙ୍କ ସମୟରେ ଏହି ମନ୍ଦିର ନିର୍ମାଣ କରାଯାଇଥିଲା। ମନ୍ଦିର ବାହାରେ ଏକ ମୟୂର ଚିହ୍ନ ଏବଂ ଚକ୍ର ଚିହ୍ନ ଅଛି, ଯେଉଁଠାରୁ ଅନୁମାନ କରାଯାଏ ଯେ ଏହା ଚକ୍ରବର୍ତ୍ତୀ ସମ୍ରାଟ ହର୍ଷବର୍ଦ୍ଧନଙ୍କ ଶାସନ କାଳରେ ତିଆରି ହୋଇଥଲା।

Categories
ଆଞ୍ଚଳିକ

ନବ ବର୍ଷରେ ରଣପୁର ଚଳଚଞ୍ଚଳ: ମଣିନାଗ ଓ ଜଗନ୍ନାଥ ମନ୍ଦିରରେ ଶହ ଶହ ଭକ୍ତଙ୍କ ଭିଡ

ରଣପୁର: ଆଜି ଇଁରାଜୀ ନବ ବର୍ଷ ଉପଲକ୍ଷେ ରଣପୁର ଚଳ ଚଞ୍ଚଳ ହୋଇ ଉଠିଛି। ବାଣ ଫୁଟାଇବା ସହ ନାଚ ଗୀତ ଆସର କରି ନବ ବର୍ଷକୁ ସ୍ବାଗତ କରାଯାଇଛି। ଆଜି ସକାଳୁ ସ୍ଥାନୀୟ ଜଗନ୍ନାଥ ମନ୍ଦିର, ତଳ ମଣିନାଗ ପୀଠ, ସ୍ଵପ୍ନେଶ୍ଵର ମନ୍ଦିର, ଚଣ୍ଡେଶ୍ୱର ମନ୍ଦିର, ଗୋପାଳପୁର ନୀଳକଣ୍ଠେଶ୍ଵର ମନ୍ଦିର, ମାଳ ଖିଲାମୁଣ୍ଡା ଠାକୁରାଣୀ ମନ୍ଦିର, ମଝିଆଖଣ୍ଡ କାମଳେଶ୍ୱର ମନ୍ଦିର ଓ ଅସୁରକୁମାରୀ ପୀଠରେ ଭକ୍ତଙ୍କ ଲମ୍ବା ଧାଡି ଲାଗିଥିଲା।

ଏହି ସବୁ ପର୍ଯ୍ୟଟନ ସ୍ଥଳୀଗୁଡିକରେ ଭୋଜି ଭାତର ଆସର ଦେଖିବାକୁ ମିଳିଥିଲା। ବିଶେଷ କରି ମଣିନାଗ ମନ୍ଦିର ଓ ଜଗନ୍ନାଥ ମନ୍ଦିରରେ ପ୍ରବଳ ଭିଡି ଲାଗି ରହିଥିଲା। ସେହିପରି ଅନେକ ଭକ୍ତ ଆଜି ପାହାଡ ଶିଖରରୁ ଯାଇ ଉପର ମଣିନାଗ ଦର୍ଶନ କରିଥିଲେ। ଚଳିତ ବର୍ଷ ଜଗନ୍ନାଥ ମନ୍ଦିରକୁ ଏକ ନୂଆ ଢଙ୍ଗରେ ସଜା ଯାଇଥିଲା, ଯାହା ଭକ୍ତମାନଙ୍କୁ ଅତ୍ୟନ୍ତ ବିମୋହିତ କରିଥିଲା।

Categories
ଆଜିର ଖବର ଜାତୀୟ ଖବର ଧର୍ମ

ଏମିତି ଏକ ଜଗନ୍ନାଥ ମନ୍ଦିର ଅଛି, ଯେଉଁଠାରେ ବର୍ଷା ହେବାର ମିଳିଥାଏ ପୂର୍ବାନୁମାନ

ନୂଆଦିଲ୍ଲୀ: ଭାରତରେ ଏପରି ଅନେକ ମନ୍ଦିର ଅଛି, ଯାହାର ଅନେକ ରହସ୍ୟ ରହିଛି। ଏପରି ଏକ ରହସ୍ୟମୟ ମନ୍ଦିର ଉତ୍ତରପ୍ରଦେଶର କାନପୁରରେ ଅବସ୍ଥିତ ବେହେଟା ଗ୍ରାମରେ ଅଛି। ଭଗବାନ ଜଗନ୍ନାଥଙ୍କ ଏହି ମନ୍ଦିର ଚମତ୍କାରିତା ପ୍ରକୃତି ପାଇଁ ପ୍ରସିଦ୍ଧ। ଏହି ମନ୍ଦିର ବର୍ଷାର ପୂର୍ବାନୁମାନ କରେ। କାନପୁରର ଭିତରଗାଓଁ ବ୍ଲକଠାରୁ ତିନି କିଲୋମିଟର ଦୂରରେ ଅବସ୍ଥିତ ଏହି ମନ୍ଦିର ଭଗବାନ ଜଗନ୍ନାଥଙ୍କ ମନ୍ଦିର ମଧ୍ୟରୁ ଅନ୍ୟତମ। ଲୋକଙ୍କ ବିଶ୍ଵାସ ଏହି ମନ୍ଦିର ସହିତ ଏପରି ଭାବରେ ଜଡିତ ଯେ ଲୋକମାନେ ଦୂରଦୂରାନ୍ତରୁ ଦର୍ଶନ ପାଇବାକୁ ଆସନ୍ତି।

ଏଠାରେ ସ୍ଥାନୀୟ ଲୋକ କୁହନ୍ତି ଯେ, ବର୍ଷା ହେବାର ଛଅ-ସାତ ଦିନ ପୂର୍ବରୁ ମଧ୍ୟ ମନ୍ଦିର ଛାତରୁ ପାଣି ବୁନ୍ଦା ଆରମ୍ଭ ହୋଇଯାଏ। ଏହି ବୁନ୍ଦା ଆକାର ଅନୁଯାୟୀ ବର୍ଷା ପାଣି ମଧ୍ୟ ପଡିଥାଏ। ମନ୍ଦିର ବିଷୟରେ ସବୁଠାରୁ ଅନନ୍ୟ କଥା ହେଉଛି ବର୍ଷା ଆରମ୍ଭ ହେବା ମାତ୍ରେ ମନ୍ଦିରର ଛାତ ଭିତରୁ ସମ୍ପୂର୍ଣ୍ଣ ଶୁଖିଯାଏ।

ମନ୍ଦିର ବିଷୟରେ ଅନେକ ରହସ୍ୟମୟ ଜିନିଷ ଅଛି। ଆଜି ପର୍ଯ୍ୟନ୍ତ କେହି ଏହି ମନ୍ଦିର ବିଷୟରେ ଜାଣିପାରି ନାହାଁନ୍ତି, ଏହି ମନ୍ଦିରଟି କେତେ ପୁରୁଣା ଏବଂ ଏହାର ଛାତରୁ ପାଣି କିପରି ଖସିଥାଏ ଏବଂ କେବେ ବନ୍ଦ ହୋଇଯାଏ। କୁହାଯାଏ ଯେ ପ୍ରତ୍ନତତ୍ତ୍ୱ ବିଭାଗର ଲୋକ ଏବଂ ବୈଜ୍ଞାନିକମାନେ ଏଠାକୁ ଅନେକ ଥର ଆସିଥିଲେ, କିନ୍ତୁ ଏହି ରହସ୍ୟ ଜାଣିବାରେ ବିଫଳ ହୋଇଥିଲେ।

ଏହି ମନ୍ଦିରରେ ପ୍ରଭୁ ଜଗନ୍ନାଥଙ୍କର ଏକ ପ୍ରତିମା ଅଛି। ଏଥିରେ ଭଗବାନ ବିଷ୍ଣୁଙ୍କର ୨୪ ଅବତାର ଦେଖିବାକୁ ମିଳେ। ଏହି ୨୪ ଅବତାରରେ କଳି ଯୁଗରେ ଅବତାରିତ ପ୍ରଭୁ କଲ୍କିଙ୍କ ପ୍ରତିମା ମଧ୍ୟ ପ୍ରତିଷ୍ଠିତ ହୋଇଛି।

ମନ୍ଦିରର ଗମ୍ବୁଜ ଉପରେ ଏକ ବୃତ୍ତ ଅଛି, ଯେଉଁ କାରଣରୁ ଆଜି ପର୍ଯ୍ୟନ୍ତ ଏଠାରେ ବଜ୍ରପାତ ହୋଇନାହିଁ।

ଏହି ମନ୍ଦିରର ଗଠନ ଏକ ବୌଦ୍ଧ ମଠ ପରି, ଯାହାର କାନ୍ଥ ୧୪ ଫୁଟ ମୋଟା। ଏଥିରୁ ଅନୁମାନ କରାଯାଏ ଯେ ସମ୍ରାଟ ଅଶୋକାଙ୍କ ସମୟରେ ଏହି ମନ୍ଦିର ନିର୍ମାଣ କରାଯାଇଥିଲା। ମନ୍ଦିର ବାହାରେ ଏକ ମୟୂର ଚିହ୍ନ ଏବଂ ଚକ୍ର ଚିହ୍ନ ଅଛି, ଯେଉଁଠାରୁ ଅନୁମାନ କରାଯାଏ ଯେ ଏହା ଚକ୍ରବର୍ତ୍ତୀ ସମ୍ରାଟ ହର୍ଷବର୍ଦ୍ଧନଙ୍କ ଶାସନ କାଳରେ ତିଆରି ହୋଇଥଲା।

Categories
ଆଜିର ଖବର ଜାତୀୟ ଖବର ଧର୍ମ

ଶ୍ରୀମନ୍ଦିର ଢାଞ୍ଚାରେ ତାମିଲନାଡୁରେ ନିର୍ମିତ ହୋଇଛି ଏହି ଶ୍ରୀଜଗନ୍ନାଥ ମନ୍ଦିର

ଚେନ୍ନାଇ, ତାମିଲନାଡୁର ଦିବ୍ୟ ତ୍ରିମୂର୍ତ୍ତି ଭାବେ ପରିଚିତ ହେଉଛନ୍ତି ପ୍ରଭୃ ଶ୍ରୀଜଗନ୍ନାଥ, ପ୍ରଭୃ ବଳଭଦ୍ର ଏବଂ ମା ସୁଭଦ୍ରା। ତାଙ୍କରି ପୂଜା ବିଧି ପାଇଁ ତାମିଲନାଡୁରେ ନିର୍ମାଣ କରାଯାଇଛି ଏହି ଶ୍ରୀଜଗନ୍ନାଥ ମନ୍ଦିର। ସମୁଦ୍ର କୂଳର ପୂର୍ବ ତଟ ରାସ୍ତାର କନ୍ନଥୁରଠାରେ ଅବସ୍ଥିତ ଏହି ଜଗନ୍ନାଥ ମନ୍ଦିର ପୁରୀର ସ୍ମୃତିଚାରଣ କରୁଥିବା କଳିଙ୍ଗ ସ୍ଥାପତ୍ୟରେ ନିର୍ମିତ ହୋଇଛି। ଏହି ମନ୍ଦିର ଶିବ, ଗଣେଷ ଏବଂ ବିମଳାଙ୍କ ପାଇଁ ମଧ୍ୟ ସମର୍ପିତ କରାଯାଇଛି।

2001 ମସିହାରେ ନିର୍ମିତ ଏହି ମନ୍ଦିର ସଂପୂର୍ଣ୍ଣ ଭାବେ ଓଡିଆ ସ୍ଥାପତ୍ୟ ଢାଞ୍ଚାରେ କରାଯାଇଛି। ସେହିପରି ଶ୍ରୀଜୀୟୁଙ୍କ ପ୍ରତିମୂର୍ତ୍ତି ମଧ୍ୟ ପୁରୀ ଢାଞ୍ଚାରେ ନିମ୍ବ କାଠରେ ନିର୍ମାଣ କରାଯାଇଛି। ସେଠାରେ ପ୍ରତିବର୍ଷ ରଥଯାତ୍ରାର ମଧ୍ୟ ଆୟୋଜନ କରାଯାଇଥାଏ। ତେବେ ଏହି ରଥଯାତ୍ରାରେ ରଥ କାଠ ପରିବର୍ତ୍ତେ ଷ୍ଟିଲ ରଡରେ ନିର୍ମାଣ କରାଯାଇଛି।

Categories
ଆଜିର ଖବର ଜାତୀୟ ଖବର ଜୀବନ ଶୈଳୀ ସଂସ୍କୃତି

ଘରେ ସବୁଦିନ ଖାଉଥିବା ଓଡ଼ିଆ ଖାଦ୍ୟ ହେଉଛି ଆମର ସବୁଠୁ ବଡ ବ୍ରାଣ୍ଡ ଓ ପରିଚୟ

ପ୍ରିୟ ରଞ୍ଜନ ସାହୁ

ନବେ ଦଶକରେ ଦିଲ୍ଲୀରେ ମୁଁ କାର୍ଯ୍ୟରତ ଥିଲି ଦଶ ବର୍ଷରୁ ଉର୍ଦ୍ଧ୍ଵ। ଅବିବାହିତ ଜୀବନ।  ଖାଇବାର କିଛି ଠିକ ଠିକଣା ନଥିଲା। କେତେବେଳେ ଘରେ ରୋଷେଇ ବା କେତେବେଳେ ବାହାରେ ଖାଇବା ହେଉଥିଲା। ବେଳେବେଳ ଘର ଖାଦ୍ୟ ଖାଇବାକୁ ମନ କରୁଥିଲା।

କିନ୍ତୁ ଦିଲ୍ଲୀରେ ଓଡ଼ିଆ ଖାଦ୍ୟ କୌଣସି ହୋଟେଲ କିମ୍ବା ରେସ୍ତୋରାଁ ରେ ମିଳୁ ନ ଥିଲା।  ଓଡ଼ିଆ ଖାଦ୍ୟ ଖାଇବାକୁ ହେଲେ ଓଡିଶା ଭବନ କିମ୍ବା ଜଗନ୍ନାଥ ମନ୍ଦିର ଯିବାକୁ ପଡୁଥିଲା।

କିନ୍ତୁ ଦିଲ୍ଲୀରେ ଦକ୍ଷିଣ ଭାରତୀୟ ଖାଦ୍ୟ ସବୁଆଡେ ଉପଲବ୍ଧ ହେଉଥିଲା। ସବୁଆଡେ ସାଉଥ ଇଣ୍ଡିଆନ ରେସ୍ତୋରାଁ। କେବଳ ଦିଲ୍ଲୀ ନୁହେଁ, ଦକ୍ଷିଣ ଭାରତୀୟ ଖାଦ୍ୟର ପ୍ରଭାବ ଆପଣମାନେ ଦେଶର ସବୁ ଜାଗାରେ ଦେଖିବାକୁ ପାଇବେ। ଓଡ଼ିଶାରେ ମଧ୍ୟ ଭୁବନେଶ୍ୱର, କଟକ, ସମ୍ବଲପୁର, ବ୍ରହ୍ମପୁର, ରାଉରକେଲା ଇତ୍ୟାଦି ସହରମାନଙ୍କରେ ଆମେ ସାଉଥ ଇଣ୍ଡିଆନ ରେସ୍ତୋରାଁ ଦେଖିବାକୁ ପାଉ।

ଦକ୍ଷିଣ ଭାରତୀୟ ଖାଦ୍ୟର ବିଶେଷତ୍ଵ କଣ ? ମତେ ଯଦି ପଚାରିବେ, ଦକ୍ଷିଣ ଭାରତୀୟ ଖାଦ୍ୟ ମୋର ଭାରି ପ୍ରିୟ। କାହିଁକିନା ସେ ଖାଦ୍ୟର ସରଳତା ହେଉଛି ତାହାର ସବୁଠୁ ବଡ ଆକର୍ଷଣ। ବଡା, ଦୋସା, ଇଡ଼ଲି ସାମ୍ବର ଭଳି ବ୍ୟଞ୍ଜନ ଦକ୍ଷିଣ ଭାରତୀୟ ଘରମାନଙ୍କରେ ସବୁଦିନିଆ ଆହାର ଏବଂ ଠିକ ସେହି ଜିନିଷ ଗୁଡିକ ସେମାନଙ୍କ  ରେସ୍ତୋରାଁ ମାନଙ୍କରେ ମଧ୍ୟ ଉପଲବ୍ଧ ହୋଇଥାଏ।

ଠିକ ସେହିଭଳି ଆମ ଓଡ଼ିଆ ଖାଦ୍ୟ  ମଧ୍ୟ ବହୁତ ସରଳ ଓ ସୁସ୍ୱାଦୁ। ଡାଲମା, ଘାଣ୍ଟ, ଶାଗ, ବଡିଚୂରା, ମାଛ ତରକାରୀ ପ୍ରଭୃତି ଓଡ଼ିଶାରେ ଯେମିତି ତିଆରି ହୁଏ ବୋଧହୁଏ ଭାରତର ଅନ୍ୟ କୌଣସି ଜାଗାରେ ହେଉନଥିବ। ପଶ୍ଚିମ ଓଡ଼ିଶାର ବିଶେଷ ବ୍ୟଞ୍ଜନ ଆମ୍ବିଳ ବା ଦୁଲଡୁଲା ବା ଲେଥା ଯେଉଁଟା ଗୋଟିଏ ସ୍ୱାସ୍ଥ୍ୟକର ଭେଜିଟେଵଲ ସୁପ, ମହାରାଷ୍ଟ୍ର, ଗୁଜରାଟ ବା ପଂଜାବୀ କଢି ଠାରୁ ସ୍ୱାଦ ଏବଂ ଉତ୍କର୍ଷରେ କୌଣସି ଗୁଣରେ କମ ନୁହେଁ।

ଆମର ବିଭିନ୍ନ ସହରର ଷ୍ଟ୍ରୀଟ ଫୁଡ଼ ଯଥା କଟକର ଦହିବରା ଆଳୁଦମ, ସମ୍ବଲପୁରର ସିଙ୍ଗଡ଼ା ଓ ଚାଟ, ଢେଙ୍କାନାଳର ବରା, ସୋନପୁରର ଚାଉଳବରାର ସ୍ୱାଦ ଖୁବ ନିଆରା। ମୁଁ ଓଡ଼ିଶାର ଅନନ୍ୟ ମିଷ୍ଟାନ୍ନ ଗୁଡିକର କଥା ଏଠି କହୁନାହିଁ।

 

କିନ୍ତୁ ଏହିସବୁ ଆକର୍ଷଣୀୟ ଓ ସୁସ୍ଵାଦୁ ଖାଦ୍ୟର ଭଣ୍ଡାର ଏଠି ଥାଇ ମଧ୍ୟ ଓଡିଶା ଖାଦ୍ୟ ବାହାରେ ଏତେ ଜଣାଶୁଣା ନୁହେଁ କାହିଁକି ? ଯଦିଓ ଓଡିଶା ଭିତରେ  ଆମେ ଅନେକ ସାଉଥ ଇଣ୍ଡିଆନ, ପଂଜାବୀ ଓ ମାରୱାଡି ବାସା ଖାଦ୍ୟ ବିଷୟରେ ଖୁବ ଅବଗତ ଅଛୁ।

ମୋର ମନେ ହୁଏ ଆମେ ଖାଦ୍ୟର ଉତ୍କର୍ଷ ବିଷୟରେ କେବେ ବାହାର ଲୋକଙ୍କୁ ଅବଗତ କରେଇବାକୁ ଚେଷ୍ଟା କରି ନାହୁଁ। ଏ କ୍ଷେତ୍ରରେ ଅନ୍ୟ ପୂର୍ବ ଭାରତୀୟ ମାନଙ୍କ ଭଳି ଆମର ଚାକିରୀ କେନ୍ଦ୍ରିକ ମାନସିକତାକୁ ମୁଁ ଦାୟୀ କରିବି। ଆମର ଉଦ୍ୟୋଗୀ ମନୋଭାବର ଅଭାବ ଯୋଗୁଁ ଆମେ ଓଡ଼ିଆ ଖାଦ୍ୟର ଠିକ ବ୍ରାଣ୍ଡିଙ୍ଗ କରିପାରିନାହୁଁ।

ଦକ୍ଷିଣ ଭାରତୀୟ ଖାଦ୍ୟର ପ୍ରସାରକୁ ଆମେ ଉଦାହରଣ ଭାବରେ ନେଇପାରିବା। ଆମେ ଉଡୁ଼ପି, କର୍ଣ୍ଣାଟକ ବ୍ରାଣ୍ଡରେ ଭୋଜନାଳୟ ସମୂହ (ଚେନ) ଦେଶର ବିଭିନ୍ନ ସ୍ଥାନରେ ଦେଖୁ, କାହିଁକି ସେହି ଅଞ୍ଚଳ  ଗୁଡିକର ଲୋକମାନେ ଦକ୍ଷିଣ ଭାରତୀୟ ଖାଦ୍ୟ ବ୍ୟବସାୟ ରେ ଅଛନ୍ତି। ମୁମ୍ବାଇରେ କର୍ଣ୍ଣାଟକ ଅଞ୍ଚଳର ସେଟ୍ଟୀ ସମ୍ପ୍ରଦାୟ  ରେସ୍ତୋରାଁ ବ୍ୟବସାୟ ରେ ବହୁତ ସକ୍ରିୟ।

ଓଡ଼ିଆ ଖାଦ୍ୟର ପ୍ରଚାର ଓ ପ୍ରସାର ଆମେ ନିଜେ କରିପାରିବା। ସ୍ୱତନ୍ତ୍ର ଓଡ଼ିଆ ଖାଦ୍ୟର ରେସ୍ତୋରାଁ ସମୂହ ଓଡିଶା ଓ ଓଡିଶା ବାହାରେ ସୁପର ହିଟ ହେବ, ଏ ବିଷୟରେ ମୁ ନିଶ୍ଚିତ। ଏଇ  କିଛି ବର୍ଷ ମଧ୍ୟରେ ସେଭଳି ଅନେକ ଭୋଜନାଳୟ ଅବଶ୍ୟ ହେଲାଣି।

ଓଡ଼ିଶାରେ ବିଶ୍ୱକପ ହକି ସମୟରେ ଅନେକ ଦେଶୀ ଓ ବିଦେଶୀ ପର୍ଯ୍ୟଟକ ଓଡ଼ିଆ ଖାଦ୍ୟ ବିଷୟରେ ଆଗ୍ରହ ସହିତ ଚର୍ଚ୍ଚା କରୁଥିବା ଓ ସେଭଳି ଖାଦ୍ୟ ପରିବେଷଣ କରୁଥିବା ଭୋଜନାଳୟ ଖୋଜୁଥିବା ମୁଁ ଦେଖିଲି। ନିଜକୁ ଗର୍ବିତ ମନେ କଲି।

ଆମେ ମାନେ ରଖିବା ଉଚିତ ଯେ ଯେଉଁ ଖାଦ୍ୟ ଆମେ ସାଧାରଣତଃ ଘରେ ଖାଉ, ସେହି ଖାଦ୍ୟ ଆମ ଓଡିଶାର ସବୁଠୁ ବଡ ବ୍ରାଣ୍ଡ।

Categories
ଆଜିର ଖବର ଜାତୀୟ ଖବର ଧର୍ମ

ଶ୍ରୀମନ୍ଦିର ଢାଞ୍ଚାରେ ନିର୍ମିତ ତାମିଲନାଡୁର ଏହି ଶ୍ରୀଜଗନ୍ନାଥ ମନ୍ଦିର ଭକ୍ତଙ୍କୁ କରେ ଆକର୍ଷିତ

ଚେନ୍ନାଇ, ତାମିଲନାଡୁର ଦିବ୍ୟ ତ୍ରିମୂର୍ତ୍ତି ଭାବେ ପରିଚିତ ହେଉଛନ୍ତି ପ୍ରଭୃ ଶ୍ରୀଜଗନ୍ନାଥ, ପ୍ରଭୃ ବଳଭଦ୍ର ଏବଂ ମା ସୁଭଦ୍ରା। ତାଙ୍କରି ପୂଜା ବିଧି ପାଇଁ ତାମିଲନାଡୁରେ ନିର୍ମାଣ କରାଯାଇଛି ଏହି ଶ୍ରୀଜଗନ୍ନାଥ ମନ୍ଦିର। ସମୁଦ୍ର କୂଳର ପୂର୍ବ ତଟ ରାସ୍ତାର କନ୍ନଥୁରଠାରେ ଅବସ୍ଥିତ ଏହି ଜଗନ୍ନାଥ ମନ୍ଦିର ପୁରୀର ସ୍ମୃତିଚାରଣ କରୁଥିବା କଳିଙ୍ଗ ସ୍ଥାପତ୍ୟରେ ନିର୍ମିତ ହୋଇଛି। ଏହି ମନ୍ଦିର ଶିବ, ଗଣେଷ ଏବଂ ବିମଳାଙ୍କ ପାଇଁ ମଧ୍ୟ ସମର୍ପିତ କରାଯାଇଛି।

2001 ମସିହାରେ ନିର୍ମିତ ଏହି ମନ୍ଦିର ସଂପୂର୍ଣ୍ଣ ଭାବେ ଓଡିଆ ସ୍ଥାପତ୍ୟ ଢାଞ୍ଚାରେ କରାଯାଇଛି। ସେହିପରି ଶ୍ରୀଜୀୟୁଙ୍କ ପ୍ରତିମୂର୍ତ୍ତି ମଧ୍ୟ ପୁରୀ ଢାଞ୍ଚାରେ ନିମ୍ବ କାଠରେ ନିର୍ମାଣ କରାଯାଇଛି। ସେଠାରେ ପ୍ରତିବର୍ଷ ରଥଯାତ୍ରାର ମଧ୍ୟ ଆୟୋଜନ କରାଯାଇଥାଏ। ତେବେ ଏହି ରଥଯାତ୍ରାରେ ରଥ କାଠ ପରିବର୍ତ୍ତେ ଷ୍ଟିଲ ରଡରେ ନିର୍ମାଣ କରାଯାଇଛି।