Tag: ଜିଓ

ମୁମ୍ବାଇ: ଦୀପାବଳୀ ପୂର୍ବରୁ ରିଲାଏନ୍ସ ଜିଓ ପକ୍ଷରୁ ‘ମେକିଂ ଅଫ୍ ଜିଓଫୋନ ନେକ୍ସଟ’ ଭିଡିଓ ରିଲିଜ୍ କରାଯାଇଛି। ଏହି କ୍ଷୁଦ୍ର ଭିଡିଓରେ ଚଳିତ ସମୟର ଅନ୍ୟତମ ସର୍ବାଧିକ ପ୍ରତୀକ୍ଷିତ ଫୋନ ‘ଜିଓଫୋନ ନେକ୍ସଟ୍‌’ ପ୍ରଚଳନ କରିବାର ଲକ୍ଷ୍ୟ ଏବଂ ଚିନ୍ତାଧାରା ପଛରେ ରହିଥିବା ଅନ୍ତର୍ଦୃଷ୍ଟି ପ୍ରଦାନ କରୁଛି। ଏହି ନୂଆ ଫୋନ୍ ଭାରତକୁ ତାହାର ହୃଦୟ ମଧ୍ୟରେ ରଖି ଡିଜାଇନ କରାଯାଇଛି ଏବଂ ଏହା ବିଶ୍ୱସ୍ତରରେ ଦୃଷ୍ଟି ଆକର୍ଷଣ କରିବା ଆରମ୍ଭ କରିଛି।

ମାତ୍ର ୫ ବର୍ଷ ମଧ୍ୟରେ ଜିଓ ଭାରତରେ ଘରେ ଘରେ ପରିଚିତ ଏକ ନାମ ହୋଇପାରିଛି। ୪୩୦ ନିୟୁତ ବ୍ୟବହାରକାରୀଙ୍କୁ ନେଇ ଏହାର ସେବା ସମସ୍ତ ଭୌଗୋଳିକ ଅଂଚଳ, ଅର୍ଥନୀତି ଏବଂ ସାମାଜିକ ବର୍ଗଙ୍କ ମଧ୍ୟରେ ପରିବ୍ୟାପ୍ତ ହୋଇଛି। ଜିଓଫୋନ ନେକ୍ସଟ୍ ସହିତ ଜିଓ ଭାରତରେ ଡିଜିଟାଲ ସଂଯୋଗୀକରଣକୁ ସାର୍ବଜନୀନ କରିବା ଦିଗରେ ନିଜର ଲକ୍ଷ୍ୟପଥରେ ଅଗ୍ରସର ହେବାରେ ଏକ ନିର୍ଣ୍ଣାୟକ ପଦକ୍ଷେପ ନେବା ଯୋଜନା କରିଛି।

ଜିଓଫୋନ ନେକ୍ସଟ୍ ଭାରତରେ ତିଆରି, ଭାରତ ପାଇଁ ତିଆରି ଏବଂ ଭାରତୀୟଙ୍କ ଦ୍ୱାରା ତିଆରି ହୋଇଛି। ପ୍ରତ୍ୟେକ ଭାରତୀୟ ଡିଜିଟାଲ ପ୍ରଯୁକ୍ତିରେ ସମାନ ସୁଯୋଗ ଏବଂ ସମାନ ବ୍ୟବହାର ସୁବିଧା ଯେଭଳି ପାଇପାରିବେ ତାହା ଜିଓଫୋନ ନେକ୍ସଟ୍ ସୁନିଶ୍ଚିତ କରିବ। ଏହି ଭିଡିଓରେ ଜିଓଫୋନ ନେକ୍ସଟ କିଭଳି କୋଟି କୋଟି ସଂଖ୍ୟକ ଭାରତୀୟଙ୍କ ଜୀବନରେ ପରିବର୍ତନ ଆଣିବାକୁ ଯାଉଛି ତାହା ଦର୍ଶାଯାଇଛି।

ଆଣ୍ଡ୍ରଏଡ ଦ୍ୱାରା ପରିଚାଳିତ ପ୍ରଗତି ଓଏସ୍ (ଅପରେଟିଂ ସିଷ୍ଟମ)ଏକ ବିଶ୍ୱଶ୍ରେଣୀର ଅପରେଟିଂ ସିଷ୍ଟମ ଯାହା ଭାରତ ପାଇଁ ସ୍ୱତନ୍ତ୍ର ଭାବରେ ନିର୍ମାଣ କରାଯାଇଛି ଏବଂ ଏହା ଜିଓଫୋନ ନେକ୍ସଟ୍ ର ମୂଳରେ ରହିଛି। ଏହା ଜିଓ ଏବଂ ଗୁଗଲର ସର୍ବଶ୍ରେଷ୍ଠ ବିଶେଷଜ୍ଞଙ୍କ ଦ୍ୱାରା ପ୍ରସ୍ତୁତ ହୋଇଛି ଏବଂ ସୁଲଭ ମୂଲ୍ୟରେ ବାସ୍ତବରେ ନିରବଚ୍ଛିନ୍ନ ଅନୁଭୂତି ପ୍ରଦାନ ସହିତ ସମସ୍ତଙ୍କ ପାଇଁ ପ୍ରଗତି ଆଣିଦେବା ଲକ୍ଷ୍ୟରେ ପ୍ରସ୍ତୁତ କରାଯାଇଛି।

ଜିଓଫୋନ ନେକ୍ସଟ୍‌ର ପ୍ରୋସେସର ବିିଶ୍ୱର ଅନ୍ୟତମ ଅଗ୍ରଣୀ ପ୍ରଯୁକ୍ତି ସଂସ୍ଥା କ୍ୱାଲକମ୍ ପ୍ରସ୍ତୁତ। ଜିଓଫୋନ୍ ନେକ୍ସଟ୍‌ରେ କ୍ୱାଲକମ୍ ପ୍ରୋସେସର ଦ୍ୱାରା ଉପକରଣର ପ୍ରଦର୍ଶନ, ଅଡିଓ ଏବଂ ବ୍ୟାଟେରୀର କାର୍ଯ୍ୟଦକ୍ଷତା ସର୍ବାଧିକ କରିବା ସହିତ ସର୍ବୋତମ କନେକ୍ଟିଭିଟି ଓ ଅବସ୍ଥିତି ପ୍ରଯୁକ୍ତି ପ୍ରଦାନ ଉପରେ ଦୃଷ୍ଟିନିବଦ୍ଧ କରୁଛି। ଜିଓଫୋନ ନେକ୍ସଟ୍‌ର ସମୃଦ୍ଧ ବୈଶିଷ୍ଟ୍ୟାବଳୀ ଅତ୍ୟାଧୁନିକ ପ୍ରଯୁକ୍ତି ସହିତ ସମ୍ପୂର୍ଣ୍ଣ ନୂଆ ଢଙ୍ଗରେ ଭାବ ବିନିମୟକୁ ସମର୍ଥ କରାଇବ।

ଜିଓଫୋନ ନେକ୍ସଟର କେତେକ ସ୍ୱତନ୍ତ୍ର ବୈଶିଷ୍ଟ୍ୟ:

ଭଏସ ଆସିଷ୍ଟାଂଟ: ଭଏସ ଆସିଷ୍ଟାଂଟ ବ୍ୟବହାରକାରୀଙ୍କୁ ହ୍ୟାଣ୍ଡ୍‌ସେଟ ପରିଚାଳନା (ଆପ୍ ଖୋଲିବା, ସେଟିଂ ପରିଚାଳନା ଆଦି) କରିବା ଏବଂ ସେମାନଙ୍କ ପାଇଁ ପରିଚିତ ଭାଷାରେ ସୂଚନା / ବିଷୟବସ୍ତୁ ଇଂଟରନେଟରୁ ସହଜରେ ପାଇବାରେ ସହାୟତା କରୁଛି।

ରିଡ୍ ଆଲାଉଡ୍: ଶୁଣିବା ସୁବିଧା ବ୍ୟବହାରକାରୀଙ୍କୁ ଯେକୌଣସି ପରଦାରେ ଥିବା ବିଷୟବସ୍ତୁକୁ ସେମାନଙ୍କ ହ୍ୟାଣ୍ଡସେଟ ଦ୍ୱାରା ପଢି ଶୁଣାଇବାକୁ ସୁଯୋଗ ପ୍ରଦାନ କରୁଛି। ଏହା ବ୍ୟବହାରକାରୀଙ୍କୁ ସେମାନେ ବୁଝିପାରୁଥିବା ଭଳି ଭାଷାରେ ବିଷୟବସ୍ତୁକୁ ଶୁଣିବାର ସୁଯୋଗ ଦେଉଛି।

ଟ୍ରାନ୍ସଲେଟ: ‘ଟ୍ରାନ୍ସଲେଟ’ ସୁବିଧା ବ୍ୟବହାରକାରୀଙ୍କୁ ପରଦାରେ ଥିବା ଯେକୌଣସି ବିଷୟକୁ ତାଙ୍କ ପସନ୍ଦର ଭାଷାରେ ଅନୁବାଦ କରିବାର ସୁଯୋଗ ଦେଉଛି। ଏହା ବ୍ୟବହାରକାରୀଙ୍କୁ ସେମାନଙ୍କ ପସନ୍ଦର ଭାଷାରେ ଯେକୌଣସି ବିଷୟ ପଢିବାକୁ ସୁଯୋଗ ଦେଉଛି।

ଇଜି ଆଣ୍ଡ ସ୍ମାର୍ଟ କ୍ୟାମେରା: ହ୍ୟାଣ୍ଡସେଟରେ ଏକ ସ୍ମାର୍ଟ ଓ ଶକ୍ତିଶାଳୀ କ୍ୟାମେରା ଅଛି ଯାହା ପୋଟ୍ରେଟ୍ ମୋଡ ଭଳି ବିବିଧ ଫଟୋ ଉଠାଇବା ମୋଡକୁ ସମର୍ଥନ କରୁଛି ତଥା ବ୍ୟବହାରକାରୀଙ୍କୁ ଆପେଆପେ ଝାପସା ହୋଇଯାଉଥିବା ପୃଷ୍ଠଭୂମିରେ ଭଲ ରିଜଲ୍ୟୁସନ୍‌ର ଫଟୋ ଉଠାଇବା ସୁଯୋଗ ଦେଉଛି। ନାଇଟ୍ ମୋଡ ବ୍ୟବହାରକାରୀଙ୍କୁ କମ୍ ଆଲୋକରେ ମଧ୍ୟ ଭଲ ରିଜଲ୍ୟୁସନ୍‌ର ଫଟୋ ଉତୋଳନ କରିବାକୁ ସୁଯୋଗ ଦେଉଛି। କ୍ୟାମେରା ଆପ୍ ଭାବପ୍ରବଣତା ଏବଂ ପାର୍ବଣ ସମ୍ପର୍କିତ ଫଟୋ ସମୃଦ୍ଧ କରିବାକୁ ଭାରତୀୟତା ବୈଶିଷ୍ଟ୍ୟ ଥିବା ରିଅଲିଟି ଫିଲଟର ସହିତ ପୂର୍ବରୁ ଲୋଡ୍ ହୋଇ ଆସୁଛି।

ଜିଓ ଓ ଗୁଗଲ ଆପ୍ ସମୂହ ପ୍ରିଲୋଡେଡ: ଏହି ହ୍ୟାଣ୍ଡ୍‌ସେଟ ସମସ୍ତ ଉପଲବ୍ଧ ଆଣ୍ଡ୍ରଏଡ ଆପ୍‌କୁ ସମର୍ଥନ କରୁଛି ଯାହାକୁ ବ୍ୟବହାରକାରୀ ଡାଉନଲୋଡ କରି ତାଙ୍କ ହ୍ୟାଣ୍ଡସେଟରେ ଗୁଗଲ ପ୍ଲୋ ଷ୍ଟୋର ଜରିଆରେ ବ୍ୟବହାର କରିପାରିବେ ଏବଂ ଏହା ସେମାନଙ୍କୁ ପ୍ଲେ ଷ୍ଟୋରରେ ଉପଲବ୍ଧ ଲକ୍ଷ ଲକ୍ଷ୍ ଆପ ମଧ୍ୟରୁ ପସନ୍ଦ କରିବାର ସ୍ୱାଧୀନତା ପ୍ରଦାନ କରୁଛି। ଏହା ମଧ୍ୟ ଏକାଧିକ ଜିଓ ଏବଂ ଗୁଗଲ ଆପ୍ ସହ ପୂର୍ବରୁ ଲୋଡ୍ ହୋଇ ଆସୁଛି।

ଅଟୋମାଟିକ ସଫ୍ଟୱେର ଅପଗ୍ରେଡ୍‌: ଜିଓଫୋନ ନେକ୍ସଟ୍ ଆପେ ଆପେ ସଫ୍ଟୱେର ଅପ୍‌ଡେଟ୍ କରିବା ପାଇଁ ନିଜକୁ ପ୍ରସ୍ତୁତ କରି ରଖିଛି। ସମୟକ୍ରମେ ସର୍ବାଧୁନିକ ବୈଶିଷ୍ଟ୍ୟ ଆପେ ଆପେ ପ୍ରଦାନ କରିବା ସହିତ ଏହି ଅନୁଭୂତି ଅଧିକ ଉନ୍ନତ ହେବାକୁ ଯାଉଛି। ଏହା ମଧ୍ୟ ସୁରକ୍ଷା ଅପ୍‌ଡେଟ ସହିତ ଆସୁଛି ଯାହା ଏକ ତ୍ରୁଟିଶୂନ୍ୟ ଅନୁଭୂତି ସୁନିଶ୍ଚିତ କରୁଛି।

ଅଭୁତପୂର୍ବ ବ୍ୟାଟେରୀ ଲାଇଫ: ନୂଆକରି ଡିଜାଇନ କରାଯାଇଥିବା ପ୍ରଗତି ଓଏସ୍ ଆଣ୍ଡ୍ରଏଡ ଦ୍ୱାରା ପରିଚାଳିତ ହେଉଥିବାବେଳେ ଦୀର୍ଘ ବ୍ୟାଟେରୀ କାର୍ଯ୍ୟକାଳ ସୁନିଶ୍ଚିତ କରିବା ସହିତ ସର୍ବୋଚ୍ଚ ପ୍ରଦର୍ଶନ କରୁଛି।

ଭୁବନେଶ୍ୱର: ଆଜିକୁ ୫ ବର୍ଷ ପୂର୍ବେ ସେପ୍ଟେମ୍ବର ୫, ୨୦୧୬ ରେ ରିଲାଏନ୍ସ ଜିଓ ଭାରତରେ ମୋବାଇଲ ସେବା ଆରମ୍ଭ କରିଥିଲା। ତେବେ ସେତେବେଳେ ବହୁତ କମ ଲୋକ ଭାବି ପାରିଥିଲେ ଜିଓ ପାଂଚ ବର୍ଷ ଭିତରେ ଭାରତରେ ଡାଟା ବ୍ୟବହାର କ୍ଷେତ୍ରରେ ବୈପ୍ଲବିକ ପରିବର୍ତ୍ତନ ଆଣିବ ଏବଂ ଭାରତକୁ ମୋବାଇଲ ଡାଟା ବ୍ୟବହାରରେ ସେତେବେଳର ୧୫୫ ସ୍ଥାନରୁ ଆଣି ବିଶ୍ୱର ଏକ ନମ୍ବର ସ୍ଥାନରେ ପହଞ୍ଚାଇବ। କରୋନା ସଂକ୍ରମଣ ପରିପ୍ରେକ୍ଷୀରେ ବର୍ତ୍ତମାନର ଆହ୍ୱାନପୂର୍ଣ୍ଣ ସମୟରେ ଶସ୍ତା ଡାଟା ବେଶ୍ ଉପଯୋଗୀ ସାବ୍ୟସ୍ତ ହୋଇଛି। ୱାର୍କ ଫ୍ରମ୍ ହୋମ୍ ହେଉ କିମ୍ବା ଅନଲାଇନ କ୍ଲାସ ଅଥବା ଅନଲାଇନ ସପିଂ ସବୁଥିରେ ସହାୟକ ହୋଇଛି ମୋବାଇଲ ଡାଟା।

୨୦୧୬ ସେପ୍ଟେମ୍ବରରେ ଜିଓ ଦେଶରେ ବ୍ୟବସାୟିକ ଭାବରେ ୪ଜି ସେବା ଆରମ୍ଭ କରିବା ପରେ ସୁଲଭ ହାଇସ୍ପିଡ୍ ଇଂଟରନେଟ୍‌ର ଏକପ୍ରକାର ବିପ୍ଳବର ପ୍ରାରମ୍ଭ ହୋଇଥିଲା।  ଭାରତୀୟ ଦୂରସଂଚାର ନିୟାମକ ପ୍ରାଧିକରଣ (ଟ୍ରାଇ) ଦ୍ୱାରା ପ୍ରକାଶିତ ତଥ୍ୟ ଅନୁଯାୟୀ ଭାରତରେ ବ୍ରଡ୍‌ବ୍ୟାଣ୍ଡ ଉପଭୋକ୍ତା ସଂଖ୍ୟା ସେପ୍ଟେମ୍ବର ୨୦୧୬ରେ ମାତ୍ର ୧୯.୨୩ କୋଟିରୁ ପ୍ରାୟ ତିନିଗୁଣାରୁ ଅଧିକ ବୃଦ୍ଧି ପାଇ ଜୁନ୍ ୨୦୨୧ ସୁଦ୍ଧା ୭୯.୨୮ କୋଟିରୁ ଉର୍ଦ୍ଧ୍ୱରେ ପହଁଚିଛି।

ସେହିଭଳି ପ୍ରତି ଗ୍ରାହକ ପିଛା ହାରାହାରି ମାସିକ ଡାଟା ବ୍ୟବହାର ୨୦୧୬ର ମାତ୍ର ୮୭୮.୬୩ ଏମବି ରୁ ପ୍ରାୟ ୧୩ ଗୁଣା ବୃଦ୍ଧି ପାଇ ମାର୍ଚ୍ଚ ୨୦୨୧ ସୁଦ୍ଧା ୧୨.୩୩ ଜିବିରେ ପହଁଚିଥିବା ଟ୍ରାଇ ଦ୍ୱାରା ପ୍ରକାଶିତ ତଥ୍ୟରୁ ଜଣାପଡିଛି। ଏକ ଜିବି ଡାଟାର ମୂଲ୍ୟ ୨୦୧୬ରେ ୧୮୫ରୁ ୨୦୦ ଟଙ୍କା ମଧ୍ୟରେ ରହିଥିବା ବେଳେ ଟ୍ରାଇର ଟେଲିକମ୍ କ୍ଷେତ୍ରର ପ୍ରଦର୍ଶନ ରିପୋର୍ଟ ଅନୁଯାୟୀ ଏହା ପ୍ରାୟ ଜିବି ପ୍ରତି ୧୦.୭୭ ଟଙ୍କାରେ ପହଞ୍ଚିଛି । ସେହିଭଳି ଗ୍ରାହକ ପ୍ରତି ମାସିକ ଭଏସ୍ କଲ୍ ବ୍ୟବହାର ୩୧୦ ମିନିଟ୍ ରୁ ବୃଦ୍ଧିପାଇ ୮୧୮ ମିନିଟ୍‌ରେ ପହଂଚିଛି।

ତେବେ ଜିଓର ପାଂଚ ବର୍ଷ ମଧ୍ୟରେ ଭାରତରେ ସୋସିଆଲ୍ ମିଡିଆ, ଓଟିଟି ପ୍ଲାଟଫର୍ମ ଏବଂ ବିଭିନ୍ନ ଉପଯୋଗୀ ଆପ୍ସ ବ୍ୟବହାର ବହୁଗୁଣିତ ହୋଇଛି। ଉଦାହରଣ ସ୍ୱରୂପ ଏହି ପାଂଚ ବର୍ଷରେ ଭାରତରେ ଫେସ୍‌ବୁକ ବ୍ୟବହାରକାରୀଙ୍କ ସଂଖ୍ୟା ଦ୍ୱିଗୁଣିତ ହୋଇ ୨୦୧୬ର ୨୦ କୋଟିରୁ ୨୦୨୧ରେ ୪୨ କୋଟିରୁ ଉର୍ଦ୍ଧ୍ୱରେ ପହଁଚିଛି। ସମାନ ସମୟରେ ହ୍ୱାଟ୍ସଆପ୍ ବ୍ୟବହାରକାରୀଙ୍କ ସଂଖ୍ୟା ୧୯ କୋଟିରୁ ବଢି ୩୯ କୋଟିରେ ପହଁଚିଛି। ୟୁଟ୍ୟୁବ୍ ଭଳି ଭିଡିଓ ପ୍ଲାଟଫର୍ମର ବ୍ୟବହାର ବହୁଗୁଣିତ ହୋଇଥିବା ବେଳେ ନେଟ୍‌ଫ୍ଲିକ୍ସ, ଆମାଜନ୍ ପ୍ରାଇମ୍ ଓ ଡିଜ୍‌ନି ହଟ୍‌ଷ୍ଟାର ଭଳି ଓଟିଟି ପ୍ଲାଟ୍‌ଫର୍ମ ଦେଶର କୋଣ ଅନୁକୋଣରେ ଲୋକମାନଙ୍କ ପାଖରେ ପହଂଚିପାରିଛନ୍ତି।

ତେବେ ୪ଜି ଡିଜିଟାଲ୍ ବିପ୍ଳବର ଏହି ପାଂଚ ବର୍ଷରେ ସବୁଠାରୁ ବଡ ପରିବର୍ତନ ଆସିଛି ଗ୍ରାମାଂଚଳରେ ଇଂଟରନେଟ୍ ଓ ମୋବାଇଲ୍ ବ୍ରଡବ୍ୟାଣ୍ଡ୍‌ର ବ୍ୟବହାର କ୍ଷେତ୍ରରେ। ଟ୍ରାଇ ତଥ୍ୟ ଅନୁଯାୟୀ ସେପ୍ଟେମ୍ବର ୨୦୧୬ରେ ଭାରତର ଗ୍ରାମାଂଚଳରେ ପ୍ରାୟ ୪.୪୨ କୋଟି ଲୋକ ବ୍ରଡବ୍ୟାଣ୍ଡ ଇଂଟରନେଟ୍ ବ୍ୟବହାର କରୁଥିବା ବେଳେ ମାର୍ଚ୍ଚ ୨୦୨୧ ସୁଦ୍ଧା ଏହି ସଂଖ୍ୟା ଏବେ ପ୍ରାୟ ୩୦ କୋଟିରେ ପହଂଚିିଛି। ସେହିଭଳି ଦେଶରେ ମୋଟ ଇଂଟରନେଟ୍ ବ୍ୟବହାରକାରୀଙ୍କ ସଂଖ୍ୟା ୨୦୧୬ ସେପ୍ଟେମ୍ବରରେ ୩୬.୭ କୋଟିରୁ ବୃଦ୍ଧିପାଇ ୨୦୨୧ ମାର୍ଚ୍ଚ ଶେଷ ସୁଦ୍ଧା ୮୨.୫ କୋଟିରେ ପହଁଚିଛି। ସେହିଭଳି ଟ୍ରାଇ ତଥ୍ୟ ଅନୁସାରେ ୨୦୧୬ ସେପ୍ଟେମ୍ବରରେ ଦେଶର ଗ୍ରାମାଂଚଳରେ ପ୍ରତି ୧୦୦ ଜଣ ଲୋକଙ୍କ ମଧ୍ୟରୁ ୧୩.୬୫ ଜଣଙ୍କ ପାଖରେ ଇଂଟରନେଟ୍ ସୁବିଧା ଉପଲବ୍ଧ ଥିବାବେଳେ ୨୦୨୧ ମାର୍ଚ୍ଚ ଶେଷ ସୁଦ୍ଧା ଏହା ପ୍ରତି ୧୦୦ ଜଣରେ ୩୬.୨୪ ଜଣଙ୍କ ପାଖରେ ପହଁଚିଛି। ଜିଓର ଶସ୍ତା ୪ଜି ଫୋନ୍ ଜିଓଫୋନ୍ ଜରିଆରେ ଗ୍ରାମାଂଚଳରେ ଇଣ୍ଟରନେଟ୍ ବ୍ୟବହାର ସୁଲଭ ଓ ପରିବ୍ୟାପ୍ତ ହୋଇଛି।

ଓଡିଶାରେ ଜିଓ:

ଦେଶର ଅନ୍ୟ ସ୍ଥାନଭଳି ଓଡିଶାରେ ମଧ୍ୟ ୨୦୧୬ ସେପ୍ଟେମ୍ବର ୫ ରେ ଜିଓ ବ୍ୟବସାୟିକ ସେବା ଆରମ୍ଭ କରିଥିଲା। ବିଗତ ପାଂଚବର୍ଷ ମଧ୍ୟରେ ଜିଓ ଅନ୍ୟ ସମସ୍ତ ଟେଲିକମ୍ ଅପରେଟରମାନଙ୍କୁ ପଛରେ ପକାଇ ଉଭୟ ଗ୍ରାହକ ସଂଖ୍ୟା ଓ ରାଜସ୍ୱ କ୍ଷେତ୍ରରେ ଓଡିଶାରେ ଏକ ନମ୍ବର ସ୍ଥାନ ହାସଲ କରିଛି।

ନିକଟରେ ଟ୍ରାଇ ପକ୍ଷରୁ ପ୍ରକାଶିତ ଆର୍ଥିକ ରିପୋର୍ଟ ଅନୁଯାୟୀ ଓଡିଶାରେ ଟେଲିକମ୍ କ୍ଷେତ୍ରର ମୋଟ ରାଜସ୍ୱର ୫୨.୩% ରୁ ଉର୍ଦ୍ଧ୍ୱ ହାସଲ କରିଛି ଜିଓ। ସେହିଭଳି ରାଜ୍ୟର ମୋଟ ୩.୪୭ କୋଟି ମୋବାଇଲ୍ ଉପଭୋକ୍ତାଙ୍କ ମଧ୍ୟରୁ ପ୍ରାୟ ଦେଢ କୋଟି ମୋବାଇଲ୍ ଗ୍ରାହକଙ୍କ ସହ ଜିଓ ଏକ ନମ୍ବର ସ୍ଥାନ ହାସଲ କରିଛି । ଅନ୍ୟମାନଙ୍କ ମଧ୍ୟରେ ଓଡିଶାରେ ଭାରତୀ ଏୟାରଟେଲ୍‌ର ୧.୧୧ କୋଟି ମୋବାଇଲ୍ ଗ୍ର୍ରାହକ ରହିଥିବାବେଳେ ବିଏସ୍‌ଏନ୍‌ଏଲ୍‌ର ୬୪.୨ ଲକ୍ଷ ଏବଂ ଭୋଡାଫୋନ୍ ଆଇଡିଆର ୨୪.୮୯ ଲକ୍ଷ ଗ୍ରାହକ ରହିଥିବା ଟ୍ରାଇ ତଥ୍ୟରୁ ଜଣାପଡିଛି।

ଜିଓ ସହିତ ଆସିଥିବା ଡାଟା କ୍ରାନ୍ତି ବଳରେ ଓଡିଶାରେ ମୋବାଇଲ୍ ଡାଟା ବ୍ୟବହାରରେ ମଧ୍ୟ ଏହି ଚାରି ବର୍ଷ ମଧ୍ୟରେ ବ୍ୟାପକ ବୃଦ୍ଧି ଘଟିଛି। ଟ୍ରାଇ ତଥ୍ୟ ଅନୁସାରେ ଓଡିଶାରେ ୨୦୧୬ ସେପ୍ଟେମ୍ବରରେ ମୋବାଇଲ୍ ବ୍ରଡବ୍ୟାଣ୍ଡ୍ ବ୍ୟବହାରକାରୀଙ୍କ ସଂଖ୍ୟା ୪୧.୪ ଲକ୍ଷ ରହିଥିବା ବେଳେ ୨୦୨୧ ମାର୍ଚ୍ଚ ଶେଷ ସୁଦ୍ଧା ଏହା ୨.୦୫ କୋଟିରେ ପହଁଚିଛି। ସେହିଭଳି ଓଡିଶାର ଗ୍ରାମାଂଚଳରେ ବ୍ରଡ୍‌ବ୍ୟାଣ୍ଡ୍ ବ୍ୟବହାରକାରୀଙ୍କ ସଂଖ୍ୟା ସେପ୍ଟେମ୍ବର ୨୦୧୬ରେ ୮.୭ ଲକ୍ଷରୁ ବୃଦ୍ଧିପାଇ ୨୦୨୧ ମାର୍ଚ୍ଚ ଶେଷ ସୁଦ୍ଧା ୧.୩୧ କୋଟିରେ ପହଁଚିଥିବା ଟ୍ରାଇ ତଥ୍ୟରୁ ଜଣାପଝିଛି। ରାଜ୍ୟର ଗ୍ରାମାଂଚଳରେ ଏହି ଡିଜିଟାଲ୍ କ୍ରାନ୍ତିରେ ଜିଓର ସର୍ବବୃହତ୍ ୪ଜି ନେଟ୍‌ୱର୍କ ଓ ଦୁର୍ଗମ ଅଂଚଳକୁ ୪ଜି ନେଟ୍‌ୱର୍କରେ ଯୋଡିବାକୁ ନିରନ୍ତର ପ୍ରୟାସ ବେଶ୍ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣକରିଛି ଏବଂ ସାଂପ୍ରତିକ ସମୟରେ ଅନ୍‌ଲାଇନ୍ ପାଠପଢାରେ ଗ୍ରାମାଂଚଳର ଛାତ୍ରଛାତ୍ରୀ ଓ ଶିକ୍ଷକ ଶିକ୍ଷୟିତ୍ରୀମାନଙ୍କ ପାଇଁ ବେଶ୍ ସହାୟକ ସାବ୍ୟସ୍ତ ହୋଇଛି।

ଭୁବନେଶ୍ୱର: ଓଡ଼ିଶାରେ ସର୍ବାଧିକ ପସନ୍ଦଯୋଗ୍ୟ ଏବଂ ୧ ନମ୍ବର ଡିଜିଟାଲ ସେବା ଯୋଗାଣକାରୀ ଭାବରେ ନିଜର ନେତୃତ୍ୱ ସ୍ଥାନକୁ ଅଧିକ ସୁଦୃଢ କରି ରିଲାଏନ୍ସ ଜିଓ ରାଜ୍ୟରେ ୨୦୨୧ ଜୁନ୍ ମାସରେ ସର୍ବାଧିକ ୨.୫୩ ଲକ୍ଷ ନୂଆ ଗ୍ରାହକ ଯୋଗ କରିଥିବା ଭାରତର ଦୂର ସଂଚାର ନିୟାମକ ପ୍ରାଧିକରଣ (ଟ୍ରାଇ) ପକ୍ଷରୁ ସଦ୍ୟ ପ୍ରକାଶିତ ଦୂରସଂଚାର ଗ୍ରାହକ ତଥ୍ୟରୁ ଜଣାଯାଇଛି। ଏଥିସହିତ ଓଡ଼ିଶରେ ରିଲାଏନ୍ସ ଜିଓର ମୋଟ ଗ୍ରାହକ ସଂଖ୍ୟା ପାଖାପାଖି ୧.୫ କୋଟିରେ ପହଞ୍ଚିଛି, ଯାହା ରାଜ୍ୟରେ କୌଣସି ଗୋଟିଏ ଅପରେଟରଙ୍କ କ୍ଷେତ୍ରରେ ସର୍ବାଧିକ ଏବଂ ଓଡ଼ିଶାରେ ମୋଟ ଗ୍ରାହକ ବଜାରରେ ରିଲାଏନ୍ସ ଜିଓର ଅଂଶ ୪୩%ରୁ ଅଧିକ ରହିଛି।

ଏଠାରେ ଉଲ୍ଲେଖଯୋଗ୍ୟ ଯେ ରିଲାଏନ୍ସ ଜିଓ ସମଗ୍ର ରାଜ୍ୟରେ ତାହାର ସମ୍ପୂର୍ଣ୍ଣ ୪ଜି ମୋବାଇଲ ନେଟୱର୍କକୁ ସମ୍ପ୍ରସାରିତ କରୁଛି ଏବଂ ରାଜ୍ୟରେ ଏପର୍ଯ୍ୟନ୍ତ ଟେଲିଯୋଗାଯୋଗ ସେବାର ଲାଭ ପାଇପାରିନଥିବା ଦୁର୍ଗମ ଅଞ୍ଚଳଗୁଡିକୁ ସଂଯୁକ୍ତ କରୁଛି। ଏହାଦ୍ୱାରା ଜନସାଧାରଣଙ୍କ ବିଶେଷକରି ଛାତ୍ରଛାତୀଙ୍କ ପାଇଁ ଖୁସି ଆଣିଦେଉଛି ଏବଂ କନ୍ଧମାଳ, ଗଜପତି, ଝାରସୁଗୁଡା, ରାୟଗଡା, କୋରାପୁଟ, କେନ୍ଦୁଝର ଏବଂ ସୁନ୍ଦରଗଡ ଆଦି ଜିଲ୍ଲାର ଭୌଗୋଳିକ ଦୃଷ୍ଟିରୁ ଜଟିଳ ଅଞ୍ଚଳଗୁଡିକର ଛାତ୍ରଛାତ୍ରୀ ଏବଂ ଶିକ୍ଷକ ଶିକ୍ଷୟିତ୍ରୀ ଅନ୍‌ଲାଇନ କ୍ଲାସରେ ଯୋଗଦେଇପାରୁଛନ୍ତି। ଜିଓ ମଧ୍ୟ ନିକଟରେ ସର୍ବଭାରତୀୟ ନିଲାମ ପ୍ରକ୍ରିୟାରେ ହାସଲ କରିଥିବା ଅତିରିକ୍ତ ୨୦ ମେଗାହର୍ଜ ସ୍ପେକ୍ଟ୍ରମକୁ ସମଗ୍ର ଓଡ଼ିଶାରେ ମୁତୟନ କରିବା କାର୍ଯ୍ୟ ସଫଳତାର ସହିତ ଶେଷ କରିଛି ଏବଂ ତାହାଦ୍ୱାରା ରାଜ୍ୟରେ ନେଟୱର୍କ, ବେଗ ଏବଂ ଗ୍ରାହକ ଅନୁଭୂତି ଅଧିକ ସମୃଦ୍ଧ ହୋଇଛି।

୨୦୨୧ ଜୁନ୍ ମାସ ପାଇଁ ଟ୍ରାଇ ପକ୍ଷରୁ ପ୍ରକାଶିତ ସଦ୍ୟତମ ଦୂରସଂଚାର ଗ୍ରାହକ ତଥ୍ୟ ଅନୁଯାୟୀ ରିଲାଏନ୍ସ ଜିଓ ଜୁନ୍ ମାସରେ ଓଡ଼ିଶାରେ ସର୍ବାଧିକ ୨,୫୨,୮୭୮ ଗ୍ରାହକ ଯୋଗ କରିଥିବାବେଳେ ଏହା ପଛକୁ ଏୟାରଟେଲ୍ ୧,୧୩,୩୪୨ ଗ୍ରାହକ ଯୋଗ କରିଛି । ସେହି ସମୟରେ ବିଏସଏନଏଲ ମାତ୍ର ୧୨,୦୯୦ ଗ୍ରାହକ ଯୋଗ କରିଥିବାବେେ. ସେହି ସମାନ ମାସରେ ଭୋଡାଫୋନ ଆଇଡିଆ ୬୪,୨୯୩ ଗ୍ରାହକ ହରାଇଛି। ରାଜ୍ୟରେ ମୋଟ ମୋବାଇଲ ଗ୍ରାହକ ସଂଖ୍ୟା ଜୁନ୍ ମାସରେ ୩,୧୩,୯୧୭ ବୃଦ୍ଧିପାଇ ୨୦୨୧ ଜୁନ୍ ୩୦ ସୁଦ୍ଧା ୩.୪୮ କୋଟିରେ ପହଞ୍ଚିଥବା ଟ୍ରାଇ ପ୍ରଦତ୍ତ ତଥ୍ୟରୁ ଜଣାଯାଇଛି।

ଋାଷ୍ଟ୍ରୀୟ ସ୍ତରରେ ମଧ୍ୟ ଜିଓ ୨୦୨୧ ଜୁନ୍ ମାସରେ ଗ୍ରାହକ ଯୋଗ କରିବାରେ ନିଜର ଆଧିପତ୍ୟ ବଜାୟ ରଖି ସର୍ବାଧିକ ୫.୫ ନିୟୁତ ଗ୍ରାହକ ଯୋଗ କରିଥିବା ଟ୍ରଇ ପ୍ରକାଶ କରିଛି।

ଏଠାରେ ଉଲ୍ଲେଖଯୋଗ୍ୟ ଯେ ଓଡ଼ିଶାରେ ରିଲାଏନ୍ସ ଜିଓ ୧ ନମ୍ବର ଡିଜିଟାଲ ସେବା ଯୋଗାଣକାରୀ ଏବଂ ଏହାର ରାଜ୍ୟରେ ସର୍ବାଧିକ ସଂଖ୍ୟକ ଗ୍ରାହକ ସହିତ ରାଜ୍ୟରେ ଦୂରସଂଚାର କ୍ଷେତ୍ରରେ ଆୟ ହେଉଥିବା ମୋଟ ରାଜସ୍ୱରେ ୫୦%ରୁ ଅଧିକ ଅଂଶ ରହିଛି। ଜିଓ ନିଜର ସର୍ବବୃହତ ଟ୍ରୁ-୪ଜି ନେଟୱର୍କ, ଏପର୍ଯ୍ୟନ୍ତ ଅସଂଯୁକ୍ତ ଥିବା ଅଞ୍ଚଳଗୁଡିକୁ ଦ୍ରୁତ ସମ୍ପ୍ରସାରଣ ଏବଂ ସୁଲଭ ମୂଲ୍ୟ ସହିତ ତ୍ରୁଟିଶୂନ୍ୟ ହାଇ-ସ୍ପିଡ ଇଂଟରନେଟ ସେବା ପାଇଁ ଗତ କିଛିବର୍ଷ ଧରି ପ୍ରତି ମାସରେ ନିରନ୍ତର ଭାବରେ ସର୍ବାଧିକ ସଂଖ୍ୟକ ଗ୍ରାହକ ଯୋଗ କରିଆସୁଛି। ଜିଓ ତାହାର ହାଇସ୍ପିଡ ବ୍ରଡବ୍ୟାଣ୍ଡ୍ ସେବା ଜିଓଫାଇବରର ମଧ୍ୟ ଦ୍ରୁତ ସମ୍ପ୍ରସାରଣ କରିଛି ଏବଂ ଏହା ରାଜ୍ୟରେ ୨୭ଟି ପ୍ରମୁଖ ସହର ଓ ନଗରରେ ମୁଖ୍ୟ ଅଂଚଳଗୁଡିକରେ ଉପଲବ୍ଧ ହେଉଛି ତଥା ଦ୍ରୁତ ଗତିରେ ରାଜ୍ୟର ଅନ୍ୟାନ୍ୟ ସହର ଓ ନଗରଗୁଡିକୁ ସମ୍ପ୍ରସାରଣ ଜାରି ରଖିଛି।

ଟ୍ରାଇ ପକ୍ଷରୁ ୨୦୨୧ ଜୁନ୍ ମାସ ପାଇଁ ପ୍ରକାଶିତ ଓୟାର୍‌ଲାଇନ ଗ୍ରାହକ ତଥ୍ୟ ଅନୁଯାୟୀ ୨୦୨୧ ଜୁନ୍ ୩୦ ସୁଦ୍ଧା ରାଜ୍ୟରେ ଜିଓର ୬୩,୬୪୫ ଜିଓଫାଇବର ଗ୍ରାହକ ରହିଥିବା ଜଣାପଡିଛି।

ଭୁବନେଶ୍ୱର: ଜିଓର ଜବରଦସ୍ତ ରଣନୀତି, ନୂଆ ଜିଓଫୋନ ଅଫର ଓ ଆଗାମୀ ଦିନରେ ଉନ୍ମୋଚନ ହେବାକୁଥିବା ସୁଲଭ ମୂଲ୍ୟର ସ୍ମାର୍ଟଫୋନ୍ କଂପାନିକୁ ଗ୍ରାହକ ସଂଖ୍ୟାରେ ବୃଦ୍ଧିକୁ ତ୍ୱରାନ୍ୱିତ କରିବାରେ ସହାୟକ ହେବ ବୋଲି ଜେଏମ୍ ଫାଇନାନ୍ସିଆଲ୍ ପକ୍ଷରୁ ପ୍ରସ୍ତୁତ କରାଯାଇଥିବା ସଦ୍ୟତମ ରିପୋର୍ଟରେ ଉଲ୍ଲେଖ କରାଯାଇଛି।

ଟାରିଫ୍ ମୂଲ୍ୟରେ ସ୍ୱଳ୍ପ ମିଆଦୀ ବିଳମ୍ବ ଗ୍ରାହକ ପିଛା ହାରାହାରି ରାଜସ୍ୱ (ଏଆର୍‌ପିୟୁ)ରେ ହୋଇଥିବା ବୃଦ୍ଧିର ଧାରାକୁ ପଥଚ୍ୟୁତ କରିପାରିବ ନାହିଁ ଏବଂ ଟେଲିକମ୍ କ୍ଷେତ୍ରରେ କୌଣସି ପ୍ରକାର ମିଶ୍ରଣ ବା ସୁଧାର ହେଲେ ତାହା ଜିଓର ଗ୍ରାହକ ସଂଖ୍ୟାକୁ ଆହୁରି ସୁଦୃଢ଼ କରିବ ବୋଲି ରିପୋର୍ଟରେ କୁହାଯାଇଛି।

ଜେଏମ୍ ଫାଇନାନ୍ସିଆଲ୍ ଏହାର ରିପୋର୍ଟରେ ଜଣାଇଛି ଯେ ଦକ୍ଷତାରେ ବୃଦ୍ଧି ପାଇଁ ଉଚ୍ଚ ଫ୍ରିକ୍ୱେନ୍ସି ବ୍ୟାଣ୍ଡ୍‌ରେ ଅଧିକ ପରିମାଣର ସ୍ପେକ୍ଟ୍ରମ୍ ହାସଲ କରିବା ଲାଗି ଜିଓର ଜବରଦସ୍ତ ରଣନୀତି ରହିଛି। ପୁନଶ୍ଚ, ନୂଆ ଫିଓଫୋନ ‌ଅଫର ସହିତ ଆଗାମୀ ଦିନରେ ଆସିବାକୁଥିବା କମ୍ପାନୀର ସୁଲଭ ମୂଲ୍ୟର ସ୍ମାର୍ଟଫୋନ୍ ଗ୍ରାହକ ହାସଲ କରିବାର ଧାରା ବଜାୟ ରଖିବାରେ ସହାୟକ ହେବ।

ଜିଓର ନିକଟରେ ମାସିକ ୨.୩ ନିୟୁତ ଗ୍ରାହକ ଯୋଗ କରୁଛି। ସ୍ପେକ୍ଟ୍ରମ୍ କ୍ଷେତ୍ରରେ ଏହା ନିଜର ସ୍ଥିତି ସୁଦୃଢ଼ କରିଥିବା ବେଳେ ନୂଆ ଜିଓ ଫୋନ୍ ପ୍ଲାନ୍ ଗ୍ରାହକ ହାସଲ କରିବା ଧାରାକୁ ତ୍ୱରାନ୍ୱିତ କରିବ। ରିପୋର୍ଟରେ ଏହା କୁହାଯାଇଛି ଯେ ଉଭୟ ନୂଆ ଜିଓଫୋନ୍ ଅଫର ଏବଂ ସୁଲଭ ମୂଲ୍ୟର ସ୍ମାର୍ଟଫୋନ୍‌ର ସମ୍ଭାବ୍ୟ ଉନ୍ମୋଚନ ଜିଓର ଗ୍ରାହକ ସଂଖ୍ୟା ବୃଦ୍ଧିରେ ପ୍ରମୁଖ ଭୂମିକା ଗ୍ରହଣ କରିବ। ଯଦିଓ ଟେଲିକମ୍ ବଜାରରେ ଆହୁରି ଅନେକ କିଛି ଘଟଣା ଘଟିବାକୁ ଯାଉଛି କିନ୍ତୁ ଜିଓ ପାଇଁ ସ୍ଥିତି ବେଶ ଅନୁକୂଳ ରହଥିବା ଏହି ରିପୋର୍ଟରେ କୁହାଯାଇଛି।

ଜେଏମ୍ ଫାଇନାନ୍ସିଆଲ୍ ଏହାର ରିପୋର୍ଟରେ ଉଲ୍ଲେଖ କରିଛି ଯେ, “ଆମର ବିଶ୍ୱାସ ରହିଛି ଯେ ଗ୍ରାହକ ଯୋଗ କରିବା ଦିଗରେ ଜିଓର ଉଲ୍ଲେଖନୀୟ ଗୁରୁତ୍ୱ ବଳରେ ଏହା ନିଜର ଗ୍ରାହକମାନଙ୍କୁ ଦୀର୍ଘମିଆଦୀ ଭିତିରେ ବ୍ୟାପକ ଡିଜିଟାଲ୍ ସୁଯୋଗ ପ୍ରଦାନ କରିବାର ଉନ୍ନତ ସ୍ଥିତିରେ ରହିଛି। ଜିଓର ଗ୍ରାହକ କୈନ୍ଦ୍ରିକ ଓ ବ୍ୟବସାୟ-ଗ୍ରାହକ ମଡେଲ୍ ମଧ୍ୟ ଏହାକୁ ଡିଜିଟାଲ୍ ସୁଯୋଗରୁ ଉପାର୍ଜନ କରିବା ଲାଗି ସୁଯୋଗ ପ୍ରଦାନ କରିବ, କିନ୍ତୁ ଅନ୍ୟ ଅପରେଟର ଅନୁସରଣ କରୁଥିବା ବ୍ୟବସାୟ-ବ୍ୟବସାୟ-ଗ୍ରାହକ ମଡେଲ୍‌ରେ ସେଭଳି ସ୍ୱାତନ୍ତ୍ରତା ନାହିଁ।’’

ଭୁବନେଶ୍ୱର: ଜିଓ ବିଜନେସ୍ ପକ୍ଷରୁ ଅଣୁ, କ୍ଷୁଦ୍ର ଓ ମଧ୍ୟମ ବ୍ୟବସାୟ ଲାଗି ଏକ ସମନ୍ୱିତ ସେବା ପ୍ରଦାନ ଆରମ୍ଭ କରାଯାଇଛି। ଏହା ମୂଳତଃ ତିନିଟି ସ୍ତମ୍ଭ ଉପରେ ପର‌୍ୟ୍ୟବେସିତ, ଯାହମଧ୍ୟରେ ରହିଛିି, ଏଂଟରପ୍ରାଇଜ୍‌-ମାନ୍‌ର ଫାଇବର୍ ସଂଯୋଗ ଯାହା ଭଏସ୍ ଓ ଡାଟା ସେବା ପ୍ରଦାନ କରିବ; ଡିଜିଟାଲ୍ ସମାଧାନ ଯାହା ଏଣ୍ଟରପ୍ରାଇଜ୍‌କୁ ପରିଚାଳନା କରିବା ଏବଂ ସେମାନଙ୍କ ବ୍ୟବସାୟକୁ ବଢ଼ାଇବାରେ ସହାୟକ ହେବ; ଡିଭାଇସ୍ ଯାହା ଏମ୍‌ଏସ୍‌ଏମ୍‌ବି ଗୁଡ଼ିକୁ ଅଗ୍ରଣୀ ଡିଜିଟାଲ୍ ସମାଧାନ ପ୍ରଦାନ କରିବ। ଏହି ଘୋଷଣା ସମ୍ପର୍କରେ ଆକାଶ ଅମ୍ବାନି, ନିର୍ଦ୍ଦେଶକ, ଜିଓ କହିଛନ୍ତି ଯେ, “ଅଣୁ, କ୍ଷୁଦ୍ର ଓ ମଧ୍ୟମ ବ୍ୟବସାୟ ସଂସ୍ଥାଗୁଡ଼ିକ ହେଉଛି ଭାରତୀୟ ଅର୍ଥନୀତିର ଭିତିପ୍ରସ୍ତର।

ବର୍ତ୍ତମାନ ଏକ ସମନ୍ୱିତ ଡିଜିଟାଲ୍ ସେବା ପ୍ରଦାନ ଏବଂ ଉନ୍ନତ ତଥା ଅତ୍ୟାଧୁନିକ ଏଂଟରପ୍ରାଇଜ୍ ସୁବିଧା ଆପଣାଇବା ପାଇଁ ସୁବିଧା ଓ ଜ୍ଞାନର ଅଭାବ ଥିବାରୁ ସେମାନେ ନିଜ ବ୍ୟବସାୟକୁ ପ୍ରଭାବଶାଳୀ ଢଙ୍ଗରେ ଚଲାଇବା ଲାଗି ଡିଜିଟାଲ୍ ଜ୍ଞାନକୌଶଳର ସଦୂପଯୋଗ କରିପାରୁନାହାନ୍ତି। ଏବେ, ଜିଓ ବିଜନେସ୍ ସମନ୍ୱିତ ଏଂଟରପ୍ରାଇଜ୍ ମାନର ଭଏସ୍ ଓ ଡାଟା ସେବା, ଡିଜିଟାଲ୍ ସମାଧାନ ଏବଂ ଡିଭାଇସ୍ ବ୍ୟବସ୍ଥା କ୍ଷୁଦ୍ର ବ୍ୟବସାୟଗୁଡିକୁ ଯୋଗାଇ ଏହି ଅଭାବକୁ ଦୂର କରିବ। ଏଥିସହିତ ସହଜରେ ବ୍ୟବହାରଯୋଗ୍ୟ ଏହି ଡିଜିଟାଲ୍ ସମାଧାନ ସେମାନଙ୍କୁ ନିଜ ବ୍ୟବସାୟ ପ୍ରଭାବଶାଳୀ ଢଙ୍ଗରେ ଚଳାଇବା ଏବଂ ବଡ଼ ବଡ ସଂସ୍ଥାଗୁଡ଼ିକ ସହ ପ୍ରତିଦ୍ୱନ୍ଦ୍ୱିତା କରିବାରେ ସହାୟକ ହେବ।

ବର୍ତ୍ତମାନ ଏକ ଲଘୁ ଓ କ୍ଷୁଦ୍ର ବ୍ୟବସାୟ ସଂସ୍ଥା ସଂଯୋଗ ବା କନେକ୍ଟିଭିଟି, ଉତ୍ପାଦକତା ଏବଂ ଅଟୋମେସନ୍ ଉପକରଣ ବାବଦରେ ମାସକୁ ୧୫,୦୦୦-୨୦,୦୦୦ ଟଙ୍କା ବ୍ୟୟ କରୁଛନ୍ତି। ବର୍ତ୍ତମାନ, ଆମେ ଏହି ସୁବିଧାଗୁଡ଼ିକ ସହିତ ଆମର ବ୍ରଡବ୍ୟାଣ୍ଡ୍ ସଂଯୋଗକୁ ଏହି ଖର୍ଚ୍ଚର ଏକ ଦଶମାଂଶରୁ କମ୍ ମୂଲ୍ୟ ଯାହା ମାସିକ ଏକ ହଜାର ଟଙ୍କାରୁ କମ୍ ମୂଲ୍ୟରୁ ଆରମ୍ଭ ହେଉଛି, ସେଥିରେ ପ୍ରଦାନ କରି କ୍ଷୁଦ୍ର ବ୍ୟବସାୟଗୁଡ଼ିକୁ ସଶକ୍ତ କରିବା ଦିଗରେ ପ୍ରଥମ ପଦକ୍ଷେପ ଗ୍ରହଣ କରିଛୁ। ଏହି ପଦକ୍ଷେପ ସହିତ ମୁଁ ନିଶ୍ଚିତ ଯେ ନିୟୁତାଧିକ ଅଣୁ, କ୍ଷୁଦ୍ର ଓ ମଧ୍ୟମ ବ୍ୟବସାୟ ସଂସ୍ଥା ସମୃଦ୍ଧି ଆଡକୁ ଅଗ୍ରସର ହେବେ ଏବଂ ଏକ ନୂଆ ଆତ୍ମନିର୍ଭର ଡିଜିଟାଲ୍ ଭାରତ ସୃଷ୍ଟି କରିବା ଦିଗରେ ଆଗକୁ ବଢ଼ିବେ।’’

ଜିଓ ବିଜନେସ୍‌ର ନୂଆ ପ୍ଲାନ୍‌ଗୁଡିକ ମଧ୍ୟରେ ରହିଛି କ୍ଷୁଦ୍ର ବ୍ୟବସାୟୀମାନଙ୍କ ପାଇଁ ୯୦୧ ଟଙ୍କାରୁ ଆରମ୍ଭ ହେଉଥିବା ବ୍ରଡ୍‌ବ୍ୟାଣ୍ଡ୍ ଓ ଭଏସ୍ କଲ୍ ଅଫର। ଜିଓର ଏହି ପ୍ଲାନ୍ ସହିତ କ୍ଷୁଦ୍ର ବ୍ୟବସାୟଗୁଡିକୁ ୧୦୦ ଏମ୍‌ବିପିଏସ୍‌ର ଅପ୍‌ଲୋଡ୍ ଓ ଡାଉନ୍‌ଲୋଡ୍ ଇଂଟରନେଟ୍ ସ୍ପିଡ୍ ସହିତ ଅସୀମିତ ଭଏସ୍ କଲିଙ୍ଗ୍ ସୁବିଧା ରହିଥିବା ହାଇସ୍ପିଡ୍ ବ୍ରଡ୍‌ବ୍ୟାଣ୍ଡ୍ ସଂଯୋଗ ଉପଲବ୍ଧ ହେଉଛି।

ଜିଓ ବିଜନେସ୍‌ର ପ୍ରମୁଖ ଲାଭଜନକ ଉପାଦାନଗୁଡିକ ମଧ୍ୟରେ ରହିଛି ଉନ୍ନତ ଗ୍ରାହକ ଅନୁଭୂତି: ଉନ୍ନତ ଗ୍ରାହକ ସମ୍ପର୍କ ସହିତ ଗ୍ରାହକଙ୍କ ଜୀବନଚକ୍ରରେ ଉନ୍ନତ ସମ୍ପର୍କ; ବ୍ୟବସାୟ ଅନଲାଇନ୍‌କୁ ନେବା ଏବଂ ରାଜସ୍ୱ ବଢ଼ାଇବା ସୁବିଧା: ବ୍ୟବସାୟକୁ ଅନଲାଇନ୍‌ରେ ସନ୍ଧାନରେ ଉପଲବ୍ଧ ହେବା ଯୋଗ୍ୟ କରିବା; ୨୪ ଘଂଟା ପରିଚାଳନା: କର୍ମଚାରୀ, ଗ୍ରାହକ ଏବଂ ବ୍ୟବସାୟକୁ ଯେକୌଣସି ସମୟରେ ଯେକୌଣସି ସ୍ଥାନରୁ ପରିଚାଳନା କରିବା ସୁବିଧା; ବ୍ୟବସାୟ ଦକ୍ଷତାରେ ଉନ୍ନତି: ବ୍ୟବସାୟ ବଢ଼ାଇବା ଲାଗି ଡିଜିଟାଲ୍ ସମାଧାନର ଉପଯୋଗ କରିବା ଏବଂ ଖର୍ଚ୍ଚ କମାଇବା ତଥା ଡିଜିଟାଲ୍ ସମାଧାନ ଜରିଆରେ ଉତ୍ପାଦକତା ବଢ଼ାଇବା।

ଜିଓ ବିଜନେସ୍ ପକ୍ଷରୁ କ୍ଷୁଦ୍ର ଓ ମଧ୍ୟମ ବ୍ୟବଦସାୟଗୁଡ଼ିକୁ ଦିଆଯାଉଥିବା ସ୍ୱତନ୍ତ୍ର ସେବା ଗୁଡିକ ମଧ୍ୟରେ ରହିଛି:
– ୱାନ୍‌-ଷ୍ଟପ୍‌-ସପ୍ ସମାଧାନ: ଗୋଟିଏ ସ୍ଥାନରେ ସଂଯୋଗ ଓ ଡିଜିଟାଲ୍ ସମାଧାନ
– ବ୍ୟବହାର ଲାଗି ପୂର୍ଣ୍ଣପ୍ରସ୍ତୁତ: ବ୍ୟବହାର ଲାଗି ପ୍ରସ୍ତୁତ ହୋଇ ରହିଥିବା ଡିଜିଟାଲ୍ ସମାଧାନ, ଯାହାକୁ ଚଲାଇବା ଲାଗି ବିଶେଷଜ୍ଞଙ୍କ ଆବଶ୍ୟକତା ପଡ଼ିବନାହିଁ
– ସହାୟତା ଭିତିକ ବିକ୍ରି ଓ ଅନ୍‌-ବୋର୍ଡିଂ: ସହାୟତା ଆବଶ୍ୟକ କରୁଥିବା ବ୍ୟବସାୟଗୁଡ଼ିକୁ ସଠିକ୍‌ ପ୍ଲାନ୍‌/ସମାଧାନ ଚୟନ କରିବା, ସାମିଲ ହେବା ଏବଂ ଡିଜିଟାଲ୍ ସମାଧାନ ଗ୍ରହଣ କରିବା ଲାଗି ମାର୍ଗଦର୍ଶନ କରିବା ନିମନ୍ତେ ସ୍ୱତନ୍ତ୍ର ଡିଜିଟାଲ୍ ଉପଦେଷ୍ଟା
– ଡିଜିଟାଲ୍ ଆକାଉଂଟ୍ ପରିଚାଳନା: ଏକ ଡିଜିଟାଲ୍ ସେଲଫ୍ କେୟାର ପୋର୍ଟାଲ୍ ଜରିଆରେ ଏସ୍‌ଏମ୍‌ବିଗୁଡ଼ିକୁ ସଶକ୍ତ କରିବା ସୁବିଧା ଯାହାଦ୍ୱାରା ପ୍ଲାନ୍ ପରିବର୍ତନ, ଡ୍ୟାସ୍‌ବୋର୍ଡରେ ପ୍ରଦର୍ଶନକୁ ଦେଖିପାରିବା ସୁବିଧା, ପେମେଂଟ୍ କରିବା ସୁବିଧା, ସହାୟତା