ଭୁବନେଶ୍ଵର: ଏବେ ରାଜ୍ୟରେ ସବୁ ଶିକ୍ଷକମାନଙ୍କୁ ଟୀକା ଦେବା ପାଇଁ ବ୍ୟବସ୍ଥା କରାଯାଉଛି। ରାଜ୍ୟରେ ଟୀକା ନେଇଥିବା ଓ ନେଇନଥିବା ଶିକ୍ଷକଙ୍କ ତାଲିକା ପ୍ରସ୍ତୁତ କରିବା ପାଇଁ ନିର୍ଦ୍ଦେଶ ଦିଆଯାଇଛି। ସ୍ୱାସ୍ଥ୍ୟ ବିଭାଗ ପକ୍ଷରୁ ସମସ୍ତ ଡିଇଓ ଏବଂ ବିଇଓଙ୍କୁ ଏନେଇ ନିର୍ଦ୍ଦେଶ ହୋଇଛି। ସେପ୍ଟେମ୍ବର ୫ ତାରିଖ ମଧ୍ୟରେ ସବୁ ଶିକ୍ଷକଙ୍କୁ ଟୀକା ଦାନ ପାଇଁ ବ୍ୟବସ୍ଥା କରାଯାଉଛି। ୨୭ ତାରିଖରୁ ଅତିରିକ୍ତ ୧୧ ଲକ୍ଷ ଟିକା ଆସିବା ପରେ ଟୀକାକରଣ ଆରମ୍ଭ ହେବ। ଦରକାର ପଡିଲେ ୧୦୦ ରୁ ଅଧିକ କର୍ମଚାରୀ ଥିବା ସ୍କୁଲରେ ଟୀକା କେନ୍ଦ୍ର ହେବ। ପରିବାର କଲ୍ୟାଣ ନିର୍ଦ୍ଦେଶକ ବିଜୟ ପାଣିଗ୍ରାହୀ ଏନେଇ ସୂଚନା ଦେଇଛନ୍ତି।
