କୈଳାଶ ଚନ୍ଦ୍ର ଚୌଧୁରୀ
ବ୍ରହ୍ମପୁର: ସଦର ଥାନା ଅନ୍ତର୍ଗତ ଲାଠି ଗ୍ରାମରେ ବାଳକୃଷ୍ଣ ଚୌଧୁରୀ ନାମକ ଜଣେ ଆଇନଜୀବିଙ୍କୁ ହତ୍ୟା ଧମକ ଓ ଦାଦାବଟି ଅଭିଯୋଗରେ ସଦର ଥାନାରେ ଅଭିଯୋଗ ଦାଖଲ ହୋଇଛି। ଅଭିଯୋଗ ପାଇ ପୋଲିସ ଏତଲା ନଂ ୩୧୬/୨୦୨୩ ଅନୁସାରେ ମକଦ୍ଦମା ରୁଜୁ କରି ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି। ଖୁବ୍ ଶୀଘ୍ର ଅଭିଯୁକ୍ତକୁ ଗିରଫ କରାଯିବ ବୋଲି ପୋଲିସ କହିଛି।
ଘଟଣାରୁ ପ୍ରକାଶ ଯେ, ଜନୈକା ମହିଳା ଉକ୍ତ ଆଇନଜୀବୀଙ୍କ ଘର ପାଖରେ ଅଳିଆ ଆବର୍ଜ୍ଜନା ପକାଇଥିଲେ। ଏହି କାର୍ଯ୍ୟକୁ ଆଇନଜୀବୀ ଜଣଙ୍କ ଆପତ୍ତି କରିବାରୁ ମହିଳାଙ୍କ ସ୍ବାମୀ ଏକ ଧାରୁଆ ଖଣ୍ଡା ଧରି ଆଇନଜୀବୀଙ୍କ ଚେମ୍ବର୍ ଭିତରକୁ ଯାଇ ହତ୍ୟାର ଧମକ ଦେବା ସହ ଆଜିଠାରୁ ପ୍ରତ୍ୟେକ ମାସରେ ବଟି ଦାବି କରିଥିଲେ। ନଚେତ ଏହି ଖଣ୍ଡାରେ ତୋତେ ହତ୍ୟା କରିବି ବୋଲି ଧମକ ଦେଇଥିଲେ। ବାଧ୍ୟ ହୋଇ ଆଇନଜୀବୀ ଜଣଙ୍କ ଥାନାରେ ଅଭିଯୋଗ କରିଥିଲେ।