ରଣପୁର: ରଣପୁର ଐତିହ୍ୟ, ସଂସ୍କୃତି ଓ ପରମ୍ପରାକୁ ନେଇ ସ୍ଥାନୀୟ ମିନି ଷ୍ଟାଡିଅମ ବାଘ ସାମନ୍ତ ପଡିଆରେ ଚାଲିଥିବା ରଣପୁର ମହୋତ୍ସବ ଅର୍ଜୁନର ଶେଷ ସନ୍ଧ୍ୟା ଅନୁଷ୍ଠିତ ହୋଇ ଯାଇଛି। ଏହି ପରିପ୍ରେକ୍ଷୀରେ ଅନୁଷ୍ଠିତ ସାଧାରଣ ସଭାରେ ମହୋତ୍ସବ କମିଟିର ସଭାପତି ତଥା ନୟାଗଡ ଜିଲ୍ଲା ଯୋଜନା ବୋର୍ଡ ଅଧ୍ୟକ୍ଷ ସତ୍ୟ ନାରାୟଣ ପ୍ରଧାନ ସଭାପତିତ୍ୱ କରିଥିଲେ।
ଏହି ସଭାରେ ମୁଖ୍ୟ ଅତିଥି ଭାବେ ବୋଲଗଡ-ବେଗୁନିଆ ବିଧାୟକ ରାଜେନ୍ଦ୍ର କୁମାର ସାହୁ, ମୁଖ୍ୟ ବକ୍ତା ଭାବେ ମୋ କଲେଜର ଅଧ୍ୟକ୍ଷ ତଥା କୋରେଇର ପୂର୍ବତନ ବିଧାୟକ ଆକାଶଦାସ ନାୟକ, ସମ୍ମାନିତ ଅତିଥି ଭାବେ ନୟାଗଡ ଜିଲ୍ଲାପାଳ ରବିନ୍ଦ୍ରନାଥ ସାହୁ, ନୟାଗଡ ଜିଲ୍ଲା ଆରକ୍ଷୀ ଅଧିକ୍ଷକ ଅଲେଖ ଚନ୍ଦ୍ର ପହି, ଓଡଗାଁ ଜିଲ୍ଲା ପରିଷଦ ସଭ୍ୟା ବିରଜାଲକ୍ଷ୍ମୀ ସାହୁ, ନୟାଗଡ ଜିଲ୍ଲା ପରିଷଦ ଅଧ୍ୟକ୍ଷ ତଥା ମହୋତ୍ସବ କମିଟିର ସଂଯୋଜକ ଇଞ୍ଜିନିଅର ଦେବାଶିଷ ପଟ୍ଟନାୟକ, ସମ୍ପାଦକ ସୁରେଶ ଚନ୍ଦ୍ର ମିଶ୍ର, ଆବାହକ ପୂର୍ଣଚନ୍ଦ୍ର ରାୟ ପ୍ରମୂଖ ମଞ୍ଚାସିନ ଥିଲେ। ଅମ୍ରିତା ମିଶ୍ର ଅତିଥି ପରିଚୟ ପ୍ରଦାନ କରିଥିଲେ। ସଙ୍ଗୀତ କଳା ବିଦ୍ୟା ନିକେତନର ଅଧ୍ୟକ୍ଷ ସତ୍ୟ ନାରାୟଣ ମହାପାତ୍ରଙ୍କ ନିର୍ଦ୍ଦେଶନାରେ ଛାରଛାତ୍ରୀମାନେ ସ୍ୱାଗତ ସଙ୍ଗୀତ ଗାନ କରିଥିଲେ।
ମୁଖ୍ୟ ଅତିଥି ଶ୍ରୀ ନାୟକ ସନ୍ଧ୍ୟାରେ ଆଲୋକମାଳରେ ସଜ୍ଜିତ ହୋଇଥିବା ଉପର ମଣିନାଗ ପାହାଡ଼କୁ ଡେରାଡୁନର ମଶୁରୀ ସହ ତୁଳନା କରିଥିଲେ। ଏଥି ସହ କିଛି ଚଳଚିତ୍ରର ସଂଳାପ ଓ ସଙ୍ଗୀତ ପରିବେଷଣ କରି ଦର୍ଶକଙ୍କୁ ଉଲ୍ଲସିତ କରିଥିଲେ।
୮୦ ହଜାରରୁ ଅଧିକ ଦର୍ଶକ ଶେଷ ସନ୍ଧ୍ୟାର ସାଂସ୍କୃତିକ କାର୍ଯ୍ୟକ୍ରମର ମଜା ଉଠାଇଥିଲେ। କଟକର ମେଲୋଡି ପାର୍ଟି ‘ମିଲନ’ ର ସଙ୍ଗୀତ କାର୍ଯ୍ୟକ୍ରମ ବିଳମ୍ବିତ ରାତି ପର୍ଯ୍ୟନ୍ତ ସଙ୍ଗୀତ ପ୍ରେମୀଙ୍କୁ ବାନ୍ଧି ରଖିଥିଲା। ଏହା ସହିତ ଦିପ୍ତିରେଖାଙ୍କ ସଙ୍ଗୀତରେ ଦର୍ଶକ ଝୁମି ଥିଲେ। ଅଧ୍ୟାପକ ସତ୍ୟ ନାରାୟଣ ମହାପାତ୍ର ସାଂସ୍କୃତିକ ମଞ୍ଚ କାର୍ଯ୍ୟ ପରିଚାଳନା କରିଥିଲେ।
ଅପରାହ୍ନରେ ଏକ କୁଇଜ ପ୍ରତିଯୋଗିତା କରାଯାଇଥିଲା। ଏହା ପରେ ବିଭିନ୍ନ ବିଦ୍ୟାଳୟର ଛାତ୍ରଛାତ୍ରୀମାନଙ୍କ ଦ୍ୱାରା ପ୍ରଦର୍ଶିତ ସାଂସ୍କୃତିକ କାର୍ଯ୍ୟକ୍ରମ ଅତ୍ୟନ୍ତ ମନମୁଗ୍ଧକର ଥିଲା। କୁନି ବାଳକ ଶାଶ୍ୱତ ବେହେରାଙ୍କ ତବଲା ବାଦନ ଓ କୁନି ଝିଅ ଆଲେକ୍ସା କିରଣ ଦାଶଙ୍କ ନୃତ୍ୟ ଦର୍ଶକଙ୍କୁ ଚକିତ କରିଥିଲା। ମହୋତ୍ସବ ଅବସରରେ ପଡ଼ିଥିବା ଦୋକାନ ବଜାରରେ ଆଜି ଶେଷ ଦିନରେ ଅଧିକ ଭିଡ଼ ଜମି ଥିଲା।
ଉଦଯାପନୀ ସନ୍ଧ୍ୟା କାର୍ଯ୍ୟକ୍ରମରେ ରଣପୁର ବିଜ୍ଞାପିତ ପରିଷଦର ଅଧ୍ୟକ୍ଷା ରଙ୍ଗୀନ ମହାନ୍ତି, ଉପାଧ୍ୟକ୍ଷ ବିଶ୍ୱରଂଜନ ପଟ୍ଟନାୟକ, ସୁଶାନ୍ତ କୁମାର ମିଶ୍ର, ସାଂସଦ ପ୍ରତିନିଧି ସ୍ୱରାଜ ମହାନ୍ତି, ଡ଼ା. ପ୍ରଶାନ୍ତ ମିଶ୍ର, ଆଇନୀଜୀବୀ ଦିଲ୍ଲୀପ କୁମାର ନନ୍ଦ, ସମାଜସେବୀ କିଶୋର ପଟ୍ଟନାୟକ, ନଗର ସଭାପତି ଲିଙ୍ଗରାଜ ନାୟକ, ନବକିଶୋର ରାୟ, ବନମାଳୀ ମହାପାତ୍ର, କମଳାକ୍ଷୀ ଦେଵିଦର୍ଶିନୀ, ରଶ୍ମିତା ମାଝୀ, ରଞ୍ଜନ ଦାଶ, ଦିନେଶ ପରିଡା, ଲିଟୁ ସ୍ୱାଇଁଙ୍କ ସହ କାଉନସିଲର, ସମିତିସଭ୍ୟ ଓ ଗଣମାଧ୍ୟମର ପ୍ରତିନିଧିମାନେ ଉପସ୍ଥିତ ଥିଲେ।