ନୂଆଦିଲ୍ଲୀ, ଗତକାଲି ଥିଲା ଦୀପାବଳି। ଏହି ସମୟରେ ଲୋକମାନେ ଦୀପଜାଳି ବାଣ ଫୁଟାଇ ଏହାକୁ ପାଳନ କରିଥାନ୍ତି। ତେବେ ଏଥର କରୋନା ପାଇଁ ବାଣ ଫୁଟାଇବା ବାରଣ କରାଯାଇଛି। କେତେକ ରାଜ୍ୟ ସୀମିତ ସମୟ ମଧ୍ୟରେ ବାଣ ଫୁଟାଇବା ପାଇଁ ଅନୁମତି ପ୍ରଦାନ କରିଥିଲେ। ହେଲେ ଗତବର୍ଷ ପରି ଏଥର ଦୀପାବଳି ଫିକା ପଡିଯାଇଥିଲେ ମଧ୍ୟ ଦୁର୍ଘଟଣା ସଂଖ୍ୟା ହ୍ରାସ ପାଇ ନାହିଁ।
ଗତକାଲି ଗୋଟିଏ ଦିନରେ ଦିଲ୍ଲୀ ଅଗ୍ନିଶମ କେନ୍ଦ୍ରକୁ ଆସିଛି 205 ଫୋନ କଲ। ଏଥିରେ କେବଳ ସଂଧ୍ୟା 6 ଟାରୁ ବିଳମ୍ବିତ ରାତି ପର୍ଯ୍ୟନ୍ତ ଆସିଥିବା କଲ ସଂଖ୍ୟା ହେଉଛି 129। ଏହି ଫୋନକଲ ଗୁଡିକ କେବଳ ନିଆଁ ଦୁର୍ଘଟଣା ବାବଦରେ ଥିଲା। ଗତ ବର୍ଷ ଏହି ଦୀପାବଳିରେ ଦିଲ୍ଲୀ ଫାୟାର ବିଗ୍ରେଡିୟରଙ୍କୁ 245ଟି ଫୋନ କଲ ମିଳିଥିଲା। ଏଥର ବାଣ କଟକଣା ପାଇଁ ଏହା ହ୍ରାସ ପାଇବ ବୋଲି ଆଶା କରାଯାଉଥିଲା। ହେଲେ 205ଟି କଲ ଏଥର ପାଇଁ ବେଶ ଅଧିକା ବୋଲି ଜଣେ ଅଗ୍ନିଶମ କର୍ମଚାରୀ କହିଛନ୍ତି।