Tag: ନବୀନ ପଟ୍ଟନାୟକ

କଟକ: ବିଜେଡି ସାଂସଦ ଭର୍ତ୍ତୁହରି ମହତାବଙ୍କ କାର୍ଯ୍ୟକ୍ରମରେ ଅତିଥୀ ଭାବେ ଯୋଗ ଦେବେ ଗୃହମନ୍ତ୍ରୀ ଅମିତ ସାହା। ଏଥିସହିତ ସେହି ସଭାରେ ମଧ୍ୟ ଅନ୍ୟତମ ଅତିଥୀ ହେବେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ। ଏ ନେଇ ସୂଚନା ଦେଇଛନ୍ତି ଖୋଦ ସାଂସଦ ଭର୍ତ୍ତୁହରି ମହତାବ।

ଦୈନିକ ଖବରକାଗଜ ‘ପ୍ରଜାତନ୍ତ୍ର’ ର ପ୍ରତିଷ୍ଠା ଉତ୍ସବ ଆସନ୍ତା ଅଗଷ୍ଟ ଆଠ ତାରିଖରେ ହେବ। ସେଥିରେ ଏହି ଦୁଇ ଅତିଥୀ ଉପସ୍ଥିତ ରହିବେ। ଏହି ଉତ୍ସବ କଟକ ଜବାହାରଲାଲ ନେହୁର ଇନଡୋର ଷ୍ଟାଣ୍ଡିୟମରେ ହେବ ବୋଲି ମହତାବ କହିଛନ୍ତି।

ଏହି ଉତ୍ସବ ତିନୋଟି ପର୍ଯ୍ୟାୟରେ କରାଯିବ। ପ୍ରଥମେ ଆଠ ତାରିଖ ପୂର୍ବାହ୍ନରେ ଅମିତ ସାହା ଏବଂ ମୁଖ୍ୟମନ୍ତ୍ରୀଙ୍କ କାର୍ଯ୍ୟକ୍ରମ। ସେହିଦିନ ସଂଧ୍ୟାରେ ଆନ୍ଧ୍ରପ୍ରଦେଶ ରାଜ୍ୟପାଳ ବିଶ୍ବଭୂଷଣ ହରିଚନ୍ଦନ ଏବଂ ହିନ୍ଦୁସ୍ଥାନ ଟାଇମସର ସଂପାଦକ ଶଶିଶେଖରଙ୍କୁ ନେଇ ଏକ ସଭାର ଆୟୋଜନ କରାଯିବ। ଏହା ପ୍ରଜାତନ୍ତ୍ର ପରିସରରେ ଥିବା ବିଷୁବ ମଣ୍ଡପରେ କରାଯିବ।

ସେହିପରି ଅଗଷ୍ଟ ନଅ ତାରିଖରେ ଅନ୍ୟତମ କାର୍ଯ୍ୟକ୍ରମର ଆୟୋଜନ କରାଯାଇଛି। ଏଥିରେ ଓଡିଶା ରାଜ୍ୟପାଳ ପ୍ରଫେସର ଗଣେଶୀଲାଲ ଏବଂ ରାଜ୍ୟସଭା ଉପାଧ୍ୟକ୍ଷ ହରିବଂଶ ଯୋଗଦେବେ।  ଏହା ମଧ୍ୟ ସେହି ବିଷୁବ ମଣ୍ଡରେ କରାଯିବ ବୋଲି ଜଣାପଡିଛି।

ଓଡିଶାରେ ପ୍ରଜାତନ୍ତ୍ର ଖବରକାଗଜ 1947 ମସିହା ଅଗଷ୍ଟ ଆଠ ତାରିଖରେ ଜନ୍ମଲାଭ କରିଥିଲା।

ଭୁବନେଶ୍ବର: ସୌମ୍ୟରଂଜନ ପଟ୍ଟନାୟକ, ବିଜେଡି ବିଧାୟକ ସହିତ ଓଡିଆ ମିଡିଆ ଜଗତର ଜଣେ ବାଦସାହା। ହେଲେ ଦୁଃଖର କଥା ସେ ମିଡିଆରେ ଯେତିକି ସଫଳତା ପାଇଛନ୍ତି ରାଜନୀତିରେ ସେତେକି ନୁହେଁ। କାରଣ ସେ କଂଗ୍ରେସ ଏବଂ ପରେ ନିଜେ ରାଜନୈତିକ ଦଳ କରି ବିଫଳ ହୋଇଛନ୍ତି। କେବଳ ନବୀନ ପଟ୍ଟନାୟକଙ୍କ ଆର୍ଶିବାଦରେ ତାଙ୍କର ରାଜନୈତିକ ଜୀବନରେ ଆଂଶିକ ସଫଳତା ମିଳିଛି।

ହେଲେ ବର୍ତ୍ତମାନ ସୌମ୍ୟରଂଜନଙ୍କ ଚାଲିଚଳନକୁ ଦେଖିଲେ ଜଣାପଡୁଛି ସେ ଏହି ସଫଳତାକୁ ନେଇ ମଧ୍ୟ ଖୁସି ନାହାଁନ୍ତି। କାରଣ ବିଭିନ୍ନ ସମୟରେ ବିଜେଡିରେ ଥାଇ ସରକାରଙ୍କୁ ହରଡଘଣାରେ ପକାଇବା ପରି ପଦକ୍ଷେପ ଗ୍ରହଣ କରୁଛନ୍ତି। କେତେବେଳେ ସେ ଦଳର ବରିଷ୍ଠ ନେତାଙ୍କୁ ସମାଲୋଚନା କରୁଛନ୍ତି ତ କେତେବେଳେ ନବୀନ ପଟ୍ଟନାୟକଙ୍କୁ। ଫଳରେ ବିଜେଡି ବର୍ତ୍ତମାନ ଏହି ବ୍ୟକ୍ତିଙ୍କୁ ନେଇ ଅଡୁଆ ପରିସ୍ଥିତିରେ ପଡିଯାଇଛି।

ବର୍ତ୍ତମାନ ଆଉ ଏକ ନୂଆ ଘଟଣାରୁ ସୌମ୍ୟ ରଂଜନଙ୍କ ମତିଗତି ଯେ ଆଦୌ ଠିକ ନାହିଁ ତାହା ସ୍ପଷ୍ଟ ହୋଇଛି। ତାଙ୍କର ମନ ଆଉ ବିଜେଡିରେ ନାହିଁ ଏହି ଘଟଣାରୁ ସଂପୂର୍ଣ୍ଣ ଭାବେ ଜଣାପଡିଛି। ତାହା ହେଲା ବିଜେପି ପ୍ରାୟୋଜିତ ଏକ କାର୍ଯ୍ୟକ୍ରମରେ ସୌମ୍ୟବାବୁ ଯୋଗଦେବା ଏବଂ ସେଠାରେ ବିଜେପି ନେତା ଅମିତ ସାହାଙ୍କୁ ପ୍ରଶଂସା କରିବା।ଏହାକୁ ନେଇ ଓଡିଶା ରାଜନୈତିକ ମହଲରେ ବେଶ ଚର୍ଚ୍ଚା ହେବାରେ ଲାଗିଛି।

ଅବସର ଥିଲା ‘ଅମିତ ସାହା ଏବଂ ବିଜେପିର ଯାତ୍ରା’ ନାମିତ ଏକ ପୁସ୍ତକ ଉନମୋଚନ ଉତ୍ସବ। ଭୁବନେଶ୍ବରରେ ଆୟୋଜିତ ଏହି ଉତ୍ସବରେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ, ବିଜେପି ସଭାପତି ସମୀର ମହାନ୍ତି ପ୍ରମୁଖଙ୍କ ସହିତ ଥିଲେ ସୌମ୍ୟରଂଜନ। ସେଠାରେ ସେ କହିଲେ ଯେ, ଯଦି ରାଜନୀତିରେ ସଫଳତା ଚାହୁଁଛ ତେବେ ଅମିତ ସାହାଙ୍କ ରଣନୀତିକୁ ଜାଣିବା ଦରକାର। ସେତିକି ନୁହେଁ ସେ ପରୋକ୍ଷରେ ବିଜେଡିକୁ ସମାଲୋଚନା କରିବାକୁ ଯାଇ କହିଥିଲେ ଯେ, ବର୍ତ୍ତମାନ ଏକ ନୂଆ ଭୋଟ ବ୍ୟାଙ୍କ ସୃଷ୍ଟି ହୋଇଛି, ତାହା ହେଲା ‘ହିତାଧିକାରୀ’ ବା ‘ ଲାଭାର୍ଥୀ’।

ତେବେ କଥା ହେଲା ଯେ, ସୌମ୍ୟବାବୁ ପୁସ୍ତକ ଉନମୋଚନ କରିବାରେ କୌଣସି ଅସୁବିଧା ନାହିଁ। ହେଲେ ବିଜେପିର ଜୟଯାତ୍ରା ଲେଖା ଯାଇଥିବା ପୁସ୍ତକକୁ ବିଜେଡି ବିଧାୟକ ଭାବେ ସେଥିରେ ଯୋଗଦେବା ନିଶ୍ଚିତ ଭୁଲ। ସେ ପ୍ରତି ମାସରେ ପୁସ୍ତକ ଉନମୋଚନ କରୁଛନ୍ତି। ଜଣେ ସାହିତ୍ୟିକ ତଥା ସଂପାଦକ ଭାବେ ସେ କର୍ତ୍ତବ୍ୟ ତାଙ୍କର ରହିଛି। ହେଲେ ବିରୋଧୀ ଦଳର ଜୟଯାତ୍ରା ପୁସ୍ତକ ଉନମୋଚନ କରିବାକୁ ସାଧାରଣରେ ଗ୍ରହଣ କରାଯାଇପାରୁ ନାହିଁ।

ସୌମ୍ୟବାବୁ ଭଲ ଭାବରେ ଜାଣିଛନ୍ତି ଯେ, ଏହି କାର୍ଯ୍ୟକ୍ରମ ବିଜେପିର, ଯେଉଁ ପୁସ୍ତକ ଉନମୋଚନ ହେବ ତାହା ମଧ୍ୟ ବିଜେପିର ସଫଳତା ଉପରେ ପର୍ଯ୍ୟବେସିତ। ଏସବୁ ସତ୍ବେ ସେ ସେଥିରେ ଯୋଗ ଦେବା ନିଶ୍ଚିତ ଭାବେ ଜାଣିଶୁଣି କରିଛନ୍ତି। ଏଥିରୁ ସ୍ପଷ୍ଟ ହେଲା ଯେ, ତାଙ୍କର ବିଜେଡି ପ୍ରତି ଯେଉଁ ପ୍ରତିବଦ୍ଧତା ରହିବା କଥା ତାହା ଆଉ ସେ ରଖିବାକୁ ଚାହାଁନ୍ତି ନାହିଁ।

ତେବେ ଏହି ଗୋଟିଏ ଘଟଣା ନୁହେଁ, ବିଭିନ୍ନ ସଭା ସମିତିରେ ସେ ଖୋଲମଖୁଲା ବିଜେଡି ତଥା ସରକାରଙ୍କୁ ସମାଲୋଚନା କରିବାରେ ଲାଗିଛନ୍ତି। ଏପରିକି ତାଙ୍କ ସଂପାଦିତ ଖବରକାଗଜ ‘ସମ୍ବାଦ’ ରେ ମଧ୍ୟ ସେ ବିଭିନ୍ନ ସମୟରେ ସରକାରଙ୍କୁ ସିଧା ଆଙ୍ଗୁଠି ଦେଖାଇବାକୁ ପଛାଇ ନାହାଁନ୍ତି। ଫଳରେ ସୌମ୍ୟବାବୁଙ୍କ ଏପରି ହାବଭାବକୁ ଦେଖି ଆସନ୍ତା ନିର୍ବାଚନ ବେଳକୁ ନବୀନ ଉପଯୁକ୍ତ ଜବାବ ଦେବ ବୋଲି ସ୍ପଷ୍ଟ ଜଣାପଡିଛି।

ଭୁବନେଶ୍ବର: ଆଜି ରାଷ୍ଟ୍ରପତି ପ୍ରାର୍ଥୀ ଦ୍ରୌପଦୀ ମୁର୍ମୁ ଓଡିଶା ଛାଡିବା ପୂର୍ବରୁ ନବୀନ ନିବାସରେ ମଧ୍ୟାହ୍ନ ଭୋଜନ କରିଛନ୍ତି। ଏଥିପାଇଁ ନବୀନ ନିବାସ ତରଫରୁ ପୁରା ପ୍ରସ୍ତୁତି କରାଯାଇଥିଲା। କଂସା ଥାଳି ଓ ତାଟିଆରେ ସମସ୍ତଙ୍କୁ ପରଶା ଯାଇଥିଲା ଓଡିଆ ଖାଦ୍ୟ। ଏଥିରେ ଗୋଟିଏ ପଟେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଏବଂ ଦ୍ରୌପଦୀ ମୁର୍ମୁ ବସିଥିବା ବେଳେ ସାମନା ପଟେ କେନ୍ଦ୍ରମନ୍ତ୍ରୀ ଗଜେନ୍ଦ୍ର ସିଂ ଶେଖାୱାତ ଏବଂ ସାଂସଦ ପିନାକୀ ମିଶ୍ର ବସିଥିଲେ।

ନିଜ ପ୍ରଚାର ପାଇଁ ରାଷ୍ଟ୍ରପତି ପ୍ରାର୍ଥୀ ଦ୍ରୌପଦୀ ମୁର୍ମୁ ଦିନିକିଆ ଓଡିଶା ଗସ୍ତରେ ଆସିଛନ୍ତି। ସେ ଭୁବନେଶ୍ବର ବିମାନ ବନ୍ଦରରେ ପହଞ୍ଚିବା ପରେ ଉଭୟ ବିଜେଡି ଓ ବିଜେପି ତରଫରୁ ସ୍ବାଗତ କରାଯାଇଥିଲା। ଏହାପରେ ସେ ଅତିଥି ଭଭନରେ କିଛି ସମୟ ବିଶ୍ରାମ କରିବା ପରେ ବିଧାନସଭା ସମ୍ମିଳନୀ କକ୍ଷରେ ସେ ବିଜେଡି ବିଧାୟକ ସାଂସଦଙ୍କୁ ସାକ୍ଷାତ କରିଛନ୍ତି। ଏହାପରେ ସେ ରାଜ୍ୟ ଅତିଥି ଭବନରେ ବିଜେପି ବିଧାୟକ ସାଂସଦଙ୍କୁ ସାକ୍ଷାତ କରିଛନ୍ତି। ସେଠାରୁ ବାହାରି ନବୀନ ନିବାସରେ ମଧ୍ୟାହ୍ନ ଭୋଜନ କରିଛନ୍ତି। ଏହାପରେ ଅପରାହ୍ନରେ  ସେ ଲକ୍ଷ୍ମୌ ପ୍ରଚାରରେ ଯିବେ।

ଭୁବନେଶ୍ବର: ନବୀନ ପଟ୍ଟନାୟକ ହେଉଛନ୍ତି ମୋର ଭାଇ। ଆଜି ଏହିପରି ଭାବେ ଭରପୁର ସମ୍ମଳନୀ କକ୍ଷରେ ଏହା କହିଛନ୍ତି ରାଷ୍ଟ୍ରପତି ପ୍ରାର୍ଥୀ ଦ୍ରୌପଦୀ ମୁର୍ମୁ। ଆଜି ଦ୍ରୌପଦୀ ବିଧାନସଭା ପରିସରରେ ବିଜେଡି ବିଧାୟକ ଏବଂ ସାଂସଦଙ୍କୁ ସମ୍ବୋଧନ କରିଥିଲେ। ସେ କହିଥିଲେ ଯେ, ମୁଁ ନବୀନ ଭାଇଙ୍କୁ ଭୋଟ ମାଗିବା ପୂର୍ବରୁ ସେ ସମର୍ଥନ ଦେଇସାରିଛନ୍ତି।ଭାଇ ବିଦେଶରେ ଥିବା ବେଳେ ମୁଁ ଫୋନରେ କଥା ହୋଇଥିଲି। ଏଥିରେ ବିଧାୟକ ପ୍ରଣବ ପ୍ରକାଶ ଦାସ ଧନ୍ୟବାଦ ଦେଇଥିଲେ।

ନିଜ ପ୍ରଚାରରେ ଆସିଥିବା ଦ୍ରୌପଦୀ ମୁର୍ମୁ ଭୁବନେଶ୍ବର ବିମାନ ବନ୍ଦରରେ ପହଞ୍ଚିବା ପରେ ତାଙ୍କୁ ଉଭୟ ବିଜେଡି ଓ ବିଜେପି ତରଫରୁ ସ୍ବାଗତ କରାଯାଇଥିଲା। ଏହାପରେ ସେ ଅତିଥି ଭଭନରେ କିଛି ସମୟ ବିଶ୍ରାମ କରିବା ପରେ ବିଧାନସଭା ସମ୍ମିଳନୀ କକ୍ଷରେ ସେ ବିଜେଡି ବିଧାୟକ ସାଂସଦଙ୍କୁ ସାକ୍ଷାତ କରିଛନ୍ତି। ଏହାପରେ ସେ ରାଜ୍ୟ ଅତିଥି ଭବନରେ ବିଜେପି ବିଧାୟକ ସାଂସଦଙ୍କୁ ସାକ୍ଷାତ କରିଛନ୍ତି।