କୁଜଙ୍ଗ: ମାସିକ ଶିଶୁ କିଶୋର ପତ୍ରିକା ନାନା ବାୟାର ପ୍ରତିଷ୍ଠାତା ଡାକ୍ତର ଲକ୍ଷଣ କୁମାର ବେହେରାଙ୍କ ପରଲୋକରେ ଅଗ୍ରଦୂତ ପକ୍ଷରୁ ଗଭୀର ଶ୍ରଦ୍ଧାଞ୍ଜଳି ଜ୍ଞାପନ କରାଯାଇଛି। କୁଜଙ୍ଗର ଏହି ସୁପୁତ୍ରଙ୍କ ବିୟୋଗରେ କୁଜଙ୍ଗ ମହାବୀର ମନ୍ଦିର ପ୍ରାଙ୍ଗଣରେ ଅଗ୍ରଦୂତ ସଭାପତି ବାବୁରାମ ଚୌଧୁରୀଙ୍କ ପୌରହିତ୍ୟରେ ଅନୁଷ୍ଠିତ ଶ୍ରଦ୍ଧାଞ୍ଜଳି ସଭାରେ ଓଡିଶା ସାହିତ୍ୟ ଏକାଡେମୀ ପୁରସ୍କୃତ କବି ପୀତାମ୍ବର ତରାଇ ମୁଖ୍ୟ ଅତିଥି ଓ ପ୍ରିୟ ବନ୍ଧୁର ସଭାପତି ନାଟ୍ୟକାର ରଘୁନାଥ ସାହୁ ମୁଖ୍ୟ ବକ୍ତା ଭାବେ ଯୋଗଦେଇ ଡାକ୍ତର ବେହେରାଙ୍କ ସାହିତ୍ୟ ପ୍ରତି ଥିବା ଅନୁରାଗକୁ ସ୍ମରଣ କରିବା ସହ ଶିଶୁର ବିକାଶରେ ଦେଶର ସମୃଦ୍ଧି ଚିନ୍ତା କରି ସେ ସାହିତ୍ୟକୁ ଏକ ମାଧ୍ୟମ ବାଛି ନେଇଥିଲେ।
ଶିଶୁ ସାହିତିକା ପ୍ରଭାତୀ ମାଝୀଙ୍କ ସଂଯୋଜନାରେ ତାଙ୍କ ସ୍ମୃତିକୁ ନେଇ ଏକ କମିତା ପାଠ କରାଯାଇଥିଲା। ଏଥିରେ କବି ରୁନିବାଳା ମଲିକ, କବି ନବୀନ କୁମାର ପ୍ରଧାନ, ଗୀତା ଦାସ, ସରୋଜିନୀ ମିଶ୍ର, ନୀରଞ୍ଜନ ରାଉତ, ଗୌରହରି ବାରିକ, ଶଙ୍କର ଦାସ, ଦେବୀ ପ୍ରସାଦ ପଟ୍ଟନାୟକ, କାର୍ତ୍ତିକ ଚରଣ ପଣ୍ଡା ପ୍ରମୁଖ ଶୋକ କବିତା ଆବୃତ୍ତି କରିଥିଲେ। ଶେଷରେ ବିଜୟ କୁମାର ଖଟାଇ ଧନ୍ୟବାଦ ଅର୍ପଣ କରିଥିଲେ।