Categories
ଆଜିର ଖବର ରାଜ୍ୟ ଖବର

ଖୋର୍ଦ୍ଧା ଜିଲ୍ଲା ସ୍ତରୀୟ ୧୪ ତମ ଜାତୀୟ ମତଦାତା ଦିବସ ପାଳନ

ଖୋର୍ଦ୍ଧା: ଆଜି ଖୋର୍ଦ୍ଧା ଜିଲ୍ଲା ସ୍ତରରେ ୧୪ ତମ ଜାତୀୟ ମତଦାତା ଦିବସ ପାଳିତ ହୋଇ ଯାଇଅଛି। ଏହା ୨୦୧୧ ମସିହାରୁ ପ୍ରତିବର୍ଷ ଜାନୁୟାରୀ ୨୫ ତାରିଖ ଦିନ ପାଳନ କରାଯାଇ ଆସୁଅଛି।। ଭାରତର ନିର୍ବାଚନ କମିଶନ ତା ୨୫/୦୧/୧୯୫୦ ମସିହାରେ ଗଠନ ହୋଇଥିଲା। ଏହି ଗଠନ ଦିବସକୁ ସ୍ମରଣ କରାଯାଇ ନୂଆ ଭୋଟର ମାନଙ୍କୁ ଭୋଟର ତାଲିକାରେ ଅନ୍ତର୍ଭୁକ୍ତ କରିବାକୁ ଉତ୍ସାହିତ କରିବା ଓ ଭୋଟ ଦେବାର ଅଧିକାରକୁ ସାବ୍ୟସ୍ତ କରିବା ପାଇଁ ତଥା ଗଣତନ୍ତ୍ରକୁ ମଜବୁତ କରିବା ପାଇଁ ଏହି ଦିନ ଟିକୁ ଜାତୀୟ ମତଦାତା ଦିବସ ଭାବରେ ପାଳନ କରାଯାଏ।

ଏହି ପରିପ୍ରେକ୍ଷୀରେ ଡିବା ୯ ଘଟିକା ସମୟରେ  ଛାତ୍ରଛାତ୍ରୀ ମାନଙ୍କୁ ନେଇ ଏକ ପଦଯାତ୍ରା ଖୋର୍ଦ୍ଧା ଜିଲ୍ଲାପାଳ ତଥା ଜିଲ୍ଲା ନିର୍ବାଚନ ଅଧିକାରୀଙ୍କ କାର‌୍ୟ୍ୟ।ଳୟରୁ ବାହାରି ପୋଲିସ ସୁରକ୍ଷା ସହିତ ଏକ କିଲୋମିଟର ପଲାହାଟ ଛକ ପର‌୍ୟ୍ୟନ୍ତ ଯାତ୍ରା କରି ପୁନଶ୍ଚ ସମସ୍ତେ ଜିଲ୍ଲା ପରିଷଦ, ଖୋର୍ଦ୍ଧା ସମ୍ମେଳନ କକ୍ଷକୁ ଫେରି ଆସିଲେ। ପଦଯାତ୍ରାରେ ଛାତ୍ର ଛାତ୍ରୀ, ଶିକ୍ଷକ, ଗଣମାଧ୍ୟମ ପ୍ରତିନିଧି, ରାଜନୈତିକ ପ୍ରତିନିଧି, ଅତିରିକ୍ତ ଜିଲ୍ଲାପାଳ ତଥା ଅତିରିକ୍ତ ନିର୍ବାଚନ ଅଧିକାରୀ, ଖୋର୍ଦ୍ଧା, ଉପଜିଲ୍ଲାପାଳ, ଖୋର୍ଦ୍ଧା, ଉପ ନିର୍ବାଚନ ଅଧିକାରୀ, ଖୋର୍ଦ୍ଧା ଓ ଅନ୍ୟମାନେ ସାମିଲ ହୋଇଥିଲେ। ଜନ ସଚେତନତା ସୃଷ୍ଟି କରିବା ପାଇଁ ବ୍ୟାନର, ପୋଷ୍ଟର ବ୍ୟବହାର କରାଯାଇ ଥିଲା।

ପଦଯାତ୍ରା ସମାପ୍ତ ହେଲା ପରେ  ଜିଲ୍ଲା ପରିଷଦ, ଖୋର୍ଦ୍ଧା ସମ୍ମେଳନ କକ୍ଷରେ ଏକ ସଭା ଆୟୋଜନ କରାଯାଇ ଥିଲା। ଏହି ସଭାରେ ପ୍ରତାପ ଚନ୍ଦ୍ର ବେଉରା, ଅତିରିକ୍ତ ଜିଲ୍ଲାପାଳ ତଥା ଅତିରିକ୍ତ ନିର୍ବାଚନ ଅଧିକାରୀ, ଖୋର୍ଦ୍ଧା ଅଧ୍ୟକ୍ଷତା କରି ଉପସ୍ଥିତ ସମସ୍ତଙ୍କୁ ମତଦାତାଙ୍କ ସଂକଳ୍ପ ପାଠ କରାଇ ଥିଲେ।

ଉପସ୍ଥିତ ଅଧିକାରୀଙ୍କ ଅଭିଭାଷଣ ପରେ ନୂଆ ପଞ୍ଜୀକୃତ ଭୋଟର ମାନଙ୍କୁ ସମ୍ବର୍ଦ୍ଧିତ କରି ଭୋଟ ପରିଚୟ ପତ୍ର  ପ୍ରଦାନ କରା ଯାଇଥିଲା। ତାହାପରେ ଜିଲ୍ଲା ସ୍ତରରେ ନିର୍ବାଚନ ସମ୍ବନ୍ଧିତ ବିଭିନ୍ନ ପ୍ରତିଯୋଗିତାରେ କୃତକାର୍ଯ୍ୟ ହୋଇଥିବା ପ୍ରତିଯୋଗୀ ମାନଙ୍କୁ ପ୍ରମାଣପତ୍ର ଓ ପୁରସ୍କାର ପ୍ରଦାନ କରା ଯାଇ ଥିଲା ଓ ଭୋଟର ତାଲିକା  ସ୍ଵତନ୍ତ୍ର ସଂକ୍ଷିପ୍ତ ସଂଶୋଧନ, ୨୦୨୪ ରେ  ଭଲ ପ୍ରଦର୍ଶିତ କରିଥିବା ASSISTANT ELECTORAL REGISTRATION OFFICER, BOOTH LEVEL OFFICER, BLO SUPERVISOR ମାନଙ୍କୁ ପ୍ରମାଣପତ୍ର ଓ ଉତ୍ତରୀୟ ପ୍ରଦାନ କରାଗଲା। ଶେଷରେ ସମସ୍ତଙ୍କୁ ଧନ୍ୟବାଦ ଅର୍ପଣ କରି ସଭା ସମାପ୍ତ କରା ଯାଇଥିଲା।

Categories
ଆଜିର ଖବର ଜାତୀୟ ଖବର

୫ଟି ରାଜ୍ୟରୁ ୧୭୬୦ କୋଟି ଟଙ୍କାର ମଦ ଓ ନଗଦ ଟଙ୍କା ଜବତ: ନିର୍ବାଚନ କମିଶନ

ନୂଆଦିଲ୍ଲୀ: ୫ଟି ରାଜ୍ୟରୁ ୧୭୬୦ କୋଟି ଟଙ୍କାର ମଦ, ନିଶାଦ୍ରବ୍ୟ, ନଗଦ ଟଙ୍କା ଓ ଦାମୀ ଧାତୁ ଜବତ କରାଯାଇଛି ବୋଲି ନିର୍ବାଚନ କମିଶନ କହିଛନ୍ତି। ଭୋଟରଙ୍କୁ ଆକୃଷ୍ଟ କରିବା ପାଇଁ ଏହିସବୁ ଜିନିଷ ବଣ୍ଟନ କରାଯାଇଥିଲା। ଅକ୍ଟୋବର ୯ ତାରିଖରୁ ଏହି ଜିନିଷଗୁଡ଼ିକର ପୁନରୁଦ୍ଧାର କରାଯାଉଥିଲା। ସେହିଦିନ ନିର୍ବାଚନ ଆୟୋଗ ୫ଟି ରାଜ୍ୟରେ ନିର୍ବାଚନ ତାରିଖ ଘୋଷଣା କରିଥିଲେ।

ନିର୍ବାଚନ ଆୟୋଗ ଆହୁରି ମଧ୍ୟ କହିଛନ୍ତି ଯେ ଏହି ସଂଖ୍ୟା (୧,୭୬୦ କୋଟି ଟଙ୍କା) ଏହି ରାଜ୍ୟଗୁଡ଼ିକରେ ୨୦୧୮ ବିଧାନସଭା ନିର୍ବାଚନରେ ହୋଇଥିବା ଆଦାୟ ସଂଖ୍ୟାର ସାତ ଗୁଣ। ଗତଥର ୨୩୯.୧୫ କୋଟି ଟଙ୍କାର ସାମଗ୍ରୀ ଜବତ ହୋଇଥିଲା।

ବର୍ତ୍ତମାନ ମଧ୍ୟପ୍ରଦେଶ, ଛତିଶଗଡ଼, ରାଜସ୍ଥାନ, ତେଲେଙ୍ଗାନା ଓ ମିଜୋରାମରେ ନିର୍ବାଚନ ଚାଲିଛି। ମଧ୍ୟପ୍ରଦେଶ, ଛତିଶଗଡ଼ ଓ ମିଜୋରାମରେ ମତଦାନ ହୋଇଛି। ରାଜସ୍ଥାନରେ ନଭେମ୍ବର ୨୫ରେ ଏବଂ ତେଲେଙ୍ଗାନାରେ ନଭେମ୍ବର ୩୦ରେ ମତଦାନ ହେବ।

ମିଜୋରାମରେ ୨୯ କୋଟି ଟଙ୍କାର ଡ୍ରଗ୍ସ ଜବତ

ଉତ୍ତର-ପୂର୍ବ ରାଜ୍ୟ ମିଜୋରାମରୁ ନଗଦ ଟଙ୍କା କିମ୍ବା କୌଣସି ମୂଲ୍ୟବାନ ଧାତୁ ଜବତ କରାଯାଇ ନାହିଁ, ବରଂ ୨୯.୮୨ କୋଟି ଟଙ୍କାର ଡ୍ରଗ୍ସ ଜବତ କରାଯାଇଛି ବୋଲି ନିର୍ବାଚନ ଆୟୋଗ କହିଛନ୍ତି।

୧୯୪ଟି ଆସନକୁ ନିର୍ବାଚନ ଖର୍ଚ୍ଚ ପାଇଁ ସମ୍ବେଦନଶୀଳ ଘୋଷଣା କରାଯାଇଥିଲା
ନିର୍ବାଚନ ଆୟୋଗ ୫ଟି ରାଜ୍ୟରେ ନିର୍ବାଚନ ଖର୍ଚ୍ଚ ଉପରେ ନଜର ରଖିବା ପାଇଁ ୨୨୮ ଜଣ ବ୍ୟୟ ପର୍ଯ୍ୟବେକ୍ଷକଙ୍କୁ ନିୟୋଜିତ କରିଥିଲେ। ସେହିପରି ୧୯୪ଟି ବିଧାନସଭା ଆସନକୁ ନିର୍ବାଚନ ଖର୍ଚ୍ଚ ଦୃଷ୍ଟିରୁ ସମ୍ବେଦନଶୀଳ ବୋଲି ବର୍ଣ୍ଣନା କରାଯାଇଛି।

ଏହା ପୂର୍ବରୁ ଅନ୍ୟ ୬ଟି ରାଜ୍ୟରୁ ୧୪୦୦ କୋଟି ଟଙ୍କାର ସାମଗ୍ରୀ ଜବତ ହୋଇଥିଲା
ନିର୍ବାଚନ ଆୟୋଗଙ୍କ ସୂଚନା ଅନୁଯାୟୀ, ପୂର୍ବରୁ ଯେଉଁ ୬ଟି ରାଜ୍ୟ (ଗୁଜରାଟ, ହିମାଚଳ ପ୍ରଦେଶ, ନାଗାଲାଣ୍ଡ, ମେଘାଳୟ, ତ୍ରିପୁରା ଓ କର୍ଣ୍ଣାଟକ)ରେ ନିର୍ବାଚନ ହୋଇଥିଲା, ସେଠାରେ ୧୪୦୦ କୋଟି ଟଙ୍କାର ସାମଗ୍ରୀ ଜବତ ହୋଇଛି। ଏହା ଏହି ରାଜ୍ୟଗୁଡ଼ିକରେ ଗତ ନିର୍ବାଚନ ସମୟରେ ହୋଇଥିବା ଆରୋଗ୍ୟ ସଂଖ୍ୟାଠାରୁ ୧୧ ଗୁଣ ଅଧିକ।

ନିର୍ବାଚନ ବ୍ୟୟ ମନିଟରିଂ ସିଷ୍ଟମ ପ୍ରଚଳନ କରାଯାଇଥିଲା

ନିର୍ବାଚନ ଆୟୋଗ କହିଛନ୍ତି ଯେ ଯେତେବେଳେ ୫ଟି ରାଜ୍ୟରେ ନିର୍ବାଚନ ତାରିଖ ଘୋଷଣା କରାଯାଉଛି, ସେତେବେଳେ ମୁଖ୍ୟ ନିର୍ବାଚନ କମିଶନର ରାଜୀବ କୁମାର ସମସ୍ତ ପ୍ରାର୍ଥୀ ଓ ଦଳପାଇଁ ସମାନ ସୁଯୋଗ ସୁନିଶ୍ଚିତ କରିବା ପାଇଁ ପ୍ରଲୋଭନମୁକ୍ତ ନିର୍ବାଚନ ଉପରେ ଗୁରୁତ୍ୱାରୋପ କରିଥିଲେ।

ଏଥର ନିର୍ବାଚନ ଆୟୋଗ ନିର୍ବାଚନ ବ୍ୟୟ ମନିଟରିଂ ସିଷ୍ଟମ୍ (ଇଏସ୍ଏମ୍ଏସ୍) ମଧ୍ୟ ଆଣିଛନ୍ତି। କେନ୍ଦ୍ର ଓ ରାଜ୍ୟ ତଦନ୍ତକାରୀ ସଂସ୍ଥାର ମିଳିତ ସହଯୋଗରେ ଏହାକୁ କାର୍ଯ୍ୟକାରୀ କରାଯାଇଛି।

Categories
ବିଶେଷ ଖବର

ନିର୍ବାଚନ କମିଶନଙ୍କ ରାଷ୍ଟ୍ରୀୟ ଆଇକନ ଭାବରେ ନୂଆ ଇନିଂସ ଆରମ୍ଭ କଲେ ଭାରତ ରତ୍ନ ସଚିନ୍ ତେନ୍ଦୁଲକର

ନୂଆଦିଲ୍ଲୀ: କ୍ରିକେଟ୍ କିମ୍ବଦନ୍ତୀ ତଥା ଭାରତ ରତ୍ନ ପୁରସ୍କାର ପ୍ରାପ୍ତ ସଚିନ୍ ତେନ୍ଦୁଲକର ଆଜି ଏକ ନୂତନ ଇନିଂସ ଆରମ୍ଭ କରିଛନ୍ତି । ଭାରତର ନିର୍ବାଚନ ଆୟୋଗ ଲାଗି ଭୋଟର ସଚେତନତା ସୃଷ୍ଟି କରିବା ପାଇଁ ‘ଜାତୀୟ ଆଇକନ୍’ ଭାବରେ ନିଜର ଦାୟୀତ୍ବ ଆରମ୍ଭ କରିଛନ୍ତି। ମୁଖ୍ୟ ନିର୍ବାଚନ କମିଶନର ଶ୍ରୀ ରାଜୀବ କୁମାର ଏବଂ ନିର୍ବାଚନ କମିଶନର ଶ୍ରୀ ଅନୁପ ଚନ୍ଦ୍ର ପାଣ୍ଡେ ଏବଂ ଶ୍ରୀ ଅରୁଣ ଗୋଏଲଙ୍କ ଉପସ୍ଥିତିରେ ନୂଆଦିଲ୍ଲୀର ଆକାଶବାଣୀ ରଙ୍ଗ ଭବନରେ ଆୟୋଜିତ ଏକ କାର୍ଯ୍ୟକ୍ରମରେ 3 ବର୍ଷ ପାଇଁ ଏକ ଏମଓୟୁ ସ୍ୱାକ୍ଷରିତ ହୋଇଥିଲା। ଏହି ସହଯୋଗ ଆଗାମୀ ନିର୍ବାଚନ, ବିଶେଷ କରି ସାଧାରଣ ନିର୍ବାଚନ 2024 ରେ ଭୋଟରଙ୍କ ଅଂଶଗ୍ରହଣ ବୃଦ୍ଧି କରିବା ପାଇଁ ଯୁବକମାନଙ୍କ ଉପରେ ତେନ୍ଦୁଲକରଙ୍କ ଅଦ୍ବିତୀୟ ପ୍ରଭାବର ଲାଭ ଉଠାଇବା ଦିଗରେ ଏକ ମହତ୍ତ୍ବପୂର୍ଣ୍ଣ ପଦକ୍ଷେପ ଅଟେ। ଏହି ସହଯୋଗ ମାଧ୍ୟମରେ ଭାରତ ନିର୍ବାଚନ ଆୟୋଗର ଉଦ୍ଦେଶ୍ୟ ନାଗରିକମାନଙ୍କୁ ବିଶେଷ ଭାବରେ ଯୁବକମାନଙ୍କୁ ଏବଂ ସହରୀ ଜନସଂଖ୍ୟାକୁ ଭୋଟ ଦେବା ପାଇଁ ସଚେତନ କରିବା, ଯଦ୍ବାରା ସହରୀ ଏବଂ ଯୁବ ଉଦାସୀନତାର ଆହ୍ବାନକୁ ସମାଧାନ କରାଯାଇପାରିବ।

ସଚିନ ତେନ୍ଦୁଲକର, ଭାରତର ନିର୍ବାଚନ ଆୟୋଗ ପାଇଁ ଜାତୀୟ ଆଇକନ୍ ଭାବରେ ତାଙ୍କର ଉତ୍ସାହ ଏବଂ ପ୍ରତିବଦ୍ଧତା ପ୍ରକାଶ କରି କହିଛନ୍ତି ଯେ ଭାରତ ଭଳି ଏକ ଗଣତନ୍ତ୍ର ପାଇଁ ଯୁବକମାନେ ରାଷ୍ଟ୍ର ନିର୍ମାଣରେ ପ୍ରମୁଖ ଭୂମିକା ଗ୍ରହଣ କରୁଛନ୍ତି। କ୍ରୀଡା ମ୍ୟାଚ୍ ସମୟରେ ଯେଉଁ ହୃଦୟ ଟିମ ଇଣ୍ଡିଆ ପାଇଁ ଏକ ସ୍ବରରେ ‘ଇଣ୍ଡିଆ, ଇଣ୍ଡିଆ!’ ର ଜୟକାର ସହିତ ସ୍ପନ୍ଦିତ ହୋଇଥାଏ, ତାହା ଆମର ଅମୂଲ୍ୟ ଗଣତନ୍ତ୍ରକୁ ଆଗକୁ ନେବା ପାଇଁ ସେହିପରି ଭାବରେ ସ୍ପନ୍ଦିତ ହେବ। ଏପରି କରିବାର ଏକ ସରଳ କିନ୍ତୁ ସବୁଠାରୁ ଶକ୍ତିଶାଳୀ ଉପାୟ ହେଉଛି ସର୍ବଦା ନିଜର ମତାମତ ଭୋଟ୍ ମାଧ୍ୟମରେ ପ୍ରଦାନ କରିବା।

ଏହି ଅବସରରେ ସେ କହିଛନ୍ତି ଯେ ଷ୍ଟାଡିୟମ ଠାରୁ ଆରମ୍ଭ କରି ଜନଗହଳିପୂର୍ଣ୍ଣ ମତଦାନ ବୁଥ ପର୍ଯ୍ୟନ୍ତ, ଜାତୀୟ ଦଳ ପାଖରେ ଠିଆ ହେବା ଠାରୁ ଆରମ୍ଭ କରି ଆମର ଭୋଟ୍ ଦେବା ପାଇଁ ସମୟ ବାହାର କରିବା ପର୍ଯ୍ୟନ୍ତ ଆମେ ଆଗ୍ରହ ଓ ଉତ୍ସାହର ସହିତ ଏଥିରେ ସାମିଲ୍ ହେବା ଆବଶ୍ୟକ। ଯେତେବେଳେ ଦେଶର କୋଣ ଅନୁକୋଣରୁ ଯୁବକମାନେ ନିର୍ବାଚନୀ ଗଣତନ୍ତ୍ରରେ ବହୁ ସଂଖ୍ୟାରେ ଅଂଶଗ୍ରହଣ କରନ୍ତି, ଆମେ ଆମ ଦେଶ ପାଇଁ ଏକ ସମୃଦ୍ଧ ଭବିଷ୍ୟତକୁ ଏହା ମାଧ୍ୟମରେ ସୁନିଶ୍ଚିତ କରିପାରିବା।

ଏହି ଅବସରରେ ସିଇସି ଶ୍ରୀ ରାଜୀବ କୁମାର କହିଛନ୍ତି ଯେ କେବଳ ଭାରତରେ ନୁହେଁ ବିଶ୍ୱବ୍ୟାପୀ ସମ୍ମାନିତ ଆଇକନ୍ ଶ୍ରୀ ସଚିନ୍ ତେନ୍ଦୁଲକରଙ୍କର ଏକ ସ୍ବତନ୍ତ୍ର ପରିଚୟ ରହିଛି ଯାହା ତାଙ୍କ କ୍ରିକେଟ୍ ଦକ୍ଷତା ଠାରୁ ବହୁ ଉର୍ଦ୍ଧ୍ବରେ। ଶ୍ରୀ ରାଜୀବ କୁମାର କହିଛନ୍ତି ଯେ ତାଙ୍କର ଉତ୍କୃଷ୍ଟ କ୍ୟାରିୟର ହେଉଛି ଉତ୍କର୍ଷତା, ଦଳଗତ କାର୍ଯ୍ୟ ଏବଂ ସଫଳତାର ନିରନ୍ତର ଅନୁସରଣ ପାଇଁ ତାଙ୍କର ପ୍ରତିବଦ୍ଧତାର ପ୍ରମାଣ। ମୁଖ୍ୟ ନିର୍ବାଚନ କମିଶନର କହିଛନ୍ତି ଯେ ତାଙ୍କର ପ୍ରଭାବ କ୍ରୀଡା ଠାରୁ ଉର୍ଦ୍ଧ୍ବରେ, ଯେଉଁଥିପାଇଁ ସେ ଭାରତ ନିର୍ବାଚନ ଆୟୋଗ ସହିତ ସହଯୋଗ କରିବା ଏବଂ ମତଦାତାଙ୍କୁ ଆକର୍ଷିତ କରିବା ପାଇଁ ଏକ ଆଦର୍ଶ ବିକଳ୍ପ ଭାବରେ ସୃଷ୍ଟି ହୋଇଛନ୍ତି।

ଏହି ସହଭାଗୀତା ବିଭିନ୍ନ ଟିଭି ଟକ୍ ସୋ / କାର୍ଯ୍ୟକ୍ରମ ତଥା ଡିଜିଟାଲ୍ ଅଭିଯାନ ଇତ୍ୟାଦିରେ ଶ୍ରୀ ତେନ୍ଦୁଲକରଙ୍କ ଭୋଟର ସଚେତନତାକୁ ପ୍ରୋତ୍ସାହିତ କରିବା ସହିତ ବିଭିନ୍ନ କାର୍ଯ୍ୟକଳାପକୁ ଅନ୍ତର୍ଭୁକ୍ତ କରିବ, ଯାହା ଭୋଟ୍ ଦେବାର ମହତ୍ତ୍ୱ ଏବଂ ଦେଶର ଭାଗ୍ୟ ଗଠନରେ ଏହାର ଭୂମିକା ବିଷୟରେ ସଚେତନତା ସୃଷ୍ଟି କରିବାକୁ ଲକ୍ଷ୍ୟ ରଖିଛି।

ଏହି କାର୍ଯ୍ୟକ୍ରମରେ ନ୍ୟାସନାଲ୍ ସ୍କୁଲ୍ ଅଫ୍ ଡ୍ରାମାର ଛାତ୍ରମାନେ ମଧ୍ୟ ଗଣତନ୍ତ୍ରକୁ ମଜବୁତ କରିବାରେ ଭୋଟ୍ ଦେବାର ଗୁରୁତ୍ୱ ଉପରେ ଏକ ପ୍ରଭାବଶାଳୀ ନାଟକ ଉପସ୍ଥାପନ କରିଥିଲେ।

ଭାରତୀୟ ନିର୍ବାଚନ ଆୟୋଗ ବିଭିନ୍ନ କ୍ଷେତ୍ରର ପ୍ରଖ୍ୟାତ ଭାରତୀୟଙ୍କ ସହ ନିଜକୁ ଜଡିତ କରେ ଏବଂ ଗଣତନ୍ତ୍ରର ଉତ୍ସବରେ ଅଂଶଗ୍ରହଣ କରିବାକୁ ଭୋଟରଙ୍କୁ ଉତ୍ସାହିତ କରିବା ପାଇଁ ସେମାନଙ୍କୁ ଭାରତୀୟ ନିର୍ବାଚନ ଆୟୋଗ ର ଜାତୀୟ ଆଇକନ୍ ଭାବରେ ନିଯୁକ୍ତ କରିଥାଏ। ଗତ ବର୍ଷ ଆୟୋଗ ପ୍ରସିଦ୍ଧ ଅଭିନେତା ଶ୍ରୀ ପଙ୍କଜ ତ୍ରିପାଠୀଙ୍କୁ ଜାତୀୟ ଆଇକନ୍ ଭାବରେ ସ୍ୱୀକୃତି ଦେଇଥିଲେ। ଏହାପୂର୍ବରୁ, 2019 ଲୋକସଭା ନିର୍ବାଚନ ସମୟରେ,ଏମ.ଏସ. ଧୋନୀ, ଆମୀର ଖାନ ଏବଂ ମେରି କୋମଙ୍କ ପରି ମହାନ୍ ବ୍ୟକ୍ତିତ୍ବ ଜାତୀୟ ଆଇକନ୍ ହୋଇଥିଲେ।

Categories
PanchayatElection ବିଶେଷ ଖବର

ପଞ୍ଚାୟତ ନିର୍ବାଚନରେ ନିଯୋଜିତ କର୍ମଚାରୀଙ୍କ ପାଇଁ ବଡ ଘୋଷଣା କଲେ ନିର୍ବାଚନ କମିଶନ

ଭୁବନେଶ୍ବର: ଆଗାମୀ ପଞ୍ଚାୟତ ନିର୍ବାଚନରେ ନିଯୋଜିତ କର୍ମଚାରୀଙ୍କ ପାଇଁ ନିର୍ବାଚନ କମିଶନ ଏକ ବଡ ଘୋଷଣା କରିଛନ୍ତି। ନିର୍ବାଚନ ସମୟରେ ମୃତ୍ୟୁବରଣ କଲେ କର୍ମାଚାରୀମାନଙ୍କ ପରିବାରକୁ ୩୦ ଲକ୍ଷ କ୍ଷତିପୂରଣ ମିଳିବ। ଏ ନେଇ ନିର୍ବାଚନ କମିଶନ ଏକ ନିର୍ଦ୍ଦେଶନାମା ଜାରି କରିଛନ୍ତି।

ନିର୍ବାଚନ କମିଶନଙ୍କ ନୂତନ ନିର୍ଦ୍ଦେଶାବଳି ଅନୁଯାୟୀ ହିଂସା, ଆକ୍ରମଣ, ବିସ୍ଫୋରଣ ଇତ୍ୟାଦିରେ ମୃତ୍ୟୁବରଣ କରୁଥିବା ମତଦାନ କର୍ମଚାରୀଙ୍କ ପରିବାରକୁ ୩୦ ଲକ୍ଷ ଟଙ୍କା କ୍ଷତିପୂରଣ ପ୍ରଦାନ କରାଯିବ। ତେବେ କାର୍ଯ୍ୟରେ ନିୟୋଜିତ ସମୟରେ ଅନ୍ୟ କୌଣସି କାରଣରୁ ମୃତ୍ୟୁ ବରଣ କଲେ ୧୫ ଲକ୍ଷ କ୍ଷତିପୁରଣ ମିଳିବ। କିନ୍ତୁ କର୍ମଚାରୀଙ୍କ ଆଖି ନଷ୍ଟ ହେଲେ ମଧ୍ୟ ୧୫ ଲକ୍ଷ ଟଙ୍କା କ୍ଷତିପୁରଣ ମଧ୍ୟ ମିଳିବ।

ସେହିଭଳି ନିର୍ବାଚନ ସମୟରେ ଦୁର୍ଘଟଣାରେ କୌଣସି ଶରୀରର ଅଙ୍ଗ ହରାଇଲେ କର୍ମଚାରୀଙ୍କ ପରିବାରକୁ ୭.୫ ଲକ୍ଷ ଟଙ୍କାର କ୍ଷତି ପୁରଣ ମିଳିବ। ନିୟୋଜିତ ସମୟରେ ଗୁରୁତ୍ତର ଆହାତ ହେଲେ ୨ ଲକ୍ଷ ଟଙ୍କାର ଅନୁକମ୍ପା ମଧ୍ୟ ମିଳିବ। ଏହି ସମସ୍ତ ପ୍ରକାର ସୁବିଧା ନିର୍ବାଚନରେ ନିୟୋଜିତ ସରକାରୀ ଏବଂ ପ୍ରାଇଭେଟ୍ ଗାଡି ଡ୍ରାଇଭର ଏବଂ ହେଲ୍‌ପର ମଧ୍ୟ ପାଇବେ।

Categories
ଜାତୀୟ ଖବର ବିଶେଷ ଖବର

ବଢିଲା ବିଧାନସଭା ଓ ଲୋକସଭା ପ୍ରାର୍ଥୀଙ୍କ ପ୍ରଚାର ଖର୍ଚ୍ଚ ପରିମାଣ, ଆସନ୍ତା ନିର୍ବାଚନରୁ ହେବ ଲାଗୁ

ନୂଆଦିଲ୍ଲୀ: ଭାରତ ନିର୍ବାଚନ କମିଶନ ବିଧାନସଭା ଏବଂ ଲୋକସଭା ନିର୍ବାଚନ ଲଢିବାକୁ ଥିବା ପ୍ରାର୍ଥୀଙ୍କ ପାଇଁ ନୂଆ ନିୟମ ଲାଗୁ କରିଛନ୍ତି। ତାହା ହେଲା, ଏଣିକି ସେମାନେ ନିର୍ବାଚନ ପ୍ରଚାର ଖର୍ଚ୍ଚକୁ ବୃଦ୍ଧି କରିପାରିବେ। ପୂର୍ବରୁ ଯେତିକି ଖର୍ଚ୍ଚ କରୁଥିଲେ ନିର୍ବାଚନ କମିଶନ ସେଥିରେ ପ୍ରାୟ 20 ଲକ୍ଷ ଟଙ୍କା ପର୍ଯ୍ୟନ୍ତ ବୃଦ୍ଧି କରିଛନ୍ତି।

ନୂଆ ନିୟମ ଅନୁସାରେ ଏଣିକି ବିଧାୟକ ପ୍ରାର୍ଥୀମାନେ ପ୍ରଚାର ପାଇଁ 40 ଲକ୍ଷ ଟଙ୍କା ଖର୍ଚ୍ଚ କରିପାରିବେ। ପୂର୍ବରୁ ଏହି ପରିମାଣ 28 ଲକ୍ଷ ଥିଲା। ସେହିପରି ସାଂସଦ ପ୍ରାର୍ଥୀମାନେ ନିର୍ବାଚନ ପ୍ରଚାର ପାଇଁ 95 ଲକ୍ଷ ଟଙ୍କା ଖର୍ଚ୍ଚ କରିପାରିବେ। ପୂର୍ବରୁ ଏହି ପରିମାଣ 54 ଲକ୍ଷ ଟଙ୍କା ଥିଲା। ବର୍ତ୍ତମାନ ପରିସ୍ଥିତିକୁ ଦେଖି ନିର୍ବାଚନ କମିଶନର ଏପରି ନିଷ୍ପତି ନେଇଛନ୍ତି।

ଏହି ଖର୍ଚ୍ଚ ମୂଲ୍ୟ ନିର୍ଦ୍ଧାରଣ ପାଇଁ କମିଶନର ଏକ କମିଟ ଗଠନ କରିଥିଲେ। ଏହି କମିଟ ବିଭିନ୍ନ ବର୍ଗର ଲୋକ ତଥା ବିଶେଷଜ୍ଞଙ୍କ ପରାମର୍ଶ ନେଇଥିଲେ। ସେହିପରି ବିଭିନ୍ନ ରାଜନୈତିକ ଦଳର ପ୍ରତିନିଧିମାନଙ୍କ ସହିତ ମଧ୍ୟ ଆଲୋଚନା କରିଥିଲେ। ସେହି ଆଲୋଚନାକୁ ବିଚାରକୁ ନେଇ କମିଶନର ଏହି ଖର୍ଚ୍ଚ ପରିମାଣ ବୃଦ୍ଧି କରିଛନ୍ତି।

ତେବେ ଏଥିରେ କେତେକ ଛୋଟଛୋଟ ରାଜ୍ୟ ତଥା କେନ୍ଦ୍ର ଶାସିତ ଅଞ୍ଚଳ ପାଇଁ ଅଲଗା ଖର୍ଚ୍ଚ ଧାର୍ଯ୍ୟ କରିଛନ୍ତି। ଗୋଆ, ସିକିମି, ମଣିପୁର,ପୁଡୁଚେରୀ ପରି ଅଞ୍ଚଳଗୁଡିକ ପାଇଁ ନିର୍ବାଚନ ଖର୍ଚ୍ଚ ଭିନ୍ନ କରାଯାଇଛି। ଏଥିରେ ସାଂସଦ ପ୍ରାର୍ଥୀଙ୍କ ପାଇଁ 54 ଲକ୍ଷ ଟଙ୍କାରୁ 75 ଲକ୍ଷ ଟଙ୍କାକୁ ବୃଦ୍ଧି କରାଯାଇଛି। ସେହିପରି ବିଧାୟକ ପ୍ରାର୍ଥୀଙ୍କ ପାଇଁ 20 ଲକ୍ଷ ଟଙ୍କାରୁ 28 ଲକ୍ଷ ଟଙ୍କାକୁ ବୃଦ୍ଧି କରାଯାଇଛି।

ପୂର୍ବୁ 2014 ମସିହାରେ କମିଶନର ଏହି ଖର୍ଚ୍ଚ ପରିମାଣ ବୃଦ୍ଧି କରିଥିଲେ। ଏହାପରେ 2020 ମସିହାରେ ଏଥିରେ ଆଉ 10 ପ୍ରତିଶତ ବୃଦ୍ଧି କରାଯାଇଥିଲା। ଏହି ଖର୍ଚ୍ଚ ପରିମାଣ ଆଜି ପର୍ଯ୍ୟନ୍ତ ଲାଗୁ ହୋଇ ଆସୁଥିଲା ବେଳେ ଏବେ 2022ରେ ପୁଣି ବୃଦ୍ଧି କରିଛନ୍ତି। ବର୍ତ୍ତମାନ ଯେଉଁ ପାଞ୍ଚୋଟି ରାଜ୍ୟରେ ବିଧାନସଭା ନିର୍ବାଚନ ହେବାକୁ ଯାଉଛି ସେଠାରେ ଏହି ବର୍ଦ୍ଧିତ ଖର୍ଚ୍ଚ ପରିମାଣ ଲାଗୁ କରାଯିବ।

Categories
ଆଜିର ଖବର ରାଜ୍ୟ ଖବର

ରାଜ୍ୟରେ ପୌର ନିର୍ବାଚନ ପାଇଁ ଆରମ୍ଭ ହେଲା ପ୍ରସ୍ତୁତି: ପ୍ରଥମ ପର୍ଯ୍ୟାୟରେ ୧୫ ଟି ଜିଲ୍ଲାକୁ ପଠାଗଲା ଇଭିଏମ

ଭୁବନେଶ୍ବର: ରାଜ୍ୟରେ ଆଗାମୀ ପୌର ଏବଂ ମହାନଗର ନିଗମ ନିର୍ବାଚନ ପାଇଁ ପ୍ରସ୍ତୁତି ଆରମ୍ଭ ହୋଇଯାଇଛି। ରାଜ୍ୟ ନିର୍ବାଚନ କମିଶନର ଏହି ନିର୍ବାଚନ ପାଇଁ ପ୍ରସ୍ତୁତି ଆରମ୍ଭ କରିଦେଇଛନ୍ତି। ସେଥିପାଇଁ ଜିଲ୍ଲା ଗୁଡିକୁ ଇଭିଏମ ମେସିନ ପଠାଇବା କାର୍ଯ୍ୟ ଆରମ୍ଭ ହୋଇଯାଇଛି। ପ୍ରଥମ ପର୍ଯ୍ୟାୟରେ ୧୫ ଟି ଜିଲ୍ଲାକୁ ଇଭିଏମ ମେସିନ ପଠାଯାଇଛି।

ଗତକାଲି ୫ ଟି ଜିଲ୍ଲାକୁ ଇଭିଏମ ମେସିନ ପଠାଯାଇଥିବା ବେଳେ ଆଜି ସକାଳୁ ଆଉ ୧୦ ଟି ଜିଲ୍ଲା ପାଇଁ ଇଭିଏମ ମେସିନ ପଠାଯାଇଛି। ଜାନୁୟାରୀ ଶେଷ ସପ୍ତାହ ସୁଦ୍ଧା ବାକି ସବୁ ଜିଲ୍ଲାକୁ ଇଭିଏମ ପଠାଯିବ ବୋଲି ଜଣାପଡିଛି। ଭୋଟ କେନ୍ଦ୍ରକୁ ୮ ହଜାର ଇଭିଏମ ପଠାଯିବ ବୋଲି ସୂଚନା ରହିଛି। ୧୦୫ ଟି ପୌରାଞ୍ଚଳ ଏବଂ ୩ ଟି ମହାନଗର ନିଗମରେ ଆସନ୍ତା ବର୍ଷ ନିର୍ବାଚନ ହେବ। ଏହି ନିର୍ବାଚନରେ ମୋଟ ୪୭ ଲକ୍ଷ ଲୋକ ମତଦାନ କରିବେ।

Categories
ଆଜିର ଖବର ରାଜ୍ୟ ଖବର

ସଂକ୍ରମଣକୁ ଦେଖି ନିର୍ବାଚନ କମିଶନ ନେଲେ ବଡ ନିଷ୍ପତ୍ତି: ସ୍ଥଗିତ ରଖିଲେ ପିପିଲି ଉପନିର୍ବାଚନ

ଭୁବନେଶ୍ଵର: ପୁଣିଥରେ ପିପିଲି ଉପନିର୍ବାଚନକୁ ସ୍ଥଗିତ ରଖାଯାଇଛି। କରୋନା ସଂକ୍ରମଣକୁ ଦେଖି ନିର୍ବାଚନ କମିଶନ ଏକ ବଡ ନିଷ୍ପତ୍ତି ନେଇଛନ୍ତି। ଆସନ୍ତା ୧୬ ତାରିଖରେ ଏହି ନିର୍ବାଚନ ପାଇଁ ଭୋଟ ଗ୍ରହଣ ହେବ ବୋଲି ଘୋଷଣା ହୋଇଥିଲା। ଏହି ଉପନିର୍ବାଚନ ଘୁଞ୍ଚିବା ଲାଗି ପୂର୍ବରୁ ହାଇକୋର୍ଟରେ ମଧ୍ୟ ଏକ ଜନ ସ୍ଵାର୍ଥ ମାମଲା ଦାୟର କରାଯାଇଥିଲା।

ତେବେ ପିପିଲି ଭଳି ପଶ୍ଚିମବଙ୍ଗର ଦୁଇଟ ଆସନ ପାଇଁ ଥିବା ଉପନିର୍ବାଚନକୁ ମଧ୍ୟ ସ୍ଥଗିତ ରଖାଯାଇଛି। ହେଲେ ଏହା କେଉଁ ତାରିଖରେ ହେବ ତାହା ଏବେ ସ୍ପଷ୍ଟ ସୂଚନା ମିଳିନି।

Categories
ଆଜିର ଖବର ଜାତୀୟ ଖବର

ଫଳାଫଳ ପରେ ବିଜେପି ଉପରେ ବର୍ଷିଲେ ମମତା: ନିର୍ବାଚନ କମିଶନରଙ୍କ ବିରୋଧରେ ଯିବେ ସୁପ୍ରିମକୋର୍ଟ

କଲିକତା: ପଶ୍ଚିମବଙ୍ଗ ବିଧାନସଭା ନିର୍ବାଚନରେ ତୃଣମୂଳ କଂଗ୍ରେସ ବୃହତ ବିଜୟ ଆଡ଼କୁ ଅଗ୍ରସର ହେଉଛି। ଭୋଟ ଗଣତିରେ ୨୦୦ ରୁ ଉର୍ଦ୍ଧ୍ଵ ଆସନରେ ଟିଏମସି ଆଗୁଆ ଚାଲିଛି। ଟିଏମସିର ଏହି ଫଳାଫଳକୁ ଦେଖି ମମତା ବାନାର୍ଜୀ ବିଜେପି ଉପରେ ବଡ ଅଭିଯୋଗ ଆଣିଛନ୍ତି।

ମମତା କହିଛନ୍ତି ଯେ, କେନ୍ଦ୍ରର ଅନେକ ପ୍ରୟାସ ପରେ ମଧ୍ୟ ଆମେ ବଡ ବିଜୟ ହାସଲ କରିବାକୁ ଯାଉଛୁ। ଏହା ବଙ୍ଗଳା ଏବଂ ବଙ୍ଗଳା ଲୋକଙ୍କର ବିଜୟ ଅଟେ। ବଙ୍ଗଳା ଲୋକ ଦେଶକୁ ବଞ୍ଚେଇ ଦେଇଛନ୍ତି। ଆମେ ଦ୍ଵିଶତକ ହାସଲ କରିବୁ ବୋଲି ଆଶା ରଖିଥିଲୁ। ଆମେ କହିଥିଲୁ ‘ଖେଲା ହୋବେ’, ଶେଷରେ ଏହା ହେଲା ଏବଂ ଆମେ ବିଜୟ ଲାଭ କଲୁ। ଏଥିପାଇଁ ବଙ୍ଗଳାର ସମସ୍ତ ଜନତାଙ୍କୁ ଧନ୍ୟବାଦ ଦେଉଛି। ବର୍ତ୍ତମାନ କୋଭିଡ ରୋକିବା ଦିଗରେ କାମ ଆରମ୍ଭ କରିବି। କରୋନା ସଂକ୍ରମଣ ଯୋଗୁଁ ଶପଥ ସମାରୋହକୁ ଛୋଟ କରାଯିବ।

ଅପରପକ୍ଷେ ନନ୍ଦିଗ୍ରାମ ବିଧାନସଭା ଆସନର ଫଳାଫଳ ଆସିବା ପରେ ମମତା ବାନାର୍ଜୀ ନିର୍ବାଚନ କମିଶନର ଉପରେ ଅଭିଯୋଗ ଆଣିଛନ୍ତି। ଏହି ଫଳାଫଳ ପାଇଁ ନିର୍ବାଚନ କମିଶନ ବିରୋଧରେ ସେ ସୁପ୍ରିମକୋର୍ଟର ଦ୍ଵାରସ୍ତ ହେବେ ବୋଲି କହିଛନ୍ତି। ଏହି ଆସନରୁ ବିଜେପିର ଶୁଭେନ୍ଦୁ ଅଧିକାରୀ ୧୯୫୭ ଭୋଟରେ ମମତାଙ୍କୁ ପରାସ୍ତ କରିଥିବା ଜଣାପଡିଛି।

Categories
ଆଜିର ଖବର ଜାତୀୟ ଖବର

ଆଜି ସନ୍ଧ୍ୟା ୪ ଟା ୩୦ରେ ନିର୍ବାଚନ କମିଶନଙ୍କ ପ୍ରେସ ମିଟ୍: ନିର୍ବାଚନ ଲାଗି ହୋଇପାରେ ତାରିଖ ଘୋଷଣା

ନୂଆଦିଲ୍ଲୀ: ଆଜି ନିର୍ବାଚନ କମିଶନ ପ୍ରେସ ମିଟ୍ କରିବାକୁ ଯାଉଛନ୍ତି। ସନ୍ଧ୍ୟା ୪ ଟା ୩୦ ମିନିଟରେ ନିର୍ବାଚନ କମିଶନ ପ୍ରେସ ମିଟ୍ କରିବେ।

ତେବେ ଏହି ପ୍ରେସ ମିଟ୍ ରେ ୫ ଟି ବିଧାନସଭା ନିର୍ବାଚନ ପାଇଁ ତାରିଖ ଘୋଷଣା କରାଯିବ ବୋଲି ଅନୁମାନ କରାଯାଉଛି। ୪ ଟି ରାଜ୍ୟ ଓ ଗୋଟିଏ କେନ୍ଦ୍ର ଶାସିତ ଅଞ୍ଚଳ ପାଇଁ ତାରିଖ ଘୋଷଣା କରାଯାଇପାରେ। ପଶ୍ଚିମବଙ୍ଗ, ଆସାମ, ତାମିଲନାଡୁ, କେରଳ ଏବଂ ପୁଡୁଚେରୀ ପାଇଁ ତାରିଖ ଘୋଷଣା ହେବ ବୋଲି ଆଶା କରାଯାଉଛି।