Categories
ଜାତୀୟ ଖବର ନିର୍ବାଚନ ଖବର ବିଶେଷ ଖବର ରାଜ୍ୟ ଖବର

Election2024: ଏମିତି ରାଜ୍ୟ ଅଛି ଯେଉଁଠି ପୁରା ସାତଟି ପର୍ଯ୍ୟାୟରେ ହେବ ନିର୍ବାଚନ

Election2024: ଶନିବାର ଦିନ ଭାରତ ନିର୍ବାଚନ କମିଶନର ରାଜୀବ କୁମାର ଦେଶର ଲୋକସଭା ଏବଂ ଚାରୋଟି ରାଜ୍ୟର ବିଧାନସଭା ନିର୍ବାଚନ ଘୋଷଣା କରିଛନ୍ତି। ସେହି ଅନୁସାରେ ସାରା ଦେଶରେ ସାତଟି ପର୍ଯ୍ୟାୟରେ ନିର୍ବାଚନ ଅନୁଷ୍ଠିତ ହେବ। ତେବେ ଏତିରେ କେଉଁ ରାଜ୍ୟରେ ଗୋଟିଏ ପର୍ଯ୍ୟାୟ ତ କେଉଁ ରାଜ୍ୟରେ ପାଞ୍ଚଟି ପର୍ଯ୍ୟାୟ ନିର୍ବାଚନ ହେବ।

ହେଲେ ନିର୍ବାଚନ କମିଶନର ଘୋଷଣା କରିଥିବା ବିଭିନ୍ନ ପର୍ଯ୍ୟାୟ ମଧ୍ୟରେ ଦେଶର ଏମିତି କେତେକ ରାଜ୍ୟ ଅଛି ଯେଉଁଠି ପୁରା ସାତଟି ପର୍ଯ୍ୟାୟ ନିର୍ବାଚନ ହେବ। ଆସନ୍ତୁ ଜାଣିବା କେଉଁ ରାଜ୍ୟରେ କେତେ ପର୍ଯ୍ୟାୟ ନିର୍ବାଚନ ହେବ।

ଗୋଟିଏ ପର୍ଯ୍ୟାୟ ନିର୍ବାଚନରେ ୨୨ଟି ରାଜ୍ୟ ଏବଂ କେନ୍ଦ୍ର ଶାସିତ ଅଞ୍ଚଳ:

ଅରୁଣାଚଳ ପ୍ରଦେଶ, ଆଣ୍ଡାମାନ ଏବଂ ନିକୋବର ଦ୍ୱୀପ, ଆନ୍ଧ୍ରପ୍ରଦେଶ, ଚଣ୍ଡିଗଡ଼, ଦିଲ୍ଲୀ, ଗୋଆ, ଗୁଜୁରାଟ, ହିମାଚଳ ପ୍ରଦେଶ, ହରିୟାଣା, କେରଳ, ଲକ୍ଷ୍ମୀଦୀପ, ଲଦାଖ, ମିଜୋରାମ, ମେଘାଳୟ, ନାଗାଲାଣ୍ଡ, ପୁଡୁଚେରୀ, ସିକ୍କିମ, ତାମିଲନାଡୁ, ପଞ୍ଜାବ ଦାଦ୍ରା ଏବଂ ନାଗର ହାଭେଲି ଏବଂ ଦାମନ ଏବଂ ଡିୟୁ।

ଦୁଇଟି ପର୍ଯ୍ୟାୟରେ ୪ ରାଜ୍ୟର ମତଦାନ: ସେଗୁଡିକ ହେଲା କର୍ଣ୍ଣାଟକ, ରାଜସ୍ଥାନ, ତ୍ରିପୁରା, ମଣିପୁର

ତିନୋଟି ପର୍ଯ୍ୟାୟରେ ଦୁଇଟି ରାଜ୍ୟରେ ମତଦାନ: ସେଗୁଡିକ ହେଲା ଛତିଶଗଡ ଓ ଆସାମ

ଚାରୋଟି ପର୍ଯ୍ୟାୟରେ ତିନୋଟି ରାଜ୍ୟରେ ମତଦାନ: ଓଡ଼ିଶା, ମଧ୍ୟପ୍ରଦେଶ, ଝାଡଖଣ୍ଡ

ପାଞ୍ଚଟି ପର୍ଯ୍ୟାୟରେ ଦୁଇଟି ରାଜ୍ୟ : ମହାରାଷ୍ଟ୍ର, ଜାମ୍ମୁ କାଶ୍ମୀର

ସାତଟି ପର୍ଯ୍ୟାୟରେ ମତଦାନ ହେବାକୁ ଥିବା ରାଜ୍ୟଗୁଡିକ :  ଉତ୍ତରପ୍ରଦେଶ, ବିହାର ଓ ପଶ୍ଚିମବଙ୍ଗ

ପ୍ରଥମ ପର୍ଯ୍ୟାୟ ଭୋଟ୍ ଏପ୍ରିଲ୍ ୧୯ ରେ ହେବ, ଏପ୍ରିଲ୍ ୨୬ ରେ ଦ୍ୱିତୀୟ ପର୍ଯ୍ୟାୟ ଭୋଟ୍, ମେ ୭ ରେ ୩ୟ ପର୍ଯ୍ୟାୟ ଭୋଟ୍, ମେ ୧୩ ରେ ୪ର୍ଥ ପର୍ଯ୍ୟାୟ  ଭୋଟ୍, ମେ ୨୦ ତାରିଖରେ ୫ମ ପର୍ଯ୍ୟାୟ  ଭୋଟ୍, ମେ ୨୫ ରେ ୬ଷ୍ଠ ପର୍ଯ୍ୟାୟ  ଭୋଟ୍ ଏବଂ ୭ମ ପର୍ଯ୍ୟାୟ ଭୋଟ୍ ଜୁନ୍ ୧ ତାରିଖରେ ହେବ।

Categories
ଜାତୀୟ ଖବର ନିର୍ବାଚନ ଖବର ବିଶେଷ ଖବର ରାଜ୍ୟ ଖବର

Odisha Election Announcement: ଓଡିଶା ବିଧାନସଭା ପାଇଁ ଘୋଷଣା ହେଲା ତାରିଖ

Odisha Election Announcement: ଆଜି ଭାରତର ମୁଖ୍ୟ ନିର୍ବାଚନ କମିଶନର ନିର୍ବାଚନ ତାରିଖ ଘୋଷଣା କରିଛନ୍ତି। ଏଥିରେ ଲୋକସଭା ଏବଂ 4ଟି ରାଜ୍ୟର ବିଧାନସଭା ତାରିଖ ମଧ୍ୟ ଘୋଷଣା କରିଛନ୍ତି। ସେହି ଅନୁସାରେ ଓଡିଶାରେ 4ଟି ପର୍ଯ୍ୟାୟରେ ଉଭୟ ଲୋକସଭା ଓ ବିଧାନସଭା ନିର୍ବାଚନ ହେବ। ମେ 13 ତାରିଖରେ ହେବ ନିର୍ବାଚନ

ଓଡିଶାରେ ଲୋକସଭା ଓ ବିଧାନସଭା ତାରିଖ ହେଲା- ମେ 13 ତାରିଖ, ମେ 20 ତାରିଖ, ମେ 25 ତାରିଖ ଏବଂ ଜୁନ 1 ତାରିଖ।

 

ନିର୍ବାଚନ କମିଶନରଙ୍କ ସୂଚନା ଅନୁସାରେ ସମସ୍ତ ଭୋଟ ଗଣତି 4 ଜୁନ ତାରିଖରେ ହେବ।

 

Categories
ଆଜିର ଖବର ଜାତୀୟ ଖବର ନିର୍ବାଚନ ଖବର

ଘୋଷଣା ହେଲା ନିର୍ବାଚନ ତାରିଖ!! ସାମାଜିକ ଗଣମାଧ୍ୟମରେ ଘୁରିବୁଲୁଥିବା ଏହି ଖବରଟି ସତରେ କଣ ?

ନୂଆଦିଲ୍ଲୀ: ବର୍ତ୍ତମାନ ସାରା ଦେଶ ଅନେଇ ରହିଛି କେବେ ନିର୍ବାଚନ ହେବ। ଯେଉଁ ରାଜ୍ୟରେ ବିଧାନସଭା ନିର୍ବାଚନ ଅଛି, ସେଠାକାର ଲୋକେ ଆହୁରି ଉତ୍ସୁକୁତ। ସମସ୍ତେ ବର୍ତ୍ତମାନ ଟିଭି, ଖବର କାଗଜ ତଥା ଡିଜିଟାଲ ମିଡିଆକୁ ଅନେଇ ରହିଛନ୍ତି।

କେବେ ନିର୍ବାଚନ ହେବ ତାହା ତ ଦୂରର କଥାନ ହେଲେ କେବେ ଘୋଷଣା ହେବ ତାହାକୁ ନେଇ ମଧ୍ୟ ସମସ୍ତେ ଅପେକ୍ଷାରେ ଅଛନ୍ତି। ତେବେ ଲୋକଙ୍କ ଭିତରେ ଏପରି ଆଗ୍ରହକୁ ଦେଖି କେତେକ ସାଇବର ଦଲାଲ ଆରମ୍ଭ କରିଦେଇଛନ୍ତି ବେପାର। ବର୍ତ୍ତମାନ ସାମାଜିକ ଗଣମାଧ୍ୟମରେ କେବେ ନିର୍ବାଚନ ହେବ ତାହାର ଏକ ଲିଷ୍ଟ ଭାଇରାଲା ହେବାରେ ଲାଗିଛି।

ଏଥିରେ ଭାରତ ନିର୍ବାଚନ କମିଶନରଙ୍କ ଲୋଗୋ ସହିତ ଏହି ତାଲିକା ପ୍ରକାଶ ପାଇଛି। ଯାହାକୁ ନେଇ ଭାରତୀୟ ନିର୍ବାଚନ କମିଶନର ତୀବ୍ର ପ୍ରତିକ୍ରିୟା ପ୍ରକାଶ କରିଛନ୍ତି। ଏକ ବିଜ୍ଞପ୍ତି ମାଧ୍ୟମରେ କମିଶନର ଅଫିସରୁ ଏହା ଫେକ୍ ବୋଲି କୁହାଯାଇଛି। ତେବେ ଏପରି ବିଭ୍ରାନ୍ତ ଖବର କିଏ ପୋଷ୍ଟିଂ କଲା ତାହା ତଦନ୍ତ କରାଯିବ ବୋଲି ଜଣାପଡିଛି।

Categories
ଆଜିର ଖବର ଜାତୀୟ ଖବର

ଘୋଷଣା ହେଲା ନିର୍ବାଚନ ତାରିଖ: ଏହି ଦିନ ହେବ ୫ ଟି ରାଜ୍ୟରେ ଭୋଟ ଗ୍ରହଣ

ନୂଆଦିଲ୍ଲୀ: ଆଜି ନିର୍ବାଚନ ଆୟୋଗ ବିଧାନସଭା ନିର୍ବାଚନ ପାଇଁ ତାରିଖ ଘୋଷଣା କରିଛନ୍ତି। ରାଜସ୍ଥାନ, ଛତିଶଗଡ, ତେଲେଙ୍ଗାନା, ମଧ୍ୟପ୍ରଦେଶ ଏବଂ ମିଜୋରାମ ବିଧାନସଭା ନିର୍ବାଚନ ପାଇଁ ଆଜି ତାରିଖ ଘୋଷଣା କରାଯାଇଛି। ଏହି ପାଞ୍ଚଟି ରାଜ୍ୟରେ ୬୭୯ ଟି ବିଧାନସଭା ଆସନ ପାଇଁ ଭୋଟ ଗ୍ରହଣ କରାଯିବ।

ତେବେ ପାଞ୍ଚଟି ରାଜ୍ୟରେ ମୋଟ ୧୬ କୋଟି ମତଦାତା ଭୋଟ ଗ୍ରହଣ କରିବେ। ଏଥିରେ ପୁରୁଷ ଭୋଟର ପ୍ରାୟ ୮ କୋଟି ଥିବା ବେଳେ ମହିଳା ଭୋଟରଙ୍କ ସଂଖ୍ୟା ୭ କୋଟି ୮୦ ଲକ୍ଷ ଏବଂ ପ୍ରଥମ ଥର ଭୋଟ ଦେବା ଭୋଟରଙ୍କ ସଂଖ୍ୟା ୬୦ ଲକ୍ଷ ଅଛନ୍ତି।

ମୁଖ୍ୟ ନିର୍ବାଚନ କମିଶନର ରାଜୀବ କୁମାରଙ୍କ ଅନୁଯାୟୀ, ମଧ୍ୟପ୍ରଦେଶ, ଛତିଶଗଡ, ତେଲେଙ୍ଗାନା, ରାଜସ୍ଥାନ ଏବଂ ମିଜୋରାମରେ ପାଞ୍ଚଟି ରାଜ୍ୟରେ ମୋଟ ୧.୭୭ ଲକ୍ଷ ମତଦାନ କେନ୍ଦ୍ର ରହିବ। ସେଥିମଧ୍ୟରୁ ୧.୦୧ ଲକ୍ଷ ୱେବ୍ ପ୍ରସାରଣ ସୁବିଧା ରହିବ।

ନଭେମ୍ବର ୭ ତାରିଖରୁ ନଭେମ୍ବର ୩୦ ତାରିଖ ପର୍ଯ୍ୟନ୍ତ ପାଞ୍ଚଟି ରାଜ୍ୟରେ ବିଧାନସଭା ନିର୍ବାଚନ ଅନୁଷ୍ଠିତ ହେବ, ସମସ୍ତ ରାଜ୍ୟରେ ଭୋଟ୍ ଗଣନା, ଅର୍ଥାତ୍ ଡିସେମ୍ବର ୩ ତାରିଖରେ ନିର୍ବାଚନ ଫଳାଫଳ ଘୋଷଣା କରାଯିବ। କେବଳ ଛତିଶଗଡରେ ଦୁଇଟି ପର୍ଯ୍ୟାୟରେ ଭୋଟ ଗ୍ରହଣ କରାଯିବାକୁଥିବା ବେଳେ ମିଜୋରାମ, ମଧ୍ୟପ୍ରଦେଶ, ରାଜସ୍ଥାନ ଏବଂ ତେଲେଙ୍ଗନାରେ ଗୋଟିଏ ପର୍ଯ୍ୟାୟରେ ଭୋଟ ଗ୍ରହଣ କରାଯିବ।

କେଉଁ ରାଜ୍ୟରେ କେବେ ହେବ ଭୋଟ ଗ୍ରହଣ?:

୧- ମିଜୋରମ: ନଭେମ୍ବର ୭ ତାରିଖ

୨- ଛତିଶଗଡ: ନଭେମ୍ବର ୭ ତାରିଖ ଏବଂ ୧୭ ତାରିଖ

୩- ମଧ୍ୟପ୍ରଦେଶ: ନଭେମ୍ବର ୧୭ ତାରିଖ

୪- ରାଜସ୍ଥାନ: ନଭେମ୍ବର ୨୩ ତାରିଖ

୫- ତେଲଙ୍ଗନା: ନଭେମ୍ବର ୩୦ ତାରିଖ।

Categories
ବିଶେଷ ଖବର

ଆଜି ଘୋଷଣା ହେବ ଗୁଜୁରାଟ ନିର୍ବାଚନ ତାରିଖ!, ମଧ୍ୟାହ୍ନ ୧୨ଟାରେ ସାମ୍ବାଦିକ ସମ୍ମିଳନୀ କରିବ ଇସି

ନୂଆଦିଲ୍ଲୀ: ଗୁଜୁରାଟରେ ଅନୁଷ୍ଠିତ ହେବାକୁ ଥିବା ବିଧାନସଭା ନିର୍ବାଚନର ତାରିଖ ଆଜି ମଧ୍ୟାହ୍ନ ୧୨ ଟାରେ ଘୋଷଣା କରାଯାଇପାରେ। ଆଜି ନିର୍ବାଚନ ଆୟୋଗର ଏକ ସାମ୍ବାଦିକ ସମ୍ମିଳନୀ ହେବ, ଯେଉଁଥିରେ ତାରିଖ ସମ୍ପର୍କରେ ସୂଚନା ଦିଆଯିବ। ଗୁଜୁରାଟ ବିଧାନସଭା ନିର୍ବାଚନ ପାଇଁ ବିଜେପି ଏବଂ କଂଗ୍ରେସ ନିଜର ଆଭିମୁଖ୍ୟକୁ କଡାକଡି କରିସାରିଛନ୍ତି। ଏଥି ସହିତ ଆମ୍ ଆଦମୀ ପାର୍ଟିର ପ୍ରବେଶ ଏଥର ପ୍ରତିଯୋଗିତାକୁ ଆହୁରି ଆକର୍ଷଣୀୟ କରିପାରିଛି।

ତେବେ ଗୁଜୁରାଟ ବିଧାନସଭା ନିର୍ବାଚନକୁ ଦୃଷ୍ଟିରେ ରଖି ଆମ୍ ଆଦମୀ ପାର୍ଟି (AAP) ମଙ୍ଗଳବାର ଦିନ ୨୨ ଜଣ ପ୍ରାର୍ଥୀଙ୍କ ତାଲିକା ପ୍ରକାଶ କରିଛି। ଦଳ ଏପର୍ଯ୍ୟନ୍ତ ୧୦୮ ପ୍ରାର୍ଥୀଙ୍କ ନାମ ଘୋଷଣା କରିଛି। ଆମ୍ ଆଦମୀ ପାର୍ଟି ହେଉଛି ଏକମାତ୍ର ରାଜନୈତିକ ଦଳ ଯିଏ ଗୁଜୁରାଟ ନିର୍ବାଚନ ପାଇଁ ୧୦୦ ରୁ ଅଧିକ ପ୍ରାର୍ଥୀ ଘୋଷଣା କରିଛି। ଗୁଜୁରାଟରେ ମୋଟ ୧୮୨ ଟି ବିଧାନସଭା ଆସନ ରହିଛି।

୨୦୧୭ ଗୁଜରାଟ ବିଧାନସଭା ନିର୍ବାଚନରେ ​​ସମସ୍ତ ୧୮୨ ଟି ଆସନର ଫଳାଫଳ ଘୋଷଣା ହେବା ପରେ ବିଜେପି ୯୯ ଟି ଆସନ ସହିତ ସଂଖ୍ୟା ଗରିଷ୍ଠତା ହାସଲ କରିଥିଲା। ସେପଟେ କଂଗ୍ରେସ ୮୦ ଟି ଆସନ ପାଇଥିଲା। ଯଦି ଉଭୟଙ୍କ ମଧ୍ୟରେ ପାର୍ଥକ୍ୟ ଦେଖାଯାଏ, ତେବେ କେବଳ ୧୯ ଟି ଆସନର ପାର୍ଥକ୍ୟ ଥିଲା।

୧୯୯୫ ମସିହାରୁ ଗୁଜୁରାଟରେ ବିଜେପି କ୍ଷମତାରେ ଅଛି। ନରେନ୍ଦ୍ର ମୋଦୀ ଗୁଜୁରାଟର ୨୨ ତମ ମୁଖ୍ୟମନ୍ତ୍ରୀ ହୋଇଥିଲେ ଏବଂ କ୍ରମାଗତ ୧୩ ବର୍ଷ ଏହି ପଦରେ ରହିଥିଲେ। ଲଗାତାର ତିନି ଥର ମୁଖ୍ୟମନ୍ତ୍ରୀ ହେବା ପରେ ମୋଦୀ ୨୦୧୪ ରେ ଦେଶର ପ୍ରଧାନମନ୍ତ୍ରୀ ହୋଇଥିଲେ ଏବଂ ପରେ ଆନନ୍ଦିବେନ୍ ପଟେଲ ଗୁଜୁରାଟର ପ୍ରଥମ ମହିଳା ମୁଖ୍ୟମନ୍ତ୍ରୀ ହୋଇଥିଲେ।

Categories
ଆଜିର ଖବର ଜାତୀୟ ଖବର

ଆଜି ଘୋଷଣା ହୋଇପାରେ ଦୁଇଟି ରାଜ୍ୟର ନିର୍ବାଚନ ତାରିଖ, ଅପରାହ୍ନ ୩ ଟାରେ ସାମ୍ବାଦିକ ସମ୍ମିଳନୀ

ନୂଆଦିଲ୍ଲୀ: ଆଜି ଅପରାହ୍ନ ୩ ଟାରେ ଏକ ସାମ୍ବାଦିକ ସମ୍ମିଳନୀ କରିବା ନେଇ ନିର୍ବାଚନ ଆୟୋଗ ସୂଚନା ଦେଇଛନ୍ତି। ଏହି ସାମ୍ବାଦିକ ସମ୍ମିଳନୀରେ ଗୁଜରାଟ ଏବଂ ହିମାଚଳ ପ୍ରଦେଶର ବିଧାନସଭା ନିର୍ବାଚନ ପାଇଁ ତାରିଖ ଘୋଷଣା ହୋଇପାରେ ବୋଲି ଅନୁମାନ କରାଯାଉଛି। ତେବେ ତାରିଖ ଘୋଷଣା ହେବା ପରେ ଉଭୟ ରାଜ୍ୟରେ ଆଦର୍ଶ ଆଚରଣ ବିଧି ଲାଗୁ ହେବ। ଉଭୟ ରାଜ୍ୟରେ ବର୍ତ୍ତମାନ ବିଜେପି କ୍ଷମତାରେ ଅଛି।