ନୂଆଦିଲ୍ଲୀ: ଏ ବର୍ଷ ନୂଆଦିଲ୍ଲୀ ସ୍ଥିତ ଗାନ୍ଧୀ ଭଵନ, ନର୍ଥ କ୍ୟାମ୍ପସ ଠରେ ଉତ୍କଳ ଦିବସ ପାଳନ କଲା ଦିଲ୍ଲୀ ଓଡ଼ିଆ ଷ୍ଟୁଡେଣ୍ଟ ଆସୋସିଏସନ ବା ଦୋସା। ଏହି ପରିପ୍ରେକ୍ଷୀରେ ମୂଖ୍ୟ ଅତିଥି ରୂପେ ପୂର୍ବତନ କେନ୍ଦ୍ରମନ୍ତ୍ରୀ ତଥା ବାଲେଶ୍ଵର ସାଂସଦ ଶ୍ରୀ ପ୍ରତାପ ଷଡ଼ଙ୍ଗୀ ଯୋଗ ଦେଇଥିଲେ।
ସେ ଓଡ଼ିଶା ଦିବସ ପାଳନର ଆଭିମୁଖ୍ୟ ତଥା ଓଡିଶାର ବରପୁତ୍ର ମାନଙ୍କ ଅବଦାନ, ଓଡ଼ିଆ ଭାଷା ସଂସ୍କୃତି ଏବଂ ଇତିହାସ ବିଷୟରେ ତାଙ୍କ ଅଭିଭାଷଣରେ ଆଲୋକପାତ କରିଥିଲେ।
ଅନ୍ୟ ଅତିଥି ମାନଙ୍କ ଭିତରେ ଦିଲ୍ଲୀ ବିଶ୍ଵବିଦ୍ୟାଳୟର ଅଧ୍ୟକ୍ଷ ଶ୍ରୀ ବିଶ୍ୱଜିତ ପାଣି, ମିରିଣ୍ଡା ହାଉସ ଅଧ୍ୟକ୍ଷା ବିଜୟଲକ୍ଷ୍ମୀ ନନ୍ଦ, ପ୍ରଫେସର କମଳାକାନ୍ତ ପ୍ରମୂଖ ଯୋଗ ରାଜନୀତିରେ ଶିକ୍ଷିତ ଯୁବ ସମାଜର ଭୂମିକା ବିଷୟରେ ଆଲୋଚନା କରି ଥିଲେ।
ତତ ସଂଗେ ସଂଗେ ଦୋସା ତରଫରୁ ମାଗଜିନ ମାଲାଞ୍ଚ ଲୋକାର୍ପଣ କରାଯିବା ସହ ଓଡ଼ିଆ ସଙ୍ଗୀତ, ସମ୍ବଲପୁରୀ ନୃତ୍ୟ ଓ କାର୍ଯ୍ୟକ୍ରମ ଶେଷରେ ରାତ୍ର ଭୋଜନରେ ସୁସ୍ୱାଦୁ ଓଡ଼ିଆ ଖାଦ୍ୟର ଵିଶେଷ ଆୟୋଜନ କରାଯାଇଥିଲା। ଏହି ଉତ୍ସବଟିକୁ ଦୋସାର ସଭାପତି ଅଖଫାନ୍ ବେହେରା, ଉପସଭାପତି ଅନୁଷ୍କା ଭୂୟାଁ ଓ ବିଶ୍ୱ ବିଦ୍ୟାଳୟର ଅନେକ ଛାତ୍ର ଛାତ୍ରୀ ସହଯୋଗ କରିଥିଲେ। ଏହି ଉତ୍ସବରେ ନୂଆଦିଲ୍ଲୀର ବହୁ ମାନ୍ୟଗଣ୍ୟ ବ୍ୟକ୍ତି ବିଶେଷ ଓ ସାମାଜିକ ସଂଗଠନ ମଧ୍ୟ ଯୋଗ ଦେଇଥିଲେ