କୈଳାଶ ଚନ୍ଦ୍ର ଚୌଧୁରୀ
ଗଜପତି: ଗଜପତି ଜିଲ୍ଲା ମୋହନା ଥାନା ଅଞ୍ଚଳର ଭୁବନାନନ୍ଦ ପରିଡ଼ା ନାମକ ଜଣେ ପୋଲିସ ସିପାହୀକୁ ବ୍ରହ୍ମପୁର ସଦର ପୋଲିସ ଗିରଫ କରି କୋର୍ଟ ଚାଲାଣ କରିଛି।
ଘଟଣାରୁ ପ୍ରକାଶ ଯେ, ଜଣେ ଘରୋଇ ସ୍କୁଲର ପ୍ରଧାନ ଶିକ୍ଷୟିତ୍ରୀ ଓ ଅଭିଯୁକ୍ତ ସିପାହୀ ପିଲା ବେଳର ସ୍କୁଲ ସାଙ୍ଗ ଅଟନ୍ତି। ଉଭୟେ ବିବାହିତ। ପ୍ରଧାନ ଶିକ୍ଷୟିତ୍ରୀ ଜଣଙ୍କ ଦୁଇଟି ସନ୍ତାନର ଜନନୀ ତଥାପି ଉଭୟେ ଦୁହେଁ ଦୁହିଁଙ୍କୁ ଭଲ ପାଉଥିଲେ ଓ ସିପାହୀ ଜଣକ ସଦର ଥାନା ଅନ୍ତର୍ଗତ ବାଇଗଣ ବାଡି ଗ୍ରାମରେ ଏକ ଭଡ଼ା ଘରେ ଆଣି ପ୍ରଧାନ ଶିକ୍ଷୟିତ୍ରୀଙ୍କୁ ରଖିଥିଲେ।
ଏହି ଭଳି ପରିସ୍ଥିତିରେ ନିଜ ସ୍ବାମୀଙ୍କ ସହ ମନୋମାଳିନ ଘଟି ଛାଡ଼ପତ୍ର ହୋଇଥିଲା। ଏହା ମଧ୍ୟରେ ଅଭିଯୁକ୍ତ ସିପାହୀ ବିବାହର ପ୍ରତିଶୃତି ଦେଇ ଉକ୍ତ ପ୍ରଧାନ ଶିକ୍ଷୟିତ୍ରୀଙ୍କ ସହ ଶାରୀରିକ ସମ୍ପର୍କ ରଖି ୩ ଥର ଗର୍ଭପାତ କରାଇବା ସହ ତାଙ୍କ ଠାରୁ ନଗଦ ୧୨ ଲକ୍ଷ ଟଙ୍କା ମାଗି ନେଇ ଥିଲେ। କିନ୍ତୁ ପରବର୍ତ୍ତୀ ସମୟରେ ପ୍ରଧାନ ଶିକ୍ଷୟିତ୍ରୀଙ୍କ ସହ ବିବାହ ହେବାକୁ ମନା କରିବା ସହ ନଗଦ ଟଙ୍କା ମଧ୍ୟ ଫେରିଇବାକୁ ମନା କରିଥିଲେ। ହତ୍ୟାର ଧମକ ଦେଇଥିଲେ।
ପରିଶେଷରେ ପୀଡ଼ିତା ପ୍ରଧାନ ଶିକ୍ଷୟିତ୍ରୀ ଜଣଙ୍କ ସଦର ଥାନାରେ ଅଭିଯୋଗ କରିବା ପରେ ସଦର ଥାନା ପୋଲିସ୍ ମକଦ୍ଦମା ନଂ ୧୮୨/୨୩ ଅନୁଯାୟୀ ମାମଲା ରୁଜୁ କରି ଅଭିଯୁକ୍ତକୁ ତାଙ୍କ ଗ୍ରାମ କାଳିଆପଟା ଗ୍ରାମରୁ ଉଦ୍ଧାର କରି ଉଭୟଙ୍କୁ ଡାକ୍ତରୀମାଇନା କରିବା ସହ ଅଭିଯୁକ୍ତ ଭୁବନାନନ୍ଦକୁ କୋର୍ଟ ଚାଲାଣ କରିଛି।