ଭୁବନେଶ୍ବର: ଗତ ନଭେମ୍ବର ମାସ ୬ ତାରିଖ ସନ୍ଧ୍ୟା ୬ ଘଟିକା ସମୟରେ କଟକ ସ୍ଥିତ ପାନୁ ନିବାସ ଅଡିଟୋରୀୟମ୍ ରେ ତରୁଣ କବି ସୌମ୍ୟ ସ୍ବରୂପ ନାୟକଙ୍କ ପ୍ରଥମ ହିନ୍ଦୀ କାବ୍ୟ ସଂକଳନ “ବାଇସ୍କୋପ୍” ପୁସ୍ତକର ଲୋକାର୍ପଣ ହେଇଛି। ପକ୍ଷୀଘର ପ୍ରକାଶନୀ ତରଫରୁ ପ୍ରକାଶିତ ଏଇ ବାଇସ୍କୋପ୍” ର ଲୋକାର୍ପଣ ଉତ୍ସବ ଏକ ବର୍ଣ୍ଣାଢ୍ୟ ସାହିତ୍ୟ ପରିବେଶରେ ଆୟୋଜିତ ହେଇଥିଲା। ଏଥ୍ପାଇଁ ମଞ୍ଚରେ ସୌମ୍ୟ ସ୍ବରୂପଙ୍କ ସହିତ ଅତିଥ୍ ଭାବରେ କେନ୍ଦ୍ର ସାହିତ୍ୟ ଏକାଡେମୀ ପୁରସ୍କାର ପ୍ରାପ୍ତ ଅନୁବାଦକ ତଥା ବିଶିଷ୍ଟ କବି ଅମରେଶ ପଟ୍ଟନାୟକ ଓ ସଂଗ୍ରାମ ଜେନା, ପକ୍ଷୀଘର ପ୍ରକାଶକ ବନୋଜ ତ୍ରିପାଠୀ, ଓଡ଼ିଆ ସିନେ ସମୀକ୍ଷକ ସୂର୍ଯ୍ୟ ଦେଓ ଉପସ୍ଥିତ ଥିଲେ।
ଅତିଥିମାନଙ୍କ ଦ୍ବାରା ପ୍ରଦୀପ ପ୍ରଜ୍ବଳନ ପରେ ସୌମ୍ୟ ସ୍ବରୂପ ନାୟକଙ୍କ ହିନ୍ଦୀ କାବ୍ୟ ସଂକଳନ “ବାଇସ୍କୋପ୍” କୁ ଲୋକାର୍ପଣ କରାଯାଇଥିଲା। ସୌମ୍ୟ ସ୍ବରୂପ ନିଜ ଲେଖକୀୟ
ଅଭିଭାଷଣରେ କହିଥିଲେ ଯେ, ଏଇ କାବ୍ୟ ସଂକଳନ ମାଧ୍ୟମରେ ତାଙ୍କ ଭିତରେ ଥିବା ବାଇସ୍କୋପ୍ ରେ ସେ ନିଜ ଜୀବନର ଓ ସମାଜର ବିଭିନ୍ନ ଦିଗକୁ ଦେଖିବାକୁ ଚେଷ୍ଟା କରୁଛନ୍ତି।
ପକ୍ଷୀଘର ପ୍ରକାଶକ ବନୋଜ ତ୍ରିପାଠୀ ଏଇ କବିତା ପ୍ରକାଶନର ଯାତ୍ରା ସହିତ ନିଜ ଅଭିବ୍ୟକ୍ତିରେ କହିଥିଲେ ଯେ, ଏତେ କମ୍ ବୟସରେ ଜାତୀୟ ସ୍ତର ପାଇଁ ସୌମ୍ୟ ସ୍ବରୂପ ନାୟକଙ୍କ କୃତି ପ୍ରଶଂସନୀୟ।
ଏହାପରେ ସିନେ ସମୀକ୍ଷକ ସୂର୍ଯ୍ୟ ଦେଓ ” ବାଇସ୍କୋପ୍ ” ର କେତୋଟି କବିତା ସମୀକ୍ଷା କରି କହିଥିଲେ ଯେ, କବିତାର ପ୍ରତ୍ୟକ ଟି ଧାଡି ଭିତରେ କେବଳ ପ୍ରେମ ଆଉ ଆଦର୍ଶ ନାହିଁ କିଛି ଅନ୍ତଃସ୍ବର ବି ରହିଛି। ବିଶେଷ ଅତିଥି ଅମରେଶ ପଟ୍ଟନାୟକ ତାଙ୍କ ଅଭିଭାଷଣରେ
କହିଥିଲେ, ଆଜିକାଲି ଦୁନିଆରେ କବି ଓ ଲେଖକ ମାନଙ୍କ ପାଇଁ ସାହିତ୍ୟ ସୃଷ୍ଟି ହେଉଛି ଗୋଟେ ବଡ ସଂଘର୍ଷ। ଏଇ ସଂଘର୍ଷକୁ ଜାରି ରଖ୍ ଜୀବନକୁ ଆଗେଇ ନେବା ପାଇଁ ସେ ସୌମ୍ୟ ସ୍ବରୂପଙ୍କୁ ଆହ୍ଵାନ ଦେଇଥିଲେ।
ଏଥି ସହିତ ସଂଗ୍ରାମ ଜେନାଙ୍କ ଭାଷଣ ଲୋକାର୍ପଣ ଉତ୍ସବରେ ସାହିତ୍ୟ ପରିବେଶକୁ ଆହୁରି ରୁଚିମନ୍ତ କରିଥିଲା ଆଉ ସୌମ୍ୟ ସ୍ବରୂପ ଙ୍କ ଏଇ ଜାତୀୟ ସ୍ତରର ପ୍ରଚେଷ୍ଟା ପାଇଁ ସେ ପ୍ରଶଂସା କରିଥିଲେ।
ଏଇ ଲୋକାର୍ପଣ ଉତ୍ସବରେ ସୌମ୍ୟ ସ୍ବରୂପ ନାୟକଙ୍କ ଦୁଇଟି ବିଶେଷ ହିନ୍ଦୀ କବିତା “କାଲା ” ଓ ” ତୁମ୍ ହି ଜନ୍ମତ୍ ହୋ”, ମୋହନ ମଜିଠିଆ ତାଙ୍କର ଗୁରୁ ଗମ୍ଭୀର ସ୍ବରରେ ଆବୃତ୍ତି କରି ଶୁଣାଇଥିଲେ, ଯାହାକି ଉତ୍ସବର ମୁଖ୍ୟ ଆକର୍ଷଣ ହେଇଥିଲା।
ଏମାନଙ୍କ ବ୍ୟତୀତ ଓଡ଼ିଶାର ବିଶିଷ୍ଟ କବି, ଲେଖକ, ସମାଲୋଚକ ସର୍ବଶ୍ରୀ ଅମୀୟ ମହାପାତ୍ର, ସୁରେଶ ନାଏକ, ପ୍ରସନ୍ନ ସ୍ବାଇଁ, ଦୀପ୍ତି ଦାସ, ଅଜୟ ମହାପାତ୍ର, ମୋହିତ ଚକ୍ରବର୍ତ୍ତୀ, ଜ୍ଞାନ ହୋତା, ଜ୍ଞାନୀ ଦେବାଶିଷ, ଶରତ ନାୟକ, ପ୍ରମୁଖ କବିମାନେ ଉପସ୍ଥିତ ରହି ତାଙ୍କ ଅଭିଭାଷଣରେ ସୌମ୍ୟ ସ୍ବରୂପ ନାୟକଙ୍କୁ ଶୁଭେଚ୍ଛା ଜଣେଇ ଆଶୀର୍ବାଦ ଜ୍ଞାପନ କରିଥିଲେ।
ଶେଷରେ ସୌମ୍ୟ ସ୍ବରୂପ ନାୟକଙ୍କ ବାପା ଓଡ଼ିଆ ସିନେମା ଜଗତର ଗୀତିକାର ତଥା
ସଂଳାପ ଲେଖକ ଡ଼. ନିର୍ମଳ ନାୟକ ନିମନ୍ତ୍ରିତ ଅତିଥ୍ମାନଙ୍କ ସହିତ ଉପସ୍ଥିତ ଥିବା ମିଡ଼ିଆ
ବନ୍ଧୁମାନଙ୍କୁ ଧନ୍ୟବାଦ ଜ୍ଞାପନ କରିଥିଲେ ଓ ଏଇ କାବ୍ୟ ସଂକଳନ କିଛି ପୁସ୍ତକାଳୟ ସହିତ
Online Shoping Site Amazon ରେ ଉପଲବ୍ଧ ବୋଲି ସୂଚନା ଦେଇଥିଲେ ଏବଂ ୟାକୁ
ପଢି ମତାମତ ଦେବା ପାଇଁ ଅନୁରୋଧ କରିଥିଲେ।