ଭୁବନେଶ୍ବର: ବିଜେଡିର ଭୋଗରାଇ ବିଧାୟକ ଅନନ୍ତ ଦାସ ଗୁରୁତର ଅସୁସ୍ଥ ହୋଇ ହସପିଟାଲରେ ଭର୍ତ୍ତି ହୋଇଛନ୍ତି। ସେ ଶ୍ବାସ ପ୍ରଶ୍ବାସ ନେବାରେ କଷ୍ଟ ଅନୁଭବ କରିବାରୁ ତାଙ୍କୁ ଗତକାଲି ବାଲେଶ୍ବର ହସପିଟାଲରେ ଭର୍ତ୍ତି କରାଯାଇଛି। ସେ ବର୍ତ୍ତମାନ ଆଇୟୁସି ରେ ଚିକିତ୍ସିତ ହେଉଛନ୍ତି ବୋଲି ଜଣାପଡିଛି।
ବଜେଟ ଅଧିବେସନ ବେଳେ ସେ ବିଧାନସଭାକୁ ଆସିଥିଲେ। ସେତେବେଳେ ସେ ଆଉ ଜୀବନରେ ବିଧାନସଭା ଆସିପାରିବେ ନାହିଁ ବୋଲି କହିଥିଲେ। ପୂର୍ବରୁ ତାଙ୍କର ସ୍ବାସ୍ଥ୍ୟ ଠିକ ରହୁ ନ ଥିବାରୁ ସେ ଏଥର ନିର୍ବାଚନରୁ ଦୂରେଇ ରହିବେ ବୋଲି ଜଣାପଡିଥିଲା।