ଶ୍ରୀନଗର: ଆଜି ଜମ୍ମୁ କାଶ୍ମୀରର ଉରୀ ନିକଟସ୍ଥ ରାମପୁର ସେକ୍ଟରରେ ସୁରକ୍ଷା ବାହିନୀ ଏକ ବଡ଼ ସଫଳତା ପାଇଛି। ସୁରକ୍ଷା ବାହିନୀ ସୀମାରୁ ଅନୁପ୍ରବେଶ କରିବାକୁ ଚେଷ୍ଟା କରୁଥିବା ୩ ଆତଙ୍କବାଦୀଙ୍କୁ ଏନକାଉଣ୍ଟର କରିଛି। ଏହା ପରେ ବିପୁଳ ପରିମାଣର ଅସ୍ତ୍ରଶସ୍ତ୍ର ମଧ୍ୟ ଜବତ କରାଯାଇଛି। ଏଥିରେ ପାଞ୍ଚଟି ଏକେ ୪୭, ୮ ଟି ପିସ୍ତଲ ଏବଂ ୭୦ ଟି ହ୍ୟାଣ୍ଡ ଗ୍ରେନେଡ ଅନ୍ତର୍ଭୁକ୍ତ। ଅଧିକାରୀ କହିଛନ୍ତି ଯେ, ନିକଟରେ ପାକିସ୍ତାନ ଅକ୍ତିଆର କରିଥିବା କାଶ୍ମୀର (ପୋଓକେ) ରୁ ଭାରତୀୟ ସୀମାରେ ଆତଙ୍କବାଦୀମାନେ ପ୍ରବେଶ କରିଥିଲେ।
