ନୂଆଦିଲ୍ଲୀ: ଏକ ବିବାହ ନିମନ୍ତ୍ରଣ ପତ୍ର ଭିଡିଓ ବର୍ତ୍ତମାନ ସାମାଜିକ ଗଣ ମାଧ୍ୟମରେ ବେଶ୍ ଭାଇରାଲ ହେବାରେ ଲାଗିଛି। ତାହା ହେଲା ଏହି ଭିଡିଓରେ ଥିବା ନିମନ୍ତ୍ରଣ ପତ୍ର ଭିତରୁ ଡ୍ରଗ୍ସ ବାହାରୁଛି। ଏ ନେଇ ପୋଲିସ ବିମାନ ବନ୍ଦରରୁ ଏକ ମହିଳାକୁ ଧରିଛି ବୋଲି ଏହି ଭିଡିଓରେ ଉଲ୍ଲେଖ ରହିଛି। ଏହି ଭିଡିଓ ଯେ ଦେଖୁଛି ସେ ଆଶ୍ଚର୍ଯ୍ୟ ହୋଇଯାଉଛି। କାରଣ ବିବାହ କାର୍ଡ ଭିତରେ ଡ୍ରଗ୍ସ ବେପାର କରିବା କାହାର ବି ବିଶ୍ବାସ ହେଉ ନାହିଁ।
ତେବେ ଏହି ଭିଡିଓଟି କେବେର ଏବଂ କେଉଁ ବିମାନ ବନ୍ଦରର ତାହା ଉଲ୍ଲେଖ କରାଯାଇ ନାହିଁ। ହେଲେ ଏହି ଭିଡିଓଟି ଭାଇରାଲ ହେବାର କାରଣ ହେଲା ଯେ, ଏହାକୁ ଯେ ପୋଷ୍ଟ କରିଛନ୍ତି ସେ ହେଉଛନ୍ତି ଜଣେ ବରିଷ୍ଠ ଆଇପିଏସ ଅଫିସର ରୁପିନ ଶର୍ମା। ତେବେ ଏହି ଭିଡିଓଟି ବହୁ ପୁରୁଣା ବୋଲି ଅନେକ କମେଣ୍ଟ ବକ୍ସରେ ଉଲ୍ଲେଖ କରିଛନ୍ତି।