ଭୁବନେଶ୍ବର: ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ସାକ୍ଷାତ କରିଛନ୍ତି ବ୍ରଜରାଜନଗର ଉପନିର୍ବାଚନରେ ବିଜୟ ଲାଭ କରିଥିବା ଅଳକା ମହାନ୍ତି। ସେ ରବିବାର ଦିନ ନବୀନ ନିବାସକୁ ତାଙ୍କ ପରିବାର ସହିତ ଆସି ନବୀନଙ୍କୁ ସାକ୍ଷାତ କରିଛନ୍ତି। ଅଳକା ଏହି ଉପନିର୍ବାଚନରେ ବିପୁଳ ଭୋଟ ବ୍ୟବଧାନରେ ବିଜୟ ଲାଭ କରିଛନ୍ତି।
ମୁଖ୍ୟମନ୍ତ୍ରୀଙ୍କୁ ସାକ୍ଷାତ ପରେ ଅଳକା କହିଛନ୍ତି ଯେ, ତାଙ୍କ ସ୍ବାମୀଙ୍କର ଯାହା ସ୍ବପ୍ନ ଥିଲା ତାହାକୁ ପୁରଣ କରିବା ପାଇଁ କାର୍ଯ୍ୟ କରିବି। ମୋ ଉପରେ ମୁଖ୍ୟମନ୍ତ୍ରୀଙ୍କ ଆର୍ଶିବାଦ ରହିଛି, ତାହାକୁ ପାଥେୟ କରି ଆଗାମୀ ପଦକ୍ଷେପ ଗ୍ରହଣ କରିବି ବୋଲି ଅଳା କହିଛନ୍ତି। ନବୀନ ନିବାସରେ ମୁଖ୍ୟମନ୍ତ୍ରୀ ଏକ ସାଧାରଣ ବେଶପୋଷାକରେ ସାକ୍ଷାତ କରିଥିଲେ। ଏକ ନୀଳ ଲୁଙ୍ଗି ସହିତ ଧଳା ଟି ସାର୍ଟ ପିନ୍ଧିଥିଲେ।