Tag: ଭାରତ ସରକାର

Categories
ଆଜିର ଖବର ରାଜ୍ୟ ଖବର

ଭାରତ ସରକାରଙ୍କ ଏ.ଡି.ଆଇ.ପି ଯୋଜନା ମାଧ୍ୟମରେ ଦିବ୍ୟାଙ୍ଗଙ୍କୁ ସହାୟକ ଉପକରଣ ବଣ୍ଟନ

ଭୁବନେଶ୍ଵର: ଭାରତ ସରକାରଙ୍କ ଏ.ଡି.ଆଇ.ପି ଯୋଜନା ମାଧ୍ୟମରେ ଦିବ୍ୟାଙ୍ଗ ମାନଙ୍କୁ ସହାୟକ ଉପକରଣ ବଣ୍ଟନ ସମାରୋହ ନରସିଂହ ଚୌଧୁରୀ ସ୍ଵୟଂଶାସିତ ମହାବିଦ୍ୟାଳୟ, ଯାଜପୁର ଠାରେ ଅନୁଷ୍ଠିତ ହୋଇଯାଇଅଛି। ଏହି ସମାରୋହରେ ମୁଖ୍ୟ ଅତିଥି ଭାବେ ଯୋଗଦେଇ ଯାଜପୁର ବିଧାୟିକା ସୁଜାତା ସାହୁ କହିଲେ ଭିନ୍ନକ୍ଷମମାନଙ୍କୁ ପ୍ରଦାନ କରାଯାଉଥିବା ସହାୟକ ଉପକରଣ ବଣ୍ଟନ ଶିବିରରେ ମୁଁ ଅତ୍ୟନ୍ତ ଖୁସି ଅଛି। ସରକାରଙ୍କ ଦ୍ଵାରା ବିଭିନ୍ନ ଉପକରଣ ବଣ୍ଟନ ଏବଂ ଯୋଜନାରେ ଦିବ୍ୟାଙ୍ଗମାନଙ୍କୁ ଅନ୍ତର୍ଭୁକ୍ତ କରାଯାଉଛି ଏହା ଏକ ମହତ କାର୍ଯ୍ୟ ଅଟେ। ଶତକଡା ୮୦ ପ୍ରତିଶତ ଓ ତଦୁର୍ଦ୍ଧ ଲୋକଙ୍କୁ ମାସିକ ୩,୫୦୦ ଟଙ୍କା ଭିନ୍ନକ୍ଷମ ଭତ୍ତା ଦେବା ସରକାରଙ୍କର ଏକ ସ୍ବାଗତଯୋଗ୍ୟ ପଦକ୍ଷେପ। ଅନ୍ୟମାନଙ୍କୁ ମଧ୍ୟ ଏଥିରେ ସାମିଲ କରିବା ପାଇଁ ସରକାରଙ୍କ ପାଖରେ ମୁଁ ନିବେଦନ କରୁଅଛି। ଏହା ସହ ଯେଉଁ ଅନ୍ୟାନ୍ୟ ସରକାରୀ ଯୋଜନା ଅଛି ସେମାନଙ୍କ ପାଖରେ ପହଞ୍ଚାଇବା ପାଇଁ ମୁଁ ଜିଲ୍ଲା ପ୍ରଶାସନକୁ ଅନୁରୋଧ କରୁଅଛି।

ଏହି ସମାରୋହରେ ଅତିରିକ୍ତ ଜିଲ୍ଲାପାଳ, ରାଜସ୍ୱ ଶୁଭେନ୍ଦ୍ର କୁମାର ସାମଲ ଅଧ୍ୟକ୍ଷତା କରି କହିଲେ ଦିବ୍ୟାଙ୍ଗମାନଙ୍କୁ ପ୍ରଦାନ କରାଯାଉଥିବା ବିଭିନ୍ନ ପ୍ରକାର ସହାୟକ ଉପକରଣକୁ ସୁବିନିଯୋଗ କରିବା ଏବଂ ସେଗୁଡ଼ିକର ସଠିକ୍ ସୁରକ୍ଷିତ ରଖିବା ଏବଂ ନିଜର ଅକ୍ଷମତାକୁ ସକ୍ଷମତାରେ ରୂପାନ୍ତରିତ କରିବାକୁ ପରାମର୍ଶ ଦେଇଥିଲେ। ଆଜିର ସମାରୋହରେ ୬୪ ଟି ବ୍ୟାଟେରୀ ଚାଳିତ ଟ୍ରାଇ ସାଇକଲ, ୫୨ ଟି ହାତ ଚାଳିତ ଟ୍ରାଇ ସାଇକଲ, ୨୩୨ ଟି ହୁଇଲ ଚେୟାର, ୨୬୨ ଟି ଶ୍ରବଣ ଯନ୍ତ୍ର, ୩୨ ଟି ସ୍ମାର୍ଟ ଫୋନ, ୫୦ ଟି ସ୍ମାର୍ଟ କେନ୍ ଏବଂ ଏଥି ସହ ଅନ୍ୟାନ୍ୟ ସହାୟକ ଉପକରଣ ବଣ୍ଟନ କରାଯାଇଥିଲା।

ଏହି ଶିବିର ଭାରତ ସରକାରଙ୍କ ମିନି ରତ୍ନ କମ୍ପାନୀ ଆଲିମକୋ ଦ୍ଵାରା ସମ୍ପୂର୍ଣ୍ଣ ଆୟୋଜନ କରାଯାଇଥିଲା। ଏଥିରେ ଆଲିମକୋ କମ୍ପାନୀର ମୁଖ୍ୟ ଏ.ଭି. ଅଶୋକ କୁମାର ଏବଂ ଅନ୍ୟାନ୍ୟ ସହକର୍ମୀ ବୃନ୍ଦ ଉପସ୍ଥିତ ରହି ସମସ୍ତ କାର୍ଯ୍ୟ ସୁଚାରୁରୂପେ ପରିଚାଳନା କରିଥିଲେ।

ଏହି ସମାରୋହରେ ଡେପୁଟି କଲେକ୍ଟର, ଯାଜପୁର, ବସୁଦେବ ନାୟକ, ଜିଲ୍ଲା ସାମାଜିକ ସୁରକ୍ଷା ଅଧିକାରୀ,ଯାଜପୁର ରବୀନ୍ଦ୍ର କୁମାର ବେହେରା, ସଭାପତି, କମଳାକାନ୍ତ ଫାଉଣ୍ଡେସନ ଟ୍ରଷ୍ଟ, ମୃତ୍ୟୁଞ୍ଜୟ ମିଶ୍ର, ଦିବ୍ୟାଙ୍ଗ ଭାଇ ଭଉଣୀ ଓ ଅଭିଭାବକଗଣ ଉପସ୍ଥିତ ଥିଲେ।

Categories
ଆଜିର ଖବର ଜାତୀୟ ଖବର ରାଜ୍ୟ ଖବର

ଭାରତ ସରକାରଙ୍କ ଦ୍ଵାରା ପ୍ରସ୍ତୁତ କ୍ୟାଲେଣ୍ଡରରେ ଫୁଲବାଣୀର ତୁଳା ବେହେରାଙ୍କ ଫଟୋ ସ୍ଥାନିତ 

ଭୁବନେଶ୍ଵର: ଭାରତ ସରକାରଙ୍କ ଦ୍ଵାରା ସରକାରୀ କ୍ୟାଲେଣ୍ଡର କେନ୍ଦ୍ର ରେଳ ମନ୍ତ୍ରୀ ଅଶ୍ୱିନ ବୈଷ୍ଣବ ଙ୍କ ଦ୍ଵାରା ଉନ୍ମୋଚନ ହୋଇ ସରିଛି। କ୍ୟାଲେଣ୍ଡର ର ପ୍ରଥମ ମାସର ଫଟୋ ଗ୍ୟାଲେରୀ ରେ ପ୍ରଧାନମନ୍ତ୍ରୀଙ୍କ ସହ ଫୁଲବାଣୀ ସହରରେ ଭିକ୍ଷା ବୃତ୍ତି କରୁଥିବା ତୁଳା ବେହେରାଙ୍କ ଫଟୋ ରହିଛି।

ସୂଚନା ଅନୁସାରେ, ଦୁଇ ବର୍ଷ ତଳେ ଫୁଲବାଣୀ ଜଗନ୍ନାଥ ମନ୍ଦିରକୁ ଭିକ୍ଷା ବୃତ୍ତିରୁ ସଞ୍ଚିତ ଅର୍ଥ ଏକ ଲକ୍ଷ୍ୟ ଟଙ୍କା ଦାନ କରିଥିଲେ ତୁଳା ବେହେରା। ସାଧାରଣ ନିର୍ବାଚନ ରେ ଫୁଲବାଣୀ ଷ୍ଟାଡିୟମ୍ ରେ ନିର୍ବାଚନ ପାଇଁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଆସିଥିଲେ। ମଞ୍ଚ ଉପରେ ତୁଳା ବେହେରା ଙ୍କୁ ଭେଟି ବହୁତ୍ ଖୁସି ହୋଇଥିଲେ ଓ ସହାୟତା କରିବା ପାଇଁ ଅନୁରୋଧ କରିଥିଲେ ,କିନ୍ତୁ ତୁଳା ବେହେରା ମନା କରିଦେଇଥିଲେ। ଜଗନ୍ନାଥଙ୍କ ଆଶୀର୍ବାଦ କେବଳ ଲୋଡା ବୋଲି କହିଥିଲେ।

ଏବେ ଭାରତ ସରକାରଙ୍କ ଦ୍ଵାରା ସରକାରୀ କ୍ୟାଲେଣ୍ଡର ରେ ପ୍ରଥମ ରେ ତୁଳା ବେହେରା ଙ୍କ ସହ ଫଟୋ ଦେଖି କନ୍ଧମାଳ ଜିଲ୍ଲା ରେ ସମସ୍ତ ବୁଦ୍ଧିଜୀବୀ ଖୁସି ଥିବା ବେଳେ, ପ୍ରଧାନ ମନ୍ତ୍ରୀ ସହ ଫଟୋ ଦେଖି ତୁଳା ବେହେରା ବହୁତ୍ ଖୁସି ବୋଲି କହିଛନ୍ତି।

Categories
ଅନ୍ତରାଷ୍ଟ୍ରୀୟ ଜାତୀୟ ଖବର ବିଶେଷ ଖବର

ଭାରତ ସରକାରଙ୍କୁ ନେଇ ତଥ୍ୟହୀନ ମନ୍ତବ୍ୟ ଦେଇ ଅଡ଼ୁଆରେ ମାର୍କ ଜୁକରବର୍ଗ ଓ ମେଟା

ନୂଆଦିଲ୍ଲୀ: କୋଭିଡ-୧୯ ମୁକାବିଲାରେ ବିଫଳତା କାରଣରୁ ଭାରତ ସମେତ ଅନେକ ଦେଶରେ କ୍ଷମତାସୀନ ସରକାର ପରାଜିତ ହୋଇଥିବା ନେଇ ମେଟା ପ୍ରତିଷ୍ଠାତା ମାର୍କ ଜୁକରବର୍ଗ ଦେଇଥିବା ତ୍ରୁଟିପୂର୍ଣ୍ଣ ଓ ତଥ୍ୟହୀନ ମନ୍ତବ୍ୟକୁ ନେଇ ଭାରତରେ ତୀବ୍ର ପ୍ରତିକ୍ରିୟା ପ୍ରକାଶ ପାଇଛି। ଗତ ୧୦ ତାରିଖରେ ଲୋକପ୍ରିୟ ପଡକାଷ୍ଟ ଉପସ୍ଥାପକ ଜୋ ରୋଗାନଙ୍କୁ ଏକ ସାକ୍ଷାତକାର ଦେଇ ଜୁକରବର୍ଗ ଉପରୋକ୍ତ ବକ୍ତବ୍ୟ ଦେଇଥିଲେ। ସେ କହିଥିଲେ, ୨୦୨୪ ବର୍ଷରେ ସାରା ବିଶ୍ୱରେ ଏକାଧିକ ନିର୍ବାଚନ ହୋଇଥିଲା। ଭାରତ ସମେତ ଅନ୍ୟ ଦେଶଗୁଡ଼ିକରେ ହୋଇଥିବା ନିର୍ବାଚନରେ କ୍ଷମତାସୀନ ସରକାରଙ୍କୁ ପରାସ୍ତ ହେବାକୁ ପଡ଼ିଥିଲା। କାରଣ କ୍ଷମତାସୀନ ସରକାରମାନେ କୋଭିଡ-୧୯ ମହାମାରୀ ପରିଚାଳନାରେ ବିଫଳ ହେବା କାରଣରୁ ଏହା ବ୍ୟାପକ ଜନଅସନ୍ତୋଷ ସୃଷ୍ଟି କରିଥିଲା।

ତେବେ ଜୁକରବର୍ଗଙ୍କ ଏହି ମନ୍ତବ୍ୟ ଉପରେ ଗତ ୧୩ ତାରିଖରେ କେନ୍ଦ୍ର ମନ୍ତ୍ରୀ ଅଶ୍ୱିନୀ ବୈଷ୍ଣବ କଡ଼ା ପ୍ରତିକ୍ରିୟା ରଖିଥିଲେ। ଜୁକରବର୍ଗଙ୍କ ମନ୍ତବ୍ୟ ଭୁଲ ଥିଲା, କାରଣ ୨୦୨୪ରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ନେତୃତ୍ୱରେ ଏନଡିଏ ତୃତୀୟ ଥର ପାଇଁ କ୍ଷମତା ବଜାୟ ରଖିଥିଲା। ଶ୍ରୀ ବୈଷ୍ଣବ କହିଥିଲେ, ଜୁକରବର୍ଗ ଏଭଳି କୌଣସି ମନ୍ତବ୍ୟ ଦେବା ପୂର୍ବରୁ ତଥ୍ୟ ଯାଞ୍ଚ କରିବା ଆବଶ୍ୟକ ଥିଲା। ‘‘ବିଶ୍ୱର ସର୍ବବୃହତ ଗଣତନ୍ତ୍ର ଭାବେ ଭାରତ ୨୦୨୪ରେ ୬୪ କୋଟିରୁ ଅଧିକ ଭୋଟରଙ୍କୁ ନେଇ ନିର୍ବାଚନ ପରିଚାଳନା କରିଥିଲା। ଭାରତର ଲୋକମାନେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ନେତୃତ୍ୱାଧୀନ ଏନଡିଏ ଉପରେ ସେମାନଙ୍କର ବିଶ୍ୱାସକୁ ପୁନର୍ବାର ଦୋହରାଇଥିଲେ। କୋଭିଡ ପରେ ୨୦୨୪ରେ ଭାରତ ସମେତ ଅଧିକାଂଶ ଦେଶରେ କ୍ଷମତାସୀନ ସରକାର ନିର୍ବାଚନରେ ହାରିଥିଲେ ବୋଲି ଜୁକରବର୍ଗ ଦେଇଥିବା ମନ୍ତବ୍ୟ ସମ୍ପୂର୍ଣ୍ଣ ଭୁଲ ଓ ଭିତ୍ତିହୀନ,’’ ବୋଲି ଶ୍ରୀ ବୈଷ୍ଣବ କହିଥିଲେ।

କେନ୍ଦ୍ର ମନ୍ତ୍ରୀ ଆହୁରି କହିଥିଲେ, ୮୦ କୋଟି ଲୋକଙ୍କ ପାଇଁ ମାଗଣା ଖାଦ୍ୟ, ୨୨୨ କୋଟି ମାଗଣା ଟିକା ଏବଂ କୋଭିଡ ସମୟରେ ବିଶ୍ୱବ୍ୟାପୀ ରାଷ୍ଟ୍ରଗୁଡ଼ିକୁ ସହାୟତା ଠାରୁ ଆରମ୍ଭ କରି ଭାରତକୁ ଦ୍ରୁତ ଅଭିବୃଦ୍ଧିଶୀଳ ପ୍ରମୁଖ ଅର୍ଥବ୍ୟବସ୍ଥା ଭାବେ ନେତୃତ୍ୱ ନେବା ପର୍ଯ୍ୟନ୍ତ, ଅନେକ ରାଷ୍ଟ୍ରକଲ୍ୟାଣକାରୀ ପଦକ୍ଷେପ ଗ୍ରହଣ କରାଯାଇଥିଲା। ଏହି କାରଣରୁ ପ୍ରଧାନମନ୍ତ୍ରୀ ମୋଦୀଙ୍କ ନିର୍ଣ୍ଣାୟକ ତୃତୀୟ ପାଳି ବିଜୟ ସମ୍ଭବ ହୋଇଥିଲା। ଏହା ଉତ୍ତମ ପ୍ରଶାସନ ଓ ଜନ ବିଶ୍ୱାସର ଏକ ପ୍ରତୀକ ବୋଲି କେନ୍ଦ୍ର ମନ୍ତ୍ରୀ କହିଥିଲେ।

ମେଟାକୁ ଟ୍ୟାଗ୍‌ କରି ସେ କହିଥିଲେ, ଜୁକରବର୍ଗ ଭୁଲ ତଥ୍ୟ ସହ ଏଭଳି ମନ୍ତବ୍ୟ ଦେବା ନିରାଶାଜନକ। ଏଭଳି କୌଣସି ମନ୍ତବ୍ୟ ଦେବା ପୂର୍ବରୁ ତଥ୍ୟ ଓ ବିଶ୍ୱସନୀୟତା ବଜାୟ ରଖିବା ପାଇଁ ସେ ଆହ୍ୱାନ ଦେଇଛନ୍ତି।

ଜାନୁଆରୀ ୧୩ ତାରିଖରେ ଏହି ପ୍ରସଙ୍ଗକୁ ନେଇ ନିଶିକାନ୍ତ ଦୁବେଙ୍କ ଅଧ୍ୟକ୍ଷତାରେ ସୂଚନା ପ୍ରଯୁକ୍ତି ଏବଂ ଯୋଗାଯୋଗ ଉପରେ ସଂସଦୀୟ ସ୍ଥାୟୀ କମିଟି ଏହି ଭୁଲ ସୂଚନା ପାଇଁ ମେଟା ଠାରୁ ଜବାବ ତଲବ ପାଇଁ ଯୋଜନା କରିଥିଲା। ଶ୍ରୀ ନିଶିକାନ୍ତ ଦୁବେ କହିଥିଲେ,କୌଣସି ଗଣତାନ୍ତ୍ରିକ ଦେଶ ବିଷୟରେ ଭୁଲ ସୂଚନା ଏହାର ଭାବମୂର୍ତ୍ତିକୁ କଳଙ୍କିତ କରିଥାଏ। ଏହି ଭୁଲ ପାଇଁ ସଂଗଠନକୁ ସଂସଦ ଏବଂ ଦେଶବାସୀଙ୍କ ନିକଟରେ କ୍ଷମା ମାଗିବାକୁ ପଡ଼ିବ। କମିଟି ଏହି ପ୍ରସଙ୍ଗରେ ବିଚାରବିମର୍ଶ କରିବ ଏବଂ ଜାନୁଆରୀ ୨୦ରୁ ୨୪ ମଧ୍ୟରେ ମେଟା କାର୍ଯ୍ୟନିର୍ବାହୀଙ୍କୁ ଡକାଇବ। ଭାରତୀୟ ସଂସଦ ଏବଂ ଏହାର ନାଗରିକମାନଙ୍କୁ ମେଟା ଆନୁଷ୍ଠାନିକ କ୍ଷମା ପ୍ରାର୍ଥନା କରିବ ବୋଲି କମିଟି ଆଶା କରୁଛି। ଏହି ସମସ୍ୟାଗୁଡ଼ିକର ସମାଧାନ କରିବାରେ ବିଫଳ ହେଲେ କମ୍ପାନୀ ବିରୋଧରେ ଆଇନଗତ ସୁପାରିସ ହୋଇପାରେ।

କେନ୍ଦ୍ର ମନ୍ତ୍ରୀ ଶ୍ରୀ ଅଶ୍ୱିନୀ ବୈଷ୍ଣବଙ୍କ ସାମାଜିକ ଗଣମାଧ୍ୟମ ପୋଷ୍ଟ ଆସିବା ପରେ ଏହା ଉପରେ ପ୍ରତିକ୍ରିୟା ରଖି ଭୁଲକୁ ସ୍ୱୀକାର କରିବା ସହିତ କ୍ଷମା ପ୍ରାର୍ଥନା କରିଥିଲେ ମେଟାର ପବ୍ଲିକ୍‌ ପଲିସି ଉପସଭାପତି ଶିବନାଥ ଠକରାଲ। ସେ ତାଙ୍କ ପ୍ରତିକ୍ରିୟାରେ କହିଥିଲେ, ‘‘୨୦୨୪ ନିର୍ବାଚନରେ ଅନେକ କ୍ଷମତାସୀନ ଦଳ କ୍ଷମତାଚ୍ୟୁତ ହୋଇଥିବା ନେଇ ମାର୍କଙ୍କ ମନ୍ତବ୍ୟ ଅନ୍ୟ ଦେଶ ପାଇଁ ସତ୍ୟ, କିନ୍ତୁ ଭାରତ ପାଇଁ ନୁହେଁ। ଅସାବଧାନତାବଶତଃ ହୋଇଥିବା ଏହି ତ୍ରୁଟି ପାଇଁ ଆମେ କ୍ଷମା ମାଗୁଛୁ। ମେଟା ପାଇଁ ଭାରତ ଏକ ବିଶେଷ ଗୁରୁତ୍ୱପୂର୍ଣ୍ଣ ଦେଶ ହୋଇ ରହିଛି ଏବଂ ଆମେ ଏହାର ଅଭିନବ ଭବିଷ୍ୟତର କେନ୍ଦ୍ରରେ ରହିବାକୁ ଅପେକ୍ଷା କରିଛୁ।

*******

P.S.

 

 

 

Annexure A

List of countries where Incumbents Lost in elections post COVID 19

# Country Election Year Major Parties Election Results
1 United States of America 2024 Democratic Party, Republican Party Republican party’s Donald Trump defeated incumbent democratic party’s Kamala Harris, winning 312 electoral votes ( 270 required) and popular vote which is quite unusual for a republican candidate
2 United Kingdom 2024 Conservative Party, Labour Party Labour party’s Keir Starmer defeated incumbent conservative party’s Rishi Sunak with a landslide. The Labour party won 411 seats out of 650 seats, increasing their tally by 211 seats.
3 South Korea General Elections 2024 Democratic Party, People Power Party The main opposition Democratic Party (DP) secured a victory in South Korea’s National Assembly elections, winning a majority with 175 out of 300 seats, compared to the ruling People Power Party’s (PPP) 108 seats.
4 South Africa General elections 2024 African National Congress (ANC), Democratic Alliance (DA), uMkhonto we Sizwe (MK) The incumbent African National Congress (ANC), dominant since the end of apartheid, lost its parliamentary majority for the first time.
5 Indonesian General Election 2024 Great Indonesia Movement Party, Indonesian Democratic Party of Struggle Prabowo Subianto of Great Indonesia Movement Party defeated incumbent candidate GanjarPranowo in a landslide victory.
6 Sri Lanka 2024 Janatha Vimukthi Peramuna, Samagi Jana Balawegaya Anura Kumara Dissanayake defeated incumbent president Ranil Wickremesinghe, securing 42% of the total votes
7 French Legislative Election 2024 New Popular Front (NFP), Ensemble (ENS), National Rally Alliance (RN) The NFP won 188 seats and the incumbent President’s alliance ( Ensemble) won only 161 seats in 577 seats assembly.
8 Argentine 2023 La Libertad Avanza (Freedom Advances), Union for the Homeland Amassing 55.7% of the votes, Freedom Advances’s candidate Javier Milei comfortably won the presidential run-off in November, defeating his incumbent’s candidate Sergio Massa, who garnered 44.3% of the vote.
9 New Zealand 2023 New Zealand National Party, Labour Party The opposition led by Christopher Mark Luxon defeated the labour party and emerged as the single-largest, winning 48 seats in the 123-seat House of Representatives.
10 Finland 2023 Social Democratic Party’s (SDP), National Coalition Party (NCP), Finns party Incumbent Prime Minister Sanna Marin lost to the conservative National Coalition Party (NCP) under Petteri Orpo in a close election. The NCP secured 48 seats, while the far-right Finns Party gained 46. Orpo formed a coalition Government with the Finns Party, the Swedish People’s Party, and the Christian Democrats, achieving a slim majority of 108 seats in the 200-member parliament.
11 Poland 2023 United Right, Civic Coalition The Government led by Mateusz Morawiecki failed to retain power despite being the largest single party. The opposition, led by Donald Tusk’s PlatformaObywatelska (PO), secured enough seats to oust the ruling United Right alliance.
12 Ecuador 2023 National Democratic Action, Citizen Revolution Movement Daniel Noboa won the election, defeating Luisa Gonzalez by 4 percentage points in the country’s second-round presidential runoff election.
13 Israel 2022 Likud, Yesh Atid, RZP–Otzma The right-wing national camp of former prime minister Benjamin Netanyahu won a parliamentary majority defeating the incumbent
14 Philippines Presidential election 2022 UniTeam, TRoPa Former senator Bongbong Marcos and Davao City Mayor Sara Duterte achieved a decisive victory in the 2022 elections, winning the presidency and vice presidency, respectively. They defeated incumbent Vice President Leni Robredo and Senator Francis Pangilinan in a landslide.
15 Australia 2022 Labor, Liberal/National coalition The Australian Labor Party achieved a majority Government for the first time since 2007, winning 77 seats in the House of Representatives and defeating the National coalition
16 Columbia 2022 Humane Colombia, LIGA Gustavo Petro of Humane Colombia defeated Rodolfo Hernández ( Independent) and first left-wing candidate to be elected president of Colombia
17 Brazil 2022 Workers’ Party , Liberal Party In the 2022 Brazilian presidential election, held in two rounds, former President Luiz Inácio Lula da Silva defeated incumbent President Jair Bolsonaro by a very slim margin.
18 Italy 2022 Brothers of Italy, Democratic Center-right coalition, led by Giorgia Meloni’s Brothers of Italy (FdI) defeated the centre left coalition. The FdI emerged as the largest party, securing approximately 26% of the vote.
19 Iran 2021 Principlists, Reformists Ebrahim Raisi, the then Chief Justice of Iran, was declared the winner in a highly controversial election.
20 Germany 2021 Social Democratic Party of Germany (SPD), Union parties The Social Democratic Party (SPD), led by Olaf Scholz, emerged as the largest party, securing 25.7% of the votes and defeating Merkel’s Christian Democratic Union.

 

 

 

 

 

 

Categories
ଆଜିର ଖବର ଜାତୀୟ ଖବର

ମହାକୁମ୍ଭରେ ଡିଜିଟାଲ୍ ପ୍ରଦର୍ଶନୀ ଉଦଘାଟିତ; ପ୍ରଥମ ଦିନରେ ହଜାର ହଜାର ଲୋକଙ୍କ ସମାଗମ

ନୂଆଦିଲ୍ଲୀ: ଗତ ଦଶନ୍ଧିରେ ଭାରତ ସରକାରଙ୍କ ସୂଚନା ଓ ପ୍ରସାରଣ ମନ୍ତ୍ରଣାଳୟ ପକ୍ଷରୁ ‘ଜନଭାଗିଦାରୀ ମାଧ୍ୟମରେ ଜନକଲ୍ୟାଣ’ ଏବଂ ଭାରତ ସରକାରଙ୍କ ସଫଳତା, କାର୍ଯ୍ୟକ୍ରମ, ନୀତି ଏବଂ ଯୋଜନା ଉପରେ ଆଧାରିତ ଏକ ଡିଜିଟାଲ ପ୍ରଦର୍ଶନୀ ପ୍ରୟାଗରାଜର ତ୍ରିବେଣୀ ମାର୍ଗସ୍ଥିତ ପ୍ରଦର୍ଶନୀ ପରିସରରେ ଉଦଘାଟିତ ହୋଇଛି।

ଉଦ୍ଘାଟନ ଦିନ ହିଁ ହଜାର ହଜାର ଲୋକ ଏକାଠି ହୋଇ ପ୍ରଦର୍ଶନୀ ଦେଖିଥିଲେ।

ତ୍ରିବେଣୀ ପଥ ପ୍ରଦର୍ଶନୀ ପରିସରରେ ଆୟୋଜିତ ଏହି ପ୍ରଦର୍ଶନୀ ଜାନୁଆରୀ ୧୩ରୁ ଫେବ୍ରୁଆରି ୨୬, ୨୦୨୫ ପର୍ଯ୍ୟନ୍ତ ସର୍ବସାଧାରଣଙ୍କ ପର୍ଯ୍ୟବେକ୍ଷଣ ପାଇଁ ମାଗଣାରେ ଖୋଲା ରହିବ। ଡିଜିଟାଲ ପ୍ରଦର୍ଶନୀରେ ଆନାମୋର୍ଫିକ ୱାଲ, ଏଲଇଡି ଟିଭି ସ୍କ୍ରିନ, ଏଲଇଡି ୱାଲ, ହୋଲୋଗ୍ରାଫିକ ସିଲିଣ୍ଡର ଜରିଆରେ ବିଭିନ୍ନ ଜନକଲ୍ୟାଣକାରୀ ଯୋଜନା ସମ୍ପର୍କରେ ସୂଚନା ପ୍ରଦର୍ଶିତ ହେଉଛି ।

ପ୍ରଦର୍ଶନୀ ମୁଖ୍ୟ ବିଷୟ : ପ୍ରଦର୍ଶିତ ହେଉଛି ପ୍ରମୁଖ ସରକାରୀ କଲ୍ୟାଣକାରୀ ଯୋଜନା

ଏହି ପ୍ରଦର୍ଶନୀ ମାଧ୍ୟମରେ ପ୍ରଧାନମନ୍ତ୍ରୀ ଜନ ଆରୋଗ୍ୟ ଯୋଜନା, ନମୋ ଡ୍ରୋନ୍ ଦିଦି, ଲଖପତି ଦିଦି, ୱେଭସ, ପ୍ରଧାନମନ୍ତ୍ରୀ ଇଣ୍ଟରନସିପ୍ ଯୋଜନା, ମୁଦ୍ରା ଯୋଜନା, ପ୍ରଧାନମନ୍ତ୍ରୀ ଫସଲ ବୀମା ଯୋଜନା, ଡିଜିଟାଲ ଇଣ୍ଡିଆ, ପ୍ରଧାନମନ୍ତ୍ରୀ ଆବାସ ଯୋଜନା, ବିଦ୍ୟାଞ୍ଜଳି, ଆତ୍ମନିର୍ଭର ଭାରତ, ସ୍କିଲ୍ ଇଣ୍ଡିଆ, ଏକ ଭାରତ ଶ୍ରେଷ୍ଠ ଭାରତ ଭଳି ଭାରତ ସରକାରଙ୍କ ବିଭିନ୍ନ ଜନକଲ୍ୟାଣକାରୀ ଯୋଜନା ସମ୍ପର୍କରେ ସାଧାରଣ ଜନତାଙ୍କୁ ସଚେତନ କରାଯାଉଛି। ଏହା ସହିତ ପ୍ରଧାନମନ୍ତ୍ରୀ ଉଜ୍ଜ୍ୱଳା ଯୋଜନା, ପ୍ରତ୍ୟେକ ଘରକୁ ଜଳ ଯୋଜନା, ପ୍ରଧାନମନ୍ତ୍ରୀ ଦକ୍ଷତା ବିକାଶ ମିଶନ, ସ୍ୱଚ୍ଛ ଭାରତ ମିଶନ, ପ୍ରଧାନମନ୍ତ୍ରୀ ଷ୍ଟ୍ରିଟ୍ ଭେଣ୍ଡର ଆତ୍ମନିର୍ଭର ନିଧି, ସ୍ୱାଧୀନ ଭାରତର ତିନୋଟି ନୂତନ ଅପରାଧିକ ଆଇନ, ପ୍ରଧାନମନ୍ତ୍ରୀ କିଷାନ ସମ୍ମାନ ନିଧି ସହିତ ମହିଳା ସଶକ୍ତୀକରଣ ଯୋଜନା ଏବଂ ଅନ୍ୟାନ୍ୟ ବିଭିନ୍ନ ଯୋଜନା ସମ୍ପର୍କରେ ମଧ୍ୟ ସୂଚନା ପ୍ରଦାନ କରାଯାଉଛି।

ସାଂସ୍କୃତିକ ବିଶେଷତ୍ତ୍ବ : ସମଗ୍ର ଉତ୍ତର ପ୍ରଦେଶରେ ବିବିଧ ଲୋକ ଓ ଶାସ୍ତ୍ରୀୟ କାର୍ଯ୍ୟକ୍ରମ

ସୂଚନା ଓ ପ୍ରସାରଣ ମନ୍ତ୍ରଣାଳୟ ଦ୍ୱାରା ଡିଜିଟାଲ ପ୍ରଦର୍ଶନୀ ବ୍ୟତୀତ ଉତ୍ତରପ୍ରଦେଶର ବିଭିନ୍ନ ଅଞ୍ଚଳର ୨୦୦ରୁ ଅଧିକ ଲୋକ ଓ ଶାସ୍ତ୍ରୀୟ କାର୍ଯ୍ୟକ୍ରମ ମଧ୍ୟ ବିଭିନ୍ନ ସ୍ଥାନରେ ଆକର୍ଷଣୀୟ ସାଂସ୍କୃତିକ କାର୍ଯ୍ୟକ୍ରମ ମାଧ୍ୟମରେ ପ୍ରଦର୍ଶିତ ହେଉଛି । ବିଗତ ୧୦ ବର୍ଷ ମଧ୍ୟରେ ଭାରତ ସରକାରଙ୍କ ଗତ ୧୦ ବର୍ଷର ସଫଳତା, ଯୋଜନା, କାର୍ଯ୍ୟକ୍ରମ ଓ ନୀତିକୁ ସାଧାରଣ ଜନତାଙ୍କ ମଧ୍ୟରେ ପ୍ରଦର୍ଶିତ କରାଯିବ। ଜାନୁଆରୀ ୧୩ରୁ ଫେବ୍ରୁଆରି ୨୬ ତାରିଖ ପର୍ଯ୍ୟନ୍ତ ମହାକୁମ୍ଭ ମେଳାର ସମଗ୍ର ଅବଧି ରେ ଏହି ସାଂସ୍କୃତିକ କାର୍ଯ୍ୟକ୍ରମର ଆୟୋଜନ କରାଯିବ।

ପ୍ରତ୍ୟେକ ସାଂସ୍କୃତିକ କାର୍ଯ୍ୟକ୍ରମ ଏକ ନିଆରା କାହାଣୀ କହିଥାଏ ଏବଂ ନିଜ ଅଞ୍ଚଳର ସ୍ଥାନୀୟ ରୀତିନୀତି ତଥା ଆଧ୍ୟାତ୍ମିକତାକୁ ପ୍ରଦର୍ଶିତ କରେ, ଯାହା ମହାକୁମ୍ଭକୁ ଆସୁଥିବା ସାଧାରଣ ଜନତାଙ୍କ ପାଇଁ ଏକ ଚମତ୍କାର ଦୃଶ୍ୟ ଏବଂ କଳାତ୍ମକ ଅନୁଭୂତି ସୃଷ୍ଟି କରିବ। ଶତାଧିକ ପ୍ରତିଭାସମ୍ପନ୍ନ କଳାକାର ଏହି ସାଂସ୍କୃତିକ କାର୍ଯ୍ୟକ୍ରମରେ ଅଂଶଗ୍ରହଣ କରି ବିଭିନ୍ନ ଆଞ୍ଚଳିକ ନୃତ୍ୟ ଓ ଗୀତ ଶୈଳୀକୁ ପ୍ରତିନିଧିତ୍ୱ କରୁଛନ୍ତି।

Categories
ଆଜିର ଖବର ଜାତୀୟ ଖବର

୨୦୨୫ ପାଇଁ ଭାରତ ସରକାରଙ୍କ କ୍ୟାଲେଣ୍ଡର ଉନ୍ମୋଚନ କଲେ କେନ୍ଦ୍ର ମନ୍ତ୍ରୀ ଅଶ୍ୱିନୀ ବୈଷ୍ଣବ

ନୂଆଦିଲ୍ଲୀ: ଭାରତ ସରକାର ନିଜର ୨୦୨୫ କ୍ୟାଲେଣ୍ଡର ପାଇଁ ଜନଭାଗିଦାରୀ ସେ ଜନକଲ୍ୟାଣକୁ କେନ୍ଦ୍ରୀୟ ବିଷୟବସ୍ତୁ ଭାବେ ବାଛିଛନ୍ତି, ଯେଉଁଥିରେ ପରିବର୍ତ୍ତନଶୀଳ ଶାସନର ମୂଲ୍ୟବୋଧ ଉପରେ ଆଲୋକପାତ କରାଯାଇଛି। ରେଳ ଭବନରେ କ୍ୟାଲେଣ୍ଡର ଉନ୍ମୋଚନ କରି କେନ୍ଦ୍ର ସୂଚନା ଓ ପ୍ରସାରଣ, ରେଳବାଇ ଏବଂ ଇଲେକ୍ଟ୍ରୋନିକ୍ସ ଏବଂ ସୂଚନା ପ୍ରଯୁକ୍ତି ବିଦ୍ୟା ମନ୍ତ୍ରୀ ଅଶ୍ୱିନୀ ବୈଷ୍ଣବ ଗତ ଦଶନ୍ଧି ମଧ୍ୟରେ ବିଭିନ୍ନ କ୍ଷେତ୍ରରେ ପରିବର୍ତନମୂଳକ ଶାସନର ପ୍ରଭାବଶାଳୀ ଦିଗ ଉପରେ ଆଲୋକପାତ କରିଥିଲେ। ଗରିବଙ୍କ କଲ୍ୟାଣରେ ଉନ୍ନତି ଆଣିବା, ମହିଳା ସଶକ୍ତୀକରଣ ଏବଂ ସମଗ୍ର ଦେଶରେ ଭିତ୍ତିଭୂମି ବିକାଶ ଦିଗରେ ପରିବର୍ତନକାରୀ ଶାସନର ଭୂମିକା ଉପରେ ସେ ଗୁରୁତ୍ୱାରୋପ କରିଥିଲେ।

ଉଦଘାଟନୀ ଉତ୍ସବରେ କେନ୍ଦ୍ର ସୂଚନା ଓ ପ୍ରସାରଣ ଓ ସଂସଦୀୟ ବ୍ୟାପାର ରାଷ୍ଟ୍ରମନ୍ତ୍ରୀ ଡ. ଏଲ୍ ମୁରୁଗାନ୍, ସୂଚନା ଓ ପ୍ରସାରଣ ସଚିବ ସଞ୍ଜୟ ଜାଜୁ, ପିଆଇବିର ପ୍ରମୁଖ ମହାନିର୍ଦେଶକ ଧୀରେନ୍ଦ୍ର ଓଝା ଏବଂ କେନ୍ଦ୍ରୀୟ ଯୋଗାଯୋଗ ବ୍ୟୁରୋର ମହାନିର୍ଦେଶକ ଯୋଗେଶ ବାୱେଜା ପ୍ରମୁଖ ଉପସ୍ଥିତ ଥିଲେ।

ପରିବର୍ତ୍ତନଶୀଳ ଶାସନର ଏକ ଦଶନ୍ଧି ପାଳନ

ଦେଶ ୨୦୧୪ରୁ ୨୦୨୫ ପାଇଁ ସୁଶାସନର ଏକାଦଶ ବର୍ଷରେ ପ୍ରବେଶ କରୁଥିବା ବେଳେ ଭାରତ ସରକାରଙ୍କ କ୍ୟାଲେଣ୍ଡର ୨୦୨୫ଦେଶର ପ୍ରଗତି ଏବଂ ପରିବର୍ତନମୂଳକ ଶାସନ ଉପରେ ଆଲୋକପାତ କରିବା ପାଇଁ ଏହି ମାଧ୍ୟମକୁ ବ୍ୟବହାର କରିବାର ଦୀର୍ଘ ଦିନର ପରମ୍ପରାରେ ଆଉ ଏକ ଅଧ୍ୟାୟକୁ ଚିହ୍ନିତ କରିଛି। ସେଣ୍ଟ୍ରାଲ ବ୍ୟୁରୋ ଅଫ୍ କମ୍ୟୁନିକେସନ୍ (ସିବିସି) ଦ୍ୱାରା ପରିକଳ୍ପିତ ଏବଂ ପ୍ରସ୍ତୁତ ଏହି କ୍ୟାଲେଣ୍ଡର କେବଳ ଦିନ ଏବଂ ମାସର ମାର୍ଗଦର୍ଶିକା ନୁହେଁ ବରଂ ଅନ୍ତର୍ଭୁକ୍ତୀକରଣ, ସ୍ୱଚ୍ଛତା ଏବଂ ଅଂଶୀଦାର ଶାସନ ପ୍ରତି ସରକାରଙ୍କ ପ୍ରତିବଦ୍ଧତାର ପ୍ରତିଫଳନ ମଧ୍ୟ ଅଟେ।

କ୍ୟାଲେଣ୍ଡରରେ ଚିତ୍ର ମାଧ୍ୟମରେ କେନ୍ଦ୍ର ସରକାରଙ୍କ ଭାଗିଦାରୀ ଆଭିମୁଖ୍ୟ ଉପରେ ଆଲୋକପାତ କରାଯାଇଛି ଯାହା ଭାରତର ବିକାଶ ଦିଗରେ ଯାତ୍ରାର ସ୍ୱର ନିର୍ଦ୍ଧାରଣ କରିଥାଏ। ଏହା ଭାରତର ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀଙ୍କ ନେତୃତ୍ୱରେ ସରକାରଙ୍କ ମୂଳରେ ଥିବା ଭାଗିଦାରୀ ଶାସନର ଗୁରୁତ୍ୱକୁ ମଧ୍ୟ ସୂଚାଇଥାଏ। ଏଥିରେ ଗୁରୁତ୍ୱାରୋପ କରାଯାଇଛି ଯେ ଆମ ଦେଶର ଶକ୍ତି ଏହାର ଲୋକଙ୍କ ସାମୂହିକ ଶକ୍ତି ଏବଂ ପ୍ରୟାସରେ ରହିଛି। ସ୍ୱଚ୍ଛତାକୁ ଦେଶବ୍ୟାପୀ ଆନ୍ଦୋଳନରେ ପରିଣତ କରିଥିବାସ୍ୱଚ୍ଛ ଭାରତ ମିଶନ ଭଳି କାର୍ଯ୍ୟକ୍ରମ ଠାରୁ ଆରମ୍ଭ କରି ଆୟୁଷ୍ମାନ ଭାରତ ଭଳି ପଦକ୍ଷେପ, ଯାହା ୬୮ କୋଟିରୁ ଅଧିକ ହିତାଧିକାରୀଙ୍କୁ ସ୍ୱାସ୍ଥ୍ୟସେବା ପ୍ରଦାନ କରିଛି, ସରକାରୀ ଯୋଜନାର ସଫଳତାର କେନ୍ଦ୍ରବିନ୍ଦୁ ହୋଇଛି ନାଗରିକଙ୍କ ଅଂଶଗ୍ରହଣ।

ଭାରତ ସରକାରଙ୍କ ୨୦୨୫ କ୍ୟାଲେଣ୍ଡରର ପ୍ରମୁଖ ବିଷୟବସ୍ତୁ

କ୍ୟାଲେଣ୍ଡରର ଆରମ୍ଭ ହୁଏ ସମସ୍ତଙ୍କ କଲ୍ୟାଣରୁ ଏବଂ ଏହାପରେ କୃଷିକ୍ଷେତ୍ରରେ କ୍ଷେତ୍ରୀୟ ଅଗ୍ରଗତି, ମହିଳା ସଶକ୍ତୀକରଣ ଯୁବଗୋଷ୍ଠୀ ଏବଂ ଦେଶର ପ୍ରଗତିରେ ଦକ୍ଷତା ସଂସ୍କରଣ ଉପରେ ଆଲୋକପାତ କରାଯାଇଛି । ଅନ୍ନ କା ବର୍ଦ୍ଧନ ହୋ ଅର୍ଥାତ୍‍ ଅଧିବ ଶସ୍ୟ ଉତ୍ପାଦନ କରିବା, ଶକ୍ତି ରୂପେଣ ସଂସ୍ଥିତା ଜାତି ନିର୍ମାଣରେ ମହିଳାମାନଙ୍କୁ ଶକ୍ତି କହି ଶ୍ରେୟ ଦେବା ଏବଂ ସେମାନଙ୍କୁ ଶକ୍ତି ଭାବେ ସମ୍ବୋଧନ କରିବା ଏବଂ ଯୁବବର୍ଗଙ୍କୁ ଉଠାଇ ଜାଗ୍ରତ କରିବା ଏବଂ ଆଗକୁ ବଢିବା ପାଇଁ ଆହ୍ୱାନ ଦେବାର ମନ୍ତ୍ର କ୍ୟାଲେଣ୍ଡରର ପ୍ରଥମ ଚାରି ମାସରେ ପ୍ରତିଫଳିତ ହୋଇଛି।

ଭିତ୍ତିଭୂମି ପାଇଁ ଏହି କ୍ୟାଲେଣ୍ଡରରେ “ଦେଶ ସମୃଦ୍ଧିରେ ବିକଶିତ ହୁଏ” ମନ୍ତ୍ରକୁ ପ୍ରତିଫଳିତ କରାଯାଇଛି ଏବଂ ଏହା “ଆଭ୍ୟନ୍ତରୀଣ ଶୁଦ୍ଧତା ବାହ୍ୟ ସ୍ୱଚ୍ଛତାକୁ ଆଗେଇ ନେଇଥାଏ” ଶୀର୍ଷକ ମାଧ୍ୟମରେ ମଇ ମାସରେ ପ୍ରତିଫଳିତ ସ୍ୱଚ୍ଛତା ଉପରେ ମଧ୍ୟ ଗୁରୁତ୍ୱାରୋପ କରେ। କ୍ୟାଲେଣ୍ଡରର ଜୁଲାଇ ମାସ ପୃଷ୍ଠା “ସୁସ୍ଥତା ପାଇଁ ବ୍ୟାୟାମ ହେଉଛି ନିଶ୍ଚିତ ରେସିପି” ର ଉଦ୍ଦେଶ୍ୟ ଉପରେ ଆଧାରିତ ହୋଇଥିବା ବେଳେ ସ୍ୱାଧୀନତା ଦିବସର ବିଷୟବସ୍ତୁ ଏକ ସୁସ୍ଥ ଜୀବନଶୈଳୀ ମାଧ୍ୟମରେ ଶହେ ବର୍ଷର ଦୀର୍ଘ ଜୀବନ କାମନା କରେ।

ଏହି କ୍ୟାଲେଣ୍ଡରରେ ଭାରତର ପ୍ରଧାନମନ୍ତ୍ରୀ ଙ୍କୁ ଭାରତୀୟ ଅର୍ଥନୀତିରେ ‘‘ଉଦ୍ଧମେନ ହି ସିଦ୍ଧନ୍ତି କାର୍ଯ୍ୟାଣି’’ ଅବଦାନର ସ୍ୱୀକୃତି ଭାବରେ ଦର୍ଶାଯାଇଛି। ଭାରତର ଲୌହପୁରୁଷ ସର୍ଦ୍ଦାର ପଟେଲଙ୍କୁ ପ୍ରଧାନମନ୍ତ୍ରୀ ଅଭିନନ୍ଦନ ଜଣାଇ ଏକତା ଦିବସ ମାସକୁ ଚିତ୍ରିତ କରିଛନ୍ତି।

ନଭେମ୍ବର ମାସର ମୁଖ୍ୟ ଆକର୍ଷଣ ହେଉଛି ଜନ୍ମଜାତୀୟ ଗୌରବ ଦିବସ । ଡିସେମ୍ବର ମାସରେ ବୈଷୟିକ ଉଦ୍ଭାବନ ଉପରେ ଧ୍ୟାନ ଦେବା ସହିତ କ୍ୟାଲେଣ୍ଡର ‘‘ଅପରିମିତଂ ଭବ୍ୟମ’’ (ଭବିଷ୍ୟତର ଅସୀମିତ ସମ୍ଭାବନା)ରେ ଶେଷ ହୁଏ ଏବଂ “ବିଜ୍ଞାନ ଏବଂ ପ୍ରଯୁକ୍ତିବିଦ୍ୟା ବ୍ୟବହାରକୁ ମାନବ ଚେହେରା ସହିତ ଚିତ୍ରଣ କରିବାର ସକାରାତ୍ମକ ମନ୍ତ୍ରକୁ ସୂଚିତ କରେ।

ଭାରତ ସରକାରଙ୍କ କ୍ୟାଲେଣ୍ଡର ବିଷୟରେ

ଭାରତ ସରକାରଙ୍କ କ୍ୟାଲେଣ୍ଡର, ବର୍ଷ ବର୍ଷ ଧରି, ସାର୍ବଜନୀନ ଯୋଗାଯୋଗର ଏକ ଅବିଚ୍ଛେଦ୍ୟ ଅଙ୍ଗ ପାଲଟିଛି, ଯାହା ଏକ ମାଧ୍ୟମରେ ବିକଶିତ ହୋଇଛି ଯାହା କେବଳ ତାରିଖ ଠାରୁ ଅଧିକ ଯୋଗାଯୋଗ କରେ। ଏଥିରେ ସରକାରଙ୍କ ପ୍ରମୁଖ କାର୍ଯ୍ୟକ୍ରମ, ପଦକ୍ଷେପ ଏବଂ ଉପଲବ୍ଧି ଉପରେ ଆଲୋକପାତ କରାଯାଇଛି ଏବଂ ଭାରତ କରିଥିବା ସାମୂହିକ ପ୍ରଗତିର ପ୍ରେରଣାଦାୟୀ ସ୍ମାରକୀ ଭାବରେ କାର୍ଯ୍ୟ କରୁଛି। ଭାରତ ସରକାରଙ୍କ ୨୦୨୫ କ୍ୟାଲେଣ୍ଡରରେ ମଧ୍ୟ ପାରମ୍ପରିକ ଜ୍ଞାନ ବ୍ୟବସ୍ଥାକୁ ପରିବର୍ତ୍ତନଶୀଳ ଶାସନର ମନ୍ତ୍ର ଭାବରେ ସ୍ୱୀକାର କରାଯାଇଛି, ଯାହା ଦେଶର ପ୍ରଗତିକୁ ପ୍ରୋତ୍ସାହିତ କରୁଛି।

୧୩ଟି ଭାରତୀୟ ଭାଷାରେ ପ୍ରକାଶିତ ଏହି କ୍ୟାଲେଣ୍ଡରର ଅନ୍ତର୍ଭୁକ୍ତୀକରଣ ପ୍ରତ୍ୟେକ ଭାଷାଗତ ଏବଂ ସାଂସ୍କୃତିକ ପୃଷ୍ଠଭୂମିର ନାଗରିକଙ୍କ ସହ ଯୋଗାଯୋଗ ପାଇଁ ସରକାରଙ୍କ ଦୃଷ୍ଟିକୋଣକୁ ପ୍ରତିଫଳିତ କରୁଛି। ଏହାର ବଣ୍ଟନ ଗ୍ରାମ ପଞ୍ଚାୟତପର୍ଯ୍ୟନ୍ତ ବିସ୍ତାରିତ ହେବା ସହିତ ଦୁର୍ଗମ ଅଂଚଳରେ ପହଂଚିବା ପାଇଁ ଏହା ଏକ ଗୁରୁତ୍ୱପୂର୍ଣ୍ଣ ଉପକରଣ ଭାବରେ କାର୍ଯ୍ୟ କରୁଛି, ଯାହା ତୃଣମୂଳ ସ୍ତରରେ ଥିବା ସମୁଦାୟମାନଙ୍କୁ ସରକାରଙ୍କ ଦୂରଦୃଷ୍ଟି ଏବଂ ପଦକ୍ଷେପ ସହିତ ଜଡିତ ହେବାକୁ ସକ୍ଷମ କରିବ। ଏହି କ୍ୟାଲେଣ୍ଡର କେବଳ ଏକ ବ୍ୟବହାରିକ ସମ୍ବଳ ନୁହେଁ ବରଂ ଆମ ଦେଶର ଏକତା ଏବଂ ଶକ୍ତିର ପ୍ରତୀକ ମଧ୍ୟ ଅଟେ।

ଲକ୍ଷ ଲକ୍ଷ ପରିବାର, କାର୍ଯ୍ୟାଳୟ ଏବଂ ସରକାରୀ ଅନୁଷ୍ଠାନମାନଙ୍କ ପାଖରେ ପହଞ୍ଚୁଥିବା ଏକ ଦସ୍ତାବିଜ ଭାବରେ, କ୍ୟାଲେଣ୍ଡର ସ୍ୱଚ୍ଛତା ଏବଂ ଅନ୍ତର୍ଭୁକ୍ତ ବିକାଶ ପାଇଁ ସରକାରଙ୍କ ଅତୁଟ ପ୍ରତିବଦ୍ଧତାକୁ ପ୍ରତିଫଳିତ କରେ। ଏହା କେବଳ ସଫଳତାର କାହାଣୀ ନୁହେଁ ବରଂ ଆତ୍ମନିର୍ଭର ଓ ପ୍ରଗତିଶୀଳ ଭାରତ ଗଠନରେ ପ୍ରତ୍ୟେକ ନାଗରିକ ସକ୍ରିୟ ଭାବରେ ଅଂଶଗ୍ରହଣ କରିବା ପାଇଁ ପଦକ୍ଷେପ ନେବାପାଇଁ ଆହ୍ୱାନ।

ଏହା ୧.୪ ବିଲିୟନ ଭାରତୀୟଙ୍କ ସାମୂହିକ ଶକ୍ତି ଏବଂ ମିଳିତ ଆକାଂକ୍ଷାର ପ୍ରତୀକ ଭାବରେ କାର୍ଯ୍ୟ କରେ। ଏହାର ବ୍ୟାପକ ପହଞ୍ଚ ଏବଂ ଶକ୍ତିଶାଳୀ ବାର୍ତ୍ତା ସହିତ କ୍ୟାଲେଣ୍ଡର ଦେଶକୁ ଏକ ଉଜ୍ଜ୍ୱଳ, ଅଧିକ ସମାବେଶୀ ଭବିଷ୍ୟତ ଦିଗରେ ପ୍ରେରଣା ଓ ମାର୍ଗଦର୍ଶନ ଜାରି ରଖିଛି । ଜନଭାଗିଦାରୀର ପରିବର୍ତନ ଶକ୍ତିର ଏହା ପ୍ରମାଣ, ଯାହା ଜନ କଲ୍ୟାଣ ଆଡକୁ ଦେଶର ଯାତ୍ରାକୁ ଆଗକୁ ବଢ଼ାଉଛି।

Categories
ଆଞ୍ଚଳିକ

ବାଲୁଗାଁ: ବୀର୍ ବାଲ୍ ଦିବସ ପାଳିତ

ବାଲୁଗାଁ: ବାଲୁଗାଁ ଉଚ୍ଚ ମାଧ୍ୟମିକ ବିଦ୍ୟାଳୟ ଆନୁକୂଲ୍ୟରେ “ବୀର୍ ବାଲ୍ ଦିବସ ଉତ୍ସବ” ପାଳିତ ହୋଇଯାଇଛି। ଭାରତ ସରକାରଙ୍କ ନିର୍ଦ୍ଦେଶକ୍ରମେ ତଥା ରାଜ୍ୟ ସରକାରଙ୍କ ଓସେପା ଦ୍ୱାରା ତ୍ୱରାନ୍ୱିତ ନିର୍ଦ୍ଦେଶନାମା ଅନୁସାରେ ଏକ ସପ୍ତାହ ବ୍ୟାପୀ ଛାତ୍ରଛାତ୍ରୀଙ୍କ ମଧ୍ୟରେ ବିଭିନ୍ନ ପ୍ରତିଯୋଗିତା ଅନୁଷ୍ଠିତ ହୋଇଥିଲା। ଶିଖ୍ ସମ୍ପ୍ରଦାୟର ଦଶମ ଧର୍ମଗୁରୁ ଗୋବିନ୍ଦ ସିଂଙ୍କ ଦୁଇ କନିଷ୍ଠ ପୁତ୍ରଙ୍କ ଦେଶ ମାତୃକା ପାଇଁ ଯେଉଁ ତ୍ୟାଗପୂର୍ଣ୍ଣ ଆତ୍ମ ବଳିଦାନ ତାହାର ସ୍ମୃତି ସ୍ୱରୂପ ୨୬ ଡିସେମ୍ବରକୁ ରାଷ୍ଟ୍ରୀୟ ବୀର୍ ବାଲ୍ ଦିବସ ଭାବରେ ଦେଶ ବ୍ୟାପୀ ପାଳନ ହେଉଛି।

ଆମ ମହାବିଦ୍ୟାଳୟ ପ୍ରଜ୍ଞା ଭବନରେ ମହାବିଦ୍ୟାଳୟ ଅଧ୍ୟକ୍ଷ ଡ଼. ଲକ୍ଷ୍ମୀଧର ସୁବୁଦ୍ଧିଙ୍କ ସଭାପତିତ୍ବରେ ଉକ୍ତ ଉତ୍ସବ ଅନୁଷ୍ଠିତ ହୋଇଥିଲା। ସମ୍ମାନିତ ଅତିଥି ଭାବରେ ଯୁକ୍ତଦୁଇ ଅଧ୍ୟକ୍ଷ ଅଧ୍ୟାପକ ସୁବାସ ଚନ୍ଦ୍ର ଶ୍ରୀଚନ୍ଦନ, ଡ଼. କୈଳାସ ଚନ୍ଦ୍ର ମହାରଣା, ଡ଼. ମୋନାଲିସା ମାନସିଂହ, ଅଧ୍ୟାପକ ପ୍ରବୀଣ କୁମାର ଜେନା ଯୋଗଦେଇ ଦିବସ ସମ୍ପର୍କରେ ବକ୍ତବ୍ୟ ପ୍ରଦାନ କରିଥିଲେ। ଶେଷରେ କୃତୀ ପ୍ରତିଯୋଗୀମାନଙ୍କୁ ପ୍ରମାଣ ପତ୍ର ଓ ବିଜୟ ସ୍ମାରକ ଦ୍ୱାରା ସମ୍ବର୍ଦ୍ଧିତ କରାଯାଇଥିଲା।

ଉକ୍ତ କାର୍ଯ୍ୟକ୍ରମର ସଂଯୋଜକ ଅଧ୍ୟାପକ ଡ଼. ପୂର୍ଣ୍ଣଚନ୍ଦ୍ର ସାମନ୍ତରାୟ ମଞ୍ଚ ସଂଯୋଜନା କରିଥିବା ବେଳେ ଅଧ୍ୟାପିକା ସୁନିତା ନନ୍ଦ, ଅଧ୍ୟାପିକା କୀର୍ତ୍ତିମୟୀ ବାରିକ, ଅଧ୍ୟାପକ ବିମଳ କୁମାର ପଣ୍ଡା, ଅଧ୍ୟାପକ ମନୋଜ କୁମାର ନାୟକ, ଡେମୋନଷ୍ଟେଟର ବିଶ୍ଵଜିତ ଦାସ ପ୍ରମୁଖ ସହଯୋଗ କରିଥିଲେ।

Categories
ଆଜିର ଖବର ଜାତୀୟ ଖବର

ଥ୍ରୀ ଡିସ୍ ଓ ସମୀର ମଧ୍ୟରେ ବୁଝାମଣାପତ୍ର ସ୍ୱାକ୍ଷରିତ:

ନୂଆଦିଲ୍ଲୀ: ଥ୍ରୀ ଡି ଇଣ୍ଟ୍ରିଗ୍ରେଟେଡ୍ ସଲ୍ୟୁସନସ ଲିମିଟେଡ୍ ( ଥ୍ରୀ ଡିସ୍ ) ଓ ଭାରତ ସରକାରଙ୍କ ଇଲେକ୍ଟ୍ରୋନିକ୍ସ ଓ ସୂଚନା ପ୍ରଯୁକ୍ତି ମନ୍ତ୍ରଣାଳୟ ଅଧୀନରେ ଥିବା ଗବେଷଣାର ଏକ ଅଗ୍ରଣୀ ଅନୁଷ୍ଠାନ ସୋସାଇଟି ଫର୍ ଆପ୍ଲାଏଡ୍ ମାଇକ୍ରୋଓ୍ୱେଭ ଇଲେକଟ୍ରୋନିକ୍ସ ଇଂଜିନିୟରିଂଓ ରିସର୍ଚ୍ଚ ( SAMEER ) ମଧ୍ୟରେ ଏକ ଗୁରୁତ୍ୱପୂର୍ଣ୍ଣ ଭାଗିଦାରୀ ହୋଇଛି। ଭାରତୀୟ ବଜାରରେ ଲଗାତର ଭାବେ ସାମରିକ ଓ ବେସାମରିକ ବିମାନ ବନ୍ଦର ପରିଚାଳନା, ଯୋଗାଯୋଗ ବ୍ୟବସ୍ଥା ଓ ସୁରକ୍ଷା ସଂପର୍କିତ ଉପକରଣର ଚାହିଦା ବଢୁଥିବା ବେଳେ ଏହି ଚ୍ୟାଲେଞ୍ଜର  ମୁକାବିଲା କରିବାକୁ କରାଯାଇଛି ଏହି ରଣନୀତିକ ଭାଗିଦାରୀ। ଆତ୍ମନିର୍ଭର ଭାରତର ଲକ୍ଷ୍ୟ ନେଇ ଏହା କାମ କରିବ।

ଏଥିପାଇଁ ଆଜି ଥ୍ରୀ ଡିସ୍ ଓ ସମୀର ମଧ୍ୟରେ ଏକ ବୁଝାମଣାପତ୍ର ସ୍ୱାକ୍ଷରିତ ହୋଇଛି। ଥ୍ରୀ ଡିସ୍ ତରଫରୁ ଏହି ସଂସ୍ଥାର ଅଧ୍ୟକ୍ଷ ତଥା ପରିଚାଳନା ନିର୍ଦ୍ଦେଶକ ନନ୍ଦି ଭାଟିଆ ଏବଂ ସମୀର ତରଫରୁ ଏହାର ମହାନିର୍ଦ୍ଦେଶକ ଡକ୍ଟର ପି. ହନୁମନ୍ତ ରାଓ ଏହି ବୁଝାମଣାପତ୍ରରେ ସ୍ୱାକ୍ଷର କରିଥିଲେ। ବୁଝାମଣାପତ୍ର ସ୍ୱାକ୍ଷର ବେଳେ ଉପସ୍ଥିତ ଥିଲେ ଭାରତ ସରକାରଙ୍କ ପ୍ରମୁଖ ବିଜ୍ଞାନ ପରାମର୍ଶଦାତା ପ୍ରଫେସର ଅଜୟ କୁମାର ସୁଦ୍, ଇଲେକଟ୍ରୋନିକ୍ସ ଓ ସୂଚନା ପ୍ରଯୁକ୍ତି ମନ୍ତ୍ରଣାଳୟ ସଚିବ ଏସ୍ କ୍ରିଷ୍ଣନ, ଗ୍ରୁପ କୋଅର୍ଡିନେଟର ଏସ କେ ମରଓ୍ୱାହା, ଭାରତୀୟ ବିମାନ ବନ୍ଦର କର୍ତ୍ତୃପକ୍ଷଙ୍କ ଅଧିକାରୀ, ସମୀର ଓ ଥ୍ରୀ ଡିସ୍ କର୍ତ୍ତୃପକ୍ଷ।

ମନ୍ଥନ ପ୍ଲାଟଫର୍ମ

୧୫ ଅଗଷ୍ଟ ୨୦୨୨ରେ ଭାରତ ସରକାରଙ୍କ ପ୍ରମୁଖ ବିଜ୍ଞାନ ପରାମର୍ଶଦାତା ପ୍ରଫେସର ଅଜୟ କୁମାର ସୁଦ୍ ମନ୍ଥନ ପ୍ଲାଟଫର୍ମର ଶୁଭାରମ୍ଭ କରିଥିଲେ। ଭାରତରେ ବିଜ୍ଞାନ, ବୈଷୟିକ ଜ୍ଞାନକୌଶଳ ଓ ନୂତନ ତଥା ଅଭିନବ ପରିବେଶର ବିଭିନ୍ନ ଅଂଶୀଦାରଙ୍କ ମଧ୍ୟରେ ସହଯୋଗ ବୃଦ୍ଧି କରିବା, ତାକୁ ଆହୁରି ସମୃଦ୍ଧ କରିବା ଓ ପରସ୍ପର ସହଯୋଗରୁ ଯେଉଁ ସଫଳତା ମିଳିବ, ତାକୁ ଉପଭୋଗ କରିବା ଦିଗରେ ଏହା ଏକ ଏକ ଯୁଗାନ୍ତକାରୀ  ପଦକ୍ଷେପ ଥିଲା।

ଭାରତର ନିଜସ୍ୱ ଲକ୍ଷ୍ୟ ଓ ଜାତିସଂଘର ସସଷ୍ଟେନବୁଲ ଗୋଲ୍ (ଏସଡିସି) ହାସଲ କରିବା ପାଇଁ ଏହି ପ୍ଲାଟଫର୍ମ ତିଆରି କରାଯାଇଥିଲା। ବିଭିନ୍ନ କ୍ଷେତ୍ର, ସାଧାରଣ ଲୋକଙ୍କ ଉପକାର ପାଇଁ କାମ କରୁଥିବା ସଂଗଠନ ଓ ବୈଜ୍ଞାନିକ ଗବେଷଣା କ୍ଷେତ୍ରରେ କାମ କରୁଥିବା ସଂସ୍ଥା କିପରି ସହଜରେ ପରସ୍ପରକୁ ସହଯୋଗ କରିପାରିବେ, ସେହି ଉଦ୍ଦେଶ୍ୟ ନେଇ ମନ୍ଥନ ତିଆରି କରିଯାଇଥିଲା। ଅଂଶୀଦାରମାନଙ୍କୁ ବିକେନ୍ଦ୍ରୀକରଣ ଓ ଗଣତନ୍ତ୍ରର ପରିବେଶ ପରିବେଶ ପ୍ରଦାନ କରିବା ଥିଲା ଏହାର ପ୍ରମୁଖ ଉଦ୍ଦେଶ୍ୟ।  …

ବିମାନ ବନ୍ଦର ପାଇଁ ଉଚ୍ଚ ଜ୍ଞାନକୌଶଳଯୁକ୍ତ ସ୍ୱଦେଶୀ ସମାଧାନ ପ୍ରଦାନ କରିବା ପାଇଁ ଦୁଇଟି ଅଗ୍ରଣୀ ଅନୁଷ୍ଠାନ ପରସ୍ପର ସହିତ ମିଳିମିଶି କାମ କରୁଛନ୍ତି। ମନ୍ଥନ ଜରିଆରେ ଏହା ସମ୍ଭବ ହୋଇପାରିଛି।

ନନ୍ଦୀ ଭାଟିଆ କହିଛନ୍ତି, ବିମାନ ଚଳାଚଳ  କ୍ଷେତ୍ରରେ ଭାରତ ଏକ ଗୁରୁତ୍ୱପୂର୍ଣ୍ଣ ବଜାର। ଭବିଷ୍ୟତର ଆହ୍ୱାନକୁ ମୁକାବିଲା କରିବା ଦିଗରେ ବିଶ୍ୱରେ ନୂଆ ନୂଆ ଆବିଷ୍କାର ଓ ବୈଷୟିକ ଜ୍ଞାନକୌଶଳର ପ୍ରସାରରେ ଭାରତର ବହୁତ ବଡ଼ ଭୂମିକା ରହିଛି।  ସ୍ୱଦେଶୀ ଡିଜାଇନର ଚାହିଦା ପୂରଣ, ବିଭିନ୍ନ ଟେକ୍ନୋଲଜିର ବିକାଶ ଓ  ମ୍ୟାନୁଫ୍ୟାକଚରିଂରେ ଫୋକସ୍ କରିବାକୁ ଏହି ସହଯୋଗିତା କାମ ଦେବ।

ସେ ଆହୁରି କହିଛନ୍ତି, ବିମାନ ବନ୍ଦର ପରିଚାଳନା, ଯୋଗାଯୋଗ ବ୍ୟବସ୍ଥା ଓ ସୁରକ୍ଷା ସଂପର୍କିତ ଉପକରଣରେ ଫୋକସ୍ କରୁଥିବା ଦେଶର ଗୁରୁତ୍ୱପୂର୍ଣ୍ଣ ପ୍ରକଳ୍ପ ସଂପନ୍ନ କରିବାରେ ଆମର ଏହି ସହଯୋଗିତା କାମରେ ଆସିବ।

ବିମାନ ଚଳାଚଳର ବୈଷୟିକ ଜ୍ଞାନକୌଶଳରେ ଏହି କ୍ଷେତ୍ର ସହିତ ସରକାରଙ୍କ ସହଯୋଗିତା  

ସମୀର (SAMEER) ପରି କେନ୍ଦ୍ର ସରକାରଙ୍କ ଏକ ଗବେଷଣାତ୍ମକ ଅନୁଷ୍ଠାନ ଓ ଦେଶର ପ୍ରମୁଖ ବିମାନ ବନ୍ଦରରେ କାମ କରୁଥିବା ସଂସ୍ଥା ଥ୍ରୀ ଡିସ୍  ମଧ୍ୟରେ ଯେଉଁ ବୁଝାମଣାପତ୍ର ସ୍ୱାକ୍ଷରିତ ହୋଇଛି, ତାକୁ ସ୍ୱାଗତ କରିଥିଲେ କେନ୍ଦ୍ର ସରକାରଙ୍କ ପ୍ରମୁଖ ବିଜ୍ଞାନ ପରାମର୍ଶଦାତା (ପିଏସଏ) ପ୍ରଫେସର ଅଜୟ କୁମାର ସୁଦ୍ । ସମୀରର କ୍ଷମତା ଉପରେ ବିମାନ ଚଳାଚଳ କ୍ଷେତ୍ର ଭରସା କରିଥିବାରୁ ଏହାକୁ ସେ ପ୍ରଶଂସା କରିଥିଲେ। ପିଏସଏଙ୍କ ଅଫିସ ତରଫରୁ ହୋଇଥିବା ଉଦ୍ୟମରେ ମନ୍ଥନ ଜରିଆରେ ବିମାନ ଚଳାଚଳ କ୍ଷେତ୍ର ଓ କେନ୍ଦ୍ର ସରକାରଙ୍କ ଏକ ଗବେଷଣାତ୍ମକ ସଂସ୍ଥା ମଧ୍ୟରେ ଏପରି ଏକ ଅଭିନବ ସହଭାଗିତା ହେଉଥିବାରୁ ଏହାକୁ ପ୍ରଶଂସା କରିଥିଲେ ପ୍ରଫେସର ଅଜୟ କୁମାର ସୁଦ୍ । ଦେଶର ଆବଶ୍ୟକତାକୁ ଦୃଷ୍ଟିରେ ରଖି ନିର୍ଦ୍ଦିଷ୍ଟ ସମୟ ସୀମାରେ ବିଭିନ୍ନ ସମାଧାନ ଓ ଉତ୍ପାଦ ପ୍ରସ୍ତୁତ କରିବାକୁ ସେ ଆହ୍ୱାନ ଦେଇଥିଲେ।

ବିମାନ ଚଳାଚଳ କ୍ଷେତ୍ରରେ ସ୍ୱଦେଶୀ ଜ୍ଞାନକୌଶଳର ବିକାଶ  

ସମୀର ଓ ଥ୍ରୀ ଡିସ୍ ର ମିଳିତ ଉଦ୍ୟମରେ ବିମାନ ଚଳାଚଳ ପରିଚାଳନା, ଯୋଗାଯୋଗ ଓ ନିରୀକ୍ଷଣରେ ଅନ୍ତର୍ଜାତୀୟ ମାନର ଟେକ୍ନୋଲଜି, ଉତ୍ପାଦ ଓ ସମାଧାନ ପ୍ରସ୍ତୁତ ହେବାକୁ ଯାଉଥିବାରୁ ଏହାକୁ ପ୍ରଶଂସା କରିଥିଲେ ଇଲେକଟ୍ରୋନିକ୍ସ ଓ ସୂଚନା ପ୍ରଯୁକ୍ତି  ମନ୍ତ୍ରଣାଳୟର ସଚିବ ଶ୍ରୀ ଏସ୍. କ୍ରିଷ୍ଣନ। ଭାରତକୁ ଏକ ଉତ୍ପାଦ ଦେଶରେ ପରିଣତ କରିବାକୁ କେନ୍ଦ୍ର ସରକାର ଯେଉଁ ଲକ୍ଷ୍ୟ ରଖିଛନ୍ତି, ସେ ଦିଗରେ ଏହା ଆଉ ଏକ ପଦକ୍ଷେପ। ସେ କହିଛନ୍ତି, ଭାରତୀୟ ବିମାନ ବନ୍ଦର କର୍ତ୍ତୃପକ୍ଷ (ଏଏଆଇ)  ଆରମ୍ଭରୁ ହିଁ ଏହା ସହିତ ଜଡ଼ିତ ଅଛି। ବିମାନ ଚଳାଚଳ କ୍ଷେତ୍ରର ସହଭାଗିତାରେ ସମୀରର ଗବେଷଣା ଭାରତର ଆବଶ୍ୟକତାକୁ ପୂରଣ କରିବ ବୋଲି ଆଶା ପ୍ରକାଶ କରିଛନ୍ତି ଶ୍ରୀ ଏସ୍ କ୍ରିଷ୍ଣନ।

 ବିମାନ ବନ୍ଦର ପରିଚାଳନା ଓ ସୁରକ୍ଷା ବ୍ୟବସ୍ଥାରେ ବୈପ୍ଲବିକ ପରିବର୍ତ୍ତନ

ବିମାନ ଚଳାଚଳରେ ଭାରତ ଏକ ଗୁରୁତ୍ୱପୂର୍ଣ୍ଣ ବଜାର ଅଟେ। ଭବିଷ୍ୟତର ଆହ୍ୱାନକୁ ମୁକାବିଲା କରିବା ପାଇଁ ବିଶ୍ୱସ୍ତରରେ ଯେଉଁ ନୂତନ ଉଦ୍ଭାବନ ଓ ଟେକ୍ନୋଲଜିର ପ୍ରସାର ଦରକାର, ସେଥିରେ ଭାରତର ଗୁରୁତ୍ୱପୂର୍ଣ୍ଣ ଭୂମିକା ରହିଛି ବୋଲି କହିଛନ୍ତି ଥ୍ରୀଡିସ୍ ର ପରିଚାଳନା ନିର୍ଦ୍ଦେଶକ ନନ୍ଦି ଭାଟିଆ।

ମିଳିତ ଭାବେ ବିଭିନ୍ନ ଟେକ୍ନୋଲଜିର ସ୍ୱଦେଶୀ ଡିଜାଇନ, ବିକାଶ ଓ ମ୍ୟାନୁଫ୍ୟାକଚରିଂ ର ଆବଶ୍ୟକତା ପୂରଣ କରିବା ଦିଗରେ ଏହି ସହଭାଗିତା ଗୁରୁତ୍ୱ ଦେବ ବୋଲି ସେ କହିଛନ୍ତି। ବିମାନ ବନ୍ଦର ପରିଚାଳନା, ଯୋଗାଯୋଗ ବ୍ୟବସ୍ଥା ଓ ସୁରକ୍ଷା ସଂପର୍କିତ ଉପକରଣ ନିର୍ମାଣରେ ଫୋକସ୍ କରୁଥିବା ଜାତୀୟ ସ୍ତରର ପ୍ରକଳ୍ପର କାମ କରିବାକୁ ଏପରି ସହଭାଗିତା ଆମକୁ ପ୍ରେରଣା ଦେବ ବୋଲି ସେ କହିଛନ୍ତି।

ବିମାନ ଚଳାଚଳ ଟେକ୍ନୋଲଜିରେ ଭାରତକୁ ଆତ୍ମନିର୍ଭରଶୀଳ କରିବାରେ ସମୀରର ଗୁରୁତ୍ୱପୂର୍ଣ୍ଣ ଭୂମିକା

ସମୀରର ମହାନିର୍ଦ୍ଦେଶକ ଡକ୍ଟର ପି. ହନୁମନ୍ତ ରାଓ କହଛନ୍ତି, ଏକ ଉତ୍କର୍ଷ କେନ୍ଦ୍ର ପ୍ରତିଷ୍ଠା କରିବା ହେଉଛି ସମୀରର ଯାତ୍ରାରେ ସଫଳତାର ଏକ ମାଇଲ ଖୁଣ୍ଟ । ଥ୍ରୀ ଡିସ୍ ପରି ଏକ ସଂସ୍ଥାର ସହଭାଗିତାରେ ଏହି ଉତ୍କର୍ଷ କେନ୍ଦ୍ର ବିମାନ ଚଳାଚଳ ଓ ଯୋଗାଯୋଗ କ୍ଷେତ୍ରରେ ଗବେଷଣା କରିବ। ମିଳିତ ସହଭାଗିତାରେ ଗବେଷଣା କରି ସମୀର ଏମିତି ଉତ୍ପାଦ ବିକଶିତ, ପ୍ରଦର୍ଶିତ ଓ ପ୍ରସ୍ତୁତ କରିବ, ଯାହାକି ସଂପୂର୍ଣ୍ଣ ଭାବେ କାମ କରୁଥିବ।   ଉଭୟ ବେସାମରିକ ଓ ସାମରିକ ବିମାନ ଚଳାଚଳ କ୍ଷେତ୍ରରେ ଭାରତକୁ ଆତ୍ମନିର୍ଭରଶୀଳ କରିବାରେ ଏହା ସହାୟକ ହେବ ବୋଲି କହଛନ୍ତି ଡକ୍ଟର ପି. ହନୁମନ୍ତ ରାଓ।

ଏହା ସହିତ ଆରଏଫ୍ ଏବଂ ମାଇକ୍ରୋଓ୍ୱେଭ ଓ ଏ ସଂପର୍କିତ କ୍ଷେତ୍ରରେ ସ୍ୱଦେଶୀ ଗବେଷଣା କରାଯିବାର ଆବଶ୍ୟକତା ଅଛି। ବିଶେଷ କରି ଭାରତର ବିମାନ ବନ୍ଦରଗୁଡ଼ିକ ପାଇଁ ସୁରକ୍ଷିତ ଓ ନିର୍ଭରଯୋଗ୍ୟ ସ୍ୱଦେଶୀ ଟେକ୍ନୋଲଜି ପ୍ରସ୍ତୁତ କରବାର ଅଛି। ଦେଶରେ ପ୍ରସ୍ତୁତ କରାଯାଉଥିବା ଟେକ୍ନୋଲଜିକୁ କେମିତି ଅନ୍ତର୍ଜାତୀୟ ସ୍ତରେର ସ୍ୱୀକୃତି ମିଳିବ, ତାର ପରିବେଶ ସୃଷ୍ଟି କରିବା ଉପରେ ସେ ଗୁରୁତ୍ୱ ଦେଇଛନ୍ତି।

SAMEER ( ସମୀର)

ସୋସାଇଟି ଫର୍ ଆପ୍ଲାଏଡ୍ ମାଇକ୍ରୋଓ୍ୱେଭ ଇଲେକଟ୍ରୋନିକ୍ସ ଇଂଜିନିୟରିଂ ଆଣ୍ଡ ରିସର୍ଚ୍ଚ ( ସମୀର) ହେଉଛି ଗବେଷଣା କରୁଥିବା ଏକ ସ୍ୱୟଂଶାସିତ ଅନୁଷ୍ଠାନ। ଏହା ଭାରତ ସରକାରଙ୍କ ଇଲେକଟ୍ରୋନିକ୍ସ ଓ ସୂଚନା ପ୍ରଯୁକ୍ତି ମନ୍ତ୍ରାଳୟ ଅଧୀନରେ ଅଛି। ଯଦିଓର ଗବେଷଣା ହେଉଛି ସମୀରର ମୁଖ୍ୟ କାମ, ଦେଶର ବିଭିନ୍ନ ପ୍ରମୁଖ କ୍ଷେତ୍ର ପାଇଁ ଦରକାର ହେଉଥିବା ଅତ୍ୟାଧୁନିକ ଓ ଜଟିଳ ମିଶନ ଓ ଜଟିଳ କାର୍ଯ୍ୟକ୍ରମର ସମାଧାନ ବାହାର କରିବାରେ ମଧ୍ୟ ଏହା କାମ କରିଥାଏ। ସମୀର ଦ୍ୱାରା ପ୍ରସ୍ତୁତ ହୋଇଥିବା ଅନେକ ଟେକ୍ନୋଲଜି ସାମାଜିକ   ଅର୍ଥନୈତିକ ସ୍ତରରେ ପ୍ରଭାବ ପକାଇଥାନ୍ତି।

Categories
ଆଜିର ଖବର ରାଜ୍ୟ ଖବର

ୱେଭ୍ସ ଏବଂ କ୍ରିଏଟ୍ ଇନ୍ ଇଣ୍ଡିଆ ଚାଲେଞ୍ଜକୁ ନେଇ ସଚେତନତା କାର୍ଯ୍ୟକ୍ରମ

ଭୁବନେଶ୍ୱର,: ଭାରତ ସରକାରଙ୍କ ସୂଚନା ଓ ପ୍ରସାରଣ ମନ୍ତ୍ରଣାଳୟ ଅଧୀନ ପତ୍ର ସୂଚନା କାର୍ଯ୍ୟାଳୟ (ପିଆଇବି) ଭୁବନେଶ୍ୱର ପକ୍ଷରୁ ଆଜି ଆଇଆଇଟି ଭୁବନେଶ୍ୱର ପରିସରରେ ୱାର୍ଲ୍ଡ ଅଡିଓ ଭିଜୁଆଲ ଏଣ୍ଡ ଏଣ୍ଟରଟେନମେଣ୍ଟ ସମ୍ମିଟ୍ (ୱେଭ୍ସ) ଏବଂ କ୍ରିଏଟ୍ ଇନ୍ ଇଣ୍ଡିଆ ଚାଲେଞ୍ଜକୁ ନେଇ ଏକ ସଚେତନତା କାର୍ଯ୍ୟକ୍ରମ ଏବଂ ରୋଡ ଶୋ’ ଅନୁଷ୍ଠିତ ହୋଇଯାଇଛି। ଏଥିରେ ଆଇଆଇଟି ଭୁବନେଶ୍ୱର ପକ୍ଷରୁ ଆବଶ୍ୟକ ସହଯୋଗ ଯୋଗାଇ ଦିଆଯାଇଛି।

ଏହି ଅବସରରେ ଆୟୋଜିତ ସଭାରେ ଯୋଗଦେଇ ଆଇଆଇଟି ଭୁବନେଶ୍ୱର ନିର୍ଦ୍ଦେଶକ ଶ୍ରୀପଦ କର୍ମାଲକର କହିଛନ୍ତି, ଭାରତ ସମେତ ସାରା ବିଶ୍ୱରେ ମନୋରଞ୍ଜନ, ଆନିମେସନ ଏବଂ ଗେମିଂ ଭଳି ଶିଳ୍ପର ବିସ୍ତାର ହେଉଛି। ଆମ ସମସ୍ତଙ୍କ ମୋବାଇଲରେ ଏହାର ପ୍ରତିଫଳନ ଦେଖିବାକୁ ମିଳିଛି। ସାମ୍ପ୍ରତିକ ସମୟରେ ଡିଜାଇନ, ଚଳଚ୍ଚିତ୍ର ନିର୍ମାଣ, ଆନିମେସନ ଏବଂ ଗେମିଂ କ୍ଷେତ୍ରରେ ନୂଆ ପାଠ୍ୟକ୍ରମ ମଧ୍ୟ ପ୍ରଚଳିତ ହେଲାଣି। ଏହାର ଗୁରୁତ୍ୱକୁ ଉପଲବ୍ଧି କରି ୱେଭ୍ସ କାର୍ଯ୍ୟକ୍ରମ ଭାରତକୁ ବିଶ୍ୱ ଗଣମାଧ୍ୟମ ଓ ମନୋରଞ୍ଜନ ପରିଦୃଶ୍ୟରେ ଶୀର୍ଷରେ ରଖିବା ଲକ୍ଷ୍ୟ ନେଇ ଆୟୋଜିତ ହେଉଛି। ଏହା ଆମ ସମସ୍ତଙ୍କ ପାଇଁ ଅଂଶଗ୍ରହଣ ଏବଂ ସଚେତନତା ସୃଷ୍ଟି ଲାଗି ଏକ ଭଲ ସୁଯୋଗ ଆଣିଛି।

କାର୍ଯ୍ୟକ୍ରମକୁ ସମ୍ବୋଧିତ କରି ସୂଚନା ଓ ପ୍ରସାରଣ ମନ୍ତ୍ରଣାଳୟ ଅଧୀନ କେନ୍ଦ୍ରୀୟ ସଞ୍ଚାର ବ୍ୟୁରୋ(ସିବିସି)ର ନିର୍ଦ୍ଦେଶକ ଡକ୍ଟର ଗିରିଶ ଚନ୍ଦ୍ର ଦାଶ କହିଛନ୍ତି, ବର୍ତ୍ତମାନର କେନ୍ଦ୍ର ସରକାର ନୂଆ ଉଦ୍ଭାବନ, ବିଜ୍ଞାନ, ପ୍ରଯୁକ୍ତି, ରାଜନୀତି ଏବଂ ଅର୍ଥବ୍ୟବସ୍ଥା ଆଦି ପ୍ରତ୍ୟେକ କ୍ଷେତ୍ରରେ ଭାରତକୁ ବିଶ୍ୱସ୍ତରରେ ପ୍ରତିଷ୍ଠିତ କରାଇବାକୁ ଚାହୁଁଛନ୍ତି। ସରକାର ସୃଜନଶୀଳତା କ୍ଷେତ୍ରରେ ମଧ୍ୟ ଭାରତକୁ ପ୍ରତିଷ୍ଠିତ କରିବାକୁ ଚାହୁଁଛନ୍ତି ଯାହାଦ୍ୱାରା ଭାରତ ‘ବିଶ୍ୱଗୁରୁ’ ମାନ୍ୟତା ହାସଲ କରିପାରି। ଏହି ଲକ୍ଷ୍ୟ ନେଇ ଆସନ୍ତା ଫେବୃଆରୀରେ ଓ୍ୱେଭ୍ସ ସମ୍ମିଳନୀ ଆୟୋଜନ କରାଯିବ।

ଏହି ପରପ୍ରେକ୍ଷୀରେ ଅୟୋଜିତ ହେଉଥିବା କ୍ରିଏଟ୍ ଇନ ଇଣ୍ଡିଆ ଚାଲେଞ୍ଜରେ ଆଇଆଇଟି ଛାତ୍ରଛାତ୍ରୀଙ୍କର ଗୁରୁତ୍ୱପୂର୍ଣ୍ଣ ଯୋଗଦାନ ରହିବ ବୋଲି ଡକ୍ଟର ଦାଶ କହିଥିଲେ।

ଏହି ସଚେତନତା କାର୍ଯ୍ୟକ୍ରମରେ ଆଇଆଇଟି ଭୁବନେଶ୍ୱରର ଛାତ୍ରଛାତ୍ରୀ, ଗବେଷକ, ଅଧ୍ୟାପକ, କର୍ମଚାରୀଙ୍କ ସମେତ ସୂଚନା ଓ ପ୍ରସାରଣ ମନ୍ତ୍ରଣାଳୟର ଅଧିକାରୀ ଓ କର୍ମଚାରୀମାନେ ଅଂଶଗ୍ରହଣ କରିଥିଲେ।

Categories
ଆଜିର ଖବର ଜାତୀୟ ଖବର

ଓଡ଼ିଶାରେ ସାମୁଦ୍ରିକ ମତ୍ସ୍ୟ ବିକାଶ ପାଇଁ ଦୀର୍ଘ ୪୮୦ କିମି ଉପକୂଳରେ ନିଷେଧାଦେଶ

ଭୁବନେଶ୍ଵର: ଭାରତ ସରକାରଙ୍କ ମତ୍ସ୍ୟଚାଷ, ପ୍ରାଣୀସମ୍ପଦ ଏବଂ ଦୁଗ୍ଧ ଉତ୍ପାଦନ ମନ୍ତ୍ରଣାଳୟ ଅଧୀନ ମତ୍ସ୍ୟ ବିଭାଗ ମତ୍ସ୍ୟ ସମ୍ପଦ ସଂରକ୍ଷଣ ଏବଂ ସାମୁଦ୍ରିକ ମତ୍ସ୍ୟଚାଷର ସ୍ଥିରତା ପାଇଁ ପୂର୍ବ ଉପକୂଳ ସହିତ ଓଡ଼ିଶାର ୪୮୦ କିଲୋମିଟର ଦୀର୍ଘ ଉପକୂଳରେ ଏପ୍ରିଲ ୧୫ ରୁ ଜୁନ୍ ୧୪ ପର୍ଯ୍ୟନ୍ତ ବାର୍ଷିକ ମାଛଧରା କାର୍ଯ୍ୟକଳାପ ଉପରେ ଏକସମାନ ନିଷେଧାଦେଶ ଲାଗୁ କରୁଛି। ଏହାବ୍ୟତୀତ, ଓଡ଼ିଶା ସରକାର ପ୍ରତିବର୍ଷ ନଭେମ୍ବର ୧ ରୁ ମେ ୩୧ ମଧ୍ୟରେ ଅଲିଭ୍ ରିଡଲେ କଇଁଛ ସଂରକ୍ଷଣ ପାଇଁ ଓଡ଼ିଶା ଉପକୂଳର ୧୨୦ କିଲୋମିଟର ଅଞ୍ଚଳରେ (ଗହିରମଥା ସାମୁଦ୍ରିକ ବନ୍ୟପ୍ରାଣୀ ଅଭୟାରଣ୍ୟ, ଦେବୀ ନଦୀ ମୁହାଣ, ଋଷିକୁଲ୍ୟା ନଦୀ ମୁହାଣ ଏବଂ ଧାମରା ନଦୀ ମୁହାଣ) ମାଛ ଧରିବା ଉପରେ ପ୍ରତିବନ୍ଧକ ଲଗାଇଥାନ୍ତି। ଓଡ଼ିଶା ସରକାର ଏହା ମଧ୍ୟ ଦର୍ଶାଇଛନ୍ତି ଯେ ଅତ୍ୟଧିକ ମାଛଧରା ଘଟଣା ହ୍ରାସ କରିବା ପାଇଁ ଗତ ଦୁଇ ଦଶନ୍ଧି ଧରି ଯାନ୍ତ୍ରିକ ମାଛଧରା ଜାହାଜର ଫ୍ଲିଟ୍ ଆକାର ବୃଦ୍ଧି କରାଯାଇ ନାହିଁ।

ମତ୍ସ୍ୟଚାଷ, ପ୍ରାଣୀସମ୍ପଦ ଏବଂ ଦୁଗ୍ଧ ଉତ୍ପାଦନ ମନ୍ତ୍ରଣାଳୟ ଅଧୀନ ମତ୍ସ୍ୟ ବିଭାଗ ପକ୍ଷରୁ ପ୍ରଧାନମନ୍ତ୍ରୀ ମତ୍ସ୍ୟ ସମ୍ପଦା ଯୋଜନା (ପିଏମଏମଏସୱାଇ) ଅଧୀନରେ ରାଜ୍ୟରେ ସାମୁଦ୍ରିକ ମତ୍ସ୍ୟଚାଷ ସମେତ ମାଛଚାଷ ଏବଂ ଜଳଚର ଚାଷର ବିକାଶ ପାଇଁ ଓଡ଼ିଶା ସରକାର ଏବଂ ଅନ୍ୟାନ୍ୟ କାର୍ଯ୍ୟକାରୀ ସଂସ୍ଥାଗୁଡ଼ିକୁ ପ୍ରକଳ୍ପ ପ୍ରସ୍ତାବକୁ ମଞ୍ଜୁର କରାଯାଇଛି।

ପିଏମଏମଏସୱାଇ ଅଧୀନରେ ଓଡ଼ିଶାର ମତ୍ସ୍ୟ ସମ୍ପଦର ସଂରକ୍ଷଣକୁ ପ୍ରୋତ୍ସାହନ ଦେବା ଉଦ୍ଦେଶ୍ୟରେ ମତ୍ସ୍ୟଚାଷ କାର୍ଯ୍ୟକଳାପ ଉପରେ ପ୍ରତିବନ୍ଧକ/ବିପଦ ଥିବା ଅବଧିରେ ଜୀବିକା ଏବଂ ପୁଷ୍ଟିକର ସହାୟତା ପାଇଁ ଓଡ଼ିଶାର ସକ୍ରିୟ ପାରମ୍ପରିକ ମତ୍ସ୍ୟଜୀବୀଙ୍କ ସାମାଜିକ-ଆର୍ଥିକ ଦୃଷ୍ଟିରୁ ପଛୁଆ ୨୪ ହଜାର ପରିବାରକୁ ବାର୍ଷିକ ଆର୍ଥିକ ସହାୟତା ମଧ୍ୟ ପ୍ରଦାନ କରାଯାଇଥାଏ। ଏହାବ୍ୟତୀତ ଓଡ଼ିଶା ଉପକୂଳରେ ଷ୍ଟକ୍‌ ବୃଦ୍ଧି ଏବଂ ଦୀର୍ଘସ୍ଥା ସାମୁଦ୍ରିକ ମାଛ ଧରାକୁ ପ୍ରୋତ୍ସାହନ ଦେବା ଲାଗି ଓଡ଼ିଶା ସରକାରଙ୍କୁ ୯୩ ୟୁନିଟ୍ ଆର୍ଟିଫିସିଆଲ୍‌ ରିଫ୍‌ ମଞ୍ଜୁର କରାଯାଇଛି।

ବିଗତ ପାଞ୍ଚ ବର୍ଷ ମଧ୍ୟରେ ପିଏମଏମଏସୱାଇ ଅଧୀନରେ ପାରମ୍ପରିକ ମତ୍ସ୍ୟଜୀବୀମାନଙ୍କୁ ଡଙ୍ଗା (ବଦଳି) ଏବଂ ଜାଲ ପାଇଁ ଆର୍ଥିକ ସହାୟତା ପାଇଁ ପ୍ରସ୍ତାବକୁ ଓଡ଼ିଶା ସରକାରଙ୍କୁ ୫.୨୩ କୋଟି ଟଙ୍କାର କେନ୍ଦ୍ରୀୟ ଅଂଶ ସହିତ ୧୭.୨୮ କୋଟି ଟଙ୍କାର ମୋଟ ପ୍ରକଳ୍ପ ଖର୍ଚ୍ଚ ଉପରେ ୫୬୦ ୟୁନିଟ୍‌ ପାଇଁ ଆର୍ଥିକ ସହାୟତା ପ୍ରସ୍ତାବକୁ ମଞ୍ଜୁରି ଦିଆଯାଇଛି ଏବଂ ରାଜ୍ୟ ସରକାରଙ୍କ ଠାରୁ ମିଳିଥିବା ଦାବି ଆଧାରରେ କେନ୍ଦ୍ରୀୟ ଅଂଶ ଜାରି କରାଯାଇଛି। ଓଡ଼ିଶା ସରକାର ସୂଚନା ଦେଇଛନ୍ତି ଯେ ବିଗତ ପାଞ୍ଚ ବର୍ଷ ମଧ୍ୟରେ ୨୦୧ ଜଣ ମତ୍ସ୍ୟଜୀବୀଙ୍କୁ ଡଙ୍ଗା ଏବଂ ଜାଲ ବଦଳାଇବା ପାଇଁ ୧ କୋଟି ଟଙ୍କା ପ୍ରଦାନ କରାଯାଇଛି।

ଭାରତ ସରକାରଙ୍କ ମତ୍ସ୍ୟଚାଷ, ପ୍ରାଣୀସମ୍ପଦ ଏବଂ ଦୁଗ୍ଧ ଉତ୍ପାଦନ ମନ୍ତ୍ରଣାଳୟ ଅଧୀନ ମତ୍ସ୍ୟ ବିଭାଗ ପକ୍ଷରୁ ପ୍ରଧାନମନ୍ତ୍ରୀ ମତ୍ସ୍ୟ ସମ୍ପଦା ଯୋଜନା (ପିଏମଏମଏସୱାଇ) ଅଧୀନରେ ୪୯.୭୧୬ କୋଟି ଟଙ୍କାର କେନ୍ଦ୍ରୀୟ ଅଂଶ ସହିତ ୮୨.୮୬ କୋଟି ଟଙ୍କାର ଖର୍ଚ୍ଚରେ ଓଡ଼ିଶାର ପୁରୀ ଜିଲ୍ଲା ନୂଆଗଡ଼ (ଅସ୍ତରଙ୍ଗ)ରେ ମାଛଧରା ବନ୍ଦର ନିର୍ମାଣ ପାଇଁ ଓଡ଼ିଶା ସରକାରଙ୍କ ପ୍ରସ୍ତାବକୁ ମଞ୍ଜୁର କରାଯାଇଛି। ମତ୍ସ୍ୟଚାଷ, ପ୍ରାଣୀସମ୍ପଦ ଏବଂ ଦୁଗ୍ଧ ଉତ୍ପାଦନ ମନ୍ତ୍ରଣାଳୟ ଅଧୀନ ମତ୍ସ୍ୟ ବିଭାଗ ପିଏମଏମଏସୱାଇର କେନ୍ଦ୍ରୀୟ କ୍ଷେତ୍ର ଉପାଦାନ ଅନ୍ତର୍ଗତ ୧୦୦% କେନ୍ଦ୍ରୀୟ ଅଂଶଧନ ସହିତ ୯୯.୭୫ କୋଟି ଟଙ୍କାର ବ୍ୟୟରେ ପାରାଦୀପ ମାଛଧରା ବନ୍ଦରର ଆଧୁନିକୀକରଣ ଏବଂ ଉନ୍ନତିକରଣ ପାଇଁ ପାରାଦୀପ ପୋର୍ଟ ଟ୍ରଷ୍ଟର ପ୍ରସ୍ତାବକୁ ମଞ୍ଜୁର କରାଯାଇଛି।

ଆଜି କେନ୍ଦ୍ର ମତ୍ସ୍ୟଚାଷ, ପ୍ରାଣୀସମ୍ପଦ ଏବଂ ଦୁଗ୍ଧ ଉତ୍ପାଦନ ମନ୍ତ୍ରୀ ରାଜୀବ ରଞ୍ଜନ ସିଂ ଓରଫ ଲଲନ ସିଂ ରାଜ୍ୟସଭାରେ ଏହି ସୂଚନା ଦେଇଛନ୍ତି।

Categories
ଆଜିର ଖବର ରାଜ୍ୟ ଖବର

ଏସଆଣ୍ଡଟି କ୍ଲଷ୍ଟରଗୁଡ଼ିକର ବୈଠକରେ ଅଧ୍ୟକ୍ଷତା କଲେ ଭାରତ ସରକାରଙ୍କ ପ୍ରମୁଖ ବୈଜ୍ଞାନିକ ପରାମର୍ଶଦାତା

ଭୁବନେଶ୍ଵର: ଭାରତ ସରକାରଙ୍କ ପ୍ରମୁଖ ବୈଜ୍ଞାନିକ ପରାମର୍ଶଦାତା (ପିଏସ୍ଏ) ପ୍ରଫେସର ଅଜୟ କେ ସୁଦଙ୍କ ଅଧ୍ୟକ୍ଷତାରେ ନଭେମ୍ବର ୨୫-୨୬ ରେ ଭୁବନେଶ୍ୱରରେ ସମସ୍ତ ସର୍ବଭାରତୀୟ ବିଜ୍ଞାନ ଓ ପ୍ରଯୁକ୍ତି ବିଦ୍ୟା (ଏସ ଆଣ୍ଡ ଟି) କ୍ଲଷ୍ଟରର ଦ୍ୱିତୀୟ ବୈଠକ ଅନୁଷ୍ଠିତ ହୋଇଯାଇଛି। ୨୫ ନଭେମ୍ବର ୨୦୨୪ରେ ପିଏସଏ କାର୍ଯ୍ୟାଳୟ (ଓପିଏସ୍ଏ)ର ୨୫ତମ ବାର୍ଷିକୀ ଅବସରରେ ଭୁବନେଶ୍ବର ସିଟି ନଲେଜ୍ ଆଣ୍ଡ ଇନୋଭେସନ୍ କ୍ଲଷ୍ଟର ଫାଉଣ୍ଡେସନ (ବିସିକେଆଇସି) ପକ୍ଷରୁ ଏହି ବୈଠକ ଅନୁଷ୍ଠିତ ହୋଇଥିଲା।

୨୦୨୦ରେ ଓପିଏସଏ ଦ୍ୱାରା ଆରମ୍ଭ ହୋଇଥିବା ଏସ୍ ଆଣ୍ଡଟି କ୍ଲଷ୍ଟର ଇନିସିଏଟିଭ୍ ସମଗ୍ର ଦେଶରେ ଆଠଟି ସକ୍ରିୟ କ୍ଲଷ୍ଟର ପ୍ରତିଷ୍ଠା କରିଛି- ଆନ୍ଧ୍ରପ୍ରଦେଶ ମେଡଟେକ ଜୋନ୍ (ଏଏମଟିଜେଡ୍) – ଭାଇଜାଗ୍, ବେଙ୍ଗାଲୁରୁ ବିଜ୍ଞାନ ଏବଂ ପ୍ରଯୁକ୍ତି ବିଦ୍ୟା (ବିଇଏସଟି), ଭୁବନେଶ୍ୱର ସିଟି ନଲେଜ୍ ଆଣ୍ଡ ଇନୋଭେସନ୍ କ୍ଲଷ୍ଟର୍ ଫାଉଣ୍ଡେସନ୍ (ବିସିକେଆଇସି), ଦିଲ୍ଲୀ ରିସର୍ଚ୍ଚ ଇମ୍ପ୍ଲିମେଣ୍ଟେସନ୍ ଆଣ୍ଡ ଇନୋଭେସନ୍ (ଡିଆରଆଇଆଇଭି), ଯୋଧପୁର ସିଟି ନଲେଜ୍ ଆଣ୍ଡ ଇନୋଭେସନ୍ କ୍ଲଷ୍ଟର (ଜେସିକେଆଇସି), ପଞ୍ଜାବ ବିଶ୍ୱବିଦ୍ୟାଳୟ – ଆଇଆଇଟି ରୋପର ଆଞ୍ଚଳିକ ଉଦ୍ଭାବନ ପାଇଁ ଆକ୍ସେଲେରେଟର (ପିଆଇ-ରାହି), ପୁଣେ ନଲେଜ କ୍ଲଷ୍ଟର ଫାଉଣ୍ଡେସନ (ପିକେସିଏଫ) ଏବଂ ହାଇଦ୍ରାବାଦ୍ର ରିସର୍ଚ୍ଚ ଆଣ୍ଡ ଇନୋଭେସନ ସର୍କଲ (ରିଚ)। ଅଭିନବ ଏସ୍ ଆଣ୍ଡ ଟି ହସ୍ତକ୍ଷେପ ମାଧ୍ୟମରେ ଆଞ୍ଚଳିକ ଆହ୍ୱାନର ମିଳିତ ଭାବେ ମୁକାବିଲା କରିବା ପାଇଁ ଏହି କ୍ଲଷ୍ଟରଗୁଡ଼ିକ ଶିକ୍ଷା, ଶିଳ୍ପ ଜଗତ, ସ୍ଥାନୀୟ ସରକାର ଏବଂ ଷ୍ଟାର୍ଟଅପଗୁଡ଼ିକୁ ଏକାଠି କରନ୍ତି । ବୈଠକରେ ସମସ୍ତ ୮ଟି କ୍ଲଷ୍ଟର ସେମାନଙ୍କର ସଫଳତା ଓ ବର୍ତ୍ତମାନ ଜାରି ରହିଥିବା ପଦକ୍ଷେପ ସମ୍ପର୍କରେ ଆଲୋକପାତ କରିବା ସହ ସହଯୋଗୀ ପ୍ରୟାସର ସୁଫଳକୁ ଦର୍ଶାଇଥିଲେ।

ପ୍ରଫେସର ସୁଦ ତାଙ୍କର ବକ୍ତବ୍ୟରେ ଆନ୍ତଃବିଷୟକୁ ପ୍ରୋତ୍ସାହିତ କରିବା, ବାଧାଗୁଡ଼ିକୁ ଦୂର କରିବା ଏବଂ ସାମୂହିକ ସମସ୍ୟା ସମାଧାନ ଦିଗରେ ମାନସିକତା ପରିବର୍ତ୍ତନ କୁ ପ୍ରୋତ୍ସାହିତ କରିବା ଉପରେ ଗୁରୁତ୍ୱାରୋପ କରିଥିଲେ। ସେ ଦୋହରାଇଥିଲେ ଯେ ପାରମ୍ପରିକ କିମ୍ବା ସଂକୀର୍ଣ୍ଣ ପଦ୍ଧତି ଦ୍ୱାରା ହାସଲ ହୋଇପାରୁନଥିବା ପରିଣାମ ଉପରେ କ୍ଲଷ୍ଟର ମଡେଲ ଧ୍ୟାନ ଦେବା ଉଚିତ। ପ୍ରଭାବଶାଳୀ ପ୍ରକଳ୍ପଗୁଡ଼ିକୁ ବ୍ୟାପକ କରିବା ତଥା ବିଭିନ୍ନ କ୍ଷେତ୍ରରେ ସଫଳତାର ପୁନରାବୃତ୍ତି କରିବା ପାଇଁ ଆନ୍ତଃ-କ୍ଲଷ୍ଟର ସହଯୋଗର ମୂଲ୍ୟ ଉପରେ ଗୁରୁତ୍ୱାରୋପ କରିଥିଲେ।

ଓପିଏସଏର ବୈଜ୍ଞାନିକ ସଚିବ ଡ. ପରବିନ୍ଦର ମାଇନି ଭାରତର ଏସଟିଆଇ ଇକୋସିଷ୍ଟମର କ୍ରମାଗତ ଅଭିବୃଦ୍ଧି ମଧ୍ୟରେ ସମସାମୟିକ ଆହ୍ୱାନର ମୁକାବିଲା କରିବାରେ ଟ୍ରାନ୍ସଲେସନଲ ଗବେଷଣାର ଗୁରୁତ୍ୱପୂର୍ଣ୍ଣ ଗୁରୁତ୍ୱ ଉପରେ ଆଲୋକପାତ କରିଥିଲେ। ସେ ଅଂଶୀଦାରମାନଙ୍କ ମଧ୍ୟରେ ସହଯୋଗକୁ ପ୍ରୋତ୍ସାହିତ କରିବାରେ କ୍ଲଷ୍ଟର ଧାରଣାର ମୂଲ୍ୟ ଉପରେ ଗୁରୁତ୍ୱାରୋପ କରିଥିଲେ ଯାହାଦ୍ୱାରା ଉଦ୍ଭାବନଗୁଡିକ ଶେଷ ଉପଭୋକ୍ତାଙ୍କୁ ଉପକୃତ କରିବା ସୁନିଶ୍ଚିତ କରିବ। କ୍ଲଷ୍ଟର ପଦକ୍ଷେପର ଦ୍ୱିତୀୟ ପର୍ଯ୍ୟାୟରେ ଶିଳ୍ପ ସଂଯୋଗର ଗୁରୁତ୍ୱକୁ ମଧ୍ୟ ଡ. ମାଇନି ଦୋହରାଇଥିଲେ, ଯାହା ସାମାଜିକ ଉନ୍ନତି ପାଇଁ ପ୍ରଯୁକ୍ତିବିଦ୍ୟାର ବ୍ୟାପକତା ଏବଂ ଉପଯୋଗକୁ ସକ୍ଷମ କରିଥିଲା।

ବୈଠକରେ ପ୍ରଫେସର ସୁଦ (୧) ସ୍ୱାସ୍ଥ୍ୟସେବା, (୨) ଶକ୍ତି ଓ ପରିବେଶ, (୩) କୃଷି ପ୍ରଯୁକ୍ତି ଓ ପୋଷଣ, (୪) ଷ୍ଟେମ୍ ଶିକ୍ଷା, (୫) ଏସ୍ ଆଣ୍ଡଟି ହସ୍ତକ୍ଷେପ ମାଧ୍ୟମରେ ଜୀବିକା ଏବଂ (୬) ଉତ୍ତର ପୂର୍ବ ଭାରତ ପ୍ରଭାବ ଓ ଶିଳ୍ପ ୪.୦ ଉପରେ ଛଅଟି ବିଷୟବସ୍ତୁ ସଂକଳନ ଉନ୍ମୋଚନ କରିଥିଲେ। ପ୍ରଫେସର ସୁଦ କ୍ଲଷ୍ଟର ଡ୍ୟାସବୋର୍ଡକୁ ଉଦଘାଟନ କରିଥିଲେ ଯାହା କ୍ଲଷ୍ଟର କାର୍ଯ୍ୟକଳାପର ଅଗ୍ରଗତି ଉପରେ ନଜର ରଖିବ ଏବଂ ଉଜାଗର କରିବ।

ବୈଠକରେ ଶିଳ୍ପ ସଂଘ, କର୍ପୋରେଟ୍ ସାମାଜିକ ଦାୟିତ୍ବବୋଧ (ସିଏସ୍ଆର୍) ପ୍ରତିନିଧି ଏବଂ ସ୍ଥାନୀୟ କର୍ତ୍ତୃପକ୍ଷଙ୍କ ସହ ଆଲୋଚନା କରାଯାଇଥିଲା। ଶିଳ୍ପ ପ୍ରୟାସର ପରିପୂରକ ହେବା ପାଇଁ କ୍ଲଷ୍ଟରର ସମ୍ଭାବନା, ବୈଜ୍ଞାନିକ ଗବେଷଣାକୁ କାର୍ଯ୍ୟକ୍ଷମ ସମାଧାନରେ ପରିଣତ କରିବାରେ କ୍ଲଷ୍ଟରର ଭୂମିକା ଏବଂ ଆର୍ଥିକ ଓ ସାମାଜିକ ଲାଭ ପାଇଁ ସହଯୋଗର ମାର୍ଗ ଉପରେ ଆଲୋଚନା ହୋଇଥିଲା।

ପ୍ରଫେସର ସୁଦ କ୍ଲଷ୍ଟରଗୁଡ଼ିକୁ ସକ୍ରିୟ ଭାବରେ ଆନ୍ତଃ-କ୍ଲଷ୍ଟର ସହଯୋଗ କରିବାକୁ ଉତ୍ସାହିତ କରିଥିଲେ ଏବଂ ପ୍ରଭାବ ବଢ଼ାଇବାରେ ସେମାନଙ୍କର ଗୁରୁତ୍ୱ ଏବଂ ମୂଲ୍ୟ ଉପରେ ଆଲୋକପାତ କରିଥିଲେ। ଗୋଟିଏ କ୍ଲଷ୍ଟରରୁ ସଫଳ ଫଳାଫଳ କୁ ବୃଦ୍ଧି କରିବା ଏବଂ ଅନ୍ୟ କ୍ଲଷ୍ଟରଗୁଡ଼ିକରେ ଏହାକୁ ଗ୍ରହଣ କରିବା ଉପରେ ଗୁରୁତ୍ୱାରୋପ କରାଯାଇଥିଲା, ଯାହାଦ୍ୱାରା ବ୍ୟାପକ କାର୍ଯ୍ୟକାରିତା ସୁନିଶ୍ଚିତ ହେବ ଏବଂ ଦେଶବ୍ୟାପୀ କାର୍ଯ୍ୟକାରୀ ହେବା ପୂର୍ବରୁ ସାମୂହିକ ଫଳପ୍ରଦତା ବୃଦ୍ଧି ପାଇବ।

ଏହି ଅବସରରେ ପ୍ରଫେସର ସୁଦ ବିସିକେଆଇସି ପକ୍ଷରୁ ଆୟୋଜିତ ‘କ୍ୟାଚ୍ ଦେମ୍ ୟଙ୍ଗ୍’ କାର୍ଯ୍ୟକ୍ରମ ଅଧୀନରେ ଆୟୋଜିତ ଅଟଳ ଟିଙ୍କରିଂ ଲ୍ୟାବ୍ର ଛାତ୍ର ଉଦ୍ଭାବନ ମେଳାକୁ ଉଦଘାଟନ କରିଥିଲେ। ଏହି ମେଳା ସ୍କୁଲ ଛାତ୍ରଛାତ୍ରୀ ଏବଂ ଷ୍ଟାର୍ଟଅପମାନଙ୍କୁ ଅଭିନବ ଚିନ୍ତାଧାରା ଏବଂ ଉତ୍ପାଦ ଉପସ୍ଥାପନ କରିବା ଏବଂ ପ୍ରଫେସର ସୁଦଙ୍କ ସହ ବାର୍ତ୍ତାଳାପ କରିବା ପାଇଁ ଏକ ମଞ୍ଚ ପ୍ରଦାନ କରିଥିଲା।

ବିଜ୍ଞାନ ଓ ପ୍ରଯୁକ୍ତି ବିଦ୍ୟା ମାଧ୍ୟମରେ ଆଞ୍ଚଳିକ ଏବଂ ଜାତୀୟ ବିକାଶ ପାଇଁ ପ୍ରତିବଦ୍ଧତାକୁ ସୁଦୃଢ଼ କରିବା ସହିତ ସହଯୋଗୀ ବିଜ୍ଞାନ ଓ ପ୍ରଯୁକ୍ତି ବିଦ୍ୟା ପ୍ରୟାସର ପରିବର୍ତ୍ତନକାରୀ ସମ୍ଭାବନାର ପ୍ରତୀକ ଭାବରେ ଏହି ବୈଠକ କାର୍ଯ୍ୟ କରିଥିଲା।

Categories
ଆଜିର ଖବର ଜାତୀୟ ଖବର

ଜାତୀୟ ଚିପ୍ ଡିଜାଇନ୍ ଭିତ୍ତିଭୂମିକୁ ସିଧାସଳଖ ଆକସେସ୍ ପାଇଁ ଅନୁକୂଳ ପରିବେଶ ସୃଷ୍ଟି କରୁଛନ୍ତି ଭାରତ ସରକାର

ନୂଆଦିଲ୍ଲୀ: ସି-ଡାକ୍ ରେ ସ୍ଥାପିତ ଏକ ବୃହତ୍ତମ ସୁବିଧା ଚିପ୍ଇନ୍ ସେଣ୍ଟର, ସେମିକଣ୍ଡକ୍ଟର ଡିଜାଇନ୍ ୱାର୍କଫ୍ଲୋ ଏବଂ ସମାଧାନର ଏକ ବିସ୍ତୃତ ପରିସର ପ୍ରଦାନ କରେ, ଯାହା ସାରା ଦେଶରେ ସେମିକଣ୍ଡକ୍ଟର ଡିଜାଇନ୍ ସମୁଦାୟକୁ ସିଧାସଳଖ ଜାତୀୟ ଚିପ୍ ଡିଜାଇନ୍ ଭିତ୍ତିଭୂମି ଆଣିବାକୁ ପ୍ରୟାସ କରିଥାଏ । ଏହା ଏକ କେନ୍ଦ୍ରୀଭୂତ ସୁବିଧା ଯାହା ସମଗ୍ର ଚିପ୍ ଡିଜାଇନ୍ ଚକ୍ର (୫ ଏନଏମ କିମ୍ବା ଉନ୍ନତ ନୋଡ୍ ପର୍ଯ୍ୟନ୍ତ) ପାଇଁ ସବୁଠାରୁ ଉନ୍ନତ ଉପକରଣ ହୋଷ୍ଟ କରେ ।

ଏହା ଭାରତ ସରକାରଙ୍କ ଇଲେକ୍ଟ୍ରୋନିକ୍ସ ଏବଂ ଆଇଟି ମନ୍ତ୍ରଣାଳୟର ସି୨ଏସ (ଚିପ୍ସ ଟୁ ଷ୍ଟାର୍ଟଅପ୍) କାର୍ଯ୍ୟକ୍ରମ ଏବଂ ଡିଏଲଆଇ (ଡିଜାଇନ୍ ଆଧାରିତ ପ୍ରୋତ୍ସାହନ) ଯୋଜନା ଅଧୀନରେ ଶିକ୍ଷାନୁଷ୍ଠାନଗୁଡ଼ିକୁ ଏସସିଏଲ୍ ଫାଉଣ୍ଡ୍ରି ଏବଂ ପ୍ୟାକେଜିଂରେ ଡିଜାଇନ୍ ନିର୍ମାଣ ପାଇଁ ବ୍ୟାପକ ସେବା ପ୍ରଦାନ କରିବା ପାଇଁ କମ୍ପ୍ୟୁଟର ଏବଂ ହାର୍ଡୱେର ଭିତ୍ତିଭୂମି, ଆଇପି କୋର ଏବଂ ଦକ୍ଷତା ପ୍ରଦାନ କରେ ।

ଚରଖାରୁ ଚିପ୍ସ: ଆତ୍ମନିର୍ଭର ଭାରତ

ବର୍ତ୍ତମାନ ୨୫୦ରୁ ଅଧିକ ଶିକ୍ଷାନୁଷ୍ଠାନରେ ଆନୁମାନିକ ୨୦,୦୦୦ରୁ ଅଧିକ ଛାତ୍ରଛାତ୍ରୀ ଏବଂ ୪୫ଟି ଷ୍ଟାର୍ଟଅପ୍ ପ୍ରକଳ୍ପରେ ଉଦ୍ୟୋଗୀଙ୍କ ସହ ନିୟୋଜିତ ଥିବା ଚିପ୍ଇନ୍ ସେଣ୍ଟର ଆତ୍ମନିର୍ଭର ଭାରତର ଲକ୍ଷ୍ୟ ପୂରଣ ପାଇଁ ୫ ବର୍ଷ ମଧ୍ୟରେ ସେମିକଣ୍ଡକ୍ଟର ଚିପ୍ ଡିଜାଇନ୍ କରିବା ପାଇଁ ବି.ଟେକ୍, ଏମ.ଟେକ୍ ଏବଂ ପିଏଚଡି ସ୍ତରରେ ୮୫,୦୦୦ ଛାତ୍ରଛାତ୍ରୀଙ୍କୁ ଅତ୍ୟାଧୁନିକ ଇଡିଏ (ଇଲେକ୍ଟ୍ରୋନିକ୍ ଡିଜାଇନ୍ ଅଟୋମେସନ୍) ଉପକରଣ ଉପଲବ୍ଧ କରାଇବାକୁ ଲକ୍ଷ୍ୟ ରଖିଛି। ଇଡିଏ ଟୁଲ୍ସ ଆକସେସ୍ କରୁଥିବା ଅନୁଷ୍ଠାନର ତାଲିକା https://c2s.gov.in/EDA_Tool_Support.jsp ରେ ଉପଲବ୍ଧ ରହିଛି।

ଗବେଷକମାନଙ୍କ ମଧ୍ୟରେ ସିମେନ୍ସଠାରୁ ଇଡିଏ ଉପକରଣର ବଢୁଥିବା ଚାହିଦା ଏବଂ ଚିପଇନ୍ ସେଣ୍ଟରରେ ସ୍ଥାପିତ ଭିତ୍ତିଭୂମିକୁ ବ୍ୟାପକ କରିବାର ସୁଯୋଗକୁ ଦୃଷ୍ଟିରେ ରଖି, ସିମେନ୍ସ ଏହାର ଇଡିଏ ଉପକରଣର ବର୍ତ୍ତମାନର ବ୍ୟବହାର ପରିସରକୁ ଚିପ୍ସ ଟୁ ଷ୍ଟାର୍ଟ-ଅପ୍ (ସି୨ଏସ୍) କାର୍ଯ୍ୟକ୍ରମ ଅଧୀନରେ ୧୨୦ଟି କଲେଜରୁ ୨୫୦ରୁ ଅଧିକ କଲେଜକୁ ବିସ୍ତାର କରିଛି ଏବଂ ସିମେନ୍ସରୁ ସଦ୍ୟତମ ଶକ୍ତିଶାଳୀ ଭେଲୋସ୍™ ହାର୍ଡୱେର-ସହାୟକ ଯାଞ୍ଚ ସମାଧାନ ଡିଏଲଆଇ ଯୋଜନା ଅଧୀନରେ ଅନୁମୋଦିତ କମ୍ପାନୀଗୁଡ଼ିକୁ ବୃଦ୍ଧି କରିଛି।

ଏସଓସି ଏବଂ ଆଇସି ଡିଜାଇନ୍ ଚ୍ୟାଲେଞ୍ଜର ସମାଧାନ ପାଇଁ ଭେଲୋସ୍

ନିମ୍ନଲିଖିତ ମୁଖ୍ୟ ଉପାଦାନ – ଭେଲୋସ୍ ଷ୍ଟ୍ରାଟୋ ହାର୍ଡୱେର ଏବଂ ଓଏସ୍, ଭେଲୋସ୍ ଆପ୍ସ ଏବଂ ଭେଲୋସ୍ ପ୍ରୋଟୋକଲ୍ ସଲ୍ୟୁସନ୍ କୁ ନେଇ ଗଠିତ ସିମେନ୍ସରୁ ଭେଲୋସ୍ ରେ ୧୨୮ ସିପିୟୁ କୋର ଏବଂ ୬୪୦ ନିୟୁତ ଗେଟ୍ ର କ୍ଷମତା ରହିଛି । ଏହା ଜଟିଳ ଏସଓସି (ଚିପ୍ ଉପରେ ସିଷ୍ଟମ) ଏବଂ ଅତ୍ୟନ୍ତ ଅତ୍ୟାଧୁନିକ ଆଇସି (ଇଣ୍ଟିଗ୍ରେଟେଡ୍ ସର୍କିଟ୍) ଡିଜାଇନର ଡିଜାଇନରମାନଙ୍କ ଦ୍ୱାରା ସମ୍ମୁଖୀନ ହେଉଥିବା ଯାଞ୍ଚ ଏବଂ ବୈଧତା ଆହ୍ୱାନର ସମାଧାନ କରେ । ଏହାର ବିବରଣୀ https://vegaprocessors.in/hep.php ରେ ରହିଛି।

ଭାରତର ସେମିକଣ୍ଡକ୍ଟର ଭିଜନକୁ ପ୍ରୋତ୍ସାହିତ କରିବ ଚିପଇନ୍ କେନ୍ଦ୍ର

ସିମେନ୍ସଠାରୁ ଇଡିଏ ଓ ଡିଜାଇନ୍ ସଲ୍ୟୁସନ୍ସକୁ ଅଧିକ ବଢ଼ାଇବା ଏବଂ ଅଧିକ ସଂଗଠନକୁ ବିସ୍ତାର କରିବା ସଂକ୍ରାନ୍ତରେ ସମଗ୍ର ଦେଶର ଛାତ୍ରଛାତ୍ରୀ, ଗବେଷକ, ଅଧ୍ୟାପକ ଓ ଉଦ୍ୟୋଗୀମାନଙ୍କଠାରୁ ବିପୁଳ ଚାହିଦା ମିଳୁଥିଲା। ଚିପ୍ଇନ୍ ସେଣ୍ଟରରେ ସିମେନ୍ସର ବର୍ଦ୍ଧିତ ସମର୍ଥନ ଭାରତକୁ ଏକ ସେମିକଣ୍ଡକ୍ଟର ମହାଶକ୍ତିରେ ପରିଣତ କରିବାର ଲକ୍ଷ୍ୟ ପୂରଣ କରିବାରେ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିବ ବୋଲି ଇଲେକ୍ଟ୍ରୋନିକ୍ସ ଏବଂ ଆଇଟି ମନ୍ତ୍ରଣାଳୟର ଗ୍ରୁପ୍ ସଂଯୋଜକ (ଇଲେକ୍ଟ୍ରୋନିକ୍ସ ଏବଂ ଆଇଟିରେ ଗବେଷଣା ଓ ବିକାଶ) ସୁନୀତା ବର୍ମା କହିଛନ୍ତି।

ଏକ ଆତ୍ମନିର୍ଭରଶୀଳ ସେମିକଣ୍ଡକ୍ଟର ଇକୋସିଷ୍ଟମ ପାଇଁ ପରବର୍ତ୍ତୀ ପୀଢ଼ିଙ୍କୁ ସଶକ୍ତ କରିବା

ସିମେନ୍ସ ଡିଜିଟାଲ ଇଣ୍ଡଷ୍ଟ୍ରିଜ୍ ସଫ୍ଟୱେୟାରର ଇଡିଏର ଉପାଧ୍ୟକ୍ଷ ଏବଂ କଣ୍ଟ୍ରି ମ୍ୟାନେଜର ରୁଚିର ଦୀକ୍ଷିତ କହିଛନ୍ତି, ଭବିଷ୍ୟତର ସେମିକଣ୍ଡକ୍ଟର ସିଷ୍ଟମ, ଡିଭାଇସ୍ ଏବଂ ଉତ୍ପାଦଗୁଡ଼ିକୁ ଡିଜାଇନ୍ ଏବଂ ପୁନଃନିର୍ଦ୍ଧାରଣ କରିବାରେ ଅଗ୍ରଣୀ ଉଦ୍ୟୋଗୀ ଏବଂ ଗବେଷକମାନଙ୍କ ପାଇଁ ଭାରତ ଆଜି ଏକ ଗୁରୁତ୍ୱପୂର୍ଣ୍ଣ ସୁଯୋଗ ପ୍ରଦାନ କରିଛି। ସମଗ୍ର ଭାରତର ୨୫୦ଟି ଶିକ୍ଷାନୁଷ୍ଠାନରେ ଏହାର ଅତ୍ୟାଧୁନିକ ଇଡିଏ ଟେକ୍ନୋଲୋଜି ସମାଧାନର ଆକସେସ୍ ବିସ୍ତାର କରି ଭାରତ ସରକାର ଏବଂ ଇଲେକ୍ଟ୍ରୋନିକ୍ସ ଏବଂ ଆଇଟି ମନ୍ତ୍ରଣାଳୟର ର “ଚିପ୍ସ ଟୁ ଷ୍ଟାର୍ଟଅପ୍ (ସି୨ଏସ) କାର୍ଯ୍ୟକ୍ରମ”ରେ ଅଂଶଗ୍ରହଣ କରି ସିମେନ୍ସ ଗର୍ବ ଅନୁଭବ କରୁଛି । ପରବର୍ତ୍ତୀ ପିଢ଼ିର ଇଞ୍ଜିନିୟର, ଗବେଷକ ଏବଂ ଉଦ୍ୟୋଗୀଙ୍କୁ ସଶକ୍ତ କରି ଏକ ସୁଦୃଢ଼ ଏବଂ ଆତ୍ମନିର୍ଭରଶୀଳ ସେମିକଣ୍ଡକ୍ଟର ଇକୋସିଷ୍ଟମ ଗଠନ ଦିଗରେ ଦେଶର ଅତୁଟ ପ୍ରତିବଦ୍ଧତା ସହିତ ଆମର ଅବଦାନ ଏକ ସମନ୍ୱୟର ପ୍ରମାଣ ।

Categories
ଆଜିର ଖବର ରାଜ୍ୟ ଖବର

ସମ୍ବିଧାନ ଦିବସରେ ‘ମୋ ସମ୍ବିଧାନ ମୋ ଗୌରବ’ ପଦଯାତ୍ରା

ଭୁବନେଶ୍ବର: ସମ୍ବିଧାନ ଦିବସ ଅବସରରେ ଓଡ଼ିଶା ସରକାର ଏବଂ ଭାରତ ସରକାରଙ୍କ ଯୁବ ବ୍ୟାପାର ଓ କ୍ରୀଡ଼ା ମନ୍ତ୍ରଣାଳୟର ମାଇଁ ଭାରତ (ଏନୱାଇକେଏସ ଓ ଏନଏସଏସ) ପକ୍ଷରୁ ଆଜି ଭୁବନେଶ୍ୱର ଏଜି ଛକରେ ‘ସମ୍ବିଧାନ ଦିବସ ପଦଯାତ୍ରା’ ଅନୁଷ୍ଠିତ ହୋଇଯାଇଛି। ଏଥିରେ ମୁଖ୍ୟମନ୍ତ୍ରୀ ମୋହନ ଚରଣ ମାଝୀ, ଯୁବ ସେବା ଓ କ୍ରୀଡ଼ା, ଉଚ୍ଚଶିକ୍ଷା ଓ ସଂସ୍କୃତି ମନ୍ତ୍ରୀ  ସୂର୍ଯ୍ୟବଂଶୀ ସୁରଜ,  ସ୍ୱାସ୍ଥ୍ୟ ଓ ପରିବାର କଲ୍ୟାଣ, ସଂସଦୀୟ ବ୍ୟାପାର, ଇଲେକ୍ଟ୍ରୋନିକ୍ସ ଏବଂ ସୂଚନା ପ୍ରଯୁକ୍ତି ବିଦ୍ୟା ମନ୍ତ୍ରୀ ଡ. ମୁକେଶ ମହାଲିଙ୍ଗ ସମବାୟ, ହସ୍ତତନ୍ତ, ବୟନ ଓ ହସ୍ତଶିଳ୍ପ ମନ୍ତ୍ରୀ, ପ୍ରଦୀପ ବଳ ସାମନ୍ତ,  ଜଙ୍ଗଲ, ପରିବେଶ ଓ ଜଳବାୟୁ ପରିବର୍ତ୍ତନ, ଶ୍ରମ ଏବଂ କର୍ମଚାରୀ ରାଜ୍ୟ ବୀମା ମନ୍ତ୍ରୀ ଗଣେଶ ରାମ ସିଂ ଖୁଣ୍ଟିଆ, ଆଇନ, ପୂର୍ତ୍ତ, ଅବକାରୀ ମନ୍ତ୍ରୀ, ପୃଥ୍ୱୀରାଜ ହରିଚନ୍ଦନ ବାଣିଜ୍ୟ ଓ ପରିବହନ, ଇସ୍ପାତ ଓ ଖଣି ମନ୍ତ୍ରୀ  ବିଭୂତି ଭୂଷଣ ଜେନା, ଏନୱାଇକେଏସର ଆଞ୍ଚଳିକ ନିର୍ଦ୍ଦେଶକ ଶିବାଜୀ ଖରାଟ; ଏନଏସଏସର ଆଞ୍ଚଳିକ ନିର୍ଦ୍ଦେଶିକା ସରିତା ପଟେଲ ପ୍ରମୁଖ ଯୋଗ ଦେଇଥିଲେ।

ଅତିଥିଙ୍କ ଦ୍ୱାରା ଡ. ବାବାସାହେବ ଆମ୍ବେଦକରଙ୍କ ପ୍ରତିମୂର୍ତ୍ତିରେ ମାଲ୍ୟାର୍ପଣ କରି ଏହି କାର୍ଯ୍ୟକ୍ରମ ଆରମ୍ଭ ହୋଇଥିଲା।  ଏହି ଅବସରରେ ସମ୍ବିଧାନ ପ୍ରସ୍ତାବନା ପାଠ କରାଯାଇଥିଲା। ପଦଯାତ୍ରା ଏଜି ଛକଠାରୁ ଆରମ୍ଭ ହୋଇ କ୍ୟାପିଟାଲ ହସ୍ପିଟାଲ ପର୍ଯ୍ୟନ୍ତ ଯାଇଥିଲା। ପଦଯାତ୍ରାରେ ପାଖାପାଖି ୧୫୦୦ ଯୁବକ (ମାଇଁ ଭାରତ ସ୍ୱେଚ୍ଛାସେବୀ) ଉପସ୍ଥିତ ଥିଲେ। ମାଇଁ ଭାରତ ସ୍ୱେଚ୍ଛାସେବୀଙ୍କ ଦ୍ୱାରା ପଥପ୍ରାନ୍ତ ନାଟକ ଓ ବିଭିନ୍ନ ସାଂସ୍କୃତିକ କାର୍ଯ୍ୟକ୍ରମ ପରିବେଷଣ ସମାରୋହକୁ ଜୀବନ୍ତ କରିଥିଲା।

Categories
ଆଜିର ଖବର ରାଜ୍ୟ ଖବର

ଭାରତ ସରକାରଙ୍କ ରାଷ୍ଟ୍ରୀୟ ଅନୁସୂଚିତ ଜାତି ଆୟୋଗ କୋଲକାତାଙ୍କ ଖୋର୍ଦ୍ଧା ଜିଲ୍ଲା ପରିଦର୍ଶନ

ଖୋର୍ଦ୍ଧା: ଶୁକ୍ରବାର ଅପରାହ୍ନ ୪ ଘଣ୍ଟାରେ ଖୋର୍ଦ୍ଧା ଜିଲ୍ଲାପାଳଙ୍କ ଅଧ୍ୟକ୍ଷତ।ରେ ଜିଲ୍ଲାପାଳଙ୍କ ସମ୍ମିଳନୀ କକ୍ଷରେ ଭାରତ ସରକାରଙ୍କ ରାଷ୍ଟ୍ରୀୟ ଅନୁସୂଚିତ ଜାତି ଆୟୋଗ କୋଲକାତା ଲଭ କୁଶ କୁମାରଙ୍କ ଖୋର୍ଦ୍ଧା ଜିଲ୍ଲାର ଅନୁସୂଚିତ ଜାତି ସମ୍ବନ୍ଧୀୟ ଯୋଜନା ଗୁଡିକର ସମୀକ୍ଷା କରିଥିଲେ। ଏହି ବୈଠକରେ ଶରତ କୁମାର ଗର୍ଗ, ପ୍ରାଇଭେଟ ସେକ୍ରେଟାରୀ, ଷ୍ଟେଟ ଗେଷ୍ଟ/ ସୋନାଲୀ ଦତ୍ତ, ଡିରେକ୍ଟର, ଅନୁସୂଚିତ ଜାତି ଆୟୋଗ ଉପସ୍ଥିତ ଥିଲେ।

ସମୀକ୍ଷାରେ ଉଭୟ କେନ୍ଦ୍ରୀୟ ଓ ରାଜ୍ୟ ସରକାରଙ୍କ ବିଭିନ୍ନ ଯୋଜନାରେ  ଅନୁସୂଚିତ ଜାତି ଅନ୍ତର୍ଗତ  ହିତାଧିକାରୀ ମାନଙ୍କର  ଟିକିନିଖ ଆଲୋଚନା  କରଯାଇଥିଲା। ଏହି ଯୋଜନା ଗୁଡିକ ହେଉଛି ପ୍ରଧାନ ମନ୍ତ୍ରୀ ଆବାସ ଯୋଜନା, ଗ୍ରାମୀଣ ସ୍ବାସ୍ଥ୍ୟ ମିଶନ, ମୁଦ୍ରା ଯୋଜନା, RWSS ଙ୍କର ନଳକୂପ ଖନନ, ଛାତ୍ରବ।ସରେ ରହୁଥିବା ଛାତ୍ରୀ ଛାତ୍ର ମାନଙ୍କ ବିଭିନ୍ନ ବ୍ୟବସ୍ଥା, ପ୍ରାକ ଏବଂ ପରବର୍ତ୍ତୀ ମାଟ୍ରିକ ଛାତ୍ର ବୃତ୍ତି, କୃଷି ଜମା ପଟ୍ଟା ପ୍ରଦାନ, ଉଜ୍ଜଳା ଯୋଜନାର ହିତାଧିକାରୀ, ବିଭିନ୍ନ ଯୋଜନାରେ କେନ୍ଦ୍ରୀୟ ଓ ରାଜ୍ୟ ସରକାରଙ୍କର ଅନୁଦାନ ଉପରେ ଆଲୋଚନା କରଯାଇଥିଲା।

ଖୋର୍ଦ୍ଧା SP ଏବଂ ଭୂବନେଶ୍ବର DCPଙ୍କ ଅନ୍ତର୍ଗତ କ୍ରାଇମର  ବିଭିନ୍ନ ତଥ୍ୟ ଯଥା ମର୍ଡର, ରେଫ, ଆରର୍ସନ ଇତ୍ୟାଦି, ଆନ୍ତଃଜାତି ବିବାହକୁ ଆର୍ଥିକ ପ୍ରୋତ୍ସାହନ, atrocity ବାବଦରେ victimମାନଙ୍କୁ ତାଙ୍କର ସମୟ ସୀମା ମଧ୍ୟରେ ଉଚିତ ଆର୍ଥିକ ସହାୟତା ପ୍ରଦାନ କରାଯିବା ସହିତ  ସଠିକ ପଦକ୍ଷେପ ଗ୍ରହଣ କରିବାକୁ ଖୋର୍ଦ୍ଧା SP , ଭୂବନେଶ୍ବର DCP ଏବଂ DWO ଖୋର୍ଦ୍ଧାଙ୍କୁ ନିର୍ଦ୍ଦେଶ ଦିଆଯାଇଥିଲା।

ଏହି ବୈଠକରେ ଖୋରଧାର ଅତିରିକ୍ତ ଜିଲ୍ଲାପାଳ ପ୍ରତାପ ଚନ୍ଦ୍ର ବେଉରା ଏବଂ ସାଫଲ୍ୟମଣ୍ଡିତ ପ୍ରଧାନ, ଅତିରିକ୍ତ ଆରକ୍ଷୀ ଅଧିକ୍ଷକ ସୁରେନ୍ଦ୍ର ନାଥ ମୁର୍ମୁ, ଖୋରଧା ଉପଜିଲ୍ଲାପାଳ ଦୀପ୍ତିରଞ୍ଜନ ସେଠୀ, ଅତିରିକ୍ତ ମୁଖ୍ୟ ଉନ୍ନୟନ ତଥା କାର୍ଯ୍ୟ ନିର୍ବାହୀ ଅଧିକାରୀ କସ୍ତୂରିବାଳା  ଜେନା, ସି ଡି ଏମ ଓ , ଖୋର୍ଦ୍ଧା /ଜିଲ୍ଲା ମଙ୍ଗଳ ଅଧିକାରୀ ଏବଂ ବିଭିନ୍ନ ବିଭାଗୀୟ ଅଧିକାରୀ ପ୍ରମୁଖ ଯୋଗ ଦେଇଥିଲେ। ଶେଷରେ ଧନ୍ୟବାଦ ଦିଆଯାଇ ବୈଠକ ସାଙ୍ଗ କରଯାଇଥିଲା।

Categories
ଆଜିର ଖବର

‘ବିକଶିତ ଭାରତ ୨୦୪୭’ ଫଟୋଚିତ୍ର ପ୍ରଦର୍ଶନୀ ଉଦଘାଟିତ

ଭୁବନେଶ୍ୱର: ଭାରତ ସରକାରଙ୍କ ସୂଚନା ଓ ପ୍ରସାରଣ ମନ୍ତ୍ରଣାଳୟ ଅଧୀନସ୍ଥ କେନ୍ଦ୍ରୀୟ ସଞ୍ଚାର ବ୍ୟୁରୋ ଭୁବନେଶ୍ୱର ଆଞ୍ଚଳିକ କାର୍ଯ୍ୟାଳୟ ପକ୍ଷରୁ କେନ୍ଦ୍ର ସରକାରଙ୍କ ‘ବିକଶିତ ଭାରତ -୨୦୪୭’ ସମ୍ପର୍କିତ ଏକ ଫଟୋଚିତ୍ର ପ୍ରଦର୍ଶନୀ ଏବଂ ସଚେନତତା କାର୍ଯ୍ୟକ୍ରମ ଶୁକ୍ରବାର କଟକ ବାଲିଯାତ୍ରା ପଡ଼ିଆରେ ଉଦଘାଟିତ ହୋଇଯାଇଛି। ଦୀର୍ଘ ଆଠ ଦିନବ୍ୟାପୀ ଚାଲିବାକୁ ଥିବା ଏହି କାର୍ଯ୍ୟକ୍ରମକୁ କଟକ ଲୋକସଭା ନିର୍ବାଚନ ମଣ୍ଡଳୀ ସାଂସଦ ଶ୍ରୀ ଭର୍ତ୍ତୃହରି ମହତାବ ମୁଖ୍ୟ ଅତିଥି ଭାବରେ ଯୋଗଦେଇ ଉଦଘାଟନ କରିଥିଲେ। ଭାରତକୁ ୨୦୪୭ ମସିହା ସୁଦ୍ଧା ଏକ ବିକଶିତ ଓ ବିଶ୍ୱର ପ୍ରମୁଖ ସମୃଦ୍ଧଶାଳୀ ରାଷ୍ଟ୍ର ଭାବରେ ଗଢ଼ି ତୋଳିବା ପାଇଁ ସରକାରଙ୍କ ଉଦ୍ୟମକୁ ପ୍ରଶଂସା କରି ସେ କହିଥିଲେ, ମାନ୍ୟବର ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଦୃଷ୍ଟିକୋଣ ଏବଂ ଉଚ୍ଚ ଚିନ୍ତାଧାରା ଭାରତକୁ ଏକ ଶକ୍ତିଶାଳୀ ରାଷ୍ଟ୍ର ଭାବରେ ଗଢ଼ି ତୋଳୁଛି। ତାଙ୍କ ନେତୃତ୍ୱରେ ଭାରତ ଅନେକ ସ୍ୱପ୍ନକୁ ଆଜି ବାସ୍ତବତାର ରୂପ ଦେଇପାରିଛି। ବିଶ୍ୱ ଦରବାରରେ ଭାରତକୁ ଏକ ନୂତନ ପରିଚୟ ମିଳିପାରିଛି ବୋଲି ଶ୍ରୀ ମହତାବ ମତବ୍ୟକ୍ତ କରିଥିଲେ । ଅନ୍ୟମାନଙ୍କ ମଧ୍ୟରେ ଜଗତସିଂହପୁର ସାଂସଦ ବିଭୁପ୍ରସାଦ ତରାଇ ଏବଂ କଟକ ସଦର ବିଧାୟକ ପ୍ରକାଶ ଚନ୍ଦ୍ର ସେଠୀ ସମ୍ମାନିତ ଅତିଥି ଭାବେ ଯୋଗ ଦେଇଥିଲେ।

କାର୍ଯ୍ୟକ୍ରମରେ କେନ୍ଦ୍ରୀୟ ସଞ୍ଚାର ବ୍ୟୁରୋ ଏବଂ ପତ୍ର ସୂଚନା କାର୍ଯ୍ୟାଳୟର ଅତିରିକ୍ତ ମହାନିର୍ଦ୍ଦେଶକ ଅଖିଳ କୁମାର ମିଶ୍ର ଯୋଗଦେଇ ଏହି ପ୍ରଦର୍ଶନୀର ଲକ୍ଷ୍ୟ ଏବଂ ଉଦ୍ଦେଶ୍ୟ ସମ୍ପର୍କରେ ଆଲୋଚନା କରିଥିଲେ। ଅଧିକରୁ ଅଧିକ ଲୋକ ଏହାକୁ ବୁଲି ଦେଖିବା ସହ କେନ୍ଦ୍ର ସରକାରଙ୍କ ଯୋଜନା ଓ ବିଭିନ୍ନ କାର୍ଯ୍ୟକ୍ରମ ସମ୍ପର୍କରେ ଅବଗତ ହେବାକୁ ସେ ଆହ୍ୱାନ ଦେଇଥିଲେ। ଏହି ଅବସରରେ କେନ୍ଦ୍ରୀୟ ସଞ୍ଚାର ବ୍ୟୁରୋ ଭୁବନେଶ୍ୱରର ନିର୍ଦ୍ଦେଶକ ଡକ୍ଟର ଗିରିଶ ଚନ୍ଦ୍ର ଦାଶ ଓ ପତ୍ର ସୂଚନା କାର୍ଯ୍ୟାଳୟର ଉପନିର୍ଦ୍ଦେଶକ ମନୋଜ କୁମାର ଜାଲି ଉପସ୍ଥିତ ଥିଲେ। କେନ୍ଦ୍ରୀୟ ସଞ୍ଚାର ବ୍ୟୁରୋ ଭୁବନେଶ୍ୱର କ୍ଷେତ୍ର ପ୍ରଦର୍ଶନୀ ଅଧିକାରୀ ମହେନ୍ଦ୍ର ପ୍ରସାଦ କାର୍ଯ୍ୟକ୍ରମ ପରିଚାଳନା କରିଥିଲେ।

ଏହି ପ୍ରଦର୍ଶନୀରେ ଭାରତ ସରକାରଙ୍କ ବିଭିନ୍ନ ଲୋକାଭିମୁଖୀ ଯୋଜନା ସମ୍ପର୍କରେ ସୂଚନା ଦିଆଯାଇଥିବା ବେଳେ ବାଲିଯାତ୍ରା ବୁଲିବାକୁ ଆସୁଥିବା ଲକ୍ଷ ଲକ୍ଷ ଲୋକ ଏହାଦ୍ୱାରା ସଚେତନ ଏବଂ କେନ୍ଦ୍ର ସରକାରଙ୍କ ଯୋଜନାର ସୁଫଳ ପାଇପାରିବେ। ଆଠ ଦିନବ୍ୟାପୀ କେନ୍ଦ୍ରୀୟ ସଞ୍ଚାର ବ୍ୟୁରୋ ପ୍ରଦର୍ଶନୀ ମଞ୍ଚରେ ବିଭିନ୍ନ ସଚେତନଧର୍ମୀ ସାଂସ୍କୃତିକ କାର୍ଯ୍ୟକ୍ରମ ସହ ଆଲୋଚନାଚକ୍ର ଏବଂ ପ୍ରତିଯୋଗିତା ଆୟୋଜନ ମୁଖ୍ୟ ଆକର୍ଷଣ ହେବ।

Categories
ଆଜିର ଖବର ରାଜ୍ୟ ଖବର

ସିଏସଆଇଆର ଖଣିଜ ଏବଂ ବସ୍ତୁ ପ୍ରଯୁକ୍ତି ପ୍ରତିଷ୍ଠାନ ପରିସରରେ ଦୁଇଦିନିଆ ସିଆରଟିଡିଏଚ୍ ସମ୍ମିଳନୀ ଆରମ୍ଭ

ଭୁବନେଶ୍ବର: ଭୁବନେଶ୍ବରସ୍ଥିତ ସିଏସଆଇଆର ଖଣିଜ ଏବଂ ବସ୍ତୁ ପ୍ରଯୁକ୍ତି ପ୍ରତିଷ୍ଠାନ ପରିସରରେ ଦୁଇଦିନିଆ ସିଆରଟିଡିଏଚ୍ ସମ୍ମିଳନୀ ଆରମ୍ଭ ହୋଇଛି। ଭାରତ ସରକାରଙ୍କ ବିଜ୍ଞାନ ଓ ଶିଳ୍ପ ଗବେଷଣା ବିଭାଗ ପକ୍ଷରୁ ଏକକ ଗବେଷଣା ଓ ପ୍ରଯୁକ୍ତି ବିକାଶ କେନ୍ଦ୍ରଗୁଡ଼ିକ ଜରିଆରେ ଏମଏସଏମଇ ଓ ଷ୍ଟାର୍ଟଅପ୍ଗୁଡ଼ିକୁ ଭିତ୍ତିଭୂମି ସୁବିଧା, ବୈଷୟିକ ସହଯୋଗ ଏବଂ ସ୍ବତନ୍ତ୍ର ସେବା ଯୋଗାଇ ଦିଆଯାଉଛି। ଏହାକୁ ପ୍ରଦର୍ଶିତ କରିବା ଲାଗି ସିଆରଟିଡିଏଚ୍ ସମ୍ମିଳନୀ ଆରମ୍ଭ ହୋଇଛି।

ସାରା ଦେଶରେ ବର୍ତ୍ତମାନ ୧୮ଟି ଏକକ ଗବେଷଣା ଓ ପ୍ରଯୁକ୍ତି ବିକାଶ କେନ୍ଦ୍ର ରହିଛି। ଏସବୁ ଭାରତକୁ ବିଶ୍ବସ୍ତରୀୟ ଶିଳ୍ପ ଓ ନବଉନ୍ମେଷ କେନ୍ଦ୍ରରେ ପରିଣତ କରିବା ଲାଗି ଏମଏସଏମଇ ଓ ଷ୍ଟାର୍ଟଅପ୍ଗୁଡ଼ିକୁ ଆବଶ୍ୟକ ସହଯୋଗ ଯୋଗାଇ ଦେଉଛନ୍ତି। ଏ ସଂପର୍କରେ ସଚେତନତା ସୃଷ୍ଟି କରିବା ଲାଗି ସମ୍ମିଳନୀ ଆୟୋଜନ କରାଯାଇଛି। କାର୍ଯ୍ୟକ୍ରମରେ ବିଜ୍ଞାନ ଓ ଶିଳ୍ପ ଗବେଷଣା ବିଭାଗର ବରିଷ୍ଠ ଅଧିକାରୀ ଓ ବିଶେଷଜ୍ଞମାନେ ଯୋଗ ଦେଇଛନ୍ତି।

Categories
ଆଜିର ଖବର ଜାତୀୟ ଖବର ରାଜ୍ୟ ଖବର

କେନ୍ଦ୍ରରୁ ଫେରିଲେ ଆଇଏଏସ୍ ଅଧିକାରୀ ସଞ୍ଜୀବ ମିଶ୍ର, ବିଜ୍ଞପ୍ତି ପ୍ରକାଶ

ଭୁବନେଶ୍ୱର: ଓଡିଶା କ୍ୟାଡର୍ ଆଇଏଏସ୍ ଅଧିକାରୀ ସଞ୍ଜୀବ କୁମାର ମିଶ୍ର ଓଡିଶା ଫେରିବେ। ଶ୍ରୀ ମିଶ୍ରଙ୍କୁ ଓଡିଶା ଫେରାଇ ନେବା ପାଇଁ ଆଜି ଭାରତ ସରକାରଙ୍କ କାର୍ମିକ ମନ୍ତ୍ରାଳୟ ପକ୍ଷରୁ ବିଜ୍ଞପ୍ତି ପ୍ରକାଶ ପାଇଛି।

ଶ୍ରୀ ମିଶ୍ର ଏବେ କେନ୍ଦ୍ରରେ ନ୍ୟାସନାଲ ରିକ୍ୟୁଟ୍‌ମେଣ୍ଟ ଏଜେନ୍ସିର ସଚିବ ତଥା ପରୀକ୍ଷା ନିୟନ୍ତ୍ରକ ଭାବେ କାର୍ଯ୍ୟ କରୁଛନ୍ତି। ଓଡିଶା ପ୍ରତ୍ୟାବର୍ତ୍ତନ କରିବା ପରେ ରାଜ୍ୟ ସରକାର ତାଙ୍କୁ ନିଯୁକ୍ତି ପ୍ରଦାନ କରିବେ।

Categories
ଆଜିର ଖବର ଜାତୀୟ ଖବର

ପିଆଇବି ଓ ସିବିସି ପକ୍ଷରୁ ଦୁର୍ନୀତି ନିବାରଣ ସଚେତନତା କର୍ମଶାଳା

ନୂଆଦିଲ୍ଲୀ: ଭାରତ ସରକାରଙ୍କ ସୂଚନା ଓ ପ୍ରସାରଣ ମନ୍ତ୍ରଣାଳୟ ଅଧୀନ ପତ୍ରସୂଚନା କାର୍ଯ୍ୟାଳୟ (ପିଆଇବି) ଏବଂ କେନ୍ଦ୍ରୀୟ ସଂଚାର ବ୍ୟୁରୋ (ସିବିସି) ପକ୍ଷରୁ ଦୁର୍ନୀତି ନିବାରଣ ସଚେତନତା ସମ୍ପର୍କିତ କର୍ମଶାଳା ଅନୁଷ୍ଠିତ ହୋଇଯାଇଛି। ଏହାର ଅଂଶବିଶେଷ ସ୍ୱରୂପ, ଦୁର୍ନୀତି ନିବାରଣ ଉପରେ ଏକ ସ୍ବତନ୍ତ୍ର ଜ୍ଞାନ ବିନିମୟ ଅଧିବେଶନ ଅନୁଷ୍ଠିତ ହୋଇଥିଲା। ଏଥିରେ ଦୁର୍ନୀତି ନିବାରଣ ଉପରେ ବିସ୍ତୃତ ଆଲୋଚନା କରାଯାଇଥିଲା। କାର୍ଯ୍ୟସ୍ଥଳୀରେ ଅସତ୍‌ ଆଚରଣକୁ ରୋକିବା ଏବଂ ସ୍ବଚ୍ଛତା ଓ ନୈତିକ ଅଭ୍ୟାସ ଆଚରଣ କରିବା ଉପରେ ବରିଷ୍ଠ ଅଧିକାରୀମାନେ ଗୁରୁତ୍ବାରୋପ କରିଥିଲେ।

କାର୍ଯ୍ୟକ୍ରମରେ ଅବସରପ୍ରାପ୍ତ ଆଇଏଏସ ପ୍ରଦୀପ କୁମାର ବିଶ୍ବାଳ ମୁଖ୍ୟ ଅତିଥି ଭାବେ ଯୋଗ ଦେଇଥିଲେ। ପିଆଇବିର ଅତିରିକ୍ତ ମହାନିର୍ଦ୍ଦେଶକ ଅଖିଳ କୁମାର ମିଶ୍ର ଏବଂ କେନ୍ଦ୍ରୀୟ ସଂଚାର ବ୍ୟୁରୋର ନିର୍ଦ୍ଦେଶକ ଡକ୍ଚର ଗିରିଶ ଚନ୍ଦ୍ର ଦାସ ପ୍ରମୁଖ ଏହି ଅବସରରେ ଉପସ୍ଥିତ ଥିଲେ। ବିଭାଗର ଅଧିକାରୀ ଓ କର୍ମଚାରୀମାନେ ଦୁର୍ନୀତି ନିବାରଣ ପାଇଁ ଶପଥ ପାଠ କରିଥିଲେ।

Categories
ଆଜିର ଖବର ଜାତୀୟ ଖବର

କ୍ରିଏଟ ଇନ୍ ଇଣ୍ଡିଆ ଚ୍ୟାଲେଞ୍ଜ ସାରା ଦେଶରେ ଉତ୍ସାହପୂର୍ଣ୍ଣ ଭାବେ ଅତିକ୍ରମ କଲା ୧୦,୦୦୦ ପଞ୍ଜୀକରଣ

ନୂଆଦିଲ୍ଲୀ: ଭାରତ ସରକାରଙ୍କ ସୂଚନା ଓ ପ୍ରସାରଣ ମନ୍ତ୍ରଣାଳୟ  ୱାର୍ଲ୍ଡ ଅଡିଓ ଭିଜୁଆଲ୍ ଏଣ୍ଟରଟେନମେଣ୍ଟ ସମିଟ (ୱେଭ୍ସ)ର ଅଗ୍ରଣୀ କ୍ରିଏଟ୍ ଇନ୍ ଇଣ୍ଡିଆ ଚ୍ୟାଲେଞ୍ଜ୍ – ସିଜିନ୍ ୧ (ସିଆଇସି) କୁ ମିଳୁଥିବା ଜବରଦସ୍ତ ପ୍ରତିକ୍ରିୟା ସମ୍ପର୍କରେ ଘୋଷଣା କରି ଆନନ୍ଦ ପ୍ରକାଶ କରିଛି। ୱେଭ୍ସ ମିଶନକୁ ଆଧାର କରି କ୍ରିଏଟ ଇନ୍ ଇଣ୍ଡିଆ ଚ୍ୟାଲେଞ୍ଜ ସୃଜନଶୀଳ ଅଭିବ୍ୟକ୍ତି ଏବଂ ନବସୃଜନ ପାଇଁ ଏକ ପ୍ଲାଟଫର୍ମ ପ୍ରଦାନ କରି ଏହି ଦୃଷ୍ଟିକୋଣକୁ ଜୀବନ୍ତ କରିଛି ।

ଭାରତର କ୍ରିଏଟର୍ସ ଇକୋନୋମି ଉପରେ ଗଭୀର ପ୍ରଭାବ ପକାଇବା, ବିଷୟବସ୍ତୁ ପ୍ରସ୍ତୁତକାରୀ ଏବଂ ସୃଜନକାରୀ ମାନଙ୍କୁ ସେମାନଙ୍କ ପ୍ରତିଭା ପ୍ରଦର୍ଶନ କରିବା, ସେମାନଙ୍କ ଦକ୍ଷତାକୁ ମୁଦ୍ରାକରଣ କରିବା ଏବଂ ଭାରତୀୟ ଗଣମାଧ୍ୟମ ଏବଂ ମନୋରଞ୍ଜନ ଶିଳ୍ପର ଅଭିବୃଦ୍ଧିରେ ଯୋଗଦାନ କରିବା ସିଆଇସିର ଲକ୍ଷ୍ୟ ରହିଛି । ଏହା ବିଶ୍ୱସ୍ତରରେ ଭାରତର ସଫ୍ଟ ପାୱାର (କୋମଳ ଶକ୍ତି)କୁ  ବୃଦ୍ଧି କରିଥାଏ ଏବଂ ଭାରତର ଉଦୀୟମାନ ସୃଜନଶୀଳ ପ୍ରତିଭାଙ୍କ ପାଇଁ ଏକ ଲଞ୍ଚପ୍ୟାଡ୍ ଭାବରେ କାର୍ଯ୍ୟ କରେ, ଯାହା ସେମାନଙ୍କୁ ବିଶ୍ୱସ୍ତରୀୟ ସ୍ୱୀକୃତି ଆଡକୁ ଆଗେଇ ନେଇଥାଏ ।

ୱେଭ୍ସ ୱେବସାଇଟ : https://wavesindia.org/challenges-2025 ରେ ସମସ୍ତ ଚ୍ୟାଲେଞ୍ଜ ପାଇଁ ପଞ୍ଜୀକରଣ ଖୋଲା ରହିଛି।

ସିଆଇସି : ନବସୃଜନ ପାଇଁ ଏକ ବିବିଧ ପ୍ଲାଟଫର୍ମ

ଚଳିତ ବର୍ଷ ଅଗଷ୍ଟ ୨୨ ତାରିଖରେ ଆରମ୍ଭ ହୋଇଥିବା ସିଆଇସି ଦେଶବ୍ୟାପୀ ଏବଂ ବିଶ୍ୱସ୍ତରରେ ଉଲ୍ଲେଖନୀୟ ଆକର୍ଷଣ ହାସଲ କରିଛି, ଯେଉଁଥିରେ ଟ୍ରୁଥ୍ ଟେଲ୍ ହାକାଥନ୍, କମିକ୍ସ କ୍ରିଏଟର ଚାମ୍ପିଅନସିପ୍, ଇସ୍ପୋର୍ଟସ୍ ଟୁର୍ଣ୍ଣାମେଣ୍ଟ, ଟ୍ରେଲର ମେକିଂ ପ୍ରତିଯୋଗିତା, ଥିମ୍ ମ୍ୟୁଜିକ୍ ପ୍ରତିଯୋଗିତା, ଏକ୍ସଆର୍ କ୍ରିଏଟର ହାକାଥନ୍, ଏଆଇ ଅବତାର କ୍ରିଏଟର ଚ୍ୟାଲେଞ୍ଜ, ଆନିମେ ଚ୍ୟାଲେଞ୍ଜ ସମେତ ୨୭ଟି ଚ୍ୟାଲେଞ୍ଜ ରହିଛି।

ମିଡିଆ ଏବଂ ମନୋରଞ୍ଜନ ଶିଳ୍ପର ବିଭିନ୍ନ କ୍ଷେତ୍ର , ଯଥା ପ୍ରସାରଣ, ବିଜ୍ଞାପନ, ସଙ୍ଗୀତ, ଏଭିଜିସି-ଏକ୍ସ, ଡିଜିଟାଲ ମିଡିଆ, ସୋସିଆଲ ମିଡିଆ, ଚଳଚ୍ଚିତ୍ର, ଉଦୀୟମାନ ପ୍ରଯୁକ୍ତି ବିଦ୍ୟା ଏବଂ ଅନ୍ୟାନ୍ୟ କ୍ଷେତ୍ରରେ ଏହି ଚ୍ୟାଲେଞ୍ଜଗୁଡିକ ବ୍ୟାପକ ହୋଇ ରହିଛି ।

ସିଆଇସି କାର୍ଯ୍ୟକଳାପ ଜୋରସୋରରେ ଚାଲିଛି

ଦେଶବ୍ୟାପୀ ଅଂଶଗ୍ରହଣକୁ ପ୍ରୋତ୍ସାହିତ କରିବା ନିମନ୍ତେ ଶିଳ୍ପ ସଂଘ ସହଯୋଗରେ ଅନେକ ସଫଳ ରୋଡ୍ ସୋ ଆୟୋଜନ କରାଯାଇଥିଲା । ସେପ୍ଟେମ୍ବର ୨୦, ୨୦୨୪ରେ ହାଇଦ୍ରାବାଦ ଠାରେ ଇଣ୍ଡିଆ ଗେମ୍ ଡେଭଲପର୍ ସମ୍ମିଳନୀ (ଆଇଜିଡିସି)ର ସମର୍ଥନରେ ୫୦ ଜଣ ଶିଳ୍ପ ପେସାଦାରଙ୍କ ସମେତ ୨୫୦ରୁ ଅଧିକ ପ୍ରତିଯୋଗୀ ଅଂଶଗ୍ରହଣ କରିଥିଲେ।

ସେପ୍ଟେମ୍ବର ୨୮ ତାରିଖରେ ଚେନ୍ନାଇ ଭେଗାସ ଫେଷ୍ଟ ୫,୦୦୦ରୁ ଅଧିକ ଛାତ୍ରଛାତ୍ରୀଙ୍କୁ ଆକର୍ଷିତ କରିଥିଲା, ଯାହା  ଫିକ୍କି ଦ୍ୱାରା ସଂଯୋଜିତ ଏଭିଜିସି କ୍ଷେତ୍ରର ମହତ୍ୱ ଉପରେ ଗୁରୁତ୍ୱାରୋପ କରିଥିଲା । ଭାରତୀୟ ଗଣମାଧ୍ୟମ ଓ ମନୋରଞ୍ଜନ ସଂଘ (ଏମ୍ଇଏଆଇ) ଏବଂ ଏବିଏଆଇ ଏଭିଜିସି ସେଣ୍ଟର ଅଫ୍ ଏକ୍ସଲେନ୍ସ (ସିଓଇ)ର ମିଳିତ ଆନୁକୂଲ୍ୟରେ ଅକ୍ଟୋବର ୫ ତାରିଖରେ ବାଙ୍ଗାଲୋର ରୋଡ୍ ସୋ’ ମାଧ୍ୟମରେ ୪୦ – ୫୦ଟି ଶିଳ୍ପନେତୃତ୍ଵ ଓ ସଂଘ ମଧ୍ୟରେ ମୂଲ୍ୟବାନ ବାର୍ତ୍ତାଳାପର ବ୍ୟବସ୍ଥା କରିଥିଲା।

ସୂଚନା ଏବଂ ପ୍ରସାରଣ ମନ୍ତ୍ରଣାଳୟ ବ୍ୟାପକ ଦର୍ଶକଙ୍କୁ ଆକର୍ଷିତ କରି ଏବଂ ଭାରତର ସୃଜନଶୀଳ ଉଦ୍ୟୋଗ ମଧ୍ୟରେ ସର୍ବାଧିକ ଅଂଶଗ୍ରହଣ କରି କ୍ରିଏଟ୍ ଇନ୍ ଇଣ୍ଡିଆ ଚ୍ୟାଲେଞ୍ଜ (ସିଆଇସି) ସିଜିନ୍ – ୧ ଏବଂ ବିଶ୍ୱ ଅଡିଓ ଭିଜୁଆଲ୍ ଏଣ୍ଟରଟେନମେଣ୍ଟ  ଶିଖର ସମ୍ମିଳନୀ (ୱେଭ୍ସ) ର ପ୍ରସାରକୁ ବୃଦ୍ଧି କରିବା ପାଇଁ ସମଗ୍ର ଭାରତରେ ଆଗାମୀ ଗଣମାଧ୍ୟମ ଏବଂ ମନୋରଞ୍ଜନ କାର୍ଯ୍ୟକ୍ରମ ସହିତ ସକ୍ରିୟ ସହଯୋଗ କରୁଛି।

ବର୍ତ୍ତମାନ ସୁଦ୍ଧା ୧୦,୦୦୦ରୁ ଅଧିକ ସଂଖ୍ୟାରେ ପଞ୍ଜୀକରଣ ହୋଇଥିବା ବେଳେ ଦୈନିକ ଏହି ସଂଖ୍ୟା ବୃଦ୍ଧି ପାଉଛି। ଏହାର ସଫଳତାକୁ ଆଧାର କରି ସୂଚନା ଓ ପ୍ରସାରଣ ମନ୍ତ୍ରଣାଳୟ ସମଗ୍ର ଭାରତରେ ଅନେକ ରୋଡ୍ ସୋ’ ଆୟୋଜନ କରିବାକୁ ଯୋଜନା କରୁଛି, ଯେଉଁଥିରେ ଯୁବବର୍ଗ ଏବଂ ଛାତ୍ରଛାତ୍ରୀଙ୍କୁ ସାମିଲ କରିବା ପାଇଁ ଉଚ୍ଚ ଶିକ୍ଷାନୁଷ୍ଠାନ ଗୁଡ଼ିକ ସହ ଭାଗିଦାରୀ କରାଯିବ। ଡିଜିଟାଲ ମିଡିଆ, ଏଭିଜିସି ଏବଂ ଉଦୀୟମାନ ପ୍ରଯୁକ୍ତି ବିଦ୍ୟା ଭଳି ସୃଜନଶୀଳ କ୍ଷେତ୍ରର ସମ୍ଭାବନାକୁ ଉପଲବ୍ଧ କରିବାରେ ସାହାଯ୍ୟ କରି ଛାତ୍ରଛାତ୍ରୀ ଏବଂ ଉଦୀୟମାନ ନିର୍ମାତାମାନଙ୍କୁ ପ୍ରେରଣା ଯୋଗାଇବା ପାଇଁ ଏହି ଅଭିଯାନ ପ୍ରୟାସ କରୁଛି।

ୱେଭ୍ସ ଏବଂ କ୍ରିଏଟ ଇନ୍ ଇଣ୍ଡିଆ ଚ୍ୟାଲେଞ୍ଜର ପ୍ରଭାବକୁ ଆହୁରି ବଢ଼ାଇବା ପାଇଁ ମନ୍ତ୍ରଣାଳୟ ଏକ ବ୍ୟାପକ ପ୍ରଚାର ଅଭିଯାନ ଯୋଜନା କରୁଛି। ଏଥିରେ ସୋସିଆଲ ମିଡିଆ ସହଯୋଗ, ଭାରତର ପ୍ରାୟ ୨୮ଟି ସ୍ଥାନରେ ଘରୋଇ ରୋଡ୍ ସୋ ଏବଂ ଯୁକ୍ତରାଷ୍ଟ୍ର ଆମେରିକା, ଦକ୍ଷିଣ କୋରିଆ ଏବଂ ଜାପାନ​‌​‌ରେ ଅନ୍ତର୍ଜାତୀୟ ରୋଡ୍ ସୋ ଅନ୍ତର୍ଭୁକ୍ତ। ଏହି କାର୍ଯ୍ୟକ୍ରମ ଗୁଡ଼ିକ ସହଯୋଗକୁ ପ୍ରୋତ୍ସାହିତ କରିବ, ଉତ୍ସାହ ସୃଷ୍ଟି କରିବ ଏବଂ ବିଶ୍ୱସ୍ତରୀୟ ଅଂଶଗ୍ରହଣକୁ ଆକୃଷ୍ଟ କରିବ।

Categories
ଆଜିର ଖବର ରାଜ୍ୟ ଖବର

ଓଡ଼ିଶା ସରକାର, ଦକ୍ଷତା ବିକାଶ ଆୟୋଗ ଏବଂ କର୍ମଯୋଗୀ ଭାରତ ମଧ୍ୟରେ ତ୍ରିପାକ୍ଷିକ ବୁଝାମଣାପତ୍ର ସ୍ୱାକ୍ଷରିତ 

ଭୁବନେଶ୍ୱର: ସରକାରୀ କର୍ମଚାରୀଙ୍କ ପ୍ରଶିକ୍ଷଣ ଓ ଦକ୍ଷତା ବୃଦ୍ଧି ଦିଗରେ ଏକ ଐତିହାସିକ ପଦକ୍ଷେପ ସ୍ୱରୂପ ଓଡ଼ିଶା ସରକାର, ଭାରତ ସରକାରଙ୍କ ଦକ୍ଷତା ବିକାଶ ଆୟୋଗ (ସିବିସି) ଏବଂ କର୍ମଯୋଗୀ ଭାରତ ମଧ୍ୟରେ ଆଜି ଏକ ତ୍ରିପାକ୍ଷିକ ବୁଝାମଣାପତ୍ର ସ୍ୱାକ୍ଷରିତ ହୋଇଛି। ଭୁବନେଶ୍ୱର ଲୋକସେବା ଭବନସ୍ଥିତ ୨ୟ ମହଲା ସମ୍ମିଳନୀ କକ୍ଷରେ ଆୟୋଜିତ ଏହି କାର୍ଯ୍ୟକ୍ରମରେ ଏହି ଚୁକ୍ତିନାମା ଆନୁଷ୍ଠାନିକ ଭାବେ ସ୍ୱାକ୍ଷରିତ ହୋଇଥିବା ସ୍ଥଳେ  ଲୋକସେବା ଭବନ ପ୍ରଥମ ମହଲା ସ୍ଥିତ ରାଜସ୍ୱ ଏବଂ  ବିପର୍ଯ୍ୟୟ ପରିଚାଳନା ବିଭାଗ ସମ୍ମିଳନୀ କକ୍ଷ ଓ ଅନ୍ୟ ବିଭିନ୍ନ ସ୍ଥାନରୁ ଅଂଶଗ୍ରହଣକାରୀମାନେ ଆଭାସୀ  ବ୍ୟବସ୍ଥା ମାଧ୍ୟମରେ ଯୋଗଦେଇଥିଲେ।

ଏହି ତ୍ରୈପାକ୍ଷିକ ଚୁକ୍ତିନାମା ଓଡ଼ିଶାରେ ବିଶେଷ କରି ସିଭିଲ ସର୍ଭିସ୍ ସେବାରେ ନିଯୁକ୍ତି ପାଉଥିବା ସରକାରୀ କର୍ମଚାରୀମାନଙ୍କୁ ପ୍ରଶିକ୍ଷଣ ପ୍ରଦାନ କ୍ଷେତ୍ରରେ ବୈପ୍ଳବିକ ପରିବର୍ତ୍ତନ ଆଣିବ ବୋଲି ଆଶା କରାଯାଉଛି।

ଓଡ଼ିଶା ସରକାରଙ୍କ ତରଫରୁ ଗୋପବନ୍ଧୁ ପ୍ରଶାସନିକ ଏକାଡେମୀର ମହା ନିର୍ଦ୍ଦେଶକ ଜି. ମାଥିଭାଥାନନ୍, ସିବିସିର ସଚିବ ତଥା ‘କର୍ମଯୋଗୀ ଭାରତ’ର ମୁଖ୍ୟ କାର୍ଯ୍ୟନିର୍ବାହୀ ଭି.ଲଳିତା ଲକ୍ଷ୍ମୀ ଏହି ବୁଝାମଣାପତ୍ରରେ ସ୍ୱାକ୍ଷର କରିଥିଲେ। ଏହି କାର୍ଯ୍ୟକ୍ରମରେ ଓଡ଼ିଶା ମୁଖ୍ୟ ଶାସନ ସଚିବ,ଓଡ଼ିଶା ମନୋଜ ଆହୁଜା,ଦକ୍ଷତା ବିକାଶ ଆୟୋଗର ମାନବ ସମ୍ବଳ ସଦସ୍ୟ ଡ. ଆର୍ ବାଲସୁବ୍ରମଣ୍ୟମ ପ୍ରମୁଖଙ୍କ  ଯୋଗଦେଇଥିଲେ। ଏଥିରେ ଓଡ଼ିଶା ରାଜ୍ୟ ସରକାରଙ୍କ ବିଭିନ୍ନ ବିଭାଗର ସଚିବ,  ନୋଡାଲ ଅଫିସର (ଦକ୍ଷତା ବିକାଶ) ଏବଂ ସମସ୍ତ ରାଜ୍ୟସ୍ତରୀୟ ସରକାରୀ ପ୍ରଶିକ୍ଷଣ ଅନୁଷ୍ଠାନର ମୁଖ୍ୟ ଏହି କାର‌୍ୟ୍ୟକ୍ରମରେ ଯୋଗ ଦେଇଥିଲେ। ଏହି ଅବସରରେ ଆଇଜିଓଟି ପ୍ଲାଟଫର୍ମ ମାଧ୍ୟମରେ ପ୍ରଶିକ୍ଷଣ ଏବଂ ଦକ୍ଷତା ବିକାଶର ଡିଜିଟାଲ ରୂପାନ୍ତର ଉପରେ ଏକ କର୍ମଶାଳା ଅନୁଷ୍ଠିତ ହୋଇଥିଲା।

ଏହି ପ୍ରଶିକ୍ଷଣ ସହଯୋଗ, ରାଜ୍ୟ ପାଇଁ ବାର୍ଷିକ ଦକ୍ଷତା ବିକାଶ ଯୋଜନାର ବିକାଶ ସମେତ ଅନେକ ଗୁରୁତ୍ୱପୂର୍ଣ୍ଣ କ୍ଷେତ୍ର ଉପରେ ଧ୍ୟାନ ଦିଆଯାଇ ପ୍ରସ୍ତୁତ କରାଯାଇଛି,ଯାହା  ଓଡ଼ିଶାର ସରକାରୀ କର୍ମଚାରୀଙ୍କ ଦକ୍ଷତା ବୃଦ୍ଧି କରିବାରେ ସହାୟକ ହେବ। ଏହି ପ୍ରଶିକ୍ଷଣ ଢାଞ୍ଚା ବିଭିନ୍ନ କାର‌୍ୟ୍ୟକ୍ରମ ଏବଂ ଦକ୍ଷତା ପରିଚାଳନାକୁ ସମର୍ଥନ କରୁଛି।  ଆଇଜିଓଟି ପ୍ଲାଟଫର୍ମରେ ଶିକ୍ଷଣ ସମ୍ବଳ ଚିହ୍ନଟ ଏବଂ ପ୍ରକାଶନ; ବିଷୟବସ୍ତୁ ବିକାଶକାରୀଙ୍କୁ ଚିହ୍ନଟ କରିବାରେ ରାଜ୍ୟକୁ ସହାୟତା କରିବା ସଙ୍ଗେ ସଙ୍ଗେ  ଦକ୍ଷତା ବିକାଶ ପାଇଁ ରାଜ୍ୟ ଏବଂ କେନ୍ଦ୍ର ସରକାରଙ୍କ ମଧ୍ୟରେ ଗତିଶୀଳ ସହଯୋଗକୁ ପ୍ରୋତ୍ସାହିତ କରିବା; ରାଜ୍ୟ ସରକାରଙ୍କ ବିଭିନ୍ନ ବିଭାଗ ଓ କର୍ମଚାରୀଙ୍କୁ ଆଇଜିଓଟି ପ୍ଲାଟଫର୍ମକୁ ଆଣିବା; ଏବଂ ରାଜ୍ୟ ସରକାରୀ କର୍ମଚାରୀଙ୍କ ପାଇଁ ଏକ ଦକ୍ଷତା ପାସ୍ ବୁକ୍ ବିକଶିତ କରିବାରେ ଏହା ସହାୟକ ହେବ।

ଏହି ବୁଝାମଣାପତ୍ର ଓଡ଼ିଶାର ପ୍ରଶିକ୍ଷଣ ଅନୁଷ୍ଠାନଗୁଡ଼ିକର ପରିଚାଳନା ଦକ୍ଷତା ବୃଦ୍ଧି କରିବା ସହ  ରାଜ୍ୟସ୍ତରୀୟ ପ୍ରଶିକ୍ଷଣ କାର‌୍ୟ୍ୟକ୍ରମଗୁଡ଼ିକୁ ମିଶନ କର୍ମଯୋଗୀର ଜାତୀୟ ଉଦ୍ଦେଶ୍ୟ ସହ ଯୋଡ଼ିବା ଦିଗରେ ଏକ ଗୁରୁତ୍ୱପୂର୍ଣ୍ଣ ପଦକ୍ଷେପ। ଏହି  ଚୁକ୍ତିନାମା ସରକାରୀ କର୍ମଚାରୀମାନଙ୍କ ପ୍ରଶିକ୍ଷଣର ଗୁଣବତ୍ତା ଓ ପରିସରରେ ଉନ୍ନତି ଆଣି ଓଡ଼ିଶାର ଶାସନ ବ୍ୟବସ୍ଥାରେ ପରିବର୍ତ୍ତନ ଆଣିବାରେ ଏକ ଗୁରୁତ୍ୱପୂର୍ଣ୍ଣ ପଦକ୍ଷେପ ଭାବେ କାର‌୍ୟ୍ୟ କରିବ ବୋଲି ଆଶା କରାଯାଉଛି।

ଏହି ତ୍ରିପାକ୍ଷିକ ବୁଝାମଣାପତ୍ର ଏକ ଦୂରଦୃଷ୍ଟି ସମ୍ପନ୍ନ ସିଭିଲ୍ ସର୍ଭିସ୍ ପ୍ରଶିକ୍ଷଣ ଇକୋସିଷ୍ଟମ୍ ସୃଷ୍ଟି କରିବା ଦିଗରେ ଓଡ଼ିଶାର ପ୍ରତିବଦ୍ଧତାକୁ ପ୍ରତିଫଳିତ କରିବା ସହ ଭବିଷ୍ୟତ ପାଇଁ ଏକ ସଶକ୍ତ, ଦକ୍ଷ ଏବଂ  ସକ୍ଷମ ପ୍ରଶାସନିକ ଢାଞ୍ଚା ପ୍ରସ୍ତୁତି ଦିଗରେ ଏକ ପ୍ରମୁଖ ପଦକ୍ଷେପ ହୋଇଛି  ଗୋପବନ୍ଧୁ ପ୍ରଶାସନିକ  ଏକାଡେମୀର ମହାନିର୍ଦ୍ଦେଶକ ଏହି ବ୍ୟବସ୍ଥାରେ ରହିଥିବା ବିଭିନ୍ନ ପ୍ରଶିକ୍ଷଣ ପଦ୍ଧତିର ଢାଞ୍ଚା କିପରି ପ୍ରଶିକ୍ଷାର୍ଥୀଙ୍କ ଦକ୍ଷତା ବୃଦ୍ଧିରେ ସହାୟକ ହେବ, ସେ ସମ୍ପର୍କରେ ଆଲୋକପାତ କରିଥିଲେ।

ମୁଖ୍ୟ ଶାସନ ସଚିବ ଶ୍ରୀ ଆହୁଜା ତାଙ୍କ ବକ୍ତବ୍ୟରେ ୨୦୩୬ ସୁଦ୍ଧା ଏକ ବିକଶିତ ଓଡ଼ିଶାର ସ୍ୱପ୍ନକୁ ସାକାର କରିବା ସହ ୨୦୪୭ ସୁଦ୍ଧା ବିକଶିତ ଭାରତ ଗଠନର ସ୍ୱପ୍ନକୁ ସାକାର କରିବାରେ ଓଡ଼ିଶାର ଯୋଗଦାନ  ପାଇଁ ଏକ ଦକ୍ଷ ଏବଂ ସଶକ୍ତ ପ୍ରଶାସନିକ କଳ ନିମନ୍ତେ ଏହି ପଦକ୍ଷେପ ଏକ ସୁଦୃଢ଼ ମୂଳଦୂଆ ହେବ ବୋଲି  ପ୍ରକାଶ କରିଥିଲେ।

Categories
ଆଜିର ଖବର ରାଜ୍ୟ ଖବର

କାର୍ଯ୍ୟ କ୍ଷେତ୍ରରେ ହିନ୍ଦୀ ବ୍ୟବହାରକୁ ପ୍ରୋତ୍ସାହିତ କରିବା ପାଇଁ କ୍ଷେତ୍ରୀୟ ରାଜଭାଷା କାର୍ଯ୍ୟାନ୍ୱୟନ କମିଟି ବୈଠକ

ଭୁବନେଶ୍ୱର: ଭାରତ ସରକାରଙ୍କ ସରକାରୀ ଭାଷା ନୀତି ସହିତ ସରକାରୀ କାର୍ଯ୍ୟରେ ହିନ୍ଦୀ ଭାଷାର ବ୍ୟବହାରକୁ ମଜବୁତ କରିବା ପାଇଁ ପୂର୍ବତଟ ରେଳପଥ ଏହାର ମୁଖ୍ୟାଳୟ ଭୁବନେଶ୍ୱରର ଚନ୍ଦ୍ରଶେଖରପୁରସ୍ଥିତ ରେଳ ସଦନ ଠାରେ ଏକ କ୍ଷେତ୍ରୀୟ ରାଜଭାଷା କାର୍ଯ୍ୟାନ୍ୱୟନ କମିଟି ବୈଠକ ଆୟୋଜନ କରିଥିଲା। ସମସ୍ତ ସ୍ତରରେ ସରକାରୀ କାର୍ଯ୍ୟରେ ହିନ୍ଦୀ ବ୍ୟବହାରକୁ ବୃଦ୍ଧି କରାଇବା ପାଇଁ ପୂର୍ବତଟ ରେଳପଥର ପ୍ରତିବଦ୍ଧତାକୁ ଏହି ବୈଠକରେ ଦର୍ଶାଯାଇଛି।

ଏହି ବୈଠକରେ ପୂର୍ବତଟ ରେଳପଥର ମହାପ୍ରବନ୍ଧକ ପରମେଶ୍ୱର ଫୁଙ୍କୱାଲ ଯୋଗଦାନ କରି ସରକାରୀ କାର୍ଯ୍ୟକଳାପରେ ବିଶେଷ ଭାବରେ ଇ-ଫାଇଲ, ଇ-ଅଫିସ ଏବଂ ଅଫିସିଆଲ ନୋଟିଙ୍ଗସ ମାଧ୍ୟମରେ ହିନ୍ଦୀ ବ୍ୟବହାରର ମହତ୍ତ୍ୱ ଉପରେ ଆଲୋକପାତ କରିଥିଲେ। ଦୈନନ୍ଦିନ କାର୍ଯ୍ୟରେ ହିନ୍ଦୀ ଭାଷାର ଗୁରୁତ୍ୱ ଉପରେ ପ୍ରାଥମିକତା ଦେଇ ନୋଟ୍ ଡ୍ରାଫ୍ଟ ଏବଂ ଚିଠି ଲେଖିବାକୁ ସେ କର୍ମଚାରୀମାନଙ୍କୁ ଉପଦେଶ ଦେଇଥିଲେ।

ସରକାରୀ କାର୍ଯ୍ୟରେ ହିନ୍ଦୀର ବ୍ୟବହାରକୁ ଆହୁରି ବୃଦ୍ଧି କରାଇବା ପାଇଁ ଅନେକ ପ୍ରମୁଖ ପଦକ୍ଷେପ ଗ୍ରହଣ କରିବାକୁ ମହାପ୍ରବନ୍ଧକ କହିଥିଲେ ଯେଉଁଥିରେ….

ନିୟମିତ ଯାଞ୍ଚ: ସରକାରୀ କାର୍ଯ୍ୟରେ ହିନ୍ଦୀ ଉପରେ ନଜର ରଖିବା ଏବଂ ପ୍ରୋତ୍ସାହିତ କରିବା ପାଇଁ ଷ୍ଟେସନ୍ ଏବଂ ରେଳ ମଣ୍ଡଳ ଗୁଡ଼ିକର ନିୟମିତ ପରିଦର୍ଶନ କରିବା।

ରାଜଭାଷା ଇ-ପତ୍ରିକା: କାର୍ଯ୍ୟ କ୍ଷେତ୍ରରେ ରେଫରେନ୍ସ ସାମଗ୍ରୀ ଯୋଗାଇବା ଏବଂ କର୍ମଚାରୀଙ୍କ ମଧ୍ୟରେ ସୃଜନଶୀଳ ହିନ୍ଦୀ ଲେଖାକୁ ପ୍ରୋତ୍ସାହିତ କରିବା ପାଇଁ ଏକ ଉତ୍ସର୍ଗୀକୃତ ଇ-ପତ୍ରିକା ପ୍ରକାଶ କରିବା।

ଏହି ବୈଠକରେ ରେଳପଥର ଅତିରିକ୍ତ ମହାପ୍ରବନ୍ଧକ ମହେଶ କୁମାର ବେହେରା, ମୁଖ୍ୟ ରାଜଭାଷା ଅଧିକାରୀ ତଥା ପ୍ରମୁଖ ବୈଦ୍ୟୁତିକ ଯନ୍ତ୍ରୀ ଆଲୋକ ସହାୟଙ୍କ ସହିତ ରେଳପଥର ସମସ୍ତ ପ୍ରମୁଖ ଓ ବରିଷ୍ଠ ଅଧିକାରୀମାନେ ଅଂଶଗ୍ରହଣ କରିଥିଲେ।

ଏହି ଗୁରୁତ୍ୱପୂର୍ଣ୍ଣ ବୈଠକରେ ହିନ୍ଦୀକୁ ଏହାର କାର୍ଯ୍ୟ ସଂସ୍କୃତିର ଏକ ଅବିଚ୍ଛେଦ୍ୟ ଅଙ୍ଗ ଭାବରେ ପରିଣତ କରିବା ସହ ରାଜଭାଷା ପଦକ୍ଷେପକୁ ପ୍ରଭାବଶାଳୀ ଯୋଗାଯୋଗ ଏବଂ ଅନୁକରଣକୁ ଏକ ଗୁରୁତ୍ୱପୂର୍ଣ୍ଣ ସ୍ମାରକ ଭାବରେ ପରିଣତ କରିବା ପାଇଁ ପୂର୍ବତଟ ରେଳପଥ ପକ୍ଷରୁ ବିଶେଷ ପଦକ୍ଷେପ ନିଆଯାଉଅଛି।

Categories
ଆଜିର ଖବର ଜାତୀୟ ଖବର ବ୍ୟବସାୟ

ଅକ୍ଟୋବର ୨୦ ସୁଦ୍ଧା ନାସିକରୁ ଦିଲ୍ଲୀକୁ ରେଳ ରେକ୍ ଯୋଗେ ଆସିବ ୧୬୦୦ ମେଟ୍ରିକ ଟନ୍ ପିଆଜ, ଦର କମିବ

ନୂଆଦିଲ୍ଲୀ: ଭାରତ ସରକାରଙ୍କ ଖାଉଟି ବ୍ୟାପାର ବିଭାଗ ପକ୍ଷରୁ ମୂଲ୍ୟ ସ୍ଥିରତା ପାଣ୍ଠି ଅଧୀନରେ ଭାରତୀୟ ଜାତୀୟ ସମବାୟ ଉପଭୋକ୍ତା ମହାସଂଘ ଲିମିଟେଡ୍ (ଏନସିସିଏଫ୍‌) ଦ୍ୱାରା କ୍ରୟ କରାଯାଇଥିବା ୧୬୦୦ ମେଟ୍ରିକ୍ ଟନ୍ (୪୨ ବିସିଏନ୍ ୱାଗନ୍ ଅର୍ଥାତ୍ ପାଖାପାଖି ୫୩ ଟ୍ରକ୍‌) ପିଆଜ ନାସିକରୁ ଦିଲ୍ଲୀ ଏନସିଆରକୁ କାଣ୍ଡା ଫାଷ୍ଟ ଟ୍ରେନ୍ ଯୋଗେ ରେଳରେ ପଠାଯାଉଛି ବୋଲି ଘୋଷଣା କରାଯାଇଛି। ପ୍ରଥମ ଥର ପାଇଁ ମୂଲ୍ୟ ସ୍ଥିରତା ହସ୍ତକ୍ଷେପ ଅଧୀନରେ ରେଳ ରେକ୍ ମାଧ୍ୟମରେ ପିଆଜର ବ୍ୟାପକ ପରିବହନ କରାଯାଇଛି। ୨୦ ଅକ୍ଟୋବର, ୨୦୨୪ ସୁଦ୍ଧା ରପ୍ତାନି ପିଆଜ ଆସିବାର କାର୍ଯ୍ୟକ୍ରମ ରହିଛି ଏବଂ ଏହି ଷ୍ଟକ୍ ଦିଲ୍ଲୀ- ଏନସିଆରରେ ବଜାରରେ ଉପଲବ୍ଧ ହେବ, ଯାହା ଏହି ପାର୍ବଣ ଋତୁରେ ଉପଭୋକ୍ତାଙ୍କ ପାଇଁ ଉପଲବ୍ଧତାକୁ ଯଥେଷ୍ଟ ବୃଦ୍ଧି କରିବ।

ଭାରତ ସରକାରଙ୍କ ଖାଉଟି ବ୍ୟାପାର ବିଭାଗର ସଚିବ ନିଧି ଖାରେ ଏକ ସାମ୍ବାଦିକ ସମ୍ମିଳନୀରେ ସୂଚନା ଦେଇଛନ୍ତି ଯେ ପିଆଜ ପରିବହନର ଏକ ମାଧ୍ୟମ ଭାବରେ ରେଳବାଇ ଗୁରୁତ୍ୱ ବହନ କରିବ କାରଣ ନିଷ୍କାସନର ଗତିକୁ ସୁଦୃଢ଼ କରିବା ପାଇଁ ଅଧିକ ଗନ୍ତବ୍ୟ ସ୍ଥଳ ସଂଯୋଗ କରାଯାଉଛି। ଆସନ୍ତା କିଛି ଦିନ ମଧ୍ୟରେ ଲକ୍ଷ୍ନୌ ଏବଂ ବାରାଣସୀକୁ ରେଳ ରେକ୍ ଯୋଗେ ରପ୍ତାନି କରାଯିବ। ନାସିକ୍ ରୁ ଉତ୍ତର- ପୂର୍ବାଞ୍ଚଳର ଏକାଧିକ ସ୍ଥାନକୁ ପିଆଜ ରେକ୍ ପରିବହନ ପାଇଁ ଅନୁମତି ଦେବାକୁ ବିଭାଗ ଭାରତୀୟ ରେଳବାଇକୁ ଅନୁରୋଧ କରିଛି, ଯେଉଁଥିରେ (୧) ଏନଜେପି : ନ୍ୟୁ ଜଳପାଇଗୁଡ଼ି (ସିଲିଗୁଡ଼ି), (୨) ଡିବିଆରଜି – ଦିବ୍ରୁଗଡ଼, (୩) ଏନଟିଏସକେ – ନ୍ୟୁ ତିନସୁକିଆ ଏବଂ (୪) ସିଜିଏସ୍‌: ଚାଙ୍ଗସାରୀ ଅନ୍ତର୍ଭୁକ୍ତ। ଏହା ଦ୍ୱାରା ଭାରତର ବିଭିନ୍ନ ଅଞ୍ଚଳରେ ପିଆଜର ବ୍ୟାପକ ଉପଲବ୍ଧତା ସୁନିଶ୍ଚିତ ହେବ ଏବଂ ଗ୍ରାହକଙ୍କୁ ଅତ୍ୟନ୍ତ ଉଚିତ ମୂଲ୍ୟରେ ଏହାର ଉପଲବ୍ଧତା ସୁନିଶ୍ଚିତ ହେବ।

ସରକାର ଚଳିତ ବର୍ଷ ମୂଲ୍ୟ ସ୍ଥିରତା ବଫର ପାଇଁ ୪.୭ ଲକ୍ଷ ଟନ୍ ରବି ପିଆଜ କ୍ରୟ କରିଥିଲେ ଏବଂ ୨୦୨୪ ସେପ୍ଟେମ୍ବର ୫ ତାରିଖରୁ କିଲୋ ପିଛା ୩୫ ଟଙ୍କାରେ ଖୁଚୁରା ବିକ୍ରି ଏବଂ ଦେଶର ପ୍ରମୁଖ ମଣ୍ଡିଗୁଡ଼ିକରେ ବିପୁଳ ପରିମାଣରେ ବିକ୍ରି ମାଧ୍ୟମରେ ବଜାରକୁ ପିଆଜ ଛାଡିବା ଆରମ୍ଭ କରିଥିଲେ। ବର୍ତ୍ତମାନ ସୁଦ୍ଧା ବଫରରେ ଥିବା ପ୍ରାୟ ୯୨,୦୦୦ ମେଟ୍ରିକ ଟନ୍ ପିଆଜ ନାସିକ୍ ଏବଂ ଅନ୍ୟ ଉତ୍ସ କେନ୍ଦ୍ରରୁ ସଡ଼କ ପରିବହନ ମାଧ୍ୟମରେ ଟ୍ରକ୍ ଯୋଗେ ଖାଉଟି କେନ୍ଦ୍ରକୁ ପଠାଯାଇଛି। ବର୍ତ୍ତମାନ ସୁଦ୍ଧା ଏନସିସିଏଫ୍ ୨୧ଟି ରାଜ୍ୟର ୭୭ଟି ଗନ୍ତବ୍ୟସ୍ଥଳକୁ ପରିସରଭୁକ୍ତ କରିସାରିଛି ଏବଂ ନାଫେଡ୍ ୧୬ଟି ରାଜ୍ୟର ୪୩ଟି ଗନ୍ତବ୍ୟ ସ୍ଥଳକୁ ପିଆଜ ପଠାଇବା ଅନ୍ତର୍ଭୁକ୍ତ କରିଛି। ଖୁଚୁରା ଉପଭୋକ୍ତାଙ୍କୁ କିଲୋ ପିଛା ୩୫ ଟଙ୍କାରେ ପିଆଜ ଯୋଗାଇ ଦେବା ପାଇଁ ଏଜେନ୍ସିଗୁଡିକ ସଫଳ, କେନ୍ଦ୍ରୀୟ ଭଣ୍ଡାର ଏବଂ ରିଲାଏନ୍ସ ରିଟେଲ ଭଳି ଖୁଚୁରା ଚେନ୍ ସହିତ ଭାଗିଦାରୀ କରିଛନ୍ତି। ଏହାବ୍ୟତୀତ ଖୁଚୁରା ବିତରଣ ପାଇଁ ୯ଟି ରାଜ୍ୟ ସରକାର / ସମବାୟ ସମିତିକୁ ୮୬,୫୦୦ ମେଟ୍ରିକ୍ ଟନ୍ ପିଆଜ ଆବଣ୍ଟନ କରାଯାଇଛି।

ପିଆଜ ଯୋଗାଣ ଆରମ୍ଭ ହେବା ପରଠାରୁ ଆଜି ପର୍ଯ୍ୟନ୍ତ ପିଆଜ ଦର ବୃଦ୍ଧି ଧାରାକୁ ଯଥେଷ୍ଟ ରୋକାଯାଇପାରିଛି। ୨୦୨୪ ସେପ୍ଟେମ୍ବର ପ୍ରଥମ ସପ୍ତାହ ତୁଳନାରେ ଉତ୍ତରପ୍ରଦେଶ, ହରିୟାଣା, ମହାରାଷ୍ଟ୍ର, ଓଡ଼ିଶା, ପଞ୍ଜାବ, ଝାଡ଼ଖଣ୍ଡ ଓ ତେଲେଙ୍ଗାନା ଭଳି ପ୍ରମୁଖ ରାଜ୍ୟ ଗୁଡ଼ିକରେ ହାରାହାରି ଖୁଚୁରା ମୂଲ୍ୟ ହ୍ରାସ ପାଇଛି। ଲାସଲଗାଓଁରେ ମଣ୍ଡି ଦର ମଧ୍ୟ ସେପ୍ଟେମ୍ବର ୨୪ ରେ କିଲୋ ପିଛା ୪୭ ଟଙ୍କା ଥିବା ବେଳେ ୧୫ ଅକ୍ଟୋବର, ୨୦୨୪ରେ ଏହା ୪୦ ଟଙ୍କାକୁ ଖସି ଆସିଛି।

ବଜାରରେ ପିଆଜର ପ୍ରଚୁର ଯୋଗାଣ ସୁନିଶ୍ଚିତ କରିବା ପାଇଁ ରେଳ ରେକ୍ ମାଧ୍ୟମରେ ପିଆଜର ବ୍ୟାପକ ପରିବହନ ପାଇଁ ଏନସିସିଏଫ୍ ଦ୍ୱାରା ନିଆଯାଇଥିବା ପଦକ୍ଷେପ ଏକ ଗୁରୁତ୍ୱପୂର୍ଣ୍ଣ  ପଦକ୍ଷେପ। ରେଳ ପଥରେ ଉପଭୋକ୍ତା କେନ୍ଦ୍ରକୁ ପିଆଜର ଶସ୍ତା ଏବଂ ଦ୍ରୁତ ପରିବହନ ବ୍ୟବସ୍ଥା ରହିଛି। ପରିବହନର ଏହି ଦକ୍ଷ ପଦ୍ଧତି ବିଭିନ୍ନ ଅଞ୍ଚଳକୁ ପିଆଜକୁ ଠିକ୍ ସମୟରେ ଏବଂ ବିଶ୍ୱସନୀୟ ରୂପରେ ପହଞ୍ଚାଇବାରେ ସହାୟକ ହେବ।

ଟମାଟୋ ସମ୍ପର୍କରେ ଉପଭୋକ୍ତା ବ୍ୟାପାର ସଚିବ କହିଛନ୍ତି ଯେ ଆନ୍ଧ୍ରପ୍ରଦେଶ, କର୍ଣ୍ଣାଟକ ଏବଂ ମହାରାଷ୍ଟ୍ରର ପ୍ରମୁଖ ଟମାଟୋ ଉତ୍ପାଦନ ହେଉଥିବା ଅଞ୍ଚଳରେ ଅତ୍ୟଧିକ ବର୍ଷା ଏବଂ ଉଚ୍ଚ ଆର୍ଦ୍ରତା ସ୍ତର ଯୋଗୁଁ ଟମାଟୋ ଦର ବୃଦ୍ଧି ଘଟିଛି। ପ୍ରତିକୂଳ ପାଣିପାଗ ପରିସ୍ଥିତି ଏବଂ କେତେକ ସ୍ଥାନରେ ରୋଗ ଆକ୍ରମଣ ଘଟଣା ଟମାଟୋ ଅମଳ ଏବଂ ସେଲ୍ଫ ଲାଇଫ୍‌କୁ ମଧ୍ୟ ପ୍ରଭାବିତ କରିଥିଲା। ଆଗାମୀ ଦିନରେ ମହାରାଷ୍ଟ୍ର ଏବଂ ମଧ୍ୟପ୍ରଦେଶରୁ ଟମାଟୋ ଅଧିକ ପରିମାଣରେ ଆସିବାର ଥିବାରୁ ଯୋଗାଣ ସ୍ଥିତିରେ ସୁଧାର ଆସିବ ଯାହା ଟମାଟୋ ଦରକୁ ହ୍ରାସ କରିବ।