Tag: ଭାରତ ସରକାର

ନୂଆଦିଲ୍ଲୀ: ଭାରତ ସରକାରଙ୍କ ପରିବେଶ, ଜଙ୍ଗଲ ଓ ଜଳବାୟୁ ପରିବର୍ତ୍ତନ ମନ୍ତ୍ରଣାଳୟ (ଏମଓଇଏଫସିସି) ସହଯୋଗରେ ଲକ୍ଷ୍ମୀ ମିତ୍ତଲ ଆଣ୍ଡ ଫ୍ୟାମିଲି ସାଉଥ୍ ଏସିଆ ଇନଷ୍ଟିଚ୍ୟୁଟ୍ ଏବଂ ହାର୍ଭାର୍ଡ ବିଶ୍ୱବିଦ୍ୟାଳୟର ସାଲାଟା ଇନଷ୍ଟିଚ୍ୟୁଟ୍ ଫର କ୍ଲାଇମେଟ୍ ଆଣ୍ଡ ସଷ୍ଟେନେବିଲିଟି ପକ୍ଷରୁ ‘ଇଣ୍ଡିଆ ୨୦୪୭: ବିଲ୍ଡିଂ ଏ କ୍ଲାଇମେଟ୍- ରେଜିଲିଏଣ୍ଟ ଫ୍ୟୁଚର୍’ (‘ଭାରତ ୨୦୪୭: ଏକ ଜଳବାୟୁ ଅନୁକୂଳ ଭବିଷ୍ୟତର ନିର୍ମାଣ’) ଶୀର୍ଷକ ଏକ ଆଲୋଚନାଚକ୍ର ଅନୁଷ୍ଠିତ ହୋଇଯାଇଛି। ୨୦୪୭ ସୁଦ୍ଧା ଦେଶ ବିକଶିତ ଭାରତ ହେବାକୁ ଚାହୁଁଥିବା ବେଳେ ଭାରତର ଜଳବାୟୁ ଅନୁକୂଳନ ଏବଂ ସ୍ଥିରତା ଉପରେ ପ୍ରାଥମିକତା ଦିଗରେ ଆଲୋଚନା କରିବା ପାଇଁ କେନ୍ଦ୍ର ସରକାର, ରାଜ୍ୟ ସରକାର, ବୈଜ୍ଞାନିକ, ଗବେଷକ, ଶିଳ୍ପ ବିଶେଷଜ୍ଞ, ନାଗରିକ ସମାଜ ପ୍ରତିନିଧି ଏବଂ ଅନ୍ୟାନ୍ୟ ପ୍ରାସଙ୍ଗିକ ଅଂଶୀଦାର ମାନଙ୍କର ଆହ୍ୱାନ ସହିତ ଆଜି ନୂଆଦିଲ୍ଲୀର ଭାରତ ମଣ୍ଡପମ୍ ଠାରେ ଏହି ଚାରି ଦିନିଆ ଆଲୋଚନାଚକ୍ର ଆରମ୍ଭ ହୋଇଛି।

ପ୍ରଥମ ଦିବସରେ ଉଦଘାଟନୀ ଅଧିବେଶନରେ ନୀତି ଆୟୋଗର ଉପାଧ୍ୟକ୍ଷ ତଥା କେନ୍ଦ୍ର ପରିବେଶ, ଜଙ୍ଗଲ ଓ ଜଳବାୟୁ ପରିବର୍ତ୍ତନ ରାଷ୍ଟ୍ରମନ୍ତ୍ରୀ କୀର୍ତ୍ତି ବର୍ଦ୍ଧନ ସିଂହ ଅଧ୍ୟକ୍ଷତା କରିଥିଲେ। ଅନ୍ୟମାନଙ୍କ ମଧ୍ୟରେ ପ୍ରଧାନମନ୍ତ୍ରୀଙ୍କ ପରାମର୍ଶଦାତା ତରୁଣ କପୁର, ହାର୍ଭାର୍ଡ ବିଶ୍ୱବିଦ୍ୟାଳୟର ପ୍ରୋଭୋଷ୍ଟ ଜେମ୍ସ ଏଚ୍ ଷ୍ଟକ ଏବଂ ଲକ୍ଷ୍ମୀ ମିତ୍ତଲ ଆଣ୍ଡ ଫ୍ୟାମିଲି ସାଉଥ ଏସିଆ ଇନଷ୍ଟିଚ୍ୟୁଟର ନିର୍ଦ୍ଦେଶକ ତରୁଣ ଖାନ୍ନା ଉପସ୍ଥିତ ଥିଲେ।

ସୁମନ ବେରୀ ତାଙ୍କ ଅଭିଭାଷଣରେ ଭାରତ- କେନ୍ଦ୍ରିତ ଅନୁକୂଳନ ରଣନୀତିର ଆବଶ୍ୟକତା ଉପରେ ଗୁରୁତ୍ୱାରୋପ କରିଥିଲେ । ଅନୁକୂଳନ ସମ୍ଵନ୍ଧୀୟ ଆହ୍ୱାନର ମୁକାବିଲା କରିବା ସହିତ ଅଭିବୃଦ୍ଧି ବଜାୟ ରଖିବା ଏବଂ କଲ୍ୟାଣକୁ ତ୍ୱରାନ୍ୱିତ କରିବାର ଗୁରୁତ୍ୱ ଉପରେ ସେ ଆଲୋକପାତ କରିଥିଲେ । ସେ କାର୍ଯ୍ୟକ୍ରମ ପ୍ରସ୍ତୁତିରେ ନମନୀୟତା ପାଇଁ ଆହ୍ୱାନ ଦେଇଥିଲେ, ବିଶେଷ କରି ପ୍ରଶାସନିକ ଦିଗ ଉପରେ ଉଲ୍ଲେଖ କରିଥିଲେ, ଯାହା ମୁଖ୍ୟତଃ ସାମନାକୁ ଆସିନଥାଏ । ଉଭୟ ଲୋକ ଏବଂ ସମୁଦାୟକୁ ସଶକ୍ତ କରିବାର ଆବଶ୍ୟକତା ଉପରେ ସେ ଗୁରୁତ୍ୱାରୋପ କରିଥିଲେ । ଏହାବ୍ୟତୀତ, ସେ କେସ୍ ଷ୍ଟଡିକୁ ନଥୀକରଣ କରିବା ଏବଂ ଦକ୍ଷିଣ ଏସିଆ ମଧ୍ୟରେ ବୌଦ୍ଧିକ ବିନିମୟକୁ ପ୍ରୋତ୍ସାହିତ କରିବାର ମହତ୍ୱ ଉପରେ ଗୁରୁତ୍ୱାରୋପ କରିଥିଲେ ।

ସମସ୍ତ କ୍ଷେତ୍ରରେ ଦୃଢ଼ ଅନୁକୂଳ ପଦକ୍ଷେପର ଆବଶ୍ୟକତା ଉପରେ ଗୁରୁତ୍ୱାରୋପ କରି କୀର୍ତ୍ତି ବର୍ଦ୍ଧନ ସିଂହ କହିଥିଲେ, “ଭାରତ କ୍ରମାଗତ ଭାବରେ ଦକ୍ଷିଣ ବିଶ୍ଵ ପାଇଁ ଜଳବାୟୁ ସମର୍ଥନର ନେତୃତ୍ୱ ନେଇଛି, ଯାହା ସୁନିଶ୍ଚିତ କରୁଛି ଯେ ଅନ୍ତର୍ଜାତୀୟ ଜଳବାୟୁ ନୀତି ନିରପେକ୍ଷ ଏବଂ ସମାବେଶୀ ରହିଛି। ଯେହେତୁ ଆମେ ଆଗକୁ ବଢ଼ୁଛୁ, ଅନୁକୂଳନ ପ୍ରୟାସକୁ ବ୍ୟାପକ କରିବା ଏବଂ ସୁନିଶ୍ଚିତ କରିବା ଜରୁରୀ, ଯାହା ଫଳରେ ସବୁଠାରୁ ଦୁର୍ବଳ ସମୁଦାୟଗୁଡିକ ସ୍ଥିରତା ସୃଷ୍ଟି କରିବା ପାଇଁ ଆବଶ୍ୟକ ସମ୍ବଳ ଏବଂ ଜ୍ଞାନକୌଶଳର ସୁବିଧା ପାଇପାରିବେ ” । ଭାରତ ଉଚ୍ଚାକାଂକ୍ଷୀ ଅକ୍ଷୟ ଶକ୍ତି ଲକ୍ଷ୍ୟ ଏବଂ ନିର୍ଗମନ ତୀବ୍ରତା ହ୍ରାସ ପ୍ରତିବଦ୍ଧତା ମାଧ୍ୟମରେ ପ୍ରଶମନ କ୍ଷେତ୍ରରେ ଉଲ୍ଲେଖନୀୟ ଅଗ୍ରଗତି କରିଥିବା ବେଳେ ଜଳବାୟୁ ପରିବର୍ତ୍ତନର ପ୍ରଭାବରୁ ଜୀବିକା, ପରିବେଶ ଏବଂ ଭିତ୍ତିଭୂମିକୁ ସୁରକ୍ଷିତ ରଖିବା ପାଇଁ ଅନୁକୂଳନ ଏବଂ ସ୍ଥିରତା ଅପରିହାର୍ଯ୍ୟ ବୋଲି ସେ ଗୁରୁତ୍ୱାରୋପ କରିଥିଲେ ।

ଅନୁକୂଳନ ସମ୍ଵନ୍ଧୀୟ ପଦକ୍ଷେପକୁ ସମର୍ଥନ କରିବାରେ ଜଳବାୟୁ ସମ୍ଵନ୍ଧୀୟ ଆର୍ଥିକ ସମ୍ଵଳର ଗୁରୁତ୍ୱପୂର୍ଣ୍ଣ ଭୂମିକା ଉପରେ ମନ୍ତ୍ରୀ ଆଲୋକପାତ କରିଥିଲେ । ଦୁର୍ବଳ ସମୁଦାୟର ଆବଶ୍ୟକତାକୁ ପୂରଣ କରିବା ଏବଂ ପ୍ରଭାବଶାଳୀ ଅନୁକୂଳଦ ପଦକ୍ଷେପ ସୁନିଶ୍ଚିତ କରିବା ପାଇଁ ଆର୍ଥିକ ସମ୍ବଳକୁ ଯଥେଷ୍ଟ ବୃଦ୍ଧି କରାଯିବା ଆବଶ୍ୟକ ବୋଲି ସେ ଗୁରୁତ୍ୱାରୋପ କରିଥିଲେ । ଅନୁକୂଳନ ପ୍ରୟାସକୁ ପ୍ରୋତ୍ସାହିତ କରିବାରେ ସରକାରୀ ଆର୍ଥିକ ବ୍ୟବସ୍ଥାର ପରିପୂରକ ହେବା ପାଇଁ ମିଶ୍ରିତ ଅର୍ଥ, ବିପଦ ଭାଗୀଦାରୀ ଢାଞ୍ଚା ଏବଂ ଅଧିକ ଘରୋଇ କ୍ଷେତ୍ରର ସଂପୃକ୍ତି ସମେତ ଅଭିନବ ଆର୍ଥିକ ବ୍ୟବସ୍ଥାର ଆବଶ୍ୟକତା ଉପରେ ସେ ଗୁରୁତ୍ୱାରୋପ କରିଥିଲେ । ଏହାବ୍ୟତୀତ ଜଳବାୟୁ ପରିବର୍ଭନ ଦ୍ଵାରା ପ୍ରଭାବିତ ହେଉଥିବା ଆଗଧାଡ଼ିର ହିତଧାରକ, ଯଥା : କୃଷକ, କ୍ଷୁଦ୍ର ବ୍ୟବସାୟ ଏବଂ ଉପକୂଳବର୍ତ୍ତୀ ସମୁଦାୟକୁ ଅନୁକୂଳ ପୁଞ୍ଜିନିବେଶ ସିଧାସଳଖ ଉପକୃତ କରିବା ଆବଶ୍ୟକ ବୋଲି ମନ୍ତ୍ରୀ ଦର୍ଶାଇଥିଲେ। ଗ୍ରୀନ୍ ବଣ୍ଡ୍, ଜଳବାୟୁ ସହନଶୀଳ ଭିତ୍ତିଭୂମି ପାଣ୍ଠି ଏବଂ ରିହାତି ଆର୍ଥିକ ବ୍ୟବସ୍ଥା ଭଳି ଆର୍ଥିକ ଉପକରଣଗୁଡ଼ିକୁ ସୁଦୃଢ଼ କରି ଭାରତ ଏକ ସ୍ଥାୟୀ ଏବଂ ନ୍ୟାୟସଙ୍ଗତ ଜଳବାୟୁ ଆର୍ଥିକ ପାରିବେଶିକ ବ୍ୟବସ୍ଥା ସୃଷ୍ଟି କରିବାକୁ ଲକ୍ଷ୍ୟ ରଖିଛି ବୋଲି ସେ କହିଥିଲେ। ଭାରତ ବିଶ୍ୱାସ କରେ ଯେ ଅନ୍ତର୍ଜାତୀୟ ଜଳବାୟୁ ସମ୍ଵନ୍ଧୀୟ କାର୍ଯ୍ୟ ବିଶ୍ୱାସ, ସ୍ୱଚ୍ଛତା ଏବଂ ସମାନ ଅଭିବୃଦ୍ଧି ଉପରେ ନିର୍ମାଣ ହେବା ଆବଶ୍ୟକ । ସମସ୍ତଙ୍କ ପାଇଁ ଜଳବାୟୁ ସ୍ଥିରତା ସୁନିଶ୍ଚିତ କରିବା, ସ୍ୱଚ୍ଛ ଶକ୍ତି ପରିବର୍ତ୍ତନରେ ଅଭିନବତାକୁ ତ୍ୱରାନ୍ୱିତ କରିବା ଏବଂ ବିକେନ୍ଦ୍ରୀକୃତ ଶାସନ ଏବଂ ପରିବେଶ ଭିତ୍ତିକ ସମାଧାନ ମାଧ୍ୟମରେ ସ୍ଥାନୀୟ ସମୁଦାୟମାନଙ୍କୁ ସଶକ୍ତ କରିବା ପାଇଁ ଆମକୁ ଦକ୍ଷିଣ – ଦକ୍ଷିଣ ଏବଂ ତ୍ରିକୋଣୀୟ ସହଯୋଗକୁ ବୃଦ୍ଧି କରିବାକୁ ହେବ।

ସଭାକୁ ସମ୍ବୋଧିତ କରି ଶ୍ରୀ ତରୁଣ କପୁର ବ୍ୟବହାରିକ ଜଳବାୟୁ ପରିବର୍ତ୍ତନ ସମାଧାନ ଉପରେ ଗୁରୁତ୍ୱାରୋପ କରିଥିଲେ ଯାହା ବ୍ୟକ୍ତିବିଶେଷଙ୍କୁ ସମ୍ବଳ ପ୍ରବାହ ଏବଂ ସୁଲଭ ଖାଦ୍ୟ ନିରାପତ୍ତା ସୁନିଶ୍ଚିତ କରେ । ଆବଶ୍ୟକସ୍ଥଳେ ପୂର୍ବାନୁମାନ, ପ୍ରଯୁକ୍ତି ବିଦ୍ୟା ଓ ଜ୍ଞାନ ପ୍ରଦାନ ଉପରେ ସେ ଗୁରୁତ୍ୱାରୋପ କରିଥିଲେ। ଏହା ପୂର୍ବରୁ ଏମ୍ଓଇଏଫସିସି ର ସଚିବ ତନ୍ମୟ କୁମାର ସ୍ୱାଗତ ଭାଷଣ ଦେଇ ଏହି ଆଲୋଚନାଚକ୍ରର ଉଦ୍ଦେଶ୍ୟକୁ ଉଲ୍ଲେଖ କରିବା ସହ ଅନୁକୂଳନ ସମ୍ବନ୍ଧୀୟ କାର୍ଯ୍ୟକ୍ଷମ ସମାଧାନର ଆବଶ୍ୟକତା ଉପରେ ଗୁରୁତ୍ୱାରୋପ କରିଥିଲେ। ସେ କହିଛନ୍ତି ଯେ ଏହି ସିମ୍ପୋଜିୟମ କେବଳ ଆହ୍ୱାନଗୁଡ଼ିକୁ ଚିହ୍ନଟ କରିବା ପାଇଁ ନୁହେଁ – ଏହା ବିଶେଷଜ୍ଞ, ନୀତି ନିର୍ମାତା, ଶିକ୍ଷାବିତ୍, ବୈଜ୍ଞାନିକ, ନାଗରିକ ସମାଜ ଏବଂ ସମୁଦାୟମାନଙ୍କୁ ଏକାଠି କରିବା ବିଷୟ ସମ୍ପର୍କିତ, ଯାହା ଗବେଷଣା ଉପରେ ଆଧାରିତ, ସ୍ଥାନୀୟ ଆବଶ୍ୟକତା ପ୍ରତି ଉତ୍ତରଦାୟୀ, ଶସ୍ତା ପ୍ରଭାବଶାଳୀ ଏବଂ ଦୀର୍ଘକାଳୀନ ସ୍ଥିରତା ପାଇଁ ମାପନୀୟ ଅନୁକୂଳ ରଣନୀତି ବିକଶିତ କରିବା ବିଷୟରେ ଅଟେ । ଭାରତର ଅନୁକୂଳନ ରଣନୀତି ବୈଜ୍ଞାନିକ ପ୍ରମାଣ, ଆନ୍ତଃ-କ୍ଷେତ୍ରୀୟ ଏକୀକରଣ ଏବଂ ଦୃଢ଼ ସଂସ୍ଥାଗତ ଢାଞ୍ଚାର ଭିତ୍ତିଭୂମି ଉପରେ ନିର୍ମିତ ହେବ ବୋଲି ସେ ଆଲୋକପାତ କରିଥିଲେ।

ଏକ ଭିଡିଓ ଅଭିଭାଷଣରେ ହାର୍ଭାର୍ଡ ବିଶ୍ୱବିଦ୍ୟାଳୟର ପ୍ରେସିଡେଣ୍ଟ ଆଲାନ୍ ଏମ୍ ଗାର୍ବର ହାର୍ଭାର୍ଡକୁ ଭାରତ ସହ ସଂଯୋଗ କରୁଥିବା କେନ୍ଦ୍ର ଭାବେ ଲକ୍ଷ୍ମୀ ମିତ୍ତଲ ଆଣ୍ଡ ଫ୍ୟାମିଲି ସାଉଥ୍ ଏସିଆ ଇନଷ୍ଟିଚ୍ୟୁଟର ଭୂମିକା ଉପରେ ଆଲୋକପାତ କରିଥିଲେ। ସ୍ଥାୟୀ ଏବଂ ପ୍ରଭାବଶାଳୀ ଜଳବାୟୁ ସମାଧାନର ବିକାଶ ଉଦ୍ଦେଶ୍ୟରେ ସେ ସାଲାଟା ଇନଷ୍ଟିଚ୍ୟୁଟ୍ ଫର୍ କ୍ଲାଇମେଟ୍ ଆଣ୍ଡ୍ ସଷ୍ଟେନେବିଲିଟି ଆରମ୍ଭ କରିଥିଲେ। ହାର୍ଭାର୍ଡ ବିଶ୍ୱବିଦ୍ୟାଳୟର ଉପାଧ୍ୟକ୍ଷ ଶ୍ରୀ ଜେମ୍ସ ଏଚ୍ ଷ୍ଟକ ଜଳବାୟୁ ସମ୍ଵନ୍ଧୀୟ ଆହ୍ଵାନ ସମାଧାନ ଉପରେ କାର୍ଯ୍ୟ କରୁଥିବା ଆନ୍ତଃବିଭାଗୀୟ ଦଳ ସହିତ ବିଶ୍ୱବିଦ୍ୟାଳୟର ଶିକ୍ଷାଦାନ ଏବଂ ଗବେଷଣାର ମିଶନ ଉପରେ ଆଲୋକପାତ କରିଥିଲେ । ଜଳବାୟୁ ଆହ୍ୱାନର ମୁକାବିଲା ପାଇଁ ସେ ସ୍ଥାନୀୟ ଅଂଶୀଦାରମାନଙ୍କଠାରୁ ଶିଖିବା ଉପରେ ଗୁରୁତ୍ୱାରୋପ କରିଥିଲେ । ଲକ୍ଷ୍ମୀ ମିତ୍ତଲ ଆଣ୍ଡ ଫ୍ୟାମିଲି ସାଉଥ୍ ଏସିଆ ଇନଷ୍ଟିଚ୍ୟୁଟର ନିର୍ଦ୍ଦେଶକ ତରୁଣ ଖାନ୍ନା ପାରମ୍ପରିକ ଜ୍ଞାନ ଓ ଉନ୍ନତ ଜ୍ଞାନ ପ୍ରଣାଳୀର ସମନ୍ୱୟ ଉପରେ ଆଲୋକପାତ କରିଥିଲେ।

ଚାରି ଦିନ ମଧ୍ୟରେ ଏହି ଆଲୋଚନାଚକ୍ରରେ ଭାରତର ଅନୁକୂଳ ପ୍ରାଥମିକତାର କେନ୍ଦ୍ରବିନ୍ଦୁ ଥିବା ଚାରିଟି ପ୍ରମୁଖ ବିଷୟବସ୍ତୁ ଉପରେ ଆଲୋଚନା କରାଯିବ, ସେଗୁଡିକ ହେଉଛି, ଜଳବାୟୁ ବିଜ୍ଞାନ ଏବଂ କୃଷି ଏବଂ ଜଳ ନିରାପତ୍ତା ଉପରେ ଏହାର ପ୍ରଭାବ, ଜଳବାୟୁ ପରିବର୍ତ୍ତନ ସହିତ ଜଡିତ ସ୍ୱାସ୍ଥ୍ୟ ବିପଦ, ଶ୍ରମ ଉତ୍ପାଦକତା ଏବଂ କର୍ମଶକ୍ତି ଅନୁକୂଳନ ଏବଂ ନିର୍ମିତ ପରିବେଶରେ ସ୍ଥିରତା । ଉଚ୍ଚସ୍ତରୀୟ ପୂର୍ଣ ଅଧିବେଶନ, ବିଶେଷଜ୍ଞ ରାଉଣ୍ଡଟେବୁଲ ଏବଂ ବୈଷୟିକ ଅଧିବେଶନ କ୍ଷେତ୍ର-ନିର୍ଦ୍ଦିଷ୍ଟ ଆହ୍ୱାନଗୁଡ଼ିକର ଅନୁସନ୍ଧାନ କରିବ ଏବଂ ନୀତି ଏବଂ କାର୍ଯ୍ୟକ୍ରମ ଗୁଡିକରେ ଅନୁକୂଳନକୁ ମୁଖ୍ୟ ସ୍ରୋତରେ ଆଣିବା ପାଇଁ ସର୍ବୋତ୍ତମ ଅଭ୍ୟାସ ଚିହ୍ନଟ କରିବ ।

ଜଳବାୟୁ ସ୍ଥିରତା ଏବଂ ଶାସନର ସଂଯୋଗ ଏକ ଗୁରୁତ୍ୱପୂର୍ଣ୍ଣ କ୍ଷେତ୍ର ହୋଇ ରହିଛି, ଯେଉଁଥିରେ ଅନୁକୂଳନ ସମ୍ଵନ୍ଧୀୟ  ପଦକ୍ଷେପଗୁଡିକ ସମସ୍ତ ସ୍ତରରେ ପ୍ରଭାବଶାଳୀ ଭାବରେ କାର୍ଯ୍ୟକାରୀ ହେବା ସୁନିଶ୍ଚିତ କରିବା ଉପରେ ଗୁରୁତ୍ୱ ଦିଆଯାଇଛି । ଜଳବାୟୁ ସମ୍ପର୍କିତ ବିପଦରୁ ସମୁଦାୟ, ଅର୍ଥନୀତି ଏବଂ ଇକୋସିଷ୍ଟମକୁ ସୁରକ୍ଷା ଦେଉଥିବା ନୀତିଗୁଡ଼ିକୁ ବାସ୍ତବ କାର୍ଯ୍ୟରେ ପରିଣତ କରିବାରେ ସଂସ୍ଥାଗତ କ୍ଷମତାକୁ ସୁଦୃଢ଼ କରିବା ଏବଂ ଅଂଶୀଦାରମାନଙ୍କ ମଧ୍ୟରେ ସମନ୍ୱୟ ବୃଦ୍ଧି ଏକ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିବ । ଏହି ଆଲୋଚନାଚକ୍ରର ସୂଚନା ଭାରତର ପ୍ରଥମ ଜାତୀୟ ଅନୁକୂଳନ ଯୋଜନା (ଏନଏପି)ରେ ମଧ୍ୟ ସହାୟକ ହୋଇପାରେ, ଯାହା ପାଇଁ ୧୮ ମାର୍ଚ୍ଚ, ୨୦୨୫ରେ ଏମଓଇଏଫସିସି ଦ୍ୱାରା ଜାତୀୟ ସ୍ତରୀୟ ଅଂଶୀଦାର କର୍ମଶାଳା ଆୟୋଜନ କରାଯାଇଥିଲା । ବିକାଶ ଯୋଜନା, ଜୀବିକା ସୁରକ୍ଷା, ଗୁରୁତ୍ୱପୂର୍ଣ୍ଣ ଭିତ୍ତିଭୂମି ଏବଂ ଅର୍ଥନୈତିକ ସ୍ଥିରତାରେ ଜଳବାୟୁ ଅନୁକୂଳନକୁ ସମନ୍ୱିତ କରିବା ପାଇଁ ପ୍ରମାଣ ଭିତ୍ତିକ ନୀତି ସୁପାରିସକୁ ଆକାର ଦେବାରେ ଆଲୋଚନା ସହାୟକ ହେବ।

ନୂଆଦିଲ୍ଲୀ: ଭାରତ ସରକାରଙ୍କ ସଂସ୍କୃତି ମନ୍ତ୍ରଣାଳୟ ଅଧୀନରେ କାର୍ଯ୍ୟ କରୁଥିବା ଭାରତର ପ୍ରମୁଖ ସାହିତ୍ୟିକ ଅନୁଷ୍ଠାନ, ସାହିତ୍ୟ ଏକାଡେମୀ ଏହାର ବାର୍ଷିକ ସାହିତ୍ୟ ମହୋତ୍ସବ (ଫେଷ୍ଟିଭାଲ ଅଫ ଲେଟର୍ସ ୨୦୨୫) ୭ ମାର୍ଚ୍ଚ ୨୦୨୫ରୁ ୧୨ ମାର୍ଚ୍ଚ ୨୦୨୫ ପର୍ଯ୍ୟନ୍ତ ନୂଆଦିଲ୍ଲୀର ରବିନ୍ଦ୍ର ଭବନରେ ଆୟୋଜନ କରିବ। ଭାରତ ସରକାରଙ୍କ ସଂସ୍କୃତି ଏବଂ ପର୍ଯ୍ୟଟନ ମନ୍ତ୍ରୀ ଗଜେନ୍ଦ୍ର ସିଂହ ଶେଖାୱତ ଏହି ମହୋତ୍ସବକୁ ଉଦଘାଟନ କରିବେ। ପୁରସ୍କାର ବିତରଣ ଉତ୍ସବରେ ପ୍ରଖ୍ୟାତ ଇଂରାଜୀ ନାଟ୍ୟକାର ମହେଶ ଦତ୍ତାନୀ ମୁଖ୍ୟ ଅତିଥି ଭାବରେ ଯୋଗ ଦେବେ, ଯେଉଁଠାରେ ୨୩ଟି ଭାଷାରେ ପ୍ରତିଷ୍ଠିତ ସାହିତ୍ୟ ଏକାଡେମୀ ପୁରସ୍କାର ପ୍ରଦାନ କରାଯିବ। ପ୍ରଖ୍ୟାତ ଲେଖକ ଏବଂ ବିଦ୍ୱାନ ଉପମନ୍ୟୁ ଚାଟାର୍ଜୀ ଚଳିତ ବର୍ଷର ସମ୍ୱତ୍ସର ବକ୍ତୃତା ପ୍ରଦାନ କରିବେ। ଏହା ଏସିଆର ସବୁଠାରୁ ବଡ଼ ସାହିତ୍ୟ ମହୋତ୍ସବ।

ଦେଶର ବିଭିନ୍ନ ସ୍ଥାନରୁ ୫୦ରୁ ଅଧିକ ଭାଷାର ପ୍ରତିନିଧିତ୍ୱ କରୁଥିବା ପ୍ରାୟ ୭୦୦ ଲେଖକ ଏହି ମହୋତ୍ସବରେ ଅଂଶଗ୍ରହଣ କରନ୍ତି। ଏଥିରେ ୧୦୦ରୁ ଅଧିକ ଅଧିବେଶନ ରହିଛି। ମହୋତ୍ସବର ବିଷୟବସ୍ତୁ ଭାରତୀୟ ସାହିତ୍ୟ ପରମ୍ପରା ରହିବ ଏବଂ ମହୋତ୍ସବର ଶେଷ ତିନି ଦିନ ମଧ୍ୟରେ ଏହି ବିଷୟବସ୍ତୁ ଉପରେ ବିଶିଷ୍ଟ ଚିନ୍ତାନାୟକ ଏବଂ ଲେଖକମାନଙ୍କର ଏକ ଜାତୀୟ ଆଲୋଚନାଚକ୍ର ଆୟୋଜନ କରାଯିବ। ମହୋତ୍ସବର ଶେଷ ଦିନରେ ପିଲାମାନଙ୍କ ପାଇଁ ଏକ ଦିନିକିଆ କାର୍ଯ୍ୟକ୍ରମ “ସ୍ପିନ୍ ଏ ଟେଲ୍” ଆୟୋଜନ କରାଯିବ।

ମହୋତ୍ସବରେ ବିଭିନ୍ନ ବିଷୟ ଉପରେ ବିଶିଷ୍ଟ ଲେଖକ, କବି, ଅନୁବାଦକ, ପ୍ରକାଶକ ଏବଂ ସମାଲୋଚକଙ୍କ ଦ୍ୱାରା ଆଲୋଚନା ହେବ। ତିନି ଦିନର ସନ୍ଧ୍ୟାରେ, ରାକେଶ ଚୌରାସିଆ (ବଂଶୀ), ନଳିନୀ ଜୋଶୀ (ହିନ୍ଦୁସ୍ତାନୀ ଗାୟିକା) ଏବଂ ଫୌଜିଆ ଦାସ୍ତାଙ୍ଗୋ ଏବଂ ରିତେଶ ଯାଦବ (ଦାସ୍ତାନ-ଏ-ମହାଭାରତ)ଙ୍କ ପରି ପ୍ରସିଦ୍ଧ କଳାକାରମାନଙ୍କ ଦ୍ୱାରା ସାଂସ୍କୃତିକ କାର୍ଯ୍ୟକ୍ରମ ପରିବେଷଣ କରାଯିବ। ଏହି ପତ୍ର ମହୋତ୍ସବ ସମସ୍ତ ସାହିତ୍ୟ ପ୍ରେମୀ ଏବଂ ଭାରତର ସବୁଠାରୁ ଦୀର୍ଘକାଳୀନ ସାହିତ୍ୟ ମହୋତ୍ସବ ଉପଭୋଗ କରିବାକୁ ଚାହୁଁଥିବା ଲୋକଙ୍କ ପାଇଁ ସମ୍ପୂର୍ଣ ଭାବେ ମାଗଣା ଖୋଲା ଯାଇଛି।

ନୂଆଦିଲ୍ଲୀ: ଭାରତ ସରକାରଙ୍କ ବ୍ୟବସ୍ଥାରେ ଯେକୌଣସି ନୀତି ନିର୍ଦ୍ଧାରଣ କରିବା ସମୟରେ ଅନିଶ୍ଚିତତାକୁ ଧ୍ୟାନରେ ରଖି ଏକ ବ୍ୟାପକ ରୂପରେଖ ଏବଂ ଫଳାଫଳ ଆଧାରିତ ସୃଜନଶୀଳ ମାନସିକତା ଉପରେ ଗୁରୁତ୍ୱାରୋପ କରିବାର ଆବଶ୍ୟକତା ରହିଛି। ପ୍ରଧାନମନ୍ତ୍ରୀଙ୍କ ପ୍ରମୁଖ ସଚିବ ଡ. ପି.କେ. ମିଶ୍ର ନୂଆଦିଲ୍ଲୀରେ ନିକଟରେ ଆୟୋଜିତ ବିଜନେସ ଷ୍ଟାଣ୍ଡାର୍ଡ ମନ୍ଥନ ଶିଖର ସମ୍ମିଳନୀରେ ଜଣେ ବରିଷ୍ଠ ସାମ୍ବାଦିକଙ୍କ ସହ କଥାବାର୍ତ୍ତା ବେଳେ ଏହା କହିଛନ୍ତି। ବିଭିନ୍ନ ପ୍ରସଙ୍ଗ ଉପରେ ମତ ରଖି ଡକ୍ଟର ମିଶ୍ର କହିଥିଲେ ଯେ, ସରକାର ‘ଆତ୍ମନିର୍ଭର’ ହେବା ଉପରେ ଧ୍ୟାନ ଦେଇ କୋଭିଡ-19 ମହାମାରୀ, ୟୁକ୍ରେନ-ରୁଷ ବିବାଦ ଏବଂ ପଶ୍ଚିମ ଏସିଆ ସଙ୍କଟ କାରଣରୁ ଉପୁଜିଥିବା ଅସ୍ଥିର ପରିସ୍ଥିତିକୁ ସଫଳତାର ସହ ମୁକାବିଲା କରିଥିଲେ। ସେ ଏହାର ଶ୍ରେୟ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଦୂରଦୃଷ୍ଟିସମ୍ପନ୍ନ ନେତୃତ୍ୱକୁ ଦେଇଛନ୍ତି । ପ୍ରଧାନମନ୍ତ୍ରୀଙ୍କ ଦୃଢ଼ ନେତୃତ୍ୱ ସହିତ ବିଭିନ୍ନ ସମୟରେ ସୃଷ୍ଟି ହେଉଥିବା ଆହ୍ୱାନର ମୁକାବିଲା ଉପରେ ସେ ଧ୍ୟାନ ଦେଇଛନ୍ତି। ବଦଳୁଥିବା ପରିସ୍ଥିତିରେ ଦେଖା ଦେଉଥିବା ସମସ୍ୟାର ମୁକାବିଲା ପାଇଁ ପ୍ରଧାନମନ୍ତ୍ରୀ ଅନେକ ସଂସ୍କାର ପ୍ରବର୍ତ୍ତନ କରିଥିବା ସେ କହିଛନ୍ତି।

ଭାରତୀୟ ଅର୍ଥବ୍ୟବସ୍ଥା କିଭଳି ଭାବେ ଅନେକ ଆହ୍ୱାନର ସାମ୍ନା କରିଥିଲା ତାହା ଡକ୍ଟର ମିଶ୍ର ଏହି ମତବିନିମୟ ଅବସରରେ କହିଥିଲେ। ଭୂ-ରାଜନୈତିକ ଉତ୍ତେଜନା, ବିଶ୍ୱ ଯୋଗାଣ ଶୃଙ୍ଖଳାରେ ବ୍ୟାଘାତ ଏବଂ ଶକ୍ତି କ୍ଷେତ୍ରରେ ପରିବର୍ତ୍ତନକୁ ଭାରତ ଦୃଢ଼ ଭାବେ ମୁକାବିଲା କରିଥିଲା। କୋଭିଡ-19 ମହାମାରୀ ସମୟରେ ଯେତେବେଳେ ଭାରତ ସମେତ ସମଗ୍ର ବିଶ୍ୱ ଅଶାନ୍ତ ଅବସ୍ଥାରେ ଥିଲା, ସେତେବେଳେ ଭାରତ ଆହ୍ୱାନଗୁଡ଼ିକୁ ପ୍ରଭାବୀ ଢଙ୍ଗରେ ଏବଂ ସଫଳତାର ସହ ମୁକାବିଲା କରିପାରିଥିଲା। ଏହି ସମୟରେ ଦେଶ କେତେକ ପ୍ରୋତ୍ସାହନ ପ୍ୟାକେଜ ପ୍ରଦାନ କରିବା ସହିତ ଆର୍ଥିକ ସଂସ୍କାର ପାଇଁ ଅନେକ ପଦକ୍ଷେପ ନେଇଥିଲା। ଅଭିବୃଦ୍ଧିର ଗତି ପୁନଃସ୍ଥାପିତ ହୋଇଥିଲା।

ସେ ସରକାରଙ୍କ ଉତ୍ପାଦନ ଭିତ୍ତିକ ପ୍ରୋତ୍ସାହନ (ପିଏଲଆଇ) ଯୋଜନା ଏବଂ ଭାରତର ଉପଭୋଗ ଆଧାର ତଥା ଜନସାଂଖିକୀୟ ଲାଭର ଲାଭ ଉଠାଇବା ଉପରେ ମଧ୍ୟ ଆଲୋକପାତ କରିଥିଲେ। ଭାରତର ଉତ୍ପାଦନ-ଭିତ୍ତିକ ପ୍ରୋତ୍ସାହନ (ପିଏଲଆଇ) ଯୋଜନା ବିଷୟରେ ମତ ରଖି ଡକ୍ଟର ମିଶ୍ର ଏହାର ସକାରାତ୍ମକ ପ୍ରଭାବ ବିଷୟରେ ଉଲ୍ଲେଖ କରିଥିଲେ। ଏଥିସହିତ ଏହି ଯୋଜନାର ଦୀର୍ଘକାଳୀନ ମୂଲ୍ୟାଙ୍କନ ଉପରେ ସେ ଗୁରୁତ୍ୱାରୋପ କରିଥିଲେ।

ବର୍ତ୍ତମାନ ଚାଲିଥିବା ସଂରକ୍ଷଣବାଦ ଏବଂ ୱାଶିଂଟନ୍ ସର୍ବସମ୍ମତିର ଭାଙ୍ଗିବା ପରିପ୍ରେକ୍ଷୀରେ ଡକ୍ଟର ମିଶ୍ର କହିଥିଲେ, ବିଶ୍ୱ ସହିତ ଭାରତର ଆର୍ଥିକ ସମ୍ପର୍କରେ ଆମର ନୀତିଗତ ଆଭିମୁଖ୍ୟ ଅତ୍ୟନ୍ତ ସୁସଂଗତ ରହିଛି। ସେ କହିଥିଲେ, ପାରସ୍ପରିକ ଲାଭପ୍ରଦ ଭିତ୍ତିରେ ଅନ୍ୟ ଦେଶଗୁଡ଼ିକ ସହିତ ସମ୍ପର୍କ ସ୍ଥାପନରେ ଭାରତର ବିଶ୍ୱାସକୁ ଜାରି କରାଯାଇଛି। ନିକଟରେ ଅଷ୍ଟ୍ରେଲିଆ, ୟୁଏଇ ଏବଂ ଇଏଫଟିଏ ସହିତ ହୋଇଥିବା ଏଫଟିଏର ଉଦାହରଣ ଦେଇ ସେ ବ୍ରିଟେନ ଏବଂ ୟୁରୋପୀୟ ସଂଘ ସହିତ ଚାଲିଥିବା ଆଲୋଚନା ବିଷୟରେ ଉଲ୍ଲେଖ କରିଥିଲେ। ଏହି ଆଭିମୁଖ୍ୟ ଭାରତକୁ ପରିବର୍ତ୍ତିତ ଆହ୍ୱାନଗୁଡ଼ିକୁ ହ୍ରାସ କରିବାରେ ସାହାଯ୍ୟ କରିବ ବୋଲି ସେ କହିଥିଲେ।

ପ୍ରଧାନମନ୍ତ୍ରୀଙ୍କ ପ୍ରମୁଖ ସଚିବ ଏକ ନୂତନ ଆଭିମୁଖ୍ୟ ସହିତ ଅନିଶ୍ଚିତତାର ମୁକାବିଲା କରିବାର ଆବଶ୍ୟକତା ଉପରେ ଗୁରୁତ୍ୱାରୋପ କରିଥିଲେ ଯେଉଁଠାରେ କେବଳ ବିପଦ ଆକଳନ ନୁହେଁ ବରଂ ଏକ ‘ଅଭଙ୍ଗୁର ବ୍ୟବସ୍ଥା’ ନିର୍ମାଣ କରିବା ମଧ୍ୟ ଆମର ଉଦ୍ଦେଶ୍ୟ ହେବା ଉଚିତ ବୋଲି ସେ କହିଥିଲେ । ଡକ୍ଟର ମିଶ୍ର ଗୁରୁତ୍ୱାରୋପ କରି କହିଥିଲେ ଯେ ଆମ ବ୍ୟବସ୍ଥା କେବଳ ନମନୀୟ ହେବା ଉଚିତ ନୁହେଁ, ବରଂ ‘ଅଭଙ୍ଗୁର’ ମଧ୍ୟ ହେବା ଉଚିତ।

ଡକ୍ଟର ମିଶ୍ର ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ସଦ୍ୟ ଆମେରିକା ଗସ୍ତ ବିଷୟରେ ଉଲ୍ଲେଖ କରି ଏହାକୁ କେବଳ ସଙ୍କଟ ମୁକାବିଲା ପାଇଁ ଜବାବୀ ପଦକ୍ଷେପ ପରିବର୍ତ୍ତେ ବାଣିଜ୍ୟ ସମ୍ପର୍କ ବୃଦ୍ଧି ଏବଂ ‘ସୁଯୋଗ’ ଦିଗରେ ଆଗକୁ ବଢ଼ିବା ଦୃଷ୍ଟିକୋଣରୁ ‘ଅତ୍ୟନ୍ତ ସକରାତ୍ମକ’ ବୋଲି ବର୍ଣ୍ଣନା କରିଥିଲେ। ସେ କହିଥିଲେ ଯେ କେବଳ ଦ୍ୱିପାକ୍ଷିକ, ଆଞ୍ଚଳିକ ନୁହେଁ, ବରଂ ବିକଶିତ ହେଉଥିବା ବିଶ୍ୱ ବାଣିଜ୍ୟ ପରିବେଶରେ ବହୁପକ୍ଷୀୟ ସମ୍ପର୍କ ମଧ୍ୟ ଆର୍ଥିକ ପରିଦୃଶ୍ୟକୁ ବଦଳାଇ ଦେଉଛି। ଭାରତର ବ୍ୟାପକ ଉପଭୋକ୍ତା ଆଧାର ଏବଂ ଜନସାଂଖିକୀୟ ଲାଭକୁ ନେଇ ଡକ୍ଟର ମିଶ୍ର ବେଶ୍‌ ଆଶା ବ୍ୟକ୍ତ କରିଥିଲେ। ଏହା ଏକ ସୁଦୃଢ଼ ଡିଜିଟାଲ୍ ସାର୍ବଜନୀନ ଭିତ୍ତିଭୂମି ଏବଂ ବୈଷୟିକ ସାମର୍ଥ୍ୟ ଦ୍ୱାରା ବୃଦ୍ଧି ପାଇଛି ବୋଲି ସେ କହିଥିଲେ। ପ୍ରଧାନମନ୍ତ୍ରୀଙ୍କ ପ୍ରମୁଖ ସଚିବ କହିଥିଲେ ଯେ, ଭାରତ ବାହ୍ୟ ଚାପର ମୁକାବିଲା କରିବା ଏବଂ ନିଜର ସ୍ଥିତି ଦୃଢ଼ ରଖି ବୁଝାମଣା କରିବାରେ ସକ୍ଷମ ହେବା ଉଚିତ।

ଆର୍ଥିକ ବିଶ୍ଳେଷକ ନାସିମ୍ ନିକୋଲାସ୍ ତାଲେବଙ୍କ କାର୍ଯ୍ୟକୁ ଉଦ୍ଧୃତ କରି ଡକ୍ଟର ମିଶ୍ର କହିଥିଲେ, କେବଳ ନମନୀୟ ବ୍ୟବସ୍ଥା ଉପରେ ଧ୍ୟାନ ଦେବା ପରିବର୍ତ୍ତେ ଅଭଙ୍ଗୁର ବ୍ୟବସ୍ଥା ସୃଷ୍ଟି କରିବା ଉପରେ ଗୁରୁତ୍ୱାରୋପ କରାଯିବା ଉଚିତ୍‌ । ସେ କହିଥିଲେ ଯେ ନୀତିଗୁଡ଼ିକର ସ୍ଥିରତା ଉପରେ ଧ୍ୟାନ ଦେଇ ବିଶ୍ଳେଷଣାତ୍ମକ ଦୃଷ୍ଟିକୋଣ ସହିତ ପ୍ରସ୍ତୁତ କରାଯାଇଥାଏ।

ଭାରତର କୃଷି କ୍ଷେତ୍ର ଉପରେ ମତ ରଖି, ଡକ୍ଟର ମିଶ୍ର କହିଥିଲେ ଯେ ଦେଶର ମୋଟ ଶ୍ରମଶକ୍ତିର ପ୍ରାୟ 46 ପ୍ରତିଶତ ଏହି କ୍ଷେତ୍ରରେ ରହିଛି, ଯଦିଓ ମୋଟ ଘରୋଇ ଉତ୍ପାଦ (ଜିଡିପି) ରେ ଏହାର ଅଂଶ 1970 ଦଶକରେ ପ୍ରାୟ 50 ପ୍ରତିଶତରୁ ବର୍ତ୍ତମାନ 18 ପ୍ରତିଶତକୁ ହ୍ରାସ ପାଇଛି। କୃଷିରେ ବିବିଧତା ଆଣିବା ଗୁରୁତ୍ୱପୂର୍ଣ୍ଣ ବୋଲି ଡକ୍ଟର ମିଶ୍ର ମତବ୍ୟକ୍ତ କରିଥିଲେ।

ପ୍ରଶାସନିକ ସେବା କ୍ଷେତ୍ରରେ ସଂସ୍କାର ସମ୍ପର୍କରେ ଡକ୍ଟର ମିଶ୍ର କହିଥିଲେ ଯେ ପ୍ରଶାସନର ପରିବର୍ତ୍ତିତ ଆବଶ୍ୟକତା ସହିତ ତାଳ ଦେଇ ଏହି କ୍ଷେତ୍ରର ଆଧୁନିକୀକରଣ ଏବଂ ସୁଦୃଢ଼ୀକରଣ ପାଇଁ ଭାରତ ନିରନ୍ତର ଓ ବିକାଶଶୀଳ ପ୍ରୟାସ ପ୍ରଦର୍ଶନ କରୁଛି। ନିରନ୍ତର ନବସୃଜନ, ଆଜୀବନ ଶିକ୍ଷା ଏବଂ ସ୍ଥିର ବିଶ୍ୱସନୀୟତା ମଧ୍ୟ ଏହି ଆଭିମୁଖ୍ୟରେ ରହିଛି। ଗତ ଦଶନ୍ଧି ମଧ୍ୟରେ, କର୍ମଚାରୀ ପରିଚାଳନା ବ୍ୟବସ୍ଥାରେ ଅଭୂତପୂର୍ବ ପରିବର୍ତ୍ତନ ଆସିଛି। ‘ମିଶନ କର୍ମଯୋଗୀ’ ଏବଂ ’ସମନ୍ୱିତ ସରକାରୀ ଅନଲାଇନ ତାଲିମ’ (ଆଇଜିଓଟି) ମଞ୍ଚ ଭଳି ନୂତନ ପଦକ୍ଷେପଗୁଡ଼ିକ କାର୍ମିକ ପରିଚାଳନା କ୍ଷେତ୍ରରେ ଦକ୍ଷତା ଆଧାରିତ ଏବଂ ସାମଗ୍ରିକ ଆଭିମୁଖ୍ୟ ପ୍ରବର୍ତ୍ତନ କରିଛନ୍ତି। ପ୍ରଶାସନକୁ ଅଧିକ ସୁଗମ୍ୟ, ଦକ୍ଷ ଏବଂ ନାଗରିକ ଅନୁକୂଳ କରିବା ପାଇଁ ଆର୍ଟିଫିସିଆଲ୍ ଇଣ୍ଟେଲିଜେନ୍ସ ଭଳି ନୂତନ ପ୍ରଯୁକ୍ତିବିଦ୍ୟା ଗ୍ରହଣ କରିବା ଭଳି କ୍ଷେତ୍ରରେ ସଂସ୍କାର ଜାରି ରହିବ।

ନୂଆଦିଲ୍ଲୀ: ଭାରତ ସରକାରଙ୍କ ଅଣୁ, କ୍ଷୁଦ୍ର ଓ ମଧ୍ୟମ ଉଦ୍ୟୋଗ ମନ୍ତ୍ରଣାଳୟ ପକ୍ଷରୁ ଖଦି ଓ ଗ୍ରାମୋଦ୍ୟୋଗ କମିଶନ (କେଭିଆଇସି) ଙ୍କ ପକ୍ଷରୁ ଗ୍ରାମୋଦ୍ୟୋଗ ବିକାଶ ଯୋଜନା (ଜିଭିବାଇ) ଯୋଜନା ଅନ୍ତର୍ଗତ କଟକସ୍ଥିତ ଜବାହରଲାଲ ଇନଡୋର ଷ୍ଟାଡିୟମରେ ହିତାଧିକାରୀମାନଙ୍କୁ ଯନ୍ତ୍ରାଂଶ  ଟୁଲକିଟ ବଂଟନ କରାଯାଇଛି।

ଏହାସହ ବୁଧବାର ଦିନ ସ୍ଥାନୀୟ ଖ୍ରୀଷ୍ଟିୟାନ ପଡିଆରେ ରାଜ୍ୟସ୍ତରୀୟ ଖଦି ଓ ପିଏମଇଜିପି ପ୍ରଦର୍ଶନୀ ଉଦଘାଟିତ ହୋଇଛି। ଏହି କାର୍ଯ୍ୟକ୍ରମରେ କେଭିଆଇସି ଅଧ୍ୟକ୍ଷ ମନୋଜ କୁମାର, ସ୍ଥାନୀୟ ସାଂସଦ ଭର୍ତୃହରି ମହତାବ, କେଭିଆଇସି ପୂର୍ବାଚଂଳ ସଦସ୍ୟ ମନୋଜ କୁମାର ସିଂ, ଜିଲ୍ଲପାଳ ଦତାତ୍ରେୟ ଭାଉ ସାହେବ ସିନ୍ଦେ, ଭୁବନେଶ୍ୱର ଓଡିଶା ଖଦି ଓ ଗ୍ରାମୋଦ୍ୟୋଗ ବୋର୍ଡ ସଚିବ ସଞ୍ଜୟ କୁମାର ମିଶ୍ର ପ୍ରମୁଖ ଯୋଗ ଦେଇଥିଲେ।

ରାଜ୍ୟସ୍ତରୀୟ ଖଦି ଓ ପିଏମଇଜିପିର ମିଳିତ ପ୍ରଦର୍ଶନୀରେ ପ୍ରାୟ ପଚାଶଟି ଖଦି ଷ୍ଟଲ, ପଚାଶଟି ପିଏମଇଜିପି ଷ୍ଟଲ ପଡିଛି। ଏଥିରେ ଖଦି ଅନୁଷ୍ଠାନର ବିଭିନ୍ନ ଉତ୍ପାଦ, ଗ୍ରାମ୍ୟ ଶିଳ୍ପ ୟୁନିଟ, ପିଏମଇଜିପି, ଆରଇଜିପି, ଏସଏଫୟୁଆରଟି ଯୋଜନାର ବିଭିନ୍ନ ୟୁନିଟ ପଡିଛି। ହସ୍ତ ତନ୍ତ, ଖଦି ବୁଣା, ମାଟି ପାତ୍ର ତିଆରି, ହାତ ତିଆରି କାଗଜ ଶିଳ୍ପ ପରି ବିଭିନ୍ନ କାର୍ଯ୍ୟକ୍ରମ ପ୍ରଦର୍ଶିତ ହେଉଛି। ସାଧାରଣ ଜନତା ପାଇଁ ଏହି ପ୍ରଦର୍ଶନୀ ଆସନ୍ତା ୬ ଫେବୃୟାରୀ ପର୍ଯ୍ୟନ୍ତ ଚାଲୁ ରହିବ।

ଏହି ପ୍ରଦର୍ଶନୀରେ ଖଦି ଓ ଗ୍ରାମୋଦ୍ୟୋଗ ଉତ୍ପାଦ ପ୍ରଦର୍ଶନ ସହ ସ୍ଥାନୀୟ କାରିଗରମାନଙ୍କ ପାଇଁ ଉପଯୁକ୍ତ ବଜାର ସୃଷ୍ଟି କରିବାକୁ ଲକ୍ଷ୍ୟ ରଖାଯାଇଛି।

ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଆତ୍ମ ନିର୍ଭର ଭାରତ ଓ ଭୋକାଲ ଫର ଲୋକାଲ ମିଶନକୁ ଚରିତାର୍ଥ କରିବା ପାଇଁ ଏହି ପ୍ରଦର୍ଶନୀର ଆୟୋଜନ କରାଯାଇଥିବା କୁହାଯାଇଛି।

ଜବାହର ଲାଲ ଇନଡୋର ଷ୍ଟାଡିୟମରେ ଅନୁଷ୍ଠିତ ହୋଇଥିବା ଉତ୍ସବରେ କେଭିଆଇସି ଅଧ୍ୟକ୍ଷ ମନୋଜ କୁମାର ୧୩୬ଟି ଇଲେକ୍ଟ୍ରିକ ମାଟିର ଚକା, ୫୦ଟି ମହୁ ବାକ୍ସ, ୪୦ ଟି ତାଳ ଗୁଡ ପ୍ରସ୍ତୁତ ମେସିନ, ୮ଟି କାଗଜ ଥାଳି ପ୍ରସ୍ତୁତ ମେସିନ, ଗୋଟିଏ ମସଲା ପ୍ରସ୍ତୁତ ୟୁନିଟ, ଗୋଟିଏ ହାଇଡ୍ରା ମେସିନ, ଗୋଟିଏ ସବାଇ ଘାସ ମେସିନ ବିତରଣ କରିଥିଲେ।

ପ୍ରଧାନମନ୍ତ୍ରୀଙ୍କ ଆହ୍ୱାନ କ୍ରମେ ଓଡିଶାର ପ୍ରତି କାରିଗରଙ୍କୁ ଆତ୍ମ ନିର୍ଭର କରିବା ପାଇଁ କେଭିଆଇସି ଲକ୍ଷ୍ୟ ରଖିଥିବା କୁହାଯାଇଛି। ନିଜ କାମକୁ ସରଳ ଓ ସହଜ କରିବା ସହ ଆତ୍ମ ନିର୍ଭର ଭାରତ ସୃଷ୍ଟି କରିବାକୁ ଏହି ଯନ୍ତ୍ରପାତି ବିଶେଷ ସହାୟକ ହେବ ବୋଲି କୁହାଯାଇଛି।

ଖ୍ରୀଷ୍ଟିଆନ ପଡିଆରେ ଅନୁଷ୍ଠିତ ପ୍ରଦର୍ଶନୀ କାର୍ଯ୍ୟକ୍ରମରେ ଉଦବୋଧନ ଦେଇ ସାଂସଦ ଭର୍ତୃହରି ମହତାବ କହିଥିଲେ ଯେ, ମହାତ୍ମା ଗାନ୍ଧୀଙ୍କର ଆଦର୍ଶକୁ ଏହି ଖଦି ପ୍ରତିଫଳିତ କରୁଛି। ପ୍ରଧାନମନ୍ତ୍ରୀଙ୍କ ନେତୃତ୍ୱରେ ଖଦି ଓ ଗ୍ରାମୋଦ୍ୟୋଗକୁ ଅଭୂତପୂର୍ବ ସଫଳତା ମିଳିଛି। ଆତ୍ମ ନିର୍ଭର ଭାରତ ଅଭିଯାନରେ ପାଦେ ଆଗକୁ ଯାଇ ସ୍ୱଦେଶୀ ସାମଗ୍ରୀ ବ୍ୟବହାର କରିବା ପାଇଁ ଏହି ପ୍ରଦର୍ଶନୀ ଯଥେଷ୍ଟ ଖୋରାକ ଯୋଗାଇବ ବୋଲି ସାଂସଦ କହିଛନ୍ତି।

ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ନେତୃତ୍ୱ ଓ ଏମଏସଏମଇ ମନ୍ତ୍ରଣାଳୟର ପ୍ରତ୍ୟକ୍ଷ ମାର୍ଗଦର୍ଶନରେ ବିକଶିତ ଭାରତୀୟ ଭାବଧାରାରେ ନବ ଭାରତର ନୂଆ ଖଦି କାର୍ଯ୍ୟକ୍ରମ ଆଗକୁ ଯାଇପାରିଥିବା କେଭିଆଇସି ଅଧ୍ୟକ୍ଷ ଗୁରୁତ୍ୱାରୋପ କରିଥିଲେ।

ଖଦି ବିପ୍ଲବ ଦ୍ୱାରା ଗତ ଦଶ ବର୍ଷ ଭିତରେ ୧୦.୧୭ ଲକ୍ଷ ଲୋକଙ୍କୁ ନିଯୁକ୍ତି ପ୍ରଦାନ କରାଯାଇ ପ୍ରାୟ ୧.୫୫ ଲକ୍ଷ କୋଟି ଟଙ୍କାର ବ୍ୟବସାୟ କରାଯାଇଥିବା ସୂଚନା ପ୍ରଦାନ କରାଯାଇଛି। କେଭିଆଇସି ପୂର୍ବାଂଚଳ ଜୋନ ସଦସ୍ୟ ମନୋଜ କୁମାର ସିଂ କହିଛନ୍ତି ଯେ,

ଓଡିଶାରେ ପ୍ରାୟ ୮୮ଟି କ୍ରିୟାଶୀଳ ଖଦି ଅନୁଷ୍ଠାନ ରହିଛି। ଗତ ପାଂଚ ବର୍ଷ ଭିତରେ ୮୬.୫୮ କୋଟି ଟଙ୍କାର ଉତ୍ପାଦ ପ୍ରସ୍ତୁତ କରାଯାଇ ୯୪.୪୦ କୋଟି ଟଙ୍କାର ବ୍ୟବସାୟ କରାଯାଇଥିବା ସୂଚନା ଦିଆଯାଇଛି।

ଫଳରେ ପ୍ରାୟ ୨,୨୭୭ ବୁଣାକାର ନିଯୁକ୍ତି ସୁଯୋଗ ହାତେଇଛନ୍ତି। ଏହାଛଡା ପିଏମଇଜିପି ଅଧୀନରେ ଗତ ପାଂଚ ବର୍ଷ ଭିତରେ ୧୭,୦୫୦ ନୂଆ ଶିଳ୍ପ ପ୍ରତିଷ୍ଠା କରାଯାଇ ୧,୪୩,୧୦୯ଟି ଚାକିରି ସୁଯୋଗ ସୃଷ୍ଟି କରାଯାଇ ପାରିଛି। ଏମଡିଟିସି, କେଭିଆଇସି ଭୁବନେଶ୍ୱର ମାଧ୍ୟମରେ ୨,୪୪୪ କାରିଗରଙ୍କୁ ଅଧିକ କୁଶଳୀ କରାଯାଇ ପାରିଛି। ଖଦି ବିକାଶ ଯୋଜନା ଓ ଏସଏଫୟୁଆରଟିଆଇ ଯୋଜନା ଅଧୀନରେ ଆର୍ଥିକ ସହାୟତା ପ୍ରଦାନ କରାଯାଇଛି।

ଏହି କାର୍ଯ୍ୟକ୍ରମରେ ଖଦି ଅନୁଷ୍ଠାନର ପ୍ରତିନିଧି, ପିଏମଇଜିପି ୟୁନିଟର ହିତାଧିକାରୀ, ଖଦି କାରିଗର, ରାଜ୍ୟ ସରକାର ଓ କେଭିଆଇସିର ପଦାଧିକାରୀ ଓ କର୍ମଚାରୀମାନେ ଉପସ୍ଥିତ ଥିଲେ।

ପ୍ରୟାଗରାଜ: ଭାରତ ସରକାରଙ୍କ ବିଭିନ୍ନ ଯୋଜନା କେମିତି ବିବିଧତା ମଧ୍ୟରେ ଏକତାର ବାର୍ତ୍ତା ପ୍ରଦାନ କରୁଛି, ତାହା ଦର୍ଶାଉଛି ହାକୁମ୍ଭ ୨୦୨୫ର ଡିଜିଟାଲ ପ୍ରଦର୍ଶନୀ। କେନ୍ଦ୍ର ସରକାରଙ୍କ ସୂଚନା ଓ ପ୍ରସାରଣ ମନ୍ତ୍ରଣାଳୟ ତରଫରୁ ଆୟୋଜିତ ଏହି ଡିଜିଟାଲ ପ୍ରଦର୍ଶନୀ ଦେଖିବାକୁ ବହୁତ ଲୋକ ଆସୁଛନ୍ତି।

ଗୋଟିଏ ଦେଶ ଗୋଟିଏ କର, ଗୋଟିଏ ଦେଶ ଗୋଟିଏ ପାଓ୍ୱାର ଗ୍ରୀଡ, ଗୋଟିଏ ଦେଶ ଗୋଟିଏ ରାସନ କାର୍ଡ ପରି କେନ୍ଦ୍ର ସରକାରଙ୍କ ବିଭିନ୍ନ କାର୍ଯ୍ୟକ୍ରମ ଜରିଆରେ ‘ବିବିଧତା ମଧ୍ୟରେ ଏକତା’ କୁ ଅନୁଭବ କରାଯାଉଛି। ଦେଶର ଏକତାକୁ ଆହୁରି ମଜଭୁତ କରୁଥିବା ଏହି ସବୁ କାର୍ଯ୍ୟକ୍ରମ ସଂପର୍କରେ ପ୍ରୟାଗରାଜ ମହାକୁମ୍ଭର ତ୍ରିବେଣୀ ମାର୍ଗରେ କେନ୍ଦ୍ର ସୂଚନା ଓ ପ୍ରସାରଣ ମନ୍ତ୍ରଣାଳୟ ଦ୍ୱାରା ଆୟୋଜିତ ଡିଜିଟାଲ ପ୍ରଦର୍ଶନୀରେ ଦର୍ଶକଙ୍କୁ ସୂଚନା ପ୍ରଦାନ କରାଯାଉଛି। ଜାତୀୟ ଏକତାର ପ୍ରତୀକ ସର୍ଦ୍ଦାର ପଟେଲଙ୍କ ଏକ ପ୍ରତିମୂର୍ତ୍ତିର ଏକ ଚିତ୍ର ମଧ୍ୟ ଏଠାରେ ସ୍ଥାନ ପାଇଛି ଯାହାକି ଏକତାର ବାର୍ତ୍ତା ବହନ କରୁଛି।

ଜାମ୍ମୁ କାଶ୍ମୀରରୁ ଧାରା ୩୭୦ ଉଚ୍ଛେଦ ସହିତ ପୂରଣ ହୋଇଛି ‘ଗୋଟିଏ ଦେଶ ଗୋଟିଏ ସମ୍ୱିଧାନ’ର ସଂକଳ୍ପ। ବିକଶିତ ଭାରତର ସ୍ୱପ୍ନ ପୂରଣ କରିବା ପାଇଁ ‘ଗୋଟିଏ ଦେଶ ଗୋଟିଏ ନିର୍ବାଚନ’ ଓ ‘ଗୋଟିଏ ଦେଶ ଗୋଟିଏ ନାଗିରକ ସଂହିତା’ ପାଇଁ ଜୋରସୋରରେ ପ୍ରୟାସ କରାଯାଉଛି। ପ୍ରଦର୍ଶନୀରେ ଆକର୍ଷଣୀୟ ଶୈଳୀରେ ଏହା ପ୍ରଦର୍ଶିତ ହୋଇଛି।

ଭାରତ ସରକାରଙ୍କ ବିଭିନ୍ନ ଜନକଲ୍ୟାଣକାରୀ ଯୋଜନା, ନୀତି ଓ ସଫଳତାକୁ ନେଇ ଆୟୋଜିତ ଏହି ପ୍ରଦର୍ଶନୀରେ ଉଦ୍ୟୋଗୀକରଣ ଓ ଆତ୍ମନିଯୁକ୍ତିର ପ୍ରୋତ୍ସାହନକୁ ମଧ୍ୟ ଗୁରୁତ୍ୱ ଦିଆଯାଇଛି। ମୁଦ୍ରା ଯୋଜନା, ପିଏମ୍ ବିଶ୍ୱକର୍ମା ଯୋଜନା, ପିଏମଇଜିପି ଓ କ୍ରେଡିଟ୍ ଗ୍ୟାରେଣ୍ଟି ଫଣ୍ଡ ପରି ଯୋଜନା ଜରିଆରେ ସମ୍ଭବ ହୋଇ ପାରିଛି ଉଦ୍ୟୋଗୀକରଣ ଓ ଆତ୍ମନିଯୁକ୍ତି।

ଜାନୁଆରି ୧୩ରୁ ଆରମ୍ଭ ହୋଇଥିବା ଏହି ପ୍ରଦର୍ଶନୀକୁ ବହୁ ଲୋକ ଆସିଛନ୍ତି। ଦୃଶ୍ୟ-ଶ୍ରାବ୍ୟ ମିଡିଆ ଜରିଆରେ ସେମାନେ ବିକାଶ ଓ ଐତିହ୍ୟ ସଂପର୍କରେ ଅନେକ କଥା ଜାଣିପାରୁଛନ୍ତି। ଏଲଇଡି ପରଦାରେ ପ୍ରଦର୍ଶିତ ହେଉଥିବା ବିଭିନ୍ନ ସରକାରୀ ଯୋଜନା ମଧ୍ୟ ଲୋକଙ୍କୁ ଆକର୍ଷିତ କରୁଛି। ଏହା ସହିତ ସେମାନେ ସେଲଫି ମଧ୍ୟ ନେଉଛନ୍ତି।

ନୂଆଦିଲ୍ଲୀ: ମହିଳା ଓ ଶିଶୁ ବିକାଶ ମନ୍ତ୍ରଣାଳୟ ଆଜି ବେଟି ବଚାଓ ବେଟି ପଢ଼ାଓ (ବିବିବିପି) ଯୋଜନାର ଦଶମ ବାର୍ଷିକୀ  ପାଳନ କରିଛି ଯାହା କି ଲିଙ୍ଗଗତ ଅସନ୍ତୁଳନ ଦୂର କରିବା ଏବଂ କନ୍ୟା ସନ୍ତାନ ସଶକ୍ତୀକରଣ ଉଦ୍ଦେଶ୍ୟରେ ଭାରତ ସରକାରଙ୍କ ଏକ ପ୍ରମୁଖ ପଦକ୍ଷେପ।

ନୂଆଦିଲ୍ଲୀସ୍ଥିତ ବିଜ୍ଞାନ ଭବନରେ ଆୟୋଜିତ ଉଦ୍ ଘାଟନୀ ଉତ୍ସବରେ କେନ୍ଦ୍ର ସ୍ୱାସ୍ଥ୍ୟ ଓ ପରିବାର କଲ୍ୟାଣ ଏବଂ ରସାୟନ ଓ ସାର ମନ୍ତ୍ରୀ ଜଗତ ପ୍ରକାଶ ନଡ୍ଡା, କେନ୍ଦ୍ର ମହିଳା ଓ ଶିଶୁ ବିକାଶ ମନ୍ତ୍ରୀ ଅନ୍ନପୂର୍ଣ୍ଣା ଦେବୀ ଏବଂ ମହିଳା ଓ ଶିଶୁ ବିକାଶ ରାଷ୍ଟ୍ରମନ୍ତ୍ରୀ ସାବିତ୍ରୀ ଠାକୁରଙ୍କ ସମେତ ବହୁ ବିଶିଷ୍ଟ ବ୍ୟକ୍ତି ଉପସ୍ଥିତ ଥିଲେ।

ଏହି କାର୍ଯ୍ୟକ୍ରମରେ ବିବିବିପି ଯୋଜନା ଅଧୀନରେ ଏକ ଦଶନ୍ଧିର ଅଗ୍ରଗତି ଉପରେ ଆଲୋକପାତ କରାଯାଇଥିଲା, ଯାହା ମହିଳା ଏବଂ ବାଳିକା ସଶକ୍ତୀକରଣ ପାଇଁ ଭାରତ ସରକାରଙ୍କ ପ୍ରତିବଦ୍ଧତାକୁ ପ୍ରତିଫଳିତ କରେ । ଏହା ଦେଶର ଏକ ବିକାଶିତ ଭାରତ ୨୦୪୭ ର ସ୍ୱପ୍ନକୁ ମଧ୍ୟ ଦୋହରାଇଛି, ଯେଉଁଠାରେ ଲିଙ୍ଗଗତ ସମାନତା କେବଳ ଏକ ନୀତିଗତ ପ୍ରାଥମିକତା ନୁହେଁ ବରଂ ଏକ ସାମାଜିକ ମାନଦଣ୍ଡ ।

କେନ୍ଦ୍ର ସ୍ୱାସ୍ଥ୍ୟ ଓ ପରିବାର କଲ୍ୟାଣ ଏବଂ ରସାୟନ ଓ ସାର ମନ୍ତ୍ରୀ ଶ୍ରୀ ଜଗତ ପ୍ରକାଶ ନଡ୍ଡା ତାଙ୍କ ସ୍ୱତନ୍ତ୍ର ଅଭିଭାଷଣରେ ସ୍ୱାସ୍ଥ୍ୟ ଏବଂ ଶିକ୍ଷା ଭଳି ଗୁରୁତ୍ୱପୂର୍ଣ୍ଣ କ୍ଷେତ୍ରରେ ହୋଇଥିବା ଅଗ୍ରଗତି ଉପରେ ଆଲୋକପାତ କରିଥିଲେ । ସେ କହିଥିଲେ ଯେ ବେଟି ବଚାଓ ବେଟି ପଢ଼ାଓ ଯୋଜନାର ସଫଳତା ଶିଶୁ ଲିଙ୍ଗ ଅନୁପାତ, ଆନୁଷ୍ଠାନିକ ପ୍ରସବ ଏବଂ ଝିଅମାନଙ୍କ ପାଇଁ ସ୍ୱାସ୍ଥ୍ୟ ସେବା ର ଉପଲବ୍ଧତାରେ ଯଥେଷ୍ଟ ଉନ୍ନତି ରୁ ସ୍ପଷ୍ଟ ହୋଇଛି ।

ପ୍ରତ୍ୟେକ କନ୍ୟା ସନ୍ତାନ ଯେପରି ଆସନ୍ତାକାଲିର ନେତ୍ରୀ ହେବା ପାଇଁ ଯୋଗ୍ୟ ଯତ୍ନ ଓ ସୁଯୋଗ ପାଇବେ ତାହା ସୁନିଶ୍ଚିତ କରିବାକୁ ଭାରତ ସରକାର ପ୍ରତିଶ୍ରୁତିବଦ୍ଧ।

କେନ୍ଦ୍ର ମହିଳା ଓ ଶିଶୁ ବିକାଶ ମନ୍ତ୍ରୀ ଶ୍ରୀମତୀ ଅନ୍ନପୂର୍ଣ୍ଣା ଦେବୀ ତାଙ୍କ ମୁଖ୍ୟ ବକ୍ତବ୍ୟରେ କହିଛନ୍ତି ଯେ ବିବିବିପିର ପରିବର୍ତନକାରୀ ପ୍ରଭାବକୁ ସ୍ୱୀକାର କରିବା ସହ ଏହି ଯୋଜନା ସାମାଜିକ ପରିବର୍ତ୍ତନ ପାଇଁ ଏକ ଉତପ୍ରେରକ ପାଲଟିଛି ବୋଲି ଗୁରୁତ୍ୱାରୋପ କରିଥିଲେ । ସେ ଆହୁରି ମଧ୍ୟ କହିଛନ୍ତି ଯେ ବେଟି ବଚାଓ ବେଟି ପଢ଼ାଓ ଅଭିଯାନ ଏକ ସରକାରୀ ଯୋଜନାରୁ ଦେଶବ୍ୟାପୀ ଆନ୍ଦୋଳନରେ ପରିଣତ ହୋଇଛି। ଶ୍ରୀମତୀ ଦେବୀ ଆହୁରି ମଧ୍ୟ କହିଛନ୍ତି ଯେ ଏହି ୧୦ ବର୍ଷର ଯାତ୍ରା କନ୍ୟା ସନ୍ତାନର ସ୍ଥିତିରେ ଉନ୍ନତି ଆଣିବା ଏବଂ ଶିକ୍ଷା, ସ୍ୱାସ୍ଥ୍ୟ ଏବଂ ସାମଗ୍ରିକ ବିକାଶ ପାଇଁ ତାଙ୍କୁ ସମାନ ସୁଯୋଗ ପ୍ରଦାନ କରିବାରେ ଗୁରୁତ୍ୱପୂର୍ଣ୍ଣ ଯୋଗଦାନ ଦେଇଛି ।

ମହିଳା ଓ ଶିଶୁ ବିକାଶ ରାଷ୍ଟ୍ରମନ୍ତ୍ରୀ ଶ୍ରୀମତୀ ସାବିତ୍ରୀ ଠାକୁର ସ୍ବତନ୍ତ୍ର ଅଭିଭାଷଣ ଦେଇ ଏହି ଯୋଜନା ଦ୍ୱାରା ହୋଇଥିବା ସାଂସ୍କୃତିକ ପରିବର୍ତ୍ତନ ଉପରେ ଆଲୋକପାତ କରିଥିଲେ। “ବେଟି ବଚାଓ ବେଟି ପଢ଼ାଓ ହେଉଛି ମହିଳାଙ୍କ ଉନ୍ନତି ପାଇଁ ଆମର ସାମୂହିକ ପ୍ରତିବଦ୍ଧତାର ପ୍ରତିଫଳନ । ଶ୍ରୀମତୀ ଠାକୁର କହିଥିଲେ ଯେ ଆମେ ଏହି ମାଇଲଖୁଣ୍ଟ ପାଳନ କରୁଥିବା ବେଳେ, ଆମେ ଏକ ପରିବେଶ ସୃଷ୍ଟି କରିବା ପାଇଁ ଆମର ସମର୍ପଣକୁ ଦୋହରାଇଛୁ ଯେଉଁଠାରେ ପ୍ରତ୍ୟେକ ଝିଅର ଶିକ୍ଷା, ସ୍ୱାସ୍ଥ୍ୟ ଏବଂ ସୁଯୋଗରେ ପରିପୂର୍ଣ୍ଣ ଭବିଷ୍ୟତ ଅଛି ।

ଏହି ଅବସରରେ ସମଗ୍ର ଦେଶରେ ମହିଳା ଓ ଶିଶୁସଶକ୍ତୀକରଣ ଦିଗରେ ସରକାରଙ୍କ ପ୍ରତିବଦ୍ଧତାକୁ ଆହୁରି ସୁଦୃଢ଼ କରିବା ପାଇଁ ସର୍ବୋତ୍ତମ ଅଭ୍ୟାସ ସଂକଳନ, ମିଶନ ବାତ୍ସଲ୍ୟ ପୋର୍ଟାଲ, ମିଶନ ଶକ୍ତି ପୋର୍ଟାଲ ଏବଂ ମିଶନ ଶକ୍ତି ମୋବାଇଲ୍‍ ଆପ୍ ସମେତ ଅନେକ ଗୁରୁତ୍ୱପୂର୍ଣ୍ଣ ପଦକ୍ଷେପ ର ଶୁଭାରମ୍ଭ କରାଯାଇଥିଲା ।

ଏହି କାର୍ଯ୍ୟକ୍ରମରେ ସଶସ୍ତ୍ର ବାହିନୀ, ପୁଲିସ, ଅର୍ଦ୍ଧସାମରିକ ବାହିନୀ, ଚିକିତ୍ସା, ବିଜ୍ଞାନ, ସରକାର ସମେତ ବିଭିନ୍ନ କ୍ଷେତ୍ରର ସମ୍ମାନିତ ମହିଳା ଅଧିକାରୀଙ୍କ ସହ ଉତ୍ସାହୀ ଛାତ୍ରୀମାନେ ଉପସ୍ଥିତ ଥିଲେ।

ଗତ ଏକ ଦଶନ୍ଧି ମଧ୍ୟରେ ବିବିବିପି ଯୋଜନା ଭାରତରେ ଲିଙ୍ଗଗତ ସମାନତା ଏବଂ କନ୍ୟା ସନ୍ତାନର ସ୍ଥିତିରେ ଉନ୍ନତି ଆଣିବା ଦିଗରେ ଉଲ୍ଲେଖନୀୟ ଅଗ୍ରଗତି କରିଛି ।

ଜନ୍ମ ସମୟରେ ଜାତୀୟ ଲିଙ୍ଗ ଅନୁପାତ (ଏସଆରବି) ୨୦୧୪-୧୫ରେ ୯୧୮ଥିବା ବେଳେ ୨୦୨୩-୨୪ରେ ଏହା ୯୩୦କୁ ବୃଦ୍ଧି ପାଇଛି। ମାଧ୍ୟମିକ ସ୍ତରରେ ଝିଅମାନଙ୍କର ମୋଟ ନାମଲେଖା ଅନୁପାତ ୭୫.୫୧%ରୁ ୭୮%କୁ ବୃଦ୍ଧି ପାଇଛି ଏବଂ ସଂସ୍ଥାଗତ ପ୍ରସବ ହାର ୬୧%ରୁ ୯୭.୩%କୁ ବୃଦ୍ଧି ପାଇଛି। ଏହାବ୍ୟତୀତ ପ୍ରଥମ ତ୍ରୈମାସିକ ପ୍ରସବ କାଳୀନ ଯତ୍ନ ପଞ୍ଜୀକରଣ ୬୧%ରୁ ୮୦.୫%କୁ ବୃଦ୍ଧି ପାଇଛି।

ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଦ୍ୱାରା ୨୨ ଜାନୁଆରୀ, ୨୦୧୫ରେ ଏହାର ଶୁଭାରମ୍ଭ ପରଠାରୁ ବିବିବିପି ଯୋଜନା ଭାରତରେ ଲିଙ୍ଗଗତ ଭେଦଭାବ ଏବଂ ହ୍ରାସ ପାଉଥିବା ଶିଶୁ ଲିଙ୍ଗ ଅନୁପାତ ସହିତ ଜଡ଼ିତ ଗୁରୁତ୍ୱପୂର୍ଣ୍ଣ ପ୍ରସଙ୍ଗଗୁଡ଼ିକର ସମାଧାନ କରିଛି । ଏହି ଯୋଜନା ଏକ ସାଂସ୍କୃତିକ ପରିବର୍ତ୍ତନକୁ ପ୍ରୋତ୍ସାହିତ କରିବାରେ ସହାୟକ ହୋଇଛି ଯାହା କନ୍ୟା ସନ୍ତାନମାନଙ୍କୁ ଗୁରୁତ୍ୱ ଦିଏ, ତାଙ୍କ ଅଧିକାର ଏବଂ ସୁଯୋଗକୁ ସୁରକ୍ଷିତ ରଖିବା କୁ ସୁନିଶ୍ଚିତ କରେ ଏବଂ ମହିଳାଙ୍କ ନେତୃତ୍ୱାଧୀନ ବିକାଶ ପାଇଁ ମାର୍ଗ ପ୍ରଶସ୍ତ କରେ ।

୨୦୨୫ ଜାନୁଆରି ୨୨ରୁ ମାର୍ଚ୍ଚ ୮ ତାରିଖ ପର୍ଯ୍ୟନ୍ତ ୧୦ତମ ବାର୍ଷିକ ଉତ୍ସବ ଆନ୍ତର୍ଜାତିକ ମହିଳା ଦିବସ ରେ ଶେଷ ହେବ। ବିବିବିପି ଯୋଜନାର ଉଦ୍ଦେଶ୍ୟକୁ ପ୍ରୋତ୍ସାହିତ କରିବା ପାଇଁ ରାଲି, ସାଂସ୍କୃତିକ କାର୍ଯ୍ୟକ୍ରମ ଏବଂ ଅଭିଯାନ ସମେତ ଦେଶବ୍ୟାପୀ ଅନେକ କାର୍ଯ୍ୟକ୍ରମ ଆୟୋଜନ କରାଯିବ । ଏହାବ୍ୟତୀତ ଭାରତ ସରକାରଙ୍କ ସାମଗ୍ରିକ ବିକାଶର ବ୍ୟାପକ ଦୃଷ୍ଟିକୋଣ ଅନୁଯାୟୀ ସ୍ଥାୟୀତା ଏବଂ ପରିବେଶ ସଚେତନତାକୁ ପ୍ରୋତ୍ସାହିତ କରିବା ପାଇଁ ଏକ ବୃକ୍ଷରୋପଣ ଅଭିଯାନ ପରିଚାଳିତ ହେବ ।

ମହିଳା ଓ ଶିଶୁ ବିକାଶ ମନ୍ତ୍ରଣାଳୟ ଏହା ସୁନିଶ୍ଚିତ କରିବାକୁ ପ୍ରତିଶ୍ରୁତିବଦ୍ଧ ଯେ ବିବିବିପି ଯୋଜନା ସକାରାତ୍ମକ ପରିବର୍ତ୍ତନ, ସମଗ୍ର ଦେଶରେ ବାଳିକା ଏବଂ ମହିଳାମାନଙ୍କୁ ସଶକ୍ତ କରିବା ଏବଂ ବିକଶିତ ଭାରତ ଗଠନରେ ଯୋଗଦାନ ପାଇଁ ଉତପ୍ରେରକ ଭାବରେ କାର୍ଯ୍ୟ କରିବ ।

ନୂଆଦିଲ୍ଲୀ: ଭାରତ ସରକାର ନିଜର ୨୦୨୫ କ୍ୟାଲେଣ୍ଡର ପାଇଁ ଜନଭାଗିଦାରୀ ସେ ଜନକଲ୍ୟାଣକୁ କେନ୍ଦ୍ରୀୟ ବିଷୟବସ୍ତୁ ଭାବେ ବାଛିଛନ୍ତି, ଯେଉଁଥିରେ ପରିବର୍ତ୍ତନଶୀଳ ଶାସନର ମୂଲ୍ୟବୋଧ ଉପରେ ଆଲୋକପାତ କରାଯାଇଛି। ରେଳ ଭବନରେ କ୍ୟାଲେଣ୍ଡର ଉନ୍ମୋଚନ କରି କେନ୍ଦ୍ର ସୂଚନା ଓ ପ୍ରସାରଣ, ରେଳବାଇ ଏବଂ ଇଲେକ୍ଟ୍ରୋନିକ୍ସ ଏବଂ ସୂଚନା ପ୍ରଯୁକ୍ତି ବିଦ୍ୟା ମନ୍ତ୍ରୀ ଅଶ୍ୱିନୀ ବୈଷ୍ଣବ ଗତ ଦଶନ୍ଧି ମଧ୍ୟରେ ବିଭିନ୍ନ କ୍ଷେତ୍ରରେ ପରିବର୍ତନମୂଳକ ଶାସନର ପ୍ରଭାବଶାଳୀ ଦିଗ ଉପରେ ଆଲୋକପାତ କରିଥିଲେ। ଗରିବଙ୍କ କଲ୍ୟାଣରେ ଉନ୍ନତି ଆଣିବା, ମହିଳା ସଶକ୍ତୀକରଣ ଏବଂ ସମଗ୍ର ଦେଶରେ ଭିତ୍ତିଭୂମି ବିକାଶ ଦିଗରେ ପରିବର୍ତନକାରୀ ଶାସନର ଭୂମିକା ଉପରେ ସେ ଗୁରୁତ୍ୱାରୋପ କରିଥିଲେ।

ଉଦଘାଟନୀ ଉତ୍ସବରେ କେନ୍ଦ୍ର ସୂଚନା ଓ ପ୍ରସାରଣ ଓ ସଂସଦୀୟ ବ୍ୟାପାର ରାଷ୍ଟ୍ରମନ୍ତ୍ରୀ ଡ. ଏଲ୍ ମୁରୁଗାନ୍, ସୂଚନା ଓ ପ୍ରସାରଣ ସଚିବ ସଞ୍ଜୟ ଜାଜୁ, ପିଆଇବିର ପ୍ରମୁଖ ମହାନିର୍ଦେଶକ ଧୀରେନ୍ଦ୍ର ଓଝା ଏବଂ କେନ୍ଦ୍ରୀୟ ଯୋଗାଯୋଗ ବ୍ୟୁରୋର ମହାନିର୍ଦେଶକ ଯୋଗେଶ ବାୱେଜା ପ୍ରମୁଖ ଉପସ୍ଥିତ ଥିଲେ।

ପରିବର୍ତ୍ତନଶୀଳ ଶାସନର ଏକ ଦଶନ୍ଧି ପାଳନ

ଦେଶ ୨୦୧୪ରୁ ୨୦୨୫ ପାଇଁ ସୁଶାସନର ଏକାଦଶ ବର୍ଷରେ ପ୍ରବେଶ କରୁଥିବା ବେଳେ ଭାରତ ସରକାରଙ୍କ କ୍ୟାଲେଣ୍ଡର ୨୦୨୫ଦେଶର ପ୍ରଗତି ଏବଂ ପରିବର୍ତନମୂଳକ ଶାସନ ଉପରେ ଆଲୋକପାତ କରିବା ପାଇଁ ଏହି ମାଧ୍ୟମକୁ ବ୍ୟବହାର କରିବାର ଦୀର୍ଘ ଦିନର ପରମ୍ପରାରେ ଆଉ ଏକ ଅଧ୍ୟାୟକୁ ଚିହ୍ନିତ କରିଛି। ସେଣ୍ଟ୍ରାଲ ବ୍ୟୁରୋ ଅଫ୍ କମ୍ୟୁନିକେସନ୍ (ସିବିସି) ଦ୍ୱାରା ପରିକଳ୍ପିତ ଏବଂ ପ୍ରସ୍ତୁତ ଏହି କ୍ୟାଲେଣ୍ଡର କେବଳ ଦିନ ଏବଂ ମାସର ମାର୍ଗଦର୍ଶିକା ନୁହେଁ ବରଂ ଅନ୍ତର୍ଭୁକ୍ତୀକରଣ, ସ୍ୱଚ୍ଛତା ଏବଂ ଅଂଶୀଦାର ଶାସନ ପ୍ରତି ସରକାରଙ୍କ ପ୍ରତିବଦ୍ଧତାର ପ୍ରତିଫଳନ ମଧ୍ୟ ଅଟେ।

କ୍ୟାଲେଣ୍ଡରରେ ଚିତ୍ର ମାଧ୍ୟମରେ କେନ୍ଦ୍ର ସରକାରଙ୍କ ଭାଗିଦାରୀ ଆଭିମୁଖ୍ୟ ଉପରେ ଆଲୋକପାତ କରାଯାଇଛି ଯାହା ଭାରତର ବିକାଶ ଦିଗରେ ଯାତ୍ରାର ସ୍ୱର ନିର୍ଦ୍ଧାରଣ କରିଥାଏ। ଏହା ଭାରତର ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀଙ୍କ ନେତୃତ୍ୱରେ ସରକାରଙ୍କ ମୂଳରେ ଥିବା ଭାଗିଦାରୀ ଶାସନର ଗୁରୁତ୍ୱକୁ ମଧ୍ୟ ସୂଚାଇଥାଏ। ଏଥିରେ ଗୁରୁତ୍ୱାରୋପ କରାଯାଇଛି ଯେ ଆମ ଦେଶର ଶକ୍ତି ଏହାର ଲୋକଙ୍କ ସାମୂହିକ ଶକ୍ତି ଏବଂ ପ୍ରୟାସରେ ରହିଛି। ସ୍ୱଚ୍ଛତାକୁ ଦେଶବ୍ୟାପୀ ଆନ୍ଦୋଳନରେ ପରିଣତ କରିଥିବାସ୍ୱଚ୍ଛ ଭାରତ ମିଶନ ଭଳି କାର୍ଯ୍ୟକ୍ରମ ଠାରୁ ଆରମ୍ଭ କରି ଆୟୁଷ୍ମାନ ଭାରତ ଭଳି ପଦକ୍ଷେପ, ଯାହା ୬୮ କୋଟିରୁ ଅଧିକ ହିତାଧିକାରୀଙ୍କୁ ସ୍ୱାସ୍ଥ୍ୟସେବା ପ୍ରଦାନ କରିଛି, ସରକାରୀ ଯୋଜନାର ସଫଳତାର କେନ୍ଦ୍ରବିନ୍ଦୁ ହୋଇଛି ନାଗରିକଙ୍କ ଅଂଶଗ୍ରହଣ।

ଭାରତ ସରକାରଙ୍କ ୨୦୨୫ କ୍ୟାଲେଣ୍ଡରର ପ୍ରମୁଖ ବିଷୟବସ୍ତୁ

କ୍ୟାଲେଣ୍ଡରର ଆରମ୍ଭ ହୁଏ ସମସ୍ତଙ୍କ କଲ୍ୟାଣରୁ ଏବଂ ଏହାପରେ କୃଷିକ୍ଷେତ୍ରରେ କ୍ଷେତ୍ରୀୟ ଅଗ୍ରଗତି, ମହିଳା ସଶକ୍ତୀକରଣ ଯୁବଗୋଷ୍ଠୀ ଏବଂ ଦେଶର ପ୍ରଗତିରେ ଦକ୍ଷତା ସଂସ୍କରଣ ଉପରେ ଆଲୋକପାତ କରାଯାଇଛି । ଅନ୍ନ କା ବର୍ଦ୍ଧନ ହୋ ଅର୍ଥାତ୍‍ ଅଧିବ ଶସ୍ୟ ଉତ୍ପାଦନ କରିବା, ଶକ୍ତି ରୂପେଣ ସଂସ୍ଥିତା ଜାତି ନିର୍ମାଣରେ ମହିଳାମାନଙ୍କୁ ଶକ୍ତି କହି ଶ୍ରେୟ ଦେବା ଏବଂ ସେମାନଙ୍କୁ ଶକ୍ତି ଭାବେ ସମ୍ବୋଧନ କରିବା ଏବଂ ଯୁବବର୍ଗଙ୍କୁ ଉଠାଇ ଜାଗ୍ରତ କରିବା ଏବଂ ଆଗକୁ ବଢିବା ପାଇଁ ଆହ୍ୱାନ ଦେବାର ମନ୍ତ୍ର କ୍ୟାଲେଣ୍ଡରର ପ୍ରଥମ ଚାରି ମାସରେ ପ୍ରତିଫଳିତ ହୋଇଛି।

ଭିତ୍ତିଭୂମି ପାଇଁ ଏହି କ୍ୟାଲେଣ୍ଡରରେ “ଦେଶ ସମୃଦ୍ଧିରେ ବିକଶିତ ହୁଏ” ମନ୍ତ୍ରକୁ ପ୍ରତିଫଳିତ କରାଯାଇଛି ଏବଂ ଏହା “ଆଭ୍ୟନ୍ତରୀଣ ଶୁଦ୍ଧତା ବାହ୍ୟ ସ୍ୱଚ୍ଛତାକୁ ଆଗେଇ ନେଇଥାଏ” ଶୀର୍ଷକ ମାଧ୍ୟମରେ ମଇ ମାସରେ ପ୍ରତିଫଳିତ ସ୍ୱଚ୍ଛତା ଉପରେ ମଧ୍ୟ ଗୁରୁତ୍ୱାରୋପ କରେ। କ୍ୟାଲେଣ୍ଡରର ଜୁଲାଇ ମାସ ପୃଷ୍ଠା “ସୁସ୍ଥତା ପାଇଁ ବ୍ୟାୟାମ ହେଉଛି ନିଶ୍ଚିତ ରେସିପି” ର ଉଦ୍ଦେଶ୍ୟ ଉପରେ ଆଧାରିତ ହୋଇଥିବା ବେଳେ ସ୍ୱାଧୀନତା ଦିବସର ବିଷୟବସ୍ତୁ ଏକ ସୁସ୍ଥ ଜୀବନଶୈଳୀ ମାଧ୍ୟମରେ ଶହେ ବର୍ଷର ଦୀର୍ଘ ଜୀବନ କାମନା କରେ।

ଏହି କ୍ୟାଲେଣ୍ଡରରେ ଭାରତର ପ୍ରଧାନମନ୍ତ୍ରୀ ଙ୍କୁ ଭାରତୀୟ ଅର୍ଥନୀତିରେ ‘‘ଉଦ୍ଧମେନ ହି ସିଦ୍ଧନ୍ତି କାର୍ଯ୍ୟାଣି’’ ଅବଦାନର ସ୍ୱୀକୃତି ଭାବରେ ଦର୍ଶାଯାଇଛି। ଭାରତର ଲୌହପୁରୁଷ ସର୍ଦ୍ଦାର ପଟେଲଙ୍କୁ ପ୍ରଧାନମନ୍ତ୍ରୀ ଅଭିନନ୍ଦନ ଜଣାଇ ଏକତା ଦିବସ ମାସକୁ ଚିତ୍ରିତ କରିଛନ୍ତି।

ନଭେମ୍ବର ମାସର ମୁଖ୍ୟ ଆକର୍ଷଣ ହେଉଛି ଜନ୍ମଜାତୀୟ ଗୌରବ ଦିବସ । ଡିସେମ୍ବର ମାସରେ ବୈଷୟିକ ଉଦ୍ଭାବନ ଉପରେ ଧ୍ୟାନ ଦେବା ସହିତ କ୍ୟାଲେଣ୍ଡର ‘‘ଅପରିମିତଂ ଭବ୍ୟମ’’ (ଭବିଷ୍ୟତର ଅସୀମିତ ସମ୍ଭାବନା)ରେ ଶେଷ ହୁଏ ଏବଂ “ବିଜ୍ଞାନ ଏବଂ ପ୍ରଯୁକ୍ତିବିଦ୍ୟା ବ୍ୟବହାରକୁ ମାନବ ଚେହେରା ସହିତ ଚିତ୍ରଣ କରିବାର ସକାରାତ୍ମକ ମନ୍ତ୍ରକୁ ସୂଚିତ କରେ।

ଭାରତ ସରକାରଙ୍କ କ୍ୟାଲେଣ୍ଡର ବିଷୟରେ

ଭାରତ ସରକାରଙ୍କ କ୍ୟାଲେଣ୍ଡର, ବର୍ଷ ବର୍ଷ ଧରି, ସାର୍ବଜନୀନ ଯୋଗାଯୋଗର ଏକ ଅବିଚ୍ଛେଦ୍ୟ ଅଙ୍ଗ ପାଲଟିଛି, ଯାହା ଏକ ମାଧ୍ୟମରେ ବିକଶିତ ହୋଇଛି ଯାହା କେବଳ ତାରିଖ ଠାରୁ ଅଧିକ ଯୋଗାଯୋଗ କରେ। ଏଥିରେ ସରକାରଙ୍କ ପ୍ରମୁଖ କାର୍ଯ୍ୟକ୍ରମ, ପଦକ୍ଷେପ ଏବଂ ଉପଲବ୍ଧି ଉପରେ ଆଲୋକପାତ କରାଯାଇଛି ଏବଂ ଭାରତ କରିଥିବା ସାମୂହିକ ପ୍ରଗତିର ପ୍ରେରଣାଦାୟୀ ସ୍ମାରକୀ ଭାବରେ କାର୍ଯ୍ୟ କରୁଛି। ଭାରତ ସରକାରଙ୍କ ୨୦୨୫ କ୍ୟାଲେଣ୍ଡରରେ ମଧ୍ୟ ପାରମ୍ପରିକ ଜ୍ଞାନ ବ୍ୟବସ୍ଥାକୁ ପରିବର୍ତ୍ତନଶୀଳ ଶାସନର ମନ୍ତ୍ର ଭାବରେ ସ୍ୱୀକାର କରାଯାଇଛି, ଯାହା ଦେଶର ପ୍ରଗତିକୁ ପ୍ରୋତ୍ସାହିତ କରୁଛି।

୧୩ଟି ଭାରତୀୟ ଭାଷାରେ ପ୍ରକାଶିତ ଏହି କ୍ୟାଲେଣ୍ଡରର ଅନ୍ତର୍ଭୁକ୍ତୀକରଣ ପ୍ରତ୍ୟେକ ଭାଷାଗତ ଏବଂ ସାଂସ୍କୃତିକ ପୃଷ୍ଠଭୂମିର ନାଗରିକଙ୍କ ସହ ଯୋଗାଯୋଗ ପାଇଁ ସରକାରଙ୍କ ଦୃଷ୍ଟିକୋଣକୁ ପ୍ରତିଫଳିତ କରୁଛି। ଏହାର ବଣ୍ଟନ ଗ୍ରାମ ପଞ୍ଚାୟତପର୍ଯ୍ୟନ୍ତ ବିସ୍ତାରିତ ହେବା ସହିତ ଦୁର୍ଗମ ଅଂଚଳରେ ପହଂଚିବା ପାଇଁ ଏହା ଏକ ଗୁରୁତ୍ୱପୂର୍ଣ୍ଣ ଉପକରଣ ଭାବରେ କାର୍ଯ୍ୟ କରୁଛି, ଯାହା ତୃଣମୂଳ ସ୍ତରରେ ଥିବା ସମୁଦାୟମାନଙ୍କୁ ସରକାରଙ୍କ ଦୂରଦୃଷ୍ଟି ଏବଂ ପଦକ୍ଷେପ ସହିତ ଜଡିତ ହେବାକୁ ସକ୍ଷମ କରିବ। ଏହି କ୍ୟାଲେଣ୍ଡର କେବଳ ଏକ ବ୍ୟବହାରିକ ସମ୍ବଳ ନୁହେଁ ବରଂ ଆମ ଦେଶର ଏକତା ଏବଂ ଶକ୍ତିର ପ୍ରତୀକ ମଧ୍ୟ ଅଟେ।

ଲକ୍ଷ ଲକ୍ଷ ପରିବାର, କାର୍ଯ୍ୟାଳୟ ଏବଂ ସରକାରୀ ଅନୁଷ୍ଠାନମାନଙ୍କ ପାଖରେ ପହଞ୍ଚୁଥିବା ଏକ ଦସ୍ତାବିଜ ଭାବରେ, କ୍ୟାଲେଣ୍ଡର ସ୍ୱଚ୍ଛତା ଏବଂ ଅନ୍ତର୍ଭୁକ୍ତ ବିକାଶ ପାଇଁ ସରକାରଙ୍କ ଅତୁଟ ପ୍ରତିବଦ୍ଧତାକୁ ପ୍ରତିଫଳିତ କରେ। ଏହା କେବଳ ସଫଳତାର କାହାଣୀ ନୁହେଁ ବରଂ ଆତ୍ମନିର୍ଭର ଓ ପ୍ରଗତିଶୀଳ ଭାରତ ଗଠନରେ ପ୍ରତ୍ୟେକ ନାଗରିକ ସକ୍ରିୟ ଭାବରେ ଅଂଶଗ୍ରହଣ କରିବା ପାଇଁ ପଦକ୍ଷେପ ନେବାପାଇଁ ଆହ୍ୱାନ।

ଏହା ୧.୪ ବିଲିୟନ ଭାରତୀୟଙ୍କ ସାମୂହିକ ଶକ୍ତି ଏବଂ ମିଳିତ ଆକାଂକ୍ଷାର ପ୍ରତୀକ ଭାବରେ କାର୍ଯ୍ୟ କରେ। ଏହାର ବ୍ୟାପକ ପହଞ୍ଚ ଏବଂ ଶକ୍ତିଶାଳୀ ବାର୍ତ୍ତା ସହିତ କ୍ୟାଲେଣ୍ଡର ଦେଶକୁ ଏକ ଉଜ୍ଜ୍ୱଳ, ଅଧିକ ସମାବେଶୀ ଭବିଷ୍ୟତ ଦିଗରେ ପ୍ରେରଣା ଓ ମାର୍ଗଦର୍ଶନ ଜାରି ରଖିଛି । ଜନଭାଗିଦାରୀର ପରିବର୍ତନ ଶକ୍ତିର ଏହା ପ୍ରମାଣ, ଯାହା ଜନ କଲ୍ୟାଣ ଆଡକୁ ଦେଶର ଯାତ୍ରାକୁ ଆଗକୁ ବଢ଼ାଉଛି।