Tag: ଭିଜିଲାନସ ଚଢ଼ାଉ

ହେମାଙ୍ଗ ପ୍ରସାଦ ରାଉଳ
ବ୍ରହ୍ମପୁର: ଆୟ ବର୍ହିଭୂତ ସଂପତ୍ତି ଠୁଳ ଅଭିଯୋଗରେ ପୁଣି ଜଣେ ଶିକ୍ଷକଙ୍କ ଘରେ ଏବଂ ବିଭିନ୍ନ ସ୍ଥାନରେ ବ୍ରହ୍ମପୁର ଭିଜିଲାନସ ବିଭାଗ ପକ୍ଷରୁ ଚଢ଼ାଉ ହୋଇଛି। ସେ ହେଉଛନ୍ତି ଗଜପତି ଗୋଷାଣି ବ୍ଲକ୍ ରାଉତପେଟା ୟୁପି ସ୍କୁଲର ସହକାରୀ ଶିକ୍ଷକ ଦୁଶ୍ମନ୍ତ ନାୟକ। ଆଜି ୬/୨୦୨୦ ସର୍ଚ୍ଚ ୱାରେଣ୍ଟ ବଳରେ ସକାଳୁ ସକାଳୁ ତାଙ୍କର ପାରଳାଖେମୁଣ୍ଡି କୃଷ୍ଣଚନ୍ଦ୍ରପୁର ଏରଡ଼େଲା ସାହିର ତିନି ମହଲା ଘର, ପାଳାଖେମୁଣ୍ଡି ହସ୍‌ପିଟାଲ୍‌ରେ ରୋଡ଼୍‌ରେ ଥିବା ଦୁଇ ମହଲା ଘର, ପାରଳାଖେମୁଣ୍ଡ କାଞ୍ଚରା ସାହିରେ ଥିବା ଦୁଇ ମହଲା ଘର, ସେଣ୍ଟ ଜୋସେଫ୍ ସ୍କୁଲ ନିକଟରେ ଥିବା ଦୁଇ ମହଲା ଘର, ଆରୋଗ୍ୟ ସାହିରେ ଥିବା ଦୁଇମହଲା ଘର, ଜନଗମ ସାହିରେ ଥିବା ଦୁଇ ମହଲା ଘର, ଖାଜା ସାହିରେ ଥିବା ତିନି ମହଲା ଘର, ଖଞ୍ଜ ସାହିରେ ଥିବା ତିନି ମହଲା ଘର, ଗଜପତି ଷ୍ଟାଡ଼ିୟମ ଆଗରେ ଥିବା ତିନି ମହଲା ଘର, ଖଞ୍ଜ ସାହିରେ ଆଉ ଗୋଟିଏ ଦୁଇ ମହଲା ଘର, ଗୋଷାଣି ବ୍ଲକ୍ ଜଙ୍ଗଲପାଡ଼ୁର ପୈତୃକ ଘର, ଗୁଣପୁର ଏସ୍‌ବିଆଇ ଆଗରେ ଥିବା ଶ୍ୱଶୁର ଘର, ରାଉତପୁର ସ୍କୁଲର ଅଫିସ ରୁମ୍‌କୁ ଏକକାଳୀନ ଚଢ଼ାଉ କରାଯାଇଥିଲା। ଚଢ଼ାଉ ପରେ ତାଙ୍କର ସମୁଦାୟ ୪ କୋଟି ୩ ଲକ୍ଷ ୨୯ ହଜାର ୮୬୯ ସ୍ଥାବର ଓ ଅସ୍ଥାବର ସଂପତ୍ତିକୁ ଠାବ କରାଯାଇଛି।

ଏରେଦ୍ରା ସାହିର ଘରର ମୂଲ୍ୟ ୨୩ ଲକ୍ଷ ୩୪ହଜାର, ହସ୍‌ପିଟାଲ୍ ରୋଡ଼୍‌ରେ ଥିବା ଘରର ମୂଲ୍ୟ ୮ଲକ୍ଷ ୫୫ହଜାର ୩୫୦ ଟଙ୍କା, କାଞ୍ଚରା ସାହିରେ ଥିବା ଦୁଇମହଲା ଘରର ମୂଲ୍ୟ ୩୨ଲକ୍ଷ ୮୬ହଜାର ୨୦୫, ସେଣ୍ଟ ଜୋସେଫ୍ ସ୍କୁଲ ନିକଟରେ ଥିବା ଦୁଇମହଲା ଘର ଯାହାର ମୂଲ୍ୟ ୬୩ଲକ୍ଷ ୬୯ହଜାର ୪୫୩ ଟଙ୍କା, ଆରୋଗ୍ୟ ସାହିର ଦୁଇ ମହଲା ଘରର ମୂଲ୍ୟ ୫୪ ଲକ୍ଷ ୭୬ହଜାର ୨୯୭ ଟଙ୍କା, ଜାଗରଣ ସାହିର ଦୁଇ ମହଲା ଘରର ମୂଲ୍ୟ ୩୦ଲକ୍ଷ ୨୦ହଜାର ୪୬୮ ଟଙ୍କା, ଖଞ୍ଜ ସାହି ତିନି ମହଲା ଘରର ମୂଲ୍ୟ ୫୩ ଲକ୍ଷ ୨୦ହଜାର ୪୪୦ ଟଙ୍କା, ଗଜପତି ଷ୍ଟାଡ଼ିୟମ ନିକଟରେ ଥିବା ତିନି ମହଲା ଘରର ମୂଲ୍ୟ ୧କୋଟି ୧୪ ଲକ୍ଷ ୨୪ହଜାର ୩୯୩ ଟଙ୍କା, ବିଭିନ୍ନ ସ୍ଥାନରେ ଥିବା ୮ଟି ଜାଗା ଯାହାର ମୂଲ୍ୟ ୧୩ଲକ୍ଷ ୮୩ହଜାର ୫୩୨ ଟଙ୍କା। ଘର ପ୍ରସାଧନ ସାମଗ୍ରୀ ୧ଲକ୍ଷ ୫୬ହଜାର ୬୦୦ ଟଙ୍କା, ୬୨୨୮୫ ନଗଦ ଟଙ୍କା, ୫୦ହଜାର ସୁନା ଓ ରୂପା ଅଳଙ୍କାର, ବିଭିନ୍ନ ବ୍ୟାଙ୍କରେ ଡ଼ିପୋଜିଟ୍ ଥିବା ୫ଲକ୍ଷ ୨୦ହଜାର ୬ ଟଙ୍କା, ଏଲ୍‌ଆଇସିରେ ପ୍ରିମିୟମ ୭୦ହଜାର ୮୪୦ ଟଙ୍କା ଏଭଳି ସମୁଦାୟ ୪ କୋଟି ୦୩ ଲକ୍ଷ ୨୮ହଜାର ୮୬୯ ଟଙ୍କାର ସ୍ଥାବର ଅସ୍ଥାବର ସଂପତ୍ତି ଆକଳନ କରାଯାଇଛି। ଦୁଶ୍ମନ୍ତ ନାୟକ ୧୯୯୬ରେ ସହକାରୀ ଶିକ୍ଷକ ଭାବେ ଏସ୍‌. ରାଉତପେଟା ସରକାରୀ ୟୁପି ସ୍କୁଲରେ କାର୍ଯ୍ୟରତ ଅଛନ୍ତି। ଅଧିକ ଅନୁସନ୍ଧାନ ଜାରି ରହିଥିବା ବେଳେ କାଲି ସଂପୂର୍ଣ୍ଣ ବିବରଣୀ ପ୍ରଦାନ କରାଯିବ ବୋଲି ଭିିଜିଲାନସ ଏସ୍‌ପି ସୂଚନା ଦେଇଛନ୍ତି।

ଭୁବନେଶ୍ବର, ଧୀରେ ଧୀରେ ଅଭୟ ପାଠକଙ୍କ ପୁଅ ଆକାଶ ପାଠକଙ୍କ ବ୍ୟାଙ୍କ ଆକାଣ୍ଟରୁ ଜମା ଟଙ୍କା ପରିମାଣ ବାହାରିବାରେ ଲାଗିଛି। ଆଜି ଭିଜିଲାନସ ତରଫରୁ ଆକାଶଙ୍କ ଭୁବନେଶ୍ବର ଏବଂ ପୁନେ ଆକାଉଣ୍ଟ ଖୋଳତାଡ କରାଯାଇଥିଲା। ଏଥିରେ ଅଭୟ ପାଠକଙ୍କ ପୁଅ ଆକାଶଙ୍କ ଆକାଉଣ୍ଟରୁ ଏକ କୋଟି ସତଚାଳିଶ ଲକ୍ଷ ଟଙ୍କା ଜମା ଥିବାର ଜଣାପଡିଥିଲା। ଫଳରେ ତାଙ୍କ ଆକାଉଣ୍ଟରେ ମୋଟ ଜମା ପରିମାଣ ବୃଦ୍ଧି ପାଇଁ 17 କୋଟି 52 ଲକ୍ଷରେ ପହଁଚିଛି।

ଏତେ ଟଙ୍କା ତାଙ୍କ ଆକଉଣ୍ଟରେ ସେ କିପରି ଜମା ରଖିଥିଲେ ତାହା ଆଶ୍ଚର୍ଯ୍ୟ ଲାଗିଛି। ଫଳରେ ଭିଜିଲାନସ ବର୍ତ୍ତମାନ ଏହି ଟଙ୍କାର ଖିଅ ବାହାର କରିବାରେ ଲାଗିଛି। ପ୍ରକୃତରେ ଏହି ଟଙ୍କା ଆକାଶ କେଉଁଠାରୁ ଆଣିଥିଲେ ଏବଂ କାହାକୁ ଦେଇଥିଲେ ତାହା ତଦନ୍ତ କରୁଛି। ସେହିପରି ଭିଜିଲାନସ ଉଭୟ ବାପପୁଅଙ୍କର ଦସ୍ତଖତ କରି ନେଇଛି। ଯାହା ଦ୍ବାରା ତାଙ୍କର ସମସ୍ତ କାଗଜ ପତ୍ରକୁ ଯାଞ୍ଚ କରାଯିବ। ଏପରିକି ଏହି ଦସ୍ତଖତ ବ୍ୟାଙ୍କ ଆକାଉଣ୍ଟ ସହିତ ମେଳ ଖାଉଛି କି ନାହିଁ ତାହା ମଧ୍ୟ ପରୀକ୍ଷା କରିବ। ଏଥିସହିତ ଭିଜିଲାନସ ବିଭିନ୍ନ ସିସିଟିଭି ଫୁଟେଜ ଏବଂ କେତେକ ଗୁରୁତ୍ବପୂର୍ଣ୍ଣ କାଗଜପତ୍ର ମଧ୍ୟ ଜବତ କରିଥିବାର ଜଣାପଡିଛି।

ହେମାଙ୍ଗ ପ୍ରସାଦ ରାଉଳ
ବ୍ରହ୍ମପୁର: ଆୟ ବର୍ହିଭୂତ ସଂପତ୍ତି ଠୁଳ ଅଭିଯୋଗରେ ଆଜି ବ୍ରହ୍ମପୁର ଭିଜିଲାନସ ବିଭାଗ ପକ୍ଷରୁ ବ୍ରହ୍ମପୁର ବନଖଣ୍ଡ ଏବଂ ଚିଲିକା ୱାଇଲ୍ଡ ଲାଇଫ୍ ବନଖଣ୍ଡର ଦୁଇ ଆକାଉଣ୍ଟାଣ୍ଟ ଘର ଏବଂ ବିଭିନ୍ନ ସ୍ଥାନରେ ଏକକାଳୀନ ଚଢ଼ାଉ ହୋଇଛି। ବ୍ରହ୍ମପୁର ଭିଜିଲାନସ କେସ ନଂ ୪/୨୦୨୦ରେ ଚିଲିକା ୱାଇଲ୍ଡ ଲାଇଫ୍ ଡ଼ିଭିଜନ, ବାଲୁଗାଁର ଜୁନିୟର ଆକାଉଣ୍ଟାଣ୍ଟ ନବୀନ ଚନ୍ଦ୍ର ବିଷୋୟୀଙ୍କ ବ୍ରହ୍ମପୁର ନୀଳକଣ୍ଠନଗର ତୃତୀୟ ଲାଇନ୍ ଘର, ବାଲୁଗାଁ କାର୍ଯ୍ୟାଳୟ ଚାମ୍ବର, ଚିଲିକା ଫରେଷ୍ଟ ରେଷ୍ଟ ହାଉସ୍‌ରେ ଏକକାଳୀନ ଚଢ଼ାଉ ହୋଇଥିଲା। ଚଢ଼ାଉ ପରେ ତାଙ୍କର ସ୍ଥାବର ଓ ଅସ୍ଥାବର ସଂପତ୍ତିର ପରିମାଣ ଭିଜିଲାନସ ବିଭାଗ ପ୍ରଦାନ କରିଛି।

ବ୍ରହ୍ମପୁର ନୀଳକଣ୍ଠନଗର ତୃତୀୟ ଗଳିରେ ଥିବା ଘରର ମୂଲ୍ୟ ୯୬ଲକ୍ଷ ୪୦ହଜାର ୫୯୮ ଟଙ୍କା, ଜଟଣି ବଡ଼ରଘୁନାଥପୁର ମୌଜାରେ ଥିବା ୨ଟି ପ୍ଲଟ୍ ଯାହାର ମୂଲ୍ୟ ୩୨ହଜାର, ୫ ଲକ୍ଷ ୯୫ହଜାର ୨ଶହ ଟଙ୍କାର ଘର ସାମଗ୍ରୀ, ୯୦ହଜାର ୫ଶହ ଟଙ୍କା ସୁନା ଏବଂ ରୂପା ଅଳଙ୍କାର, ୫ ଲକ୍ଷ ୧୦ ହଜାର ୩୯୯ ଟଙ୍କାର ବିଭିନ୍ନ ବ୍ୟାଙ୍କରେ ଡ଼ିପୋଜିଟ୍‌, ୧ ଲକ୍ଷ ୪୧ହଜାର ୧୭୨ ନଗଦ ଟଙ୍କା, ଗୋଟିଏ ମୋଟର ସାଇକେଲ୍ ଯାହାର ମୂଲ୍ୟ ୯୩ହଜାର ଟଙ୍କା ଆକଳନ କରାଯାଇଛି। ସମୁଦାୟ ସଂପତ୍ତି ୧ କୋଟି ୧୧ ଲକ୍ଷ ୨ହଜାର ୮୭୬ ଟଙ୍କା ଆକଳନ କରିଛି ଭିଜିଲାନସ ବିଭାଗ। ସେ ୧୯୭୯ ରୁ ଜୁନିୟର କ୍ଲର୍କ ଭାବେ ଚିଲିକା ଡ଼ିଭିଜନରେ କାର୍ଯ୍ୟରତ ଅଛନ୍ତି।

ସେହିପରି ଆୟ ବର୍ହିଭୂତ ମାମଲା ୫/୨୦୨୦ ୱାରେଣ୍ଟରେ ବ୍ରହ୍ମପୁର ବନଖଣ୍ଡ ତଥା ବ୍ରହ୍ମପୁର ଡ଼ିଏଫ୍‌ଓ ଅଫିସରେ କାର୍ଯ୍ୟରତ ଜୁନିୟର ଆକାଉଣ୍ଟାଣ୍ଟ ସୂର୍ଯ୍ୟ ନାରାୟଣ ତ୍ରିପାଠୀଙ୍କ ବ୍ରହ୍ମପୁର କମାପଲ୍ଲୀ ନୃସିଂହ ମନ୍ଦିର ସାହିରେ ଥିବା ତିନି ମହଲା ଘର, ବ୍ରହ୍ମପୁର ତହସିଲ୍‌, ଆଙ୍କୁଲି ମୌଜା ବାବାଜୀ ଢ଼ାବା ନିକଟରେ ଥିବା ଆସିଆନା ଆପର୍ଟମେଣ୍ଟର ଫ୍ଲାଟ୍‌, ବ୍ରହ୍ମପୁର ଅଫିସ୍ ଚାମ୍ବରରେ ବ୍ରହ୍ମପୁର ଭିଜିଲାନସ ବିଭାଗ ପକ୍ଷରୁ ଏକକାଳୀନ ଚଢ଼ାଉ ହୋଇଥିଲା।

ସ୍ଥାବର ସଂପତ୍ତି ମଧ୍ୟରେ ନୃସିଂହ ମନ୍ଦିର ସାହିରେ ଥିବା ତିନି ମହଲା ଘର ଯାହାର ମୂଲ୍ୟ ୩୬ ଲକ୍ଷ ୫୨ହଜାର ୩୧୨ ଟଙ୍କା, ଆସିଆନା ଆପାର୍ଟମେଣ୍ଟରେ ଥିବା ପ୍ଲାଟ୍‌ର ମୂଲ୍ୟ ୧୨ଲକ୍ଷ ୩୮ହଜାର ୫୨୦ ଟଙ୍କା, ଆଙ୍କୁଲି ମୌଜାରେ ଥିବା ଏକ ଜାଗା ଯାହାର ମୂଲ୍ୟ ୧ଲକ୍ଷ ୧୭ହଜାର ୬୮୩ ଟଙ୍କା, ପଥରା ମୌଜାରେ ଥିବା ଏକ ଜାଗା ଯାହାର ମୂଲ୍ୟ ୨ ଲକ୍ଷ ୮୩ହଜାର ୩୫୦ ଟଙ୍କା ଆକଳନ କରାଯାଇଛି। ଅସ୍ଥାବର ସଂପତ୍ତି ଭାବେ ୨ ଲକ୍ଷ ୮୭ହଜାର ୮୫୦ ଟଙ୍କାର ଘର ସଜ୍ଜା ତଥା ଘର ଉପକରଣ, ୩ ଲକ୍ଷ ୨୧ହଜାର ୫୬୮ ଟଙ୍କାର ବିଭିନ୍ନ ବ୍ୟାଙ୍କ ଡ଼ିପୋଜିଟ୍‌, ୩୯ହଜାର ୬୫୦ ନଗଦ ଟଙ୍କା ଜବତ ହୋଇଛି।

ସମୁଦାୟ ସଂପତ୍ତିର ପରିମାଣ ୫୯ ଲକ୍ଷ ୭୦ହଜାର ୯୯୩ ଟଙ୍କା ଆକଳନ କରାଯାଇଛି। ଶ୍ରୀ ତ୍ରିପାଠୀ ୧୯୯୩ ମସିହାରେ ଚାକିରି ଜୀବନ ଆରମ୍ଭ କରି ସେ ବ୍ରହ୍ମପୁର ଡ଼ିଏପ୍‌ଓ ଅଫିସ୍‌ରେ ଜୁନିୟର ଆସିଷ୍ଟାଣ୍ଟ ଭାବେ କାର୍ଯ୍ୟରଥ ଅଛନ୍ତି। ଉଭୟ ମାମଲାରେ ଅଧିକ ଅନୁସନ୍ଧାନ ଜାରି ରହିଥିବା ଭିଜିଲାନସ ଏସ୍‌ପି ସୂଚନା ଦେଇଛନ୍ତି।