Tag: ଭିଜିଲାନ୍ସ

ଭୁବନେଶ୍ବର: ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ ଆଜି ଆଉ ଜଣେ ଥାନା ଅଧିକାରୀଙ୍କୁ ଭିଜିଲାନ୍ସ ଚଢାଉ କରିଛି। ଭୁବନେଶ୍ବରର ତମାଣ୍ଡୋ ଥାନା ଏସଆଇ ଅଭିମନ୍ୟୁ ଚୌଧୁରୀଙ୍କ ଘରେ ଭିଜିଲାନ୍ସ ଚଢ଼ାଉ କରିଛି। ଭୁବନେଶ୍ୱର ଓ ନୟାଗଡ଼ର ୩ଟି ସ୍ଥାନରେ ଭିଜିଲାନ୍ସ ବିଭାଗ ପକ୍ଷରୁ ଚଢ଼ାଉ ଜାରି ରହିଛି।

ଭୁବନେଶ୍ବରର ପାଇକନଗରରେ ଚାରି ମହଲା କୋଠା, ନୟାଗଡ଼ ଜିଲ୍ଲା ରଣପୁର ଥାନା ନଛିପୁରରେ ଥିବା ପୈତୃକ ବାସଭବନ ଓ ତମାଣ୍ଡୋ ଥାନାର ଅଫିସରେ ଏକକାଳୀନ ଚଢ଼ାଉ କରାଯାଇଛି। ଏହି ଚଢ଼ାଉରେ ୩ଜଣ ଡିଏସପି, ୧୧ ଜଣ ଇନସିପେକ୍ଟର ଓ ୬ଜଣ ଏସ ଆଇ ସାମିଲ ଥିବା ଜଣାପଡିଛି।

ଖୋର୍ଦ୍ଧା: ଆଜି ଭିଜିଲାନ୍ସ ଜାଲରେ ଛନ୍ଦି ହୋଇଛନ୍ତି ଖୋର୍ଦ୍ଧା ଜିଲ୍ଲାର ଅତିରିକ୍ତ ଯୋଗାଣ ଅଧିକାରୀ ବିଷ୍ଣୁ ଚରଣ ପରିଡ଼ା। ସୂଚନା ଅନୁଯାୟୀ ଶ୍ରୀ ପରିଡ଼ା ଏକ ଧାନ ମିଲ କାର୍ଯ୍ୟକ୍ଷମ କରିବା ନିମନ୍ତେ ଜଣେ ବ୍ୟବସାୟୀଙ୍କ ନିକଟରୁ ୫୦ ହଜାର ଟଙ୍କା ଲାଞ୍ଚ ନେଉଥିବା ବେଳେ ଆଜି ତାଙ୍କୁ ଗିରଫ କରିଛି ଭୁବନେଶ୍ୱର ଭିଜିଲାନ୍ସ ଟିମ। ଲାଞ୍ଚ ଟଙ୍କା ଭିଜିଲାନ୍ସ ଜବତ କରିବା ସହ ଭୁବନେଶ୍ୱର ଭୋଇନଗର ସ୍ଥିତ ତାଙ୍କ ସରକାରୀ ବାସଭବନରେ ଚଢ଼ାଉ ଜାରି ରଖିଛି।

ଭୁବନେଶ୍ବର: ଆଜି ସନ୍ଧ୍ୟାରେ ଜଣେ କଣ୍ଟ୍ରାକ୍ଟରଠାରୁ ଲାଞ୍ଚ ନେଲା ବେଳେ ଭିଜିଲାନସ ହାତରେ ଧରାପଡିଛନ୍ତି ଜଣେ ଆସିଷ୍ଟାଣ୍ଡ ଇଂଜିନିୟର। ସେ ହେଉଛନ୍ତି ଗଂଜାମ ବ୍ଲକର ବଂଶୀଧର ପରିଡା। ସେ ଜଣେ କଣ୍ଟ୍ରାକ୍ଟରଠାରୁ ଚାରି ହଜାର ଟଙ୍କା ଲାଞ୍ଚ ନେଉଥିବା ବେଳେ ଭିଜିଲାନସ ରଙ୍ଗ ହାତରେ ଧରିଛି। ଏଥିସହିତ ଭିଜିଲାନସ ତରଫରୁ ତାଙ୍କ ଅଫିସ ଓ ଘର ଉପରେ ଚଢାଉ ଜାରି ରଖିଛନ୍ତି।

ଘଟଣାରୁ ଜଣାପଡିଛି ଯେ, ଶ୍ରୀ ପରିଡା ଜଣେ କଣ୍ଟ୍ରାକ୍ଟରଙ୍କଠାରୁ ବିଲ କରାଇଦେବା ପାଇଁ ଲାଞ୍ଚ ମାଗିଥିଲେ। ଏମଜିଏନଆରଜି କାମରେ ସେହି କଣ୍ଟ୍ରାକ୍ଟର ରୋଡ କାମ ପାଇଁ ମୋରମ ବିଛାଇଥିଲେ। ଏହାପରେ ବିଲ କରିବା କଥା। ହେଲେ ଶ୍ରୀ ପରିଡା ବିଲ ନ କରି ତାଙ୍କୁ ବୁଲାଇବାରେ ଲାଗିଲେ। ଶେଷରେ ଲାଞ୍ଚ ଦେଲେ ବିଲ ହେବ ବୋଲି କହିବା ପରେ ଭିଜିଲାନ୍ସ ଜାଲ ବିଛାଇଥିଲା। ତାଙ୍କ ପ୍ୟାଣ୍ଟ ପଛ ପକେଟରୁ ଏହି ଟଙ୍କା ଭିଜିଲାନ୍ସ ଜବତ କରିଛି। ତାଙ୍କ ନାମରେ ମାମଲା ଋଜୁ କରାଯାଇଛି।

କଟକ: ଆଜି ଭିଜିଲାନ୍ସ ଜଣେ ଡିଏସପି ଇନଚାର୍ଯ୍ୟଙ୍କୁ ରଙ୍ଗ ହାତରେ ଧରିଛି। ସେ ହେଉଛନ୍ତି ଢେଙ୍କାନାଳ ଜିଲ୍ଲାର ସଦର ଥାନାରେ କାର୍ଯ୍ୟରତ ଅଭିନବ ଡାଳୁଅ। ସେ ଜଣେ ବ୍ୟବସାୟୀଙ୍କଠାରୁ 30 ହଜାର ଟଙ୍କା ଲାଞ୍ଚ ନେଉଥିବା ବେଳେ ଭିଜିଲାନ୍ସ ଧରିଛି। ତାଙ୍କ ହାତରୁ ଏହି ଟଙ୍କା ଜବତ କରାଯିବା ସହିତ 8ଟି ସ୍ଥାନରେ ଏକକାଳୀନ ଚଢାଉ ଜାରୀ ରହିଛି।

ଘଟଣାରୁ ଜଣାପଡିଛି ଯେ, ଅଭିନବ ଜଣେ କୋଇଲା ପରିବହନ ବ୍ୟବସାୟୀଙ୍କୁ ଧମକ ଚମକ ଦେଉଥିଲେ। ଟଙ୍କା ନ ଦେଲେ ସେ ତାଙ୍କର ପରିବହନ ବନ୍ଦ କରିଦେବେ ବୋଲି କହୁଥିଲେ। ଏଥିରେ ବ୍ୟବସାୟୀ ଡରି ତାଙ୍କୁ ପୂର୍ବରୁ 15 ହଜାର ଟଙ୍କା ଦେଇଥିଲେ। ହେଲେ ସେଥିରେ ସେ ସନ୍ତୁଷ୍ଠ ହେଲେ ନାହିଁ। ପୁଣି ଟଙ୍କା ମାଗିଲେ। ଏଥରେ ସେ 30 ହଜାର ଟଙ୍କା ଲାଞ୍ଚ ନେଲାବେଳେ ଭିଜିଲାନ୍ସ ହାତରେ ଧରାପଡିଛନ୍ତି।

କଟକ: ଜଣେ ସ୍କୁଲ ଶିକ୍ଷକଙ୍କର ବକେୟା ରାଶି ପ୍ରଦାନ କରିବା ପାଇଁ ବିଇଓ ଖେଳ ଖେଳୁଥିଲେ। କହିଲେ ଟଙ୍କା ନ ଦେଲେ ବକେୟା ପ୍ରଦାନ ହେବ ନାହିଁ। ଆଲୋଚନାରେ କଥା ଛିଣ୍ଡିଲା 60 ହଜାର ଟଙ୍କା ନେବେ। ସେହି ଅନୁସାରେ ପ୍ରଥମେ ସେ 15 ହଜାର ଟଙ୍କା ନେବେ। ହେଲେ ଘଟଣାଟି କେଉଁଆଡେ ଯାଉଛି ବିଇଓ ଜାଣିପାରିଲେ ନାହିଁ। ଯେଉଁଦିନ ସେ ଲାଞ୍ଚ ଟଙ୍କା ଗ୍ରହଣ କଲେ ସେହିଠାରେ ଧରିଲା ଭିଜିଲାନ୍ସ।

ଏହିପରି ଘଟଣାଟି କେଉଁଝର ଜିଲ୍ଲାର ଘଟଗାଁରେ ଘଟିଛି। ସେଠାରେ ଅବସ୍ଥାପିତ ବିଇଓ ଅଭୟ କୁମାର ବେହେରାଙ୍କୁ ଭିଜିଲାନ୍ସ ଧରିଛି। ତାଙ୍କଠାରୁ 15 ହଜାର ଲାଞ୍ଚ ଟଙ୍କା ଜବତ କରାଯିବା ସହିତ ତାଙ୍କର ତିନୋଟି ସ୍ଥାନରେ ଚଢାଉ ଚାଲିଛି। ବର୍ତ୍ତମାନ ବିଇଓଙ୍କୁ ଭିଜିଲାନ୍ସ ତାଙ୍କ ହେପାଜତରେ ରଖିଥିବାର ଜଣାପଡିଛି।

ସୀତାରାମ ଅଗ୍ରୱାଲ

ଟାଙ୍ଗୀ: ଖୋର୍ଦ୍ଧା ଜିଲ୍ଲା ଟାଙ୍ଗୀ ତହସିଲ ଅନ୍ତର୍ଗତ ଅଚ୍ୟୁତପୁର ରାଜସ୍ୱ ନିରିକ୍ଷକ ଗୌରାଙ୍ଗ ଶବର ବୁଧବାର ଦିନ ଭିଜିଲାନ୍ସ ଦ୍ୱାରା ଗିରଫ ହୋଇଛନ୍ତି। ଛଣଗିରି ଗ୍ରାମପଞ୍ଚାୟତ ଦେଉଳି ଗ୍ରାମର ଦିପକ ପ୍ରଧାନ ଓରଫ କାହ୍ନାଙ୍କ ଦଲିଲରୁ ପଟ୍ଟା କରାଇଦେବାକୁ ୮ହଜାର ଟଙ୍କା ଲାଞ୍ଚ ନେଉଥିବା ବେଳେ ଭୁବନେଶ୍ୱର ଭିଜିଲାନ୍ସ ଦ୍ୱାରା ଧରାପଡିଥିବା ଜଣାପଡିଛି।

ଭୁବନେଶ୍ୱର ଭିଜିଲାନ୍ସ ଡିଏସପିଙ୍କ ନେତୃତ୍ବରେ ହୋଇଥିଲା ଚଢ଼ାଉ। ଭିଜିଲାନ୍ସ ଟିମ ଅଚ୍ୟୁତପୁର ରାଜସ୍ୱ ନିରିକ୍ଷକ ଅଫିସ ଓ ଟାଙ୍ଗୀ ତହସିଲ ଅଫସରେ ବିଭିନ୍ନ କାଗଜପତ୍ର ଯାଞ୍ଚ କରୁଥିବାର ଜଣାପଡିଛି।

ଭୁବନେଶ୍ବର: ଆଜି ଗୋଟିଏ ପଟେ ନିର୍ବାଚନ ଚାଲିଥିବା ବେଳେ ଅନ୍ୟପଟେ ଭିଜିଲାନ୍ସ ଚଢାଉ ମଧ୍ୟ ଜାରି ରହିଛି। ଏଥର ଭିଜିଲାନ୍ସ ଜାଲରେ ଫସିଛନ୍ତି ଏନଏସିର ଆସିଷ୍ଟାଣ୍ଡ ଇଂଜିନିୟର। ତାଙ୍କର ଛଅଟି ସ୍ଥାନରେ ଏକ କାଳୀନ ଚଢାଉ ଜାରି ରହିଛି। ଏଥିରେ ପାଞ୍ଚ ଜଣ ଡିଏସପି, ଆଠଜଣ ଇନସ୍ପେକ୍ଟର ଏବଂ ଅନ୍ୟ କର୍ମଚାରୀ ସାମିଲ ହୋଇଛନ୍ତି। ଏକ କାଳିନ ଖୋର୍ଦ୍ଧା, ଗଜପତି, ଗଂଜାମ ଏବଂ କୋରାପୁଟରେ ଏହି ଚଢାଉ ଚାଲିଛି।

ଭିଜିଲାନ୍ସ ବିଭାଗର ସୂଚନା ଅନୁସାରେ ଯେଉଁ ଆସିଷ୍ଟାଣ୍ଡ ଇଂଜିନିୟରଙ୍କ ଘରେ ଚଢାଉ କରାଯାଇଛି ସେ ହେଉଛନ୍ତି ମନୋଜ କୁମାର ପାତ୍ର। ସେ ସୁନାବେଢା ଏନଏସିର ଆସିଷ୍ଟାଣ୍ଡ ଇଂଜିନିୟର ଅଛନ୍ତି। ଜୟପୁର ସ୍ବତନ୍ତ୍ର ଭିଜିଲାନସ କୋର୍ଟର ୱାରଣ୍ଟ ବଳରେ ଏହି ଚଢାଉ କରାଯାଇଛି। ଯେଉଁ ସ୍ଥାନରେ ଚଢାଉ ଚାଲିଛି ସେଗୁଡିକ ହେଲା

୧. ଫ୍ଲାଟ ନଂ -୧୦୨, କନିକା ଆପାର୍ଟମେଣ୍ଟ, ପୋଖରୀପୁଟ, ଭୁବନେଶ୍ବର

୨. ପାରଳାଖେମୁଣ୍ଡିର ବି ସୀତାପୁରରେ ଅବସ୍ଥିତ ପୈତୃକ ଘର

୩. ବ୍ରହ୍ମପୁରରେ ସମ୍ପର୍କୀୟଙ୍କ ବାସଭବନ

୪. ବ୍ରହ୍ମପୁର ଶକ୍ତିନଗର ଦୁଇଟ ମହଲା କୋଠା

୫.ସୁନାବେଢାରେ ଥିବା ସରକାରୀ ବାସଭବନ

୬. ଅଫିସ୍ ରୁମ୍, NAC ଅଫିସ୍, ସୁନାବେଡା

(ଏଥିରେ ଥିବା ଫଟୋଟି ହେଉଛି ବ୍ରହ୍ମପୁରରେ ଥିବା ତାଙ୍କ ଦୁଇ ମହଲା ଅଟ୍ଟାଳିକା। ଫଟୋ ସୌଜନ୍ୟ-ଓଡିଶା ଭିଜିଲାନ୍ସ )

ପାରଳାଖେମୁଣ୍ଡି: ଆଜି ଆଉ ଜଣେ ଶିକ୍ଷା ଅଧିକାରୀ ଲାଞ୍ଚ ନେବା ବେଳେ ଭିଜିଲାନ୍ସ ହାତରେ ଧରାପଡିଛନ୍ତି। ଲାଞ୍ଚ ନେବା ବେଳେ ନୂଆଗଡ ବ୍ଲକ ଶିକ୍ଷା ଅଧିକାରୀ ବ୍ରଜ କୁମାର ନାୟକଙ୍କୁ ଭିଜିଲାନ୍ସ ଧରିଛି। ଜଣେ ଶିକ୍ଷକଙ୍କ ଏରିଅର ବିଲ କରେଇଦେବା ପାଇଁ ୩୦ ହଜାର ଟଙ୍କା ଲାଞ୍ଚ ନେବା ବେଳେ ଶ୍ରୀ ନାୟକ ଧରାପଡିଛନ୍ତି। ବର୍ତ୍ତମାନ ଏହି ଶିକ୍ଷା ଅଧିକାରୀଙ୍କ ଘରେ ଏବଂ ଅଫିସରେ ଭିଜିଲାନ୍ସ ଚଢାଉ ଜାରି ରଖିଛି।

ଭୁବନେଶ୍ବର: ଲାଞ୍ଚ ନେଉଥିବା ବେଳେ ଭିଜିଲାନ୍ସ ହାତରେ ତହସିଲଦାର ଧରା ପଡିଛନ୍ତି। ରାଇକିଆ ତହସିଲଦାର ୪୦ ହଜାର ଟଙ୍କା ଲାଞ୍ଚ ନେଉଥିବା ବେଳେ ଭିଜିଲାନ୍ସ ହାତରେ ଧରାପଡିଛନ୍ତି। ତହସିଲଦାର ଚକ୍ରଧର ପାଢୀ ଜବତ ଟ୍ରାକ୍ଟର ଛାଡିବା ପାଇଁ ଲାଞ୍ଚ ନେଉଥିବା ବେଳେ ଭିଜିଲାନ୍ସ ଧରିଥିଲା। ତହସିଲଦାରଙ୍କ ବାଲିଗୁଡା ସରକାରୀ ବାସଭବନରେ ଲାଞ୍ଚ ନେଉଥିଲେ। ସେଠାରୁ ତହସିଲଦାରଙ୍କୁ ଭିଜିଲାନ୍ସ ଗିରଫ କରିଛି।

ଦୁଷ୍ମନ୍ତ କୁମାର ପଣ୍ଡା
କଳାହାଣ୍ଡି: କଳାହାଣ୍ଡି ଜିଲ୍ଲା କୋକସରା ବ୍ଲକ ଶିଶୁ ବିକାଶ ପ୍ରକଳ୍ପ ଅଧିକାରୀ (ସିଡିପିଓ) ଜୟନ୍ତୀ ମହାନ୍ତି ନିଜ ଅଧିନସ୍ଥ ଜନୈକ ଅଙ୍ଗନୱାଡି କର୍ମୀଂକ ଠାରୁ ଲାଂଚ ନେବା ବେଳେ ଭିଜିଲାନ୍ସ ଦ୍ୱାରା ଧରା ପଡିଥିବା ଜଣାପଡିଛି।

ମିଳିଥିବା ତଥ୍ୟ ଅନୁସାରେ କୋକସରା ବ୍ଲକର ସୁନାମାଲ ଗ୍ରାମର ଅଙ୍ଗନୱାଡି କର୍ମୀ ଆରତୀ ଧଙ୍ଗଡାମାଝୀଙ୍କର ବିଗତ ତିନି ମାସର ବକେୟା ଦରମା ମଂଜୁର କରିଦେବାକୁ ପାଂଚ ହଜାର ଟଂକା ଦାବୀ କରିଥିଲେ। ଏସଂପର୍କରେ ଭିଜିଲାନ୍ସ ବିଭାଗରେ ଅଭିଯୋଗ ହେବା ପରେ କୋରାପୁଟ ଭିଜିଲାନ୍ସ ଥାନା କେଶ ନଂ.୨୭ ତା.୦୨.୧୨.୨୦୨୦ ଦୁର୍ନୀତି ନିବାରଣ ଆଇନ୨୦୧୮ ଧାରା ୭ ଅନୁସାରେ ଏକ ମାମଲା ରୁଜ୍ଜୁ କରାଯାଇ ଥିଲା।

ତଦନୁସାରେ ଅଙ୍ଗନୱାଡି କର୍ମୀ ଜଣକ ସିଡିପିଓଙ୍କୁ ଲାଂଚ ଟଙ୍କା ଦେବା ସମୟରେ ଭିଜିଲାନ୍ସ ଡିଏସପି ସତ୍ୟବାନ ମହାନନ୍ଦଙ୍କ ନେତୃତ୍ୱରେ ତଦନ୍ତ କରୁଥିବା ଭିଜିଲାନ୍ସ ଟିମ ଘଟଣାସ୍ଥଳରୁ ସିଡିପିଓ ଜୟନ୍ତୀ ମହାନ୍ତିଙ୍କୁ ଗିରଫ କରିଥିବା ଜଣାପଡିଛି। ଏହି ଘଟଣାରେ ଅଧିକ ତଦନ୍ତ ଜାରି ରହିଥିବା ପ୍ରକାଶ।