ଭୁବନେଶ୍ବର: ନୂଆ ବର୍ଷକୁ ଆଉ କିଛି ଘଣ୍ଟା ବାକି ଥିବା ବେଳେ ଆଜି ବିଜୁ ଜନତା ଦଳ ଏକ ନୂଆ ଘୋଷଣା କରିଛି। ଆଜି ବିଜେଡ଼ି ନେତାଙ୍କୁ ଦଳ ପକ୍ଷରୁ ନୂଆ ଦାୟିତ୍ଵ ଦିଆଯାଇଛି। ଆଜି ବିଜେଡ଼ି ପକ୍ଷରୁ ମିଡିଆ ଟିମର ପୁନର୍ଗଠନ ହୋଇଛି। ଦଳ ପକ୍ଷରୁ ୧୬ ଜଣଙ୍କୁ ମୁଖପାତ୍ର ଦାୟିତ୍ଵ ଦିଆଯାଇଥିବା ବେଳେ ୯ ଜଣଙ୍କୁ ମିଡିଆ ପ୍ୟାନେଲିଷ୍ଟ ଦାୟିତ୍ଵ ମିଳିଛି।
ଲେନିନ ମହାନ୍ତିଙ୍କୁ ମିଡିଆ ସଂଯୋଜକ ଭାବେ ଦଳ ନିଯୁକ୍ତି ଦେଇଛି। ସେହିଭଳି ପ୍ରସନ୍ନ ଆଚାର୍ଯ୍ୟ, ପିନାକୀ ମିଶ୍ର, ସସ୍ମିତ ପାତ୍ର, ମାନସ ମଙ୍ଗରାଜ, ଶର୍ମିଷ୍ଠା ସେଠୀଙ୍କୁ ଜାତୀୟ ମୁଖପାତ୍ର ଦାୟିତ୍ଵ ମିଳିଛି। ସେହିଭଳି ଦେବୀ ମିଶ୍ର, ପ୍ରତାପ ମାଝୀଙ୍କୁ ମୁଖପାତ୍ର ଦାୟିତ୍ଵ ଦିଆଯାଇଛି।