Tag: ମୁଖ୍ୟମନ୍ତ୍ରୀ ମମତା ବାନାର୍ଜି

ନୂଆଦିଲ୍ଲୀ: ବର୍ତ୍ତମାନ ପଶ୍ଚିମବଂଗ ମୁଖ୍ୟମନ୍ତ୍ରୀ ମମତା ବାନାର୍ଜି ହରଡଘଣାରେ। କାରଣ ନିଜ ମନ୍ତ୍ରୀ ପାର୍ଥ ଚାଟାର୍ଜୀଙ୍କ ଦୁର୍ନିତି ନେଇ ସାରା ଦେଶରେ ଚାଲିଛି ଚର୍ଚ୍ଚା। ଏତେ ପରିମାଣ ଟଙ୍କା ଜବତ ହେବା ଏକ ବଡ ଘଟଣା। ଯେଉଁଥିପାଇଁ ମମତା ସାଧାରଣରେ ନିନ୍ଦିତ ହେବାରେ ଲାଗିଛନ୍ତି।

ଏସବୁକୁ ଦୃଷ୍ଟିରେ ରଖି ବର୍ତ୍ତମାନ ମମତା ନବୀନ ପଟ୍ଟନାୟକଙ୍କ ପଥ ଅନୁସରଣ କରିବେ ବୋଲି ସାଧାରଣରେ ଚର୍ଚ୍ଚା ଚାଲିଛି। ସେ ଖୁବ ଶିଘ୍ର ସବୁ ମନ୍ତ୍ରୀଙ୍କୁ ଇସ୍ତଫା ଦେବା ପାଇଁ ନିର୍ଦ୍ଦେଶ ଦେଇପାରନ୍ତି ବୋଲି କୁହାଯାଉଛି। ସେଥିପାଇଁ ପଶ୍ଚିମବଂଗ ଗଣ ମାଧ୍ୟମ ପୁରା ସଜାଗ ହୋଇ ରହିଛି।

ନବୀନ ଗତ ଜୁନ 4 ତାରିଖରେ ରାଜ୍ୟର ସମସ୍ତ ମନ୍ତ୍ରୀଙ୍କୁ ଇସ୍ତଫା ଦେବା ପାଇଁ ନିର୍ଦ୍ଦେଶ ଦେଇଥିଲେ। ଏହାପରଦିନ ସେ ନୂଆ ମନ୍ତ୍ରୀ ମଣ୍ଡଳ ଗଠନ କରିଥିଲେ। ଏହାର ମୁଖ୍ୟ ଉଦ୍ଦେଶ୍ୟ ଥିଲା ଯେ ଯେଉଁମାନଙ୍କୁ ନେଇ ରାଜ୍ୟ ମନ୍ତ୍ରୀ ମଣ୍ଡଳ ବା ସରକାର ନିନ୍ଦିତ ହେଉଛନ୍ତି ସେଥିରେ ବିରାମ ଲାଗିବ।

ସେହି ନ୍ୟାୟରେ ବର୍ତ୍ତମାନ ମମତା ବାନାର୍ଜି ମଧ୍ୟ କଳଙ୍କରୁ ପୋଛି ହେବା ପାଇଁ ସବୁ ମନ୍ତ୍ରୀଙ୍କୁ ଇସ୍ତଫା ଦେବାକୁ ନିର୍ଦ୍ଦେଶ ଦେବେ ବୋଲି ଚର୍ଚ୍ଚା ଚାଲିଛି। ଏହା ପରେ ମମତା ନୂଆ ଟିମକୁ ନେଇ ମନ୍ତ୍ରୀମଣ୍ଡଳ ଗଠନ କରିବେ ବୋଲି କୁହାଯାଉଛି। ଏଥର ମମତା ପୁରା ନୂଆ ମୁହଁ ନେବେ ବୋଲି ଅନୁମାନ କରାଯାଇଛି।

ବିଭିନ୍ନ ଗଣମାଧ୍ୟମ ରିପୋର୍ଟ ଅନୁସାରେ ମମତା ଏଥିପାଇଁ କୁଆଡେ ପ୍ରସ୍ତୁତି ଆରମ୍ଭ କରିସାରିଛନ୍ତି। ଯେଉଁମାନେ ଦାଗୀ ମନ୍ତ୍ରୀ ସେମାନଙ୍କ ତାଲିକା ପ୍ରସ୍ତୁତ କରାଯାଉଛି। ଏଥିସହିତ କେଉଁମାନେ ରାଜ୍ୟ ମନ୍ତ୍ରୀମଣ୍ଡଳର ଭାବମୂର୍ତ୍ତି ଠିକ ରଖିବେ ସେମାନଙ୍କ ତାଲିକା ମଧ୍ୟ ପ୍ରସ୍ତୁତି ଚାଲିଛି। ଏପରିକି କେତେକ ସାଂସଦଙ୍କୁ ମଧ୍ୟ ମନ୍ତ୍ରୀ ମଣ୍ଡଳରେ ସାମିଲ କରିବା ପାଇଁ ମମତା ଯୋଜନା କରୁଛନ୍ତି ବୋଲି କୁହାଯାଉଛି।

କେବଳ ମନ୍ତ୍ରୀ ମଣ୍ଡଳ ନୁହେଁ ମମତା ପୁରା ଦଳର ଅମୁଳଚୂଳ ପରିବର୍ତ୍ତନ କରିପାରନ୍ତି ବୋଲି ମଧ୍ୟ କୁହାଯାଇଛି। ଏପରକି ଜିଲ୍ଲା ସଭାପତି ମଧ୍ୟ ବଦଳ କରାଯିବ ବୋଲି ସଙ୍କେତ ମିଳିଛି। ସେହିପରି ଯୁବ ତଥା ଛାତ୍ର ସଂଗଠନରେ ମଧ୍ୟ ନୂଆ ଚେହେରା ନେବେ ବୋଲି ଅନୁମାନ କରାଯାଉଛି।

ସୂଚନା ଅନୁସାରେ ମମତା ବାନାର୍ଜି ଆସନ୍ତା ମାସରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ସାକ୍ଷାତ କରିବା ପାଇଁ ନୂଆଦିଲ୍ଲୀ ଯିବେ। ସେଠାରେ ସେ ନୀତି ଆୟୋଗ ବୌଠକରେ ମଧ୍ୟ ଯୋଗ ଦେବେ। ଏହି ବୈଠକ ପ୍ରଧାନମନ୍ତ୍ରୀଙ୍କ ଅଧ୍ୟକ୍ଷତାରେ ହେବ। ନୂଆଦିଲ୍ଲୀ ଗସ୍ତରୁ ଫେରିବା ପରେ ମମତା ମନ୍ତ୍ରୀ ମଣ୍ଡଳର ଅଦଳବଦଳ କରିବେ ବୋଲି ଚର୍ଚ୍ଚା ଚାଲିଛି।

ନୂଆଦିଲ୍ଲୀ: ସଂସଦର ଶୀତକାଳୀନ ଅଧିବେଶନ ନଭେମ୍ବର 29 ରୁ ଆରମ୍ଭ ହେବାକୁ ଯାଉଛି। ଏହାପୂର୍ବରୁ ବିରୋଧୀ ଦଳର ନେତାଙ୍କ ବୈଠକ ଆରମ୍ଭ ହେବ। ସେଥିପାଇଁ ପଶ୍ଚିମବଙ୍ଗର ମୁଖ୍ୟମନ୍ତ୍ରୀ ମମତା ବାନାର୍ଜୀ ଶୀତ ଅଧିବେଶନ ପୂର୍ବରୁ ତିନି ଦିନିଆ ନୂଆଦିଲ୍ଲୀ ଗସ୍ତରେ ଯାଉଛନ୍ତି। ନଭେମ୍ବର 22 ରୁ ନଭେମ୍ବର 25 ପର୍ଯ୍ୟନ୍ତ ସେ  ଦିଲ୍ଲୀରେ ରହିବେ।

ତେବେ ଏହି ଗସ୍ତରେ ସେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏବଂ ଗୃହମନ୍ତ୍ରୀ ଅମିତ ଶାହାଙ୍କ ସମେତ କେତେକ ବିରୋଧୀ ଦଳର ବରିଷ୍ଠ ନେତାଙ୍କୁ ଭେଟିବାର ସମ୍ଭାବନା ରହିଛି। ମମତା ବିଜେପି ସାଂସଦ ବରୁଣ ଗାନ୍ଧୀଙ୍କୁ ମଧ୍ୟ ଭେଟି ବୋଲି ଜଣାପଡିଛି। ଯାହାକୁ ନେଇ ଜାତୀୟ ରାଜନୀତିରେ ବେଶ ଚର୍ଚ୍ଚା ସୃଷ୍ଟି ହୋଇଛି।

ନିକଟରେ ବରୁଣ ଏବଂ ମାନେକା ଗାନ୍ଧୀଙ୍କୁ ବିଜେପି ରାଷ୍ଟ୍ରୀୟ କାର୍ଯ୍ୟକାରିଣୀ କମିଟରୁ ବାଦ କରିଦେଇଛି। ବରୁଣ ଗାନ୍ଧୀ ବିଭିନ୍ନ ସମୟରେ ସରକାର ବିରୋଧୀ ମନ୍ତବ୍ୟ ଦେଉଛନ୍ତି। ସେଥିପାଇଁ ବିଜେପି ତାଙ୍କ ପ୍ରତି ଏପରି ଆଭିମୁଖ୍ୟ ଗ୍ରହଣ କରିଛି ବୋଲି ଜଣାପଡିଛି। ନିକଟରେ କୃଷି ବିଲକୁ ନେଇ ମଧ୍ୟ ବରୁଣ ସରକାରୀ ବିରୋଧୀ ମନ୍ତବ୍ୟ ମଧ୍ୟ ଦେଇଛନ୍ତି। ଏପରି ପରିସ୍ଥିତିରେ ମମତାଙ୍କ ସହିତ ତାଙ୍କର ଭେଟଘାଟକୁ ନେଇ ଜାତୀୟ ରାଜନୀତିରେ ବେଶ୍ ଚର୍ଚ୍ଚା ଆରମ୍ଭ ହୋଇଛି।

ରାଜନୈତିକ ସମୀକ୍ଷକଙ୍କ ମତରେ ଉଭୟ ବରୁଣ ଏବଂ ମାନେକା ବିଜେପି ଛାଡି ଟିଏମସିରେ ଯୋଗ ଦେଇପାରନ୍ତି ବୋଲି ଆଶଙ୍କା ପ୍ରକାଶ ପାଇଛି। କାରଣ ଉଭୟଙ୍କ ପାଇଁ ବର୍ତ୍ତମାନ ବିଜେପି ସୁରକ୍ଷିତ ହୋଇପାରି ନାହିଁ। ଗୋଟିଏ ପଟେ ବିଜେପି ଉଭୟଙ୍କ ଆଭିମୁଖ୍ୟ ନେଇ ଅସନ୍ତୁଷ୍ଠ। ଅନ୍ୟପଟେ ଉଭୟ ବରୁଣ ଓ ମାନେକା ବିଜେପିର ଆଭିମୁଖ୍ୟ ନେଇ ଅସନ୍ତୁଷ୍ଠ। ସେଥିପାଇଁ ଉଭୟ ଟିଏମସିରେ ଯୋଗ ଦେବାର ସମ୍ଭାବନାକୁ ଏଡାଇ ଦିଆଯାଇ ନ ପାରେ।

ମମତା ପଶ୍ଚିମ ବଂଗରେ ବିପୁଳ ବିଜୟ ପରେ ଜୁନ୍ ମାସରେ ଦିଲ୍ଲୀ ଆସିଥିଲେ। ସେତେବେଳେ ସେ କଂଗ୍ରେସ ସଭାପତି ସୋନିଆ ଗାନ୍ଧୀ, କମଲ ନାଥ ଏବଂ ଆନନ୍ଦ ଶର୍ମାଙ୍କ ପରି ବରିଷ୍ଠ ନେତାମାନଙ୍କୁ ଭେଟିଥିଲେ। ସେ ସମୟରେ ସେ କହିଥିଲେ ଯେ ଆସନ୍ତା ଲୋକସଭା ନିର୍ବାଚନରେ ବିଜେପି ଅପେକ୍ଷା ବିରୋଧୀ ଦଳ ଅଧିକ ଶକ୍ତିଶାଳୀ ହେବ।

2024 ଲୋକସଭା ନିର୍ବାଚନରେ ​​ବିରୋଧୀ ଏକ ଇତିହାସ ସୃଷ୍ଟି କରିବେ ବୋଲି ମମତା ଦାବି କରିଥିଲେ। ମୁଖ୍ୟମନ୍ତ୍ରୀ ମମତା ବାନାର୍ଜୀ କହିଥିଲେ ଯେ ଏଥର ଲୋକସଭା ନିର୍ବାଚନରେ ଦେଶର ଭୋଟର ମୋଦୀ ବିରୋଧରେ ଯିବେ। ଯାହାକୁ ନେଇ ଜାତୀୟ ରାଜନୀତିରେ ବେଶ୍ ଚର୍ଚ୍ଚା ହୋଇଥିଲା। ଏବେ ପୁଣି ମମତାଙ୍କ ନୂଆଦିଲ୍ଲୀ ଗସ୍ତ ଜାତୀୟ ରାଜନୀତିରେ ବେଶ୍ ଗୁରୁତ୍ବ ସୃଷ୍ଟି ହୋଇଛି।

ନୂଆଦିଲ୍ଲୀ, ଜାତୀୟ ରାଜନୀତିରେ ଖୁବ ଶିଘ୍ର ଏକ ବଡ ଭୂକମ୍ପ ହେବାର ସମ୍ଭାବନା ସୃଷ୍ଟି ହେଲାଣି। ତେବେ ଏହି ଭୂକମ୍ପରେ ମୋଦିସାହା ପ୍ରଭାବିତ ହେବେ ବୋଲି ରାଜନୈତିକ ପାଣିପାଗ ବିଶେଷଜ୍ଞମାନେ ଆକଳନ କରିଛନ୍ତି। ଅନ୍ୟପଟେ ଜାତୀୟ ରାଜନୀତିରେ ଏପରି ପରିବର୍ତ୍ତନ ମଧ୍ୟ ମୋଦିସାହାଙ୍କର ମଧ୍ୟ ମୁଣ୍ଡବିନ୍ଧାର କାରଣ ପାଲଟିଛି ବୋଲି ଅନୁମାନ କରାଯାଉଛି।

ରାଜନୈତିକ ସମୀକ୍ଷକଙ୍କ ଆକଳନ ଅନୁସାରେ ବର୍ତ୍ତମାନ ମୋଦିଙ୍କୁ ଟକ୍କର ଦେବା ପାଇଁ କୁଆଡେ ମମତା ଧରିବେ ଜାତୀୟ ମହାମେଣ୍ଟର ମଙ୍ଗ। ଏଥିପାଇଁ ମମତା ଆସନ୍ତା 25 ତାରିଖରେ ନୂଆଦିଲ୍ଲୀ ଗସ୍ତରେ ଯାଉଛନ୍ତି। ସେହିଦିନ ମମତା ନୂଆଦିଲ୍ଲୀରେ ଅବସ୍ଥାନ କରିବାର କାର୍ଯ୍ୟକ୍ରମ ରହିଛି। ପଶ୍ଚିମବଂଗ ନିର୍ବାଚନ ପରେ ଏହା ହେଉଛି ମମତାଙ୍କୁ ପ୍ରଥମ ନୂଆଦିଲ୍ଲୀ ଗସ୍ତ।

ତେବେ ଏହି ଗସ୍ତକାଳରେ ମମତା ପ୍ରଧାନମନ୍ତ୍ରୀଙ୍କୁ ସାକ୍ଷାତ କରିବାର କୌଣସି ଯୋଜନା ନାହିଁ। ସାଧାରଣତଃ ମୁଖ୍ୟମନ୍ତୀମାନେ ନୂଆଦିଲ୍ଲୀ ଗଲେ ପ୍ରଧାନମନ୍ତ୍ରୀଙ୍କୁ ସାକ୍ଷାତ କରିଥାନ୍ତି। ମାତ୍ର ମମତାଙ୍କ କାର୍ଯ୍ୟକ୍ରମରେ ସେପରି କିଛି ନାହିଁ। ଅନ୍ୟପକ୍ଷରେ ନିର୍ବାଚନ ପରେ ମମତା ମୋଦିଙ୍କ ମଧ୍ୟରେ ଯେପରି ପରିସ୍ଥିତି ସୃଷ୍ଟି ହୋଇଛି ସେଥିରେ ଏହି ଭେଟଘାଟ ଭାବିବା ଭୁଲ।

ତେବେ ନୂଆଦିଲ୍ଲୀ ଗସ୍ତରେ ମମତା ସୋନିଆ ଏବଂ ରାହୁଳ ଗାନ୍ଧୀଙ୍କୁ ଭେଟିବାର କାର୍ଯ୍ୟକ୍ରମ ରହିଛି। ଏଥିସହିତ ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରୱାଲା, ଏନସିପି ନେତା ଶରଦ ପାୱାର ଏବଂ ସମାଜବାଦୀ ପାର୍ଟି ମୁଖ୍ୟ ଅଖିଳେଷ ଯାଦବଙ୍କ ସହ ସାକ୍ଷାତ କରିବେ। ଏହି ସାକ୍ଷାତ ଦେଶରେ ପୁଣିଥରେ ମହାମେଣ୍ଟ ସୃଷ୍ଟିର ଆଭାସ ଦେଖାଦେଲାଣି।

ନିକଟରେ ରାଜନୈତିକ ରଣନିତିଜ୍ଞ ପ୍ରଶାନ୍ତ କିଶୋର ସୋନିଆ, ପ୍ରିୟଙ୍କା ଏବଂ ରାହୁଳ ଗାନ୍ଧୀଙ୍କୁ ସାକ୍ଷାତ କରିଛନ୍ତି। ସେ କଂଗ୍ରେସରେ ସାମିଲ ହେବେ ବୋଲି ବିଭିନ୍ନ ଗଣମାଧ୍ୟମରେ ଖବର ପ୍ରକାଶ ପାଇଛି। ତେବେ ସେ କଂଗ୍ରେସରେ ସାମିଲ ହେବା ଅପେକ୍ଷା ମହାମେଣ୍ଟର ମୂଳଦୂଆ ପକାଇଥିବାର ଅନୁମାନ କରାଯାଉଛି। ଯାହାର ଫଳ ସ୍ବରୂପ ଏହି 15 ତାରିଖର ଭେଟଘାଟ ବୋଲି ଜଣାପଡିଛି

ନୂଆଦିଲ୍ଲୀର ରାଜନୀତି ପାଣିପାଗ ଅନୁସାରେ ମମତାଙ୍କୁ ଏହି ନୂଆ ମହାମେଣ୍ଟର ମୁଖ୍ୟ କରାଯିବ। ନିକଟରେ ପଶ୍ଚିମବଂଗରେ ମମତା ବାନାର୍ଜି ଯେପରି ମୋଦିସାହାଙ୍କୁ ପାଣି ପାଆଇଲେ, ତାହା ସାରା ଦେଶରେ ଚର୍ଚ୍ଚା ହେବାରେ ଲାଗିଛି। ଏପରି ପଦକ୍ଷେପ ଯୋଗୁଁ ମମତାଙ୍କୁ ବେଶ୍ ପ୍ରଶଂସା ମଧ୍ୟ ମିଳିଛି। ତାହାକୁ ଆଧାରକରି ବର୍ତ୍ତମାନ ପ୍ରଶାନ୍ତ କିଶୋର ଏହି ନୂଆ ମହାମେଣ୍ଟର ଭିତ୍ତି ପ୍ରସ୍ତର ସ୍ଥାପନ କରିଛନ୍ତି। ଯାହା 25 ତାରିଖରେ ସ୍ପଷ୍ଟ ହେବ ବୋଲି ଜଣାପଡିଛି।