Tag: ମୁମ୍ବାଇ

ମୁମ୍ବାଇ: ମୁମ୍ବାଇରୁ ଗାନ୍ଧିନଗର ପର୍ଯ୍ୟନ୍ତ ଚାଲୁଥିବା ଭାରତର ଦ୍ରୁତତମ ଟ୍ରେନ୍ ବନ୍ଦେ ଭାରତ ଆଜି ଏକ ଦୁର୍ଘଟଣାର ଶିକାର ହୋଇଛି। ସକାଳ ୧୧.୧୫ ରେ ଏହି ଦୁର୍ଘଟଣା ଘଟିଛି। କୁହାଯାଉଛି ଯେ, ଟ୍ରେନ ଆଗରେ ଏକ ଗୋରୁ ପଲ ଆସି ଯାଇଥିଲେ। ଏହି ଦୁର୍ଘଟଣାରେ ଇଞ୍ଜିନର ଆଗ ଭାଗ ନଷ୍ଟ ହୋଇଯାଇଛି। ପଶ୍ଚିମ ରେଳବାଇର ବରିଷ୍ଠ ପିଆରଓ ଜେ.କେ ଜୟନ୍ତୀ ଏହି ସୂଚନା ଦେଇଛନ୍ତି।

ଉଲ୍ଲେଖ ଯୋଗ୍ୟ ଯେ, ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ନିକଟରେ ଏହି ଟ୍ରେନର ଉଦଘାଟନ କରିଥିଲେ। ରେଲୱେ ପିଆରଓ ପ୍ରଦୀପ ଶର୍ମା କହିଛନ୍ତି ଯେ, ଏହି ଘଟଣା ଯୋଗୁଁ କିଛି କ୍ଷୟକ୍ଷତି ହୋଇନାହିଁ। ଟ୍ରେନର ଚଳାଚଳ ଉପରେ କୌଣସି ପ୍ରଭାବ ପଡ଼ିବ ନାହିଁ। ଟ୍ରେନ୍ ନିର୍ଦ୍ଧାରିତ ସମୟରେ ଚାଲୁଛି।

ଭାରତର ସବୁଠାରୁ ଆଧୁନିକ ବୈଶିଷ୍ଟ୍ୟ ସହିତ ସଜ୍ଜିତ ଏହି ବନ୍ଦେ ଭାରତ ଟ୍ରେନ୍ ସେପ୍ଟେମ୍ବର ୩୦ ତାରିଖରେ ଆରମ୍ଭ କରାଯାଇଥିଲା। ଏହି ଟ୍ରେନର ଗତି ୧୮୦ କିଲୋମିଟର ପର୍ଯ୍ୟନ୍ତ, କିନ୍ତୁ ଏହା ବର୍ତ୍ତମାନ ୧୩୦ କିଲୋମିଟର ବେଗରେ ପରିଚାଳିତ ହେଉଛି।

ମୁମ୍ବାଇ: ମୁମ୍ବାଇର ଶିବାଜୀ ପାର୍କରେ ଦଷେରା ରାଲି ଆୟୋଜନ କରିବାକୁ ଟିମ୍ ଏକନାଥ ସିନ୍ଦେଙ୍କ ଆବେଦନକୁ ହାଇକୋର୍ଟ ଖାରଜ କରିଛନ୍ତି। ହାଇକୋର୍ଟଙ୍କ ନିଷ୍ପତ୍ତି ପୂର୍ବରୁ ବିଏମସିର ପରାମର୍ଶଦାତା ସୁପ୍ରିମକୋର୍ଟଙ୍କ ୨୦୦୪ ଆଦେଶକୁ ସୂଚାଇ ଦେଇଥିଲେ, ଯେଉଁଥିରେ ଦର୍ଶାଯାଇଥିଲା ଯେ କୋର୍ଟ ଆଇନ ଶୃଙ୍ଖଳା କାର୍ଯ୍ୟରେ ହସ୍ତକ୍ଷେପ କରିବା ଉଚିତ ନୁହେଁ ଏବଂ ପ୍ରଶାସନ ଦ୍ୱାରା ନିୟନ୍ତ୍ରିତ ହେବା ଉଚିତ। ଏହି ରାୟ ଘୋଷଣା କରିବାବେଳେ କୋର୍ଟ କହିଛନ୍ତି ଯେ ବିଏମସି ସେହି ଦିନ ପୋଲିସ ରିପୋର୍ଟ ମାଗିଥିଲା ​​ଯେଉଁ ଦିନ ଠାକରେ ଗୋଷ୍ଠୀ ହାଇକୋର୍ଟଙ୍କ ଦ୍ଵାରସ୍ଥ ହୋଇଥିଲା। କୋର୍ଟ ଏହା ମଧ୍ୟ କହିଛନ୍ତି ଯେ, ଶିବାଜୀ ପାର୍କରେ ଉଭୟ ଗୋଷ୍ଠୀକୁ ଦଷେରା ରାଲି କରିବାକୁ ଅନୁମତି ନଦେବା ବିଏମସିର ନିଷ୍ପତ୍ତି ଯଥାର୍ଥ ନୁହେଁ।

ବମ୍ବେ ହାଇକୋର୍ଟ ମୁମ୍ବାଇର ଶିବାଜୀ ପାର୍କରେ ଉଦ୍ଧବ ଠାକରେଙ୍କୁ ଦଶେରା ରାଲି କରିବାକୁ ଅନୁମତି ଦେଇଛନ୍ତି। ଅଦାଲତ ଆଜି ଏହାର ରାୟ ପ୍ରଦାନ କରିବାବେଳେ କହିଛନ୍ତି ଯେ, ମହାରାଷ୍ଟ୍ର ସରକାର ଅକ୍ଟୋବର ୨ ତାରିଖରୁ ୬ ତାରିଖ ପର୍ଯ୍ୟନ୍ତ ଶିବଜୀ ପାର୍କରେ ଦଶେରା ରାଲି ଆୟୋଜନ କରିବାକୁ ଅନୁମତି ଦିଅନ୍ତୁ। ଅଦାଲତର ଏହି ନିଷ୍ପତ୍ତିକୁ ଶିବସେନାର ଏକନାଥ ସିନ୍ଦେ ଦଳ ପାଇଁ ଏକ ବଡ଼ ଝଟକା ବୋଲି ବିବେଚନା କରାଯାଉଛି।

ଆଜି ଏହି ମାମଲାର ଶୁଣାଣି ବେଳେ ବମ୍ବେ ହାଇକୋର୍ଟରେ ଆଡଭୋକେଟ ଏସପି ଚିନାୟ ଶିବସେନା (ଠାକରେ ଗୋଷ୍ଠୀ) ତରଫରୁ କହିଛନ୍ତି ଯେ, ଶିବସେନା ୧୯୬୬ ମସିହାରୁ ଶିବାଜୀ ପାର୍କରେ ଦଷେରା ରାଲିର ଆୟୋଜନ କରିଆସୁଛି। କୋଭିଡ ପରେ ବର୍ତ୍ତମାନ ସମସ୍ତ ପର୍ବ ପାଳନ କରାଯାଉଛି। ଏଭଳି ପରିସ୍ଥିତିରେ ୨୦୨୨ ମସିହାରେ ଶିବସେନା ତରଫରୁ ଦଷେରା ମେଳା ଆୟୋଜନ କରିବାକୁ ଅନୁମତି ଦିଆଯିବା ଉଚିତ୍।

ଏଥି ସହିତ, ବିତର୍କ ସମୟରେ ସିନ୍ଦେ ଗୋଷ୍ଠୀ କହିଛନ୍ତି ଯେ ଏକନାଥ ସିନ୍ଦେ ଶିବସେନାର ମୁଖ୍ୟ ନେତା ଅଟନ୍ତି। ଠାକରେ ଦଳର ଦାବି ବିଭ୍ରାନ୍ତିକର ଏବଂ ମିଥ୍ୟା ତଥ୍ୟ ଉପରେ ଆଧାରିତ। ସିନ୍ଦେ ଦଳର ପରାମର୍ଶଦାତା ମିଲିନ୍ଦ ସାଲଭେ କହିଛନ୍ତି ଯେ, “ଶିବାଜୀପାର୍କ ଏକ ଖେଳ ପଡିଆ ଏବଂ ନିରବ ଜୋନ୍ ରେ ଆସିଥାଏ। ୨୦୧୬ ର ଏକ GR ଅଛି, ଯେଉଁଥିରେ ଦର୍ଶାଯାଇଛି ଯେ ଦଷେରା ମେଳା ପାଇଁ ଶିବାଜୀ ପାର୍କକୁ ଅନୁମତି ଦିଆଯାଇଛି, କିନ୍ତୁ ସମାନ GR ରେ ଏହା ମଧ୍ୟ କୁହାଯାଇଛି ଯେ ଯଦି କୌଣସି ଆଇନ ଶୃଙ୍ଖଳା ସମସ୍ୟା ଥାଏ ତେବେ ସେଠାରେ କୌଣସି କାର୍ଯ୍ୟକ୍ରମ ଆୟୋଜନ କରାଯାଇପାରିବ ନାହିଁ।

ମୁମ୍ବାଇ: ମୁମ୍ବାଇରେ କେନ୍ଦ୍ର ମନ୍ତ୍ରୀ ନାରାୟଣ ରାଣେଙ୍କ ବଙ୍ଗଳାକୁ ଦୁଇ ସପ୍ତାହ ମଧ୍ୟରେ ଭାଙ୍ଗିବା ପାଇଁ ବୃହମୁମ୍ବାଇ ମ୍ୟୁନିସିପାଲ କର୍ପୋରେସନ (ବିଏମସି) କୁ ବମ୍ବେ ହାଇକୋର୍ଟ ନିର୍ଦ୍ଦେଶ ଦେଇଛନ୍ତି। ନିର୍ମାଣରେ ‘ଫ୍ଲୋର ସ୍ପେସ୍ ଇଣ୍ଡେକ୍ସ’ (SSI) ଏବଂ ‘କୋଷ୍ଟାଲ୍ ରେଗୁଲେସନ୍ ଜୋନ୍’ (CRZ) ନିୟମ ଉଲ୍ଲଂଘନ କରାଯାଇଛି ବୋଲି କୋର୍ଟ କହିଛନ୍ତି। ଜଷ୍ଟିସ୍ ଆର. ଡି ଧାନୁକା ଏବଂ ଜଷ୍ଟିସ କମଲ ଖତାଙ୍କ ଖଣ୍ଡପୀଠ କହିଛନ୍ତି ଯେ, ରାଣେ ପରିବାର ଦ୍ୱାରା ପରିଚାଳିତ କମ୍ପାନୀ ଦ୍ଵାରା ଦାଖଲ ହୋଇଥିବା ଦ୍ୱିତୀୟ ଆବେଦନକୁ ବୃହମୁମ୍ବାଇ ମ୍ୟୁନିସିପାଲିଟି କର୍ପୋରେସନ୍ (ବିଏମସି) ଅନୁମତି ଦେଇପାରିବ ନାହିଁ, କାରଣ ଏହା କରିବା ଦ୍ଵାରା” ଅନଧିକୃତ ନିର୍ମାଣକୁ ପ୍ରୋତ୍ସାହିତ ମିଳିବ।

କମ୍ପାନୀ ଦ୍ଵାରା ଦାଖଲ ହୋଇଥିବା ଆବେଦନରେ ଅନଧିକୃତ ନିର୍ମାଣକୁ ନିୟମିତ କରିବାକୁ ଦାବି କରାଯାଇଛି। ଦୁଇ ସପ୍ତାହ ମଧ୍ୟରେ ଅନଧିକୃତ ଅଂଶକୁ ଭାଙ୍ଗିବାକୁ ଏବଂ ଏକ ସପ୍ତାହ ପରେ ଅନୁପାଳନ ରିପୋର୍ଟ କୋର୍ଟରେ ଦାଖଲ କରିବାକୁ ବିଏମସିକୁ ନିର୍ଦ୍ଦେଶ ଦିଆଯାଇଛି। ଏହି ଖଣ୍ଡପୀଠରେ ରାଣେଙ୍କ ଉପରେ ୧୦ ଲକ୍ଷ ଟଙ୍କା ଜୋରିମାନା ଲାଗୁ କରାଯାଇଛି ଏବଂ ଏହି ରାଶି ଦୁଇ ସପ୍ତାହ ମଧ୍ୟରେ ମହାରାଷ୍ଟ୍ର ରାଜ୍ୟ ଆଇନ ସେବା ପ୍ରାଧିକରଣରେ ଜମା କରିବାକୁ ନିର୍ଦ୍ଦେଶ ଦିଆଯାଇଛି। ରାଣେଙ୍କ ଓକିଲ ଶାର୍ଦ୍ଦୁଲ ସିଂ କୋର୍ଟଙ୍କ ଆଦେଶକୁ ୬ ସପ୍ତାହ ସ୍ଥଗିତ ରଖିବାକୁ ଅନୁରୋଧ କରିଥିଲେ, ଯାହା ଦ୍ଵାରା ସେ ସୁପ୍ରିମକୋର୍ଟରେ ଆବେଦନ କରିପାରିବେ। କିନ୍ତୁ ତାଙ୍କ ଅନୁରୋଧକୁ କୋର୍ଟ ପ୍ରତ୍ୟାଖ୍ୟାନ କରିଛନ୍ତି।

ମୁମ୍ବାଇ: ମୁମ୍ବାଇର ତାଡଦେବ ଅଞ୍ଚଳରେ ଥିବା ୧୯ ମହଲା କୋଠାରେ ଅଗ୍ନିକାଣ୍ଡ ଘଟିଛି। ଏହି କୋଠାଟି ତାଡଦେବ ଅଞ୍ଚଳର ଭାଟିଆ ହସ୍ପିଟାଲ ସମ୍ମୁଖରେ। ଏହି ସମୟରେ ନିଆଁ ଲିଭାଇବା ପାଇଁ ୨୧ ଟି ଅଗ୍ନିଶମ ବାହିନୀ ଘଟଣାସ୍ଥଳରେ ପହଞ୍ଚିଛି। ଭୟଙ୍କର ଅଗ୍ନିକାଣ୍ଡ ଦେଖି ଭିଡ଼ ଜମିବା ପରେ ଟ୍ରାଫିକ ପୋଲିସ ଏବଂ ସ୍ଥାନୀୟ ପୋଲିସର ସାହାଯ୍ୟ ନିଆଯାଇଛି। ବର୍ତ୍ତମାନ ଏହି ଘଟଣାରେ ୭ ଜଣଙ୍କର ମୃତ୍ୟୁ ହୋଇଥିବା ଜଣାଯାଇଛି। ସମସ୍ତ ୭ ଜଣଙ୍କୁ ଚିକିତ୍ସା ପାଇଁ ଡାକ୍ତରଖାନାରେ ଭର୍ତ୍ତି କରାଯାଇଥିଲା। କିନ୍ତୁ ଚିକିତ୍ସା ସମୟରେ ସେମାନଙ୍କର ମୃତ୍ୟୁ ହୋଇଥିଲା। କୁହାଯାଉଛି ଯେ, ମୃତ୍ୟୁବରଣ କରିଥିବା ଲୋକଙ୍କ ମଧ୍ୟରୁ ୫ ଜଣଙ୍କର ନାୟାର ହସ୍ପିଟାଲରେ, ଜଣେ କସ୍ତୁରବା ହସ୍ପିଟାଲରେ ଏବଂ ଆଉ ଜଣେ ଭାଟିଆ ହସ୍ପିଟାଲରେ ମୃତ୍ୟୁବରଣ କରିଛନ୍ତି।

ମିଳିଥିବା ସୂଚନା ଅନୁଯାୟୀ, ଏହି ଅଗ୍ନିକାଣ୍ଡ ସକାଳ ପ୍ରାୟ ୭.୩୦ ରୁ ଆରମ୍ଭ ହୋଇଥିଲା। ଅନୁମାନ କରାଯାଏ ଯେ ପ୍ରଥମେ ଅଗ୍ନିକାଣ୍ଡ କୋଠାର ୧୫ ମହଲାରେ ଆରମ୍ଭ ହୋଇ ଶୀର୍ଷରେ ପହଞ୍ଚିଥିଲା। ଅଗ୍ନିକାଣ୍ଡ ଯୋଗୁଁ ୧୯ ତମ ମହଲା ସର୍ବାଧିକ କ୍ଷତିଗ୍ରସ୍ତ ହୋଇଛି। ଅନ୍ୟପକ୍ଷରେ ଘଟଣା ସମ୍ପର୍କରେ ଜାଣିବା ମାତ୍ରେ ଅଗ୍ନିଶମ ବାହିନୀ ସେଠାରେ ପହଞ୍ଚିଥିଲେ ଏବଂ ଘଟଣାସ୍ଥଳରେ ରିଲିଫ କାର୍ଯ୍ୟ ଦ୍ରୁତ ଗତିରେ ଚାଲିଛି।

ନୂଆଦିଲ୍ଲୀ: କରୋନା ପୁଣିଥରେ କାୟା ବିସ୍ତାର କରିବାରେ ଲାଗିଛି। ଯାହା ଆଶା କରାଯାଉଥିଲା ଯେ, ଫେବୃୟାରୀରେ ତୃତୀୟ ଲହର ସାଂଘାତିକ ହେବ, ତାହା ସତ ହେବାକୁ ଯାଉଛି। ବର୍ତ୍ତମାନ ଭାରତରେ ଆକ୍ରାନ୍ତଙ୍କ ସଂଖ୍ୟା ବୃଦ୍ଧି ପାଇବାରେ ଲାଗିଛି। ଏହା ଭିତରେ ମହାରାଷ୍ଟ୍ରରୁ ଏକ ଚକିତ ଖବର ପଦାକୁ ଆସିଛି। ତାହା ହେଲା ସେହି ରାଜ୍ୟରେ 10 ଜଣ ମନ୍ତ୍ରୀ ଏବଂ 20ରୁ ଅଧିକା ବିଧାୟକ କରୋନା ପଜେଟିଭ ଚିହ୍ନଟ ହୋଇଛନ୍ତି।

ଉପମୁଖ୍ୟମନ୍ତ୍ରୀ ଅଜିତ ପାୱାରଙ୍କ ସୂଚନା ଅନୁସାରେ ରାଜ୍ୟରେ ବିଧାୟକଙ୍କ ଏପରି କରୋନା ସଂକ୍ରାମଣ ବୃଦ୍ଧି ପାଇଁ ବିଧାନସଭାକୁ କାଣ୍ଟଛାଣ୍ଟ କରାଗଲା। ଏଥିସହିତ ରାଜ୍ୟରେ ବର୍ତ୍ତମାନ କରୋନା ଆକ୍ରାନ୍ତଙ୍କ ସଂଖ୍ୟା ବଢିବାରେ ଲାଗିଛି। ସେଥିପାଇଁ କରୋନା କଟକଣାକୁ ପାଳନକୁ କଡାକଡି କରାଯିବ ବୋଲି ପାୱାର କହିଛନ୍ତି। ଗତକାଲି ଶୁକ୍ରବାରରେ ମହାରାଷ୍ଟ୍ରରେ 5631 ଜଣ କରୋନା ପଜେଟିଭ ଚିହ୍ନଟ ହୋଇଥିଲେ। ଯାହା ଗୁରୁବାରଠାରୁ ପ୍ରାୟ 2000 ରୁ ଅଧିକ ଥିଲା।

ମୁମ୍ବାଇ: ମୁମ୍ବାଇରେ ରାଜନେତା, ସାମାଜିକ କାର୍ଯ୍ୟକର୍ତ୍ତା, ପୂର୍ବତନ ହାଇକୋର୍ଟର ବିଚାରପତି ତଥା ସେଲିବ୍ରିଟିଙ୍କ ଉପସ୍ଥିତିରେ ମମତା ବାନାର୍ଜୀ ଏକ ବିବୃତ୍ତି ଦେଇଛନ୍ତି। ସେ ବଲିଉଡ ତାରକା ଶାହରୁଖ ଖାନଙ୍କୁ ଟାର୍ଗେଟ କରାଯାଉଥିବା କହିଛନ୍ତି। ବିଜେପିକୁ ଏକ ନିଷ୍ଠୁର ତଥା ଅଗଣତାନ୍ତ୍ରିକ ଦଳ ବୋଲି ମମତା କହିଛନ୍ତି। ଏକତାର ଆବଶ୍ୟକତାକୁ ବର୍ଣ୍ଣନା କରି ସେ ଏହି ପ୍ରସଙ୍ଗରେ ପରବର୍ତ୍ତୀ ‘ଯୁଦ୍ଧ’ ପାଇଁ ପରାମର୍ଶ ଏବଂ ମାର୍ଗଦର୍ଶନ ମଧ୍ୟ ମାଗିଥିଲେ।

ଦୁଇ ଦିନିଆ ମହାରାଷ୍ଟ୍ର ଗସ୍ତରେ ଆସିଥିବା ତୃଣମୂଳ କଂଗ୍ରେସ ମୁଖ୍ୟ ମମତା କହିଛନ୍ତି ଯେ, ଭାରତ ବାହୁବଳ ଶକ୍ତିକୁ ନୁହେଁ ବରଂ ମାନବ ଶକ୍ତିକୁ ଭଲ ପାଏ। ଆମେ ବିଜେପି ରୂପରେ ଏକ ନିଷ୍ଠୁର ତଥା ଅଗଣତାନ୍ତ୍ରିକ ଦଳର ସମ୍ମୁଖୀନ ହେଉଛୁ। ଯଦି ଆମେ ଏକଜୁଟ ହେବା ତେବେ ଆମେ ଜିତିବା।