Tag: ଯୁବକ ଗିରଫ

ସୀତାରାମ ଅଗ୍ରୱାଲ

ବାଣପୁର: ଆଜି ଖୋର୍ଦ୍ଧା ଜିଲ୍ଲା ଅନ୍ତର୍ଗତ ବାଣପୁର ଥାନାରେ ଏକ ଅଭିଯୋଗ କ୍ରମେ ଜଣେ ଯୁବକକୁ ଗିରଫ କରି କୋର୍ଟ ଚାଲାଣ କରିଛି ପୋଲିସ। ପୋଲିସ ଠୁ ମିଳିଥିବା ସୂଚନା ଅନୁଯାୟୀ ଆଜି ସକାଳେ ବାଣପୁର ଥାନା ଅନ୍ତର୍ଗତ ସାନ ହନ୍ତୁଆଡ଼ ଗ୍ରାମର ଜନୈକ ମା ତାଙ୍କ ଝିଅଙ୍କୁ ସମ୍ପୃକ୍ତ ଗ୍ରାମର ଜଣେ ଯୁବକ ହଇରାଣ ହରକତ କରିବା ପ୍ରସଙ୍ଗକୁ ନେଇ ଏକ ଲିଖିତ ଅଭିଯୋଗ କରିଥିଲେ। ଉକ୍ତ ଯୁବକ ଜଣକ ତାଙ୍କ ଝିଅଙ୍କୁ ବାରମ୍ବାର ପ୍ରେମ ନିବେଦନ କରିବା ସହ ତାଙ୍କୁ ବିବାହ କରିବା ପାଇଁ ଜିଦି କରୁଥିଲେ। ଯଦି ଏହା ନ ହୁଏ ତାହାଲେ ସେ ଯୁବତୀଙ୍କୁ ଘରୁ ଉଠାଇ ନେଇଯିବାର ଧମକ ମଧ୍ୟ ଦେଇଥିବାର ଉକ୍ତ ଏତଲାରେ ଉଲ୍ଲେଖ କରିଛନ୍ତି ଯୁବତୀଙ୍କ ମା। ଉକ୍ତ ଏତଲାକୁ ଭିତ୍ତି କରି ପୋଲିସ ଘଟଣାର ତଦନ୍ତ କରି ସମ୍ପୃକ୍ତ ଯୁବକଙ୍କୁ ଗିରଫ କରି କେସ ନମ୍ବର ୨୭୯/୨୦ ରେ ଏକ ମାମଲା ରୁଜୁ କରି କୋର୍ଟ ଚାଲାଣ କରିଛି।