ଭୁବନେଶ୍ବର: ଆଜି ଭୁବନେଶ୍ବରର ତାପମାତ୍ରା ସର୍ବାଧିକ ରହିଛି। ଗତକାଲିଠାରୁ ଆଜିର ତାପମାତ୍ରା ବୃଦ୍ଧି ପାଇଛି। ଆଜି ୪୦ ଡ଼ିଗ୍ରୀ ଅତିକ୍ରମ କରିଛି ରାଜଧାନୀର ତାପମାତ୍ରା। ଭୁବନେଶ୍ୱର ପାଣିପାଗ ବିଭାଗ ଅନୁସାରେ ଆଜି ରାଜଧାନୀରେ ଦିନ ୧୧.୩୦ ସୁଦ୍ଧା ୪୦.୨ ଡିଗ୍ରୀ ତାପମାତ୍ରା ରେକର୍ଡ କରାଯାଇଛି।
ଯଦି ଦିନ ସୁଦ୍ଧା ଏପରି ତାପମାତ୍ରା ଅନୁଭୂତ ହେଲାଣି ତେବେ ଦିନ ଗୋଟାଏ ବେଳକୁ ଏହାର ତାପମାତ୍ରା ଆହୁରି ବୃଦ୍ଧି ପାଇବ। ବର୍ତ୍ତମାନ ଲଗାତର ଭାବେ ରାଜଧାନୀର ତାପମାତ୍ରା ବୃଦ୍ଧି ପାଇବାରେ ଲାଗିଛି। ଫଳରେ ଦିନ ଏଗାରଟା ସୁଦ୍ଧା ରାଜଧାନୀର ରାସ୍ତାଘାଟ ଗହଳି ହ୍ରାସ ପାଉଛି।