ସୀତାରାମ ଅଗ୍ରୱାଲ
ବାଣପୁର: ଖୋର୍ଦ୍ଧା ଜିଲ୍ଲା କ୍ରିଡା ଭାରତୀ ବାଣପୁର ଶାଖାର ଦୁଇ ଛାତ୍ର ସିଦ୍ଧାନ୍ତ ପ୍ରଧାନ ଏବଂ ଲକ୍ଷ୍ମଣ ବେହେରା ଚଳିତ ବର୍ଷ ଭଲିବଲ୍ ରେଫେରୀ ପରିକ୍ଷାରେ ଉତ୍ତୀର୍ଣ୍ଣ ହୋଇଛନ୍ତି। ଉଭୟ ଗୋଦାବରୀଶ ମହାବିଦ୍ୟାଳୟର ପୁରାତନ ଛାତ୍ର ଅଟନ୍ତି। ସିଦ୍ଧାନ୍ତ ବର୍ତ୍ତମାନ ବାଣପୁର ଗୋଦାବରୀଶ ବିଦ୍ୟାପୀଠରେ କ୍ରୀଡା ଶିକ୍ଷକ ଭାବେ କାର୍ଯ୍ୟରତ ଥିବା ବେଳେ ଲକ୍ଷ୍ମଣ ଟାଙ୍ଗି ଲୀଟିଲ୍ ମାଉଣ୍ଟ ସ୍କୁଲରେ କ୍ରୀଡା ଶିକ୍ଷକ ଭାବେ କାର୍ଯ୍ୟରତ ଅଛନ୍ତି।
ତେବେ ଭଲିବଲ୍ ରେଫେରୀ ପରିକ୍ଷାରେ ଉତୀର୍ଣ୍ଣ ହୋଇ ଉଭୟ ରାଜ୍ୟ ସ୍ତରୀୟ ଟୁର୍ଣ୍ଣାମେଣ୍ଟ ପରିଚଳାନା କରିବା ପାଇଁ ଯୋଗ୍ୟ ବିବେଚିତ ହୋଇଛନ୍ତି। ଏହା ବାଣପୁର ପାଇ ଗର୍ବ ଓ ଗୌରବର ବିଷୟ ହୋଇଥିବା ବେଳେ ରବିବାର ଦିନ କ୍ରୀଡା ଭାରତୀ ବାଣପୁର ଶାଖା ତରଫରୁ ଉଭୟଙ୍କୁ ସମ୍ବର୍ଦ୍ଧନା ଦିଆଯାଇଛି।