ଭୁବନେଶ୍ବର: ଲକଡାଉନ କଟକଣାର ଅବଧିକୁ ଜୁନ୍ ୧ ତାରିଖ ପର୍ଯ୍ୟନ୍ତ ରାଜ୍ୟ ସରକାର ବୃଦ୍ଧି କରିଛନ୍ତି। ଏହି ସମୟରେ ପୂର୍ବଭଳି କଟକଣା ଲାଗୁ ରହିବ।
ହେଲେ ପୂର୍ବଭଳି ଘର ଠାରୁ ମାତ୍ର ୫୦୦ ମିଟର ମଧ୍ୟରେ ଲୋକଙ୍କୁ ଅତ୍ୟାବଶ୍ୟକ ସାମଗ୍ରୀ କିଣିବାକୁ ଅନୁମତି ମିଳିଥିବା ବେଳେ ସମୟ ଅବଧିକୁ ହ୍ରାସ କରାଯାଇଛି। ପୂର୍ବରୁ ସକାଳ ୬ ଟାରୁ ଦିନ ପର୍ଯ୍ୟନ୍ତ ୧୨ ଟା ଯାଏଁ ଅତ୍ୟାବଶ୍ୟକ ସାମଗ୍ରୀ ବିକ୍ରି କରିବାକୁ ନିର୍ଦ୍ଦେଶ ରହିଥିବା ବେଳେ ଏବେ କିନ୍ତୁ ତାହା ସକାଳ ୭ ଟା ରୁ ୧୧ ଟା ପର୍ଯ୍ୟନ୍ତ ଅନୁମତି ରହିଛି।
ତେବେ ରାଜଧାନୀ ଭୁବନେଶ୍ବରରେ ମୋ ବସ ସେବାକୁ ବନ୍ଦ କରିଦିଆଯାଇଛି। କେତୋଟି ନିର୍ଦ୍ଦିଷ୍ଟ ରୁଟକୁ ଛାଡି ଅନ୍ୟ ସବୁ ରୁଟରେ ମୋ’ ବସ ସେବା ବନ୍ଦ ରହିବ। ରେଲୱେ ଷ୍ଟେସନରୁ କଟକ ଓ ଖୋର୍ଦ୍ଧାକୁ ‘ମୋ ବସ୍’ ଚାଲିବ। ଏୟାରପୋର୍ଟରୁ ରେଲୱେ ଷ୍ଟେସନ ପର୍ଯ୍ୟନ୍ତ ସଟଲ୍ ସର୍ଭିସ ଜାରି ରହିବ ବୋଲି କ୍ରୁଟ୍ ପକ୍ଷରୁ କୁହାଯାଇଛି।