ଭୁବନେଶ୍ଵର: ଟୁଇନସିଟି କଟକ ଓ ଭୁବନେଶ୍ୱରର ଶାରଦୀୟ ଦୁର୍ଗାପୂଜାରେ ବିଭିନ୍ନ ପୂଜା ମଣ୍ଡପ ଗୁଡିକୁ ନେଇ ଓଡ଼ିଆ ନ୍ୟୁଜ ଚ୍ୟାନେଲ ନ୍ୟୁଜ ୧୮ ଓଡ଼ିଆ ପକ୍ଷରୁ ଏକ ଅଭିନବ ସମ୍ବର୍ଦ୍ଧନା କାର୍ଯ୍ୟକ୍ରମ ଆୟୋଜନ କରିଛି। ପ୍ରଥମ ପର୍ଯ୍ୟାୟରେ ତିନିଜଣ ବିଚାରକ ବିଭିନ୍ନ ବିଭାଗରେ ଚୟନ କରିଥିଲେ କଟକ ଓ ଭୁବନେଶ୍ୱରର ଶ୍ରେଷ୍ଠ ୧୦ଟି ପୂଜା ମଣ୍ଡପ।
ପରବର୍ତ୍ତୀ ପର୍ଯ୍ୟା ରେ ଓଲିଉଡ଼ ତାରକା ଦମ୍ପତ୍ତି ସବ୍ୟସାଚୀ ମିଶ୍ର ଓ ଅର୍ଚ୍ଚିତା ସେହି ସବୁ ମଣ୍ଡପ ଗୁଡିକୁ ବୁଲି ବୁଲି ସମ୍ବର୍ଦ୍ଧିତ କରୁଛନ୍ତି। ଏହି କାର୍ଯ୍ୟକ୍ରମ ନ୍ୟୁଜ ୧୮ ଓଡ଼ିଆରେ ଆସନ୍ତା ୨୩ ଓ ୨୪ ତାରିଖରେ ପ୍ରସାରିତ ହେବ।
ଚ୍ୟାନେଲ ପକ୍ଷରୁ ସରୋଜ ପଟ୍ଟନାୟକ ଓ ଜୟନ୍ତ ଶେଠ ପ୍ରଯୋଜନା ଦାଇତ୍ୱରେ ଥିବାବେଳେ ମିଡ଼ିଆ ପ୍ଳାନର ପ୍ରଣୟ ଜେଠୀ ଏହାର ପରିଚାଳନା କରିଛନ୍ତି। ଉପସ୍ଥାପନା କରିଛନ୍ତି ଗୁଡ୍ଡୀ।