Tag: ଶିକାରୀ ଗିରଫ

ଚିଲିକା: ଖୋର୍ଦ୍ଧା ଜିଲ୍ଲା ଚିଲିକା ବନ୍ୟପ୍ରାଣୀ ବନଖଣ୍ଡ ଅଧିନସ୍ଥ ଟାଙ୍ଗୀ ବନ୍ୟପ୍ରାଣୀ ରେଞ୍ଜ ବାଲିନାସୀ ରଘୁରାୟ ଘେରି ନିକଟରେ ବନ୍ୟପ୍ରାଣୀ ବିଭାଗ ଚଢ଼ାଉ କରି ୨୯ ଗୋଟି ମୃତ ବିଦେଶୀ ପକ୍ଷୀ ଜବତ କରିବା ସହ ଜଣେ ପକ୍ଷୀ ଶିକାରୀଙ୍କୁ ଗିରଫ କରିଛି। ଗିରଫ ଅଭିଯୁକ୍ତ ଟାଙ୍ଗୀ ଥାନା ଉଜ୍ଜଳା ଗୋପୀନାଥପୁର ଗ୍ରାମର ଆଲୋକ ପ୍ରଧାନ (୨୮) ବୋଲି ଜଣାପଡିଛି। ଗିରଫ ଅଭିଯୁକ୍ତଙ୍କ ନିକଟରୁ ଏକ ବାଇକ, ବାଇନୋକୁଲାର, ମୋବାଇଲ ଫୋନ ଆଦି ଜବତ ହୋଇଛି।

ଉକ୍ତ ଚଢ଼ାଉରେ ଫରେଷ୍ଟଗାର୍ଡ ଜାନକୀ ସାହୁ, ମିନାକୁମାରି ନାୟକ, ନିରଞ୍ଜନ ମହାରଣା, ସୁରକ୍ଷାକର୍ମୀ ବାପି ବେହେରା, ସୁଶାନ୍ତ ସ୍ବାଇଁ ଆଦି ସାମିଲ ଥିଲେ। ତେବେ ଗିରଫ ପକ୍ଷୀ ଶିକାରୀ କଇଁନାଡରେ ବିଷ ପ୍ରୟୋଗ କରି ପକ୍ଷୀ ଶିକାର କରୁଥିଲେ ବୋଲି ବନବିଭାଗ ସୂତ୍ରରୁ ପ୍ରକାଶ।

କନ୍ଦର୍ପ ବେହେରା
ରେଢାଖୋଲ: ନାକଟିଦେଉଳ ବନାଂଚଳରେ ଦିନକୁ ଦିନ ଜନ୍ତୁ ଶିକାର ଚାଲିଥିବା ବେଳେ ବନବିଭାଗ ସେମାନଙ୍କୁ ସବୁ ସମୟରେ ଧରିବାରେ ସକ୍ଷମ ହୋଇପାରୁନାହିଁ। ଏପରିକି ବହୁ ସମୟରେ ଶିକାରୀମାନେ ବନବିଭାଗକୁ ଚକ୍‌ମା ଦେଇ ଫେରାର୍ ମଧ୍ୟ ହେଉଛନ୍ତି। ଗତ ୨୩/୬ ରାତିରେ ଲାଣ୍ଡିମାଳ ସଂରକ୍ଷିତ ଜଙ୍ଗଲରେ ବାର୍‌ହା ଶିକାର କରିବା ଅଭିଯୋଗରେ ୩ ଜଣଙ୍କୁ ଗିରଫ କରିବା ସହ ଏକ ଦେଶୀ ବନ୍ଧୁକ ଜବତ କରିଛି ବନବିଭାଗ।

ବନବିଭାଗ ସୂତ୍ରରୁ ପ୍ରକାଶ ଯେ, ନାକଟିଦେଉଳ ରେଞ ଅଧିନସ୍ଥ ଲାଣ୍ଡିମାଳ ସଂରକ୍ଷିତ ଜଙ୍ଗଲର ଭୀମମଣ୍ଡଳି ନିକଟସ୍ଥ କଳାପାଟ ଚନ୍ଦନଖୋଳ ଜଙ୍ଗଲରୁ ଜୁନ୍ ୨୩ ତାରିଖ ରାତିରେ ଖମଣମୁଣ୍ଡା ଗ୍ରାମର ଜିତେନ୍ଦ୍ରିୟ ଜମକିଆ, ମିଥୁନ୍ କଂସାରିଆ,ଅନିରୁଦ୍ଧ ଛେଣ୍ଡିଆ ଓ ଅଲେଖ ଶବର ଏକ ବାର୍‌ହା ଶିକାର କରି ଚମ୍ପାଳି ନଦୀରେ ଭାଗ କରି ନେଇଥିଲେ। ସେଠାରୁ ଜଗନ୍ନାଥପ୍ରସାଦ ଗୋପବନ୍ଧୁ ଚିକେନ୍ ଦୋକାନକୁ ମାଂସ ବିକ୍ରି ପାଇଁ ଯାଇଥିଲା।

ବନବିଭାଗ କୌଣସି ସୂତ୍ରରୁ ଖବର ପାଇ ଜଗନ୍ନାଥ ପ୍ରସାଦ ର ଚିକେନ୍ ଦୋକାନରୁ ୧୫ କେଜି ବାରହା ମାଂସକୁ ଜବତ କରିଥିଲା। ଚିକେନ୍ ଦୋକାନର ମାଲିକକୁ ପଚାରିବାରୁ ଶିକାରୀମାନଙ୍କର ନାମକୁ ପ୍ରକାଶ କରିଥିଲା। ସେ ଆଧାରରେ ବନବିଭାଗର ଏକ ଟିମ୍ ଖମଣମୁଣ୍ଡା ଗ୍ରାମକୁ ଯାଇ ୩ ଜଣ ଶିକାରୀଙ୍କୁ ଗିରଫ କରିବାଥିଲା ଓ ଅଲେଖ ଶବର ଫେରାର୍ ହୋଇଯାଇଥିଲା। ମିଥୁନ୍ କଂସାରିଆ ପାଖରୁ ଏକ ଦେଶୀ ବନ୍ଧୁକ ବନବିଭାଗ ଜବତ କରିଥିଲା। ଦେଶି ବନ୍ଧୁକଟି ଜିତେନ୍ଦିୟ ଜମକିଆର ବୋଲି ବନବିଭାଗ ଅନୁସନ୍ଧାନରୁ ଜାଣି ପାରିଥିଲା। ଆସନ୍ତା କାଲି ଅଭିଯୁକ୍ତ ଶିକାରୀମାନଙ୍କୁ କୋର୍ଟ ଚାଲାଣ କରାଯିବ ବୋଲି ବନବିଭାଗ ପ୍ରକାଶ କରିଛି।

ସହକାରୀ ବନସଂରକ୍ଷକ, ନାକଟିଦେଉଳର ଅଶ୍ୱିନୀ ବେହେରାଙ୍କ ନେତୃତ୍ୱରେ ଫରେଷ୍ଟର ତଥା ବନବିଭାଗର ଅନ୍ୟ କର୍ମଚାରୀମାନେ ଚଢଉରେ ସାମିଲ୍ ହୋଇଥିଲେ। ବହୁ ସମୟରେ ନାକଟିଦେଉଳ ବନାଂଚଳରେ ଏମିତି ଶିକାରୀମାନେ ସଂରକ୍ଷିତ ଜଙ୍ଗଲକୁ ଅବାଧରେ ପ୍ରବେଶ କରି ଜନ୍ତୁ ଶିକାର କରୁଥିଲେ ମଧ୍ୟ ବନବିଭାଗ ସେମାନଙ୍କୁ ଧରିବାରେ ମୁଣ୍ଡବ୍ୟଥାର କାରଣ ହେଉଛି।

ଭୁବନେଶ୍ଵର: ଗତକାଲି ଅପରାହ୍ନରେ ଏକ ବିଶେଷ ସୂତ୍ରରୁ ଖବର ପାଇ ଏସଟିଏଫ ରାୟଗଡା-କୋରାପୁଟ ୩୨୬ ନମ୍ବର ଜାତୀୟ ରାଜପଥରେ ଚଢ଼ାଉ କରି ଜଣେ ବନ୍ୟଜନ୍ତୁ ଶିକାରୀଙ୍କୁ ଗିରଫ କରିଛି। ଶିକାରୀ ଜଣକ ହେଉଛନ୍ତି ରାୟଗଡା ଜିଲ୍ଲା ଟିକିରି ଥାନା ନାକଟିଗୁଡ଼ା ଅଞ୍ଚଳର ଡମ୍ବୁରୁଧର ମାଝୀ। ତାଙ୍କ ନିକଟରୁ ତିନି ଗୋଟି ଚିତ୍ତା ବାଘ ଛାଲ ଜବତ କରିଛି ଏସଟିଏଫ।

ଅଭିଯୁକ୍ତଜଣଙ୍କ ବେଆଇନ ବାଘ ଛାଲ କାରବାର କରୁଥିବାର ଖବର ପାଇ ଏସଟିଏଫ ସମ୍ପୃକ୍ତ ସ୍ଥାନରେ ଚଢ଼ାଉ କରିଥିଲା। ଅଭିଯୁକ୍ତଙ୍କ ବିରୁଦ୍ଧରେ ଏସଟିଏଫ କେସ ନମ୍ବର ୧୨/୨୩ ରେ ମାମଲା ରୁଜୁ କରି ଅଭିଯୁକଙ୍କୁ କୋର୍ଟଚାଲାଣ କରିଛି।

ଅପରପକ୍ଷେ ଜବତ ବାଘ ଛାଲକୁ ଅଧିକ ପରୀକ୍ଷଣ ନିମନ୍ତେ ଦେହେରାଦୁନ ସ୍ଥିତ ଭାରତୀୟ ବନ୍ୟପ୍ରାଣୀ ଅନୁଷ୍ଠାନକୁ ପଠାଯିବ ବୋଲି ଏସଟିଏଫ କହିଛି।

ସୀତାରାମ ଅଗ୍ରୱାଲ

ଚିଲିକା: ଶୀତ ଆରମ୍ଭ ନ ହେଉଣୁ ଚିଲିକାରେ ସକ୍ରିୟ ହେଲେଣି ପକ୍ଷି ଶୀକାରୀ। ପକ୍ଷୀ ଶୀକାରକୁ ରୋକିବା ପାଇଁ ସତ ଚେଷ୍ଟା କଲେ ମଧ୍ୟ ବନ୍ୟପ୍ରାଣୀ ବିଭାଗ ବିଫଳ ହୋଇଛି।  ବନ୍ୟପ୍ରାଣୀ ବିଭାଗର କଡା ପ୍ରହରାକୁ ଖାତିର ନକରି ଶୀକାରୀମାନେ ବାରମ୍ବାର ପକ୍ଷୀ ଶୀକାର କରୁଛନ୍ତି। କଇଁ ନାଡରେ ଫୁରାଡନ ଦେଇ ସେମାନେ ବିଦେଶାଗତ ପକ୍ଷୀ ଶୀକାର କରୁଛନ୍ତି।

ପୁରୀ ଜିଲ୍ଲା ଆଳିପଡା ନାଳ କାଳିଜାଇ ମନ୍ଦିର ନିକଟରେ ଜଣେ ଶୀକାରୀ ପକ୍ଷୀ ଶୀକାର କରି ମୃତ ପକ୍ଷୀ ନେଇ ଯାଉଥିଵା ବେଳେ ଟାଙ୍ଗୀ ବନ୍ୟ ପ୍ରାଣୀ ବିଭାଗର କର୍ମଚାରୀ ମାନେ ପିଛା କରି ଶିକାରୀକୁ ଗିରଫ କରିଥିଲେ। ଗିରଫ ଶୀକାରୀ ନିକଟରୁ ୭ ଟି ମୃତ ବିଦେଶୀ ପକ୍ଷୀ ଜବତ ହୋଇଛି। ଗିରଫ ଅଭିଯୁକ୍ତ ଜଣକ ହେଲେ ପୁରୀ ଜିଲ୍ଲା ଗଡିଶାଗଡା ଥାନା ଅନ୍ତର୍ଗତ ଦୋଛିଆଁ ଗ୍ରାମର ବିଜୟ କୁମାର ସାହୁ (୫୨)। ଏ ନେଇ ଟାଙ୍ଗୀ ବନ୍ୟପ୍ରାଣୀ ବିଭାଗ ଏକ ମାମଲା ରୁଜୁ କରି ଅଭିଯୁକ୍ତଙ୍କୁ କୋର୍ଟଚାଲାଣ କରିଥିବାର ଟାଙ୍ଗୀ ବନ୍ୟପ୍ରାଣୀ ରେଞ୍ଜର ଚୂଡ଼ାରାଣୀ ମୁର୍ମୁ।

ସୀତାରାମ ଅଗ୍ରୱାଲ

ବାଣପୁର: ଆଜି ଅପରାହ୍ନରେ ବାଲୁଗାଁ ବନାଞ୍ଚଳ ଅଧିନସ୍ଥ ବାଣପୁର ଟମଣା ସରଂକ୍ଷିତ ଜଙ୍ଗଲରୁ ଜଣେ ଜଙ୍ଗଲୀ ବାରାହା ଶିକାରୀକୁ ଗିରଫ କରିଛି ବନବିଭାଗ। ଗିରଫ ଅଭିଯୁକ୍ତ ଜଣକ ହେଲେ ବାଣପୁର ଥାନା ଦୋଳଗୋବିନ୍ଦ ନୂଆ ସାହିର ତ୍ରିନାଥ ପ୍ରଧାନ (୫୦)। ତାଙ୍କ ନିକଟରୁ ୧୦ କେଜି ଜଙ୍ଗଲୀ ବାରାହା ମାଂସ ସମେତ ଏକ ଦେଶୀ ବନ୍ଧୁକ ଜବତ କରିଛି ବନବିଭାଗ।

ସୂଚନା ମୁତାବକ ବାଲୁଗାଁ ବନାଞ୍ଚଳ ଅଧିକାରୀ ପ୍ରତାପ ଚନ୍ଦ୍ର ମହାନ୍ତି ଆଜି ପାଟ୍ରୋଲିଂ କରୁଥିବା ବେଳେ ଜଙ୍ଗଲୀ ବାରାହା ଶିକାର ଖବର ପାଇ ସଙ୍ଗେସଙ୍ଗେ ଚଢ଼ାଉ କରିଥିଲେ ଏବଂ ଅଭିଯୁକ୍ତଙ୍କୁ ଗିରଫ କରିଥିଲେ। ଏହି ପରିପ୍ରେକ୍ଷୀରେ ବନବିଭାଗ କେସ ନମ୍ବର ୬ବି/୨୨-୨୩ ରେ ଏକ ମାମଲା ରୁଜୁ କରି ଅଭିଯୁକ୍ତକୁ କୋର୍ଟ ଚାଲାଣ କରିଥିବାର ଶ୍ରୀ ମହାନ୍ତି ସୂଚନା ଦେଇଛନ୍ତି। ଉକ୍ତ ଚଢ଼ାଉରେ ଧୂଁଆନଳୀ ବନପାଳ ଶିଳ୍ପୀ ସରିତା ମହାକୁଡ଼ ଏବଂ ଅନ୍ୟ କର୍ମଚାରୀମାନେ ସାମିଲ ଥିଲେ।

କନ୍ଦର୍ପ ବେହେରା

ରେଢାଖୋଲ: ସମ୍ବଲପୁର ଜିଲ୍ଲା ରେଢାଖୋଲ ବନଖଣ୍ଡ ଅଞ୍ଚଳରେ ଦିନକୁ ଦିନ ବନ୍ୟ ଜନ୍ତୁ ଶିକାର ବଢ଼ିବାରେ ଲାଗିଛି। ହେଲେ ଏହି ବେଆଇନ ବନ୍ୟ ଜନ୍ତୁ ଶିକାର ଉପରେ ବନ ବିଭାଗ ଚଢ଼ାଉ କରିଛି।

ରେଢ଼ାଖୋଲ ବନଖଣ୍ଡ ଚାରମାଳ ରେଞ୍ଜ ଅନ୍ତର୍ଗତ ବଡହିନ୍ଦୋଳ ଗ୍ରାମ ଜଙ୍ଗଲରେ ରନ୍ଧା କୁଟୁରା ମାଂସ ,୨ ଦେଶି ବନ୍ଧୁକ ସହ ୩  ଶୀକାରିଙ୍କୁ ବନ ବିଭାଗ  ଗିରଫ କରିଛି।

ରେଢାଖୋଲ ବନଖଣ୍ଡ ଚାରମାଳ ରେଞ୍ଜ ଅନ୍ତର୍ଗତ ବଡହିନ୍ଦୋଳ ଗାଁ ପାଖ ଜଙ୍ଗଲରୁ  କୁଟୁରା ର ରନ୍ଧା ମାଂସ, ରୋଷେଇ ସରଞ୍ଜାମ, ଶିକାର କରିବାରେ  ବ୍ୟବହୃତ ହେଉଥିବା ବିଭିନ୍ନ ମାରଣାସ୍ତ୍ର ଏବଂ ୨ ଦେଶି ବନ୍ଧୁକ ସହ  ୩ ଶିକାରୀକୁ ଗିରଫ କରିଛି ବନବିଭାଗ।

କୌଣସି ସୁତ୍ରରୁ ଖବର ପାଇ ଫରେଷ୍ଟର ପ୍ରବିଣ  ସାହୁଙ୍କ ନେତୃତ୍ୱରେ ଏକ ଟିମ୍ ବଡ ହିନ୍ଦୋଳ ଗାଁ ପାଖ ଜଙ୍ଗଲରେ ପହଞ୍ଚି ଶିକାରୀମାନେ ବନ୍ୟଜନ୍ତୁ ଶିକାର କରି ରୋଷେଇ କରୁଥିବା ସମୟରେ  ଚଢ଼ାଉ କରିଥିଲେ। ଚଢ଼ାଉ କରି  କୁଟୁରାର ରନ୍ଧା ମାଂସ, ରୋଷେଇ ସାରଞ୍ଜାମ,  ବିଦ୍ୟୁତ୍ ତାର, ଜାଲ, ବିଭିନ୍ନ ମାରଣାସ୍ତ୍ର,  ୨ଟି ଦେଶିବନ୍ଧୁକ ସହ ୩ ଜଣ ଶିକାରୀଙ୍କୁ ଗିରଫ କରାଯାଇଛି।

ଗିରଫ ଶିକାରୀ ମାନେ ହେଲେ ସରଜୁ ପ୍ରଧାନ, କୃଷ୍ଣ ଭୋଇ ଓ ସଞ୍ଜୟ ବିଶିଙ୍କୁ ଗିରଫ କରି ଥିଲେ। ଏ ସଁ ସଂକ୍ରାନ୍ତରେ ଚାରମାଳ ରେଞ୍ଜ କେଶ୍ ନଂ ୩୦/୨୦୨୨ ରେ ଏକ ମାମଲା ରୁଜୁ କରି ଗୁରୁବାର କୋର୍ଟ ଚାଲାଣ କରାଯାଇଥିବା ବନବିଭାଗ ପକ୍ଷରୁ ସୂଚନା ଦିଆଯାଇଛି।

ସୀତାରାମ ଅଗ୍ରୱାଲ

ଚିଲିକା: ବିଗତ ପନ୍ଦର ଦିନ ମଧ୍ୟରେ ବିଶ୍ଵପ୍ରସିଦ୍ଧ ଚିଲିକା ହ୍ରଦରୁ ପକ୍ଷୀ ଶିକାର କରି ଏକାଧିକ ଶିକାରୀ ଗିରଫ ହୋଇଛନ୍ତି। ତଥାପି କମୁନି ପକ୍ଷୀଶିକାର। ଆଜି ପୁଣି ଚିଲିକା ବନ୍ୟପ୍ରାଣୀ ବନଖଣ୍ଡ ଅଧିନସ୍ତ ଟାଙ୍ଗୀ ବନ୍ୟପ୍ରାଣୀ ବନାଞ୍ଚଳ ବିଭାଗ ହାତରେ ଦୁଇ ଜଣ ଶୀକାରୀ ଧରାପଡ଼ି ଗିରଫ ହୋଇଛନ୍ତି।

ଟାଙ୍ଗୀ ରେଞ୍ଜ ଅନ୍ତର୍ଗତ ଭୂଷଣ୍ଡପୁର ଚିଲିକାର ୧୩ ନମ୍ବର କୁଦ ନିକଟରୁ ଦୁଇ ଜଣ ପକ୍ଷୀ ଶୀକାରୀଙ୍କୁ ଗିରଫ କରିଛି ଟାଙ୍ଗୀ ବନ୍ୟପ୍ରାଣୀ ବନାଞ୍ଚଳ ବିଭାଗ। ଶିକାରୀଙ୍କ ନିକଟରୁ ବନ୍ୟପ୍ରାଣୀ ବିଭାଗ ସାତ ଗୋଟି ମୃତ ପକ୍ଷୀ ଜବତ କରିଛି। ଗିରଫ ଶୀକାରୀ ଦ୍ବୟ ହେଲେ ପୁରୀ ଜିଲ୍ଲା ଗଡ଼ିଶାଗଦା ଥାନା ଅନ୍ତର୍ଗତ ଜାଗୁଳେଇପଦର ଗ୍ରାମର ଦୁଷ୍ମନ୍ତ ବେହେରା (୩୫) ଏବଂ ସୁରେନ୍ଦ୍ର ବେହେରା (୪୬)। ଗିରଫ ଶୀକାରିଙ୍କ ବିରୋଧରେ ପିଆର ନମ୍ବର ୧୨ଟି/୨୧-୨୨ ରେ ଏକ ମାମଲା ରୁଜୁ କରାଯାଇ କୋର୍ଟ ଚାଲାଣ କରାଯାଇଥିବାର ଟାଙ୍ଗୀ ରେଂଞ୍ଜ ବନାଞ୍ଚଳ ଅଧିକାରିଣୀ ଚୁଡ଼ାରାଣୀ ମୁର୍ମୁ ସୂଚନା ଦେଇଛନ୍ତି।

ତେବେ ଗୋଟେ ପଟେ ବନ୍ୟପ୍ରାଣୀ ବିଭାଗ ପ୍ରତିଦିନ ପକ୍ଷୀ ଶିକାରୀଙ୍କୁ ଗିରଫ କରି ବାହା ବାହା ସାଉଣ୍ଟୁଥିବା ବେଳେ ଅନ୍ୟପକ୍ଷରେ ଏହାକୁ ନେଇ ଚିନ୍ତା ବ୍ୟକ୍ତ କରିଛନ୍ତି ପ୍ରକୃତିପ୍ରେମୀ।  ଚିଲିକାରେ ପାଟ୍ରୋଲିଂକୁ ଆହୁରି ବଢେଇବା ସହ ଏ ଦିଗରେ ବନ୍ୟପ୍ରାଣୀ ବିଭାଗ ପକ୍ଷରୁ ବ୍ୟାପକ ସଚେତନତା ସୃଷ୍ଟି କରାଯାଉ ବୋଲି ପ୍ରକୃତିପ୍ରେମୀ ମତ ରଖିଛନ୍ତି।

ତେବେ ପକ୍ଷୀଶିକାରକୁ ରୋକିବା ପାଇଁ କଣ କଣ ପଦକ୍ଷେପ ନିଆଯାଇଛି ବୋଲି ଚିଲିକା ବନ୍ୟପ୍ରାଣୀ ବନଖଣ୍ଡ ଅଧିକାରିଣୀ ଆଇଏଫଏସ ଜ୍ୟୋତି କୋଟାଲଙ୍କୁ ଆମ ପ୍ରତିନିଧି ପଚାରିବାରୁ, ଚିଲିକାରେ ପାଟ୍ରୋଲିଙ୍ଗ ବଢିଥିବାର ସେ କହିଛନ୍ତି। ତତସହିତ ଆରପିଏଫ ର ଯବାନମାନେ ମଧ୍ୟ ପାଟ୍ରୋଲିଂ କରୁଛନ୍ତି। ବିଶେଷକରି ଟାଙ୍ଗୀ ରେଞ୍ଜରେ ବ୍ୟାପକ ବନ୍ୟପ୍ରାଣୀ କର୍ମଚାରୀଙ୍କୁ ମୁତୟନ କରାଯାଇଛି। ସେହିଭଳି ପକ୍ଷୀ ସୁରକ୍ଷା କ୍ୟାମ୍ପର କର୍ମଚାରୀମାନେ ମଧ୍ୟ ପାଟ୍ରୋଲିଂରେ ସହଯୋଗ କରୁଛନ୍ତି।

ପାଟ୍ରୋଲିଂ ପାଇଁ ବୋଟ ମଧ୍ୟ କର୍ମଚାରୀଙ୍କୁ ପ୍ରଦାନ କରାଯାଇଥିବାର ଡ଼ିଏଫଓ କହିଛନ୍ତି। ତେବେ ଆଗକୁ ଆହୁରି କଡ଼ାକଡି ପାଟ୍ରୋଲିଂ ଏବଂ ସଚେତନତା କାର୍ଯ୍ୟକ୍ରମ କରାଯିବ ବୋଲି ଡ଼ିଏଫଓ ସୁଶ୍ରୀ କୋଟାଲ କହିଛନ୍ତି।

ସୀତାରାମ ଅଗ୍ରୱାଲ

ଟାଙ୍ଗୀ: ଚିଲିକାରେ ପକ୍ଷୀମାନଙ୍କ ଭୀଡ ଜମିବା ଆରମ୍ଭ ନହେଉଣୁ ଚିଲିକାରେ ପକ୍ଷୀ ଶୀକାର ଆରମ୍ଭ ହୋଇ ଗଲାଣି। ବନ୍ୟପ୍ରାଣୀ ବିଭାଗକୁ ଖାତିର ନକରି ଦିନ ବେଳେ ମଧ୍ୟ ପକ୍ଷୀ ଶୀକାର କରିବାକୁ ସେମାନେ ପଛଘୁଞ୍ଚା ଦେଉ ନାହାଁନ୍ତି। କିନ୍ତୁ ଆଜି ଜଣେ ଶୀକାରୀ ପକ୍ଷୀ ଶୀକାର କରିବା ବେଳେ ବନ୍ୟପ୍ରାଣୀ ବିଭାଗ ହାତରେ ଧରାପଡିଛି।

ଟାଙ୍ଗୀ ରେଞ୍ଜ ଅଭିମାନପୁର ପକ୍ଷୀ ସୁରକ୍ଷା କ୍ୟାମ୍ପ ନିକଟରୁ ଜଣେ ପକ୍ଷୀ ଶୀକାରୀଙ୍କୁ ଗିରଫ କରିଛି ବନ୍ୟପ୍ରାଣୀ ବିଭାଗ। ଶୀକାରୀ ନିକଟରୁ ଗୋଟିଏ ଗଡୱାଲ, ଗୋଟିଏ ପିନଟେଲ, ୨ ଟି କମନ୍ କୁଟ୍ ଓ ୨ ଟି ଲାର୍ଜ୍ ହୁଇସଲିଙ୍ଗ ଡକ୍ ସହ ୬ ଟି ମୃତ ବିଦେଶୀ ପକ୍ଷୀ ଜବତ କରିଛି ବନ୍ୟପ୍ରାଣୀ ବିଭାଗ।

ଗିରଫ ଶୀକାରୀ ଜଣକ ହେଲେ ଟାଙ୍ଗୀ ଥାନା ସୁନ୍ଦରପୁର ଚାରିଘରିଆପାଟଣା ଗ୍ରାମର ବିଦ୍ୟାଧର ରାଉତ (୪୪)। ଶୀକାରୀମାନେ ନୀରୀହ ପକ୍ଷୀମାନଙ୍କୁ କଇଁ ଫୁଲ କେଶରରେ ଫୁରାଡନ୍ ଭଳି ମାରାତ୍ମକ ବିଷ ଦେଇ ଶୀକାର କରୁଥିବା ଜଣା ପଡିଛି। ଗିରଫ ଶୀକାରିଙ୍କୁ ଆଜି କୋର୍ଟ ଚାଲାଣ କରାଯିବ। ବନ୍ୟ ପ୍ରାଣୀ ବିଭାଗ ପେଟ୍ରୋଲିଂ କରୁନଥିବା ଯୋଗୁଁ ଏଭଳି ଶୀକାର ବୃଦ୍ଧି ପାଉଥିବା ଜନ ସାଧାରଣ ମତ ପ୍ରକାଶ କରିଛନ୍ତି।

କନ୍ଦର୍ପ ବେହେରା
ରେଢାଖୋଲ: ନାକଟିଦେଉଳ ବନାଂଚଳରେ ଦିନକୁ ଦିନ ଶିକାରୀମାନଙ୍କ ପ୍ରାଦୁର୍ଭାବ ବଢିବାରେ ଲାଗିଛି। ଜନ୍ତୁମାନଙ୍କୁ ଶିକାର କରିବା ପାଇଁ ଚୋରା ବନ୍ଧୁକ ଧରି ରାତିରେ ଶିକାରୀମାନେ ବୁଲୁଥିବାର ନଜିର ରହିଛି। ଗତକାଲି ରାତିରେ ନାକଟିଦେଉଳ ବନାଂଚଳ ଖୋଲଗଡ ସଂରକ୍ଷିତ ଜଙ୍ଗଲରେ ଅବାଧରେ ୫ ଜଣ ଶିକାରୀ ଚୋରା ବନ୍ଧୁକ ସାହାଯ୍ୟରେ ଜନ୍ତୁ ଶିକାର କରୁଥିବାର ବନ ବିଭାଗ ଖବର ପାଇ ସେମାନଙ୍କୁ ଧରିବାରେ ସଫଳ ହୋଇଛି।

ନାକଟିଦେଉଳ ବନାଂଚଳର ରେଞ୍ଜ ଅଧିକାରୀ ଅଶ୍ୱିନୀ ବେହେରାଙ୍କ ଠାରୁ ପ୍ରକାଶ ଯେ, ଗତକାଲି ବିଳମ୍ବିତ ରାତିରେ ଶିମିଳିପାଳ ଅଂଚଳର କେତେଜଣ ଯୁବକ ଜନ୍ତୁ ଶିକାର ପାଇଁ ଖୋଲଗଡ ସଂରକ୍ଷିତ କାଉଁଶିପାଳ ଗ୍ରାମରେ ଥିବା ଜଙ୍ଗଲକୁ ଯାଇଥିଲେ। ବନବିଭାଗ କୌଣସି ସୂତ୍ରରୁ ଖବର ପାଇ ତୁରନ୍ତ ସେଇ ଜଙ୍ଗଲକୁ ଯାଇ ସେମାନଙ୍କୁ କାବୁ କରିବା ସହ ସେମାନଙ୍କ ଠାରୁ ୨ ଟି ଦେଶୀ ବନ୍ଧୁକ, ଦୁଇଟି ମୋଟର ସାଇକେଲ ଏବଂ ଏକ ମୁଶା ଜାତୀୟ ଜନ୍ତୁକୁ ଜବତ କରିବାରେ ସଫଳ ହୋଇଥିଲା। ସେମାନଙ୍କୁ ବନ ବିଭାଗ ଅଟକ ରଖିବା ସହ ସେମାନଙ୍କ ବିରୁଦ୍ଧରେ ଦୃଢ କାର୍ଯାନୁଷ୍ଠାନ ଗ୍ରହଣ କରିଥିଲା। ବନବିଭାଗ ଜନ୍ତୁ ଶିକାର ତଥା ବନ୍ଧୁକ ରଖିବା ଅଭିଯୋଗରେ ସିମିିଳିପାଳ , ବନ୍ଧୁପାଲି ଓ କାଦୋବାହାଳି ଅଂଚଳର ସୁମନ୍ତ ମାଝୀ, ଆର୍ତ୍ତ ଦେହୁରି, ଜିତେନ୍ଦ୍ର ସାହୁ, ମଦନ ସାହୁ ଓ ନରେନ୍ଦ୍ର ସାହୁଙ୍କୁ ଗିରଫ କରିଥିଲା। ସେମାନଙ୍କୁ ଆଜି କୋର୍ଟ ଚାଲାଣ କରାଯାଇଥିବା ବେଳେ କୋର୍ଟରେ ଜାମିନ୍ ନାମଞୁର ହେବାରୁ ସେମାନଙ୍କୁ ଜେଲ୍ ହାଜକୁ ପଠାଇଦେଇଥିବା ଜଣା ପଡିଛି।

ଦିନକୁ ଦିନ ଏ ଅଂଚଳରେ ଅବାଧରେ ଜନ୍ତୁ ଶିକାର ଚାଲିଥିଲେ ମଧ୍ୟ ବନ ବିଭାଗ ଏ ସଂପର୍କରେ ଖବର କିଛି ପାଇ ପାରି ନଥିବାରୁ ଏଇ ବନ୍ଧୁକ ଧାରି ଜନ୍ତୁ ଶିକାରୀମାନଙ୍କୁ ଧରିବାରେ ବିଫଳ ହେଉଥିଲା। ଗତକାଲି ରାତିରେ ବନ ବିଭାଗ ଏକ ବଡ ସଫଳତା ପାଇ ଥିବାରୁ ସବୁଠି ପ୍ରଶଂସାର ପାତ୍ର ହୋଇଛନ୍ତି। ଏହି ଚଢଉରେ ବନପାଳ ସଞୟ କୁମାର ସାହୁ , ରଞନ କୁମାର ନାଏକ ଫରେଷ୍ଟଗାର୍ଡ, ରେବତୀ ପ୍ରଧାନ ଫରେଷ୍ଟ ଗାର୍ଡ ପ୍ରମୁଖ ସାମିଲ୍ ହୋଇଥିଲେ।