ଭୁବନେଶ୍ବର: ବରିଷ୍ଠ ଓଏଏସ ତଥା ବୟନିକାର ପରିଚାଳନା ନିର୍ଦ୍ଦେଶକ ଓ ରାଜ୍ୟ ହସ୍ତତନ୍ତ ନିର୍ଦ୍ଦେଶକ ଶ୍ୟାମଭକ୍ତ ମିଶ୍ରଙ୍କୁ ଓଡ଼ିଶା ଲୋକସେବା ଆୟୋଗ(ଓପିଏସ୍ସି)ର ନୂଆ ସଦସ୍ୟ ଭାବେ ନିଯୁକ୍ତି ପାଇଛନ୍ତି ।
ଶନିବାର ରାଜ୍ୟ ସାଧାରଣ ପ୍ରଶାସନ ବିଭାଗ ପକ୍ଷରୁ ଏ ନେଇ ବିଜ୍ଞପ୍ତି ପ୍ରକାଶ ପାଇଛି ।
ଶ୍ୟାମ୍ଭକ୍ତ ବାବୁଙ୍କ ଅବସର ନେବାକୁ ଆହୁରି ୫ମାସ ବାକି ରହିଥିବା ବେଳେ ସେ ଏହି ନୂଆ ନିଯୁକ୍ତି ପାଇଛନ୍ତି ।
ଶ୍ରୀ ମିଶ୍ର ଏହି ନୂଆ ଦାୟିତ୍ୱ ଗ୍ରହଣ କରିବା ଠାରୁ ୬ବର୍ଷ ପର୍ଯ୍ୟନ୍ତ କିମ୍ବା ୬୨ବର୍ଷ ବୟସ ହେବା ପର୍ଯ୍ୟନ୍ତ ଯାହା ଆଗ ପଡ଼ିବ ସେ ପର୍ଯ୍ୟନ୍ତ କାର୍ଯ୍ୟ ସମ୍ପାଦନ କରିବେ।