ଭୁବନେଶ୍ବର: ସର୍ବସମ୍ମତି କ୍ରମେ ଉପବାଚସ୍ପତି ଭାବେ ନିର୍ବାଚିତ ହେଲେ ଜି ଉଦୟଗିରି ବିଧାୟକ ସାଲୁଗା ପ୍ରଧାନ। ଆଜି ସକାଳେ ବିଧାନସଭାରେ ଉପବାଚସ୍ପତି ପାଇଁ ନିର୍ବାଚନ ଅନୁଷ୍ଠିତ ହୋଇଥିଲା। ତେବେ ଉପବାଚସ୍ପତି ପଦବୀ ପାଇଁ ଏକମାତ୍ର ପ୍ରାର୍ଥୀ ଭାବେ ଶ୍ରୀ ପ୍ରଧାନ ନାମାଙ୍କନ ପତ୍ର ଦାଖଲ କରିଥିଲେ। ସେଥିପାଇଁ ସେ ସର୍ବସମ୍ମତି କ୍ରମେ ଉପବାଚସ୍ପତି ଭାବେ ନିର୍ବାଚିତ ହୋଇଥିଲେ।
ଆଜି ବିଧାନସଭାରେ ଏକ ମୋସନ ଆଣିଥିଲେ ଗୃହର ନେତା ତଥା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ। ସାଲୁଗା ଉପବାଚସ୍ପତି ଭାବେ ନିର୍ବାଚିତ ହେଲେ ବୋଲି ବାଚସ୍ପତି ପ୍ରମିଳା ମଲ୍ଲିକ ଘୋଷଣା କରିଥିଲେ। ଏହାପରେ ସେ ତାଙ୍କ ଆସନରେ ବସିବାକୁ ବାଚସ୍ପତି ଘୋଷଣା କରିବା ପରେ ତାଙ୍କୁ ତିନିଦଳର ସଦସ୍ୟ ସାଲୁଗାଙ୍କୁ ତାଙ୍କ ଆସନକୁ ପାଛୋଟି ଆଣିଥିଲେ।
ଏହାପରେ ନବୀନ ପଟ୍ଟନାୟକ ଗୃହର ସମସ୍ତ ସଦସ୍ୟଙ୍କୁ ଧନ୍ୟବାଦ ଦେଇଥିଲେ। ସେହିପରି ବିଜେପିର ମୋହନ ମାଝୀ ଏବଂ କଂଗ୍ରେସର ଦାଶରଥି ଗମାଙ୍ଗା ସାଲୁଗାଙ୍କୁ ସ୍ବାଗତ କରିଥିଲେ।