ରଣପୁର: ଆଜି ସି.ଆଇ.ଟି.ୟୁ ନେତୃତ୍ୱରେ ଶତାଧିକ ପାଚିକା ଓ ସହାୟିକାଙ୍କ ଏକ ଶୋଭାଯାତ୍ରାରେ ରଣପୁର ପଞ୍ଚୁ ଦୋଳ ପଡ଼ିଆ ରଘୁଦିବାକର ଶହୀଦ ମଣ୍ଡପ ଠାରୁ ବାହାରି ବିଭିନ୍ନ ନାରାବାଜି ଦେଇ ରଣପୁର ବଜାର ପରିକ୍ରମା କରି ରଣପୁର ବ୍ଳକ ମଣ୍ଡଳ ଶିକ୍ଷାଧିକାରୀ ଙ୍କ କାର୍ଯ୍ୟାଳୟ ସମ୍ମୁଖରେ ଗଣ ବିକ୍ଷୋଭ କରିଥିଲେ। ଶ୍ରମିକ ନେତା ଭିକାରୀ ଚରଣ ସାହୁଙ୍କ ସଭାପତିତ୍ବରେ ଅନୁଷ୍ଠିତ ବିକ୍ଷୋଭ ସମାବେଶରେ ବକ୍ତା ମାନେ କେନ୍ଦ୍ରର ମୋଦୀ ସରକାର ଙ୍କ ଶ୍ରମିକ ମହାରଣା ନୀତି ଓ ଜନ ମାରଣା ନୀତିକୁ ତୀବ୍ର ସମାଲୋଚନା କରିଥିଲେ।
ପାଚିକା ଓ ସହାୟିକା ମାନେ ଯେତେବେଳେ ନିୟମିତ ହେବାକୁ ଦାବୀ କରୁଛନ୍ତି ଠିକ୍ ସେତିକି ବେଳେ କେନ୍ଦ୍ର ମୋଦୀ ସରକାର ଓ ରାଜ୍ୟ ନବୀନ ସରକାର ଶ୍ରମିକ ବିରୋଧୀ ନିଷ୍ପତ୍ତିମାନ ଗ୍ରହଣ କରି ଚାଲିଛନ୍ତି। କେରଳ ସରକାର ଦୈନିକ ମଜୁରୀ ୬୫୦ ଟଙ୍କା ପାଚିକାଙ୍କୁ ଦେଲା ବେଳେ ଆମ ରାଜ୍ୟରେ ମାତ୍ର ୪୬ ଟଙ୍କା ଦେବା ଅତ୍ୟନ୍ତ ଦୁଃଖ ଓ ପରିତାପର କଥା।
ଏଥିପାଇଁ ପାଚିକା ପରିବାର ବହୁ ସଙ୍କଟ ମଧ୍ୟ ଦେଇ ଗତି କରୁଛନ୍ତି ବୋଲି ବକ୍ତା ମାନେ ଅଭିଯୋଗ କରିଥିଲେ। ଏକ ପ୍ରତିନିଧି ଦଳ ବ୍ଲକ ଶିକ୍ଷାଧିକାରିଣୀ ବନଲତା ବେହେରାଙ୍କୁ ଭେଟି ଏକ ୧୧ ଦଫା ସମ୍ବଳିତ ଦାବୀ ମୁଖ୍ୟମନ୍ତ୍ରୀଙ୍କ ଉଦ୍ଦେଶ୍ୟରେ ଦେବା ସହ ସ୍ଥାନୀୟ ସମସ୍ୟା ଉପରେ ଆଲୋଚନା କରିଥିଲେ।
ପାଚିକା ଓ ସହାୟିକାଙ୍କୁ ଚତୁର୍ଥ ଶ୍ରେଣୀ କର୍ମଚାରୀର ମାନ୍ୟତା, ମାସିକ ଦରମା ୨୬ ହଜାର ଟଙ୍କା,ମାସିକ ୧୦ହଜାର ଟଙ୍କା ପେନସନ, ସାମାଜିକ ସୁରକ୍ଷା, ବର୍ଷକୁ ୧୦ମାସ ନୁହେଁ ୧୨ ମାସର ଦରମା ପାଇଁ ସଂଗଠନ ତରଫରୁ ଦାବୀ କରିଥିଲେ। ନଚେତ୍ ଆଗାମୀ ୨୦୨୪ ନିର୍ବାଚନ ରେ ମୋଦୀ ଓ ନବୀନ ସରକାର କୁ ଉଚିତ ଜବାବ ଦିଆଯିବ ବୋଲି ସଙ୍ଗଠନ ତରଫରୁ ଚେତାବନୀ ଦିଆଯାଇଛି। ଶିକ୍ଷା ଅଧିକାରୀଣି ଙ୍କ ପ୍ରତିଶ୍ରୁତି ପରେ ଆନ୍ଦୋଳନ ପ୍ରତ୍ୟାହୃତ ହୋଇଥିଲା।
ଏହି ଗଣବିକ୍ଷୋଭରେ ରାଜ୍ୟର ଶ୍ରମିକ ନେତା ସୁରେଶ ସ୍ବାଇଁ, ଭିକାରୀ ଚରଣ ସାହୁ, ପାଚିକା ସଂଘ ର ଜିଲ୍ଲା ସଭାପତି ସୁକାନ୍ତି ଜେନା, ସଂଯୁକ୍ତା ସେଠୀ, ପ୍ରଭାତି ବେହେରା, ନିତ୍ୟାନନ୍ଦ ପରିଡା, ଦୁଃଶାସନ ଜେନା, ସୁଶୀଲ ମହାନ୍ତି, ସବ୍ୟସାଚୀ ସେନାପତି, ଗଦାଧର ପ୍ରଧାନ, କୁଳମଣି ପଲେଇ, ରଜତ ଜେନା ପ୍ରମ୍ମୁଖ ବକ୍ତବ୍ୟ ଦେଇ ଥିଲେ।