Tag: ସୁଲୋଚନା ଦାସ

ଭୁବନେଶ୍ଵର: ବାହାନଗା ଟ୍ରେନ ଦୁର୍ଘଟଣା ଆଜିକୁ ୬ ଦିନ ବିତିଯାଇଛି। ହେଲେ ଏପର୍ଯ୍ୟନ୍ତ ସମସ୍ୟାର ସମାଧାନ ହୋଇପାରିନାହିଁ। ଟ୍ରେନ ଦୁର୍ଘଟଣାରେ ୨୮୮ ଲୋକଙ୍କ ମୃତ୍ୟୁବରଣ କରିଥିବା ବେଳେ ୨୦୫ ଲୋକଙ୍କ ମୃତଦେହ ସମ୍ପର୍କୀୟଙ୍କୁ ହସ୍ତାନ୍ତର କରାଯାଇଛି। ଆହୁରି ୮୩ ଟି ମୃତଦେହ ହସ୍ତାନ୍ତର ପାଇଁ ବାକି ରହିଥିବା ଭୁବନେଶ୍ବର ମେୟର ସୁଲୋଚନା ଦାସ କହିଛନ୍ତି।

ଶ୍ରୀମତୀ ଦାସଙ୍କ ଅନୁଯାୟୀ, ୮୩ ଟି ମୃତଦେହ ହସ୍ତାନ୍ତର ପାଇଁ ରହିଛି। ଯେଉଁମାନେ ବାହାରୁ ଆସୁଛନ୍ତି ସେମାନଙ୍କ ରହିବା ଖାଇବାର ସମସ୍ତ ବ୍ୟବସ୍ଥା କରାଯାଇଛି। କିଛି ମୃତ ଦେହ ଚିହ୍ନଟ ହୋଇପାରିନାହିଁ। ସେଥିପାଇଁ ଡିଏନଏ ଟେଷ୍ଟ କରାଯାଉଛି। ବର୍ତ୍ତମାନ ସୁଦ୍ଧା ୫୦ ରୁ ଅଧିକ ନମୁନା ଡିଏନଏ ଟେଷ୍ଟ ପାଇଁ ପଠାଯାଇଛି। ରିପୋର୍ଟ ଆସିଲେ ଦ୍ଵନ୍ଦ୍ଵ ଦୂର ହେବ।

ଭୁବନେଶ୍ୱର: ଭୁବନେଶ୍ୱର ମହାନଗର ନିଗମ ସ୍ତରୀୟ ଅନ୍ତର୍ଜାତୀୟ ଭିନ୍ନକ୍ଷମ ଦିବସ-୨୦୨୨ ସରକାରୀ ଉଚ୍ଚ ବିଦ୍ୟାଳୟ ବଡଗଡଠାରେ ସମାରୋହରେ ଅନୁଷ୍ଠିତ ହୋଇଯାଇଛି। ପ୍ରାରମ୍ଭରେ ରାଜ୍ୟ ସୂଚନା ଓ ଲୋକସମ୍ପର୍କ ବିଭାଗ ନିର୍ଦ୍ଦେଶକ ଶ୍ରୀ ଇନ୍ଦ୍ରମଣି ତ୍ରିପାଠୀ ଓ ବଡଗଡ ଉଚ୍ଚ ବିଦ୍ୟାଳୟ ଆଲୁମିନି ସଭାପତି ଶ୍ରୀ ପ୍ରତାପ କୁମାର ଜେନା ଏବଂ ଦିବ୍ୟାଙ୍ଗ ଛାତ୍ରଛାତ୍ରୀଙ୍କ ଉପସ୍ଥିତିରେ ପତାକା ଉତ୍ତୋଳନ ପୂର୍ବକ ଉତ୍ସବର ଶୁଭ ଉଦ୍ଘାଟନ କରିଥିଲେ।

ଏହି ପରିପ୍ରେକ୍ଷୀରେ ସ୍ୱତନ୍ତ୍ର ସହାୟତା ଆବଶ୍ୟକ କରୁଥିବା ଛାତ୍ରଛାତ୍ରୀମାନଙ୍କର ସାମଗ୍ରିକ ବିକାଶ ଲକ୍ଷ୍ୟରେ ଆୟୋଜିତ କାର୍ଯ୍ୟକ୍ରମ“ମହକମେଳା”କୁ ଭୁବନେଶ୍ୱର ମହାନଗର ନିଗମ ମେୟର ଶ୍ରୀମତୀ ସୁଲୋଚନା ଦାସ ଉଦ୍ଘାଟନ କରିଥିଲେ। ଶିକ୍ଷାର୍ଥୀମାନଙ୍କର ସୃଜନଶୀଳ ସ୍ୱପ୍ନ,ଶିକ୍ଷକଶିକ୍ଷୟିତ୍ରୀ ଓ ଅଭିଭାବକମାନଙ୍କର ଅନୁଭବକୁ ସାଉଁଟିଥିବା ପତ୍ରିକା “ମନର କଥା” ଅତିଥିମାନଙ୍କ ଦ୍ୱାରା ଶୁଭ ଉନ୍ମୋଚିତ ହୋଇଥିଲା।

ପରିଶେଷରେ ରାଜ୍ୟ ପ୍ରାଥମିକ ଶିକ୍ଷକ ସଂଘ ଉପସଭାପତି ଶ୍ରୀମତୀ ସଙ୍ଗୀତା ଦାଶପୁରସ୍କାର ବିତରଣ କରିଥିଲେ। ସରକାରୀ ଉଚ୍ଚ ବିଦ୍ୟାଳୟ, ବଡଗଡର ପ୍ରଧାନ ଶିକ୍ଷୟିତ୍ରୀ ଶ୍ରୀମତୀ ବନଜା ମଂଜରୀ ସାହୁ ତଥା ବିଦ୍ୟାଳୟର ସମସ୍ତ କର୍ମଚାରୀ, ଭୁବନେଶ୍ୱର ମହାନଗର ନିଗମ ଅନ୍ତର୍ଗତ ସମସ୍ତ ବିଦ୍ୟାଳୟର ଶିକ୍ଷକ ଶିକ୍ଷୟିତ୍ରୀ,ସମ୍ବଳ ଶିକ୍ଷକଶିକ୍ଷୟିତ୍ରୀ, ଭୁବନେଶ୍ୱର ଗୋଷ୍ଠୀ ଶିକ୍ଷାକାର‌୍ୟ୍ୟାଳୟର ସହଯୋଗରେ ଏବଂ ବରିଷ୍ଠ ଗୋଷ୍ଠୀ ଶିକ୍ଷା ଅଧିକାରୀ ଡଃ. ପ୍ରଜ୍ଞା ପାରମିତା ଜେନାଙ୍କ ପରିଚାଳନାରେ ଏହି ଉତ୍ସବର ସଫଳ ପରିଚାଳନା କରାଯାଇଥିଲା।

ଭୁବନେଶ୍ୱର : ନବିନ ସୂତ୍ରଧର ଟ୍ରଷ୍ଟ ପକ୍ଷରୁ ବିଶ୍ୱ ଫଟୋଗ୍ରାଫି ଦିବସ ଅବସରରେ ଓଡିଶାର ଐତିହ୍ୟ, ସଂସ୍କୃତି ଓ ପରମ୍ପରା ଆଧାରିତ ଦୁଇଦିନ ବ୍ୟାପି ଆୟୋଜିତ ଫଟୋପ୍ରଦର୍ଶନୀ ଆଜି ଉଦଯାପିତ ହୋଇଯାଇଛି। ଉଦଯାପନୀ ଉତ୍ସବରେ ଭୁବନେଶ୍ୱର ମହାନଗର ନିଗମ ର ମେୟର ସୁଲୋଚନା ଦାସ ମୁଖ୍ୟଅତିଥି ଭାବେ ଯୋଗଦେଇ ପ୍ରଦର୍ଶନୀରେ ଭାଗନେଇଥିବା ପ୍ରତିଯୋଗୀମାନଙ୍କ ମଧ୍ୟରୁ 4ଜଣଙ୍କୁ ସେମାନଙ୍କ ଶ୍ରେଷ୍ଠ କୃତି ପାଇଁ ସମ୍ମାନିତ କରିଥିଲେ।

ଏହି ପ୍ରଦର୍ଶନୀ ରେ ପ୍ରଥମ ପୁରସ୍କାର ଲାଭ କରିଛନ୍ତି ଶ୍ରୀମାନ ସାଇଶାଶ୍ୱତ ମିଶ୍ର, ଦ୍ଵିତୀୟ ପୁରସ୍କାର ଶ୍ରୀମାନ ବିଶ୍ଵନାଥ ସ୍ୱାଇଁ, ତୃତୀୟ ପୁରସ୍କାର ଯୁଗ୍ମ ଭାବେ ଡ଼ଃ ପିୟୁଷ ରଞ୍ଜନ ରାଉତ ଓ ଶ୍ରୀମାନ ରାକେଶ ରାଉଳ। ଏଥି ସହିତ ଟ୍ରଷ୍ଟ ପକ୍ଷରୁ 5ଜଣ ବ୍ୟକ୍ତି ବିଶେଷ ଯଥାକ୍ରମେ ବାଦଲ କୁମାର ମଲ୍ଲିକ, ଜ୍ୟୋତ୍ସ୍ନାମୟୀ ପରିଡା,ଅମରେଶ ଜେନା, ରୁଦ୍ର ନାରାୟଣ ସାମନ୍ତରାୟ ଓ ନାରାୟଣ ଚନ୍ଦ୍ର ଓଝା ଙ୍କୁ ସେମାନଙ୍କର ଫଟୋ ପ୍ରତି ଭଲ ପାଇବା ଓ ଫଟୋଗ୍ରାଫର ମାନଙ୍କୁ ପ୍ରେରଣା ଓ ସହଯୋଗ ପାଇଁ ଫଟୋ ବନ୍ଧୁ ସମ୍ମାନ ରେ ସମ୍ମାନିତ କରାଯାଇଛି।

ଆଜିର ଏହି ଉତ୍ସବରେ ଅନ୍ୟତମ ଅତିଥିଭାବେ ବିଶିଷ୍ଟ ସମାଜସେବୀ ସୁଚିସ୍ମିତା ପୃଷ୍ଟି, ବିଶିଷ୍ଟ ଗାୟିକା ଜୟଶ୍ରୀ ଧଳ, ଟ୍ରଷ୍ଟ ର ସମ୍ପାଦକ ନିହାର ରଞ୍ଜନ ଦାସ ଏବଂ ଅନ୍ୟତମ ସଦସ୍ୟ ଭାନୁପ୍ରିୟା ଦାସ ପ୍ରମୁଖ ଉପସ୍ଥିତ ରହି ସଭାକାର୍ଯ୍ୟକୁ ପରିଚାଳନା କରିଥିଲେ. ଏହି କାର୍ଯ୍ୟକ୍ରମ ର ଆୟୋଜକ ଟ୍ରଷ୍ଟ ର ପ୍ରତିଷ୍ଠାତା ଓ ଅଧକ୍ଷ ଲକ୍ଷ୍ମୀକାନ୍ତ ଦାସ ଆଗାମୀ ଦିନରେ ଆହୁରି ଏହିଭଳି ପ୍ରଦର୍ଶନୀ ଆୟୋଜନ କରିବା ସହ ଓଡିଶାର ପରମ୍ପରା କୁ ବହୁଳ ଭାବେ ପ୍ରଚାର ପ୍ରାସର ପାଇଁ ପ୍ରୟାସ କରିବେ ବୋଲି କହିଛନ୍ତି.

ଭୁବନେଶ୍ବର: ପ୍ରଥମ ଥର ପାଇଁ ଭୁବନେଶ୍ବରର ମହିଳା ମେୟର ଭାବେ ନିର୍ବାଚିତ ହୋଇଛନ୍ତି ସୁଲୋଚନା ଦାସ। ଆସନ୍ତା ନଅ ତାରିଖରେ ସେ ଶପଥ ନେବାର ସମ୍ଭାବନା ରହିଛି। ତେବେ ତା ପୂର୍ବରୁ ସେ ୱାର୍ଡ ବୁଲା କାମ ଆରମ୍ଭ କରିଦେଇଛନ୍ତି। ଆଜି ଉତ୍କଳ ଦିବସ ଥିବାରୁ ଭୁବନେଶ୍ବର ନିର୍ବାଚିତ ମେୟର ବିଭିନ୍ନ ୱାର୍ଡର ଉନ୍ନୟନ କାମ ତଦାରଖ କରିଛନ୍ତି।

ଆଜି ସକାଳୁ ସେ ୱାର୍ଡ ନମ୍ୱର 28 ଓ 29ର କ୍ଷୁଦ୍ର ଜୈବସାର ପ୍ରକ୍ରିୟାକରଣ କେନ୍ଦ୍ରକୁ ଯାଇ ସେଠାରେ କାମ କରୁଥିବା କର୍ମଚାରୀମାନଙ୍କ ସହ ବିଭିନ୍ନ ପ୍ରସଙ୍ଗରେ ଆଲୋଚନା କରିଛନ୍ତି । ଏଥିସହିତ ଭୁବନେଶ୍ୱର ସହରକୁ ସଫା ସୁତୁରା ରଖିବା ଦିଗରେ ସେମାନଙ୍କର ମହତ୍ତ୍ୱପୂର୍ଣ୍ଣ ଅବଦାନ ପାଇଁ ମଧ୍ୟ ସୁଲୋଚନା ସେମାନଙ୍କୁ ଧନ୍ୟବାଦ ଦେଇଛନ୍ତି।

ଭୁବନେଶ୍ବର: ଆଜି ଓଡିଶାର ପୌର ନିର୍ବାଚନ। ରାଜ୍ୟର ବିଭିନ୍ନ ପୌରଞ୍ଚାଳରେ ଚାଲିଛି ଭୋଟ ଗ୍ରହଣ। ଏହି ଭୋଟ ଗ୍ରହଣ ସହରାଞ୍ଚଳରେ ହେଉଥିବାରୁ ବିଭିନ୍ନ ହେଭି ୱେଟମାନେ ସେମାନେଙ୍କ ମତାଧିକାର ସାବସ୍ତ କରୁଛନ୍ତି। ସେହିପରି ଭୁବନେଶ୍ବରର ମେୟର ପ୍ରାର୍ଥୀ ସୁଲୋଚନା ଦାସ ତାଙ୍କର ମତାଧିକାର ସାବସ୍ତ କରିଛନ୍ତି।

ଆଜି ସକାଳୁ ସୁଲୋଚନା ତାଙ୍କର ସ୍ବାମୀ ପ୍ରଫୁଲ ଦାସଙ୍କ ସହିତ ଭୋଟ ଗ୍ରହଣ କେନ୍ଦ୍ରକୁ ଆସିଥିଲେ। ସେଠାରେ ସେ ଧାଡି ଛିଡା ହୋଇଥିବାର ପରିଲକ୍ଷିତ ହୋଇଥିଲା। ସେ ଭୋଟ ଦେଇ ଆସିବା ପରେ ସମସ୍ତଙ୍କୁ ଭୋଟ ଗ୍ରହଣ ଉତ୍ସବରେ ଯୋଗଦେବାକୁ ଅପିଲ କରିଥିଲେ।