ଭୁବନେଶ୍ବର, ବର୍ତ୍ତମାନ ଦୁଇ ସପ୍ତାହ ପାଇଁ ହୋମ କ୍ବାରଣ୍ଟାଇନରେ ଅଛନ୍ତି ରାଜ୍ୟ ସରକାରଙ୍କ କୋଭିଡ19 ର ମୁଖ୍ୟ ମୁଖପାତ୍ର ସୁବ୍ରତ ବାଗଚୀ। ତେବେ କାରଣ ହେଲା ଯେ ଓଡିଶା ଦକ୍ଷତା ବିକାଶ କାର୍ଯ୍ୟାଳୟର କେତେକ ଅଧିକାରୀ କରୋନା ପଜେଟିଭ ଚିହ୍ନଟ ହୋଇଛନ୍ତି। ସେହି କାର୍ଯ୍ୟାଳୟର ସେ ଅଧ୍ୟକ୍ଷ ଅଛନ୍ତି ଏବଂ ସେହି ଅଧିକାରୀଙ୍କ ସଂସ୍ପର୍ଶରେ ମଧ୍ୟ ଆସିଛନ୍ତି। ଫଳରେ ତାଙ୍କୁ ଡାକ୍ତର ଅଫିସ ନ ଆସି ହୋମ କ୍ବାରଣ୍ଟାଇନରେ ରହିବାକୁ ପରାମର୍ଶ ଦେଇଛନ୍ତି। ସେହି ଅନୁସାରେ ବାଗଚୀ ନିଜ ଅଫିସକୁ ଆସିବା ବନ୍ଦ କରିବା ସହିତ ବାହାରକୁ ମଧ୍ୟ ବାହାରୁ ନାହାଁନ୍ତି। ତେବେ ତାଙ୍କ ଦେହରେ କୌଣସି କରୋନା ଲକ୍ଷଣ ପରିଲକ୍ଷିତ ହୋଇ ନାହିଁ। ବର୍ତ୍ତମାନ ସେ ସଂପୂର୍ଣ୍ମ ସୁସ୍ଥ ଏବଂ ଫିଟ୍ ଅଛନ୍ତି ବୋଲି ଜଣାପଡିଛି।
