ନୂଆଦିଲ୍ଲୀ: ଭାରତୀୟ ମିଡିଆ ଜଗତରେ ଏକ ବଡ ଧରଣର କିଣାବିକା ହେବାକୁ ଯାଉଛି। ତାହା ହେଲା ଭାରତର ପ୍ରତିଷ୍ଠିତ ନ୍ୟୁଜ ଚ୍ୟାନେଲ ଏନଡିଟିଭି କୁ କିଣିବ ଆଦାନୀ ଗ୍ରୁପ। ଏ ନେଇ ଆଦାନୀ ଗ୍ରୁପ ତରଫରୁ ଏକ ବିଜ୍ଞପ୍ତି ଜାରୀ କରାଯାଇଛି। ଏଥିରେ କୁହାଯାଇଛି ଯେ, ଗ୍ରୁପର ଅନ୍ୟତମ କଂପାନୀ AMG Media Networks Limited, ଏନଡିଟିଭିର ୨୯.୧୮ ପ୍ରତିଶତ ଷ୍ଟେକ ଅଧିଗ୍ରହଣ କରିବ।
ଏଥିରେ ପୁଣି କୁହାଯାଇଛି ଯେ, ୨୯.୧୮ ପ୍ରତିଶତ ଅଧିଗ୍ରହଣ କରିବା ପରେ ଆଉ ୨୬ ପ୍ରତିଶତ ପାଇଁ ଓପନ ଅଫର ଜାରୀ କରାଯିବ। ଆଦାନୀ ଗ୍ରୁପ ଏହି ୨୬ ପ୍ରତିଶତ ଓପନ ଅଫରରେ ପ୍ରତି ସେୟାର ମୂଲ୍ୟ ୨୯୪ ଟଙ୍କା ହିସାବରେ ମୋଟ ୪୯୩ କୋଟି ଟଙ୍କା ଧାର୍ୟ୍ୟ କରାଯାଇଛି। ଆଜି ଏନଡିଟିଭିର ସେୟାର ମୂଲ୍ୟ ୫ ପ୍ରତିଶତ ବୃଦ୍ଧି ପାଇଁ ୩୭୭.୫୫ ପଇସାରେ କାରବାର ବନ୍ଦ ହୋଇଛି।