ନୂଆଦିଲ୍ଲୀ: ଡ୍ରୋନ୍ ଏବଂ କ୍ଷେପଣାସ୍ତ୍ର ଦ୍ୱାରା ଇସ୍ରାଏଲ ଉପରେ ଇରାନ ଆକ୍ରମଣ କରିଛି। ଏହା ସମଗ୍ର ବିଶ୍ୱରେ ଟେନସନ ସୃଷ୍ଟି କରିଛି। ଇରାନ ଏବଂ ଇସ୍ରାଏଲ ମଧ୍ୟରେ ବଢୁଥିବା ତିକ୍ତତା ଏବେ ଏକ ଭିନ୍ନ ଦିଗକୁ ଯାଇଛି। ଏହି ଆକ୍ରମଣ ପରେ ଇସ୍ରାଏଲ ପ୍ରଧାନମନ୍ତ୍ରୀ ଦେଶବାସୀଙ୍କୁ ସମ୍ବୋଧିତ କରି କହିଛନ୍ତି ଯେ, ଇସ୍ରାଏଲ ଶକ୍ତିଶାଳୀ, ଆମର ସେନା ଶକ୍ତିଶାଳୀ ଏବଂ ଆମ ଦେଶର ଲୋକମାନେ ମଧ୍ୟ ଶକ୍ତିଶାଳୀ। ସୋସିଆଲ ମିଡିଆ ପ୍ଲାଟଫର୍ମ X ରେ ଭିଡିଓ ମାଧ୍ୟମରେ ସମ୍ବୋଧିତ କରିବାବେଳେ ସେ ଏହାକୁ ନିନ୍ଦା କରିଛନ୍ତି। ସେ କହିଛନ୍ତି ଯେ, ଆମେ ଏକାଠି ମିଶି ଏହାର ସାମ୍ନା କରିବୁ।
ଇରାନର ଇସଲାମିକ ରିଭୋଲ୍ୟୁସନାରୀ ଗାର୍ଡ କର୍ପସ କହିଛି ଯେ, ଏହା ଶନିବାର ଦିନ ଇସ୍ରାଏଲ ଉପରେ ଡଜନ ଡ୍ରୋନ୍ ଏବଂ କ୍ଷେପଣାସ୍ତ୍ର ଆକ୍ରମଣ କରିଛି। ଏହି ଆକ୍ରମଣ ପରେ ଆଇଡିଏଫ ନିଶ୍ଚିତ କରିଛି ଯେ, ଇରାନ କ୍ଷେପଣାସ୍ତ୍ର ଆକ୍ରମଣ କରିଛି। ବର୍ତ୍ତମାନ ଇସ୍ରାଏଲ୍ ବାୟୁସେନାର ଅନେକ ବିମାନ ଷ୍ଟାଣ୍ଡବାଇରେ ଅଛି, ଆମେ କୌଣସି ବିପଦର ମୁକାବିଲା କରିବାକୁ ପ୍ରସ୍ତୁତ।
ଆମେରିକା, ଫ୍ରାନ୍ସ, ବ୍ରିଟେନ ସମେତ ଅନେକ ଦେଶ ଇସ୍ରାଏଲ ଉପରେ ହୋଇଥିବା ଆକ୍ରମଣକୁ ନେଇ ଉଦ୍ବେଗ ପ୍ରକାଶ କରିଛନ୍ତି। ଇସ୍ରାଏଲ ପ୍ରଧାନମନ୍ତ୍ରୀ ସୋସିଆଲ ମିଡିଆ ପ୍ଲାଟଫର୍ମ X ରେ ଏକ ଭିଡିଓ ମାଧ୍ୟମରେ ଲୋକମାନଙ୍କୁ ଏକ ବାର୍ତ୍ତା ଦେଇଛନ୍ତି ଯେ, ଇସ୍ରାଏଲ ଏକ ଶକ୍ତିଶାଳୀ ଦେଶ। ଆମର ସୈନ୍ୟ ମଧ୍ୟ ଶକ୍ତିଶାଳୀ। ଆମର ଲୋକମାନେ ମଧ୍ୟ ଶକ୍ତିଶାଳୀ। ଭଗବାନଙ୍କ ସାହାଯ୍ୟରେ ଆମେ ସାହସର ସହିତ ସାମ୍ନା କରିବୁ।
