ଲୋକସଭା ନିର୍ବାଚନରେ କଂଗ୍ରେସର ନୈରାଶ୍ୟଜନକ ପ୍ରଦର୍ଶନ ପରେ ଦଳରୁ ଇସ୍ତଫା ଦେବା କାର୍ଯ୍ୟକ୍ରମ ଜାରି ରହିଛି। ଆଜି ପଞ୍ଜାବ କଂଗ୍ରେସର ଅଧ୍ୟକ୍ଷ ସୁନୀଲ୍ ଜାଖଡ୍ ଓ ପ୍ରଭାରୀ ଆଶା କୁମାରୀ ଇସ୍ତଫା ଦେଇଛନ୍ତି। ଅନ୍ୟ ରାଜ୍ୟଗୁଡ଼ିକ ତୁଳନାରେ ପଞ୍ଜାବରେ କଂଗ୍ରେସ ଭଲ ପ୍ରଦର୍ଶନ କରିଥିଲା। କିନ୍ତୁ ସୁନୀଲ୍ ଜାଖଡ୍ ଗୁରୁଦାସପୁର ଆସନରୁ ବିଜେପି ନେତା ଅଭିନେତା ସନ୍ନି ଦେଓଲଙ୍କଠାରୁ ପରାଜୟ ଗ୍ରହଣ କରିଛନ୍ତି। ପଞ୍ଜାବର ୧୩ଟି ଲୋକସଭା ଆସନରୁ କଂଗ୍ରେସ ୮ଟି ଆସନ ଜିତିଛି। ଆଜି ସକାଳେ ଝାରଖଣ୍ଡର କଂଗ୍ରେସ ଅଧ୍ୟକ୍ଷ ଅଜୟ କୁମାର ଦଳରୁ ଇସ୍ତଫା ଦେଇଥିଲେ। ଏହା ପୂର୍ବରୁ ଉତ୍ତର ପ୍ରଦେଶ କଂଗ୍ରେସ ଅଧ୍ୟକ୍ଷ ରାଜ ବବର୍ ଓ ଆମେଠିର ଜିଲ୍ଲାଧ୍ୟକ୍ଷ ଯୋଗେନ୍ଦ୍ର ସମେତ କେତେକ ନେତାମାନେ ଦଳର ପରାଜୟ କାରଣକୁ ନିଜ ଉପରେ ନେଇ ନିଜ ପଦରୁ ଇସ୍ତଫା ଦେଇଛନ୍ତି। ଓଡ଼ିଶାର କଂଗ୍ରେସ ସମିତି ଅଧ୍ୟକ୍ଷ ନିରଞ୍ଜନ ପଟ୍ଟନାୟକ, ଓଡ଼ିଶା କଂଗ୍ରେସର ପ୍ରଚାର କମିଟି ଅଧ୍ୟକ୍ଷ ଭକ୍ତ ଚରଣ ଦାସ ଓ କର୍ଣ୍ଣାଟକ କଂଗ୍ରେସ ପ୍ରଚାର ଅଧ୍ୟକ୍ଷ ଏଚ କେ ପାଟିଲ୍ଙ୍କ ସମେତ ଅନ୍ୟ କିଛି ଛୋଟବଡ଼ ନେତାମନେ ତାଙ୍କ ପଦରୁ ଇସ୍ତଫା ଦେଇଛନ୍ତି।
Tag: Congress
ଚଳିତ ଲୋକସଭା ନିର୍ବାଚନର ଫଳାଫଳ ଏବେ ସାମ୍ନାକୁ ଆସିଛି। ଏହି ନିର୍ବାଚନରେ ବିଜେଡି ବହୁମତ ହାସଲ କରି ବିଜୟୀ ହୋଇଥିବା ବେଳେ ବିଜେପି କିଛିକାଂଶରେ ସ୍ଥାନ ଅଧୀକୃତ କରିଛି। କଂଗ୍ରେସ ଏହି ତାଲିକାରେ ପଛରେ ପଡି ଯାଇଥିବାରୁ ନେତୃବୃନ୍ଦଙ୍କ ଉପରେ ବର୍ଷିଛନ୍ତି ବରିଷ୍ଠ ନେତା କାହ୍ନୁଚରଣ ଲେଙ୍କା। ରାଜ୍ୟରେ ବିଜେଡିକୁ ୧୧୨, ବିଜେପି ୨୩ ଏବଂ କଂଗ୍ରେସକୁ ୮ଟି ଆସନ ମିଳିଛି। ଦଳର ଏଭଳି ପ୍ରଦର୍ଶନ ପାଇଁ ଦାୟୀ କିଏ ତାହା ସମୀକ୍ଷା କରିବା ପାଇଁ ଏକ କମିଟି ଗଠନ କରାଯାଇଛି। ଓଡିଶାରେ କଂଗ୍ରେସର ବିପର୍ଯ୍ୟୟ ପାଇଁ ରାଜ୍ୟର ନେତୃବୃନ୍ଦ ଦାୟୀ ବୋଲି କାହ୍ନୁଚରଣ କହିଛନ୍ତି। ରାଜ୍ୟରେ ଦଳର କୃତ୍ରିମ ବିପର୍ଯ୍ୟୟ କରାଯାଇଛି। ବର୍ତମାନ କଂଗ୍ରେସ ଦଳ ବାପ ପୁଅର ଦଳ ଭାବରେ ପରିଣତ ହୋଇଛି। ବିପର୍ଯ୍ୟୟ ସମୀକ୍ଷା ପାଇଁ ଗଠନ କରାଯାଇଥିବା କମିଟି ନିଜେ ବିପର୍ଯ୍ୟୟ ପାଇଁ ଦାୟୀ। ନିରଞ୍ଜନ ପଟ୍ଟନାୟକ ମୁଖ୍ୟମନ୍ତ୍ରୀ ହେବା ନେଇ ବ୍ୟାକୁଳ ଥିଲେ। ତେଣୁ ଭାଇ ସୌମ୍ୟ ପଟ୍ଟନାୟକଙ୍କୁ ଲଗାଇ ବିଜେଡିରେ ଷଡଯନ୍ତ୍ର କରୁଥିବା କହିଛନ୍ତି କାହ୍ନୁଚରଣ ଲେଙ୍କା। ସୌମ୍ୟଙ୍କୁ ସୁହାଇବା ପରି ନିଷ୍ପତ୍ତି ନେଇ କଂଗ୍ରେସର ବିପର୍ଯ୍ୟୟ କରିଛନ୍ତି ବୋଲି କାହ୍ନୁଚରଣ କହିଛନ୍ତି।
ଦେଶବ୍ୟାପୀ ବିଭିନ୍ନ ଗଣମାଧ୍ୟମ ପକ୍ଷରୁ କରାଯାଇଥିବା ଏକ୍ସିଟ୍ ପୋଲ୍ ରିପୋର୍ଟରେ ବିଜେପି ନେତୃତ୍ବାଧୀନ ଏନ୍ଡିଏ ମେଣ୍ଟକୁ ବହୁମତ ମିଳିବା ପରେ ଏହାକୁ ନେଇ ପ୍ରତିକ୍ରିୟା ରଖିଛନ୍ତି କଂଗ୍ରେସ ମହା ସଚିବ ପ୍ରିୟଙ୍କା ଗାନ୍ଧୀ ଭଦ୍ରା। ଏହି ଏକ୍ସିଟ୍ ପୋଲ୍ ରିପୋର୍ଟରେ ଭ୍ରମିତ ନହୋଇ ନିର୍ବାଚନୀ ଫଳାଫଳକୁ ଅପେକ୍ଷା କରିବା ପାଇଁ ଦଳୀୟ କର୍ମୀଙ୍କୁ ନିବେଦନ କରିଛନ୍ତି ପୂର୍ବ ଉତ୍ତର ପ୍ରଦେଶ ଦାୟିତ୍ବରେ ରହିଥିବା ପ୍ରିୟଙ୍କା। ଏପରି ସର୍ବେକ୍ଷଣ ରାଜନୈତିକ ଉଦ୍ଦେଶ୍ୟ ପ୍ରଣୋଦିତ ଏବଂ ଏହା ଦ୍ବାରା ପ୍ରଭାବିତ ନହେବା ପାଇଁ ପ୍ରିୟଙ୍କା କହିଛନ୍ତି। କର୍ମୀ ମାନେ ଏପରି ଗୁଜବରେ ପ୍ରଭାବିତ ନହୋଇ ନିଜ ବୁଥ୍ ପାଇଁ ନିଜର ଦାୟିତ୍ବ ସଠିକ୍ ଭାବରେ ନିର୍ବାହ କରନ୍ତୁ ବୋଲି ପ୍ରିୟଙ୍କା କହିଛନ୍ତି। ନିଜ ନିଜ ବୁଥର ଷ୍ଟ୍ରଙ୍ଗ ରୁମ୍ ଏବଂ ଭୋଟ ଗଣତି କେନ୍ଦ୍ରରେ ଆପଣ ମାନେ ଜାଗ୍ରତ ରହିବା ଫଳରେ ଇଭିଏମ୍ରେ କୌଣସି ପ୍ରକାରର ତ୍ରୁଟି ହୋଇ ପାରିବ ନାହିଁ ବୋଲି ନିଜ ବାର୍ତ୍ତାରେ କହିଛନ୍ତି ପ୍ରିୟଙ୍କା । ଉଲ୍ଲେଖଯୋଗ୍ୟ ଯେ, ସମସ୍ତ ସର୍ବକ୍ଷଣରେ ଏନ୍ଡିଏକୁ ୩୦୦ରୁ ଅଧିକ ଆସନ ପ୍ରଦାନ କରାଯାଇଥିବା ବେଳେ କେବଳ ଏବିପି ପକ୍ଷରୁ କରାଯାଇଥିବା ସର୍ବେକ୍ଷଣରେ ୨୮୨ ଆସନ ପ୍ରଦାନ କରାଯାଇଥିଲା।
କଂଗ୍ରେସରେ ଯୋଗ ଦେଲେ ଉଦିତ ରାଜ
ବିଜେପିରୁ ଟିକେଟ୍ ନମିଳିବା ପରେ ସାଂସଦ ଉଦିତ ରାଜ ଅସନ୍ତୋଷ ପ୍ରକାଶ କରି ବୁଧବାର କଂଗ୍ରେସରେ ସାମିଲ ହୋଇଛନ୍ତି। କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧୀ ତାଙ୍କୁ ପାର୍ଟିକୁ ସ୍ୱାଗତ କରିଛନ୍ତି। ବିଜେପି ଉଦିତଙ୍କ ଟିକେଟ୍ କାଟି ତାଙ୍କ ସ୍ଥାନରେ ଲୋକପ୍ରିୟ ଗାୟକ ହଂସରାଜ ହଂସଙ୍କୁ ଉତ୍ତର-ପଶ୍ଚିମ ଦିଲ୍ଲୀ ଆସନରୁ ପ୍ରାର୍ଥୀ କରିଛି। ୨୦୧୪ରେ ବିଜେପି ଟିକେଟରୁ ଉତ୍ତର-ପଶ୍ଚିମ ଦିଲ୍ଲୀ ଆସନରେ ବିଜୟ ହାସଲ କରିଥିବା ସାଂସଦ ଉଦିତ ରାଜଙ୍କୁ ଏଥର ପୁଣି ଲଢିବାକୁ ବିଜେପି ସୁଯୋଗ ଦେଇନାହିଁ। ମଙ୍ଗଳବାର ବିଜେପିର ପ୍ରାର୍ଥୀ ତାଲିକା ଆସିବା ପରେ ସେଥିରେ ତାଙ୍କ ନାଁ ନଥିବାରୁ ଉଦିତ ବିରୋଧୀ ମନୋଭାବ ପୋଷଣ କରିଥିଲେ। ଏପରିକି ନିଜ ଟ୍ୱିଟର୍ ହ୍ୟାଣ୍ଡେଲରୁ ସେ ତାଙ୍କ ନାଁ ପୂର୍ବରୁ ଚୌକିଦାର ଶବ୍ଦ ମଧ୍ୟ ହଟାଇ ଦେଇଥିଲେ। ଅନ୍ୟପକ୍ଷରେ କଂଗ୍ରେସ ମଧ୍ୟ ଉତ୍ତର-ପଶ୍ଚିମ ଦିଲ୍ଲୀ ଆସନ ପାଇଁ ରାଜେଶ ଲିଲୋଥିୟାଙ୍କୁ ପ୍ରାର୍ଥୀ କରି ସାରିଛି। ଏଥିରୁ ସ୍ପଷ୍ଟ ଜଣାପଡୁଛି ଯେ କଂଗ୍ରେସ ଉଦିତଙ୍କୁ ଅନ୍ୟ କୌଣସି ରାଜ୍ୟରୁ ନିର୍ବାଚନ ଲଢିବା ପାଇଁ ଟିକେଟ୍ ଦେଇପାରେ।
ଦିଲ୍ଳୀର ୭ ବିଧାନସଭା ଆସନ ମଧ୍ୟରୁ ୬ ଆସନ ପାଇଁ ପ୍ରାର୍ଥୀ ତାଲିକା ଘୋଷଣା କରିଛି କଂଗ୍ରେସ। କଂଗ୍ରେସ ପକ୍ଷରୁ ଏହି ପ୍ରାର୍ଥୀ ତାଲିକାରେ ବରିଷ୍ଠ କଂଗ୍ରେସ ନେତ୍ରୀ ଶୀଲା ଦୀକ୍ଷିତ ରହିଥିବା ବେଳେ ପୂର୍ବତନ କେନ୍ଦ୍ରମନ୍ତ୍ରୀ ଅଜୟ ମାକେନ୍ ମଧ୍ୟ ରହିଛନ୍ତି। ପୂର୍ବତନ ମୁଖ୍ୟମନ୍ତ୍ରୀ ଶୀଲା ଦୀକ୍ଷିତ ଉତ୍ତର ପୂର୍ବ ଦିଲ୍ଲୀରୁ ନିର୍ବାଚନ ଲଢୁଥିବା ବେଳେ ଅଜୟ ମାକେନ୍ ନୂଆଦିଲ୍ଲୀ ସିଟ୍ରୁ ନିର୍ବାଚନ ଲଢିବେ। ପୂର୍ବତନ ସାଂସଦ ଜେ.ପି ଅଗ୍ରଓ୍ବାଲ ଚାନ୍ଦନୀ ଚୌକ୍ରୁ ନିର୍ବାଚନ ଲଢୁଥିବା ବେଳେ ମହାବଳ ମିଶ୍ରା ପଶ୍ଚିମ ଦିଲ୍ଲୀରୁ ଦଳର ପ୍ରାର୍ଥୀ ରହିଛନ୍ତି।
୧. ଚାନ୍ଦନୀଚୌକ : ଜେପି ଅଗ୍ରଓ୍ବାଲ
୨. ଉତ୍ତର ପୂର୍ବ ଦିଲ୍ଲୀ : ଶୀଲା ଦୀକ୍ଷିତ
୩. ପୂର୍ବ ଦିଲ୍ଲୀ : ଅରବିନ୍ଦର ସିଂ ଲଭ୍ଲୀ
୪. ନୂଆଦିଲ୍ଳୀ : ଅଜୟ ମାକେନ
୫. ଉତ୍ତର ପଶ୍ଚିମ ଦିଲ୍ଲୀ : ରାଜେଶ ଲିଲୋଥିଆ
୬. ପଶ୍ଚିମ ଦିଲ୍ଲୀ : ମହାବଳ ମିଶ୍ରା
ଦେଶର ଦ୍ବିତୀୟ ପର୍ଯ୍ୟାୟ ନିର୍ବାଚନ ସରିଯାଇଥିବାବେଳେ ତୃତୀୟ ନିର୍ବାଚନ ହେବାକୁ ଆଉ ଗୋଟିଏ ଦିନ ବାକି ରହିଛି। ଏବେ ଦେଶର ରାଜନୈତିକ ସ୍ଥିତି ତଥା ନିର୍ବାଚନୀ ହାଓ୍ବାକୁ ଦେଖି କଂଗ୍ରେସର ବରିଷ୍ଠ ନେତା ତଥା ମଧ୍ୟପ୍ରଦେଶର ମୁଖ୍ୟମନ୍ତ୍ରୀ କମଲନାଥ କେନ୍ଦ୍ରରେ ଆଗାମୀ ସରକାରକୁ ନେଇ ନିଜର ମତ ରଖିଛନ୍ତି। କେନ୍ଦ୍ରରେ ଆପତତଃ ଝୁଲା ସରକାରର ପୂର୍ବାନୁମାନ କରିଥିବାବେଳେ କଂଗ୍ରେସ ସଂଖ୍ୟା ଗରିଷ୍ଠତା ପାଇବନି ବୋଲି କହିଛନ୍ତି କମଲନାଥ। କଂଗ୍ରେସ ବହୁତ ଭଲ କରିବ, କିନ୍ତୁ ଏକକ ସଂଖ୍ୟା ଗରିଷ୍ଠତା ହାସଲ କରିପାରିବ ନାହିଁ। ତେଣୁ ସରକାର ଗଠନ ପାଇଁ ନିର୍ବାଚନ ପରବର୍ତ୍ତୀ ସମୟରେ ମେଣ୍ଟ ହେବ ବୋଲି କହିଛନ୍ତି କମଲନାଥ। ସେ ଆହୁରି ମଧ୍ୟ କହିଛନ୍ତି ବିଜେପି ସରକାର କରିବା ପାଇଁ ଯଥେଷ୍ଟ ଆସନ ପାଇବ ନାହିଁ। ଅନ୍ୟପକ୍ଷରେ ଅନ୍ୟ ପ୍ରମୁଖ ରାଜନୀତିକ ଦଳ ଗୁଡ଼ିକ ମଧ୍ୟ ଏହି ଦଳ ସହିତ ମେଣ୍ଟ କରିବାକୁ ରାଜି ହେବେ ନାହିଁ। ସେ କହିଛନ୍ତି, ଯଦି ମେଣ୍ଟ ହୁଏ, ମେଣ୍ଟ ହିଁ ସବୁ ନିଷ୍ପତ୍ତି ନେବ। ଦେଶରେ ରାଜନୈତିକ ବାତାବରଣକୁ ଲକ୍ଷ୍ୟ କରି କମଲ୍ ନାଥ କହିଛନ୍ତି ଯେ, ଦେଶରେ ଦୁଇଟି ପକ୍ଷ ରହିଛନ୍ତି। ଗୋଟିଏ ହେଉଛି ବିଜେପି ବିରୋଧୀ ଏବଂ ଅନ୍ୟଟି ବିଜେପି ସମର୍ଥକ। ବିଜେପି ସମର୍ଥକଙ୍କ ସଂଖ୍ୟା କମ୍ ରହିଥିବାବେଳେ ପୂରା ରାଜନୀତି ମାହେଲା ଏବେ ବିଜେପି ବିରୋଧରେ। ତେବେ ରାହୁଲ୍ଙ୍କ ପ୍ରଧାନମନ୍ତ୍ରୀ ହେବାକୁ ନେଇ କମଲ୍ନାଥ କହିଛନ୍ତି ଯେ, କଂଗ୍ରେସ ସରକାର ଗଠନ କଲେ, ରାହୁଲ୍ ହିଁ ପ୍ରଧାନମନ୍ତ୍ରୀ ହେବେ। ସେହିପରି କଂଗ୍ରେସର ନ୍ୟାୟ ଯୋଜନା ବିଷୟରେ କହିଛନ୍ତି ଯେ, ଏହା ଏକ ବିପ୍ଳବୀ ଯୋଜନା। ଏହା ଜରିଆରେ ୫ କୋଟି ଗରିବୀ ହଟାଯାଇପାରିବ।
୨୦୧୯ ସାଧାରଣ ନିର୍ବାଚନ ପାଇଁ ସମସ୍ତ ରାଜନୈତିକ ଦଳ ଅଣ୍ଟା ଭିଡ଼ିସାରିଛନ୍ତି। ଇତିମଧ୍ୟରେ ଦେଶରେ ଦୁଇଟି ପର୍ଯ୍ୟାୟ ନିର୍ବାଚନ ଅନୁଷ୍ଠିତ ହୋଇସାରିଲାଣି ଏହା ମଧ୍ୟରେ ଆପ ଓ କଂଗ୍ରେସ ମେଣ୍ଟ କରିବା ନେଇ ଯେଉଁ କଳ୍ପନା ଲାଗି ରହିଥିଲା, ତାହା ଉପରୁ ପରଦା ଉଠିଯାଇଛି। ମେଣ୍ଟ ପାଇଁ କଂଗ୍ରେସ ରାଜି ନଥିବା ସୂଚନା ମିଳିଛି। ହରିୟାଣାରେ ମଧ୍ୟ କଂଗ୍ରେସ ମେଣ୍ଟ ପାଇଁ ମନା କରିଦେଇଛି। ପୂର୍ବରୁ ପଂଜାବ ଓ ଗୋଆରେ ବି ମେଣ୍ଟକୁ ପ୍ରତ୍ୟାଖ୍ୟାନ କରିଥିଲା କଂଗ୍ରେସ। ଆପର ସିସୋଦିୟା ଗଣମାଧ୍ୟମରେ ଜଣାଇଛନ୍ତି ଯେ, ଦେଶରୁ ଭଷ୍ଟ୍ରାଚାର ଦୂରେଇବାକୁ ଆପ ନିଜ ପରିଚୟ ସୃଷ୍ଟି କରିଥିଲା। ସଂଘୀୟ ଗଣତନ୍ତ୍ର ପାଇଁ ଅମିତ୍ ଶାହା – ନରେନ୍ଦ୍ର ମୋଦିଙ୍କ ଯୋଡ଼ି କବଳରୁ ବଂଚାଇବା ଆପ୍ର ଲକ୍ଷ୍ୟ। ସାମ୍ପ୍ରଦାୟିକ ଶକ୍ତି ଦେଶକୁ ଉଜାଡ଼ି ନଦେଉ ତେଣୁ ବର୍ତ୍ତମାନ ଆପ କଂଗ୍ରେସର ସାଥ ଚାହୁଁଛି। ଯଦି ପୁନର୍ବାର ଶାହା-ମୋଦି ସତ୍ତାକୁ ଆସିବେ, ଏଥିପାଇଁ କେବଳ କଂଗ୍ରେସ ଦାୟୀ ରହିବ ବୋଲି ଆପ୍ର ଉପ ମୁଖ୍ୟମନ୍ତ୍ରୀ ମନୀଷ ସିସୋଦିଆ କହିଛନ୍ତି। ଦିଲ୍ଲୀରେ କଂଗ୍ରେସର ଗୋଟିଏ ମଧ୍ୟ ଏମଏଲଏ ନାହିଁ। ଗତ ନିର୍ବାଚନରେ ମଧ୍ୟ ସେ ବହୁତ କମ ଭୋଟ ପାଇଥିଲା ତଥାପି କଂଗ୍ରେସ ଦିଲ୍ଲୀରେ ୩ ସିଟ୍ ମାଗିଥିଲା। ସେ ଏହି ଅବସରରେ ଜିଦ୍ର ଉପନିର୍ବାଚନ କଥା ମଧ୍ୟ ଉଠାଇଛନ୍ତି। ଦିଲ୍ଲୀରେ ଆପ୍ ଓ କଂଗ୍ରେସ ମଧ୍ୟରେ ମେଣ୍ଟ ହେବା ନେଇ କିଛି ମାସ ହେଲା ସୂଚନା ରହିଥିଲା। ପ୍ରଥମେ ଏହି ମେଣ୍ଟକୁ ନେଇ କଂଗ୍ରେସ ଦ୍ବିମତ ଦେଖାଯାଇଥିଲା। ପରେ ପରେ ପାଖାପାଖି ସହମତି ହେବା ନେଇ ମଧ୍ୟ ସୂଚନାରହିଥିଲା। କିନ୍ତୁ ଆପ୍ ଦିଲ୍ଲୀ ସହ ପଂଜାବ ଓ ହରିୟାଣରେ ମଧ୍ୟ ମେଣ୍ଟ ପାଇଁ ସର୍ତ୍ତ ରଖିବାରୁ କଂଗ୍ରେସ ଏହି ମେଣ୍ଟକୁ ପ୍ରତ୍ୟାଖାନ କରି ଦେଇଛି। ଦିଲ୍ଲୀରେ ୭ ଲୋକସଭା ଆସନ ପାଇଁ ମେ ୧୨ରେ ନିର୍ବାଚନ ଅନୁଷ୍ଠିତ ହେବ। ୨୦୧୪ରେ ବିଜେପି ସମସ୍ତ ୭ଟି ସିଟ୍କୁ ଅଧିକାର କରିନେଇଥିଲା।
କଂଗ୍ରେସ ଛାଡିଲେ ପ୍ରିୟଙ୍କା ଚତୁର୍ବେଦୀ
କଂଗ୍ରେସ ମୁଖପାତ୍ର ପ୍ରିୟଙ୍କା ଚତୁର୍ବେଦୀ ଦଳରୁ ଇସ୍ତଫା ଦେଇଛନ୍ତି। ସୂଚନାଯୋଗ୍ୟ ଯେ, ଗତକାଲି ସେକିଛି କର୍ମୀଙ୍କ ଦଳରେ ସାମିଲ ହେବା ନେଇ ନିଜର କ୍ଷୋଭ ପ୍ରକାଶ କରିଥିଲେ। ଯେଉଁ କର୍ମୀମାନେ ମୋ ସହ ର୍ଦୁବ୍ୟବହାର କରିଥିଲେ ସେମାନଙ୍କୁ ଦଳରେ ପୁଣି ସାମିଲ କରାଯିବା ନିଷ୍ପତ୍ତିରେ ଦୁଃଖ ପ୍ରକାଶ କରି ଗତକାଲି ଟ୍ବିଟ୍ କରିଥିଲେ ପ୍ରିୟଙ୍କା। ଗତକାଲି ପ୍ରିୟଙ୍କା ଦଳ ଛାଡିବା ନେଇ ଚର୍ଚ୍ଚା ହେଉଥିବା ବେଳେ ନିଜ ଟ୍ବିଟ୍ଟରୀ ବାୟୋରୁ ଏଆଇସିସି ହଟାଇବା ପରେ ଏହାକୁ ନେଇ ଆଶଙ୍କା ବଢିଥିଲା। ସୂଚନାଯୋଗ୍ୟ ଯେ, ଉତ୍ତର ପ୍ରଦେଶରେ କିଛି ଗୁଣ୍ଡାଙ୍କୁ ଟିକଟ ଦିଆଯିବା ପ୍ରତିବାଦରେ ଦଲ ଛାଡିଛନ୍ତି ପ୍ରିୟଙ୍କା। ଏହା ସହିତ ଟ୍ବିଟ୍ଟରରେ ଦଳୀୟ ନେତୃତ୍ବକୁ କଡା ସମାଲୋଚନା କରିଛନ୍ତି ପ୍ରିୟଙ୍କା।
ପଶ୍ଚିମବଙ୍ଗର ମୁର୍ଶିଦାବାଦରେ କଂଗ୍ରେସ ନେତାଙ୍କୁ ଆକ୍ରମଣ କରିଛନ୍ତି ତୃଣମୂଳ ନେତ୍ରୀ ମମତା ବାନାର୍ଜୀ। ନିଜର ନିର୍ବାଚନୀ ସତ୍ୟପାଠରେ ତଥ୍ୟ ଲୁଚାଇ ଥିବାରୁ କଂଗ୍ରେସ ନେତାଙ୍କୁ ସମାଲୋଚନା କରିଛନ୍ତି ମମତା। ବରହମ୍ପୁରରୁ କଂଗ୍ରେସର ଲୋକସଭା ପ୍ରାର୍ଥୀ ଅଧିର ଚୌଧୁରୀ ନିଜ ପତ୍ନୀଙ୍କ ସମ୍ପର୍କରେ ସତ୍ୟପାଠରେ ଲୁଚାଇଥିବାରୁ ଏହାକୁ ସମାଲୋଚନା କରିଛନ୍ତି ମମତା। ନିଜର ପ୍ରଥମ ପତ୍ନୀଙ୍କ ସମ୍ପର୍କରେ ତଥ୍ୟ ଲୁଚାଇଥିବାରୁ ମମତା ଅଧିରଙ୍କୁ ସମାଲୋଚନା କରିଛନ୍ତି। ମମତା ଆହୁରି ମଧ୍ୟ କହିଛନ୍ତି ଏହା ଅଧିରଙ୍କ ବ୍ୟକ୍ତିଗତ ମାମଲା ମାତ୍ର ତଥ୍ୟ ନଦେବା ତଥ୍ୟ ଲୁଚାଇବା ସଙ୍ଗେ ସମାନ। ଏହା ଉପରେ ପ୍ରତିକ୍ରିୟା ପ୍ରକାଶ କରି ଅଧିର କହିଛନ୍ତି, ରାଜନୈତିକ ଭାବରେ ମମତାଙ୍କର ମୋ ବିରୋଧରେ କିଛି କହିବାର ନାହିଁ ତେଣୁ ସେ ବ୍ୟକ୍ତିଗତ ସ୍ତରରେ ଆକ୍ରମଣ କରୁଛନ୍ତି। ଉଲ୍ଲେଖଯୋଗ୍ୟ ଯ, ଅଧିର ୪ ଥର ଧରି ବରହମ୍ପୁର ସଂସଦୀୟ କ୍ଷେତ୍ରରୁ ସାଂସଦ ଭାବରେ ନିର୍ବାଚିତ ହୋଇଛନ୍ତି।
କଂଗ୍ରେସରେ ଯୋଗ ଦେଲେ ଜାଡେଜାଙ୍କ ଭଉଣୀ
ଭାରତୀୟ ଅଲରାଉଣ୍ଡର ରବୀନ୍ଦ୍ର ଜାଡେଜାଙ୍କ ଭଉଣୀ ନୈନା ଭାରତୀୟ ଜାତୀୟ କଂଗ୍ରେସରେ ଯୋଗ ଦେଇଛନ୍ତି। ଏକ ମାସ ପୂର୍ବରୁ ଜାଡେଜାଙ୍କ ପତ୍ନୀ ରିଭାବା ସୋଲାଙ୍କି ବିଜେପିରେ ଯୋଗ ଦେଇଥିଲେ। ଜାଡେଜାଙ୍କ ବଡ ଭଉଣୀ ନୈନା ପୂର୍ବରୁ ନ୍ୟାସନାଲ୍ ଓମେନ୍ସ ପାର୍ଟିରେ ରହିଥିବା ବେଳେ ଆଜି ଜାମନଗରର ମୁଲୁ କଣ୍ଡୋରିଆ ଏବଂ ପଟିଦାର ନେତା ହାର୍ଦ୍ଦିକ୍ ପଟେଲଙ୍କ ଉପସ୍ଥିତିରେ କଂଗ୍ରେସରେ ଯୋଗ ଦେଇଥିଲେ। ଏହି ଯୋଗଦାନ ସମୟରେ ଜାଡେଜାଙ୍କ ପିତା ଅନିରୁଦ୍ଧ ସିଂ ଜାଡେଜା ମଧ୍ୟ ଉପସ୍ଥିତ ଥିଲେ। କିଛିଦିନ ପୂର୍ବରୁ ବିଜେପିର ଯୋଗ ଦେଇଥିବା ଜାଡେଜାଙ୍କ ପତ୍ନୀ ରିଭା ମଧ୍ୟ ପୂର୍ବରୁ କର୍ଣ୍ଣୀ ସେନାର ମହିଳା ଶାଖାର ମୁଖ୍ୟ ରହିଥିଲେ। ଅନିରୁଦ୍ଧ ସିଂ ଜାଡେଜା କୌଣସି ରାଜନୈତିକ ଦଳରେ ଯୋଗ ଦେଇ ନାହାନ୍ତି।
ନରେନ୍ଦ୍ର ମୋଦି ସରକାରକୁ ସମାଲୋଚନା କରିଛନ୍ତି କଂଗ୍ରେସ ମୁଖପାତ୍ର ଅଭିଷେକ ମନୁ ସିଂଘଭୀ। ନରେନ୍ଦ୍ର ମୋଦି ସରକାରକୁ ଶିଳ୍ପପତିଙ୍କ ସରକାର ବୋଲି କହିବା ସହିତ ଚଳିତ ସରକାରରେ ଶିଳ୍ପପତିଙ୍କୁ ସର୍ବାଧିକ ପରିମାଣର ଋଣ ଛାଡ କରାଯାଇଛି। ଚଳିତ ସରକାର ସମୟରେ ୫.୫ ଲକ୍ଷ କୋଟିର ଋଣ ଛାଡ କରାଯାଇଛି ବୋଲି ଅଭିଷେକ ମନୁ ସିଂଘଭୀ ଅଭିଯୋଗ ଆଣିଛନ୍ତି। କଂଗ୍ରେସ ମୁଖପାତ୍ର ସୂଚନା ଦେଇ କହିଛନ୍ତି ଯେ, ଚଳିତ ୫ ବର୍ଷରେ ସମୁଦାୟ ୭ ଲକ୍ଷ କୋଟିର ଋଣ ଛାଡ ହୋଇଥିବା ବେଳେ କେବଳ ଶିଳ୍ପପତିଙ୍କୁ ୫.୫ ଲକ୍ଷ କୋଟିର ଋଣ ଛାଡ କରାଯାଇଛି। ବିଜେପି ପକ୍ଷରୁ କେଉଁ କେଉଁ ଶିଳ୍ପପତିଙ୍କୁ ଋଣ ଛାଡ କରିଛି ତାହାର ସୂଚନା ଜାରି କରିବା ଆବଶ୍ୟକ ବୋଲି ସିଂଘଭୀ କହିଛନ୍ତି। ସାଧାରଣ କରଦାତାଙ୍କ ଅର୍ଥକୁ ଏପରି ଭାବରେ ଅପବ୍ୟବହାର କରାଯିବା ଭୁଲ ବୋଲି ସିଂଘଭୀ କହିଛନ୍ତି।
ରାଜ୍ୟରେ ପ୍ରଥମ ପର୍ଯ୍ୟାୟ ମତଦାନ ଆରମ୍ଭ ହୋଇସାରିଲାଣି। ଏଭଳି ସମୟରେ ରାଜ୍ୟରେ କଂଗ୍ରେସର ଅବସ୍ଥା ବେଶ୍ ସଂକଟାପନ୍ନ ମନେ ହେଉଛି। ଟିକେଟ ବଣ୍ଟନକୁ ନେଇ କଂଗ୍ରେସ ଭିତରେ ଚାଲିଥିବା ଅନ୍ତଃକନ୍ଦଳ ଏବେ ସର୍ବସାଧାରଣରେ। କଂଗ୍ରେସ ମୁଖପାତ୍ର ତଥା ଟାଣୁଆ ନେତ୍ରୀ ସୋନାଲି ସାହୁ ଆଜି ଦଳରୁ ଇସ୍ତଫା ଦେଇଛନ୍ତି। ଟିକେଟ ବଣ୍ଟନରେ ଅସନ୍ତୁଷ୍ଟ ଥିବା ହେତୁ ସେ ଦଳରୁ ଇସ୍ତଫା ଦେଇଥିବା ଶୁଣାଯାଉଛି। ଟିକେଟ ବଣ୍ଟନକୁ ନେଇ ରାଜ୍ୟ କଂଗ୍ରେସର ପରିସ୍ଥିତି ବେଶ୍ ଅଡୁଆ ହୋଇଛି। କିଛିଦିନ ପୂର୍ବେ ଦଳର ରାଜ୍ୟ ମହିଳା ସଭାନେତ୍ରୀ ସୁମିତ୍ରା ଜେନା ପିସିସି ସଭାପତି ନିରଞ୍ଜନ ପଟ୍ଟନାୟକଙ୍କ ଉପରେ ବିଷୋଦ୍ଗାର କରି ଦଳ ଛାଡ଼ି ବିଜେଡ଼ିରେ ଯୋଗଦେଇଥିବାସ୍ଥଳେ ବର୍ତ୍ତମାନ ଆଉ ଜଣେ ନେତ୍ରୀ ସୋନାଲି ସାହୁ ଦଳ ଛାଡିଛନ୍ତି। ସୋନାଲି ଖୋର୍ଦ୍ଧା ବିଧାନସଭା ପାଇଁ ଟିକେଟ ଆଶାୟୀ ଥିବା ବେଳେ ତାଙ୍କୁ ଟିକେଟ ପ୍ରଦାନ କରାଯାଇନଥିଲା। ତେଣୁ ସେ କଂଗ୍ରେସରୁ ଇସ୍ତଫା ଦେଇଛନ୍ତି ବୋଲି ସୂଚନା ମିଳିଛି। ସୂଚନାଯୋଗ୍ୟ କି, ଟିକେଟ ବଣ୍ଟନକୁ ନେଇ କଂଗ୍ରେସର ଅନେକ ଟାଣୁଆ ନେତା ଦଳରୁ ଇସ୍ତଫା ଦେଇଥିଲେ। କିଛି ନେତା ଟିକେଟ ପାଇ ମଧ୍ୟ ଫେରାଇ ଦେଇଥିଲେ। ଗତକାଲି ପିସିସି ମୁଖିଆ ନିରଂଜନ ପଟ୍ଟନାୟକ ତାଙ୍କ ପସନ୍ଦର ଜଣେ ବି ପ୍ରାର୍ଥୀଙ୍କୁ ଟିକେଟ ଦିଆଯାଇନାହିଁ ବୋଲି ମଧ୍ୟ କହିଥିଲେ।
ହାତ ଛାଡିଲେ ସୁମିତ୍ରା ଜେନା
ପ୍ରଥମ ପର୍ଯ୍ୟାୟ ନିର୍ବାଚନକୁ ଆଉ ମାତ୍ର ଗୋଟିଏ ଦିନ ବାକି ରହିଥିବାବେଳେ ରାଜ୍ୟକଂଗ୍ରେସରେ କନ୍ଦଳ ତୀବ୍ର ରୂପ ନେଇଛି। ଆଜି କଂଗ୍ରେସରୁ ଇସ୍ତଫା ଦେଇଛନ୍ତି ସୁମିତ୍ରା ଜେନା। ଟିକେଟ ବଣ୍ଟନକୁ ନେଇ ସୁମିତ୍ରା ଅସନ୍ତୁଷ୍ଟ ଥିଲେ। ସୁମିତ୍ରା ଜେନା ଭଦ୍ରକ ଆସନରୁ ଟିକେଟ ପାଇଁ ଆଶାୟୀ ଥିଲେ। ହେଲେ ତାଙ୍କୁ ଟିକେଟ ମିଳି ନଥିଲା। ଇସ୍ତଫା ଦେବା ପରେ ସୁମିତ୍ରା ଜେନା ପିସିସି ସଭାପତି ନିରଞ୍ଜନ ପଟ୍ଟନାୟକଙ୍କ ଉପରେ ବିଷୋଦ୍ଗାର କରିଛନ୍ତି। ଯେଉଁମାନେ କଂଗ୍ରେସରେ ପତାକା ଧରିନାହାନ୍ତି, ସେମାନଙ୍କୁ ପିସିସି ସଭାପତି ଟିକେଟ ଦେଇଛନ୍ତି।” ସେ ଆହୁରି ଅଭିଯୋଗ କରିଛନ୍ତି ଯେ,ଯେଉଁମାନଙ୍କର ପ୍ରଚୁର ପଇସା ଅଛି, ଯେଉଁ ମହିଳାମାନେ ସୁନା ମଣ୍ଡି ହୋଇ ଆସୁଛନ୍ତି, ଯେଉଁମାନଙ୍କ ଚେହେରାରେ ସୌନ୍ଦର୍ଯ୍ୟ ଅଛି ଓ ଯାହାର ୧୦ରୁ ୧୨ଟି ମଦ ଦୋକାନ ଅଛି ସେମାନଙ୍କୁ ଟିକେଟ ଦିଆଯାଇଛି।” ପିସିସି ସଭାପତିଙ୍କ ମନମୁଖୀ ଶାସନ ପାଇଁ କଂଗ୍ରେସ ଛାଡ଼ିଛନ୍ତି ବୋଲି କହିଛନ୍ତି।
( ମୋବାଇଲରେ ଫଟାଫଟ ଖବର ଜାଣିବା ପାଇଁ ପ୍ଲେ ଷ୍ଟୋରରୁ ଡାଉନଲୋଡ କରନ୍ତୁ sankhipta, ଏହାପରେ ମୋବାଇଲ ସ୍କ୍ରିନର ତଳୁ ଉପରକୁ ଆଙ୍ଗୁଠିରେ ଘଷି ଖବର ପରେ ଖବର ପଢି ଚାଲନ୍ତୁ। )
ପ୍ରଥମ ପର୍ଯ୍ୟାୟ ମତଦାନଙ୍କୁ ଆଉ ଗୋଟିଏ ଦିନ ବାକି ଥିବାବେଳେ ରାଜ୍ୟ କଂଗ୍ରେସର ଟିକେଟ ବିବାଦ ତୁଟୁନି। ନାମାଙ୍କନର ଶେଷଦିନରେ ବି ପୁଣି ଥରେ କଂଗ୍ରେସ ପ୍ରାର୍ଥୀ ବଦଳାଇଛି। ବଡ଼ଚଣା ଓ ନିମାପଡ଼ାରେ ନୂଆ ପ୍ରାର୍ଥୀଙ୍କୁ ପୁଣି ଟିକେଟ୍ ଦେଇଛି। ବଡ଼ଚଣାରୁ ଅଜୟ ଦାସ ଓ ନିମାପଡ଼ାରୁ ଦିଲ୍ଲୀପ ନାୟକଙ୍କୁ ଟିକେଟ ଦିଆଯାଇଛି। ପୂର୍ବରୁ ବଡ଼ଚଣାରୁ ସୀତାକାନ୍ତ ମହାପାତ୍ରଙ୍କୁ ଟିକେଟ ଦିଆଯାଇଥିଲା। କିନ୍ତୁ ନିର୍ବାଚନ ଲଢିବାକୁ ମନା କରିବାରୁ ସୀତକାନ୍ତଙ୍କ ବଦଳରେ ଅଜୟ ଦାସଙ୍କୁ ଦଳ ବଡ଼ଚଣାରୁ ପ୍ରାର୍ଥୀ କରିଛି। ସେହିପରି ନିମାପଡ଼ାରୁ ପୁରୀଜିଲ୍ଲା ସଭାପତି ସତ୍ୟବ୍ରତ ପାତ୍ରଙ୍କୁ ଟିକେଟ ଦିଆଯାଇଥିଲା। ଶେଷ ମୁହୂର୍ତ୍ତରେ ଟିକେଟ ଦିଆଯିବାକୁ ନେଇ ଅସନ୍ତୁଷ୍ଟ ଥିବା ସତ୍ୟବ୍ରତ ଟିକେଟ ଫେରାଇଦେଇଥିବାବେଳେ ତାଙ୍କ ସ୍ଥାନରେ ଦିଲ୍ଲୀପ ନାୟକଙ୍କୁ ଦଳ ଠିଆ କରାଇଛି। ପୂର୍ବରୁ, ବିଭୂପ୍ରସାଦ ତରାଇଙ୍କୁ ଦଳ ତର୍ତ୍ତୋଲ ସିଟ୍ ପାଇଁ ପ୍ରାର୍ଥୀ ଘୋଷଣା କରିବା ପରେ ସିଏ ଏହାକୁ ପ୍ରତ୍ୟାଖ୍ୟାନ କରି ବିଜେପିରେ ମିଶି ବିଜେପି ତରଫରୁ ତିର୍ତ୍ତୋଲ୍ ପାଇଁ ପ୍ରାର୍ଥୀ ହୋଇଥିଲେ। ତାଙ୍କ ସ୍ଥାନରେ ଦେବୀ ପ୍ରସାଦ ମଲ୍ଲିକଙ୍କୁ ଦଳ ପ୍ରାର୍ଥୀ କରିଛି। ସେହିପରି ଧର୍ମଶାଳାରେ ସ୍ମୃତିରେଖା ପହିଙ୍କ ସ୍ଥାନରେ କିଷାନ ପଣ୍ଡାଙ୍କୁ ଛିଡ଼ା କରାଇଛି।
ବିଜେପି ୨୦୧୯ ନିର୍ବାଚନକୁ ଦୃଷ୍ଟିରେ ରଖି ସୋମବାର ଏହାର ଇସ୍ତାହାର ପ୍ରକାଶ କରିଛି। ଏହାକୁ କଡ଼ା ସମାଲୋଚନା କରିଛନ୍ତି କଂଗ୍ରେସର ବରିଷ୍ଠ ନେତା ଅହମଦ ପଟେଲ। ବିଜେପି ଇସ୍ତାହାର ନୁହେଁ ବରଂ କ୍ଷମା ପ୍ରାର୍ଥନା କରିବା ଉଚିତ୍ ବୋଲି ଅହମଦ୍ ପଟେଲ କହିଛନ୍ତି। ୨୦୧୪ରେ ବିଜେପି ଦେଇଥିବା ପ୍ରତିଶ୍ରୁତି କୁଆଡେ ଗଲା ବୋଲି ଦଳର ବରିଷ୍ଠ ନେତା ଅହମ୍ମଦ ପଟେଲ ପ୍ରଶ୍ନ କରିଛନ୍ତି। ସେ ଏକ ସାମ୍ବାଦିକ ସମ୍ମିଳନୀରେ କହିଛନ୍ତି, ବେକାରୀଙ୍କୁ ଚାକିରି, ପ୍ରତି ବ୍ୟକ୍ତିଙ୍କ ଆକାଉଣ୍ଟରେ ୧୫ ଲକ୍ଷ ଟଙ୍କା ଜମା କରାଯିବା, ଏମ୍ଏସପି ବୃଦ୍ଧି ଆଦି ପ୍ରତିଶ୍ରୁତି ପୂରଣ କରିବାରେ ବିଜେପି ବିଫଳ ହୋଇଛି। ତେଣୁ ଏଥର ବି ବିଜେପି ଦେଶବାସୀଙ୍କୁ ମିଥ୍ୟା ପ୍ରତିଶ୍ରୁତି ଦେଇଛି। କଂଗ୍ରେସ ନିଜ ଇସ୍ତାହାରର ପ୍ରଥମ ପୃଷ୍ଠାରେ ଜନସାଧାରଣଙ୍କ ଫଟୋ ରଖିଥିବାବେଳେ ବିଜେପି ଇସ୍ତାହାରରେ କେବଳ ମୋଦିଙ୍କ ଫଟୋ ଛାପିଛି। ଦେଶରେ ବେରୋଜଗାରଙ୍କ ସଂଖ୍ୟା ବୃଦ୍ଧି ପାଇଥିବାବେଳେ ସମସ୍ତଙ୍କୁ ରୋଜଗାର ଦେବା ଲାଗି ବିଜେପି ପୂର୍ବରୁ କରିଥିବା ପ୍ରତିଶ୍ରୁତି କୁଆଡ଼େ ଗଲା ବୋଲି ପଟେଲ କହିଛନ୍ତି। ନିଜର ପ୍ରତିଶ୍ରୁତି ପାଳନରେ ବିଫଳ ହୋଇଥିବା ବିଜେପି ଜନସାଧାରଣଙ୍କ ନିକଟରୁ କ୍ଷମା ପ୍ରାର୍ଥନା କରିବା ଉଚିତ୍ ବାେଲି ପଟେଲ କହିଛନ୍ତି। ସେହିପରି କଂଗ୍ରେସ ପକ୍ଷରୁ ‘ସବୁଦିନ ପାଇଁ ସମସ୍ତଙ୍କୁ ତୁମେ ଭୂଆଁ ବୁଲାଇପାରିବ ନାହିଁ’ ବୋଲି ଏହି ବିବୃତିରେ କୁହାଯାଇଛି।
( ମୋବାଇଲରେ ଫଟାଫଟ ଖବର ଜାଣିବା ପାଇଁ ପ୍ଲେ ଷ୍ଟୋରରୁ ଡାଉନଲୋଡ କରନ୍ତୁ sankhipta, ଏହାପରେ ମୋବାଇଲ ସ୍କ୍ରିନର ତଳୁ ଉପରକୁ ଆଙ୍ଗୁଠିରେ ଘଷି ଖବର ପରେ ଖବର ପଢି ଚାଲନ୍ତୁ। )
ଆଜି ଓଡ଼ିଶା କଂଗ୍ରେସ ଭବନରେ ଦଳ ନିଜର ନିର୍ବାଚନୀ ଇସ୍ତାହାର ପ୍ରକାଶ କରିଛି। ପ୍ରଦେଶ କଂଗ୍ରେସର ସଭାପତି ନିରଞ୍ଜନ ପଟ୍ଟନାୟକ, ଇସ୍ତାହାର କମିଟିର ଅଧ୍ୟକ୍ଷ ଗଣେଶ୍ୱର ବେହେରା ପ୍ରମୁଖ ନେତୃବୃନ୍ଦ ଏହି ଇସ୍ତାହାର ପୁସ୍ତିକା ଉନ୍ମୋଚନ କରିଥିଲେ। ଗରିବ, ଚାଷୀ, ମହିଳା, ଆଦିବାସୀ ଓ ଯୁବକମାନଙ୍କୁ ଏହି ଇସ୍ତାହାରରେ ଗୁରୁତ୍ୱ ଦିଆଯାଇଛି। ପ୍ରତ୍ୟେକ ଗରିବ ପରିବାରକୁ ମାସିକ ୬ ହଜାର ଟଙ୍କାର ଆୟ ଗ୍ୟାରେଣ୍ଟି, ପ୍ରତି ପରିବାରରେ ଜଣେ ଯୁବକଙ୍କୁ ସରକାରୀ କିମ୍ବା ବେସରକାରୀ ନିଯୁକ୍ତି ପାଇଁ ପ୍ରସ୍ତାବ ରହିଛି। ଯଦି ନିଯୁକ୍ତି ନ ମିଳିବ ତେବେ ମାସିକ ୩ ହଜାର ଟଙ୍କା ଭତ୍ତା ମିଳିବ ବୋଲି ଏଥିରେ କୁହାଯାଇଛି। ଚାକିରି କରିବା ପାଇଁ ବୟସ ସୀମା ବୃଦ୍ଧି ଓ ଚୁକ୍ତିଭିତ୍ତିକ ନିଯୁକ୍ତିକୁ ସ୍ଥାୟୀ କରାଯିବ ବୋଲି ଏହି ଇସ୍ତାହାରରେ ଉଲ୍ଲେଖ ରହିଛି। ସେହିପରି ସବୁ ଶିକ୍ଷକଙ୍କୁ କେନ୍ଦ୍ରୀୟ ହାରରେ ଦରମାକୁ ମଧ୍ୟ ପ୍ରାଧାନ୍ୟ ଦିଆଯାଇଛି। ସେହିପରି ଚାଷୀମାନଙ୍କ ପାଇଁ ୨ ଲକ୍ଷ ଟଙ୍କା ଯାଏଁ ଋଣ ଛାଡ଼ କରାଯିବ। ପୂର୍ବରୁ ଋଣ ଶୁଝି ସାରିଥିବା ଚାଷୀଙ୍କୁ ସେହି ଅର୍ଥ ପୁଣି ଫେରସ୍ତ ଦିଆଯିବ। ଅନ୍ୟାନ୍ୟ ଚାଷ ପାଇଁ ୩ ବର୍ଷ ଯାଏଁ ୧୦ ହଜାର ଟଙ୍କା ଲେଖାଏଁ ଆର୍ଥିକ ସହାୟତା ତଥା ମହିଳା ଚାଷୀଙ୍କୁ ମାଗଣାରେ ସମସ୍ତ କୃଷି ଉପକରଣ ଯୋଗାଇ ଦିଆଯିବ ବୋଲି ଏହି ଇସ୍ତାହାରରେ କୁହାଯାଇଛି। ଧାନ ପାଇଁ ସହାୟକ ରାଶି କୁଇଣ୍ଟାଲ୍ ପିଛା ୨୬୦୦ ଟଙ୍କା, ଦ୍ବାଦଶ ଯାଏଁ ଛାତ୍ରୀମାନଙ୍କୁ ମାଗଣା ଶିକ୍ଷା, ମହିଳାମାନଙ୍କୁ ସରକାରୀ କଲେଜରେ ମାଗଣା ବୈଷୟିକ ଶିକ୍ଷାଦାନ ତଥା ବାହାଘର ସମୟରେ ମହିଳାଙ୍କୁ ଆର୍ଥିକ ସହାୟତା ଉପରେ ମଧ୍ୟ ଗୁରୁତ୍ବ ଦିଆଯାଇଛି। ସେହିପରି ବାର୍ଦ୍ଧକ୍ୟ ପେନ୍ସନ୍ ୧୫୦୦ ଟଙ୍କା, ବିଧବା ଓ ଅସହାୟ ପେନ୍ସନ୍ ରାଶି ୨୦୦୦ ଟଙ୍କା ଓ ୭୦ ବର୍ଷରୁ ଅଧିକ ବୟସ୍କ ନାଗରିକଙ୍କୁ ୨୦୦୦ ଟଙ୍କା ବାର୍ଦ୍ଧକ୍ୟ ଭତ୍ତା ମିଳିବା ନେଇ ସୂଚନା ରହିଛି।
( ମୋବାଇଲରେ ଫଟାଫଟ ଖବର ଜାଣିବା ପାଇଁ ପ୍ଲେ ଷ୍ଟୋରରୁ ଡାଉନଲୋଡ କରନ୍ତୁ sankhipta, ଏହାପରେ ମୋବାଇଲ ସ୍କ୍ରିନର ତଳୁ ଉପରକୁ ଆଙ୍ଗୁଠିରେ ଘଷି ଖବର ପରେ ଖବର ପଢି ଚାଲନ୍ତୁ। )
ରାଜ୍ୟ କଂଗ୍ରେସ ଆଜି ୯ବିଧାନସଭା ଆସନ ପାଇଁ ପ୍ରାର୍ଥୀ ଘୋଷଣା କରିଛି। ଧର୍ମଶାଳା ଓ ତିର୍ତ୍ତୋଲ୍ରେ ପ୍ରାର୍ଥୀ ବଦଳ କରିଛି। ତିର୍ତ୍ତୋଲ୍ ଆସନରେ କଂଗ୍ରେସ ବିଭୁ ତରାଇଙ୍କୁ ଟିକେଟ ଦେଇଥିଲା। କିନ୍ତୁ ବିଭୁ ଟିକେଟ ପାଇ ମଧ୍ୟ ଅସନ୍ତୁଷ୍ଟ ବ୍ୟକ୍ତ କରି ଦଳ ଛାଡ଼ି ବିଜେପି ଦଳରେ ଯୋଗଦେଇଛନ୍ତି। କଂଗ୍ରେସ ଦଳ ବିଭୁ ତରାଇଙ୍କ ସ୍ଥାନରେ ଦେବୀମଲ୍ଲିକଙ୍କୁ ଟିକେଟ ଦେଇଛି। ସେହିପରି ଧର୍ମଶାଳାରେ ପୂର୍ବରୁ ସ୍ମୃତିରେଖା ପହିଙ୍କୁ ଟିକେଟ ଦିଆଯାଇଥିଲା ଏହି ସ୍ଥାନରେ ସ୍ମୃତିଙ୍କ ବଦଳରେ କିଶାନ ପଣ୍ଡାଙ୍କୁ କଂଗ୍ରେସ ପ୍ରାର୍ଥୀ କହିଛି। ଚଳିତ ଥର ପିସିସି ସଭାପତି ନିରଞ୍ଜନ ପଟ୍ଟନାୟକ ଦୁଇଟି ସ୍ଥାନରୁ ନିର୍ବାଚନ ଲଢୁଛନ୍ତି। ପୂର୍ବରୁ ଘଷିପୁରା ପାଇଁ ଘୋଷଣା କରାଯାଇଥିବାବେଳେ ଭଣ୍ଡାରୀପୋଖରୀ ପାଇଁ ମଧ୍ୟ ନିରଞ୍ଜନଙ୍କୁ ଟିକେଟ ଦିଆଯାଇଛି।
୧. ଭଣ୍ଡାରୀପୋଖରୀ – ନିରଞ୍ଜନ ପଟ୍ଟନାୟକ
୨. ଭଦ୍ରକ – ଶ୍ରୀ ନଳିନୀକାନ୍ତ ମହାନ୍ତି
୩. ବଡ଼ଚଣା – ସୀତାକାନ୍ତ ମହାପାତ୍ର
୪. ଧର୍ମଶାଳା – କିଶାନ ପଣ୍ଡା
୫. ସାଲେପୁର – ରୀବନ୍ଦ୍ରନାଥ କର
୬. ମହାକାଳପଡ଼ା – ବିଭ୍ରାଂଶୁ ଶେଖର ଲେଙ୍କା
୭. ବାଲିକୁଦା ଏରସମା – ଡ. ଲଲାଟେନ୍ଦୁ ମହାପାତ୍ର
୮. ତିର୍ତ୍ତୋଲ – ଦେବୀପ୍ରସାଦ ମଲ୍ଲିକ
୯. ନିମାପଡ଼ା – ସତ୍ୟବ୍ରତ ପାତ୍ର
( ମୋବାଇଲରେ ଫଟାଫଟ ଖବର ଜାଣିବା ପାଇଁ ପ୍ଲେ ଷ୍ଟୋରରୁ ଡାଉନଲୋଡ କରନ୍ତୁ sankhipta, ଏହାପରେ ମୋବାଇଲ ସ୍କ୍ରିନର ତଳୁ ଉପରକୁ ଆଙ୍ଗୁଠିରେ ଘଷି ଖବର ପରେ ଖବର ପଢି ଚାଲନ୍ତୁ। )
୨୦୧୯ ଲୋକସଭା ନିର୍ବାଚନ ପାଇଁ କଂଗ୍ରେସ ଆଜି ପାଞ୍ଚଜଣ ପ୍ରାର୍ଥୀଙ୍କ ନାମ ଘୋଷଣା କରିଛି। କଂଗ୍ରେସ ଦଳ ପଞ୍ଜାବର ତିନୋଟି ଆସନ ସହିତ ଦିଲ୍ଲୀ ଓ ହିମାଚଳ ପ୍ରଦେଶର ଗୋଟିଏ ଗୋଟିଏ ଆସନ ପାଇଁ ପ୍ରାର୍ଥୀ ଘୋଷଣା କରିଛି। ଆଜି କଂଗ୍ରେସରେ ବିଧିବଦ୍ଧ ଭାବେ ଯୋଗଦେଇଥିବା ଶତ୍ରୁଘ୍ନ ସିହ୍ନାଙ୍କୁ ବିହାର ପାଟନା ସାହିବରୁ ଟିକେଟ ଦେଇଥିବାବେଳେ ହିମାଚଳ ପ୍ରଦେଶର ହମୀରପୁର ଲୋକସଭା ଆସନ ପାଇଁ ରାମ ଲାଲ୍ ଠାକୁରଙ୍କ ଟିକେଟ ଦିଆଯାଇଛି। ସେହିପରି କଂଗ୍ରେସ ପଞ୍ଜାବର ଖଡୁର୍ ସାହିବ ଆସନ ପାଇଁ ଜସବୀର ସିଂହ ଗିଲ୍, ଫତେଗଡ଼ ସାହିବରୁ ଡା. ଅମର ସିଂହ ଓ ଫରିଦାକୋର୍ଟରୁ ମୋହମ୍ମଦ ସାଦିକ୍ଙ୍କୁ ଟିକେଟ ଦିଆଯାଇଛି। ଏଥିସହିତ କଂଗ୍ରେସ ବର୍ତ୍ତମାନ ସୁଦ୍ଧା ମୋଟ ୩୭୭ ପ୍ରାର୍ଥୀ ଘୋଷଣା କରିଛି। ଚଳିତ ଥର ଲୋକସଭା ନିର୍ବାଚନ ୭ଟି ପର୍ଯ୍ୟାୟରେ ଅନୁଷ୍ଠିତ ହେବ। ପ୍ରଥମ ପର୍ଯ୍ୟାୟରେ ୯୧ଟି ଆସନ ପାଇଁ ଏପ୍ରିଲ୍ ୧୧ରେ ମତଦାନ ଅନୁଷ୍ଠିତ ହେବ।
( ମୋବାଇଲ୍ ରେ ଫଟାଫଟ ଖବର ଜାଣିବା ପାଇଁ ପ୍ଲେ ଷ୍ଟୋରରୁ ଡାଉନଲୋଡ କରନ୍ତୁ sankhipta, ଡାଇନଲୋଡ ପରେ ଇଂରାଜୀ କିମ୍ବା ଓଡିଆ ଭାଷା ବାଛି ସବମିଟ୍ କରନ୍ତୁ, ଏହାପରେ ମୋବାଇଲ ସ୍କ୍ରିନର ତଳୁ ଉପରକୁ ଆଙ୍ଗୁଠିରେ ଘଷି ଖବର ପରେ ଖବର ପଢି ଚାଲନ୍ତୁ। )
ଶତ୍ରୁଘ୍ନ ସିହ୍ନା ଆଜି କଂଗ୍ରେସରେ ବିଧିବଦ୍ଧ ଭାବେ ଯୋଗଦେଇଛନ୍ତି। କଂଗ୍ରେସ ପ୍ରବକ୍ତା ରଣଦୀପ ସୁର୍ଜେଓ୍ବାଲାଙ୍କ ଉପସ୍ଥିତିରେ କଂଗ୍ରେସ କାର୍ଯ୍ୟାଳୟଠାରେ କଂଗ୍ରେସର ସଦ୍ୟସତା ଲାଭ କରିଛନ୍ତି ଶତ୍ରୁଘ୍ନ। ଏହି ଅବସରରେ ସେ ବିଜେପି ଉପରେ ଆକ୍ରମଣ କରିଛନ୍ତି। ବିଜେପିରେ ବରିଷ୍ଠ ନେତାମାନଙ୍କୁ ବାହାର କରିଦିଆଯାଇଛି। ଏବେ ବିଜେପି ଓ୍ବାନ ମ୍ୟାନ୍ ଶୋ’, ଟୁ ମ୍ୟାନ୍ ଆର୍ମି ରୂପେ ପରିଣତ ହୋଇଛି। ଏଠାରେ ଆଡଭାନୀ, ମୂରଲୀ ମନୋହର ଯୋଶୀ, ଅରୁଣ ଶୌରୀଙ୍କ ପରି ବରିଷ୍ଠ ନେତାଙ୍କୁ ଅଣଦେଖା କରାଯାଇଛି। ସେମାନଙ୍କୁ ମାର୍ଗଦର୍ଶକ ମଣ୍ଡଳରେ ଅନ୍ତର୍ଭୁୂକ୍ତ କରାଯାଇଛି, ଯାହାର ଗୋଟିଏ ବି ବୈଠକ ଅନୁଷ୍ଠିତ ହୋଇନାହିଁ। ଯଦି ସତ କହିବାକୁ ବିଦ୍ରୋହ କୁହାଯିବ, ତା’ହେଲେ ସେ ନିଜକୁ ବିଦ୍ରୋହୀ ବୋଲି କହିବାକୁ କେବେ ପଛୁଘୁଞ୍ଚା ଦେବି ନାହିଁ ବୋଲି କହିଛନ୍ତି ଶତ୍ରୁଘ୍ନ। ସେହିପରି ବିଜେପିର ‘ବିମୁଦ୍ରାକରଣ’କୁ ହେଉଛି ଦେଶର ସବୁଠୁ ବଡ଼ ଦୁର୍ନୀତି ବୋଲି କହିଛନ୍ତି ଶତ୍ରୁଘ୍ନ। ବିଜେପିରେ ଲୋକଙ୍କର କୌଣସି ମାନ ସମ୍ମାନ ନାହିଁ, ସେଠାରେ ବିରୋଧୀଙ୍କୁ ଶତ୍ରୁ ବୋଲି ମନେ କରାଯାଏ। ତେବେ ଶତ୍ରୁଘ୍ନ ତାଙ୍କ ପାରମ୍ପରିକ ଆସନ ପାଟନା ସାହିବରୁ କଂଗ୍ରେସ ତରଫରୁ ନିର୍ବାଚନ ଲଢି ପାରନ୍ତି ବୋଲି ସୂଚନା ରହିଛି। ଚଳିତଥର ବିଜେପି ତାଙ୍କୁ ଏହି ଆସନରୁ ଟିକେଟ ଦେଇନଥିଲା।
( ମୋବାଇଲ୍ ରେ ଫଟାଫଟ ଖବର ଜାଣିବା ପାଇଁ ପ୍ଲେ ଷ୍ଟୋରରୁ ଡାଉନଲୋଡ କରନ୍ତୁ sankhipta, ଡାଇନଲୋଡ ପରେ ଇଂରାଜୀ କିମ୍ବା ଓଡିଆ ଭାଷା ବାଛି ସବମିଟ୍ କରନ୍ତୁ, ଏହାପରେ ମୋବାଇଲ ସ୍କ୍ରିନର ତଳୁ ଉପରକୁ ଆଙ୍ଗୁଠିରେ ଘଷି ଖବର ପରେ ଖବର ପଢି ଚାଲନ୍ତୁ। )
ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ସେନାକୁ ’ମୋଦିଙ୍କ ସେନା’ କହି ବିବାଦରେ ଫସିଥିବାବେଳେ ପୁଣିଥରେ ବିବାଦୀୟ ବୟାନ ଦେଇଛନ୍ତି। ନିର୍ବାଚନ ସମୟରେ ବେଶ୍ ଆକ୍ରମଣାତ୍ମକ ମନ୍ତବ୍ୟ ପ୍ରଦାନ କରିଛନ୍ତି ଯୋଗୀ। ବିରୋଧୀ ଦଳଙ୍କୁ ବେଶ୍ କଟାକ୍ଷ କରୁଛନ୍ତି ଯୋଗୀ। ମୁସଲିମ୍ ଲିଗ୍ଙ୍କୁ ଏକ ଭାଇରସ୍ କହିବା ସହିତ କଂଗ୍ରେସ ପାର୍ଟି ଏହା ଦ୍ବାରା ସଂକ୍ରମିତ ହୋଇସାରିଛି ବୋଲି କହିଛନ୍ତି। ଉତ୍ତରାଖଣ୍ଡର କାଶୀପୁରଠାରେ ଏକ ରାଲିରେ ଯୋଗ ଦେଇ ଯୋଗୀ କହିଛନ୍ତି ଯେ, ଦେଶ ୧୯୪୭ ମସିହାରେ ସ୍ବାଧୀନତା ପ୍ରାପ୍ତ କଲା, କିନ୍ତୁ ସ୍ବାଧୀନତା ସହ ଦେଶ ବିଭାଜନର ଦୁର୍ଭାଗ୍ୟ ମଧ୍ୟ ଆସିଲା। ମୁସଲିମ୍ ଲିଗ୍ ହିଁ ଏହି ବିଭାଜନ କରାଇଛନ୍ତି। କେରଳର ଓ୍ବାୟନାଡରୁ ନିର୍ବାଚନ ରାହୁଲ୍ଙ୍କ ନିର୍ବାଚନ ଲଢିବା ନେଇ ଯୋଗୀ କଟାକ୍ଷ କରି କହିଛନ୍ତି ଯେ, କେରଳରେ ରାହୁଲ୍ଙ୍କ ସହ ମୁସଲିମ୍ ଲିଗ୍ଙ୍କ ଗୁପ୍ତ ବୁଝାମଣା ରହିଛି, ଯିଏ ଦେଶ ବିଭାଜନର ମୂଳ। ସେହିପରି କଂଗ୍ରେସର ଇସ୍ତାହାର ପତ୍ରରେ ଥିବା ଆଫ୍ସାକୁ ନେଇ ଯୋଗୀ କହିଛନ୍ତି ଯେ, କଂଗ୍ରେସ ଏହା ଆଫସାକୁ ବଦଳାଇ ସୁରକ୍ଷା ବଳଙ୍କୁ ଦୁର୍ବଳ କରିବାକୁ ଚାହୁଁଛି। କଂଗ୍ରେସ ନିଜ ଆତ୍ମା ଓ ବିବେକକୁ ଦେଶଦ୍ରୋହୀ ଓ ଆଲଗାବାଦିଆଙ୍କ ପାଖରେ ବନ୍ଧକ ହୋଇଛି। ସେହିପରି କଂଗ୍ରେସ ତା’ ନିର୍ବାଚନୀ ଇସ୍ତାହାରରେ ଦେଶଦ୍ରୋହର ଧାରା ୧୨୪କୁ ସମ୍ପୂର୍ଣ୍ଣ ଶେଷ କରିବାକୁ ପ୍ରତିଜ୍ଞା କରିଛି। ଏହାକୁ ନେଇ କଂଗ୍ରେସକୁ କଡ଼ା ସମାଲୋଚନା କରିଛନ୍ତି ଯୋଗୀ।
( ମୋବାଇଲ୍ ରେ ଫଟାଫଟ ଖବର ଜାଣିବା ପାଇଁ ପ୍ଲେ ଷ୍ଟୋରରୁ ଡାଉନଲୋଡ କରନ୍ତୁ sankhipta, ଡାଇନଲୋଡ ପରେ ଇଂରାଜୀ କିମ୍ବା ଓଡିଆ ଭାଷା ବାଛି ସବମିଟ୍ କରନ୍ତୁ, ଏହାପରେ ମୋବାଇଲ ସ୍କ୍ରିନର ତଳୁ ଉପରକୁ ଆଙ୍ଗୁଠିରେ ଘଷି ଖବର ପରେ ଖବର ପଢି ଚାଲନ୍ତୁ। )
ପିପିଲି, ଖୋର୍ଦ୍ଧା ଓ ଖଣ୍ଡପଡ଼ା ଆସନ ପାଇଁ କଂଗ୍ରେସ ପକ୍ଷରୁ ପ୍ରାର୍ଥୀ ଘୋଷଣା କରାଯାଇଛି। ପିପିଲି ପାଇଁ ଦଳ ପକ୍ଷରୁ ଅଜିତ ମଙ୍ଗରାଜ ପ୍ରାର୍ଥୀ ହୋଇଥିବା ବେଳେ ଖୋର୍ଦ୍ଧା ପାଇଁ ସ୍ବାଗତିକା ପଟ୍ଟନାୟକ, ଖଣ୍ଡପଡ଼ା ପାଇଁ ବସନ୍ତ କୁମାର ମହାରଣା ପ୍ରାର୍ଥୀ ହୋଇଛନ୍ତି। ପୂର୍ବରୁ ପିପିଲି ବିଧାନସଭା ଆସନ ପାଇଁ ଦଳ ପକ୍ଷରୁ ଯୁଧିଷ୍ଠିର ସାମନ୍ତରାୟଙ୍କ ନାମ ଘୋଷଣା କରାଯାଇଥିଲା। ମାତ୍ର ବୁଧବାର ଦିନ ସନ୍ଧ୍ୟାରେ ନିର୍ବାଚନ ଲଢିବେ ନାହିଁ ବୋଲି ଶ୍ରୀ ସାମନ୍ତରାୟ ସ୍ପଷ୍ଟ କରିବା ପରେ ଦଳ ପକ୍ଷରୁ ଅଜିତ ମଙ୍ଗରାଜଙ୍କୁ ପ୍ରାର୍ଥୀ କରାଯାଇଛି। ଏନେଇ କଂଗ୍ରେସ ପକ୍ଷରୁ ବିଧିବଦ୍ଧ ଭାବରେ ଘୋଷଣା କରାଯାଇନଥିଲେ ମଧ୍ୟ ଉଭୟଙ୍କୁ ଟିକଟ ଦିଆଯାଇଥିବା ନେଇ ପିସିସି ପକ୍ଷରୁ ପ୍ରକାଶ କରାଯାଇଛି ।